منتديات بنوته - يقولون قلبي زادت فيه النوايب ... فياليت الفرح هو دوا قلبي وطبيبه ,,,, يديد أشعاري

السلام عليكم ورحمة الله وبركاته

كيف حالكم يا خوان ,, عساكم الا بخيروسهاله

صح اني قطعت عنكم بس انا رجعتلكم وان شاء تعجبكم هاذي القصيدة

تعـــــــودت جروحي علـى كل المصــايـــــب
وكــــل المصايب من وسط قلبــي قريـــبـــه

فينــــــي من الهموم كل العجب والعجايــب
وكــــل ذيج الهموم على راسي مصيـــبـــه

أشـــــــوف الهموم من وسط قلبي قرايـــب
ومــن الهموم حالة النفس حاله عجـــيـبــــه

كـــل الهبوب من نسايم همــــي هبايــــب
وذيـج النسايم ماهي على قلبي بغريبــــه

علــــــى أيام الحزن أيامي أنـــا خرايــــــب
وعلــــى هم قلبي دنيايه أنـــــا مريـــــبــه

كــــــل الهم من أعواق قلبــــــي سبايـــب
ونــــا طعم الفرح أدور مـــن وين أجيـــبــــه

فـــــي زمان الشقا الفرح فيــــــه غايـــــب
وفـــي كل الأمور كل أيامـــــي كئيبـــــــه

ودع قلبي الزمان وصار القلب شــــــايــب
وعلى كبر قلبي الهم بسهامه يصيـــبـــه

في دنيا الهموم صار الوقــــــت خايــــــــب
والهم في قلبي صار محــــــــدن يعيـــبــه

صار قلبي مع ذكـــرى الهــــــم ذايـــــــــب
وكل الهــــــم لــــــه معانـــــــــي ذريـــبــه

يبات الشقا من وسط قلبي شـــرايـــــــب
وفرح قلبـــــي عيــــا يــاخـذ نــصيــبــــــه

صار قلبي للشقــــــا من أغلى الحبايـــب
والسعــاده صارت لقلبي بقايــا حبيبــــــه

يـــــاز الفرح عـنـــي وصـــــار تايـــــــــب
وصار قلبــــي للهموم أرض خصـيـــبــــه

من جفن عيني دموعي صارت صبـــايــب
تبكي على من صار للقلب منيه صعيــبــه

كل الفرح من فيــــض دمـــي سكــايـــب
ومن طعنات الشقا أيامي أنــــا عصيـبــه

أنا قلبي ما انكسر من كثر الصعــــايــــب
وعلى صبر قلبــي أنتظر فرحــــي يثيبـه

لكن فرحتي ضاعت فــــي دنيــا الغرايــب
أفرح ثواني وبعدها دموعي صبـيـبـــــــه

آه كل الهنا فــــــــي دنيتــــي ســــرايــب
والشقـــــا فينــــي ولا أحـــــــد يدريـبــه

يقولون قلبـــــي زادت فيــــه الـــنوايـــب
فياليت الفرح هو دوا قلبي وطبـيبـــــــــه

لكن الفرح اندفن في وســط التـــرايــــب
وظاع من هو يداوي القلب ويطــيــبـــــه

آه يوم ليلي كلـــه ممتلــــــــي ضبايـــــب
يشجيني ليل الضباب ودقات قلبي طريبه