منتديات بنوته - حــبــيــبــي لاتــوادعــنــي

إذا جازم تبي تسافر رجيتك لا توادعني ..!!!
اخاف قليبي يتكسر بعد شوقك تزيد بعاد

و لا بتقول افهمني بقولك أنت اسمعني ..!!!
تعبت أشقيت لي عمري تعبت افتح هموم جداد

ترا روحي غدت طيرٍ يحلق فوق يرفعني
رجع بي لأول الذكرى لغمزاتٍ تزيد عناد

عنادٍ ينثر الفرحة و بقايا دمع يجمعني
عرفتك صامد الموقف عرفتك للوله شداد

و ارخيت الهوى عندي بأسلوبٍ يطاوعني
بكلماتي و غمزاتي و ضحكاتي تزيد وداد

و انا ادري لو لك الحيلة على هـالأرض ترفعني
تذوق المر و الحالي و عينك تبرق و تزداد

أبسأل بس هالدنيا بلاك أرجووك وش تعني ؟!
أبسأل بس يا روحي علام القلب لك ينحاد ؟

عفا الله عن كحل عينٍ تكهربني تـزعزعني
من اول انكر الذكرى و احس انه لعب اولاد ..!!!

و انا آمنت به عقبك و جاني شعور يدفعني
يقول ان دمعة الموقف على ظهر المواجع ساد

رويت بها أساس النور و أوصاف الشقا المعني
سقيت بدمعتي امــة مليت الأرض تـلّ و واد

لظا الأشواق مدّهـره تطفّـيني و تولّـعني
و انا ما بينهن عايش كما عود يشب اعواد

ترى جرح الزمن كافي و اصرخ اييييه موجعني ..!!!!
فديتك صرت في سجنك مكبل باعظم الأصفاد

غديت اسهمك و أسواقك و حيل الشوق يصرعني
و انت مريّح بالك تــبـي تسافر لأغلى بلاد ..؟!!!

روح و وسّع الخاطر ترى فرحتك توسعني
ابي تضحك و تستانس و تتعلم هدى الإسعاد

اكيد اي شيء بيفيدك بدوره راح ينفعني
و انا أرسلت لك قلبي على صورة ثلاث ابعاد

خذه ملكك يبي قربك رجا قربه يشفّـعـني
ابصبر و أنتظر حتى تعانق عيني الميعاد

وافي لك و باقي لك على الأوقات وزعني
أنا كاتم صدى حبك بأضلاعي حمل ترداد

و إذا جازم تبي تسافر ..{ رجيتك لا توادعني
اخاف أن قلبي يتكسر بعد شوقك تزيد بعاد

من ايميلي اهداء خااااص