منتديات بنوته - لحظه ترى ماجيت اقدم لك اعتذار

منتديات بنوته (http://www.bnota.net/vb/index.php)

- الشعر والخواطر والقصائد (http://www.bnota.net/vb/f11.html)

- - لحظه ترى ماجيت اقدم لك اعتذار (http://www.bnota.net/vb/t7486.html)

لحظه ترى ماجيت اقدم لك اعتذار

لحظه ترى ماجيت أقدم لك أعـذار
لحظه !! وبعدها سوي اللي تسوين

لحظه بصحِّح بيننا بعض الأفكـار
وبقول لك حاجه قبـل ماتقوليـن

لا تحسبيني بنثر الدمـع أنهـار
وإلا أترجاك وأطلبك ما تروحيـن

روحي عسى دربك بساتين وأزهار
روحي وغيري بالمخاليـق تلقيـن

صحيح لك بالقلب حشمه ومقـدار
لكن شسوي لـك إذا مـا تحسيـن

لي قلب لامنه عشق حيـل مـدرار
ومن الغلا عنـدي يكفـي ملاييـن

بس إن لقى صد وجفى صار جبَّار
وأقدر أفارقك وأهجـرك لاتخافيـــن

يابنت أنا لي عزتي وبآخـذ الثـار
و بنصحك لا رحتي إصحي تنادين

ماني براجع لاتقولين وش صـار
لاتسأليني ليـه ؟ أنتـي تعرفيـن

وأنتي رصيدك بالغلا عندي أصفار
ماهو بذنبـي ماعرفتـي تحبيـن

وكل الذي لجلك كتبته من أشعـار
والله خسـاره فيـك ماتستحقيـن

حتى صورتك اللي من العام تذكار
بادوسها وأنتـي قدامـي تشوفيـن

ياما عطيتك ألـف إنـذار وإنـذار
أقدر أفارق قلـت لـك لاتحديـن

واليوم أنا ليه أتعب النفس وأحتـار
دامك جرحتينـي وكنتـي تسليـن

إن كنت حي ومن طويلين الأعمار
لجرح بدال الجرح تسعه وتسعيـن

والحين يالله خلي دموعك أمطـار
وبضحك طول ما أنتي تصيحيـن