قبل لا تروح هاك إقرا رسالة حب كاتبها
أبيّن لك بها شي ٍ عجز لا يقوله إلساني
لساني ما يطاوعني لا شفتك قمت أغص إبها
وأنا معذور ويعذرني بها من عاش وجداني
لأني خايف ٍ من كلمتي وأخشى عواقبها
أخافك بالخطا تفهم معانيها وتجفاني
لاجل هذا كتمت الشوق لين الحال حل إبها
من الكتمان شر وشوف إذاك تريد برهاني
ثلاث شهور بالساعات باللحظات أحّسبها
تجي وتروح ما تدري حبيبي إنك الجاني
صبرت وياعساك إتحس باحاسيس ٍ أحس إبها
صبرت وآه من صبر ٍ تزود إن زاد أشجاني
حبيبي كلمه وأعلنها بعال الصوت أصيح إبها
أحبك لو يطول بي المدى ما بدّل بثاني
أحبك حب لو قسّم على هالناس زاد إبها
يكفي الناس كل الناس قاصيها مع الداني
وأخيرا" يا عديل الروح روحي لا تعذبها
كفايه لا تجاهلني ترى اللي جاني أكفاني