|
قصيدة الخمره جبت لكم قصيده تجنن اسمعوها واحكموا للشاعر جابر هايف العتيبي http://www.youtube.com/watch?v=aS0JnDLaNZY إليكم القصيده ياجماهيري وهي خطره وخلوا هالرقابه تسجن الشاعر وجمهوره هدوءً ايها الساده حضور الحفل والسهره مساء الخير على الصاحي واشوف الناس مخموره انا اسف على الازعاج ولكن طارت السكره ذكرت اني قبل ساعات اصيل وعزوتي نوره على فكره الكرفته عجزت افكها عسره ابي واحد ينزلها او اي وحده ومشكوره وابي ثوبي جيبولي ثوبي الأشهب مع الغتره قبل والله لأطربقها على هالحفل بحضوره ولا واحد يتكلم قبل مااخلص النشره ومن يحكي قسم بالله لأدوس برجلي حنجوره تراها قفلت ياسادة بلادي وياستره وهي مادامها خربت بقول الليله الثوره انا بحكي من اول يوم جيت لدنيةً قذره وتكرم عن قذارتها بيوت الله ومعموره انا مولود في ليلة شتاء مع بردها مطره في خيمه وسط صحراء مابها سستر ودكتوره انا ياحضرة الساده غريب وضاع من صغره لعن جدي زماني بين مدهوره ومهجوره حملت من الشقا مالايطاق وجايكم ذكره ولاني عاجز اتحمل واموت بنفس مقهوره وانا ادري يذبح الرجال كثر الصبر في قهره وعن قهر الرجال المصطفى حذر ومذكوره وهم قالوا مفاتيح الفرج للحي في صبره وانا اشوف الصبر مفتاح ضاع وزاد طابوره تعبت الملم ايامي بيدين الهم والحسره تعبت المع البرواز وامسح غبرة الصوره تعبت ابوس كف الجوع وخشم الفقر طال عمره تعبت اكذب على الحاجه واقول الحال ميسوره تعبت احمس من القهوه واحط السمن والتمره تعبت ودلتي وحده وكل شوي منثوره احسب العز بالدله وبيت النذل بها عشره دلاله اكثره ملعون ومليانه ومسطوره انا بحكم البداوه انزرع في داخلي بذره عن علوم المراجل الف بذره فيني مبذوره تربينا على الدين ونطيع الله مع شكره تعلمنا نصلي ونحفظ القرأن وكل سوره تعلمنا نحب الضيف وفينا الكرم فطره تعلمنا نقول الصدق لا لفه ولادوره تعلمنا نحلب النوق ونعرف وشهي البكره تعلمنا الضمى وحنا بيدين البير محفوره تعلمنا وكثير اللي تعلمناه وش كثره اخذنا درس بالدنيا بلادفتر وسبوره وانتم ياسكارى الحفل عفواً ايها الزمره منو فيكم عرف قهر الزمان وظلمه وجوره منو فيكم وطاه الجوع وذله وصفقه فقره منو فيكم عرف يحتاج لللقمه ونشف زوره منو فيكم من الضيقه حفر بأصابعه قبره منو فيكم رقد ليله وسط اجساد مقبوره منو فيكم مشى حافي برمضاً كنها الجمره منو فيكم سهر بليل الظلام بدون ابجوره منو فيكم ماطاح الفين مره وسلمت الجره وانا من قبل اطيح وجرتي بيديني مكسوره لكم المأ والوجه الحسن والمال والخضره ولنا حنا الضمى والجوع وفقر وشيفة عورا ولامره حظي ضحك بوجهي واشكره مره وغيري مبتسم حظه وكل ايامه مسروره كتبت الشعر من صغري وبيوتي مابها كسره وانتم تبرزون اللي كتب بيتين مكسوره انا ياحضرة الساده فقيرً مااغتنم شعره مدام المومس اللي تشري الاشعاار مشهوره وانا ياحضرة الساده هينا الليله وعلى فكره ترا هالبدله مسروقه ورجلي بجزمه محشوره ولكن قلت ابحضر هالحفل والعمر ابختصره وابي ابدع معاكم وسط ليلة انس ومحضوره واذا كانت رجولتكم بكاسة ثلج والخمره انا بشرب بدون الكاس وثلجه الف قاروره ابويه قال لي مره دسم شاربك بالغبره مايدري بالشنب محلوق وجابر فاقد شعوره انا بمشي مدام الليل ودع وابتداء فجره بروح ارد هالبدله على هالمعلاق مزروره وانا ادري ياحضورالحفل اني بسجن بكره مدام الليله جبت العيد بهذا الحفل وحضوره هاه وش رايكم |
رد: قصيدة الخمره انا بمشي مدام الليل ودع وابتداء فجره بروح ارد هالبدله على هالمعلاق مزروره صح لسـآآنكـ الله يعطيك العافيه يااقمر نتظرجديدك وذوقك تقبلي مروري//خفآيآ آلروح |
رد: قصيدة الخمره تعلمنا نحب الضيف وفينا الكرم فطره تعلمنا نقول الصدق لا لفه ولادوره رووووووووووووعه ولاهي غريبه على جابر هايف شاااعر مبدع ولاعدمنا هالذووق اختي ابدعتي بطرحج تقبلي مروري وودي |
رد: قصيدة الخمره مشكوره على النقل حضووووووور رااائع له مذاقه الشاعري المتمييز نص راقي وشااعرية تستحق التصفيق أسجل اعجابي بعطاءك الشعري وتقبلى تواضع مروووري ولكى تحياتي |
| الساعة الآن 06:59 PM. |
Powered by vBulletin Version 3.8.8
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009