منتديات بنوته - ناصر الفراعنه

:sm5:طبعا كلنا نعرف ناصر الفراعنه السبيعي ...

حبيت اليوم اجيب لكم قصيده من نوع اخر وهي مكتوبه من الجن عن طريق الشاعر

والقصيده بعنوان ( نوت و ملوك الجن ) ونوت هذي الجنيه اللي كان يحبها الجني ( كاتب القصيده ) انشالله اجيب لكم شرح الابيات قريبا ... الله يكفينا شر الجن

على قبر اليتيمه نـوت ثوبـي بالخـلا شقّيـ ** تذكرت الله وشبّت في ضلوعـي حـربٍ أهليّـة

عقب وِتْر السبع والخمس والتسبيـح والتسميـت ** طيور الما على سلمـى تغنّـي طـاق طاقيّـة

على باقي عرَق ساقي زجاجـة كاهـنٍ شمّيـت ** على قِرْنـة حجاجـه نجمـة السِبْـط اليهوديّـة

على الجنب التهامي لبّسوني خرقـةٍ فـي زيـت ** لالى مثل واري جمـرةٍ فـي حـوض صفريّـة

على ساقة ملوكٍ من بـلاد الرافديـن أضحيـت ** أركّب سـنّ واقلـع سـنّ لـو مالـه ولا ليّـه

وفي ريشة جناحٍ من حمـام الأخشبيـن ادويـت ** امّذْرِع شـان واقـرع شـنّ وآبرقـع نصيريّـة

وعلى ظهر النعامة سافروا بي سبعةٍ مـن هيـت ** إلى أعتى شعـوب الأرض الادنيّـه والاقصيّـة

ذبحت العبد الادريسي ونِجْـل الطاغية:حِبْرِيـت ** بأرض المغرب الأقصى طبخت من اللحـم نيّـة

على تابوت نوت احيا واموت افنيت مـا ابقيـت ** ضربت الطار واجتاحـت عبيـد الـزار كونيّـة

على قبر اليتيمة نوت أجـدّد حسرتـي لا جيـت ** وأقبّـل ضاحكـات المـوت تحتيّـة وفوقـيّـة

على شانك يانوت اعميت خطلان البشوت اعميت ** أقـارع كـل ذو سِـدْنٍ وذو خِـدْنٍ وكوفـيّـة

على شانك ينوت ادميت روس الخاينيـن ادميـت ** أسرّج مِـرْج أمـرّج سِـرْج علويّـة وسفليّـة

على شانك ينوت اضرب بحدّ مْصقّـلٍ إصليـت ** وكدنـا ننتهـي لـولا خيانـة عـيـد الألفـيّـة

خبيثٍ من بني قومي سقاني حامـض الكبريـت ** قرَت وسطه عجوزٍ من ذوي حضـرم ظفاريّـة

وبسم اللي لهول اسمه تزلـزل منبـر السوفيـت ** نحَرهـا اعلـى ظهرهـا جُبّـةٍ بالسـمّ مطليّـة

ثلاث دهور اصارع نافثات الـزرو مـا ذلّيـت ** أغيّب شمس وادفن رمْـس والأصنـام مرميّـة

ثلاث ازمان أداقش مسرجات الجانّ في تكريـت ** ثلاث ازمان تمْرخ لـي ملـوك الجـانّ رجليّـة

ثلاث سنيـن اعافـر نافخـات الطيـن ماولّيـت ** ثـلاث سنيـن أكفّـن قاريـات التيـن بيـديّـه

وثلاث شهور ألاعي نازلات الطور مـا ملّيـت ** اجاوب جنب خيمـة ضاربـات الطنـب طبليّـة

وثلاث ايّام تنعاني سرايـا يـام ليـن اصغيـت ** أقدّم كـوع اوخّـر كـوع يـا بيّـي ويـا بيّـه

لذي الفيروز سادن معبـد النيـروز مـا لبّيـت ** لغيـر الواحـد المعبـود مـا أبديـت مـا فيّـه

بوادي برْك طارت بي حراير تُرْك يوم امسيـت ** أعاشر ليـل عاشـر كـل ذي حمـراً نميريّـة

طباين سبْك تدبْك دبّك ساع اقبلت سـاع اقفيـت ** لسرْدٍ شـرْد جـرْد مـرْد اصيّـح كـل قيسيّـة

ببطن القِرْش اعشّي حايمات العـرش ماغدّيـت ** وحرْش الطرْش اورّدها قليب الهرش عصريّـة

بوجه الحوت جلّ اللي خلقني ضيغـمٌ صنتيـت ** هِزَبْرٍ مـا تحـرّك منـه ساكـن ألـف سكنيّـة

ورب البيت ما خلّيت منهـم بيـت مـا هدّيـت ** أهـدّم دور وابـنـي دور والآيــات متلـيّـة

هل المزمـار عبّـادة لسـان النـار والباكيـت ** بني الإفْرَنْج قـومٌ مـن فـروج الزنْـج مبليّـة

بكى سابور ذو الأكتاف في قصر الملك بلْهيـت ** علـى نَيْكـل سقيفـة عابـد الهيكـل ضحاويّـة

تغطرس بِطرس النقرس وجينا له على التوقيـت ** من ارض الفرس وارض الروم جبنا القوم منهيّة

بعمّا والنبا والخمس مـن سـورة سبـأ شدّيـت ** بقوّة مـا تواتـر فـي الليـال العشْـر مكيّـة

أقمنا دولـة الأيتـام مـن حِلّـي إلـى حِلّيـت ** وآخـر عهدنـا مـا أورَدَتْ ليلـى الأخيلـيّـة

وانا ما هاضني فيما على بيض الـورَق خطّيـت ** شجـاعٍ لقّبـوه :أحمد.ولـه شلفـا وشبـريّـة

أعرف أحمد إلى جاء جاء وانا لا شلت ما حطّيت ** تحامينا علـى وضـح النقـا والأرض محميّـة