منتديات بنوته - *•:¨_:: تفاخر لعنبو غيرك ::

مساء يليق بكل اعضاء

لكل أحبتي اعضاء المنتدى اقدم لكم ذائقه شعريه ,, , اتمنى انها تنــآل ع إعجابكم 000

اممممممممم قبل الأبيـآت .. دعواتي لكم بحفظ الكريم واترككم معهــآ 000

غريبـه يامعاندنـي , تجـي واتقـول جـاك امـنـاك
.................تجـي يوميـن ثـم تبعـد , وقصـدك بـس تذبحنـي

غريبـه كـل هالعالـم , تلفّـه لــف فــي يمـنـاك
................ولا لك بيـن كـل النـاس , غيـري وانـت خابرنـي

تعوّذ من بليـس وهـاك , دام القلـب , راضـي هـاك
.........( عراق ) القلب واسكن ( دجلته ) , واحتـل واشربنـي

أنـا والله لـولا الله , وخوفـه قلـت لجـل ارضــاك
....................وحبّـك جيـت فـي الدنيـا , ومِـنـك الله خالقـنـي

أنا ( قارون ) برموووشك , وانـا ( فرعونهـا ) لـولاك
.............انا المذنب , وانا المؤمـن , بشوقـك وانـت تكفُرنـي

أنا يجتاحني رجفه , لو اسمـع بـس , وقـع اخطـاك
...............اجل وش عاد لـو شفتـك ؟؟ , حشـا , والله تموتنـي

أنا لو سلهمت عينك , بعينـي , قلـت لـك ( نفـداك )
......................أنـا داخــل بـوجـه الله , ووجـهـك لا تضيّعـنـي

انا من وين ماوجهـت وجهـي , فـي الوجيـه ألقـاك
...................أحـس انـك تبعثرنـي , ولا ادري كيـف تجمعـنـي

أجي لك شرق يسرقنـي , جنوبـك , وانسحـب منّـاك
...............وأجي لك غرب يسرقنـي , غروبـك وانـت تشرقنـي

أحـس انّـك معـي دايـم , واتـوه بعالمـك واحيـاك
.................وافوق احيان واتسائـل , لـك الله كيـف سخّرنـي ؟؟

تفاخر ( لعنبوا غيرك ) , ترى غيـرك , يمـوت اهنـاك
........................وربـي ينتظـر كلمـه , وأصــد وهــو يكلمـنـي

ومادام الله عطا لـك شـي , فاشكـر واغتنـم ماجـاك
.....................ومـادام اتشوفنـي ساكـن , نصيـحـه لاتحرّكـنـي

أنا لو قلت لك بانسـى , ورب البيـت , صـدق انسـاك
.....................لذا : , لـو شفتنـي بانسـى , فانـا طالبـك تمنعنـي

واذا قـررت تمنعنـي , وشفـت ان القـرار أعـيـاك
......................مـا بيـك اتقـول وش تبغـى , تـرى والله تضايقنـي

انَـأبغى ؟؟ , قول وش ما ابغى !!, على بعضك كذا أبغاك
..........................ولعيـونـك , باخرّبـهـا , واذا مجـنـون قـيّـدنـي

أنا ابغى كل مايطـري , عليـك اسمـي يهـز اقصـاك
......................وابيـك ان شفتنـي مذنـب , بحبـك تـوب واغفرنـي

أبيه ايصير فـي عينـي , منامـك والرمـوش اغطـاك
.....................وأبيه ايصير فـي عينـك , منامـي وانـت تسهرنـي

أبيـك ان قالـوا الشاعـر , تقـوم اتـفـز دون ادراك
.....................أبيك اتحس بـي دايـم , أنـا اقصـد وانـت تسمعنـي

وانا شاعر مـادام انّـك , مـن الغاويـن بـس أهـواك
.....................تقول آقول مـالا افعـل ؟؟ , بسيطـه , بـس جرّبنـي

وقـل مجنـون لا يسمـع , ولا يفقـه , وانـا اتحـدّاك
......................ايلا منّي نويت انسـى , باشـوف اشلـون تمنعنـي

حبي وامتناني