|
أكلة لذيذة حق البلعــــات فقط السلام عليكم شلونكم شخباركم شمسوين انشالله تمام شخبار الأهل....إلخ المهم يا جماعة عندي أكلة حلوة وتشبع صراحة وآنا طبختها وطلعت حدها مينوووووونة الأكلة اسمها رولات الدجاج Chicken Rolls.. جاهزين؟ بسم الله الخطوة الأولى: ابيكم تييبون اول شي خل وليمون وفلفل اسود وثوم مهروس وملح تخلطونهم مع بعض طبعا الخل والليمون 3 ملاعق كبيره اما الباجي نص ملعقه الخطوة الثانية: تشترون صدور دجاج على حسب عدد الاشخاص وتقصونه شرايح (يعني شرائح باللغة العربية) :D والشرايح ياجماعة لازم يكونون ضعاف شوي لأن راح نسويهم رولات ، وبعدين راح تييبون طاسه كبيرة وتحطون الدياي وتصبون فوقه الخلطة الاولى وتحطونه بالثلاجة مدة نص ساعه بس 1\2 ساعة وعلى ما الدياي يصير برونزي عقب الكريمات اللي حطها ابيكم تشغلون روحكم بجم شغلة واهي راح تكون بالخطوة الثالثة. الخطوة الثالثة: ابيكم تييبون بصل وثوم وتقصونهم شرايح وتخلونهم بروحهم على صوب، ابيكم بعد تييبون كل شرايح طبعا وانتوا تقصونه مو الخدامة المهم ابي تقصون بطاط وملفوف وفلفل اخضر أو اصفر أو احمر أو كلهم عادي وجزر وتحطون اول شي بس البصل والثوم عالنار لما يتحمرون بعدين تحطون باجي الخضار كلهم وتحطون بهارات على كيف كيفكم مثلا كركم وزنجبيل ناعم وكمون وفلفل اسود واهم شي مكعب الخضار لاتنسونه وتخلطونهم كلهم. الخطوة الرابعه والاخيره: طبعا على ماقصيتوا الخضار وخلطتوهم مع بعض اكيد مرت نص ساعه فالحين اطلعون الدياي وتييبون جبن شرايح المربع عرفتوه؟؟ أيوووووا هذا ، تقصون شويه وتبطلون الديايه وتحطونه داخل الدياي حتى لو الديايه صغيرة أو مو مرتبه عادي حطوا شويه من الخضار مع الجبن ولفوا الديايه حتى لو يطيحون الخضار عادي المهم لفوا الديايه وحطوها بالبايريكس (الصحن الزجاجي اللي تحطونه بالفرن) وهكذا... لما يخلص كل الدياي وتحطونه بالبايريكس تصبون فوقه كريمة سائلة قوطي واحد بس وتحطونه بالفرن نص ساعه ولما اطلعونه هم صبوا فوقه بعد كريمه سائلة وبالعافية يميعاااا ونسيت اقول كل واحد يجهز رقم الطواريء احتياط [/B] :D |
اول شي يعطيج العافيه اختي بلاليطوو على الاكله الرائعه .. يمي يمي .. انشالله بسجلها وبطبعها عشاان امي تسويها لمن ارجعً الكويت .. وتسلملي الطبخه شكلها مغري .. بس تدرين لو سووت فبطنىىا شي رااح انسيج اسمج يا بلالييط الفقر :P كشموره .. كشمووره .. وانشالله الكل بيسوي الطبخه وقولولي رايكم يالي بتسوون الطبخه لاني صج يوعااااااااان .. وشكراأ مره ثانيه بلاليطو وعلى ربي لا يحرمنا من مشاركاتج وردوودج الحلوة يا بصل :P<< قصدي يا عثل :) تقبلي تحياأاٍأتــي . . اعًـ،،ٌـادهً شنـ،،ٌـقٍ ^.^ |
لووووووووووووووووووووووووول الله يعافيك انشالله...... لا تخاف انشالله مايصير فيكم شي ويارب ترجع بالسلامة والله يخليلك أمك حقك عشان تطبخلك يالبلعة : D ... بالعافيه |
أختي الغاليه بلاليطوو يم يم تسلم ايدج تسلمين على هذى الطريقه الرائعه ويعطيج العافيه يالغاليه على المشاركة تقبلى منى خالص التحيه والاحترام بنت البدو |
تلسم ايدج يالغلااا خوش اكله مبين هممم هممم |
بالعاااااااااااافيه عليكم انشالله كل ما اسوي أكلة وتطلع حلوة راح أحطلكم اياها هني عشان تبلعون يالبطااااات ;) أزبطكم آنا |
تسلمين على الطريقة حبوبة |
العفو حبيبتي وانشالله راح أييبلكم بعد أكلات لذيذة... يمي يمي:p |
يامعوده مو ناقصه اتطلق خلينا على العيش والمرق والدجاج واللحم او السمج او الربيان وايد ارحم اللي اعرف اسويه ارحم والله من اني اقعد اجرب عليه مسكين كافي تحملني اول شهور الزواج الاكل معجن وفيه ما ومختبص وحالته حالته والمسكين عشان مايزعلني ياكل وبطنه يعوره اما الحين لا يبا السالفه مافيها احم احم يما ارحميني اولا طلاق ثانيا اسعاف لايما اعذريني المهم انتي كليتيها بالامانه جربتيها؟؟؟ جاوبي بصراحه بلوطه<<<<<<<<<<<< |
والله يامسودنه انا من اول مرة سويتها طلعت حلوة والله مو غشمرة يعني مايبيلها واحد فنان يسويها حتى الرياييل يقدرون يسوونها وانتي جربيها بالليل مثلا طلعي اي شي احتياط اذا اختربت بس ما اظن ماراح تظبطينها لا اطوفج حلوة كليتها انا وصارت اكلتي المفضلة رقم 2 :D على مسئوليتي جربيها بس سويها بالضبط وشوفي وانشالله تضبط معاج.. واذا عصب عليج عطيه كاكاو السنتر:D ههههههههههههههههههههههههههههههههههههههههههههه ههه |
| الساعة الآن 10:31 PM. |
Powered by vBulletin Version 3.8.8
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009