يامرحبا والضيف جانا وشرف
 

يامرحبا والضيف جانا وشرف
ضيف يهل بطلة غير طله
لا من وصل معروف لا ما يعرف
شهر رمضان وكل مسلم يدله
شهر كريم وكل خير تطرف
يم اليدين الباسمه تبتهله
مكسب كبير ومثل ورد مظرف
هدية المولى لى لمؤمن على الله
فيه الكباير والصغاير تصرف
الله غفور وحظ منهو غفر له
كنه جناح الخير جانا وعرف
خيره كثير وحظ من يستهله
والخاسر الي ما عرف له وحرف
جنب طريق الخير ضيع محله
انا اشهد انه خاسر العقل خرف
يتبع هوى شيطان ذله وزله
يصبح عديم لو تخيل واترف
في وقته اللي ضيعه ما ستغله
حيوا معي شهر كريم وشرف
للمؤمن اللي يحسبه غي طله

صح لسانج ومشكووووره على هالقصيده وننتظر جديدج

ومراحب فيج يالغاليه وبطلتج علينا وبجد ابدعتي بالكلمات

تقبلي مني كل التحيه

عاشت والله صح لسانج

سلمت اناملك القيمه في اختيار الاجمل من الكلمات
الرائعه بنظري اختيار موفق دام قلمك المبدع


تقبلي مروري وكل ورودي

صح لسانج ومشكوره على الطرح الرائع