|
حلم القلوب http://s5.directupload.net/images/100119/2koekfg4.jpg حلم القلوب دبلت قلوبنا زى أوراق الخريف أشواقنا غرقت تحت امطار الشتا و لقينا روحنا لوحدنا وسط الطريق تايهين و مش عارفين نوصل لفين ولا متى و فى الطريق نامت قناديل المسا و سط الضباب دقت قلوبنا على أبواب ورا أبواب دقات قلوبنا على البيبان إتكسرت أحلامنا تعبت مننا و صبحت سراب كان نفسها تلقى الدفا فى حضن الهوى كان نفسها تسال سؤال تلقى الجواب صوتها إتخنق تحت المطر من غير صدى فى زمان لا فيه أصحاب ولا أحباب بردت قلوبنا فى الشتا بعد الخريف متشوقه لدفا الربيع و نسمة صيف كان نفسها إن الحبايب يسكنوا فيها و يفرشوها بالورود و يغسلوها بالندى و لسه صابرة على الفراق متشوقه وأملها فى الفجر الجديد اللى إبتدى وتقول أمانه لو الربيع فات من هنا وصوه يخضر حلمنا يلون زهرنا يمكن قلوبنا لو الربيع قرب لها تنسى الخريف ويا الشتا و تنسى قسوة عمرنا يحضنها تانى نبض دافى معاه تعيش دفيانة فى حضن الحبيب مطمنة |
| الساعة الآن 04:20 PM. |
Powered by vBulletin Version 3.8.8
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009