منتديات بنوته - كل شي عن ميك اب الحفلات والاعراس:: حياكم

الســلام عـــليكم

تهيئة البشره قبل المكياج

طبعا اذا بتسوين خطوات الي بذكرها لازم تزيدين 20 دقيقه لي ربع ساعه قبل الوقت عشان تضمنين وجه مشدود وبشره نظره ونظيفه ناعمه ورطبه وقولو باي باي لويه مدهن بنص الحفله وفاونديشن متشقق ويخطط

1

يفضل نسوي سكرب ( تقشير البشره ) عشان تكون نضيفه ونزيل الجلد الميت وتكون البشره صافيه قد مانقدر

http://www10.0zz0.com/2009/09/29/09/430011087.jpg

2

واذا ماعندج وقت للسكرب نظفي ويهج بالتونك عدل والخطوه مهمه بالذات اذا كان في رواسب ميك اب واذا كنتي حاطه ميك اب قبل يعني مثلا بقايا ميك اب الدوام يفضل تنظفين ويهج بالكلينسنغ ملك ( حليب المنظف) افضل بوايد من ( الفوط او الكلينكس مزيلة المكياج ) لانها شوي قويه نوعا ما ويمكن تسبب احمرار او وهالشي نبي نبتعد عنه عشان الميك اب يكون تمام التمام

http://www10.0zz0.com/2009/09/29/09/795381977.jpg

http://www10.0zz0.com/2009/09/29/09/623468797.jpg

3
والخطوه قبل الاخيره اخذي ماي ورد + عبيه بمكعبات الثلج البلاستك الي بالفريزر

http://www10.0zz0.com/2009/09/29/09/391463091.jpg

http://www10.0zz0.com/2009/09/29/09/930392142.jpg

وخليهم لاستخدامج كل مره وهالحركه جدااااا مهمه ليييييييييش ؟؟؟؟
• اول شي ماي الورد ينعم ويهدي البشره ويتركها مرتاحه وبنفس الوقت منعش
والحين بستالون ليش اثلجه ؟؟
• عشان يشد البشره لان معروف الماي البارد او حتى تمرير ثلجه على الوجه كله تشد البشره وتسكر المسامات المفتوحه من بعد التنظيف العميق الي سويناه بخطوه التهيئة
بتقولون لي حجي فاضي ومو مهمه الخطوه بقولج ؟؟
• هالشي جدا مهم لاانها بتمنع ان الويه يدهن لاان المسامات المفتوحه تسبب في افراز الدهن فانتي لمن تسكرين هالمسامات تحمين نفسج من ان ويهج يدهن والفاونديشن يخترب ويخطط ويدهن معاج ،،،

طريقتي المعتمده جربوها وانشالله بتدعون لي

4

واخر ستب من تهيئة البشره اهو الترطيب وااايد مهم وانصحكم بفيتامين اي من بودي شوب اخذي النوع الي يناسب بشرتج

http://www10.0zz0.com/2009/09/29/09/118056320.jpg

اساس السهرات

حبايبي في تقريبا 3-4 انواع

1- الاساس المات ( المات لوك ) ::

الي اهو المطفي غير الامع وهو تقريبا نفس هالصوره جوفي شلون بشره كيم صايره مطفيه ومافيها لمعه ونصيييييحه اذا بشرتج جافه من قلب لاتتبعين هاللوك عشان بيزيد مشكلتج وببين جفاف ويهج

http://www10.0zz0.com/2009/09/29/09/276603433.jpg

http://www10.0zz0.com/2009/09/29/09/139744044.jpg

وعشان نسوي هالنوع نحتاج لاساس يكون مات من اي مااااركه تعجبج ولازم يكون فاونديشن مات

ومن تجربتي امدح لج كريولاين فيتا كولور بس اخذي المات مو الجلوسي

http://www10.0zz0.com/2009/09/29/09/726998237.jpg

او فيج تستخدمين الكيك فاونديشن واهو اقوى الانواع من المات وطبعا ارشح لكم كريولاين

http://www10.0zz0.com/2009/09/29/09/478614126.jpg

وهالشغله حلوووه اذا تبين مكياجج يكون مات استخدمي هالنوع مثل الجل على كريم ووزعيه بالذات على منطقة التي زون

http://www10.0zz0.com/2009/09/29/09/566377656.jpg

واهيا اكثر المناطق الي تدهن وتلمع

ارشحج لج ماك و ميك اب فور ايفر نو واااااااي يدهن الويه

http://www10.0zz0.com/2009/09/29/09/270490702.jpg

وتستخدمينه قبل لا تحطين الاساس على الويه خليه 5 ثواني تقريبا وبعدين وزعي الفاونديشن

3- Dewish look : اللوك الرطب ومثل مايسمونه لمعة الماي

واهو اللوك طبيعي على رطب واااااايد حلو نتيجته مثل هالصور جوفو شلون على منطقه الخد في لمعه رطبه كأن في الويه ماي شويه

نصيييييحه :: اذ ويهج دهني من قلب ابتعدي عنه بالذات اذا عندج مناسبه وحفله مهمه

http://www10.0zz0.com/2009/09/29/09/681904725.jpg

http://www10.0zz0.com/2009/09/29/09/262642598.jpg

http://www10.0zz0.com/2009/09/29/09/260930578.jpg

وعشان تسوينه بتحتاجين التالي ::

اي نوع تفضلينه لكويد فاونديشن الي اهو الاساس السائل

او

اي نوع تفضلينه من اساس كريمي مثل كريولاين الكريمي تغطيته حلوه للحفلات

http://www10.0zz0.com/2009/09/29/09/179912142.jpg

وبنحتاج اي نوع تفضلينه لوز باودر وافضل نوع للحفلات وعشان يطلع لوكج طبيعي افضل مااااااك عجيب و بعد كريولاين اللوز باودر شغل عدل للحفلات

http://www10.0zz0.com/2009/09/29/09/737164329.jpg

http://www10.0zz0.com/2009/09/29/09/146445879.jpg

وبعد بنحتاج قطنه مبلوله بماي ويفضل ماي ورد كان بالثلاجه عشان يثبت الفاونديشن اكثر

والسر في اللوك الديوي او الرطب انج توزعين الفاونديشن يا ::
بفرشاه توزيع الفاونديشن مبلوله بماي
او
بسفنجه مبلوله وتوزعين على كامل ويهج

او فيج بس توزعين بالاسفنجه الرطبه على منطقه الخد بس وتخلين باقي الويه توزعينه بسفنجه ناشفه او بفرشاه ناشفه

ومن بعد توزيع الفاونديشن نمد اللوز باودر على كامل الويه

الخيار الثاني ::

http://www10.0zz0.com/2009/09/29/09/247600548.jpg

يغنيج عن الخطوات اي ذكرتها كلها فوق اللهم عليج توزعين فاونديشنج من اي نوع وتشترين هالنوع من الفكس سبراي من كريولاين اسمه ديرما كولور فكسنغ سبراي واهو محتلف عن باقي انواع السبراي المثبت لاان ميزته يعطي لمعه الماي على الويه ويتم ثابت طووول الحفله بس انا ماايده وايد مادري احب اللمعه تكون خفيفه وباينه طبيعيه بس في النهايه الخيار لج

النتيجه سوا بسبراي ولا من غيره ::
ان بشرتج صايره رطبه بس لمن تلمسينها تلاقينها ناشفه يعني اهيا مثل خدعه بصريه بس للي يجوف يحس ويهج رطب وفي لمعه الماي

4- الفل كفرج :: او الاساس للتصوير او للحفلات والمناسبات المهمه يعني اكثر للعرايس

الي اهو الفاونديشن ذو التغطيه الشامله وبصراحه انا استخدمه بس للعرايس او لملجه او خطوبه وحده لاان بهاي الحاله بتكون البنيه مركزه الاضاءه عليها وفلاشات التصوير فلازم يكون قوي وميزته يخفي كل العيووووب ويسفلت الويه بطريقه قويه نوعا ما

وافضل الانواع الي تعطيج الفل كفرج اهو نوع الفاونديشن ستك وافضل الانواع الي اداوم استخدامها اهو::

كريولاين فاونديشن ستك :: حتى بتلاقون مكتوب عليه للتصوير السينمائي والتلفزيون ودايم احمد قبيسي يستخدمه لكل المغنيات بحفلاتهم ولا حتى بالفيديوكلبس

http://www10.0zz0.com/2009/09/29/09/333653172.jpg

النوع الثاني يعطي فل كفرج بس بعد في نفس الوقت على طبيعي شويه يعني مايتقارن بكفرج كريولاين اهو انسب للي تبي لوك طبيعي : : اسمه هاي دفنشن ومن اسمه يعني للتصوير والاعمال السينمائيه يعني لنفس الغرض للناس الي مركزه عليهم الاضاءه وللتصوير

http://www10.0zz0.com/2009/09/29/09/622419459.jpg

5- اللوك المخملي ::

وهو الي اعتمده اكثر شي لاان وااااايد حلو من قلب لانه يطلعج بلوك طبيعي وبشرتج تطلع جوناااااان على قولتهم ويصير ملمسها مثل المخمل

نصيحتي :: هالنوع يناسب كل انواع البشره وافضل الانواع من حيث الوك النهائي طبييييعي وناعم

جوفو بشره كيم بلوك مخملي

http://www10.0zz0.com/2009/09/29/09/807561775.jpg

وكل الي بنحتاجه

فاونديشن سائل ( ليكود فاونديشن) من اي ماركه تفضلينها وبالنسبه لي امدح لج هالانواع ::

ماك مينارليز فاونديشن

http://www10.0zz0.com/2009/09/29/09/141895100.jpg

كريولاين شمرنغ فاونديشن

http://www10.0zz0.com/2009/09/29/09/404454759.jpg

كريولاين فيتا كولور جلوسي او مات اهو شوي اقوى من الشمرنغ من حيث التغطية

http://www10.0zz0.com/2009/09/29/09/726998237.jpg

ليكود فاونديشن ميك اب فور ايفر

http://www10.0zz0.com/2009/09/29/09/876838650.jpg

+ اي نوع تفضلينه لوز باودر وتمررينه على كااااامل الوجه

والحين دور خلطاتي ومكساتي السريه

برويكم طريقتي اذا عندج فاونديشن طايح بجيدج من حيث ان تغطيته مو شي وانغشيتي فيه او حتى اي فاونديشن عندج اياه وتستخدمينه للدوام وخفيف برويج اشلون تحولينه لفاونديشن تغطيته اخر تمام ومناسب للاعراس والحفلات والسر في شغله وحده بس

كل الي بتحتاجينه ديرماكول

http://www10.0zz0.com/2009/09/29/09/151718898.jpg

والاساس الخفيف

http://www10.0zz0.com/2009/09/29/09/247247042.jpg

جوفو مثلن انا استخدم لوريال للاستخدام اليومي وباستخدام ديرماكول بحوله لاساس ينفع للسهرات ويدوم وهالكلام عن تجربه

والديرماكول للي مايعرفه اهو مثل عصاره تغطيتها قوووويه من قلب وكثيفه يعني لا تفكرين تحطينه كانه اساس لان بتكونين جنج لابسه قناع او مثل ويه كاسبر بالضبط http://www.bnota.net/vb/images/smilies/21_133.gif نصييييييييحه يابنات لا تستخدمونه كساس

الفكره :: حطو كميه قلييييييييله جدا من الديرماكول لاانه وايد قوي وكميه قليله تكفيج لتغطيه الويه ومكسوها مع الفاونديشن مالكم ومكسوا على اليد وهالحركه بالذات تسخن الاساس وبالتالي يثبت اكثر على الويه

والحين دور الكونسيلر من افضل ماجربت ::

بالنسبه للكونسيلر اخذي درجه افتح من لون اساسج وبليييييييييز لا تاخذين النوع الي ايكم وردي او ابيض او بيج فاتح نهاااااائيا مو حلو وكلش مو طبيعي اللون الصح اهو الاوان المصفره جريب البيج

كريولاين كونسيلر ويل :: شغل عدل واهو كونسيلر وبنفس الوقت يستخدم لنحت الويه

http://www10.0zz0.com/2009/09/29/09/867456782.gif

وعندهم هالنوع الثاني بعد حلو

http://www10.0zz0.com/2009/09/29/09/422596950.jpg

وماك اينن وااااايد حلو واكثر شي يعجبني في هالماركه اهو اختلاف الدرجات واهو تغطيته اقل واخف من كريولاين بس حلو وايد يعطي لوك طبيعي

http://www10.0zz0.com/2009/09/29/09/481383906.jpg

بوبي بروان حلوه تغطيته بس عيبه يخطط مانصحه لكم بالذات للحفلات يعني حده للدوام وبيخطط معاج بعد

http://www10.0zz0.com/2009/09/29/09/365637941.jpg

وعشان يكتمل اللوك بنحتاج هالشغلات ::

وهالشغلات اختياريه فيج تحطين او لا

طبعا امدح الماسكرات الواتر بروف للناس الي تمدع عينهم ووللبنات الي يصيحون بالاعراس خخخخخخ

http://www10.0zz0.com/2009/09/29/09/409200091.jpg

والاهم من ذي كله الرموووووووووووووووووووش التركيب وانشالله بنزل درس صغنون عن كيفيه تركيبهم

http://www10.0zz0.com/2009/09/29/09/267839973.jpg

جلترز

http://www10.0zz0.com/2009/09/29/09/634537889.jpg

وبالنسبه للاساسيات لاااااااااااااااااازم عشان تضمنين مكياجج يدوم اطول وقت

كريولاين فكس سبراي ( سبراي مثبت المكياج )

http://www10.0zz0.com/2009/09/29/09/853045240.jpg

ماك فكس بلس ( مثبت للمكياج )

http://www10.0zz0.com/2009/09/29/10/491269229.jpg

واذا ماعندج عبي ماي داخل اي نوع من المرشات وخليها بالثلاجه ضروووري ورشي منها بعد يثبتلج الميك اب

والطريقه انج ترشين على بعد شويه مو من جريب وترشون تقريبا مابين 3- 4 رشات تقريبا بحيت يتغطى الويه كامل وتحسن مثل رذاذ الماي على ويهج ناااعم

والحين عشان يكتمل الموضوع حطيت لكم خطوات ميك اب سموكي يصلح للحفلات ومايحتاج تفتنتق وسهل وكنت مسويته من فتره وبسرعه بسرعه فسامحوني اذا الخطوات مو واضحه

هاي الشغلات الي بنستخدمها

http://www10.0zz0.com/2009/09/29/10/561833559.jpg

ونسيت اصور كحل اسود سمايلنغ

والخطوات بالصور من غير شرح ،، تعبت وانا اهذر خخخخخ

http://www10.0zz0.com/2009/09/29/10/282172793.jpg

http://www10.0zz0.com/2009/09/29/10/392008304.jpg

http://www10.0zz0.com/2009/09/29/10/890989535.jpg

http://www10.0zz0.com/2009/09/29/10/420036268.jpg

http://www10.0zz0.com/2009/09/29/10/611945467.jpg

http://www10.0zz0.com/2009/09/29/10/999530124.jpg

http://www10.0zz0.com/2009/09/29/10/404158242.gif

وبس

عسا الموضوع عجبكم واستفدتوا منه ومايكون هذره على الفاضي والي عندها اي استفسار انا حااضره والتقيم اذا كان الموضوع يستاهل

اختكم :: قمرهم كلهم