الورقه الي جننت البنات...

03-12-2010, 04:46 PM

انا : ~ضحكهآ هيبة بكاهآ~

اضفني كصديق

:D:mfr_lol:السلام عليكم ورحمة الله وبركاته

اقروا القصه انشالله تعجبكم

تحياتي لكم

الـورقة الي جننت البنات ...!!

يقولك فيه عجوز على فراش الموت وما عندها إلا ولد واحد .... وهي على فراش
الموت
قالت له وصية

خذ ياولدي الورقة هذي ... وأي بنت تشوفها ( بأي مكان ) إفتح لها الورقة ( وخلها تقراها )
وياويلك (( إذا قريت اللي فيها )) أنت ما تشوفها
ماتفتح الورقة .... إلا إذا وافتك المنية ... وقربت تموت
قالها إبشري ....... وماتت الأم <== الله يرحمها
حزن الولد حزن شديد .... وضاق صدره

بعد مده ..... قال لازم أنفذ وصية أمي
طلع للشارع .... وبالصدفة وهو مار من عند ( محل كافي )
قال يالله ... اضرب لي فنجال قهوة أعدل الراس فيه
دخل المطعم ........ طلب قهوة
جت له الجرسون ( بنت ) ... وقدمت له القهوة
وهو يشرب القهوة ... قال ليش ما أوريها الورقة ... فكرة والله
قام أخينا بالله وفتح لها الورقة

البنت على طوووووول ... قامت تصارخ عليه
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل

الرجال .... اعتفس واتخسبق... مايدري وش السالفة
جاء راعي الكافي .... وطرده
المسيكين ضاق صدره ... وحزت في خاطره
قال أكيد البنت هذي مجنونة ... أكيد فيها شي

طلع من الكافي ... ومشي في الشارع ... وبالصدفة لقى ملاهي ... قال أبي أدخل فيها
دخل الملاهي ... وراح يلعب فيها
راح إلى لعبة تصادم السيارات <=== يحبها من يوم كان صغير
مالقى ولا سيارة فاضية .... شافته بنت ... قالت له .<. تعال إركب معاي
الرجال إنبسط ... فرح ... ركب معاها ... وقام يلعب
وسواليف ... وفله وحجي .. وسعه صدر
وبالأخير .... عزمته على آيسكريم <مثل بعض الناس .... إنهبل ... ماصدق خبر
راحوا يشترون آيسكريم ... وقعد يسولف معاها
قال أبي أوريها الورقة ... أكيد تختلف عن البنت اللي في الكافي ... فتح لها الورقة

البنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
يا يا يا الخ... وهج منها

مسكين الرجال ..... مايدري وش الطبخة
ونفسه يقرأ اللي في الورقة ... لكن أمة ... محذرته
راح للبيت ... مر على مطعم ... قال ليه ما أتعشى
طلب عشاء شوارما.... زحرهاا فيها بالبيت ... وشبع
بالليل عوره بطنه ... قام يتوجع ... الظاهر فيه ( زايدة )
طار للمستشفى ... سووا له عملية زايدة
يوم صحى من النوم ... شاف الممرضة قدامة ... قال أكيد هذي تختلف عن الباقي
هي بترحمني ... أنا مريض ... وراح تعطف علي
وقام أخينا بالله ... وورها الورقة

البنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
وقومي وأحذفيه من الدريشه<مسخره ها لاادمي

إنهبل الرجال ..... جن جنونه .... قال مالي قعده بالبلد هذي ..... أكيد كلهم البنات مجانين
مالي إلا السفر ..... خارج الديرة هذي
قص تذكرة على اول رحلة خارج البلد .... ركب الطيارة
وقعد في الكرسي ... جت المضيفة تخدمــه <== بنت ... أنتم عارفين وش بيسوي لها
جابت له العصير ... وقال بإذن الله راح اوريها الورقة
أكيد هذولي البنات .. طبقتهم فوووووق ... لأن مستواهم عالي ... ومحترمين

فتح الورقة لها .......... والبنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل

والله لأنادي لك السوبرفايزر ... أشتكيه عليك
جاء السوبرفايزر ... وسمع القصة من المضيفة
قال ..... أبداً .... أبداً .... مالك قعده بالطيارة هذي ... أبداً
ما فيه إلا حل واحد ........ مافيه غيره .... نرميك من عند باب الطيارة <==مسكن ها المخلوق وين مايرضربها عوجه

إنهبل الرجال وإنفقعت مرارته .... ومسكين ما يدري وش الطبخة ..... قال لهم معزمين تقطووني من عند الباب
قالوا اي ... من عند الباب ... قال شكواي إلى الله
اللهم إني أنفذ وصية أمي ...... طيب ... أنا عندي طلب ممكن ...... قالوا تفضل

قال لهم ... وأنا واقف عند الباب .... قبل ما تدفوني على الأرض .... ودي أقراً الورقة
لأني سالفة أمي كذا وكذا ... وقالهم إن أمة موصيته إنه مايقرأ الورقة ... إلا إذا جاء يموت
وهو أكيد راح يموت لأنه بيطيح من الطيارة

الزبدة ... وهو واقف على الباب ومفتوح الهواء قوي ... عجزوا يسوقون الطيارة
وعلى وشك إنهم يدفعونه عشان يطيح .... فتح الورقة ..... عشان يقراها

أخينا بالله أول ما إنفتح الباب ... فتح الوررقة

وش صار له
طارت الورقة
ودفعوه من عند الباب وطاااااح

ومات المسكين وهو ما يدري ويش في الورقة
وأنا بعد .... ما أدري وش فيها

والي بيعرف شنو كان في الورقه شااطر هي هي

يا حرااااااااااااااام ......مسكين كان خووش رياال الله يرحمه

حرقت اعصابكم صح

مع تحياتي . شاربه بيره و مضيعه الديره

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
قريبا	بقلم :	قريبا	قريبا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحداك تستحمل (( بنااات لعبهم قتلهم ))	صدى الالم	ڪآن يآمآ ڪآن	15	12-10-2010 09:34 PM
الورقه التي جننت كل البنات وماسرها؟؟!	قلب وحيد	وسـعُ صدرڪ	9	10-28-2009 10:36 PM
لو البنات هم الي يخطبوا..ايش بيصير؟؟	قلب وحيد	وسـعُ صدرڪ	0	02-03-2009 01:09 AM
البنات اذا بغيبون يغيبون؟؟؟ لا يفوتكم حركات البنات	صمت الشوقٌ	وسـعُ صدرڪ	4	01-28-2009 07:38 PM
شوفوا حركات البنات ؟؟ نزلت هالموضوع عشان البنات اللي عندنا واهمهم طيف انسانه؟؟	سلطان الحب	وسـعُ صدرڪ	6	06-14-2008 07:21 PM

الذين يشاهدون محتوى الموضوع الآن : 15 ( الأعضاء 0 والزوار 15)

الورقه الي جننت البنات...

ڪآن يآمآ ڪآن