منتديات بنوته - أنت لاطقت براسك حب جيت( تحبني..)..

منتديات بنوته (http://www.bnota.net/vb/index.php)

- الشعر والخواطر والقصائد (http://www.bnota.net/vb/f11.html)

- - أنت لاطقت براسك حب جيت( تحبني..).. (http://www.bnota.net/vb/t7487.html)

أنت لاطقت براسك حب جيت( تحبني..)..

أنت لاطقت براسك حب جيت( تحبني..)
وغبت لامن طقت(( براسك)) غياب وما التقيك..

ياخي إما تحتفظ بي صح ولا (كبني)
ماانت مجبورن علي وماني مجبورن عليك

(شاطر) أنك بس من وقت لوقت تشبني
وتنبسط لاصرت أقول الله يرحم والديـــــك

حس فيني لب أحاسيسي (ونداي) ولبني
شوف أنا وشلون صرت أموت وتعلقت فيك

كن قلبي حالفن ماغيرك( انت) يطبني
فلا تعلقني كذا مابين أحبك وأحتريــــــك

خلني بينك وبين الصدر اعيش( وخبني)
ولا تطلعني لأني لو طلعت اصلن( بجيــــــك)

لاتجاملني بوجه ومن وراي( تسبني)
ولا تسوي لي متيم وانت تخفي( مالديـــــك)

مانت ناقص تربيه حتى تقلي( ربني)
وأنت مثبت لي من أول تربية( أمك وابـيك)

لو أنا ماني بكفو اتركني عنك (وكبني)
وأعتبرني مرحله وأغسل من الرجعه (يديــك..)