|
رد: غرام وانتقام عند جاسم كان بسيارته ضايقه فيه الدنياسمع صوت جواله شاف رقم اخوه طنش ماله خلق يسمع صوت احد الي فيه من هم يكفيه شاف اصرار فيصل بالاتصال خاف وبسرعه رد جاسم ببرود / الو فيصل / جاسم وينك فيه جاسم بحزن عميق / جاي بالطريق فيصللحظ الحزن بصوت اخوه ماحب يطول عليه فيصل / ابشرك الجوهر ولدت وجابت بنت جاسم ببرود / مبروك وانا بمرها بعد مامر عبدالرحمن بسلمه اوراق التنازلوبجيكم فيصل متاكد ان في جاسم شي وشي كبير قالب حاله فيصل / تجيبسلامه فمان الله وانتبه على الطريق عند فيصل كانبرا الغرفه وهو يكلم اخوه دخل شاف الجوهره رافعه جوالها تكلم غاده الي كلمتها بتاخذوصف الغرفه الجوهره قفلت من غاده وتبي تدور أي طريقه يبتعد فيها فيصل عن المكانلين تروح غاده الجوهره بارتباك / فيصل فديتك ابي شغله من بيتي ونواف عندهشغل ياليت تروح تجيبهم فيصل حاس ان الجوهره تصرفه من المكان وهو ماسك مقبضالباب كانت غاده ماسكته من الجهه الثانيه فتح الباب تفاجئ وهو يشوف حرمتين متغطياتنزل راسه وطلع عند غاده غاده اول ما شافته زادت دقاتقلبها من قوها خافت تنفضح ويسمعها انصدمت من شكله تغير عن اخر مره شافته فيها زادجمال ورزه حاولت تكون طبيعيه دخلت بسرعه وبيدها باقة ورد كبيره مع سله فخمه حلوياتمع نوره عند فيصل فيصل قلبه دله انها حبيبته الي مستحيليضيعها نفسه يسحبها من المكان ويقول لها كل الي بخاطره دخلت غاده عندالجوهره تاركه وراها فيصل جسم وروحه دخلت معها مشتاق لكل شي فيها صوتها شكلهاعنادها قوتها وقف متسند على الجدار قريب من الباب يبي يسمع صوتها عند غاده دخلت وهي بارتباكها حطت الورد على الطاولهبجنب الجوهره وام جاسم اخذت سلة الحلويات من نوره الجوهرهتكتوي وجع على حال فيصل تمنت انه استجاب لكلامها وطلع من غير لا يشوفها ابتسمت ابتسامه مصطنعه وهي تشوف غاده قربت من الجوهره وضمتها بحب / الف مبروك الجوهره / الله يبارك فيك غاده بحزن / ما قدرت اسافرمن غير لا ودعك بعد بكره طيارتي وبنشغل عن زيارتك الجوهره بادلتهاالحزن / تروحين وترجعين بالسلامه قربت نوره من الجوهر وسلمت عليها وعلى امجاسم وباركت لهم بعد فتره بسيطه من الزياره والسوالف نوره / مضطريننطلع ورانا مشاوير وان شاء الله بزورك بالبيت غاده / الجوهره ابي اشوفالبنوته الجوهره / نواف طلب من الممرضه توديها الحضانه خايف عليها غاده بترجي / خالتو بروح اشوفها قبل لا نطلع عند فيصل سمع الكلام الي قالته غاده للجوهره وهو مع كل حرف ذايب مغرم فيها حتىالنخاع حاول يكابر لكن من يشوفها يتجدد العشق الي بقلبه ما كان يتوقع بيجي يوم بنتتسلب له قلبه ويعشقها حتى الجنون فيصل في نفسه / ااااااااااه منك يا غادهارحميني كافيني عذاب بتسافرين وتاخذين روحي معك ارحميني وردي علي روحي يا بعد روحي عند غاده طلعت غاده والقت نظره وداعية على فيصلوتلاقت العيون الي تحكي كلام كل واحد فيهم يجهل لغة عيون الثاني استحت غادهونزلت عيونها وسحبتها نوره بيدها تمشي جسم بدون روح تركت روحها عندفيصل الحين تاكدت انها تحبه تحاول تتهرب من احساسه بحبه غاده في نفسها / اكذب على الناس واقول اكرهه لكن بقلبي اموت فيه قطع عليها افكارها صوتنوره تكلمها نوره / وصلنا للحضانه يله ندخل نشوف البنت ونطلع دخلوشافو البنت وطلعو طلعت عكس ما دخلت طلعت وهي مهمومه وحزينه عند فيصل من بعد ما تركته لحقها يبي أي فرصهلكن امله تبخر وهو يشوفها راكبه السياره راقب بعيونه السياره لين اختفت ركلالجدار برجله من القهر الي بداخله ماحس بالوجع واصبعه الي ينزف دم فيصل فينفسه وبحزن عميق/ مو معقوله يكون هذا الوداع ولا راح اشوفها الا بعد ثلاث سنين هذااذا شفتها وش يصبرني كل هالسنين يويل حالك يا فيصل والحل لازم اشوفها لازمباي طريقه لو سافرت قبل لا شوفها بيصير فيني شي قرر انه يطلع من المستشفىحاس انه مخنوق يمكن بالصدفه يشوفها ما حس بنفسه الا واقف بالشارع الي مقابلقصر عبد الرحمن وانصدم وهو يشوف البيت خالي من السيارت تاكد ان غاده بر للحين ماوصلت بيجلس بسيارته بينظر لين تجي يبي يلمحها من بعيد يكحل عيونهبشوفتها ما يقدر على نار البعد وهيبتغيب ثلاث سنين يا طولها بقلب العاشق عند جاسم وصل لبيت عبد الرحمن نزل من سيارته دقالجرس وهو ماله خلق لمقابل احد فتح له محمد سلمه الاوراق وطلب منه يسلمها لبوه طلبمنه محمد يدخل لكن رفض وتحجج بالتعب من الطريق واتصل على عبدالرحمن ياكد له انه جابالاوراق ركب سيارته بيزور الجوهره يمكن تتغير نفسيته وصل للمستشفى سال عنغرفة الجوهره دخل وهو يحاول يكون طبيعي طق الباب كانت الجوهره بالغرفه وبحضنهابنتها دخل جاسم وقرب من الجوهره وباس راسها جاسم يتصنع البسمه / مبروك منيصدق اني شفتك ام الجوهره / الله يبارك اخذ جاسم البنت منهايلاعبها ويبوسها بخدها الناعم جاسم / سميتوها الجوهره / باقيمحتارين بالاسامي جاسم في نفسه / ياليتكم تسموها هند يمكن لما اسمع اسمهايعوضني عن حرماني منها الجوهره / شخبارها هنوده جاسم بالم / طيبهانتبهت الجوهره لحال اخوها الجوهره / جاسم وش فيك جاسم / مافيني شي تعبان من مشوار الطريق وينها امي وفيصل الجوهره / امي طلعت بتجيبلي اغراض وبترجع وفيصل كان عندي ومن دقائق طلع جاسم / وينه نواف الجوهره / من شوي عندي تلاقيه بمكتبه جاسم / بطلع ابارك له عند جاسم طلع من عند الجوهر وصل لمكتب نواف دخل نواف جالس يوم شافه من الصدمه وقف نواف / وش في شكلك كذا عسى ماشر جاسم / مبروك قبل لا تاخذني بالسوالف نواف / الله يبارك فيك ةين الي بيغيب شهر كل ماخذت اجازه قطعتها جاسم بقهر/ من خبالي الي اظن الامور بتتعدل مع بنت العم نواف / شي مو جديد من اخذتها وهي تعذبك جاسم بوجع وقهر / طلعتني من طوري وضربتها نواف منصدم مبقق عيونه من الصدمه / يكبرها كبراه تضرب بنت الفهد وشلون قدرت عليها ليكون تحلم جاسم بوجع / ضربتها بحزام بنطلوني سلخت جلدها من الضرب نواف / انت يوم شطح نطح يا رايح بخرايطها مع بنت العم ولا تضربها بوحشيه من متى الرجوله بضرب الحريم جاسم بوجع/ الي عندي جبل مو حرمه وربي يانواف يوم اضربها اتوجع اكثر منها لكن زودت الضرب عليها ابي اسمع الااااااه منها ماسمعتها يقوها قواه يمكن لو الجدار الي وراك حس هي حست نواف بجديه / وبتتزوج عليها تبيها تكتوي بنار الغيره وتحرقها بتحرق نفسك قبل لا تحرقها حبها وعشقها متمكن منك اسمع نصيحتي وبطل من فكرة الزواج وخلك قوي وواجها بدال ما تجيب طرف ثاني وتظلمه معك جاسم بوجع / اول كنت متردد بفكره الزواج لكن بعد الي صار مصر اكثر علية نواف مستغرب / الي مستغربه شلون قدرت تضربها وشلون جيتني سالم من غير اصابات جاسم يبتسم بالم / ما طاوعني قلبي خفت على عمليتها دخلت بغرفتها وهي نايمه تفقدت جرحه شفت علامات ضربي واضحه ما صدقت اني قسيت عليها وضربتها كل هذا الضرب تصدق شكيت اني ما ضربتها الا لما شفت العلامات مدري شلون طاوعني قلبي وضربتها من غير رحمه نواف بجديه / انت ينطبق عليك اتقي شر الحليم اذا غضب جاسم وقف / انا طالع لمكتبي عند جاسم طلع لمكتبه جلس وهو طفشان ومن حسن حظه ان ما عنده حالات لانه بايجازه حط راسه على مكتبه سمع صوت الباب يطق سمع فتحت الباب رفع راسه شاف قدامه الدكتوره سعاد بتبرجها المعتاد جاسم في نفسه / والله حرام تصير هذي بديله لهند حرام تصير ام لعيالي المشكله على كل الي حاطته ما ثرت فيني عكس هند وهي بطبيعتها املكت القلب جاسم انتبه لنفسه / خير دكتوره سعاد اذا عندك شي ضروري قوليه ولا اطلعي لاني تعبان الدكتوره سعاد جلست بكل ثقه / الحمد لله على السلامه جاسم بملل / الله يسلمك جاسم في نفسه / شلون بتزوجها وعيش معها طول عمري ودقيقتين طفشان من مقابلها الظاهر عشقي لهند صرت ماشوف غيرها قطعت تفكيره صوتها سعاد بغرور / جيت من يومين اسئل عنك كنت ابي اعزمك على ملكتي لكن خساره صارت من غير وجودك جاسم تفاجئ وهو ما ينكر انه انبسط انها تملكت ورحمته من الي كان ناوي يسويه يمكن الي صار خيره له ورساله ان تفكيره بالزواج غلط جاسم بابتسامه / الف مبروك ان شاء الله احضر زواجك ومعي المدام سعاد بقهر / الله يبارك ما سالتني من زوجي جاسم بعدم اهتمام / على انه ما اهتم بها السوالف من هو زوجك سعاد بكل غرور بتقهره / الوزير ال.......... جاسم طالعها بقرف عرف ان شخصيتها تافه جايه بتحره وتكايده انها تزوجت افضل منه جاسم بغرور/ الله يهنيك يكفيني بنت الفهد الي ما بدله بصنف الحريم سعاد كانت بتغيضه غاضها مقهوره منه سعاد بوقاحه / كفوك بنت الفهد جاسم انقهر منها بيغيضها / الطيبات لطيبون وطالعها وكمل والخبيثات للخبيثين وقفت بكل عصبيه صكت الباب بكل قوتها و طلعت من غرفته وهي مولعه قهر هي ما وافقت على زواجها من الوزير الشايب الا بتقهر جاسم لانه طنش حبها وتزوج غيرها لكن الي تشوفه هو الي قهرها جاسم في نفسه / يارب لك الحمد انك انقذتني منها شلون كنت بتهور واتزوجها شلون كنت باستبدل الثرياء بالثرى عند نواف رجع نواف للجوهره وقرب من سريرها وباس راسها نواف / شلونك وشلونها حبيبت ابوها ان شاء الله رضعتيها الجوهره / كلنا بخير ورضعتها متى بتسميها نواف / انتي اثبتي على اسم وبكره بثبت اسمها الجوهره / بسميها فرح نواف / حلو جعل ايامها كلها فرح الجوهره / امين الجوهره / شفت جاسم نواف / ايه جاني يبارك لي الجوهره / كان عندي من شوي ولا عجبني شكله وقال انه تعبان من السفر نواف بحب / لا تفكرين فيهم فكري بصحتك وصحت البنت جاسم ما فيه خلاف |
رد: غرام وانتقام عند فيصل واقف جنب بيت عبدالرحمن سمع اذان المغرب نزل ودخل المسجد صلى ورجع ركب سيارته قرر ما يتحرك لين يشوفها لو يجلس بمكانه لبكره التفت على قصر عبد الرحمن شاف سيارة غاده داخله بالكراج وتسكرت البوابه وللمره الثانيه حس بخيبة امل وانقهر انه ماشافها ركب سيارته وهو مقهور على كل هالانتظار والارهاق يفشل انه يشوفها او يلمحها فيصل يكلم نفسه / كله من حظي الحين وش السواه ياليت اعرف متى رحلتها يمكن ربي يكتب اني اشوفها واكلمها قبل لا تسافر ماعندي غير الجوهره هي الي بتقولي مستحيل اقول لها ما فيه الا اكلم صديقي الي بالمطار يقولي عن موعد طيارتها ما قدر يصبر على طول اخذ جواله ودق عليه وطلب منه يقوله متى موعد رحلت طياره الفهد ويدور اسم غاده الفهد بينهم دقائق واتصل عليه صديقه وقاله عن موعد رحلتها الي بتكون بكره بعد المغرب قرر انه يطلع من دوامه ويعسكر بالمطار يدعي بقلبه ان هالمره يتحقق امله في الديره عند هند بعد ما تغدت مع جداتها طلعت لغرفتها وهي تحس بوجع بجسمها دخلت غرفتها وقفلت الباب عليها وطلعت كريم وصارت تدهن على مكان الضربات هند في نفسها / الله لا يوفقك يا جاسم ضربتني وانحشت مصيرك بترجع لديره وابرد حرتي فيك بدلت لبسها بملابس خفيفه ودخلت بسريرها وهي في نفسها ملت من وجودها بالديره روحها بشغلها ولها فتره طويله غايبه عن شركتها ولا تدري وش صار بموضوعها والي يقهر انها ممنوعه من الاتصالات تحس كانها مسجونه هند بصوت عالي / الله يعطيني صبر من عنده صابره علشان خالي اعرف لو اجيه بيتعذب بوجودي وبيحاتيني واخاف تدهور صحته بسبتي يكثر شوقي لك يا خالي وربي الشوق مل من صبري مشتاقه ارمي نفسي بحضنك ليه ابعدتني عنك في بيت عبدالرحمن كلهم متجمعين في الصاله غير محمد الي استلم من جاسم الاوراق وحطهم بالسياره لانه عند مشوار ضروري دخل عليهم محمد وبايدينه اوراق محمد / السلام ليكون تعشيتو ولا استنيتوني نوره / اتصلت عليك جوالك مغلق تعشينا وبقيت لك اكل اذا تبي جهزته لك محمد / ابي لكن ما تقومين خلي غدويه هي الي تجيبه غاده كانت مسرحه وكل تفكيرها بفيصل قرب منها محمد وهي ما تدري وبصوت عالي / بووووووو غاده فزت من الخوف طالعت بمحمد / سخيييف لو وقف قلبي من الخوف وش بتستفيد قرب منها وضمها بقوه استغربت ضمته محمد / بنفقدك يادبه ياليت تهونين عن السفر غاده بكت / وانا اكثر لكن لازم اسافر نفسيتي تعبانه محمد ابعدها عن صدره ومسح دموعها / افا غدويه تبكي متى ما شتقتي لنا اركبي الطياره وتعالي واذا اشتقنا لك بنجيك عبدالرحمن / محمد الاوراق الي بيدك جايبها جاسم محمد / ايه تفضل يبه من قالك انها من جاسم عبدالرحمن / كلمني جاسم وقال لي انه معطيها لك محمد / لازم بكره نصدقها بالمحكمه قبل لا راشد يرفع علينا القضيه عبدالرحمن / الصباح بروح للمحكمه نوره كات بالمطبخ تحضر عشاء محمد دخلت عليهم بالصاله غاده قربت من نوره وشالت منها الاغراض غاده بحب / فديتك ياخالتو وربي بشتاق لك ولطبخك افضل من مليون طباخ نوره ضمتها / فديتك ولله بشتاق لك ولسانك الحلو طلع عبد الرحمن لغرفته ولحقته نوره ومحمد جالس يتعشى تذكر شي التفت على غاده غاده برتباك / محمد اقدر اجل سفرتي اسبوع محمد / ايه اهم شي راحتك لكن ليش بتاجلينها غاده بحزن / بغيب ثلاث سنين تستخسر اجل سفري سبوع لاحقه على وجع الغربه محمد بحب / غدويه الي يسمع كلامك يقول احنا الي غاصبينك على السفر ما كانك انتي الي تبين غاده / لازم اسافر حمودي حمودي بحنان / فيه سر تخبينه عنا غاده بحزن / لا سر ولا شي محمد / بصدقك وعلى طلبك باجلها اسبوع ومستحيل ناجلها مره ثانيه هذا قرارك لازم تصيرين قويه غاده / ان شاء الله قامت ودخلت غرفتها وهي ما تدري ليش اجلت السفر دخلت الحمام اخذت شور لبس بجامه ودخلت بسريره غاده بنفسها / لازم اسافر مستحيل اخضع لحبي الي عارفه ومتاكده انه بيدمرني لازم يموت قبل لا يشوف النور عند جاسم بعد ما خلص مر على الجوهره تطمن عليها وطلع للبيت وصل كان البيت هادي طلع لغرفته شاف فيصل منسدح على سريره يفكر التفت على اخوه جاسم / السلام وينك من اليوم ما شفتك فيصل / كنت الحق ورى غاده ابي شوفتها واكلمها وقفت عند بيتهم لكن خساره ماقدرت اشوفها جاسم بعصبيه / انت منت بصاحي وبعدين مع تصرفاتك المتهوره ترى لو شافك عبدالرحمن او عياله ما توقع بيخلونك سالم فيصل بجديه / هذاني قدامك سليم متعافي وفوقهم متحطم وعندي امل اخير اشوفها بالمطار بكره جاسم يبتسم / تدري ان زواجي شكله تفنقش فيصل بحماس / زين رجعت لعقلك وهونت جاسم بجديه / سبحان الله الي كنت ابي اتزوجها جتني بكل وقاحه تقول انها تملكت على الي احسن مني فيصل بصدمه / ما تستحي قالتها كذا كاش جاسم / لا قالتها برسائل مبهمه لكني فهمتها تعرف اخوك ذكي لكن عرفتها قدرها فيصل / هههههههههه مدري وش في حظنا يرمينا على قويات الشخصية جاسم بقرف / اصلن هذي ماهزت فيني شعره بالعكس فرحت انها تملكت وفتكيت منها مدري شلون فكرت اني اتزوجها وتصير ام لعيالي اذا شفتها اتقرف فشلون بعيش معها عمري كله فيصل / ههههههههههه شكل كل الحريم تخليك تتقرف وتستفرغ جاسم بابتسامه / قالك نواف فيصل / هههههههههه قالي بالي سوته غولتك بالمستشفى وانك دخلت الحمام ترجع جاسم / ههههههه ابشرك هججتها من الديره وخليتها تحرم تقرب مني فيصل بحماس / شلون وكيف هذي لزقه ما تفهم جاسم / قال لفيصل اتفاقيتها مع هند وحب هنديانا لولد عمها لين اخر شي صار بينهم فيصل دمعت عيونه من الضحك / ههههههههههه والله وطلعت منت بهين ونقلب السحر على الساحر ما توقعت هند بهالحقاره تلعب بمشاعر الناس جاسم بوجع / وعلى كذا قلبي يعشقها بجنون على كل الي سمعته بدال ما يزيد كرهي لها زاد بعشقي لها تدري انها طلعتني من طوري وضربتها ضرب كافر فيصل بصدمه بصراخ / ضرررررررربت هتلر جاسم ابتسم بوجع / ايه وشديتها بشعرها ورميتها برى غرفتي وطالعتها بستحقار فيصل مصدوم / الله وكبر وبنت الفهد مستسلمه لك هذي جنيه ما ينقدر فيها انت متاكد وربي ما صدق لو اشوفك بعيني تضربها جاسم بجديه / هذا الي صار فيصل بخوف / جاسم هند مستحيل بتسكت ما سلمنا منها وحنا ماسوينا لها شي شلون وانت ضاربها انتبه منها ياخوي لا تروح لديره اخاف مجهزه لك مصيبه جاسم بعدم اهتمام / ما صارت تهمني والي بتسويه بيكون ردي اقوى من ردها لو حياتي الثمن مستحيل ارضى بالمهانه ويكفيني الضعف الي انحسب نقطه سوداء بحياتي يمكن لو من البدايه وقفت بقوة بوجهها يمكن ما صارت هذي حالتي فيصل بحزن / العاشق مستحيل يقسى ويعذب معشوقته للحين منصدم من الي سويته بهند شلون طاوعك قلبك تضربها جاسم بوجع / ما نمت من الوجع الي حسيت فيه كاني انا المضروب كرهت الحزام ورميته بالزباله وقلبي المجنون دخلني غرفتها اتطمن عليها من بعد ما ضربتها اوجعني قلبي وانا اشوف علامات الضرب تصدق لو اقولك ابهرتني بقوتها اضربها كاني اضرب بجدار ما تاثرت فيصل بجديه / تعلمني فيها هذي اتوقع جلدها جلد فيل ما تحس الي بعرفه شلون دخلت غرفتها وشفت الضرب من غير ما تحس فيك جاسم يبتسم / لا تغلط عليها قدامي البركه بالمسكن الي تاخذه ينوم بعير مستحيل بتحس فيني وانا استغليت هالشي وتطمنت عليها خفت ان ضربي ماثر على عمليتها لكن اللهم لك الحمد كان بعيد عن مكان العملية فيصل بحزن / الله يعينك ياخوي مدري اواسيك ولا تواسيني وانا عايش على امل سراب تدري انها بتسافر ثلاث سنين بكره المغرب سفرها ومخطط اشوفها واحكي لها كل الي بقلبي يمكن ترحمني وتتراجع عن السفر عمرك شفت ضعف اكثر من كذا بيصير فيني شي لو سافرت من غير لا شوفها هذي ثلاث سنين ماهي يوم ولا يومين وفي بلد غير ومع ناس غير وهي هنا احسها حولي موجوده اتنفس نفس الهواء الي تتنفسه جاسم / الله يصبرنا على ما بلانا بالديره عند هند نزلت عند جداتها شافتهن جالسات يتقهون قهوة المغرب قربت منهن هند / جده وش رايك بكره نطلع من البيت ام موضي مستغربه / وين تبينا نروح هند / بالمزارع القريبه ام راشد بانكار/ نطلع حريم من غير لا يكون معنا رجال هند بطفش / ما يحتاج معنا رجال ام راشد / كلها يومين بيجي جاسم ونطلب منه يودينا هذي الايام الجو حلو لطلعه هند بقرف / واذا ماجاء تجلس الطلعه حسره بقلوبنا ام موضي / بكره بيجي هند في نفسها / ما ضنتي ان له وجه يجي خايف من سواته اول مره انتظر جيته بشوق جلست مع جداتها تعشت معهن وطلعت لغرفتها ونامت عند الجدات نادت ام راشد الشغاله وطلبت منها تتصل على جاسم عند جاسم كان منسدح على سريره شاف رقم جداته خاف صاير شي رفع جواله سمع صوت جدته ام راشد / شلونك يمه جاسم بحب / بخير جعلك سالمه انتي شلونك ام راشد / بخير الا متى بتجينا جاسم بحب / اذا تبيني اجيك الحين جيتك ام راشد / يا ليت يمك ودنا نطلع بالمزارع القريبه نتونس جاسم / تامرين يالغاليه بكره وانا عندكم ام راشد بحب / يجعل عيني ما تبكيك انتبه من الطريق في بيت ام جاسم صحى جاسم الساعه وحد و جهز اغراضه وسافر لدير تارك فيصل وراه نايم دخلت عليه امه تصحيه لصلاة الفجر انصدمت يوم شافت فراش جاسم خالي تاكدت انه راجع لديره اوجعها قلبها عليه قام فيصل من النوم وطلع للمسجد يصلي ورجع لقى امه تنتظره بالصاله ام جاسم / يمك عندك شغل فيصل / أيه واذا تبين شي افضي نفسي علشانك ام جاسم / ياليت ودي ازور اختك الجوهره ناخذه لها اغراض فيصل / متى تبين تروحين ام جاسم / بدري عند جاسم وصل الديره على صلاة الفجر صلى بالمسجد ورجع للبت ودخل الاسطبل ركب فرسه لين جت الساعه 7 دخل داخل طلع لغرفته اخذ شور ونزل لقى جداته جالسات باس راسهن ام راشد بفرح / الله يحيك جاسم بحب / وانا اقدر اتاخر عليك اوانتي طالبتني ام راشد بحب / الله يسخر لك عبيده جاسم طلعت صورة هند فيه باله وقال من قلب / امين عند هند صحت من النوم صلت الفجر وهي تحس جسمها تحسن اخذت شور ولبست بنطلون ابيض وبلوزه مخصره ابيض مخطط بخطوط ضعيفه اسود سوت شعرها ظفيره هنديه انزلت تحت سمعت صوت جداتها وصوت رجال دخلت وتفاجئت بوجود جاسم طالعته بحقد وكره عند جاسم انسحر من شكلها لكن حقرها وكانه ما يشوفه وهو داخله ذايب على الاخر كمل كلامه مع جداته من غير لا يهتم بوجودها قربت من جداتها وباست راسهن ام راشد / يمك وش رايك نروح الحين وناخذ فطورنا معنا جاسم / حاضر ام موضي / هند قومي قولي لشغالات يجهزن الاغراض هند / حاضر قامت وطلعت وعيون جاسم تلحقها قام جاسم / جده انا طالع بشيك على الاغراض طلع للمطبخ لقى هند واقفه تطلب من الشغلات يجهزن الاغراض طالعها بحتقار ودخل وشال الاغراض وحطهم بسيارته هند قهرتتها نظراته وقهرها اكثر تطنيشه تبيه يتكلم تبي تنفجر فيه لكن ماعطاها الفرصه بعد ما شال الاغراض طنشها وكلم الشغلات جاسم / ياليت تتجهزن الحين طالعين عرضها ظهره وطلع وهو بداخله منقهر من تطنيشه لها مشتاق يشوفها ويسمع صوتها لكن مستحيل يرجع جاسم الضعيف ركبو بالسياره وهي تغلي من القهر في بيت عبدالرحمن عند غاده قامت صلت الفجر ورجعت نامت وقامت على الساعه 9 دخلت الحمام اخذت شور وطلعت لقت خالتها جالسه بالصاله سرحانه اوجعها قلبها انها السبب بالحزن المرسوم على وجه خالتها لكن غصب عنها ما تقدر تجلس قربت من نوره وباست راسها / صباح الخير نوره / صباح النور غاده / خالتو علشان خاطري لا تتضايقين نوره بحزن / ماتبيني اتضايق والليلة بتسافرين وبتغيبن ثلاث سنين غاده بابتسامه / والي يقولك اني الليلة ماني بمسافره نوره متفاجئة / هونتي عن السفر غاده / لا اجلتها اسبوع نوره / الاسبوع بيمر بسرعه غاده قربت من نوره وحطت راسها بحضن خالتها / خالتو خلينا ننسى السفره لين واقتها ابي اقضي معكم احلى وقت قبل لا اسافر ابيها تكون تصبيره لي بالغربه نوره بحب / وين تبين تروحين غاده / مولازم اروح مكان ابي اقضي وقتي كله معكم اهم شي نجتمع نوره / وش رايك نطلع الشرقيه بشاليهنا نجاس هناك لين وقت سفرنا غاده بفرح / ووووووووواو واناسه طيب عدنان عنده مدرسه ومحمد عنده شغل نوره / معليك خلي كل هذا علي غاده باست نوره / تسلمين لي ياغلى واحن خاله نوره / بحاول بخالد يجي معنا غاده / خالتو ياليت تكلمين خالتي ام بسام تسافر معنا من زمان ماتجمعنا نوره / غالي والطلب رخيص غاده / خالتو افطرتي تراني جوعانه نوره بحب / ماعاش الجوع قامت نوره ولحقتها غاده ماتبي تضيع وقت بعيد عن نوره تساعد نوره بالمطبخ شالت مع نوره الفطور وطلعت وحطته على طاولة الطعام عند فيصل طلع من الشركه على الساعه 9 لقى امه جاهزها ومعها الاغراض اخذهم منها وركبو بالسياره وصلو للمستشفى دخلو غرفة الجوهره الي كانت جالسه ترضع بنتها شافت امها واخوها فيصل استحت وقفت عن الرضاعه ام جاسم قربت الاكل الخاص لنفاس لبنتها ام جاسم تكلم الجوهره / يمه جبت لك اكل احسن من اكل المستشفيات الي مامنه فايده برضاي عليك تاكلين الجوهره بحب / ان شاء الله فيصل يبتسم / طيعي امي علشان تصيرين كبر الفيل ام جاسم / وش رايك تطلع برى تنتظرني لين اخلص فيصل قرب من الجوهره وسحب منها البنت وصار يبوس فيها والجوهر محترقه من دفاشته الجوهره / يمه اخذي البنت منه بيذبحها ام جاسم بعصبيه / فيصل هات البنت ماتتحمل دفاشتك اخاف تكسر عظامها يتبع |
رد: غرام وانتقام في الديره وصلو المزرعه وجاسم جالس جنب جداته وهند قامت تتمشي بالمزرعه وهو يراقبها بعيون العاشق خايف عليها هند راحت بعيد وجلست جنب صخره وكانت سرحانه شافها جاسم ومن غير شعور قام وقرب منها كانت سرحانه انتبهت للحركه ارفعت راسها شافته صدت عنه فجئة طلع من بين رجولها فار وقفت متروعه وركضت لجاسم وضمته بقوة وهي تنتفض جاسم تفاجئ منها وفرح وتشقق من الوناسه ما صدق انها ارتمت بحضنه ضمها بكل قوته لو بكيفه زرعها بين ظلوعه هند بصوت خايف يرتجف / فار جاسم مستغرب / بنت الفهد القويه الي يخافها الرياجيل تخاف من فار هند وهي بحضن جاسم / لكل واحد نقطة ضعف ونقطة ضعفي خوفي من الفيران وكملت / عفيه جاسم اذبحه قربها منه وشدها له فوق احتماله جسمه يرتعش من قربها المدمر جاسم في نفسه / مجنون اذبحه وهو له الفضل انك بحضني برضاك جاسم شدد بحضنه لها وهي استسلمت بسبب خوفها من الفار دقايق وانتبهت على نفسها انها بحضن جاسم سحبت نفسها بقوة وتركته من غير ما تتكلم معه رجعت عند جداتها وهو جالس بمكانه داخله فيضان من المشاعر الي يحاول يضغط على نفسه ويكابر وصل عن الجدات الي كانن نايمات وهند جالسه بعيد عنهن بفرشه لها لحالها طالع فيها وهي تحاول تبعد عيونها عنه وتشغل نفسها بالتخطيط على الرمل عند هند متفشله من نفسها شلون تهورت ورمت نفسها بحضن جاسم وش بيقول عنها انه ميته عليه قام جاسم وقرب منها وهي كانت سرحانه بافكاره جاسم بيغيضها / ليه مستحيه ما فيها شي زوجه مشتاقه لحضن زوجها ليش تستحين جلس جنبها لازق كتفه بكتفها ذايب من القرب لكن حاول يبن طبيعي بيقهرها هند التفتت عليه وطالعته بكره ووجها احمر من الفشيله وبتغير الموضوع / لا تحسب اني نسيت ضربك لي مو انا بنت الفهد الي تنضرب ومن واحد حقير مثلك جاسم ذايب من الخجل المرسوم على وجهها الي نادر انه يشوفه جاسم يصر على اسنانه / تادبي معي والله ولي خلق لخليك فرجه لجداتي والشغلات انتي تعرفين ان جداتي ما يرضن علي فياليت تلزمين حدودك هند / ممكن جوالك جاسم / وخير وش عندك هند بقوة / بكلم الي عزوني ورزوني ما شفت الاهانه الا بعد ما تركتهم مستحيل اجلس دقيقة وحده بالديره جاسم اوجعه قلبه من كلامها لكن حاول يصير قوي / بتجلسين غصبن عنك ولا ناويه تجلطين خالك انتي طول عمرك انانيه ادوسين على الكل علشان حضرتك ويا ليت لما تكلميني تشيلين كلمت الانا لان ما فيك زود عن العالم الواحد باخلاقه مو بامواله والي اشوفه اخلاقك صفر هند بعصبيه / تقول عني هالكلام جاسم يتلفت حوله ببرود / ما شوف قدامي غيرك هند بعصبيه / ممكن تقوم من جنبي لاني اتقرف من قربك جاسم بابتسامه خبث / تتقرفين من قربي من الي رمت نفسها بحضني هند بصراخ / جاااااااااااااسم وخر عني لافقد اعصابي والله ما يهمني احد ولا حتى جداتك جاسم بقوة / ماني قايم مو عاجبك قربي قومي انتي هند وقفت / انا قايمه وطالعة من المكان وراجعه للبيت جاسم طالعها بنص عين / مع مين ان شاء الله بترجعين هند بقوة / ما يخصك لو اروح مشي ما ركبت سيارتك جاسم ببرود / احسن بعد مابي سيارتي تركبها وحده حقودة مثلك هند بعصبيه / وربي اسويها يا جاسم وتعرف هند الفهد ما تخاف ولا يهمها احد جاسم مرعوب من فكره انها ترجع للبيت مشي وتقطع كل هالمسافه لكن حاول يبين عكس الي بداخله تظاهر بالبرود وعدم الاهتمام قامت طلعت من عنده و اخذت عباتها من ريتا ولبستها تحت عيون جاسم جاسم لما شافها صدت عنه مسك جواله واتصل على عمران يطلب منه يجي ضروري شافها اخذت شنطة يدها ومشت بعكس طريق الرجعه خاف اكثر وكلم مره ثانيه عمران يستعجله قبل لا تبعد وهو يراقبها بعيونه شاف من بعيد سيارة عمران تنفس براحه يوم شافها تركب جاسم في نفسه / يامقواك ياهند ااااااااا قولي لي الطريقه الي اتعامل معك فيها غير القسوة والي خلقني ما صرت اتحمل انا الموجوع وكمل / ارجع لطبيعتك يا جاسم خلك العاشق العشق والحب عمرهم ما كانو ضعف نسيت يوم تعايرك بعشقك وتبي رجال شخصيته قويه غصب عنها تهابه وكمل بوجع / اخاف قسوتي عليها تهججها من الديره واخاف اكثر تطلب وتصر على الطلاق وانا وعدتها لطلبته بطلقها ااااااااااااااااه من الصراع الي بداخلي بعاقبها عاقبت نفسي بقسى عليها قسيت على نفسي يارب ارحمني من العذاب الي انا فيها وشيل حبها من قلبي صحى من افكاره بصوت جدته تساله عن هند جاسم / هند رجعت للبيت مع عمران ام راشد بخوف / وش فيها هي الي طالبه الطلعه جاسم / ما فيها الا العافيه ام موضي / اجل ما لنا قعده خلنا نرجع للبيت جاسم بحب / ما تبين تجلسن اكثر ام راشد / لا ما قصرنا من الصباح وحنا هنا والحين العصر بياذن جاسم وقف / اجل يله مشينا حتى انا تعبان ابي انام وارتاح ساعد جداته بركوب السياره وشالت الشغاله الاغراض وحطتهم بسياره رجعو للبيت على اذان العصر دخلو ودخل الجدات لغرفتهن وطلع فوق والقى نظره على غرفتها وتنهد تنهيده من قلب ودخل غرفته توضا وطلع للمسجد صلى العصر ورجع طلع لغرفته دخل في سريره وهو يحس انه مخنوق بسبب تصرفاته مع هند في بيت عبدالرحمن دخل عبد الرحمن وبعده محمد البيت دخلو بالصاله كانت نوره وغاده وعدنان يسولفون قرب محمد وابوه وجلسو عبدالرحمن يكلم غاده بحب / محمد قالي انك اجلتي سفرتك اذا ما تبين لا تغصبين على عمرك اهم ماعندي راحتك غاده قامت وجلست جنب خالها / خالو انا مقرره اسافر لكن ماخره السفر ابي اقضي احلى وقت معكم نوره / وش رايك ابو خالد نسافر لشرقيه ونجلس الاسبوع بالشاليه هناك عبد الرحمن التفت على ولده / محمد فض نفسك الليله باذن الله بنسافر لشرقيه وانا اقدر ارد خالتكم محمد / ان شاء الله وباخذ اسبوع اجازه كم غاده عندنا غاده باسته على راس خالها / خالو كلم عمي ابو بسام ابيها طلعه جماعيه وياليت خالد يروح معنا عبد الرحمن / ما قدر اقول لا لحبيبة خالها عدنان طول الجلسه ساكت وبداخله فرحان يبي يطلع ومبسوط انه بيغيب عن المدرسه مسك عبد الرحمن جواله واتصل على ابو بسام عند ابو بسام كان بغرفته منسدح على سريره وجنبه ام بسام سمع صوت جواله شاف رقم عبدالرحمن استغرب من اتصاله من دقايق كانو مع بعض الشركه رد ابو بسام / وش عندك يالمزعج عبد الرحمن بابتسامه / المزعج يقول تجهز انت والاهل وياليت تكلم بسام بنسافر لشرقيه الليله بعد العشاء ابو بسام مستغرب / الليله وش عندك عبدالرحمن بحزن / رغبة غاده تجمعنا قبل لا تسافر ابو بسام / تبشر غاده وان شاء الله ماني برادها وبسام ونجلاء معنا باذن الله عبد الرحمن / اجل بكلم خالد واجبره يروح معنا ابو بسام / متى الرجعه عبدالرحمن / نهاية الاسبوع الجاي موعد سفرها ابو بسام / على بركه الله عبدالرحمن / يالله فمان الله سكر من عبدالرحمن التفت لام بسام ابو بسام / جهزي اغراضك الليله باذن ربك بنسافر لشرقيه مع بيت عبد الرحمن ام بسام بفرح / ابركها ساعه والله من زمان ما تجمعنا الا من مقترح عليكم الطلعه ابو بسام / غاده تبي تجمعنا قبل ماتسافر ام بسام بحب / فديتها الله يصبر نوره بغيابها ابو بسام / امين مسك جواله واتصل على بسام عند بسام كان جالس يتغداء مع نجلاء شاف اتصال ابوه رد بسام / ياهلا بالغالي ليكون بترسلني لشركه ابو بسام يبتسم / لا بعطيك اجازه اسبوع ابو بسام بفرح / من جد يالغالي ولا تمزح علي ابو بسام / كل هذا فرح بالاجازه اجل وش بتقول لقلت لك الليله بنسافر لشرقيه وبنجلس اسبوع وابيك تجي انت ونجلاء والعيال بسام / بقول مالي كلمه بعد كلمتك يالغالي ابو بسام / سلم على نجلاء والعيال بسام / يوصل ابو بسام / لا تتاخر العشاء وحنا طالعين من بيوتنا بسام / ان شاء الله ابو بسام / فمان الله سكر بسام وقال لنجلاء عن السفره فرحت كانت محتاجه لتغير جو صارت من بعد ماجابت العيال جالسه بالبيت عند عبد الرحمن سكر التلفون من ابو بسام واتصل على خالد الي تعذر ورفض بالبدايه لكن ابوه اجبره وان هذا امر ولا يبي نقاش فيه وانه لاحق على الشغل بعد ماسكر من خالد التفت على غاده عبد الرحمن بحب / جهزي اغراضك غاده / ان شاء الله عند فيصل دخل مع امه البيت بعد ما زارو الجوهره جلس يريح بالكنبه الي بالصاله وامه نزلت عبايتها ودخلت المطبخ تحضر الغداء جابت الغداء عند فيصل ام جاسم / فيصل وانا امك اذا فضيت العصر ابيك توديني لسوق اشتري اغراض للجوهره وبنتها وبي امر محل اثاث اثث الغرفه الي تحت لها فيصل خاف امه تلزم عليه ويتاخر بسوق وتسافر غاده من غير لا يشوفها فيصل بيتهرب / يا لغاليه العصر لين الليل مشغول ان شاء الله بكره اوديك ام جاسم / خلاص بكره مو بكره تقول انك مشغول ماعندي وقت فيصل / باذن الله بكره لو بغيتي الصباح فضيت نفسي علشانك ام جاسم / احسن بعد مابي اواجه زحمه في فيصل / ان شاء الله بكره اطلع من الشركه بدري ووديك لسوق ام جاسم / الله يبارك فيك تغدى وطلع فوق لغرفته وكل تفكير بغاده وكيف بيقابلها بعيد عن اخوها وشلون بيقول لها الكلام قرر يكتب الكلام الي يبيه بورقه واذا جته فرصه حطه بشنطتها او بيدها طلع ورقه وكتب كل شي بنفسه كانت الورقه مليانه بكلمات الحب والغزل طالعه من قلب فيصل طوى الورقه وحطها بظرف طالع بساعته الساعه 3 قرر يطلع للمطار يصلي العصر هناك وينتظرها خاف يجلس ويقدمون موعد رحلتها نزل وركب سيارته بطريقه للمطار وصل ودخل المطار وجلس في استراحة المغادرون للرحلات الدوليه صار يراقب الناس لعل وعسى يلمحها مستحيل مايعرفها من بين مليون سمع صوت الاذان قام ودخل مصلى بالمطار صلى ورجع لمكانه تعب من الانتظار شاف الوقت يمرثقيل قام لكفتريا بالمطار اخذ له قهوة تركيه تصحصحه وهو جالس سمع اذان المغرب قام للمصلى ورجع لمكانه عيونه ما نزلت عن ساعته وهو مستغرب انها ماجت للمطار ورحلتها باقي عليها دقائق خاف سافرت من غير لا ينتبه لها قرر يكلم صديقه يستفسر منه طلع جواله من جيبه واتصل على صديقه فيصل / الو هلا انت وين الصديق / بالمطار فيصل / انا بالمطار بسالك عن رحلت طيارة الفهد الصديق / جاني خبر من ساعه انها تاجلت فيصل بفرح / ما تدري متى بتكون الصديق / للحين ما جددو الحجز فيصل / تسلم تعبتك معي الصديق / تجي المطار ولا تزورني بمكتبي فيصل / الحين تعبان خلها يوم ثاني سكر من صديقه وهو طاير من الفرح عنده امل كبير انها تراجعت عن فكرة السفر قام من مكانه مبسوط طلع من المطار الديره المغرب عند هند صلت المغرب ودخلت الحمام اخذت شور لبست بجامه حرير كحليه اكمامها طويله تعطرت بعطرها المفضل وقفت قدام المرايه تمشط شعرها هند / شعري يبيله ترتيب والقذله يبي لها تقصير مستحيل اتحمل شكلي كذا من زمان ماقصيت شعري لازم اجيب كوفيره تضبطه لي بطلب من عمران يجيب هنديانا والكوفيرات طلعت من غرفتها نزلت تحت دخلت على جداتها شافتهن يصلن طلعت للمطبخ شافت ريتا تحوس بالعشاء هند / ريتا اطلعي لعمران قولي له هند تقول ضروري تروح بكره الصباح الرياض وتجيب هنديان ويقول لها تجي اجباري وتجيب الكوافيرات معها ريتا / هند فيه يكتب هذا كلام في ورقه يمكن عمران فيه ينسى كلام يقوله هند / طيب عطيني ورقه فتحت ريتا درج المطبخ العلوي وطلعت دفتر نوته صغير ومدته على هند اخذت هند الدفتر وكتبت الرساله وفي النهايه اكتبت اجباري تجين الديره سلمت الورقه لريتا ورجعت لجداتها لقتهن جالسات وعندهن قهوه استغربت غياب جاسم عنهن طول ماهو في الديره مايفوت الجلوس مع جداته ماهتمت لانها مقهوره منه من الي صار بينهم في الطلعه عند جاسم نزل لجداته العصر جلس معهن شوي وطلع برى الديره ورجع وطلع لغرفته يبي يتجنبها قد ما يقدر ماعاد يقدر يقسى اكثر وشوفتها تزيده عشق فوق عشقه ما ينكر انه مبسوط من بعد ماضمته وهو حاله مو حال جسمه كله يرتعش وهو يتذكر قربها منه هالقرب تمنى تبقى بحضنه طول العمر لكن شي من المستحيلات فاقد الامل فيها سمع صوت بابها يفتح تاكد انها بتنزل لجداته قرر انه يعتكف بغرفته اذا طلعت نزل جاسم في نفسه / ااااااه لمتى ياجاسم بتتهرب عن مقابلتها معاد اقوى على البعد ولا اقوى اقسى عليها تعبت من تمثيل القوة العشق دمرني وين تجيني القوة اذا شفتها انتفض قلبي واذا قسيت عليها اتوجع اضعاف ماتتوجع يارب تحنن قلبها علي او ترحمني من العشق المجنون عند هند كانت عند جداتها تسولف ماهتمت بغياب جاسم بالعكس فرحان تعشت وشافت جداتها ينعسن استاذنت منهن وطلعت فوق لغرفتها وانسدحت على سريرها حست بوجع اخذت من المسكن ودقائق وهي نايمه عند جاسم سمع صوت باب غرفتها عرف انها دخلت غرفتها لبس ملابسه ونزلت تحت عند جداتها قرب منهن وباس راسهن ام راشد / من اليوم نايم جاسم / ايه يالغاليه تعبان من السفر ام موضي بحب / يمك تعش بقينا لك عشاء جاسم / ياليت جوعان نادت ام راشد الشغاله وطلبت منها تجيب العشاء لجاسم تعشى وجلس شوي مع جداته شافهن ينعسن قام استاذن منهن وطلع لغرفته قبل لا يدخل غرفته التفت لغرفتها جاسم في نفسه / اااااااااااه يا ليت تنطفي النيران الي بجوفي عند جاسم دخل غرفته جلس يتقلب بسريره لين صارت الساعه 2 قرر يمرها بغرفتها اكيد بسابع نومه فتح الباب شافها نايمه وكانت قمة بالفتنه والاغراء بالبجامه الكحليه وشعرها المتناثر شي فوق الخيال انتفض قلبه بعنف الي يشوفه فوق احتماله قرب منها كالمسحور دخل بالسرير وقرب منها اكثر دفن خشمه برقبتها اسكرته الريحه تعمق اكثر وباسها بعشق وفسخ ملابسها وخلاص بين شعره ويتهور لكن فجئة انتبه لنفسه وبتعد كانه مصعوق اخذ ملابسها ولبسها بايدين ترتعش بعده عنها فوق احتماله بعد مالبسها طلع من غرفتها وهو مرعوب من فكرة لو تمادى اكثر وخل بحلوفه ووعوده لخالها حمد ربه مليون مره انه انتبه لنفسه وصل غرفته ورمى نفسه على السرير وهو موجوع روحيا من الي صار جاسم في نفسه / وعد ما عاد ادخل غرفتها مستحيل اقدر اقاومها اكثر زين انتبهت لنفسي بغيت اضيع نفسي واضيعها شلونا تضيعها هذي زوجتي حلالي والله حلالي الي بسويه حق من حقوقي وحلوفك لخالها واخوها ترجعها مثل ماخذتها بنت بنوت بتقدر يا جاسم المره هذي جت سليمه بتقدر تمسك نفسك اكثر مستحيل ادخل بغرفتها مره ثانيه وانت تقدر قلبك المجنون هو الي يسيرك شفت لوين وصلت يا جاسم تقسى عليها وتهينها بالنهار ودور قربها بالليل وهي نايمه أي عاشق مجنون انت يا جاسم دخل الحمام ياخذ شور بارد بيطفي النيران المستعره بداخله طلع ولبس بجامته وبعد معاناه نام يتبع |
رد: غرام وانتقام في بيت عبدالرحمن بعد العشاء جهزواغراضهم وحطوها بسياره انتظرو خالد وابو بسام وبسام بيطلعون للمطار وصلو للمطاروكانت طيارتهم الخاصه بانتظارهم عند فيصل بعد ما طلع من المطار رجع للبيت تعشى وطلع لغرفته وهو مبسوط عندهامل كبير ان غاده تراجعت عن السفر دخل الحمام اخذ شور ولبس بجامته ودخل سريره وكلافكار في الي سلبت النوم من عينه وهو بتفكيره نام اليوم الثاني في الديره عند هند صحت من النوم توضت وصلت وانصدمت ان لبسها كله ملبوس بالمقلوب هندبرعب / مو معقوله وش صار فيني صايره البس لبسي مقلوب امس بلوزتي واليوم كل لبسي انا منصدمه من نفسي وانا ساكته على اهانات جاسم يخوفي صاير في عقلي شي بسببالمسكنات الي اكلها حاولت تهرب من افكارها دخلت الحمام اخذت شور لبس فستانبيتي ابيض فيه ورودو بالوردي قصير وتحته بنطلون سترتش ابيض تركت شعرها علىطبيعته ونزلت تحت الكل نايم اطلعت بالحوش قربت من اسطبل الخيول دخلت اخذتفرس ما نتبهت لوجود جاسم الي شافها وانسحر من شكلها وتذكر الي صار البارح وحس بغصهتمنى الي صار برضاها مو مثل الحرامي يسرق قربها اخذت الفرس وطلعت قرب منهاجاسم وذاب من شكلها وشعرها يتطاير في الهواء كانت تمشي استوقفها صوت جاسم جاسم بغيره / وش عندك جايه الاسطبل لحالك ترى سطوح الديره تكشف بيتنا هند تلتفت حوليها مستغربه / وينها السطوح الي اتطل على بيتنا ما شوفها شكللمتسبب تدور على المشاكل من صباح الله خير جاسم طالع جهة بيت ابو مطلق / وبيت ابو مطلق ما تشوفينه ولده مربي حمام يمكن يطلع على اسطوحه ويشوفك هندبابتسامه ذبحت قلب جاسم / قول كذا ان السالفه فيها مطلق كان نفسه يقربويبوسها على الغمازات الي تفتنه لكنه تكلم بعصبيه / ليكون مطلق مو رجالاو محرم لك هند ببرود / كلامك مردود عليك مابي اصغر عقلي وانزل نفسيلتفاهات كلامك جاسم بعصبيه وصراخ / ليت تنقلعين داخل واياني واياك اشوفزولك بالحوش هند مشت من قدامه وجلست على المرجيحه عناد بجاسم هندبقوة / ورني شلون بتغصبني ادخل جاسم قرب منها وشالها وهند ترافس هند بعصبيه وهي ترافس / جاسم هدني واتقي شري جاسم مسك رجولهاوثبتها كان مبسوط وفرحان وهو شايلها وبين ايدينه جاسم بيقهرها / ماني بهداكالا عند جداتي هند بعصبيه وصراخ / جاسم هدني ناوي تفضحني عند جداتي جاسم بعشق / وينها الفضيحه وزوج شايل زوجته ماتشوفينها بالافلام الرومنسيهاتوقع ما تشوفينها ما تشوفين الا المصارعة الحره هند تحاول بقوتها تتخلص منبين ايدين جاسم لكن جاسم شاد عليها اكثر هند بياس / جاسم هدني بدخل من نفسي جاسم بيقهرها / هذا اول بعد مارفضتي هذا جزاك هند بترجي / والييعافيك نزلني استجاب لها ونزلها لانها اول مره تترجاه جاسم بحب / هذاني نزلتك على انه اكره شي على نفسي هند مافهمت / مافهمتك جاسمبالم / مو لازم تفهمينه الكلام الي اقوله صعب على وحده مثلك تفهمه هندباصرار / طيب ابي اركب الفرس جاسم بحب / اركبيه اول ما تطلع الشمس تدخلين وكمل بوجع / ياليت ما تستفزيني لاني مابي اغلط عليك وانتي رجاء لا تغلطينعلي خلي الاحترام بينا لين نفترق انتفض وجع من فكرة الافتراق الي متاكدمنها هند / موافقه ركبت الفرس وصارت تركض وعيون جاسم تلتهمها بكلحب وعشق خايف من يوم الافتراق يمكن يصير فيه شي تعود على وجودها بحياته في الشرقيه وصلو الفجر كانو تعبانين كلن دخل لغرفتهونامو نوره وغاده بغرفه وام بسام وغلا بغرفه ونجلاء وغاده بغرفه على اذانالفجر قامت نوره الي كانت تحتضن غاده اخذت جوالها واتصلت على عبدالرحمن تصحيه لصلاه قامت وقومت غاده والباقين يصلون الفجر بعد الصلاه جهزن الشغلات الفطور افطرنوقربن من البحر وفرشن فرشه هناك جلسن سوالف لين حسو بحراره الشمس ودخلو داخل في بيت ام جاسم صحى فيصل توضى وطلعيصلي رجع للبيت طلع لغرفته قرر انه يطلع لشركه بعد الظهر بعد ما يودي امه لسوق نام وعلى الساعه 7 دخلت ام جاسم تصحيه ام جاسم / يمه قوم تاخرت علىالشركه فيصل بصوت كله نوم / يالغاليه بداوم بالشركه متاخر بعد ما وديكالسوق ام جاسم بحب / قوم جعلني ما نحرم من افطر معي فيصل فتح عيونهبكسل / ان شاء الله باخذ شور وبنزل نزلت ام جاسم ودخل فيصل الحمام اخذ شورونزل لقى الفطور جاهز افطر وسولف معه امه لين جت الساعه 9 فيصل / يالغاليهيله البسي عباتك بوديك السوق قامت ام جاسم دخلت غرفتها لبست عباتها وركبتالسياره بجنب فيصل ودها لسوق في الديره عندهند بعد ما طلعت الشمس رجعت للاسطبل كانت راكبه على الفرس جاسم واقفينتظرها عن باب الاسطبل لما قربت مسك لجام الفرس ومسك يدها يساعدها بالنزول جاسم بابتسامه وبحب / يا حلوك وانتي تسمعين الكلام جعله دوم هندوهي تعدل ملابسها تتهرب من اجابته والنظر له جاسم بعشق وبصوت كله حب / طمنيني على عمليتك هند بارتباك / الحمد لله مع ان لها ايام صارت تنغزني جاسم بحب / تغيرين على الجرح باستمرار هند / ايه جاسم / انتبهي لا ترهقين نفسك وتشيلين شغلا تثقيله بينفتح الجرح هند بجديه/ ما قدرلازم ابدء في بناء المدرسه الوقت مو من صالحي جاسم بعشق / اهم شي صحتك وكلشي يالطقاق كل شي يتعوض الا الصحه هند / بدخل داخل مشت من قدامجاسم ومن غير شعور تبعها دخلت المطبخ وجاسم واقف قريبمنها وهي ما نتبهت له هند / مشتهيه فطيرة تفاح ريتا / مافي يعرف يسوي هند بقهر / والحل مشتهيته لوعمران فيه كان ارسلته يجيب لي ريتا / خلي يوم ثاني هند بقهر / ياخساره كان جبت الطباخه مو كل ما شتهيت شي بالعزر احصله جاسم سمع كلامهم واوجعه قلبه انها تشتهي شي ولا تلقاه طلع من غير لا ينتبهن جاسم بعشق / ما عشت اذا خليت نفسك تشتهي شي ولا اجيبه ركب سيارتهبيروح للمدينه القريبه يجيب لها فطيرة تفاح واذا ما لقى بيسافر لرياض يجيبه مستحيليرجع من غيرها البارت الاربعون والحادي والاربعون عند هند طلبت من الشغاله تجهز الفطور وتحطه عند جداتها طلعت فوق لغرفتها دخلت الحمام اخذت شور انزلت لقت الفطور محطوط ام راشد / وينه جاسم هند ببرود/ مدري يمكن طلع ام موضي بعصبيه / مالقيتي يام راشد الا تسالين هند لو سالتي الشغاله عرفت وينه جاسم وزوجته ما تدري وينه هند ببرود / تبيني انشب بحلقه في الطلعه والدخله هو حر بكيفه ام راشد / افطري وانا امك افطرت هند وجلست عند جداتها سوالف حست انها تعبانه طلعت فوق لغرفتها انسدحت على سريره تذكر اشغال تخص شركتها قامت فتحت الاب توب وجلست تدرس المشاريع عند جاسم وصل للمدينه القريبه ولحسن حظه لقى محل كبير مشهور لبيع الفطائر اخذ سله كبيره مليانه فطائر مشكله واخذ كميات كبيره من فطائر التفاح الساخنه رجع لديره على صلاة العصر صلى العصر بالمسجد وبعدها دخل البيت محمل بالاكياس حطهم عند باب غرفة جداته جاسم قرب منهن وباس راسهن ام راشد / وينك يمه ماتغديت معنا جاسم / عندي مشوار خلصته ورجعت وينها هند ام موضي / تغدت وطلعت فوق واكيد بتنزل المغرب اطلع يمك شوفها جاسم / ان شاء الله طلع بالاكياس وصل لغرفتها طق الباب طقات متواصله ترك الاكياس عند بابها ودخل غرفته يتبع |
رد: غرام وانتقام عند هند كانت مشغوله بمراجعات الملفات الموجوده بلاب توب وهي منغمسه بالشغل سمعت صوت الطق على الباب طلبت منه الدخول لكن مادخل قامت تاركه الاب توب على الطاوله فتحت الباب شافت الاكياس عند الباب رفعتهم وشافت الاكياس مكتوب عليها اسم اكبر محل يبع المعجنات فتحت الاكياس شافت صحن كبير من الفطائر المشكله وكيس كله فطائر تفاح من الي تعشقها استغربت من الي جابهم صرخت بصوتها تنادي على ريتا دقائق وريتا عندها ريتا مستغربه من وجود الاكياس بيد هند هند / ريتا من حاط الاكياس عند باب غرفتي ريتا / مدري هند مستغربه / غريبه من يدري اني مشتهيه فطيرة تفاح وجايبهم لي مافيه احد يدري غيرك ريتا / مدري هند بعصبيه / شلون ماتدرين من جايبهم يمكن جاسم مع اني ماظن وش يدريه اني احب فطيرة التفاح الا اذا قلتي له ريتا / لا انا مافي يقول لجاسم وجاسم من اليوم فيه نوم بغرفته هند / اجل من جايبهم ريتا / انتي مافي يشوف الي يحط الغراض عند الباب هند / وش هالذكاء ريتا لو ادري ماسالتك ريتا بابتسامه / مو لازم يعرف اهم شي ياكل هند / الله يجزاه خير ويكثر من امثاله ويجيب لي كل شي اشتهيه عند جاسم متسند على باب غرفته يسمع الكلام بين هند وريتا وهو فرحان ومبسوط انه حقق شي بنفسها مو مهتم انها تعرف من جابهم الي يهمه ان مايكون في نفسها شي ولا يجيبه لو كان شي بسيط وتافه جاسم فيه نفسه / والله روحي فداك لو طلبتيهم ماستغليتها عليك دخل الحمام اخذ شور ولبس وانسدح على سريره عند هند عطت ريتا الاكياس وطلبت منها تجهز القهوه والشاهي وتحط من الفطاير وتطلعهم بالحوش لان الجو خيال دخلت غرفتها بدلت ملابسها بملابس ساتره تصلح تقابل جداتها فيها نزلت تحت على الاذان دخلت غرفة جداتها بعد ماصلت طلعت للحوش لقت الجدات جالسات وقدامهن القهوه والفطائر قربت منهن وسلمت على راسهن وجلست عند جاسم سمع اذان المغرب دخل الحمام توضاء وطلع للمسجد صلى ورجع للبيت لقى جداته وهند جالسات قدامهن القهوه وهند بيدها فطيرة تفاح تاكلها بتلذذ جاسم فرحان بداخله يمكن لو درت انه هو الي جابها ماكلتها قرب باس راس جداته رجع وقرب من هند وجلس جنبها هند تنرفزت مت قربه وزحفت وهو لحقها لين لزق كتفه بكتفها استسلمت ماتبي الجدات ينتبهن لها ماله خلق لمحاضرات منهن هند تتتكلم بين اسنانه / ياشين اللزقه جاسم يبتسم / احلى للزقه ام موضي / من جايب الفطائر هند / فاعل خير كثر الله من امثاله ام راشد / هند مدي صحن الفطائر لجاسم مدت الفطائر من غير نفس اخذ فطيرة تفاح ورجعت الصحن لمكانه جاسم بحب / اموت بفطائر التفاح والي ياكلهم هند اشرقت بقطعة من الفطيره خاف جاسم جاسم بخوف / هند اخذي نفس هند وعيونها كلها دموع هدت / كله من عيونك الحاره جاسم بابتسامه حب / بسم الله عليك من عيوني هند / ........... قطع عليهم دخول هنديانا والكوفيرات انصدم جاسم من رجوع هنديانا توقع بعد الي صار تحرم ترجع لديره ضاق صدره يوم شافها جاسم في نفسه / وش جابها هذي مراح تفكيني عساها الموت الي يريحني منها هند وقفت وضمت هنديانا بحب وجاسم متقرب منها مستغرب من هند وحبها لهنديانا هند بحب / يا هلا فيك وربي مشتاقه لك كذا طاوعك قلبك تتركيني وانا محتاجتك هنديانا بحب / لما طلبتيني جيتك ركض هند طالعت بالكوفيرات / اطلعي معهن وخليهن بالصاله الفوقيه ويجهزن اغراضهن وانا لاحقتكم طلعت هنديان مع الكوفيرات فوق وعيون جاسم مركزه على هند هند وقفت / اسمحولي بطلع فوق ام راشد / وش عندهن الفلبينيات جايات عندنا هند بابتسامه / ابيهن بشغله طلعت وقلب جاسم ناغزه قرر يتبعها من غير لا تدري طلعت وجاسم وقف يشوفهن بوضوح هنديانا وصلتهن ودخلت غرفة هند تنزل اغراضها جلست هند على الكرسي والكوفيره مسكت شعرها وقسمته وكنت الصدمه القويه لجاسم وهو يشوف المقص يقرب من شعر هند الي يعشقه حتى الجنون انتفض وصرخ صرخه قويه انفجعو كلهم منها جاسم ينتفض من العصبيه بصراخ / وقفي لا تقصينه قرب منهن واخذ المقص وحطه بجيبه وصرخ على الفلبينات جاسم بصراخ على الكوفيرات / ارجعن مكان ماجيتم وان شفتكم هنا مره ثانيه يويلكم خافن من صراخه استجابن لكلامه ونزلن وقرب لهند ومسك شعرها بتملك جاسم بعصبيه / اياني واياك تقصينه هند تنتفض من العصبيه / يالمجنون وش سويت وش لك علاقه بشعري قصيته ولا حلقته ياشين اللقافه جاسم وشعرها بين ايدينه كانه كنز ثمين خايف عليه يضيع كمل بعصبيه / مدامك عندي شعرك لو تموتين ما تقصينه اذا انقلعتي عند اهلك لو حلقتيه مراح اتدخل يويلك ياهند لو عصيتيني بتشوفين شي ما يرضيك اصبري هانت كلها ايام وترجعين لاهلك هند / فك شعري بدخل لغرفتي قامت من على الكرسي ودخلت غرفتها وهي مقهوره من تدخل جاسم ومقهوره من استسلامها له عند جاسم جلس على الكرسي حاول يهدي من عصبيته بينزل عند جداته يكمل قهوته معهن دقائق لين هدا نزل تحت جلس مع جداته وهو مقهور شلون لو تاخر عنها اكيد لعبت بشعرها الي يعشقه حمد ربه بداخله انه لحقها خايف تعانده وتقصه لانه عارف هند ما تخاف من التهديد وتعشق العناد عند هند هنديانا بسطت فراشها ونامت قبل دخول هند عليها دخلت هند غرفتها ودخلت الحمام توضت وصلت العشاء ونزلت عند جداتها لقت جاسم وسطهم طالعته بحقد عند جاسم اول ما شافها قدامه طار بنظره لشعرها خاف انها عاندته وقصته ارتاح وهو يشوفه متناثر على ظهرها حمد الله مليون مره انها ما سوت الشي الي كان خايف منه مر الاسبوع على ابطالنا جاسم وهند من بعد الكوافيرات صار يتجاهلها وهي تبادله نفس الشي مقهوره منه منع نفسه من دخول غرفتها خايف ان نفسه تخونه ويغلط معها فيصل يترقب خبر عن موعد رحلت غاده للحين وقتها مجهول عنده الجوهره طلعت من المستشفى وسكنت عند امها بغرفه تحت مجهزتها لها ولبنتها نواف فرحان ومبسوط ببنته ويستعد لتمايم عبدالرحمن وعايلته وبسام وعايلته انبسطو بالشرقيه جلسو خمس ايام ورجعو غاده من بعد مارجعت جهزت اغرضها وطلبت من محمد يجدد موعد الحجز في بيت عبد الرحمن عبد الرحمن جالس بالصاله عند عياله ونوره وغاده طالعين لسوق يشترون بعض الاغراض الي تحتاجهم غاده عبدالرحمن / محمد متى بتسافر اختك محمد / بعد بكره با ذن الله بعد العصر عبدالرحمن / انتبه لها نفسيتها ما هي عاجبتني اعرف انها تكابر وصي عليها فهد لا يتركها تجلس لحالها محمد / حتى انا ملاحظ كثير سرحانها وتفكيرها غير الحزن الي بعيونها سالتها اكثر من مره وتقول علشان بتسافر وتتركنا عبدالرحمن بجدية / بالبدايه بتتعب نفسيتها وبعدها بتتعود وهي تحب فهد بينسيها غربتها دخلت نوره وغاده عليهم بالصاله قربت من خالها وضمته غاده بحزن / بشتاق لك ياخالو دخيلك تزورني ما بيك تغيب عني عبد الرحمن خانقته العبره حاس انه روحه بتنتزع منه / وانا اقدر على بعدك كل ما جتني فرصه جيتك نوره واقفه تبكي بصمت ما تبي تزود على غاده الي ملاحظه عليها الشرود والحزن تركتهم ودخلت المطبخ تحط بعض الاكل الي شاريته على طلب غاده محمد / غدويه رحلتك تحددت بكره بعد العصر غاده حست بضيقه وخنقه لكن حاولت تصير طبيعيه ما تبي احد يشيل همها غاده / انا جاهزه محمد / احتمال كبير تتقدم الرحله بحاول تصير الصباح نجي فهد بدري غاده / احسن بيت ام جاسم فيصل جالس بغرفة الجوهره و امه جالسه بحضنها البنت كل ماحاول يمسكها صرخت عليه الجوهره عطتها امها تحميها من فيصل ولعبه الخشن سمع صوت جواله كان حاطه بالطاوله الجانبيه قام ياخذه شاف رقم صديقه بالمطار فز قلبه ورفعه على طول لانه متاكد ان عنده خبر عن موعد رحلة غاده اخذ الجوال وطلع لصاله بعيد عن امه فيصل بحماس / الو بشر صديقه / رحلتها بكره بعد العصر الساعه 5 فيصل بحزن / مشكور ما قصرت اخدمك بالافراح صديقه / تسلم مضطر اسكر عندي شغل فمان الله فيصل سكر ورجعت له المواجع كان حاط امل انها شالت فكرة السفر من راسها بعد ما صار لها اسبوع ماجاه خبر عن رحلتها قرر بكره الظهر يطلع للمطار ويعسكر هناك لين يشوفها ولازم يقابلها باي طريقه رجع عند امه والجوهره حاول يكون طبيعي ماله خلق الجوهره تدري وتسمعه كلام كاره انه يسمعه في الديره عند جاسم منقهر من نفسه ذبحه الشوق لها له اسبوع ما قابلها ولا صار بينهم كلام من بعد الكوفيرات يتهرب من مقابلتها معاد يقدر يقسى عليها ولا يتحمل قسوتها عليه صار اغلب وقته طالع برى يدور بالديره او يقضي وقته بالجلوس بغرفته ينزل عند جداته اذا تاكد انها ماهي عندهن واذا سالنه جداته عن غيابه يتعذر ان عنده اشغال قرر الليله ينام برى بالصاله الفوقيه بيتظاهر بالنوم بيراقبها بيموت لو ما شافها ادمنت عيونه شوفتها معاد يقدر يتهرب اكثر من كذا اخذ فراشه ولحافه وطلع برى بالصاله عيونه متعلقه على باب غرفتها يتمنى ان نومته بدفاء حضنها بدال الوحده الي هو فيها جاسم في نفسه / الي يبينا عيت النفس تبغاه والي نبيه عيا البخت لا يجيبه نفسه يقوم ويطل عليها بالغرفه وتصير هي اخر ما يشوفه قبل لاينام لكن خاف تخونه نفسه لان الصبر مل من صبره ما يضمن نفسه لو دخل عليها وهو باحلامه وامنياته حط راسه على مخدته ونام في بيت راشد منسدح على سريره وموضي منسدحه جنبه بغرفتهم بالشقه المفروشه ينتظرون متى املاك هند تنتقل لهم ويسكنون بقصرهم الي طردتهم منه هند موضي بطفش / متى بترفع قضيه على خالها لها مده من ماتت ما شوفك تحركت راشد / كلها كم يوم بمر جاسم بالمستشفى يمكن نستلم املاكنا من غير محاكم لان المحاكم يبي لها محامي و المحامي يبيله ضربة فلوس وانا مفلس موضي / انت صاحب حق ما ضن بتحتاج لمحامي راشد بجديه / اذا رفض عبد الرحمن يسلمنا الورث برضاه مستحيل نستلمه غصب عنه ما تضمنين وش بيسوي علشان يحرمنا من ورثها موضي بحقد / عساها النيران حتى وهي ميته بننحرم من اموالها راشد / اصبري كلها يومين وبقابل جاسم وبشوف وش رد عبد الرحمن على رسالتي له يمكن يخاف ما يبي يشوه سمعته بالمحاكم ويعطينا الورث او نصه راضي موضي بطمع / لا تتنازل لهم بفلس واحد احنا احق منهم هم عندهم فلوس ما تاكلها النيران راشد / ياحرمه نامي وخليني انام لكل حادث حديث لا تسبقين الامور يتبع |
رد: غرام وانتقام بيت ام جاسم عند فيصل بغرفته طلع من عند امه من غير لا يتعشى منسده نفسه عن الاكل كل تفكيره فيها خايف تسافر من غير لا يقابلها قرر يكون بالمطار من الظهر وبيتسمر بقسم المغادرين مستحيل يتحرك او يبعد عن مكانه لين يقابلها لازم يقابله وتعرف منهو فيصل الي عشقها اول ماسمع صوتها وكمل عليه شوفتها على كل الي سوته فيه يحبها ويعشقها ولا يتخيل حياته من غيرها وهو بافكار نام بيت عبدالرحمن عند غاده منسدحه على سريرها متضايقه ومهمومه حاولت تنسى فيصل وحبها العقيم وتفكيرها انه مستحيل بيفكر فيها بعد الي سوته فيه والاهانه القويه الي سببتها له واذا فكر فيها بينتقم منها تدفن حبها ولا تستحمل انتقامه دفنت وجهها بالمخده وصارت تبكي بوجع ومن قلب غاده تبكي بشهاق / والله ما قدر اشيل حبك من قلبي ليه ما كشفت اني احبك الا بعد ما خسرتك معقوله هذا عقاب من ربي بسبب الي سويته فيه نامت ودموعها واوجعها بصدرها بسبب الحب المحكوم عليه بالموت اليوم الثاني في بيت ام راشد عند هند صحت على صلاة الفجر دخلت الحمام توضت صلت ولبست برمود جيشي وعلاق زيتي ولبست على شعرها ايشارب زيتي وحذيان رياضيه زيتيه قررت اليوم بتبداء البناء طلعت من غرفتها مرت على الصاله الي فوق انتبهت لجاسم النايم على الكنبه هند في نفسها مستغربه / الخبل وش منحشه من غرفته ومنومه بالصاله عند جاسم بعد ما صلى الفجر رجع انسدح على الكنبه ولما سمع صوت باب غرفتها يفتح تظاهر بالنوم وسكر عيونه نص تسكيره يبي يشوفها من غير لا تنتبه انه صاحي اول ما شافها بشكلها المغري الفاتن من تزوجها كل لبسها ساتر حس بنفضه تسري بكل جسمه عند هند قربت من الكنبه المقابله لجاسم صارت قريبه منه نزلت راسها تربط رباط حذيانها عند جاسم يراقبها انصدم لما شافها تقرب منه تمنى ان الي في باله يكون لكن للاسف تحطم وهو يشوفها تجلس مقابلته تعدل ربطة حذيانها عطرها انتشر بالمكان اخذ شهيق امتلت رئتيه من عطرها الي يعشقه ويعشق كل شي فيها قربها منه بهذا الشكل كفيل انه يهدم حصون المقاومه بداخله مهما كان هو رجال بكامل رجولته يشوف قدامه بنت بقمة انوثتها وبلبسها المغري من المعجزات يقدر يقاومها وبالاول والاخير هي حلاله ما حس بنفسه الا وهو ساحبها لحضنه انفجعت من حركته المفاجئة وكانت تظن انه نايم لو كانت تدري انه صاحي ما قربت جنبه ما نتبهت الا وهي بين احضانه اغرقها بقبلاته الساخنه المتعطشه حاولت الافلات لكن كان جاسم متمكن من مسكتها في هالحظه نسى حلوفه موعى من سكرته الا بهنديان تسحبها من احضانه جاسم رفع راسه شاف هند بحضن هنديان وبقلبه يدعي على هنديان الي حرمته من استمتاعه بقربها الي ياما تمناه وحلم فيه وبنفس الوقت شكرها انها انقذته انه يخلي بحلوفه هند وهي تنتفض وجها احمر من العصيبه / انت حقير وبتظل طول عمرك حقير ومستحيل امنك على نفسي جاسم بقهر يحاول يخفيه / الي يسمعك يقول اني اجرمت زوجتي كلك حلالي وانتي الي شجعتيني ولبسك الدليل ولا تنسين انك انتي الي جايتني هند بصرخه هزت اعماق جاسم / طلقني والحين مستحيل انتظر اكثر من كذا شكلك صدقت التمثيليه السخيفه جاسم يصطنع القوه ومن داخله للحين متاثر من قربها / طلاق مراح اطلق هند وبعصبيه / بطلق غصبن عنك ولا مشتهي تنخلع مثل اخوك متعودين على قلة القيمة جاسم طالع فيها وكله الم يحاول يمتص غضبها/ تعوذي من ابليس لا روقتي نتفاهم هند وبكل قوه وقسوة / انت ابليس ولابينا تفاهم طلقني الحين ويليت تتقلع من الديره لان المكان الي انا فيه يتعذرك جاسم بيرد كارمته الي تنزف بسبتها وتاكد ان النهايه قربت جاسم وبحزن / تطمني انا ابي فرقاك اليوم قبل بكره وبطلقك حاول يقوي قلبه وينطقها جاسم / انتي طاااااااا حاول يكملها لكن لسانه رافض ينطقها جاسم يحاول يبرر لنفسه عجزه عن نطقها جاسم وهو ينزف الم ووجع / بطلقك بالمحكمه وبتوصلك ورقة طلاقك باسرع وقت هند باصرار / يا ليت اطلقني الحين وتصدقها بالمحكمه بسرعه ابي الخلاص منك مراح اقدر اصبر اكثر من كذا وان رفضت لا تلومني بالي بسويه فيك تعرفني انفذ تهديدي ولا يهمني اكبرها راس جاسم ضغط على نفسه سكر عيونه واخذ نفس لازم يقولها لان هذي النهايه اذا ما طلقها بتقلل من رجولته وتخلعه شيئين احلاهما مر جاسم بوجع / انتي طالق هند وبكل فرح / الحمد لله كابوس وفتكيت منه ياليت تشيل عفشك وتفارق الله لا يردك جاسم في نفسه / فرحانه بطلاقك يا هند يا ليت تحسين بتاثيرها علي فارقت روحي الجسد جاسم بحزن والم يعتصر قلبه / لك الي تبين لكن يا ليت ما تطلعين من الديره لين تنحل مشكلتك سمع صوت هنديانا / جاسم طلقني وبالثلاث متنازله عن كل حقوقي عليك جاسم باستهزاء / هذا يوم المنى انتي طالق طالق طالق امنيته يتخلص منها اليوم قبل بكره لكن للاسف صارت خسارته كبيره بطلاقه لهند جاسم دعى على نفسه وعلى تهوره الي حرمه منها كان راضي ومبسوط بحاله معها قريبه بعيده لكن الحين رجع للحرمان والم الفراق رفع عيونه لها بيشوفها النظره الاخيره انصدم وهو يشوف الدم مغرق بلوزتها تاكد انه هو السبب واكيد ان الجرح ينزف بسبب مقاومتها له تحرك من مكانه وقرب منها نسى كل الي صار ما يشوف قدامه الا حبيبته تنزف وخوفه انه يفقدها هو الي يحركه بلا شعور انصدمت هند وهي تشوفه قريب منها ولما مد يده قريب من صدرها صرخت عليه هند بعصبيه / لا تقرب مني مابي اذيك جاسم بوجع / انا طبيبك انسي اني كنت زوجك شوفي جرحك ينزف انتي امانه عندي وتطمني معاد لي رغبة فيك بعد طلاقك مني تحرمين علي نزلت هند نظرها على صدرها شافت دمها مغرق بلوزتها هند بحياء مخفي / مستحيل اخليك تكشف على جرحي جاسم طالع بهدنيانا الي واضح انها خايفه على هند بعد ما شافت بلوزتها جاسم / يا ليت تجيبين شنطتي من الغرفه دخلت هنديانا الغرفه وجابت الشنطه هند حست بدوخه وبروده بجسمها بسبب كميه الدم الي فقدتها كانت بطيح على الارض انتبه لها جاسم ومسكها قبل لا توصل للارض سدحها على الكنبه الي كان منسدح عليها الي شهدت قربها منه نزل بلوزتها شاف الجرح ينزف اخذ قطع من القطع وضغطها على الجرح بيمنع تدفق الدمع شالها بين ذراعيه قربها من يذبحه طالع بوجهها شافها عاقده حواجبها من الالم اوجعه قلبه انه سبب بالم حبيبته دخلها غرفتها عطاها ابره مهدئة وغطاها بعباتها وشالها بيوصلها لاقرب مستشفى من الديره دخلت هنديانا عليهم وسحبتها من جاسم وشالتها بتوصلها لسيارته وبتروح معهم جاسم فيه نفسه / حتى بشيلها بتحرميني ما يكفيني وجع وحرمان كل ما قلت زانت الاقيها شانت الله يصبرني على وجع الفراق ركبها سيارته ومددها بالمرتبه الي وراء وراسها على فخذ هنديانا طالع بساعته كانت الساعه سبع الصباح بعد ساق بسرعه جنونيه وهو كل دقيقه يلتفت وراء يطمن عليها وصل في نصف ساعه للمستشفى دخلها غرفة الطوارئ واستدعى الطبيب الي كشف على حالتها الدكتور / الجرح ملتهب وفيه غرزتين مفتوحه جاسم بعصبية / وش تنتظر يله بسرعه سو الاجراءات الازمه وجهزو غرفة العمليان انت ما تشوف البنت تنزف ولا تنتظرها لين تموت الدكتور طالعه بعصبيه / وحضرتك بتفهمنا شنو نسوي وما نسوي جاسم / انا الدكتور جاسم ال ... انتفض الدكتور لما عرف من يكون الي قدامه واستحى من نفسه انه يجادل دكتور له قدره مثل جاسم الدكتور يعتذر / اسف الي ما يعرفك ما يثمنك جاسم بقلة صبر / بلاها الاعتذارات وتطويل السالفه والمريضه تنزف انا الي بشرف على حالتها وبدخل معك غرفة العمليات الدكتور / دقائق والممرضه تجهز لك لبس العمليات جاسم ما يقدر يتركها بين ايدين الدكتور لحالهم خايف عليها منه ويعتبرها من ممتلكاته مستحيل يخلي احد يلمسها او يقرب منها بعد دقائق هند بغرفة العمليات ومعها جاسم والدكتور وهنديانا واقفه عند باب العمليات تدعي لهند جاسم لاحظ على الدكتور انه مركز نظره على وجهها وواضح عليه الانبهار والاعجاب لكن جاسم اضطر انه يكتم بداخله ويستمر بالعمليه راح يتفاهم معه بعد العمليات مستحيل ما يعاقبه على نظراته الخبيثه الي التهمت هندجاسم يدعي في نفسه انه يقدر يمسك اعصابه لين تنتهي العمليه ما يبي يعرض حياتها للخطر ويصير شي يندم عليه طول عمره بعد نصف ساعه من التوتر والضغط طلعو من غرفة العمليات اخذو الممرضات هند لغرفة الملاحظه اول ما طلعو من الغرفه تفاجئ الدكتور بلمكه قويه على وجهه جاسم بصراخ / انت كذا تتعامل مع كل الي تسوي لهم عمليات تاكلهم بنظراتك الخبيثه وين الامانه الطبيه الدكتور مسح الدم الي طالع من فمه وهو مستحي عرف ان جاسم كشفه معترف انه عمره ما شاف جمال مثل جمالها الي يطلع الواحد من طوره جاسم / انا المسئول عن حالتها ويويلك لو اشوفك مقرب من غرفتها ولا من الجناح الي فيه غرفتها وربي الي خلقني الي ما ينحلف فيه كذب ان موتك بيدي الدكتور خاف / ما يصير خاطرك الا طيب وانا اسف اذا تجاوزت حدودي لكن المريضه عليها جمال افقدني صوابي انقهر جاسم منه يتغزل بمعشوقته وقدامه سحبه برقبته جاسم بقرف / انت تدري اني زوج المريضه الي تتغزل فيها دفه جاسم بكل قوته طاح على ظهره خاف الدكتور من عصبية مشى وتركه جاسم في نفسه / لازم اجلس عندها وانام معها بنفس الغرفه لازم احميها من هالاشكال مستحيل اخلي احد يقرب من غرفتها بصير دكتورها وخادمها في بيت خالد من بعد صلاة الفجر وهو يحس قلبه مقبوض وقلبه يقوله ان هند فيها شي لانه يحس فيه اذا توجعت اوتضايقت طالع في غاده واقفه قدام المرايه تستعد لدوامها بالمستشفى التفتت عليه بتكلمه شافته سرحان في عالم غير العالم هزت راسه اسى على حال خالد من بعد غياب هند وحاله منقلبه خالد في نفسه / لمتى بنتظر جاسم يتفضل علي ويسمح لي اكلمها اخذ جواله من الكمودينه ودق على رقم جاسم عند جاسم كان واقف عند غرفة الملاحظه يراقب هند ما يقدر يبعد عن غرفتها سمع صوت جواله طلعه من جيبه استغرب وهو يشوف رقم خالد تاكد ان بينهم اشتراك حسي هذي ثاني مره يلاحظ هذا الاحساس اولها في بيت عمه لما جاء لها واليوم اخذ نفس عميق محتار وش بيجاوبه جاسم / الو خالد بلهفه / الو جاسم جاسم / هلا خالد خالد / شلونك واخبار هند جاسم / الحمدلله كلنا بخير بشر عنك خالد / الحمدلله عطني هند اكلمها لا تتعذر بي عذر اذا معطيتنيها انا الحين عندك بالديره ولي فيها فيها جاسم / هند ماهي بالديره خالد بعصبيه وبصرخه / وين وديتها هذا جزاتنا انا امناك عليها جاسم بجديه/ هند الصباح نزف عليها الجرح والحين بالمستشفى خيطت الجرح والحين بالملاحظه والحمد لله كلها كم ساعه وتطلع ونطمن عليها خالد بخوف / كنت حاس ان فيها شي قلبي دليلي عطني عنوان المستشفى جاسم مستسلم / عطاه عنوان المستشفى خالد / يله مضطر اسكر وانا جاي مسافة الطريق سكر منه جاسم وهموم الدنيا على راسه خايف يدري عن طلاقهم وياخذها معه وينحرم طول عمره منها يبيها عند جداتها قرر يدخل يتطمن عليها خايف من ردت فعلها لشافته عندها لكن حبه هو الي يسيره ما يقدر يتركها وهي بحاجته عند خالد غاده كانت مستمعه لمكالمته مع جاسم وهي خايفه على هند غاده / خالد هند فيها شي خالد باستعجال / بالمستشفى الجرح نزف ياليت تجهزين شنطتي بروح لها وبجلس بالديره كم يوم غاده / اخذني معك خالد / ودوامك غاده / بطقاق اهم ماعندي هند خالد بحب / يله لا تاخريني طلعت شنطه لها وشنطه لخالد ورتبت ملابسهم ركبو السياره متجهين للمستشفى عند جاسم جالس على كرسي جنب سريرها ومشغول بتفكيره بالي بيصير خايف من خالد لدرى بلي سواه فيها عارف ان خالد دمه حار ما ينتفاهم هند صحت وجاسم بسرحانه التفتت شافت جاسم وعصبت هند بعصبية / خير وش مقعدك عندي قوم فارق فز من صوتها ابتسم ابتسامعه مصطنعه / الحمد لله على سلامتك يا بنت العم هند بتعب/ وش صار فيني جاسم / انفتح الجرح هند بسخريه / البركه فيك جاسم / ........... هند بحزن / جداتي درن جاسم / لا لما طلعنا كانو نايمات وبتصل على عمران يقول لهن انا طالعين نتمشى وبنرجع هند / جاسم مابي احد يدري عن طلاقنا جاسم فرح هذا الي يتمناه لكن خاف لو قاله تاكله قبل لا يكلمه جاسم رفع حاجبه يتظاهر بعدم الاهتمام / وليه ان شاء ما تبين احد يدري اذا ما درو اليوم بيدرون بكره هند / عندي شغلات بالديره لازم اخلصها بعد ماخلصها بعلن للعالم اني تطلق وبترك الديره جاسم / وش تفرق ان درو وان مادرو الي تبينه بالديره سويه هند / اوعدك كلها شهر وانا الي بقول للعالم اني تطلقت لازم اخلص من المدرسه اول لاني ما بيهم يقولون اني تهربت من وعدي جاسم في نفسه / ااااااااااااه ياهند كلن تفكرين فيهم وانا من يفكر بحالتي هند بحزن/ غصب عني يا جاسم جاسم طالعها مستغرب ولا فاهم وش تقصد جاسم رفع حواجبه / ما فهمتك ياليت توضحين مسكت يده ورصت عليها بقوه مسكتها كهربت جاسم وقلبت حاله مستغرب ومتفاجئ فرحان يمكن ترحمه وتترجاه يرجعها طالعها بهيام وحب مستمتع بمسكتها يتمنى طول عمره ان يدها ماسكه يده هند بقسوه / جاسم غصب عني الي اسويه فيك اكرهك فوق ما تتخيل كرهي لك من كرهي لراشد انت تستاهل الي احسن مني ما ينجبر قلب على قلب مثل ما حبيتني بتحب غير واكيد بتستاهلك وبتقدر حبك جرحته حتى الصميم كاشفه حبه وعشقه لها ومستمتعه بتعذيه وهو من غبائه يحاول يكابر ويطلع عكس الي يخفيه بقلبه سحب جاسم يده من يدها جاسم بصراخ / انتي حقوده ياهند وظالمه تاخذينا بجريمه عمي قولي لي وش ذنبنا لما سوى فيك عمي هالشي كنا صغار لاحول لنا ولا قوة كنا نجهل ان لنا بنات عم ولما اكتشفنا وعشقناهن صرخ عليها بصوت اعلى / قولي وش استفدت من حبي لك الا الضعف والغبن والقهر احلفك بالله هذا كان حالي قبل لا عرفك صد بيطلع سمع صوتها وراه / حب من طرف واحد يا جاسم عمري ما حسستك اني احبك ويا كثر ما نبهتك انك تبعد عني واني ما انفع لزواج قلبي شاخ والبركه بعمك اذا بتحاسب حاسبه انت سمعت الي يقول الي انقرص من الحيه يخاف من الحبل هذا انا يا جاسم مستحيل اسلم قلبي لرجال لان ما منكم امان طلع من الغرفه مخنوق ما عاد يقدر يبقى عندها او يشوفها بعد اليوم ما يبيها تلعب فيه اكثر جلس على كرسي بجنب غرفتها ينتظر خالد محتاج انه يختلي بنفسه ويراجع حساباته قرر لجاء خالد يرجع لرياض ويركز بشغله وينساها معاد يربطه فيها شي يمكن مع الزمن ينساها بيترك هالشي للايام يمكن تكون كفيله بعلاج جروحه يتبع |
رد: غرام وانتقام بالديره عند الجدات استغربن اختفاء جاسم وهند نادت ام راشد ريتا تسالها عن هند ام راشد / وينها هند ريتا / عمران يقول كلمه جاسم يقول فيه يتمشى برى الجدات فرحن ان جاسم وهند طالعين مع بعض من جت هند الديره ماعمرها طلعت مع جاسم يمكن ها لطلعه بتقربهم لبعض ام راشد / يارب تسخرهم لبعض ام موضي / اللهم امين ام راشد / زين من جاسم قرر يطلعها يكفي انهم ماسافر مثل المعاريس ام موضي / انتي تعرفين السبب حادها وجرحها ام راشد / الله يشفيها ويحنن قلبها على جاسم ام موضي / هند طيبه وجاسم طيب مادري وش الي منفرهم عن بعض ام راشد بوجع / هند كارهته من كرهها لابوها وانا مالومها انا ساكته ماتدخلت وانا اشوف الي يصير لان مالومها بتصرفاتها ولا الي سواه فيها ابوها يتنسى ام موضي بوجع / كله من موضي الي ماساعدته على خير وانا متاكده انها هي السبب الي خلها ينكر بناته ام راشد / ااااااااااااااااه وانا اختك لا خير في الولد ولا خير في حرمته الله يصبرني ام موضي نزلت دموعها / فكينا من طاريهم وربي قلبي ينفطر لجاء طاريها انا بنتي ظالمه وتساعد على الظلم ماخافت من عقاب ربي ام راشد / حسبي الله ونعم الوكيل صدق الشوق طلع ورد وهذا راشد بنته ورده لولا معاملتها مع جاسم الي مضيقتن صدر ام موضي / جاسم صابر ومتحمل مدري لمتى خايفه انه يفقد صبره ويسوي شي مانبيه ام راشد / مالومه بالي يسويه كل دقيقه منحشته من الديره بسبب معاملتها معه عند جاسم الساعه 3 الظهر ما قدر يمنع نفسه انه يدخل عليها بعد الكلام الي صار بينهم طق الباب ودخل لقاها متسنده على سريرها وعيونها مركزه على الباب اول ما شافته صدت بوجهها بالجهه الثانيه وهذا زاده وجع و الم وحسرة جاسم / جيت اقول لك ان اخوك خالد بيجيك التفتت عليه وبفرح / جد جاسم جاسم مبسوط لفرحها / ايه وهو جاي بالطريق هند بحب / فديته يكثر شوقي له ياني فاقدته كثير جاسم في نفسه / يا ليتني بقلبك مثل خالد يا ليت اشوف الشوق والهفه بعيونك لي لكن ماعاد ينفع كل شي ضاع جاسم بحزن عميق / انا بترك الديره واذا رجعتي لاهلك اقدر ارجع اشوف جداتي هند بدون اهتمام / براحتك انا كلها شهر او اقل وبهاجر لبريطانيا جاسم بوجع / تهاجرين وتتركين ديرتك هند طالعته بالم / اريح وارتاح ركزت بنظرها عليه / سببت اوجاع لناس ذنبهم انهم حبوني جاسم ما قدر يمسك نفسه جلس على الكرسي اول مره تكلمه هند بهالطريقه وتعتبر نفسها مذنبه بحقه جاسم بنظره حب والم / مالك ذنب الذنب ذنبهم حبو وتعلقو بسراب نسو او تناسو ان فيه ماضي جاجز بينهم حبوك وهم ما يعرفون من انتي ولما عرفك زاد الحب وكبر لين صار عشق والعشق صعبة انه يزول من القلب الا بالموت هند مستمعه بالم وكانها اول مره تكتشف منهو جاسم حقدها على ابوها اعماها وصارت ما تشوف شي الا انتقامها من راشد وكرهت عيال اخوه لانهم من دمه استغربت هند وهي تشوف جاسم يطلع بوكه ويفتحه ويطلع منه شغله مد جاسم لها السلسال وكانه ينتزع روحه بايده جاسم / خذي هذا لك ياما سهرت معه ليالي اضمه واشمه واتصبر فيه عن صاحبته هند اخذته منه وباستغراب رفعت عينها عليه / هذا سلسالي وفيه اول حرف من اسمي من زمان فاقدته شلون وصل لك جاسم ابتسم بالم / وحكى لها سالفته مع السلسال ايام الاستراحه هند / ....... اول مره يمر عليها موقف تكون عاجزه فيه عن التصرف وهي دايما العقل المدبره كلام جاسم اخرسها عن الكلام وصارت تشوف نفسها ظالمه ومذنبه بحقه وحق اخوه مستحيل يكون فيه حب وعشق مثل الي تشوفه بعيون جاسم مستحيل لغة العيون تكذب الي سوته فيه مستحيل يغفره لها وكبريائها وكرامتها تمنعها انها تعتذر قطع عليها تفكيرها صوت جاسم جاسم بحزن والم / اودعك يا بنت العم وسامحيني اذا تجاوزت حدودي معك ويا ليت تعرفين وتتاكدين ان الماضي مالنا ذنب فيه وعمي وخالتي متبرين من افعالهم لا وصيك على جداتي وطلع وهو خانقته العبره من غير لا ينتظر أي رد منها لما ودعها حست باحساس اول مره تحس فيه و لما طلع من غرفتها كان روحها فارقتها غصب عنها دمعت عيونها وهي تجهل السبب جاسم برا غرفتها متسند على الجدار يحاول يمنع دموعه من النزول مهما كان هو رجال ودموعه غاليه اخذ نفس عميق يحاول يهدي فيه نفسه وهو بحالته سمع صوت جواله شاف المتصل خالد جاسم يحاول يكون صوته طبيعي جاسم / هلا خالد خالد / انا بالمستشفى ياليت توصف لي غرفتها جاسم وصف له الغرفه دقائق شاف خالد ومعه حرمه سلم عليه خالد / شلونها الحين جاسم / بخير بالغرفه تنتظرك عندها خبر انك بتجي خالد بحب / فديتها جاسم / اسمحلي خالد مضطر اروح الرياض خالد / مسموح وانا بجلس كم يوم بالديره لتحسنت رجعت لرياض طلع جاسم من المستشفى مهموم متضايق فقد كل شي يربطه فيها حتى سلسالها فقده يبي ينساه ما يبي أي شي يذكره فيها يكفيه كل هالايام متعلق بوهم جاسم في نفسه / وبتقدر تنساها وبتتحمل انها تكون لغيرك وتصير حلاله اشتعلت نيران بداخله لكن من بيطفيها عند هند كانت متضايقه من الي صار بينها وبين جاسم سمعت صوت الباب يدق توقعت جاسم غير رايه وبيبقى عندها ثواني وينفتح الباب ويشع وجهها نور وهي تشوف خالد وغاده نست كل شي صار ما تشوف قدامها الا اخوها الي مشتاقه له وصديقتها الي متلهفه ومشتاقه لها ما حست هند الا بغاده بحضنها وتضمها خالد بصرخه / غاده شوي على هند نسيتي الجرح انتبهت غاده لانها نست الجرح غاده بحب / يوه نسيت ليكون اوجعتك هند طالعت بخالد بحب / تعال يروح هند ليه واقف ركض لها خالد وكله حب باس جبينها نفسيه يا خذها بحضنه لكن خايف يوجعها هند ما نتظرته على طول رمت نفسها بحضنه من غير شعور جلست تبكي بصوت عالي خالد خاف عليها من زمان ما شافها تبكي بهذا الشكل خالد وهو يمسح على شعرها / وش فيك ياقلب اخوك احد مضايقك هند / ذبحني الشوق لكم توا حسيت ان روحي رجعت لي بشوفتكم خالد / ابشرك بنجلس عندك لين تملين هند / والشركه خالد ضربها خفيف على راسها يبتسم / ان غاب القط العب يافار صرت يوم اداوم وعشره اجلس بالبيت طالعته بحب / مشتاقه لشركه اخاف غيابي ماثر فيها خالد / تطمني لا تحاتين الشركه كل امورها زينه وهي مشتاقه انك تنورينها غاده مستمعه / ماكانكم طنشتوني وش رايكم ارجع الرياض واخليكم تكملون سوالفكم هند اطالعها / ماعاش ولا كان من يطنشك بشريني عنك غاده / الحمد لله كلنا بخير من عمي عبدالرحمن لين عدنان والكل مشتاق لك هند طالعت بخالد / ليه ماجبتهم معك خالد / ما قلت لاحد ولا راح اقول نسيتي ان حياتك بخطر هند / لمتى وانا منخشه تعرفني اواجه مانخش لكن طريقة جيتي لديره بحاسبكم فيها بعدين خالد / كل الي سويناه من خوفنا عليك وكيد بتعذرينا هند / خالي وخالتي كيفهم خالد / ابوي من بعد غيابك متغير ماصار مثل اول هالك نفسه بشغل يجي البيت ينام هند بحب / يا قلبي يا خالي وربي شوقي له اضعاف شوقه لي هند / اخبارها غدويه تاقلمت على غيابي خالد / اختك ما ينعرف الي وراها ما تصرح بالي في نفسها الي نشوفه قدامنا نفسها غاده الي نعرفها غاده / هنوده متى بتطلعين مشتاقه اشوف الدير هند / اليوم ان شاء الله تعرفيني ما حب جلست المستشفيات خالد / بروح اجيب لنا شي ناكله انا وغاده على عشانا البارح وبموت من الجوع غاده / حتى انا بموت من الجوع خالد / مشتهين شي اجيبه لكم ولا تاكلون على ذوقي غاده / مشتهيه بيتزا لي كم يوم وانا بموت واكلها خالد يطالعها باستغراب / من متى وانتي تحبين البيتزا اخبر نتهاوش لجبتها غاده / حتى انا مستغرفه خالد / خلاص بجيب بيتزا وانتي ياهنوده هند / ماضنتي بتلاقي هنا محل يبيع بيتزا اتوقع تاليتها غداكم شابوره وحليب خالد / هههههههههههه اوفر بعد غاده حست الدنيا ادور فيها وطاحت على الكرسي انتبه لها خالد وركض لها بخوف خالد بخوف / غاده انتي تعبانه وجهك اصفر تحسين بشي غاده / يمكن من ارهاق السفر خالد / قومي معي نفحص مدامنا بالمستشفى يمكن فيك فقر دم خليهم يكتبون لك فيتامينات غاده / ماله داعي خالد هند / خذها خالد غصب فقر الدم ماينتساهل فيه غاده طاوعتهم وراحت مع خالد لغرفة الدكتوره وطلب منهم بعض الفحوصات بعد ماخذها من غاده قال لهم النتيجه بعد ربع ساعه قررو يرجعون لغرفة هند وخالد بعدين يرجع لدكتوره ياخذ النتيجه والعلاج دخلو غرفة هند اول ماشافتهم هند / بشرو وش طلع غاده / اخذو عينات دم وقالو النتيجه بعد ربع ساعه وانا بجلس عندك وخالد بيجيبها جلسو يسولفون لين انتهت ربع ساعه قام خالد من الكرسي خالد / انا رايح اشوف النتيجه وبعدها بطلع اجيب لنا غداء طلع من عندهم متجه لغرفة الدكتوره طق الباب سمحت له بالدخول خالد / انا زوج المريضه غاده الدكتوره تفضل ليه واقف فيه كلام طويل لازم تسمعه خالد خاف من الي بتقوله الدكتوره الدكتوره شافت الخوف بعيونه الدكتوره / مبروك خالد بستغراب / الله يبارك فيك لكن على شنو الدكتور / من متى وانت متزوج خالد / 7 شهور الدكتور بابتسامه / مبروك لانك بتصير ابو خالد تخربط ما كان متوقع هالشي مع انه المفروض يخاف من تاخر الحمل لكن حبه لغاده منسيه يفكر بالعيال قام من الكرسي وطلع من غرفة الدكتوره متجه لغرفة هند اول ما شافو وجهه خافو ان بغاده مرض خطير هند بخوف / بسم الله عليك خالد وش فيه خالد بعدم استيعاب / الدكتوره تقول بصير ابو هند بفرح / يادب خوفتنا قلت بغاده مرض خطير غاده صدمتها لا تقل عن صدمة خالد لها فتره وهي شايله هم تاخر الحمل عندها غاده صارت تبكي وتشاهق انتبه لها خالد وركض لها وضمها بقوه هند / هههههههههههه مجانين لاحد يشوفكم يحسب ميت لكم احد والتفتت عليهم / مبروك خالد مبروك غاده لا وصيك انتبهي على نفسك انتي مسئوله عن روح بداخلك غاده رفعت راسها عن حضن خالد ووجها احمر متفشله من هند هند / ههههههههههه عادي غاده ليش مستحيه نعديها هالمره بسبب الوناسه المره الثانيه بتتعاقبون على عرض هالمناظر المخله قدامي غاده / اشوف فيك يوم واصيدك مع جاسم اعتصر قلب هند من مجرد ذكر اسمه تغتصب الضحكه / تطمني مراح تشوفين غاده تجهل علاقة هند بجاسم الي يعرفها خالد كبر جاسم بعينه انه نفذ حلوفه هو رجال ويعرف صعبه مقاومه انثى وخاصة لكانت حلاله تاكد ان جاسم يحبها ومستحيل هند بتلاقي مثل جاسم الي قدم مصلحتها على رغباته مستغرب من نظره الحزن بعيون اخته لازم يختلي فيها ويفهم منها كل شي يعرفها مستحيل تخش عنه شي لانه كاشفها هند / خالد كلم بشر خالي وخالتي بينبسطون بالخبر ولا تنسون عمي ابو بسام وعمتي خالد / ان شاء الله انا طالع اجيب غداء لنا لازم تاكل غاده ابي ولدي مربرب مابي مثل امه غاده / خااااااااااااااالد خالد / هههههههههه نمزح هند / هههههههههه الله يقويك عليه ياغاده طلع خالد من عندهم رفع جواله واتصل على ابوه مارد عليه اتصل على جوال امه عند نوره كانت جالسه بالصاله وعبد الرحمن نايم بغرفته شافت رقم ولدها نوره / هلا فيك وينك خالد بحب / عند هند وتسلم عليك نوره بشوق / شلونها وشلون جرحها بشرني عنها خالد / بخير بشرني عنك نوره / اللهم لك الحمد شايلة هم سفر غاده خالد بيغير جو امه / ابشرك بتصيرين جده نوره تبكي / جعله مبروك يمه وتفرح فيه خالد / فديتك ليه تبكين نوره / فرحانه هذا اليوم انتظرته من زمان والحمد لله ربي حققه لي خالد / يا لغاليه وينه ابوي اتصل على جواله ما يرد نوره / جاء من الشركه تعبان نام خالد / اجل بشريه بالنيابه عني نوره بحب / ان شاء الله سلم على غاده وخلها تنتبه على نفسها ولا تشيل شي ثقيل وتاكل زين خالد / ان شاء الله يوصل توصين على شي نوره / سلم على اختك وخلها تنتبه على صحتها سكرت الجوال من ولدها وطقت على غاده غرفتها كانت غاده منسدحه على سريرها قربت منها نوره وجلست على طرف السرير وهي فرحانه غاده بابتسامه / شكلك مبسوطه قولي ابسطني معك نوره / خالد كلم غاده حامل غاده بفرح / والله وناسه بصير عمه نوره بمزح / بيكبرني ولد خالد وبصير جده غاده ضمتها بحب / فديتها احلى واحن جده يا بخته ولد خالد بجدته نوره / بطلع ابشر خالك وانتي اذا شفتي محمد بشريه غاده / ان شاء الله طلعت نوره ودخلت غرفتها شافت عبد الرحمن واقف قدام المرايه يعدل غترته نوره / عبدالرحمن خالد كلمني من عند اخته هند عبد الرحمن بعصبيه / وش تقولين ليه رايح ما قال لي هو عارف ان روحته فيها خطر عليها نوره / صار الي صار الله يحفظها عبد الرحمن / اشوف الفرحه بعيونك كل هذا علشان جتك اخبار عن هند نوره بحب / ايه وفيه شي ثاني بيبسطك عبدالرحمن يبتسم / قولي نوره / بتصير جد غاده حامل عبدالرحمن بفرح / يا جعله مبارك ليش ماكلمني وفرحني نوره / يقول اتصل عليك وما ترد قلت انك نايم عبدالرحمن طالع بجواله شاف مكالمه لخالد مارد عليها عبد الرحمن / كنت نايم والجوال على الصامت انا طالع لشركه توصين على شي نوره / سلامتك يتبع |
رد: غرام وانتقام عند جاسم كان يسوق راجع لرياض متضايق ومهموم ما يبي يتركها بالمستشفى كان يتمنى يوصلها للبيت لكن بعد ماشاف خالد تاكد انه صفر على الشمال سمع صوت جواله شاف رقم اخوه طنش ماله خلق يسمع صوت احد الي فيه من هم يكفيه في المستشفى عند هند هند بحزن / غاده بقولك سر امنتك محد يعرفه غاده بلوم / من متى يا هند انشر اسرارك سرك سري هند ببرود / جاسم طلقني غاده بصراخ / شنووووووووو هند ببرود / مثل ما سمعتي طالعتها غاده تعرف صديقتها / اكيد طفرتي برجال لين طلقك تحاسبينه بجريمه ماله ذنب فيها واكيد انتي الي طالبه منه يطلقك هند / ايه غاده بصراخ / تطلقتي وانتي ماكملتي سنه ما فكرتي بكلام الناس هند بقوه / تعرفيني ما يهمني كلام الناس غاده / اذا ماهمك كلامهم لكنه يهم خالك وخالتك حتى خالد مستحيل يقدر يحط وجهه بوجه أي واحد يساله ليش هند تطلقت بسرعه هذي بتثبتين شكوكهم والكلام الي يقولونه هند بصراخ / ما هموني وزواجي من جاسم زواج صوري من غير شوري ولا رضاي كلكم تدرون اني اكرهه واتمنى الموت ولا اتزوجه استغلو فرصة مرضي وزوجوني وانا مدري عروس بليلة عرسها زوجها معطيها منوم وخاطفها مكان ما تعرف فيه احد أي زواج هذا الي تتكلمين عنه انصدمت غاده من الحقائق الي تجهلها ما توقعت كل هذا صار مستحيل ترضى فيه أي بنت وهند بطبيعتها قويه مستحيل تلين او ترضخ في شي مجبوره عليه هند / اشوفك ساكته وين لسانك الي قبل شوي غاده / منصدمه ان كل هذا صاير لك اهلك تكتمو على زواجك من جاسم والكل يحسبك ميته الي يدرون بزواجك ابوي وعمي ابو نواف وامي لانهم ما قدرو يخشون عنهم خايفين لا درو يزعلون عليهم وهم اقرب الناس لكم هند بجديه / وهذا انتي دريتي تلوميني اني رافضته وعزرت فيه وهو بيتزوجني قدام العالم مجرد انه قال بتزوجك غصب عنك شلون لما يصير هذا الشي غصب عني ومن وراي كاني جاريه تعرفين كله ولا كرامتي وكبريائي مستحيل ارضخ له واعطيه ريق حلو من تزوجته وانا مسوده عليه حياته وهو متحملني ابيها تجي منه ويكرهني ويطلقني لكن متحمل البلاوي الي اسويها فيه لهنا وخلاص حياتنا مستحيله نكملها مع بعض غاده بحزن/ جاسم يحبك يا لخبله مستحيل الوحده بزمن تلاقي زوج يحبها هند بحزن والم / ادري واكثر من الحب هو قال انه يعشقني قبل لا يدري اني بنت عمه وفرح اني بنت عمه يظن انه بيقرب مني اكثر مادرى انه صار على قائمة المكروهين عندي غاده باستفهام / شلون عشقك قبل لايدري هند / تذكرين طلعتنا الاستراحه الي جات فيها موضي غاده / ايه هند / قالت لها كل الي قاله جاسم من اول ما شافها وسالفته مع سلسالها غاده تعاطفت مع جاسم / حرام الي سويته فيه من جد يا هند انتي ظالمه على كل الي سويته فيه وهو صابر وبلع غصته نحرتيه يا هند عاقبتيه بالطلاق وهو مارتكب ذنب ذنبه ان يبي حقة الشرعي منك يكفيه صبر وهو يشوفك قدامه هند بقوه / هذا الي صار مصيره بينسى وبيتعلم الدنيا مدرسه غاده / الله يعينه ويصبره مشكلته انه حب وحده بلا قلب هند بصرخه / غاااااااااده خلاص انتهينا انا وجاسم العيشه بينا مستحيله مثل ما حبني بيحب غيري غاده تنهدت / تقولين هالكلام لانك ما جربتي الحب الحب بقلب الحبيب يزود اااااااه من ووجع الفراق هند / ههههههه الاخت شاعره وفري هالكلام لخالد غاده طالعت فيه / ما قول الا مالت اتمنى من قلبي اشوفك تكتوين بنار الحب هند بقوة / مخليه الحب لا هله ما فيه رجال يهز فيني شعره لانهم كلهم يتمسكنون لين يتمكنون جاسم الي تشوفينه لو نولته الي في باله كان من زمان راميني مثل عمه والي سواه بامي غاده بجدية / مستحيل تعيشين مبسوطه وانتي مدخله راشد بكل شي ترى اصابع يدك ماهي سوى وقفو كلامه لما شافو خالد داخل عليهم باكياس خالد / ابشرك غاده لقيت محل يبيع بيتز الي تحبينها اكلي وغذي ولدي هند / هههههههه الله يعينه هالولد شكله بيطلع من بطن امه وهو فيل غاده / بسم الله عليه خالد / كلمت امي بشرتها وبكت انتن يالحريم دموعكم قريبه بالفرح تبكون وبالحزن تبكون هند / خالد خص ولا تعم خالد يطالع فيها / انتي غير انتي رجاله مانقصك غير شنب هند / وهذا اسميه مدح ولا سب خالد وهو يفتح صحن البيتزا ويطلع قطعه لغاده ومد قطعه لهند خالد / كلهم عند فيصل جالس بغرفته مشتاق لاخوه جاسم من زمان عنه ما تصل عليه رفع جواله واتصل على جاسم ماشاف رد كرر الاتصال عند جاسم شاف اصرار فيصل بالاتصال خاف وبسرعه رد جاسم ببرود / الو فيصل / جاسم وينك فيه جاسم بحزن عميق / جاي بالطريق فيصل لحظ الحزن بصوت اخوه ماحب يطول عليه فيصل / نواف حدد تمايم بنته الليله جاسم ببرود / انا جاي بالطريق ان شاء الله احضرها اذا ماكنت تعبان فيصل خاف من نبرة الحزن بصوت اخوه خايف هند مسويه له مصيبه بعد ماضربها لان متاكد مستحيل تسكت على ضرب جاسم لها فيصل / تجي بسلامه فمان الله وانتبه على الطريق عند هند التفتت على خالد وغاده الي واضح عليهم التعب من السفر هند بجديه/ خالد بطلع انا بخير خالد / ارتاحي اليوم وبكره تطلعين هند بعصبيه / خالد انت تعرف ان جلست المستشفيات تخنقني وبرتاح لطلعت استسلم خالد لكلامها اتجه لغرفة الدكتور وبعد محاولات وافق انها تطلع على مسئوليتهم بعد ماخلص من اجراءات الخروج دخل على هند خالد / يله جهزي اغراضك بنطلع لديره المشكله مادل الطريق تدلينه ياهند هند / لا خالد / والدبره هند بجديه / ولا يهمك كلم عمران يجي ويدلنا او كلم جاسم يوصف لك خالد / بتصل على جاسم عمران بيطول لين يوصل خالد مسك جواله واتصل على جاسم الي توه داخل الرياض شاف رقم خالد على طول رد جاسم بلهفه / الو خالد / هلا جاسم هند طلعت من المستشفى وكلمتك اخذ منك وصف الديره مادلها جاسم بحزن عميق / شلونها يا خالد خالد حس بحزنه / بخير تطمن وصف جاسم لخالد طريق الديره وكان معه على تلفون لين وصلوها نزلت هند من السياره وهي فرحانه بوجود خالد وغاده معها في الديره طلعت غرفتها ورتبتها هند / خالد بتنامون بغرفتي وانا بنام بغرفة جاسم غاده / مراح نسمح انك تطلعين من غرفتك وندخلها خالد بخبث / انا اسمح لها ما قدر ابعد عنك وعن حضنك غاده استحت من خالد وسكتت هند / هههههههههه حرام عليك خلود غاده ذابت حياء قرب خالد من غاده وسحبها لحضنه / هذي ام عبد الرحمن الغاليه ماقدر على بعدها تذكرت غاده / خالد عطني جوالك بكلم امي ببشرها خالد / الجوال وراعيه تحت امرك اخذت منه الجوال اتصلت على امها تبشرها بحملها ام بسام فرحت من فرح بنتها من فرحتها بكت لانها تشوف بنتها شايله هم تاخر حملها هند / جداتي نايمات اذا قمنا الصباح بتسلمين عليهن غاده / انا بدخل الغرفة بنام من الصبح صاحيه بسبت اخوك وتفكيره فيك قربت هند من خالد وباسته على خده / جعل عمره طويل ابو عبد الرحمن تو ماردت روحي بشوفته خالد ضمها لصدره / فقدت يا لغاليه ما تدرين اش كثر فرحان بشوفتك هند / ترى لك اجازه شهر تقضيها معي بالديره وان شاء الله رجعتنا مع بعض اكون خلصت كل شغلي هنا خالد / زين رحمتيني من الشغل شهر هند / لا تفرح بشغلك معي بالمدرسه خالد / يفرحه ماتمت خذتها هند وطارت هند وغاده / ههههههههههه غاده فرحانه ان نفسيت خالد تحسنت ورجعت مثل اول هند سحبت خالد ودخلته غرفتها ولحقتهم غاده افتحت دولابها اخذت ملابسها الضروريه والباقي بتاخذه بكره هند / هذي غرفتكم لين نرجع وانا بالغرفة الي جنبكم طلعت من عندهم وهي محتاره باي غرفة تنام قررت تنام بغرفة جاسم لان باقي الغرف مقفله والمفاتيح عند جدتها دخلت غرفة جاسم الي محتفظه بريحته الرجوليه الفخمه الي تدل على شخصيته دخلت وسكرت الباب وراها الغرفه محتاسه محد رتبها ولبس جاسم الي نزله مرمي على السرير نادت شغالتها طلبت منها ترتب الغرفه وتغير مفارش السرير ما تبي يكون لوجده اثر ومنها تاخذ ملابسه الموجوده بالغرفه وتحطها بوحده من دواليب الغرف الثانيه قبل تترك الديره بترجعهم مكانهم لان جاسم قال انه بيرجع الديره لتركتها بعد ساعه من الترتيبات حطت راسها على المخده ونامت عند جاسم في سيارته متضايق مهموم وهو يندب حظه انه هو السبب بطلاقها صبر كل هالايام بلحظه تهور منه ضيعها كان راضي بوضعه كل ماشتاق لها رجع لديره يمتع عيونه فيها بوجوها يحس انه مالك الدنيا ومافيها كل هذا راح ورجع للحرمان ماله خلق يرجع لبيتهم قرر يروح للمستشفى قبل لايرجع للبيت اذا حس اعصابه هدت دخل المستشفى مر من جنب نواف من غير لا يسلمعليه مانتبه له نواف كان يتكلم مع واحد من دكاترة المستشفى عند جاسم ماله خلق لمقابل نواف الي متاكد انه بيعاتبه وبيلومه دخل مكتبه وهو كل خليه بجسمه تنزف الم ووجع حس الدنيا بعينه ضيقه وكل شي حوله اسود ومظلم انسدح على سرير الكشف الموجود بغرفته عند نواف بعد ما خلص كلامه مع الدكتور طلع يدور على جاسم مستغرب انه يمر من جنبه ولا يسلم عليه وشكله مايطمن متاكد فيه مصيبه صايره وصل لمكتب جاسم فتح باب المكتب شافه نايم على السرير قرب منه نواف / جاسم انت نايم هنا رفع جاسم راسه بحزن / تعبان قلت ارتاح شوي وبطلع راحت علي نومه نواف يتامل وجه صديقه كاشفه انه يتهرب من شي كبير نواف بجديه / جاسم قول الي وراك وش صاير بالديره جاسم بحزن / والي يعافيك اتركني بحالي كاره نفسي نواف / تعال معي نسافر لشرقيه توسع صدرك جاسم / يا ليت السفر يغير من حالي جربته مره وزاد اوجاعي قام جاسم من السرير وجلس على مكتبه نواف / قول الي مضايقك جاسم بوجع / طلقتها نواف بصدمه / شنوووووو جاسم بضيقه / الي سمعته نواف / طيب ليه جاسم بوجع وقهر / صدقت اني زوج نواف ماستوعب كلامه الي يقوله / كمل ما فهمتك جاسم يكمل بوجع / فقدت السيطره على نفسي وكنت باخذ منها الي يتمناه أي زوج بزوجته حقي الشرعي الي حلفت وقسمت اني ما قربه لكن انا رجال وقدامه حبيبته حلاله ضغطت كثير على نفسي كثر الله خيري صابر كل هالوقت نواف هز راسه باسى على حال صديقه / ما قدر الومك يا خوي لاني رجال وحاس فيك كنت متوقع انك تضعف قدامها من البدايه يمكن طلاقكم خيره حاول تشغل نفسك عن تفكيرك فيها بيسهل انك تنساها جاسم بالم / انساهااااااااااه ياليت انساها وارجع جاسم الاولي الخالي من الهموم قربها ما زادني الا الاهانه والوجع نواف / ان شاء الله بتنساها وتتزوج غيرها وتكون حبيبتك جاسم بوجع / قلبي ما سكنه الا هند مستحيل احد يسكنه غيرها نواف بحب / وش رايك نطلع للاستراحه عند الربع تغير من نفسيتك جاسم بتعب / خلها بكره اليوم تعبان ومنهد حيلي بروح البيت بنام حتى العشاء منسده نفسي عنه طلع جاسم من مكتبه رايح لبيته اول ماوصل في بيت ام جاسم دخل لقى امه وفيصل بالصاله سلم على راس امه والجوهره بغرفتها نايمه ام جاسم / شخبارك يمه واخبار جداتك وهند جاسم في نفسه / ليه الكل يطريها وانا بنسها ارحموني من ذكرها الي يزيدني وجع جاسم / الحمدلله كلهم بخير ام جاسم / احط عشاك جاسم/ تعبان مالي نفس فيصل ملاحظ على اخوه التعب وشكله مجبور على الكلام طلع جاسم لغرفته دخل الحمام اخذ شور بارد لعل وعسى تطفي النيران الي بداخله طلع لبس بجامه وانسدح على سريه فيصل كان متمدد على سريره وهو يدقق بشكل جاسم واثبتت شكوكه ان اخوه فيه شي كبير فيصل قرر انه يسكت وبكره يتكلم معه لان واضح على جاسم التعب والارهاق غير النفسية الدمار جاسم في سريره يتقلب وجع وحرقه مخنوق ما يدري شلون بيكمل حياته من غير لا يحلم فيها او يقرب منها يبي ينساها ويشيلها من قلبه قبل عقله لكن ما يقدر وفيصل على سريره يتقلب يدعي ربه ان بكره تجيه الفرصة بشوفتها ويكلمها بالكلام الي بقلبه يمكن تغير رايها ماتسافر في بيت عبدالرحمن عبدالرحمن ونوره وغاده جالسين بالصاله دخل عليه محمد وجلس غاده بفرح / حمودي مادريت عن احلى الاخبار محمد مستغرب / لا قولي يام لسان غاده / الشرهه على الي بتفرحك محمد / قولي وفرحيني غاده / بتصير عم محمد بفرح / مبروك يبه مبروك يمه بيكبركم ولد خالد عبدالرحمن / انا شباب بيكبر امكم نوره / طالع بالشيب الي مالي راسك من الي شليب عبدالرحمن / هههههههههههه عيرتني بشيب وهو وقرار .... ياليتها عيرتني بما هو عار غاده / وووووووووووواو خالو صار شاعر عبدالرحمن يطالع نوره بحب / ايه طلع عبدالرحمن لغرفته ولحقته نوره ومحمد جالس يتعشى محمد تذكر شي محمد / غاده رحلتك تقدمت بكره الساعه 10 غاده مستغربه / ليه محمد / مدري جتني رساله على جوال محددين وقت الرحله غاده / اجل لازم انام بدري علشان من تسع بالمطار قامت غاده ودخلت غرفتها دخلت الحمام اخذت شور لبس بجامه ودخلت بسريره وهو تفكر بسفرها نامت يتبع |
رد: غرام وانتقام اليوم الثاني في الديره قامت هند صلت الفجر طلعت من الغرفه طقت على خالد علشان يقوم لصلاة شافته طالع على الدرج راجع من المسجد هند / صباح الخير خالد/ صباح النور والسرور والجو بالديره يرد الروح هند / ايه شفت اسطبل الخيول والحديق الي وراء البيت خالد / لا قالو لك البيت بيتي اتحرك بكيفي الحين قبل لانزل طلبت من غاده تسوي لي طريق علشان اروح للمسجد هند / وينها غدويه خالد / تحت هند / خلودي وش رايك نفطر عن الخيول الحديقه هناك خالد / وجداتك هند / يقومن يصلن وبعدها ينامن ويقومن على تسع بنزل عندهن بحط خبر انكم موجودين يمكن يجلسن معنا خالد / اجل بنزل الروح للاسطبل انا وغاده وانتي لخلصتي من جداتك تجيبين فطورنا هناك هند / طيب نزلت مع خالد دخلت عند جداتها لقتهن نايمات طلعت لخالد هند / خلود جداتي نايما بنروح لغاده بالمطبخ وناخذ فطورنا ونروح للاسطبل لقت غاده بالمطبخ تحوس مع الشغاله بالفطور هند / غدويه تروحين معنا لسطبل الخيول غاده / وواو وناااااسه احب الخيول خالد / احلمي تركبينهم خايف عليك وعلى ولدي هند / محد بيركب الخيل علشان خاطرك غاده بزعل / حرام عليك تعرف من زمان بخاطري اركب خيل وانتم واعدني خالد بحب / وعد لولدتي اركبك خيل لين تملين غاده / ياطولها باقي كثير لين اولد هند / تلدين بالسلامه واوعدك لتركبين خيل وانتي تعرفيني قد كلمتي طالع خالد هند بنص عين / اش قصدك ماني قد كلمتي هند بمزح / الي على راسه بطحى يتحسسها ضربها خالد على راسها / هاتي فطورك جوعان ماكلت شي من بعد البيتزا هند / كلنا مثلك ماكلنا شي بعد البيتزا طلعو من المطبخ بالفطور بسطو فراش بالحديقه الي جنب الاسطبل جلسو يفطرون ويسولفون قامت غاده للاسطبل تتفرج فيه لحقها خالد يتفرج معها على الاسطبل اعجبته الخيول وكان ميت يركبهم قرر لدخلو داخل بيركبها مايبي يضايق غاده وهو عارف انها نفسها تركبهم في بيت عبدالرحمن عند غاده قامت صلت الفجر وطلعت عند خالتها طقت الباب دخلت غاده / خالتو انا رحلتي الساعه عشر قدموها نوره بحزن / جهزتي اغراضك لا تنسين شي غاده قربت منها ورمت نفسها بحضن نوره وصارت تبكي نوره تمسح على شعرها متاثره من بكى غاده نوره / غدويه لا تضيقين صدرين وجلس احاتك وانتي مسافره اذا مضايقك السفر ماله دلعي تسافرين غاده رفعت راسها من حضن نوره ومسحت دموعها / خالتو بشتاق لكم ماتعود ابعد عنكم هالكثر وصارت تشاهق وكملت / خالتو ابي اشوف ماماتي مشتاقه لها شلونا سافر من غير لا تودعني وتوصيني من غير ماتحضيني والله مشتاقه لها بغيابها حسيت اني يتيمه نوره اوجعها قلبها على غاده الكتومه مابنت ولا شكت شوقها لامها الا لما جت تسافر غصب عنها نزلت دموعها نوره / يمه وعد مني لجت امك عندنا ثاني يوم وهي عندك لا توجعين قلبي اكثر من هو موجوع من غيابك اختك وغيابك ابي غاده القويه دخل عليهم عبدالرحمن وانفجع وهو يشوف شكلهم عبدالرحمن / وش فيه ليش كل الصياح مسحت غاده دموعها ماتبي تضيق على خالها ويحس انه مقصر بحقهم غاده / خالو بسافر الساعه عشر وهذي دموع السفر عبدالرحمن سحبها من نوره وضمها لصدره بقوه نفسه يزرعها هي وختها بين ضلوعه هذا الي بقى من ريحة اخته الغاليه عبدالرحمن / يبوك هذا طلبك ليه تبكين انتي تعرفين ان ضعفي دموعك انتي وختك واذا هذا كله خوف اذا تشتاقين لنا ابشري يبوك بنزورك لين تملين وهناك حبيبك فهودي تونسينه بغربته ويونسك ولا وصيك يابوك بدينك ودراستك عارفك انك قدها لانك تربيتي رفعت غاده راسها من حضن خالها وباست راسه / ابشر يالغالي انا بنتك وتربيتك وبجيب الشهاده الي ارفع فيها براسك نوره / يله بننزل نفطر ونتاكد من اغراضك اخاف ناسيه شي نزلو تحت وعبدالرحمن بغرفته متسند على سريره وكل تفكيره بهند مشتاق لها وغاده بتغيب وبتغيب ريحة ساره من البيت هو يتصبر ببناتها عن غيابها نزلت دموعه عبدالرحمن وهو يبكي على الصامت / ياليتك يالغاليه تكونين راضيه عني وفرحانه ببناتك حبيت هند وتعلقت فيها لانها تشبهك ذبحني الشوق يالغاليه وغاده بتلحقها اااااااااااااه خايف عليهن من الهواء يارب اكون قد الامانه الي تركتيها بين ايديني وصار يبكي بوجع في بيت ام جاسم صحى فيصل قبل صلاة الفجر حاس بقلق وتوتر من لقائه بغاده خايف من خيبة امله قرر يكون في المطار من الظهر التفت على اخوه الي نايم طول ليله يتقلب مارتاح عارف ومتاكد انه يعاني من شي يجهله متاكد ان سبب ضيقته وهمه هند من يوم عرفها اخوه وهو كل يوم عذابه يزود فيصل / جاسم جاسم / خير فيصل خلني نايم فيصل / وانت نمت علشان اخليك قوم فضفض عن الي قاهرك ومعذبك بنومك جاسم تسند على سريره بحزن ووجع / طلقتها ارتحت فيصل بقق عيونه من كلام اخوه / شلون طلقتها وانت تحبها جاسم بوجع اكبر / ما شفع لي حبي عندها الا زادها تجريح فيني فيصل / وش تغير قولي ياخوي جاسم / حكى له كل شي فيصل / مشكلتك ياجاسم انك حطيت نفسك معها بوضع غلط قريبه منك وبعدتها بحلفك لخالها جاسم بوجع / هذا الي صار وقررت انساها حتى سلسالها عطيته لها مابي شي يذكرني فيها فيصل بحزن عميق / بتقدر تنساها ياخوي اسئل مجرب جاسم بوجع / كرامتي بعثرتها بنت عمك تدري انها كاشفه حبي لها ومتعمده تجرح فيني اعترفت انها تكرهني وصبرت عليها قلت يمكن لعاملتها بحب بتحبني كان عندي امل لكن كل يوم تزود بتجريحي عطيتها العذر بسبب فعايل ابوها حرمت نفسي منها وانا ميت على قربها لما خانتني نفسي بلحظة ضعف طلاقها كان الثمن جاسم بحسره ووجع / المضحك ياخوي الامنيه الي من زمان انتظرها صارت لكن يا حسرة قلبي جت بالوقت الغلط فيصل رفع حاجبه مستغرب / قول ماصرت افهمك جاسم بوجع عميق / طلقت مصيبتي بالثلاث واعفتني عن الملايين لكن اااااااه فرحتي مبتوره لاني طلقت هند قبلها فيصل / الله يعينك جاسم بحسرة والم / ااااااااااااااه من وجع الي بين ضلوعي تصدق ذبحني الشوق لها تركتها تعبانه نفسي اشوفها وتطمن عليها عارف ومتاكد انها مبسوطه بفرقاي ويوم عيد عندها فيصل / مدري اضحك ولا ابكي على حالنا وين كنا وين صرنا بسبب بنات عمك يمكن سوينا ذنب كبير بحياتنا ربي عاقبنا بحبنا لهن جاسم بوجع وقهر / ذنبنا ان ابوهن عمنا على كثر حبي وعشقي لهند على كثر كرهي وحقدي على ابوها كمل بغصه ومرار / تدري انها قالت ماينجبر قلب على قلب تقول ان قلبها شاخ بسبب سوات عمي بامها البنت معقده وصبت كل عقدها فيني والله كنت متحملها وبتحملها لاخر يوم بعمري لكن هي رافضه تعطيي نفسها فرصه تتقبلني دايما عمي محشور بينا في الديره بعد ماخلصو فطور طلبت هند من الشغاله تشيل الاغراض وتتاكد اذا الجدات صاحيات بعد نص ساعه جت الشغاله تقول ان جداتها يسالن عنها قامت مع غاده بيدخلون داخل عند الجدات واستغل خالد الفرصه وركب الخيل تركت غاده واقفه براغرفة الجدات ودخلت عند جداتها بتحط خبر عن وجود غاده ماتبيهن ينحرجن او يتفاجان قربت من جداتها وباست راسهن الجده ام راشد / يمك وينك من امس ماشفناك نمنا مابعد جيتي هند / كنت اتمشى مع جاسم انت كيفكن الجده ام موضي / البارح سرت علي رجالاتي هند / سلامتك يالغاليه انا جايبه مع ضيوف يبون يسلمون عليكم ام راشد / حياك وحيا الله ضيوفك ناديهم يمه اسلم عليهم وقولي لشغاله تسوي فطور وقهوه وشاهي هند بمزح / يالي عند الباب جاك الجواب دخلت غاده وهي مبسوطه تحب العجائز كثير محرومه من جداتها من صغرها قربت منهن وباست راسهن وهي تشم فيه ريحة الماضي غاده / كيفكم الجده ام موضي / بخير جعلك بخير بشريني عن نفسك وعن اهلك غاده / الحمدلله كلهم بخير الجده ام راشد / بشري عن زوجك ان شاء الله بخير غاده / بخير وهو جاي معي برا ام راشد اطالع بهند بعتب ولوم / هند شلون تخليه برا من غير ما نضيفه شكلك ما تعرفين السنع والمدينه مخربتك قومي ناديه وقلطيه بمجلس الرياجيل وانا بجيه هند منحرجه من جدتها / ان شاء الله بقلطه غاده كاتمه ضحكتها على شكل هند المصدوم من جدتها طلعت هند من عندهم رايحه عند خالد شافته على الخيل هند بعصبيه / انزل انت وجهك راكب خيل ومبسوط وانا اخذت تهزيئة بسبتك انزل اقلط بالمجلس لا جدتي تضربني بعصاها خالد / هههههههه وش السالفه ليش كل الحقد هند / جدتي هاوشتني اني ماقلطتك بمجلس الرجال وضيفتك خالد / يحليلها جدتك تعلمي منها السنع هند بعصبية / ادخل بسرعه المجلس تبي تقابلك نزل من الفرس ومشى مع هند ودخلته بملحق خاص لرجال دخل خالد وجلس على الجلسه الارضيه تركته ودخلت المطبخ طلبت من الشغاله تسوي قهوه وشاهي للحريم ولرجال بعد ربع ساعه جهزت القهوه اخذتها عند خالد جلست جنبه الا على دخلت جدتها ام راشد / نورت الديره وانا امك هند ماتعرف السنع مخليتنا نايمات ماخلتنا نضيفك خالد يطالع بهند وهو يبتسم / ماجينا الا متاخر ولاحبت تزعجكم واليوم ماقصرت فطرتنا من صباح الله خير ام راشد / الليلة عشاك عندنا ماني قابلة منك عذر خالد منحرج / جعلك سالمه ماقصرتو ياجده وحنا اهل مكان ماله داعي للكلافه ام راشد / انا غاصبتك ماني باخذتن رايك المهم اليلة العشاء عندنا وهذا اخر كلامي هند اطالع بخالد المنحرج الي مايدري وش يقول خالد منحرج / مالك الا طيبة الخاطر وقبلنا عشاك جعلك على القوه اصرخت ام راشد على هند / قومي صبي القهوه لخوك فزت هند من صرخة جدتها وقامت تصب القهوه لخالد الي كاتم ضحكته جلست قريب منها وتكلم بصوت مايسمعه الا هند خالد بابتسامه / من يصدق ان مديرتي الي قدامي تصب لي القهوة وتضيفني محدن قدي ان شاء الله انتي الي بتطبخين عشاي هند ترص على اسنانها / اقول اطفح ذا الفنجال لفتح الدله وصبها بفمك خالد بينرفزها / ههههههه اقول ترى بقول لجدتك كلامك شكل ماعندها تفاهم الجده ام راشد / وش عندكم كلامكم بينكم خالد بيقهرها / هند حالفه علي مايطبخ ذبيحتي غيرها هند بققت عيونه من كلام خالد وبداخلها تتوعد فيه وتتحلف وخايفه ان جدتها تطلب منها تطبخ الذبيحه وهي البيضه ماتعرف تسلقها ام راشد / بعدي بنتي هذا العشم فيك ولا يهمك انتي الي بتطبخين ذبيحته خالد خلاص مايقدر يكتم ضحكته وجهها حمر لانه كاتم اضحكه مايقدر يضحك مستحي من ام راشد هند بتتهرب من الطبخ / جده ودي اطبخ الدكتور مانعي اشم ريحة الطبخ افرحت الجده وبانت تجاعيدها من تحت البرقع ام راشد / يجعله مبارك يمه ليش ما بشرتيني ارتاحي يمه الطبخ بتطبخه الشغاله هند مستغربه من كلام جدتها طالعت خالد الي بادلها نفس الاستغراب سكتت ماحبت تجادل جدتها قدام خالد قامت ام راشد من عندهم ودخلت داخل بالمطبخ طلبت من ممرضتها تتصل على جاسم عند جاسم منسدح على سريره شاف اتصال ممرضة جدته خاف صاير لجدته او هند شي على طول رفعه سمع صوت جدته ام راشد / الو جاسم / هلا وغلا بالغاليه بشريني عنك ام راشد بعصبيه / يالي ما تستحي راجع لرياض وتارك زوجتك مريضه جاسم استغرب ان هند قايله لهم انها تعبانه جاسم / مارجعت لرياض الا بعد ماتطمنت عليها ام راشد بعتب / زعلانه عليك ليه ماقلت لي وانت تعرف اني بفرح بالخبر انصدم من كلام جدته شلون بتفرح بمرض وتعب هند جاسم مستغرب / ما بغينا نشغلك ام راشد بفرح / هذا يوم المنى يجعله مبروك عليك جاسم مستغرب / الله يبارك فيك يالغاليه لكن على شنو ام راشد بفرح / هند حامل شكلها بتسويها لك مفاجعه وانا خربت عليها جاسم بصراخ / شنووووووووو ام راشد / هههههههه فجرت اذني مالومك فرحان منت بمصدق جاسم بوجع والم وضيقه / ايه ماني بمصدق جده لازم اسكر عندي شغل ام راشد / مع السلامه سكر من جدته والتفت على اخوه بوجه مقلوب فيصل / شنو الي منت بمصدقه جاسم بوجع / شر البليه مايضحك تدري جدتك ليه متصله فيصل / لاوالله وش يدريني جاسم يضحك بحسره / هههههههه تبارك بحمل هند فيصل بصراخ / شنووووووو من جد هند حامل طيب كيف وشلون جاسم بجدية / انت مصدق تعرف العجائز اذا شافن الوحده تعبانه ولا مكسله ولا ترجع قالن حامل فيصل بجدية / تدري اني صدقت انها حامل جاسم بعصبيه وقهر/ انت مجنون من وين تحمل وهي للحين بنت مالمستها فيصل / اجل الحق على جدتك لا تنشر الخبر ويوصل لعبد الرحمن وتصير علوم جاسم بياس / وانا ناقص بلاوي فيصل طالع بساعته / قوم الساعه تسع بننزل نفطر عند امي وندور حل لمشكلتك جاسم قام من سريره دخل الحمام خذا شور على السريع طلع مالقى فيصل لبس نزل لقى امه تحت وجنبها فيصل جاسم / السلام وقرب من امه وباس راسها ام جاسم / شخبارك يوليدي وجهك موعاجبني جاسم بخير/ لا تحاتيني تعبان من السفر الفطور جاهز قم انت واخوك افطرو في بيت عبدالرحمن صحت قبل الفجر تتاكد من اغراضها سكرت شناطها وطلعتهم بالصاله طلعت لها لبس ساتر عباره عن بنطلون فضفاض وبلوزه لتحت الركبه مع اشارب بتلبسه اول ماتوصل هناك حطتهم بشنطه صغيره بتكون بيدها طلعت بالصاله كان البيت هادي الكل نايم تمددت على الكنب الي بالصاله تشغل نفسها بالتلفزون تنتظرهم يصحون لصلاة الفجر بتبقى معهم لين وقت سفرها وهي جالسه نزل محمد الي بيوصلها عند فهد وبيرجع في نفس اليوم قرب منها وهو متاكد انها شايله هم البعد والغربه محمد / السلام الحلو صاحي بدري غاده بحزن / انتظركم تصحون ابي اقعد معكم اطول وقت قبل لا سافر محمد / الي يسمعك يقول بتهاجرين مكان مافي اتصالات غاده رمت نفسها بحضن محمد وهي تبكي / حمودي يادب بشتاق لك محمد / وانا بشتاق لك وبشتاق لطولة لسانك غاده وهي مازالت دافنه راسها بصدر اخوها تركها على راحتها محمد / وش رايك مدامك صاحيه بدري اندور انا وانتي بشوارع الرياض باقي ثلاث ساعات على الصلاه رفعت راسها من صدر اخوها وعيونها حمراء من الصياح / فديتك حمود ياليت اشم هواها قبل لا اتركها محمد بحب / وهي بتفقدك قومي البسي عباتك وانا بغير لبس وبنزل رجعت لغرفتها لبست عباتها فوق بجامتها مالها خلق تبدل وتحوس ترتيب الشنط لان كل غراضها بالشنطه غير لبس السفر طلعت بالصاله جلست على الكنب دقائق ونزل محمد قامت مسكها بيدها وطلعو برا وركبو السياره بعد ثلاث ساعات من الفرفره رجعو على اذان الفجر دخلت غاده غرفتها وطلع محمد غرفته توضاء ونزل لقى ابوه وامه وعدنا جالسين عند غاده وواضح عليه متاثرين من سفرها طلعو يصلون ونوره جلست مع غاده نوره / غدويه تاكدتي من اغراضك غاده / ايه وطلعتهم برا علشان مانسى شي نوره / لا اوصيك بصلاتك وحشمتك مو تقولين انا برا كل شي مسموح غاده بحب / خالتو انا بنتك وقد ثقتكم نوره قربت منها / داريه ومتاكد لكن وش تقولين بحرصي الزياده غاده / فديتك وفديت حرصك نوره / اذا احتجتي شي ولا نفسك بشي كلميني وقوللي غاده باست نوره على راسه / من عيوني يالغاليه نوره / انتبهي لخوك وانا كلمته ووصيته عليك يزعلك كلمي وانا اسنعه غاده / فديته فهودي حبوب مايزعل احد الله يستر لزعله انا نوره / الله يخليكم لبعض وتمر هالسنين بسرعه ونتجمع كلنا غاده / امين رجع خالها واخوانها من الصلاه جلسو سوالف يحاولون يخففون على غاده الي كل ماقرب الوقت كل ماحست بضيق كلم محمد السواق طلب منه يجيب لهم فطور على ذوق غاده افطرو لما خلصو على الساعه تسع محمد / يله غدويه البسي الساعه تسع يادوب نلحق غاده بحزن / ان شاء الله دخلت غرفتها بدلت لبست بنطلون فضفاض وبلوزه طويله لتحت الركبه ولبست صندل مريح بالحركه طلعت من الغرف لقتهم كلهم ينتظرونها وعلى وجيهم الم وحزن على غيابها قربت من خالها وضمته بقوه وبعده خالتها ضمتها غصب على نوره نزلت دموعها الي تحاول تخفيها خلصت من نوره ضمت عدنا الي واضح انه متاثر كثير لكن طبعه كتوم مايبين مشاعره طلعت لمحمد الي كان ينتظرها بسيارته بعد نصف ساعه وصلو المطار قبل لا تركب بالطياره كلمت الجوهره تطمن عليها وسولفت معها شوي وخبرتها انها مسافره و بعد بربع ساعه ركبوا الطياره وبعد عشر دقائق كانت الطياره في الجو في الطياره جالسه جنب شباك الطياره مركزه نظرها برا وجنبها كان محمد بعد ماستقرت الطياره بالجو قفلت الشباك والتفتت على اخوها غاده / حمودي كلمت فهد يستقبلنا محمد / ايه فرحان مره فيك تلقينه من الحين ينتظرنا غاده / فديته مشتاقه له محمد / ترى سجلتي بنفس جامعته غاده بفرح / ووواو وناسه كنت شايله هم الجامعه مع فهودي خلاص بطمن محمد / غدويه نامي واضح عليك التعب والارهاق غاده / ايه تعبانه مدري ليه حاسه اعصابي مشدوده كاني اول مره اسافر محمد / نامي وارتاحي لاني بنام لين نوصل البارح مانمت زين ووراي رجعه بسرعه محمد اسند راسه على الكرسي وبعد دقائق نام غاده تتصارع مع النوم وبعد تعب نامت في بيت عبدالرحمن الجو بالبيت كئيب وحزين نوره من بعد ماطلعت غاده وكله تبكي وعبدالرحمن خانقته العبره حس كان روحه انتزعت منه عدنان طلع لغرفته وقفل عليه الباب وبكى صحيح انه مع غاده كثير يتهاوشون لكنه فقدها من قبل لا تغيب دايما سهرتهم سوى دايما يسولف معها ويفتح قلبه ويشكي لها كانها صديقه وغاده ماتقصر معه تسمع له وكل ماسافرت جابت له الهدايا الي يبها وتعرف الي يحب ويكره اكثر من امه عبدالرحمن طلع من البيت مخنوق ماله خلق يروح لشركته يتبع |
رد: غرام وانتقام في الديره بعد ماطلعت جدتها قربت منخالد وشدته باذنه بقوه خالد / أي صدق متوحشه ليه سحبتي اذني هندبعصبيه / احمد ربك ماسحب رقبتك من مكانها كذا توهقني مع جدتي ولا طمعان اطبخ عشاكمن متى وانا اطبخ خالد / ههههههههه جتني الفرصه اكون خبل افوتها يحليلهاجدتك سكتتني ماقدرت ارد هند / خلود فهمت وش تقصد جدتي وليه فرحت خالد / العلم في بطن جدتك وش يدريني اهم شي قدرتي تطلعين منها سالمه هند / خالد شركتي الي بالطائف لقيت لها مدير خالد رفع حاجبه مستغرب / من وين جبتي المدير وانتي بالديرهماتحركتي منها ليكون بتوظفين جدتك المدير هند / هههههههه حلوه جدتي المدير كان بتخسرني بالذبايح كل ماوظفت موظف ذبحتله خالد / ههههههههههههههه من وين جبتيه المدير هند / مطلق ولد جارجدتي متخرج بامتياز وشكله شاطر وعاطل كلمته وقلت له ووافق خالد / اكيدبيوافق احد تجيه الفرصه هذي ولا يوافق لكن انتي واثقه بامانته هند / ايهاليوم بيحضر العشاء ابيك تتفاهم معه بشكل رسمي ولازم الاسبوع هذا يداوم وانا طلبتيختار الموظفين خالد بعصبيه / هند انتي مجنونه تسلمين شركتك لبزارين توهممتخرجين انتي مانتي فاتحه شركتك سبيل لك من هب ودب هند بعصبيه / الي قلتهبيصير ياخالد من متى تجادليني هذا يصير وهذا مايصير خالد / كيفك شركتك لوصار ماصار انتي الي بتضررين هند بحب / خلود حبيبي لا تزعل مني انت تعرفاتكهرب اذا احد عارض قراراتي وانا واثقه ثقه عمياء بمطلق خالد / اليتشوفينه هند / ابو مرزوق فراش الشركه عنده ولد متخرج من برا ياليت تكلمهيتوظف بشركه الطائف اذكر مره مرزوق شاكي انه مالقى وظيفه مع انها ماخذ امتيازودراسته كانت منحه من الدوله خالد / تامرين يالغاليه اول موصل الرياض بجيهمبالبيت واقول لهم انك ملزمه انه يتوظف بشركتك هند / تعرف غلات مرزوق عنديقليل الي اسويه له لا تنسى انه من ايام امي الله يرحمها امين ويخاف ربه خالد / ان شاء الله يطلع مثل ابوه هند / ان شاء الله قامتهند وطلعت من عند خالد ودخلت عند جداتها وغاده الي حست براحه مع جدات هند هند / جده العشاء الكل معزوم الجده ام راشد / ايه هند / لازم البس البرقع هالمره الجده ام راشد/ ايه وغصب عنك هند بمزح / اليوم وش فيك على الغصب الجده ام موضي / تجيها طواري جدتك هندتلتفت لغاده / طيب جده غاده تلبس برقع ولا لا الجده ام راشد / بكيفها اذابغت طلعت لها برقع وان مابغت براحتها لانها ضيفه غاده بستغراب / هنودهتلبسين البرقع هند / ايه والبركه بجدتي غاده / وناسه التفتتعلى ام راشد / جده اذا عندك برقع عطيني بلبسه ام راشد مبسوطه من غاده / ولايهمك يامك عند براقع قومي ياهند افتحي دولابي وهاتي برقع نفس برقعك قامتهند افتحت دولاب جدتها ومدت البرقع لغاده هند / مبسوطه كاني ماده لك الماسمو برقع يخنق غاده / هههههههه ملينا من الروتين خلينا نغير هند / هههههههه لا وصيك البسيه وخلي خلو يشوفك غاده / اول واحد بيشوفه خالد هند / ناديني ابي اشوف ردت فعله لما يشوف البرقع عليك غاده / اقولطيري مناك ناويه تتشمتين فيني هند / اكيد في بيت ام جاسم دخل فيصل البيت شاف الجوهره حزينه ومتضايقه جلس اخذ البنت منها ام جاسم / يمه وش فيك شايله الدنيا على راسك الجوهره / غاده سافرتمن نص ساعه كلمت تودعني وهي بالمطار فيصل كان يستمع وكان مويه حاره انصبتعليه ماقدر يبقى نزل البنت بحضن امه طلع برا الغرفه خاف ينفضح طلع يمشي من غير شعورركب سياره وهو بصدمته وصل للمطار نزل كلم المسئول عن الرحلات سئل عن رحلةطيارة الفهد قال له ان لها ساعه طايره فيصل بصراخ خوف الموظف / وانها كانتبعد العصر شلون طارت الحين الموظف / ياخوي لا تسالني انا موظف سحبفيصل نفسه بصعوبه وطلع من المطار بخيبة امل وحزن وهم فقد الامل من كل شي فيصل في نفسه / الي خفت منه صارت كنت بسبق موعدك واجي الظهر سبقتيني وطرتييويل حالي من الشوق الي بيكويني يويلي من هالثلاث سنين شلون بصبرهم ركب سيارته وقالبصوته الحزين الموجع سافر واخـذ قلبـي معـك ويـن مارحـت اخذه معـك فـيغيبتـك وش ابيبـه .؟؟ يمكـن معـك يرتـاح لاشافـك ارتحـت يمـكـن يجيـبـك لــيوالاتجـيـبـه والا انـا لقفـيـت مـعـذور لاطـحـت ياصعبـهـا فـرقـا حبـيـبلحبـيـبـه مـن فـوق تقلـب غيبتـك دنيتـي تحـت ياللـي فراقـك لــي اكـبـرمصيـبـه اليا طرا طاريـك مـن ضيقتـي صحـت والدمـع يملـي كــم ثـوبـيوجيـبـه وصل للبيت طلع لغرفته وهو يدعي ربه ان جاسك نايم دخل غرفته شاف جاسمواقف يتفرج من شباك غرفتة اول ماسمع جاسم فتح الباب التفت شاف اخوه الي واضح انهحزين فيصل من غير شعور رمى نفسه بحضن اخوه وصار يبكي من قلب فيصل يبكي بوجع / سافرت وانحرمت منها سافرت ولا شفتها ولا قدرت اكلمها ولا وصلت لها رسالتي قوليياخوي وش بيصبرني الثلاث سنين ااااااااااه ياجاسم قولي وش بيصبرني قول جاسمغصب عنه بكاء من حال اخوه الي يحكي معاناته لكن يحاول يكابر ولا احد يشوفدموعه جاسم شد على اخوه وضمه اكثر يبيه يفضي كل الي بنفسه مايبيه يكبت مثلهنعنبوها الرجوله الي تخلينا نعاني من غير مانعبر عن وجعنا بدموعنا فيصل / بسافر لها مستحيل ابقى بديره غاده ماهي فيها جاسم / وين بتروح هذي بريطانياماهي الرياض بتضيع قبل لا توصل لها خلها على ربك سحب فيصل نفسه من حضن اخوهووجه احمر منتفخ من الصياح دخل الحمام طلع دخل بسريره تغطى بالحاف وغطى وجهه وكملنحيب وبكاء استغرب جاسم من هدوئه وانسحابه المفاجي جاسم في نفسه / الله يكون بعونك وعوني ماجانا من وراهن الا الضعف من يصدق اني اشوف ادموعك ياخويوانت تشوف دموعي وين كنا وين صرنا حسبي الله عليك ياعمي انت وخالتي الي فينابسبايبكم وذنبنا برقبتكم البارت الثاني والثالث والاربعون |
رد: غرام وانتقام في الطياره صحى محمد على الصوت الي يطلب منهم بربط الاحزمه التفت شاف غاده غاطه بالنوم محمد يهز فيها على خفيف / غدويه قوي وصلنا اربطي الحزام فتحت عيونها وعدلت جلستها فركت عيونها وعدلت شكلها غاده بكسل / وصلنا حمود معقول كل هذا نمته محمد بحب / نوم العواف جهزت نفسها خذت شنطة اليد ونزلت من الطياره وكان فهد ينتظرهم عن بوابة المطار اول ما شافته ركضت له رمت نفسها بحضه غاده / اشتقت لك فهد وهو حاضنه / وانا اكثر محمد سحبها من حضن فهد وحضن اخوه محمد / كلنا مشتاقين لك وعليك توصيات وسلامات من القوات العلياء غاده / ما تركو شي بالسوق الا شروه لك تقول عايش بصحراء مو لندن فهد / هههههه فديتهم ليه ما جبتوهم معكم والله مشتاق لهم محمد / وين سياتك ودنا الشقه تعبان يدوب ارتاح شوي وارجع للمطار رحلتي اليوم فهد بنفعال / الله يهديك يا محمد اجلس اسبوع لاحق على الشغل محمد / عندي قضايا كثير هالاسبوع ركبو سيارتهم متجهين لشقة فهد اول مادخلو غاده / فهودي جهزت غرفتي ونظفتها وبخرتها فهد بينرفزها / الله يعطيك القوه وترتبينها انا ياله ارتب غرفتي ومن بكره بتصير من مسئولياتك غاده بزعل / ليكون جايه شغاله عندك مو ادرس قرب فهد وضمها / فديت الزعول غرفتك مرتبه ولا ابشرك شريت لك مكتبه وسرير جديد وطردت صلوح غاده / منو صلوح فهد / صلاح ولد عمي ابو نواف قلت جمع عفشك ودور مكان ثاني وخذ الشقه المقابل لشقتي غاده / فهود تاكدت من تسجيلي بكره بداوم معك فهد بحب / كل شي تمام ننتظر تنورين جامعتنا غاده / ويلومني بحبك يافهود محمد / ههههههههه ما تركت احد الا قالت له الكلمه اكبر نصابه غاده بحب / وش اسوي اذا كلكم احبكم محمد طالع بفهد / انا طالع لغرفتك برتاح فيها ساعه فهد بحب / البيت كله تحت امرك المكان الي تبي ترتاح فيه روح له تركهم محمد ودخل غرفة فهد دخل الحمام اخذ شور ولبس بجامة فهد وانسدح على السرير ومن التعب نام بالصاله جالس فهد وهو يتامل بغاده حاس انها مهمومه وضحكتها مصطنعه عارفها وكاشفها فهد مسك يد غاده وتكلم بجديه / غدويه انا اخوك اقرب منك من روحك كمل / ليه يا لغاليه نظرات الحزن بعيونك انا متاكد فيه شي مخفيته وراه هالسفره والدراسه المفاجئة غاده رمت نفسها بحضن فهد وصارت تبكي وتشاهق / احبه والله العظيم احبه لتقول كيف وشلون والله مدري مسح فهد على ظهرها / الي تحبينه فيصل غاده بصوت باكي / ايه فيصل لكن اكيد يكرهني ويحتقرني الي سويته فيه شي كبير مستحيل يسامحني عليه فهد / متى حبيته وانت كنتي تتمنين الموت ولا شوفته غاده / بعد الكف الي عطانيه بالمطار صحاني شفت بعيونه الحب واعترف بحبه لي وانا صديته وقسيت عليه شكل ربي بلاني وحبيته بعد ماكرهني وبذوقني الي ذاقه وبلقى النكران والجحود منه فهد بقوة / انسيه يا غاده انتي طعنتيه برجولتيه وانحشتي ليلة زواجك الي سويتيه مافيه رجال يقبله غاده وهي تبكي / ادري والله ادري انا جايه هاربه من مشاعري خايفه تتغلب علي وصير فريسه لها فهد / زين سويتي روحي غسلي وجهك وارتاحي والله يعوضك بالي يستاهلك ويكون احسن منه غاده رفعت نفسها من حضن فهد ومسحت عيونه بظهر كفها غاده بحزن / فهودي هات شناطي من السياره باخد شور ولا اوصيك بالعشاء السنع تراني جوعانه اخر شي اكلته الفطور ولا كثرت فهد بحب / ارتاحي ونامي وصحي وعازمك باحلى مطعم قربت منه وباست راسه / الكلام معك ريحني ما فتحت قلبي لاحد الا لك محد يدري باحساسي تجاه فيصل الكل يظن اني اكرهه الوحيد الي كشفت له حبي هو انت فهد بحب / ولا راح تندمين انك فتحتي قلبك لي الواحد يحتاج يفضفض ولا بيموت مخنوق بهمومه طلع من الشقه نزل تحت قابله صلاح وقاله عن وصول غاده ومحمد وفتح سيارته وخذ شناط غاده وحلف عليه صلاح يساعده طلعوها فوق ودخلها الشقه كانت غاده جالسه بالصاله تنتظر شناطها دخلهم غرفتها دخلت غرفتها قررت ترتب شانطها اول ما تصحى اخذت شور ولبست بجامتها وصلت وبعدها نامت فهد طلع لشقة صلاح بيغير جو عنده بعد ما تنكد من غاده واعترافها بحبها عارف وجع الحب ومكتوي فيه ولا يبيها تعاني نفس معاناته في الديره بعد المغرب هند بغرفتها تتجهز للعشاء لبست برقعها وخذت طرحتها ولبستها طلعت من غرفتها طقت الغرفه الي فيها خالد وغاده سمعت صوت غاده يسمح لها بالدخول شافت غاده لابسه برقع وراسمه عيونها بكحل وحاطه ظل خفيف وطلعها خيال بالبرقع هند باعجاب / اش هالزين غدويه وربي عيونك تذبح بالبرقع صدق من قال ياما تحت البراقع من الضفادع غاده ترمش بعيونها / ضفدع ياكلك انا حلوه بالبرقع ومن غيره كل هذي غيره هند / طيحتي سوق برقعي عندهم غاده / ابي اعرف ليه محطيتي كحل حالات البرقع بالعيون الكحيله هند / تعرفيني ما عرف بالسوالف حاولت وحمرت عيوني وبطلت غاده / انتي حاله مستحاله يبيني اعطيك كورسات بالمكياج دخل عليهم خالد وشافهم وصفررر خالد طالع بغاده / اااااااااه يا غدويه ذبحتي قلبي وش ذا العيون رحت وطي دفته هند / اشوف الغزل لغدويه ما تشوفني قدامك طالعها / ههههههه انتي بالبرقع كانك بساطه بسوق هند بعصبيه / خلووووووووووود خالد / الا صحيح من ملبسكم البرقع لا تقولون غاصبه عليكم ام راشد ذي العجوز تخوف هند / خلووووووود انطم ما سمح تتكلم على جدتي خالد / لا تاكليني انا جاي بدخل اخذ شور وبطلع لكن بعد ما شفت غدويه هونت يا ليت تطلعين وتهوينا وش تبين برجال وزوجته هند استحت / مالت عليكم ما كان متزوج غيركم اذا خلصت منها انزل تحت ولا تنسى الي قلته لك تنفذه غاده منحرجه من جراءت خالد طلعت هند من عندهم غاده بعصبيه / تراني استحي وجهي ما هو مغسول بمرق خالد قرب منها وضمها / فديت الوجه وراعيته لكن اذا شفتك كل حصوني تنهد وانتي الحين غير غاده / ادخل الحمام خذ شور وطلع لا تتاخر على ارجال خالد سوى نفسه زعلان / افا اعتبرها طرده وانا كنت ابي قرب حبيبتي غاده / انا طالعه لان لو بقينا كذا بيخلص العشاء ولا نزلنا فتحت الباب وطلعت من الغرفه وهي مبسوطه بتحسن نفسية خالد نزلت دخلت مجلس الحريم شافت مليان بالحريم المتبرقعات قربت منهم وسلمت عليه والعيون ما نزلت عنها ام راشد / هذي غاده زوجة خالد اخو هند برضاعه جلست جنب فاطمه بنت ابو مطلق وصارت تسولف معها وارتاحت غاده لها والمجلس كانت محيته ام راشد بسوالفها دخلت عليهم هند هند / حياكم الله للعشاء غاده طالعت بهند وقامت مع الحريم وقربت منها غاده تكلم هند بصوت مايسمعه غيرها / الي يشوفك يقول لك سنين بالديره هههههههههههه من متى تفضلو للعشاء اخاف مبدلينك هند / هههههههه انتي ضيفه لازم تجلسين قبل المعازيم غاده / ههههه اخس ولله وصرتي خبيره بسوالف الديره مسكتها هند ودخلت معها بالغرفة الي فيها العشاء عند مجلس الرجال جالس جنب مطلق ومشعل مستمتع بسوالف ابو مطلق يحب سوالف رياجيل اول التفت خالد لمطلق / انت مطلق صح مطلق / ايه وصلت خالد / انا خالد اخو هند مطلق / الله يحيك ويبقيك لي الشرف اني تعرفت على رجال نشمي مثلك خالد / تسلم هند قالت لي انها كلمتك بخصوص شركتها الي بالطائف ولازم اداوم الاسبوع الجاي ويكون معك الي تختاره من موظفين اهم شي الامانه لان هند واثقه فيه مشعل يسمع كلام خالد مع مطلق وقلبه يرقص فرح مطلق / ان شاء الله اكون قد ثقتها وارد لها جمايلها خالد كمل / تقدر تاخذ اهلك معك هناك السكن جاهز بكل الضروريات ما يحتاج تجيبون معكم شي الا ملابسكم وذا الكلام ينطق لكل موظفينا الي بالشركه مطلق / ان شاء الله من الاسبوع الجاي بكون هناك خالد / بيجيكم موظف من عندنا من الرياض لاوصيك يا مطلق اهتم فيه ترى ابوه غالي كثير على هند مطلق / ولا يهمك مطلق من داخله فرحان يدعي بقلبه لهند الي دخلت الفرحه بقلبه وقلب اهله على الساعه تسع الكل رجع بيته دخل خالد وطلع لغرفته الجدات نايمات وهند وغاده جالسات مع خوات مطلق انبسطن بغاده وغاده انبسطت فيهن وارتاحن لبعض على عشر رجعن لبيتهم طلعت هند وغاده فوق كل وحده دخلت غرفتها هند دخلت غرفتها اخذت شور ورمت نفسها عللى السرير ونامت وغاده دخلت لقت خالد متسند على السرير ينتظرها رمت برقعها وشيلتها وقربت منه غاده / حبيبي للحين زعلان خالد / مطنشتني لي ساعه انتظرك ولا تبيني ازعل غاده قربت منه وباسته على خده وبحب / لك حق تزعل ثم لك حق نرضيك ما اقوى زعل حبيب قلبي وعيني ما دام قلبي يا اريش العين مغليك اطلب ولك روحي وما في يديــني لا تـنـشـغل مالك وزينٍ يــضـاهــيك ابـيــك أنا لـو كان غـــــيرك يبيني خالد سحبها وضمها لصدره / تعرفين ما قدر ازعل منك بس لازم ترضيني ما تنازل عن رضاوتي غاده / وش تبي رضاوه عيوني لك طالعها بخبث / اكيد فهمت عليه تركته ودخلت الحمام اخذت شور وانسدحت جنبه وسحبها لحضنه بعد سوالف الحب والغزل نامو في بريطانيا بعد ساعه صحى محمد وطلع بالصاله لقى فهد جالس يطالع بالتلفزون محمد / وينها غاده فهد / نايمه شكلها مرهق محمد / أيه ما نامت كانت تحاتي السفر مشى محمد من عنده دخل غرفة غاده بيودعها قبل لا يسافر قرب من سريرها شافها نايمه قرب منها وطبع بوسه على خدها حست فيها فتحت عيونها بكسل غاده بصوت مبحوح من النوم / حمود وش عندك محمد / قلت اسلم عليك قبل لاارجع قامت وتسندت على سريرها غاده بحزن / بتسافر الحين محمد / ايه رمت نفسها بحضته / فديتك بشتاق لك كثير محمد / كملي نومك انا طالع على المطار ما قدرت اسافر من غير لا ودعك غاده بحزن / توصل بسلامه طلع من عندها وهي دخلت الحمام خذت شور ولبست بنطلون ابيض فضفاض وبلوزه مورده بالسماوي طلعت لقت فهد يطالع بالتلفزون اول ما سمع فتحت باب غرفتها التفت لها وكله اسى وحزن على حالها فهد / صحيتي غاده بمزح / لا نايمه وش تشوف فهد / كليتيني بلسانك تبينا نطلع لحين غاده / مدري احس اني مكسله فهد / اجل يله نطلع نتعشى في مطعم قريب رهيب دايما انا وصلاح مرابطين فيه عليهم اكل واكلهم حلال غاده / اجل بلبس حجابي دخلت غرفتها لبست الحجاب وخذت شنطتها و طلعو برا الشقه يده بيدها فرحان كثير بوجودها غيرت من روتين حياته كان الجو بارد فهد / ليه مالبستي جاكيتك غاده / الجو حلو ما حس ببرد وصلو المطعم جلس على طاوله لمح صلاح من بعيد جلست غاده على الطاوله تركها فهد متجه لطاولة صلاح فهد / وش جابك بذا الوقت صلاح / الي جابني بطني اجلس ليه واقف فهد / ما اقدر اختي معي مشى فهد رايح لغاده تبعه صلاح بنظره شافها كانت معرضته ظهرها وصاده عن الماره جلس فهد مقابل غاده الي تقلب بالمنيوم وهي محتاره وش تختار غاده / فهود وين رحت فهد / عند صلاح طلبتي شي غاده / لا اختار على ذوقك بما انك مجرب اكلهم طلب لهم اكل عباره عن مشاوي ومقبلات لبنانيه خلصو اكل ورجعو مشي ماسكين بيدين بعض صادفهم صلاح اول ما شافته غاده يكلم اخوها نزلت راسها صلاح شده جمالها وحياها لكن احترم صاحبه ولا طالعها صلاح / فهد بكره لا تنسى تجيب معك البحث الي مطلوب علينا فهد / توني بادي فيه متى ما خلصته سلمته عندي فرصه هالاسبوع رفعت غاده عيونها ملت وهي اطالع بالارض كان حجابها ساتر مغطي كثير من وجههاكانت مستمعه لسوالفهم بعد دقائق تركو صلاح ودخلو شقتهم دخلت غرفتها بتنام ما تبي تشغل فهد عن بحثه بدلت لبست بجامه وانسدحت بسريرها ومرت صورة فيصل يوم بالمستشفى دفنت راسها بالمخده وصارت تبكي من قلب مر فهد من جنب غرفتها سمع صوت شهاق وبكاء على خفيف اوجعه قلبه عليها متاكد انها تفكر فيه وهذا هو سبب البكاء تركها ما يبي يقطع عليها محتاج تريح نفسها بالبكاء هز راسه باسى ودخل غرفته فهد بحزن / الله يعينك ياغاده ويصبرك اااااااه اسئلي اخوك عن وجع الحب بالرياض بيت ام جاسم فيصل بغرفته ما طلع منها من بعد ما جاء من المطار جاسم طول الوقت يحاول فيه ينزل لكنه ساكت ما يرد عليه خايف على حال اخوه جاسم تحت يتعشى مع امه ويتغصب على الاكل بعد ما خلص عشاه دخل غرفتهم شاف فيصل متسند على سريرها ويطالع بالفراغ الي قدامه هز جاسم راسه حزن على اخوه ودخل بسريره تفاجئ بصوت اخوه الي ما سمعه من يوم ماجاء من المطار فيصل بحزن / اكيد وصلت تتوقع بكره بداوم بالجامعه ياليتها ما تروح ولا تداوم اذ داومت اكيد بيشوفها غيري ويحبها غاده مستحيل احد يشوفها ولا يحبها غاده تنحب اااااااااااه ياخوي الغيره بتذبحني وانا اتخيل غيري يستمتع بشوفت وجهها الي عذب اخوك مشتااااق لها يا جاسم ادفع كل الي عندي وشوفها يا بعدها المسافه بينا قال بصوته الحزين الموجع / مشتاق لك بس المسافـة طويله بيني وبينك مقدر آصلك واجيك لاشك ببعث لـك سـلام تشيلـه ريح الجنوب وطيب العطر اهديك من قلبي المشتاق يابـو جديلـه ياخذ سواد الليل منها وهي فيـك الحب لك وحدك وعنـدي دليلـه دمع العيون اللي على البعد يسقيك الشوق والتحنان فـي كـل ليلـه يأخذ حلاة النوم وأسهر اناجيـك ياعود ريحان نمى فـي خميلـه الروح مني يااشعل العين تفديـك لولاك وش لي بالحيـاة وسبيلـه جاسم ما قدر يتحمل كلام اخوه دمعت عينه يذكره بالحبيبه الي متولع ومشتاق يشوفها جاسم في نفسه / حرام عليك يا خوي فتحت مواجعي شوقي لها اضعاف اضعاف شوقك اكذب اقول بنساها وهي بالقلب محفوره |
رد: غرام وانتقام اليوم الثاني في بريطانيا عند غاده صحت بدري صلت الفجر وطلعت من غرفتها طقت على غرفة فهد ماسمعت رد شافت سريره خالي وتسمع صوت ماء بالحمام عرفت انه ياخذ شور طلعت ودخلت المطبخ تبي تجهز فطور لهم فتحت الثلاجه لقيت بيض ومعلبات طبخت بيض مسلوق وحطت المعلبات بصحون حطتهم على طاولة الطعام الصغيره الموجوده بالمطبخ طلعت خبز من الثلاجه حمته بالمكرويف وهي تجهز الكبتشينو الا على دخول فهد عليه فهد بمزح / شالحركات غدويه من متى ندخل المطبخ اعرفك ما دلين طريقه ولا وبتسوين كبتشينو انتبهي لا تحطين ملح بدال السكر غاده / خل الطنازه لا تخليني ارجع كل شي مكانه وتنحرم من الفطور واحمد ربك سويت لك بيض مسلوق فهد / لا والي يعافيك لا تشيلينه وكثر الله خيرك على البيض عسا ما تكلفتي غاده / فهوووووووود حط يده على فمه وقرب وجلس على الكرسي / سكتنا غاده / فهودي كم باقي على الدوام طالع بالساعه الي معلقه بالجدار / ساعه وش عندك غاده / لاني بداوم اليوم معك جلسو يفطرون بهدوء كلن سارح بتفكيره بعد ماخلصو قامت غاده / انا جهزت الفطور وانت شيله والله لا يهينك غسل المواعين فهد بقق عيونه فيها / ايا نذله مخليه الصعب علي غاده / كلن وقدراته انا زين مني حطيتهم بصحون انت اعرفك شاطر والغربه علمتك فهد / بكلم شغاله تجي اسبوعيه ترتب وتنظف البيت بخليها تنظف حوستنا ولا اوصيك سكري غرفتك ما ضمنها اخاف تسرق شي من اغراضك غاده / طيب بلبس وبقفل الغرفه دخلت غرفتها لبست بنطلون اسود فضفاض وبلوزه ورديه طويله لتحت الركبه وصندل وردي ولبست حجاب وردي فيه دوائر بالابيض وجهها خالي من المكياج طالع بطبيعتها وجمالها المبهر بالوردي طلعت من غرفتها لقت فهد عند الباب ينتظرها طلعو ركبت بسيارة فهد لان الجامعه بعيد شوي عن سكنهم وصلو نزلو ودخلوا لجامعه وصلو عند طاوله بالساحه كلها حركه فهد بجديه / غدويه لا وصيك هذا مكانك وانتبهي لا تتكلمين مع احد وخاصه البنات تعرفين مجتمعهم يخوف ولازم الانتباه غاده / ان شاء الله لكن ابي ادخل اسئل عن جدولي ومواعيد محاضراتي فهد / اذا خلصت محاضرتي رحت معك نسال اليوم ما عندي غير محاضرتين وحده الصباح و الثانيه بعد الظهر غاده / طيب تركها وبقلبه يدعي ربه انه يحميها وهي جالسه بمكانها شافها صلاح من بعيد قرب منها شافته قدامها ونصدمت ليش ما دخل محاضرته صلاح / السلام ردت عليه ببرود / وعليكم السلام صلاح معجب فيها وشدته اول ما شافها / فهد وينه غاده ببرود / بمحاضرته انهبل على طريقتها بالكلام والدلع الرباني تسمحين لي اجلس معك لين يطلع فهد من محاضرته غاده بقوه وبسخريه / طبعا لا ترى ماني بفهد تجلس معه صلاح قهرته متحامله عليه جلس من غير لا يهتم بكلامها غاده بعصبيه / من سمح لك تجلس وبعدين احترم صديقك الي انا اخته ولا ترضاها لنجلاء مو علشان احنا ببريطانيا نضيع تربيتنا وننسى دينا صلاح من غير هتمام يبي يطول معها بالكلام مستمتع بصوتها صلاح / من وين عرفتي نجلاء غاده بعصبيه / وش رايك بالمره تجيب معك قهوه ونسولف صلاح بابتسامه / عادي ما عندي مانع على الاقل يصير بينا عيش وملح على قولة المصريين غاده وهي تفور بعصبية / تعشت عليك الدودو والنمل السود صدق ما تستحي الشرهه علي الي للحين جالسه مع اشكالك قامت وتركته صلاح ماقدر يمسك نفسه انفجر ضحك قال في نفسه / ههههههههههههههه يحليها متوحشه دود ونمل سود ههههههههههههههه مو لابق عليها العصبيه شكلها بيبي عاجبتني اخت رجال ما حد يقدر يقرب منها ويتمادى معها محافظه على دينها وهي بعيد عن اهلها مو السعوديات الي معنا بالجامعه استغفر الله يلبسن لبس يفضح اكثر من انه يستر والله استحي لحد سئلني اقول انهن سعوديات من بلد الحريمن شوهن الاسلام والمسلمين قام من مكانه وكل تفكيره بغاده دخل الكفتريا ماله خلق يحضر المحاضره غاده كانت واقفه بعيد شافته قام وابتعد ارجعت لمكانها خايفه تضيع بالجامعه لانها كبيره مره في الرياض بيت ام جاسم فيصل جالس بغرفته على حاله من بعد سفرغاده تفكيره طار ووصل لبريطانيا ذبحه التفكير والغيره تحرقه متاكد انها بتكشف والجامعه مختلطه فيصل في نفسه / ذبحني غيابك يابنت العم وحرقتني الغيره وانا متاكد انك ما تدرين عن هوى داري يمكن يشوفك واحد من ربع اخوك ويحبك ويخطبك وتصيرين من نصيبه انتفض وجع من فكره انها تكون حليلة لغيره وتكون ملكه طلع جاسم من الحمام وكله هموم على حالة وحال اخوه طالع فيه شافه مثل البارح ما تحرك ولا اكل شي جاسم بعصبيه وحزن / وبعدين معك اطلع روح لشركتك ولا ناوي تذبح نفسك ترى امي ما تشوفني الا تسال عنك خل هموننا واوجاعنا بقلوبننا لا نعذبها فيها فيصل / ........... كمل جاسم / انزل عند الجوهره والعب مع بنتها بتغير عليك نفسيتك فيصل لما سمع اسم الجوهره صحى تكلم بصوت مسموع / كيف نسيت الجوهره اكيد بتكلمها اذا وصلت بطمنها عليها باخذ اخبارها من الجوهره واذا ما كلمتها بطلب منها تتصل عليها مستحيل اجلس كذا من غير لا اعرف اخبارها الموت اهون علي جاسم بحزن ووجع / قوم افطر من امس ما كلت شي والله يهونها علينا انا طالع للمستشفى لو استسلم لاوجاعي بنجن لازم يا خوي نقوي نفسنا شوف حالتنا بالجسم عايشين لكن وين روحنا مشتهي اضحك من قلب وامزح مثل اول لكن بنات عمك من دخلن حياتنا تدمرنا موقادرين نعيش معهن ولا قادرين نبعد عنهن وتستمر حياتنا من غيرهن الي كبرنا عيالهم حوليهم وحنا دمرنا الحب فيصل يا خوي قو نفسك علشان امك محتاجتنا صرنا لا ناكل ولا نجلس معها ذبحتها الوحده خلنا نعوضها عن غيابنا الفتره الي فاتت مادام فشلنا نصير ازواج خلنا نصير عيال بارين فيها امك محتاجتنا اكثر من قبل اشوف بعيونها الحزن على حالنا انا متاكد انها حاسه باوجاعنا قلب الام دليلها فيصل سحب نفسه بالغصب من سريره دخل الحمام اخذ شور ولبس بدون اهتمام طلع من غرفته نزل لقى امه جالسه قرب منها باس راسها فيصل بصوت مخنوق / شخبارك يالغاليه ام جاسم بخوف / يمه وش فيك شكلك تعبان فيصل / كنت مسخن والحين الحمد لله ام جاسم / يمك من امس ما كلت شي بقوم اجهز لك شي تاكله رفع راسه شاف جاسم يطالعه والحزن بعيونه جابت ام جاسم الاكل فيصل ياكل من غير نفس يحس طعم الاكل مر بحلقه وبصعوبه يبلعه اكل لقمتين وخلص ام جاسم / يمك ماكلت شي فيصل / اكلت يالغاليه تعرفين السخونه تسد النفس ام جاسم / روح يمك للمستشفى تعالج فيصل في نفسه / يا ليت القى علاجي بالمستشفى علاجي ببريطانيا فيصل / ان شاء الله انا طالع ام جاسم / بتطلع كذا كان لابس ثوب من غير غتره وشعره طالع فيصل / ايه ماني برايح لشركه بطلع مشوار وراجع ركب سيارته وصار يفرفر بشوارع الرياض ماحس بنفسه الا واقف جنب بيتها نفسه ينزل ويسال عن احوالها لكنه اجبن من هالشي في الديره غاده صحت قبل الفجر تبي تنزل تحت وتراقب الشروق التفتت على خالد شافته غاط بنومه البست وطقت الباب على هند ودخلت شافت هند نايمه قربت منها وهزتها غاده / هنوده قومي ابي انزل قبل الشروق هند سحبت الحاف وغطت وجهها سحبت غاده الحاف ورمته بعيد عنها غاده / والله ان ما قمتي لروشك بماء بارد هند فتحت عيونها / قلق روحي لخالد ازعجيه ليه بالشتني غاده تتمسكن / عفيه هنوده ميته اشوف الشروق استسلمت هند وقامت اخذت شور سريع وخذت سجادتها بتصلي تحت نزلت مع غاده وطلعو برا البيت الجو رهيب والهدوء منتشر بالمكان هند / تبين تشربين شي ولا يكفيك تتاملين الشروق غاده / من البارح مغتثه اكلت كثير هند بحب / على ولد اخوي بالعافيه غاده / مالت عليك سمعو صوت الاذان كان صوته يشرح الصدور رددن مع الاذان غاده / انا طالعه اصحي خالد لصلاة سمعت صوت خالد وراها / صحيت وش الي مصحيكم بدري هند طالعت بغاده / اسئل زوجتك الي نكدت علي نومي الاخت رومنسيه تبي تشوف الشروق على حسابي قلت لها تقومك وتفكني تقول لا مابي انكد على خالد ونكدت علي قرب خالد من غاده بحب / فديتها ام عبدالرحمن الي تدور راحتي مو بعض الناس حتى بايجازتي مشغليني هند / لا وبزيدك بعد اليوم بتجيب عمال يبنون المدرسه كنت بابنيها بنفسي لكن خايفه على الجرح وباتاخر ابيها بسبوعين تكون خالصه ومجهزه بكل شي خالد / انتي صاحيه اسبوعين ما تخلص لك غرفه هند باصرار / خالد الي قلته يصير لو يشتغلون 24 ساعه خالد باستسلام / طيب الله يعين وين باجيبهم العمال وانا اجهل كل شي بديرتكم هند / اسئل بالديره القريبه ولا اوصيك وص محمد يحجز اثاث للمدرسه من الحين ويقدم على موافقه للمدرسه واذا وافقو ينشر بالجريده حاجتنا للمدرسين برواتب مغريه علشان البعد كل ذا يصير قبل الحج خالد / وش معنى قبل الحج هند / لاني بحج ومن بعد الحج باستقر بالطائف براقب شركتي الي هناك من بعيد وحط في بالك بتكون معي هناك على الاقل فتره لين نتاكد ان الاوضاع ماشيه خالد / يصير خير انا طالع اصلي ا ن جيت ابي الفطور جاهز بروح ادور لك عمال الله يعيني على الشقا هند وغاده صلن برا وكملن جلستهن قامت غاده تصحي الشغالات يساعدنها بتسوي فطور خالد جهزت الفطور وطلعته برا لقت خالد وهند يسولفون بالشغل قربت منهم ونزلت الفطور خالد طالعها وطالع بهند / هند ما كانك مرتاحه وزوجتي الي تكرف من جينا وهي تشتغل هند / لو بتستناني اقوم منت بفاطر تعرفني ماعرف شي غاده ماشاء الله عليها سنعه وراعية بيت ولها نفس بالطبخ حتى الماء من يدها غير وغمزت هند لغاده غاده باست هند / فديتك ما يمدحني غيرك خالد بقق عيونه / صدق مكفرات العشير نسيتي من اعتزل المطاعم وادمن على طبخك وكل يوم اقول قصايد مدح بطبخك غاده بحب / اجبر بخاطر هند من زمان محد تفداها والا انت مافي منك اثنن هند بمزح / صدق نذله والنذاله تمشي بدمك الي يشوفك يقول طابخه مشمر ومحمر كله معلبات وبيض خالد / اقول مدي يدك واكلي الغيره ذابحتك هند / هههههههههه اغار لحد يسمعك يصدقون اني بنت خالد رفع حواجبه مستنكر / ليه ليكون الي اكلمه رجال هند بحزن مخفي / تقدر تقول كذا خالد سكت لما حس بنبره الحزن بصوتها صارو ياكلون بسكات طالعتهم غاده مستغربه من السكوت فجئة حبت تفرفش الجو غاده / هنوده وش رايك نسير على ام مطلق ارتحت لبناتها وام مطلق عازمتني امس هند / بقول لجداتي ان وافقت رحنا وان رفضت نجلس غاده / ان شاء الله توافق خالد / ابوهم واخوهم طيبين ما كنت اتوقع اني باخذ عليهم بسرعه ارتحت لسوالف ابو مطلق من سوالف الناس الاولين هند / امهم ما شاء الله عليها تنحب وواضح انها حنونه وذكر الله دايما على لسانها خلص خالد فطوره طلع وركب سيارته بيدور عمال لهند جلسن فتره بعد ما طلع خالد لما صارت الساعه ثمان غاده / هند يله ندخل داخل اكيد جداتك صحن فشيله نتركهن لحالهن دخلن داخل لقن الجدات جالسات على قهوتهن سلمن عليهن جلس غاده جنب ام راشد وهند جلست عند القهوه تصبها غاده / جده وش رايك نروح لبيت ابو مطلق ام مطلق امس عزمتني الجده ام راشد / كنت بقولك لكن سبقتيني امس قبل لا تطلع اصرت انك تجين ولا تقبل أي عذر غاده / متى نروح لهم الجده ام موضي / بعد المغرب جلسن مع الجدات يسولفن عن عشاء البارح ويسالن عن الحريم الي حاضرات والجدات يجاوبن وهن مبسوطات وجود هند طلعهن من وحشة الوحده واليوم فرحانات كثير بوجو غاده الي حبنها كثير على الساعه عشر استاذن من الجدات يبين يرتاحن شوي كل وحده دخلت غرفتها يتبع |
رد: غرام وانتقام في بريطانيا بالجامعه جالسه بالمكان الي تركها فيه فهد بعد ما خلص محاضرته وهو على اعصابه يعرف ان غاده عندها حب استطلاع فخاف تترك مكانها وتستكشف الجامعه وهي تجهل بلبلاوي الي تصير بالجامعه اول مشافها جالسه بمكانها حس براحه كبيره قرب منها فهد / زين انك ما تحركتي والله ما كان بالي بالمحاضره كل تفكيري عندك غاده باستغراب / فهود وليه كل الخوف ترانا بجامعه فهد / المصيبه انك بجامعه وتعرفين انهم يضايقون البنات المحاجبات ويتحرشون فيهم غاده بخوف / خوفتني فهد فهد بيطمنها / اهم شي ما تمشين مع أي وحده او تجلسين باماكن معزوله وقفت ومسكته بيده / يله بسال عند جدولي ذبحني الجوع بتغديني برا دخلو اخذو الجدول وهم طالعين قابلو صلاح عند البوابه فهد / وينك صلوووح اليوم محضرت ا لمحاضره مو من عوايدك صلاح مركز عيونه على غاده الي تحاول تشغل نفسها عن نظراته صلاح وهو يقصدها بالكلام / كنت مع ناس قبل لا ادخل المحاضره اكلوني بقشوري وسدو نفسي عن المحاضره رفعت عيونها وتلاقت عيونهم استحت ونزلتهم وهو تكهرب من نظراتها غاده بدلع / فهودي يله تاخرنا صلاح داخ وذاب من دلعها ما صدق انها الي كان معها واكلته بلسانها طالعها وابتسم في وجها هي كشرت وصدت بوجهها انقهر من تطنيشها واستخفافه فيه فهد / اش رايك تتغداء معنا صلاح بنفس المطعم غاده انقهرت من اخوها نكزته بكوعها فهد مسح ضربتها / أي وش عندك ضاربتني كوع صلاح فهم انها رافضه وجوده معهم بس حب يعاندها لانه حطها براسه مستحيل يستسلم لها صلاح / وانا قبلت عزيمتك وطالع بغاده ما يرد الكريم الا الئيم غاده منقهره منه وفي نفسها تلعن وتسب فيه غاده في نفسها / ياشين اللصقه ما صدق ينعزم الله يعيني على ثقالت دمه وصلو للمطعم وجلسو على الطاوله وختار كرسي يكون مقابل لغاده جنب فهد يبي يراقبها وبيطفشها ما يبي فهد ينتبه له فهد / غدويه اختاري الاكل الي تبينه وانت يصلاح غاده ونظرها على الطاوله / على ذوقك صلاح / وانا تعرف طلبي صلاح حط يده على خده وصار يطالع بغاده الي كل ما رفعت عيونها شافته يراقبها منقهره واذ شافها اطالعه حرك بحواجبه ويسوي حركات لها بعيونه ولعت منه جاء الاكل وكان فيه عصير برتقال قريب من صلاح تظاهرت انها بتقوم وبالعمد طيحت الكاس على الطاول وانكب العصير على صلاح تفاجئ من العصير الي غرق ملابسه طالعها وهو يغلي قهر عارف ومتاكد انها متعمده وقهرته اكثر وهو يشوف ابتسامة النصر حطت يدها على فمها ممثلة الصدمه غاده بابتسامة نصر / اووووووووه سوري ما كنت ادري صلاح بقهر يحاول يخفيه / صار خير بطلع لشقه اغير ملابسي تركهم وهو مولع من غاده كيف قلبت عليه كان بيقهرها قهرته وقومته مثل ما تبي دخل شقته وصورة غاده ما فارقته عمره ما جذبته بنت بذا الطريقه ما شافها الا مرتين وانشد لها كثير قرر قرار مراح يتراجع فيه عند غاده وفهد غاده فرحت هذا الي تبيه بردت قلبها من صلاح من الصباح منقهره منه ومن جرائته لو فهد مو موجود كان ربته عدل لكن خايفه من اخوها فهد بعصبيه / مره ثانيه فتحي عيونك فشلتيه غاده بعصبيه / لك وجه تتكلم شلون تعزمه وانا معك لو بالسعوديه بترضى يجلس مقابلني ياكل معي ما كنت كذا يافهد ما توقعت ان بريطانيا بتخلي كل شي عادي ولا تغار على محارمك فهد استحى من كلام غاده وعارف ان كلامها صحيح مليون بالميه فهد مستحي / اخر مره اعزمه لولا ثقتي بصلاح كان ما عزمته وعزيمتي له كانت عن حسن نية وتطمني للحين اغار على محارمي غاده / صار خير لكن ان كررتها بفشلك وارفض غداك فهد / مراح يصير وبفهم صلاح اذا كنتي معي ما يقرب من جنبي غاده / هذا الي ابيه هو في حاله وحنا بحالنا ما منعك منه لكن بعيد عن وجودي فهد / خلاص تغدي الغداء برد وصلاح باخذ له غداء معي بيت ام جاسم الساعه 10 الصباح ام جاسم بالصاله تنتظر الجوهره سمعت صوت الباب كان فيصل وواضح عليه الهم ام جاسم / وانا امك فيك شي منت بعاجبني اليوم فيصل يصطنع الابتسامه / ما فيني شي سخونه وكليت خافض شوي وتخف دخل الصاله انسدح على الكنبه مايبي يطلع لغرفته وتزيد عليه همومه كانت الجوهره رايحه لموعد لبنتها بعد الولاده دخل نواف نواف بيتطمن على بنته والجوهره شاف فيصل منسدح وواضح عليه التعب قرب منه / فيصل مالك نيه تقوم تسلم علي صحى من سرحانه قام سلم على نواف فيصل بحزن / سافرت يانواف وبتغيب ثلاث سنين نواف بعصبيه / وبعدين معكم انت وخوك بتجننوني جالس اشوفكم تموتون قدامي ولا راضين تعطون نفسكم فرصه تنسون الي باعك بيعه لو كان غالي فيصل / يا ليت اقدر ياليت تدري افكر اسافر هناك وانقل شركتي لبريطانيا نواف بعصبيه / انت صاحي تترك اهلك والي يحبونك وتلحق الي بايعينك وينها كرامتك وهي منحاشه لليلة عرسك ولا وبتلحقها والله لو صايره هالشي معي لدوس على قلبي كله والا الكرامه ان راحت راح كل شي الله يلعنه من حب الي يخلينا نمشي بلا كرامه اصحى يافيصل اصحى فيصل بصراخ / اسسسسسسسكت يانواف اسكت كلامك يجرحني الي يصير غصب عني قلبي ياخوك هو الي يحركني انت ما جربت الحب ولا انحرمت من الي تحبها طلعت ام جاسم لما سمعت صراخهم ام جاسم بخوف / وش فيكم تصارخون صاير شي استحى نواف / لا ياعمه مافيه شي كنا نتناقش بموضوع ومن الحماس على صوتنا فيصل رجع وجلس على الكنبه يحاول يكون طبيعي ما تلاحظ امه الحزن عليه ام جاسم / ادخلو عند الجوهره بجيب القهوه عندها نواف / بتطمن على الجوهره وبطلع للمستشفى عندي شغل ضروري ام جاسم / تغد عندنا نواف / جعلك سالمه بتغداء بالبيت امي سبقتك بالعزيمه مره ثانيه ام جاسم / العشاء نواف / ان شاء الله دخل وهو واقف تطمن على الجوهره وبنتها وطلع من البيت دخل فيصل عند الجوهره الي بنتها بحضنها قرب منها باس راسها فيصل / شلون جوهرتنا وبنتها الجوهره / الحمد لله بخير انت شلونك فيصل / بخير جعلك بخير طالع بامه الي قامت طالعه برا وهو ما يدري شلون بيسالها عن غاده قرب منها وجلس على طرف سريرها الجوهره لاحظت ان عنده كلام بيقوله ومستحي ومتاكده انه بيسال عن غاده الجوهره بعصبيه / ما كلمتني واتصلت عليها جوالها مفصول فيصل بحزن / وش دراك اني بسالك عنها الجوهره بحزن على حال اخوها / كاشفتك انت صاير كتاب مفتوح حبها دمرك لما اشوف حالتك اكره غاده وهي صديقة عمره تكفى ياخوي ارحم نفسك وارحمني انا ماني قادره اتحمل انت تتعذب وهي تتعذب فيصل بخوف بلهفه / ليه تتعذب وش صاير لها الجوهره باستعجال / تحب الخبله وتعاني مثلك فز فيصل كانه مقروص شي فوق طاقتة واحتماله حبيبته وعشيقته تحب غير وتعاني نفس الي يعانيه معها يكثر عذابه حس كان السقف طاح على صدره وكتم انفاسه طلع من غير ما يتكلم طلع بالحوش يدور على هواء لكن تنفسه يضيق كان الاكسجين انسحب من الجو فتح ازرار ثوبه يحاول يتنفس لكن كل ماله واختناقه يزود حس ببروده بكل اطرافه دارت فيه الدنيا وحس بالظلام بداء يسلل لعيونه طاح بالارض غايب عن الوعي الجوهره لما شافت فيصل قام ووجه اسود صارت تسب نفسها ليه قالت له هالكلام وضايقته يكفيه الي فيه طلعت من غرفتها ادور عليه دخلت الصاله مالقته دخلت مجلس الرجال مالقته قررت تطلع بالحوش وصدمتها لما شافته طايح على الارض ركضت له من غير شعور رفعته على فخذها وصارت تضرب بخده وهي تبكي وتشاهق صارت تصارخ سمعتها الشغاله ركضت لها طلبت الجوهره منها تجيب جوالها كلمت نواف وهي تبكي نواف كان قريب من بيتهم لما دق جواله وشاف رقم الجوهره وانصدم وهو يسمع شهاقها نواف بخوف / الو الجوهره وش فيك البنت فيها شي الجوهره وهي تشاهق / الحقني نواف فيصل طايح مايتكلم وصارت تشاهق خاف وساق بسرعه وصل دخل لقى الجوهره على حالها تبكي وفيصل بحضنها نواف / وش صاير ليه اغمي عليه الجوهره وهي تبكي / كله بسببها دمرته وبتموته نواف / لاحول ولا قوة الا بالله نادي الشغاله تساعدني بنقله للمستشفى واياني وياك امك تدري الجوهره / لو درت امي يمكن اطيح جنبه تكفى يا نواف بسرعه لا يصير فيه شي قرب نواف وحط يده على تنفسه التنفس طبيعي ودقات القلب طبيعيه تطمن حاول يقومه لكن جسمه ثقيل ما قدر وهو يحاول الا على دخلت جاسم صدمه الي يشوفه اخوه طايح بالارض والجوهره وجهها احمر وتشاهق والخوف واضح على وجه نواف ماحس بنفسه الا بوسطهم جاسم بخوف / نواف وش فيه فيصل نواف بعصبيه / بسرعه شيلة معي خلنا نلحق عليه ونوديه المستشفى شالوه وركبوه وراء بسيارة نواف وسدحوه وجاسم جلس جنب نواف وهو يدعي بقلبه تجي سليمه اخوه من يومين وحالته حاله الاكل ماطب فمه وصلو المستشفى دخلوه لطواري بعد الكشف طلع معه انهيار عصبي عطوه ابره مهدئة والدكتور طلب منهم محد يضايقه لا تنتكس حالته وانه بيجلس عندهم لبكره اذا استقرت حالته وتطمنو عليه سمحو له بالخروج او بيبقى عندهم طلعو من عنده ونواف مولع قهر من جاسم واخوه الي تغيرو كثير نواف بصراخ تفاجئ منه جاسم / وبعــــدين معكم ما يفوق واحد الا يطيح الثاني حرام عليكم انفسكم اصحو وش ذا الضعف الي خلى حريم يلعبون فيكم وانتم تبكون وهن يضحكون ويستمتعون بتعذيبكم وش ذا الضعف الي نزل عليكم وين قوتكم الي اعرفها بتجننوني الدكاتره حفضو شكلكم من كثر ما تنهارون بله الحين وش اقول لمكم والجوهره فيصل معه انهيار عصبي علشان حب وخرابيط والله استحي اقول لهم هالكلام جاسم / ......... نواف / الكلام معكم ضايع مدري ليه احرق بعمري لا انت ولا اخوك صغار عاقلين ناضجين تركه وجاسم دخل مكتبه وهو متضايق من كلام نواف الي متاكد انه صحيح والي يقهره انه عاجز عن تنفيذ الي يقوله لكن بيحاول ما يضعف ويتظاهر بالقوه لو داخله ينزف همومه وجروحه له لحاله خلاص مستحيل يدخل العالم باوجاعه لانه بيصير هو الملام وهو بمكتبه قطع تفكيره صوت الباب يطق سمح له بالدخول تفاجئ باخر واحد يتمنى يشوفه صاير يحمل بقلبه كره كبير له هو السبب باوجاعه واوجاع اخوه شوفته ما يجي من وراها الا المصايب واكيد جاي بمصيبه جديده من مصايبه لو بكيفه كان قام وذبحه ولا حرقه مستحيل بيبرد الجروح الي بداخله دخل راشد من غير ما يسمح له جاسم بالدخول جلس وجاسم وقف يحاول يمسك اعصابه داخله نيران لو سمح لها بالخروج يمكن تحرقه جاسم بعصبيه / خير وش جابك هالمره راشد / يالي ما تستحي وش رايك تقوم تضربني جاسم بنفس العصبيه / وش جابك هالمره راشد / الي جابني المره الاولى جاسم بقهر / اعطيك عنوان عبد الرحمن اذا ما تدله روح تفاهم معه انا ما شتغل وسيط بينكم راشد / وصلت رسالتي له جاسم بصراخ / ايه يقول اذا رجال يواجهني ويحلم يشوف قرش من فلوس هند راشد بعصبيه / رجال غصب عنه جاسم بقوة وبعصبيه وصراخ / واضح ياعمي انك رجال والي سويته وتسويه عقوقك لامك والي سويته بزوجتك وسرقك لاموالها ورميك لبناتك وخليت غيرك يربيهم وفوق هذا رافع قضيه بتارث بنتك كان الي ماتت قطوه تعتبر هذي رجوله يعمي انت بعت الكل وشتريت موضي راشد بعصبية / ياقليل الحياء تطول صوتك على عمك صدق امك ما عرفت تربيك جاسم بعصبيه / قصرها ياعمي مابي اغلط عليك احتراما لانك اخو ابوي ياليت تطلع من مكتبي راشد / هيييييين ياجسوم طلع من مكتب جاسم وهو معصب على طلعته دخل نواف نواف / وش ذا الصراخ واصل لمكتبي خير جاسم جلس على مكتبه جاسم / وش تتوقع من عمي يخلي الي ماينرفع ضغطه يرنفع جاي يسالني اذا وصلت كلامه لعبد الرحمن من شفته جنون الارض نطت بوجهي والله لو ما هو عمي كان ذابحه ضميره واحساسه ميت اشك ان عنده قلب والمصيبه جبان لعبة بيد خالتي نواف / عمك هذا ما يجيك الا يضايقك جاسم بحزن موجع / هذا هو عمي مدري شلون كنت مخدوع فيه كل السنين كان الي اشوفه الايام الي فاتت مو عمي الي عشت معه نواف / بتطلع تتغداء ولا بتبقى عند فيصل جاسم بحزن/ من له نفس يتغداء بعد الي صار منا فيصل ومنهنا عمي بجلس عنده طلع نواف من المستشفى وفيصل دخل غرفة اخوه الي نايم بسبب المهدي له يومين مانام |
رد: غرام وانتقام في بيت عبدالرحمن نوره جالسه مع عدنان دخل عليهم محمد جاي من السفر قرب وباس راس امه نوره / يمه شكلك تعبان من السفر تتغداء ولا تنام محمد / لا يا لغاليه بنام ما شوف طريقي من النوم نوره / شخبارها اختك وفهد محمد يبتسم / بخير مسرع مشتقتي لها نوره بحزن / احس نور البيت طفى من يوم راحت عدنان بحزن / أي والله اول مره ادري اني احبها محمد / هههههههه اجل بغيب عنكم يمكن تشتاقون لي نوره بحزن / اشتاق لكم وانتم موجودين ما يحتاج توجعون قلبي وتتغربون غاده مكانها خالي هي الي تجلس معي وتسولف معي الله يرجعها سالمه محمد / يله انا طالع لغرفتي بنام لحد يصحيني الا على الصلاه نوره / ان شاء الله طلع محمد لغرفته وعدنان طلع لغرفته جلست نوره وكل تفكيرها بغاده وهند متى يجتمعون من جديد في بريطانيا بعد الغداء اخذ غداء لصلاح وطلعو من المطعم وصلها لشقتهم وطلع لشقة صلاح طق الباب فتح له صلاح وهو بلبس البيت فهد / ما طاوعني قلبي اتركك بدون غداء جبت غداك معي صلاح بحب / ادخل الله يحي الحامل والمحمول كانك داري بجوعي والشقه فاضية فهد / خذ غداك برجع لغاده تعال الليله تساعدني بالبحث صلاح ابتسم لما تذكر غاده / ولا يهمك بصلي العشاء واجيك صلاح ناوي يرد لها الصاع صاعين الليله بيرد لها الي سوته بالمطعم عند غاده دخلت الشقه ودخلت غرفتها اخذ ت شور ولبست بجامه ساتره وطلعت الا على رجعت فهد من عند صلاح غاده / زين جيت ماجلست عنده فهد / وانا اقدر اترك اختي الغاليه غاده بحب / فديتك ياحسن اخ فهد / بقولك شي ما بيك تاكليني غاده رفت حاجبه / خير وش الي بيزعلني فهد / الليه بعد العشاء بيجي صلاح يساعدني بالبحث غاده / عادي يجي انا ما منعتك عنه لكن انا مستحيل اجلس معكم او يشوفني انا اعتبر نفسي بالسعودي بجلس بغرفتي اذا طلع حط عندي خبر اطلع والاحسن انك ادخله بغرفتك يكون صاد عن المكان كله واقدر ادخل المطبخ براحتي فهد / خذي راحتك بدخله غرفتي غاده / بطلع غرفتي انام دخلت غرفتها انسدحت على سريرها مر طيف فيصل قدامها اعتصر قلبها وجع غاده في نفسها / ليه الواحد ما يعرف قيمة الشي الا لفقده كان قدامي وجرحته يارب تساعدتي وانساه رجع لها شريط ذكرياتها مع فيصل ادفنت راسها بالمخده وصارت تبكي من قلب في الرياض بالمستشفى دخل نواف عند فيصل لقى جاسم متسند على الكرسي ومغطي وجهه بغترته ونايم قرب من فيصل فحص عليه تطمن عليه قرب من جاسم نواف / جاسم جاسم رفع الغتره عن وجهه وتعدل بجلسته جاسم فتح عيونه بكسل / تبي شي نواف نواف / جاسم روح ارتاح بالبيت جاسم / متى يفوق طول نواف / المهدي قوي مراح يصحى الا بالليل جاسم / اجل بروح لمكتبي اشوف شغلي لين يفوق نواف / انت با يجازه روح ارتاح جاسم بحزن / راحتي بشغلي حط نواف يده على كتف جاسم يواسيه نواف بحب / اجل امش معي للكفتريا اكل شي باقي وقت على الدوام استسلم لنواف وراح معه للكفتريا جلسو طلبو لهم فطائر تغصب شرب عصير برتقال ونص الفطيره نواف بعصبيه / وبعدين معك تسمي ذا اكل تبيي نتحر علشان وحده ماتستاهل جاسم بعصبية / تبيني انساها وكل دقيقه ذاكرها قدامي بله كيف بنساها نواف / ولا ظنتي انك تبي تنساها خلنا من سيرتها الي تجيب الغم جاسم بعصبيه / ياخي احترمني لا تسبها قدامي ترى كانك تسبني نواف بعصبيه / صايره الجلسه معك تغم اقوم اشوف شغلي ابرك لي دخل وترك جاسم الي صار احزانه وهمومه يحاول يكابر ويضغط على نفسه في الديره بعد ما طلعت لغرفتها اخذت شور وانسدحت على سرير جاسم حاولت تنام ماقدرت فتحت لاب توبها تشوف شغلها هند في نفسها / هنديانا شلون نسيتها لي يومين ما شفتها اخر مره يوم كنت تعبانه طلعت من غرفتها طقت الباب على غاده سمعت صوتها هند / ما نمتي غاده / حاولت لكن ما جاني نوم هند / هنديانا وينها كانت معي بالمستشفى غاده / شفناها تعبانه خالد طلب منها تروح ايجازه لهلها بكره بتجي هند / يحرام نسيت اني خوفتها علي ولا فقدتها الا اليوم غاده / بتنامين ولا ننزل نطبخ الغداء هند / اطبخيه يحبك للمطابخ مايكفيك مطبخ بيتكم غاده / المطبخ عندي مثل الشركه عندك هند / ههههههههه خوش تشبيه يله بننزل نزلن هند دخلت عند جداتها وغاده دخلت المطبخ سمعت هند صوت نحنحة خالد طلعت له هند / بشر وش سويت لقيت عمال وتفقت معهم خالد / ايه بكره بيجون من الصباح لين الليل اتفقت مع المقاول استلمه باسبوعين خالص دفعت اربع اضعاف المبلغ علشان استلمه بسبوعين ومن بكره بكلم محمد يحجز اثاث المدرسه ويهتم يسوي صك للمدرسه وبعدها ننشر بطلب مدرسات قربت هند من وضمته بقوه / ما يجيبها الا رجالها ومتاكده مراح ترجع الا بعد ما تنفذ الي ابيه خالد / غاده وينه هند / ههههههههههه بالمطبخ اعرف بتذبحني زوجتك زين ما تحط سريرها بالمطبخ هي الي دخلته مالي علاقه خالد / الله يعينه الي بياخذك داعيه عليه امه هند تذكرت جاسم / مراح يجي تطمن ويبيني اتفاهم معكم على الي سوتوه فيني ما توقعت يصير فيني كذا خالد / مستغرب لي\ك يومين ماناقشتيني بالموضوع توقعت بسلم منك مستغرب برودك هند بقوة / مثل مزوجتوني من وراي تطلقت خالد بعصبيه / شنوووووو انتي خبله تعرفين اش معناة انك تطلقين وماكمبتي سنه متزوجه هند بعصبيه / والله ما يهمني وانا ما نجبر واستسلم لشي الي ما ابيه وانت اكثر واحد عارفني جاسم رفضته بالنور وعاقبته تجون تبوني اقبله بالظلام سلامتكم اجل ماعرفتوني خالد بحزن / توقعتك تتقبلين جاسم وتحبينه والله يا هند انه يحبك ويعشقك مراح تلاقين احد يحيبك كثره خسرته يا هند بطلاقك هند / فكنا من سيرته كل واحد راح لطريقه خالد / بروح لغاده كان منعتيها تدخل المطبخ نسيتي انها حامل المفروض ما تتعب نفسها وتهتم بتغذيتها وغاده عدوة نفسها هند / هي مبسوطه ما بغيت انكد عليها خلها تسوي الي تبيه لا تضغط عليها عندها الشغالات يسعدنها طلع من عندها ودخل المطبخ لقى غاده تشرف على الطبخ خالد / حبيبت خالد وش تسوي غاده / كنت بسوي الغداء لقيتهم مسوياته قلت اشرف عليهم خالد / فديتك غدويه لا تعبين نفسك لا تنسين انك حامل والتعب مو زين لك غاده اشرت على عيونها / من عيوني طلعت معه وطلعو لغرفتهم خالد يبي يرتاح قبل الغداء لانه من الصباح صاحي بيت ام جاسم الجوهره دخلت داخل مهمومه ومتضايقه على حال اخوها دخلت غرفتها وسمحت لدموعها بالنزول دخلت عليها امها وخافت لما شافت الجوهره تبكي ام جاس قربت منها / يمه وش فيك تبكين الجوهره مسحت دموعه / مدري احس مخنوقه ام جاسم / لا تخافين يمه الضيقه تجي بعد النفاس وانا غلطانه تركتك لحالك الجوهره / ما صار شي يمكن الدموع تريحني والحين احسن بكثير مسكت الجوهره جوالها ورسلت رساله لنواف تسال عن فيصل ما تقدر تكلمه قدام امها ما تبيها تخاف ارسل لها نواف رساله يطمنها انه بخير والي فيه تعب وارهاق في المستشفى جاسم كل ما خلص شغله مر على اخو يتطمن عليه حس انه تعبان ومرهق قرر يرجع للبيت قبل المغرب وبيرجع له بعد صلاة العشاء طلع من غرفة اخوه ودخل عند نواف الي ما قابله من بعد الكلام الي صار جاسم / نواف انا طالع للبيت وبرجع بعد ساعه نواف / انا بتعشى عندكم بتطمن على الجوهره بعد ما خافت من الي صار لفيصل طلع جاسم ركب سيارته راجع لبيتهم وهو يحاول يضغط على نفسه ويكتم جروحه لان الكل يحتاجه واولهم فيصل الديره بعد المغرب هند بغرفتها تتجهز بتروح لام مطلق اطلعت من غرفتها وصلت لغرفة غاده طقت الباب سمحت لها بالدخول هند / للحين ما خلصتي يحبك للحوسه غاده / تحسبيني مثك البس الي قدامي والمكياج ملغي انا غاده لازم اصير على سنقة عشره هند بجديه / وليه اتعب عمري زواج وتزوجنا وطلاق وتطلقنا غاده / لا تفتحين ذا السيره الي باطه كبدي والله لو اني عمي عبد الرحمن كان جريتك بشوشتك ورجعتك لجاسم غصب عنك هند / الحمد لله منتي بخالي ترى انتي وزوجك غثيتوني بسالفته افهمو الي بينا كانت غلطه وتصلحت ليه معصبين غاده / خالد درى انك تطلقتي هند / ايه ورايه مثل رايك بجاسم وطلع هو المظلوم المسكين وانا الظالمه واني مراح القى مثله ما كان بدنيا رياجيل الا جاسم انا كارهتهم كلهم واولهم جاسم لا عاد احد يجيب لي سيرته غاده /على اني متاكده ان الكلام الي تقولينه من وراء قلبك وانك تموتين فيه وتحبينه لكن عنادك الي خلاك تقولين ذا الكلام ما تبين تضعفين وتعترفين انك تحبينه خوفك يكون راشد ثاني ترى انا غاده الي اقرب منك من روحك وكاشفتك ولا تنسيني اني مجربه الحب وانا اشوف حب جاسم من عيونك وانتي يبي لك علاج نفسي ينسيك راشد والي سواه راشد تعالي زوريني بعيادتي هند / .............. غاده / داريه مراح تنكرين كلامي يله اطلعي خليني اخلص نزلت هند لجداتها لقتهن لابسات عباياتهن ينتظرنهن الجده ام راشد / ليه تاخرتن ووينها غاده هند / باقي شوي وتخلص الجده مدت جوال على هند / يمك كلمي بنتي ام جاسم اخذت هند الجوال ودقت على جوال ام جاسم بيت ام جاسم دخل جاسم لقى امه والجوهره يتقهون باس راس امه وجلس مدت له امه فنجال قهوه الا يسمع صوت جوال امه رفعت ام جاسم الجوال الا تسمع صوت هند هند / الو خالتي معك هند ام جاسم / الله يحيك كنت بكلمكم ابشركم ان الجوهره ولدت هند / الف مبروك يتربى في ظل امه وابوه ام جاسم / عقبالك امي وخالتي شلونهن جاسم فز قلبه وكله شوق ولهفه لها لكن حاول يصير قوي هند / خالتي عطيني الجوهره ابارك لها مدت ام جاسم التلفون لبنته / يمه هند بتبارك لك جاسم نفسه يسحب الجوال ويسمع صوتها جاسم في نفسه / انحرمت منك وانحرمت من صوتك انكتب علي الوجع والحرمان متى اقدر اشيلك من بالي وانساك ولا افكر فيك وصرت اشوفك بوجيه الكل وشلون بقدر على النسيان خلصت الجوهره مكالمتها مع هند وجاسم مسرح يفكر في عذابه اخذت ام جاسم الجوال وكلمت امها وبعده خالتها باركو لها ام جاسم انشغلت بمكالمة امها اخذت الفرصه الجوهره وتكلمت مع جاسم الجوهره / جاسم جاسم فز لما سمعها تنادي / هلا الجوهره / بينك وبين هند شي جاسم / لا ليه تسالين الجوهره / مدري اشوفك من وانت مهموم جاسم / تتوهمين يوم جيتك كنت تعبان من مشوار السفر والحين تعبان بسبت فيصل سكتت الجوهر لما خلصت امها مكالمتها التفتت لجاسم ام جاسم / ليش ما قلت لي ان هند حامل فرحت الجوهره / مبروك جسوم اخيرا بصير عمه ما بغيت جاسم وهقته جدته / جدتي الله يهديها تسرعت هند مهي حامل من يومين معها بالمستشفى جرحها فتح وقبل لنخيطه سوينا لها تحاليل حمل علشان البنج وطلعت النتيجه مافي حمل ام جاسم بتواسي جاسم / لا تزعل نفسك اذا ما حملت ها لمره بتحمل المره الجاي كل تاخيره خيره جاسم في نفسه / اااااااااااااااه تحسبوني عايش معها زوج ما تدرون اني طلقتها لما صدقت اني زوج انا عندها مثل السرير ولا الكرسي مالي وجود بحياتها ام جاسم / اخوك فيصل وين ماشفته اليوم جاسم / مسافر الشرقيه مع ربعه ام جاسم / اليوم تعبان عليه سخونه شلون يسافر وهو مريض جاسم / تطمني مافيه الا العافيه شايفه قبل لا يسافر حصان ام جاسم / اذكر ربك على اخوك جاسم / ماشاء الله جاسم / انا طالع برجع للمستشفى طلع جاسم من عندهم وكل تفكيره بهند امنيته ان هند تكون حامل بولده حس بحساس حلو حبيبته وعشيقته وزوجته تكون ام لولده اكيد بيحبه كثير لان هند امه تنهد من قلب وهو يستبعد كل هالافكار من راسه لان فيه امنيات من المستحيلات وامنيته يعتبرها ابعد من كل المستحيلات لان الي بينه وبين هند انتهى ركب سيارته وصل للمستشفى دخل غرفة اخوه لقاه مثل ما تركه وجهه شاحب وعلامات الحزن على وجهه قرب الكرسي جنب السرير وجلس عليه خلص دوامه بيجلس عنده الليله اذا صحى بيطلعه معه |
رد: غرام وانتقام الديره طلعت هند وغاده مع جداتها لبيت ابو مطلق استقبلتهم ام مطلق ورحبت فيهن جلست غاده وهند مع البنات والجدات مع ام مطلق البنات غصبن هند وغاده يسهرن عندهم لساعه وحده وافقن على اذان العشاء ارجعن الجدات وبقى هند وغاده وغاده كلمت خالد وستسمحت منه انه يسمح لها تسهر عندهم وافق بعد اصرار من غاده جلسن يسولفن والجلسه انقلبت ضحك لان شخصية غاده المرحه سوت جو حلو للجلسه عكس شخصية هند الجاده استمرن يسولفن لين الساعه وحده رجعن للبيت هند دخلت غرفتها دخلت الحمام اخذت شور ولبست بجامه قطنيه ودخلت بسريرها وعلى طول نامت وغاده دخلت الغرفه لقت خالد نايم دخلت الحمام اخذت شور ولبست بجامه حرير ودخلت في السرير ونامت بحضن خالد في بريطانيا فهد وغاده جالسين في الصاله سمع صوت الجرس فهد / غاده هذا صلاح ادخلي غرفتك لين ادخله غرفتي بعدها اطلعي غاده منقهره من صلاح الي صاير لصقه لكن ما هتمت بوجوده لانها ناويه من اليوم ورايح تطنشه ولا كانه موجود واذا دخل مكان تطلع منه غاده من غير اهتمام / انا داخله غرفتي بنام من اليوم صاحيه وانت وصديقك بكيفكم فهد / تنامين من غير عشاء غاده / لقمت اكلت أي شي بصلي وبنام لا تزعجني دخلت غرفتها ودخلت سريرها ومن التعب نامت فتح فهد الباب وصلاح يتلفت يدور عليها لكن خاب امله فهد بالصاله وهو كل دقيقه يسترق النظر لعل وعسى يشوفها صلاح / مالك نيه تشربني شي فهد / المطبخ قدامك الي تبيه اشربه قام بسرعه ودخل المطبخ تمنى يشوفها وينرفزها فهد بالصاله شاف المطبخ خالي صلاح / في نفسه هذي وينه مهي مبينه ليكون طالعه برا البيت وين تطلع وفهد هنا وللحين ما تعرفت على احد هو جاي علشان يحرق اعصابها طلع لفهد الي استغرب انه طالع من غير شي يشربه فهد / اشوفك طالع من غير ماتجيب لك شي تشربه صلاح / ماعندك غير عصائر وانا ابي شي حار فهد / تعال خلنا نخلص ونروح لكفي نشرب لنا شي وعلى حسابي صلاح بخاطره يسال عنها لكن خايف من ردت فعله وخايف يفهمه غلط جلس عند فهد يساعده وتفكيره بغاده وعنده امل يشوفها قبل لا يطلع فهد / صلاح انت صديقي من زمان وعارف اني اعتبرك اكثر من اخو بقولك شغله مابيك تزعل ولا تشيل بخاطرك علي صلاح اول مره يشوف فهد جدي دايما جلساتهم سوالف وضحك صلاح بخوف / قول الي عندك مثل ما تعتبرني اخوك اعتبرك اخوي فهد / غاده تضايقة اليوم كثير اني عزمتك وسمعتني كلام قوي خلتني قدامها بنص ثيابي لان كلامها مليون بالميه صح صلاح من داخله يغلي قهر لو قدامه قطعها باسنانه / ما سويت شي يخليها تتضايق فهد / تقول انا اعتبر نفسي بالسعوديه مثل ماهناك ممنوع اجلس واكل معه فهنا نفس الشي واتهمتني اني ماغار على محارمي وان الغربه خربتني صلاح / اختك مكبره السالفه تبي تحبس نفسها بالبيت لا تطلع ولا تدخل ولا تقابل احد مدامها متحجبه حجاب ساتر وش الي بيمنع لا تنسى بالجامعه احتمال يجلس جنبها ولد بتطرده فهد بابتسامه / مو تطرده الا تفقع وجهه اتحدى احد يتجرى ويجلس جنبها صلاح / ههههههههه اجل الله يعينهم عليها صلاح في نفسه / تقولي عنها انا مجربها اختك هذي مفترسه لكن انا الي بروضها خلني اصبر شوي ان مخليتها تشرق بسمي ماكون صلاح فهد / يله بنطلع اجيب لها معي عشاء نامت من غير ما تتعشى صلاح / مو احسن نتعشى برا فهد / اجل انا وانت نتعشى برا وهي بجيب لها عشا معي متى ما قامت تاكله طلعو مرو على نفس المطعم تعشو جلسو فيه ساعه بعدها اخذ فهد عشاء لاخته و صلو للعماره كل واحد منهم دخل شقته دخل فهد المطبخ حط الاكل على الطاوله دخل غرفته اخذ شور ونام بيت جاسم دخل نواف البيت وستقبلته ام جاسم ورحبت فيه ام جاسم / الله يحيك خفت انك ما تجي نواف / وانا اقدر ماجي وانتي عازمتني ام جاسم / وينه جاسم ما جاء معك نواف / عنده مناوبه الليله بيرجع الصباح ام جاسم / ادخل داخل عن الجوهره لين اجهز لكم العشاء ام جاسم دخلت المطبخ ونوف دخل عند الجوهر شاف الجوهره ترضع بنتها قرب منها وباس خدها نواف / اخبارك اليوم واخبار البنت الجوهره / الحمد لله كلنا بخير شخباره فيصل نواف يسوي نفسه زعلان / نسيتي تسالين عن اخباري وسالتي عن فيصل الجوهره دمعت عيونها / للحين منظره وهو طايح مو قادر يمسح من بالي كله بسبب غاده شكل بيصير له شي بسبتها نواف / وش سوت بعد الجوهره صارت تشاهق وقرب منها نواف بخوف وسحبها لحضنه وصار يمسح على شعرها الجوهره / كله مني سالني عنها قلت تحب ومتعذبه بسبة ذا الحب فيصل لازم ينساها لان حبه لها سراب ما توقعت بيصير الي صار نواف / تطمني فيصل بخير وصحته زينه مجرد ارهاق وتعب وبيطلع بكره الجوهره وهي تبكي / اخواني بيضعون بسبب بنات عمي وينهم اخواني الاولين جاسم احسه تغير كثير ما شوفه الا مهموم ومتضايق على انه متزوج الي يحبها وفيصل وينه الي اول يمزح ويضحك ماتت روحه احسه معنا جسم بدون روح لما اشوف حالت فيصل اكره غاده الي مالي صديقه غيرها بيتنا صاير كئيب موجودين ولا كانهم موجودين يجلسون وكل واحد سارح بتفكيره انا اتعذب يا نواف وانا اشوفهم كذا نواف يحاول يواسيها / فتره وبيرجعون الاولين فيصل مصيره بينسى غاده وجاسم اشوفه مافيه خلاف بس انتي موسوسه اليومين هذي عندنا زحمة مراجعين وهو سفراته لديره مرهقته وسعي صدرك الزعل مو زين لحالتك اهتمي بصحتك علشاني وعلشان بنتك الجوهره / الله يعين دخلت الشغاله تنادي نواف يتعشى بغرفة الطعام لحقته الجوهره ما تبيه ياكل لحاله كانه غريب حاولت تغصب على نفسها تاكل علشان ياكل بعد ما خلصو دخل نواف والجوهره وام جاسم داخل بغرفته الجوهره ولحقتهم الشغاله بالشاهي بعد ساعه استاذن نواف وطلع رايح لبيته بينام لان وراه دوام بدري بريطانيا عند غاده قامت من النوم طالعت بساعه المعلقه على الجدار شافت 2 بالليل حست بالجوع قامت غسلت وجهها طلعت دخلت المطبخ شافت الاكياس الي جابهم فهد فتحتهم شافت سندويشات سخنتهم بالمكرويف فتحت الثلاجه صبت لها كاس عصير برتقال طلعت لصاله وشغلت التلفزيون وبدت تاكل لما شبعت رجعتهم المطبخ غسلت كاسها والباقي رمته بالزباله طلعت لصاله جلست قلبت بالقناوات ماعجبها شي قررت ترجع وتغصب نفسها على النوم لان وراها دوام لازم تقوم بدري دخلت بسريرها وبعد جهد جهيد قدرت تنام |
رد: غرام وانتقام الرياض فيالمستشفى جالس عى الكرسي جنب سرير اخوه وهو سرحان يفكر في عذابه اليكل ما قال بنساها لقى نفسه يذكرها واكثر من قبل نفسه تعانده وتجبره يفكر فيها تعبمن نواف الي يلومه وانه سمح لحرمه تلعب فيه صار يضرب على صدره وبصوت عالي / اطـــــــــــلعي مـــــــــــــــــــنه ريحيـــــــــــــني وطلعـــــيمنــــــــــه صحى فيصل على صراخ جاسم فتح عيونه ببطئ وسكرهم ورجع فتحهم فيصل بصوت ضعيف / جاسم انا وين صحى جاسم من الي هو فيه لما سمع صوتاخوه جاسم بحزن مكتوم ويتصنع الابتسامه / الحمد لله على السلامه خوفتناعليك فيصل / وش الي صار جاسم / تعبت من السهر وقلة الاكل فيصل بحزن موجع / كل الي صار لي وبيصير لي بسبت بنت عمك انا اتعذب بحبهاوهي تتعذب بحب غيري طالع جاسم بعيون دامعه قولي ياخوي شلون انساها جاسمفي نفسه / تسالني شلون تنساها ياليت حالتي اردى من حالتك فيصل بحزن / جاسمبطلع للبيت جاسم / انت تعبان اجلس لبكره فيصل بحزن / بتقول لهميطلعوني ولا طلعت ولا همني احد جاسم وقف كشف على اخوه وشال المغذي من يده الساعه 2 طلعو من المستشفى راجعين لبيتهم اول ماوصلو طلعو لغرفتهم فيصل دخل الحمام اخذ شور ودخل بسريره جاسم منسدح على سريره حاولينام لكن صورتها ما تفارقه لو ما طلقها كان سافر لديره برد قلبه بشوفتهاورجع لو يشوفها من بعيد ويرجع لايام الشوفات المسرقه ما يقوى على البعد قطع عليهتفكيره صوت فيصل فيصل بصوت حزين موجع / والله ياجاسم احبها واموت بترابرجولها قولي ياخوي لو تزوجت وش بيصير بحالي تصدق انها تتعذب وتحب واحد غيري جاسم بوجع / بنات عمك لو دارن العالم بكبره مستحيل يلقن احد مثلنايحبهن ويعشقهن بجنون لكن لازم نثبت لهن انهن اخسرنا لازم ننجح بحياتنا العمليه مدامفشلنا بالحياه الزوجيه لازم نكون لنا اسمنا انا اكون طبيب مشهور شهرتي توصل للعالموانت لازم شركاتك تغطي على شركات بنات عمك هند واختها يظنون ان زواجنا منهم طمعبفلوسهن شايفاتنا راشد ثاني اذا قدرنا نشيلهن من قلوبنا وعقولنا نتزوج لكنهالشي يبي له مشوار طويل لان جرح القلوب صعب تنتعالج فيصل بالم ووجع / طيبلتزوجن نحضر زواجهن تقدر يا جاسم تحضر زواج هند انتفض قلب جاسم وجع والمشلون بيحضر زواج حبيبته ويبارك لزوجها انه اخذ روحه منه صعبه الموت اهون عليه جاسم / وليه نحضر زواجهن الموت اهون علينا تطمن محدن بمعبرنا وعازمنا الااذا ناويات على جرحنا وهذا مو بعيده على بنات عمك يعشقن التجريح فينا لكن الضرببالميت حرام بنرجع مثل اول قبل لا نعرف ان عندنا بنات عم فيصل / محتاجاسافر يمكن لا رجعت ارجع فيصل ثاني جاسم / وين بتسافر ومن بيروح معك فيصل / أي مكان وانا ماني بصغير احتاج احد معي على ان بنت عمك خلتني بزر جاسم / متى بتسافر فيصل / بكره ولا تساليني متى ارجع اذا حسيتنفسيتي مرتاحه رجعت جاسم / حجزت مافيه وقت فيصل / الصباح بروح لمكتبالخطوط وبحجز واذا ما لقيت بحاول اصير كابتن الطياره من زمان عن الطيران والفضللبنت عمك جاسم / فيصل توعدني انك ما تلحقها لبريطانيا لاني اعرف بتصير مسيرمنت بمخير قلبك الي بيسيرك وبيوديك لها اوعدني يا خوي ما تسافر لبريطانيا فيصل بحزن / كاشفني ياخوي الديره من بعدها تنعاف كنت بسافر لبريطانيا ابياتنفس انفاسها الي انحرمت منها ابي احس اني قريب منها لا تلومني يا خوي ما قدراوعدك لاني مثل ماقلت مسير ماني بمخير جاسم بوجع / يا فيصل انت مرايتي اليفيك فيني اضعافه ابيك تصير اقوى مني يمكن استحي من نفسي وصير مثلك لا تضعف يا خويلا تضعف حبنا لهن فقدنا رجولتنا وكرامتنا طالع فيني ما ينكسر خاطرك على حالي مثلماينكسر خاطري عليك الحب غيرنا للاسوى من بكره نقرر ننساهن وربك يساعدنا فيصل / تتوقع بننساهن اذا نسيناهن طول النهار لما نحط راسنا على المخدهبنشوف طيفهن قدامنا واذا ماشفناهن بنشوفهن باحلامنا جاسم / انت محتاجلراحه خلنا ننام قبل الفجر فيصل / بحاول انام لكن النوم مجافيني كلن دخل بسريره وكلن بتفكيره لين سمعو اذان الفجر جاسم / فيصل نمت فيصل بحزن / الحال من بعضه اذا انت نمت انا نمت وتبينا ننسهن وهن سبب سهرنايله بقوم اتوضا واصلي قام من سريره توضاء وجلس ينتظر جاسم يخلص وضوهبيطلعون للمسجد نزلو سمعو صوت بنت الجوهره تصيح دخلو عليها فيصلوجاسم / السلام الجوهره / عليكم السلام شافت فيصل نزلت بنتهاعلى سريرها وركضت لفيصل وضمته بقوه الجوهره وهي تبكي / خوفتني عليك فيصل / شوفني قدامك بخير بلاها الدموع اخبار بنتك الجوهره / طيبه جاسم / جاكم نواف للعشاء الجوهره / ايه قرب فيصل من البنتوشالها وباسها على خدها الناعم جاسم / فيصل يله لا نتاخر على الصلاه نزلها فيصل وطلعو برا البيت بيصلون بالمسجد خلصو من صلاتهم رجعو البيتطلعو لغرفتهم وكلن دخل بسريره من التعب نامو |
رد: غرام وانتقام في الديره عند هند ما قدرت تنام من وجع العمليه حاولت طول الليل تتصبر على الوجع ماتبي تخوف خالد وغاده عليها المشكله طلعت من المستشفى من غير علاجات والمسكن الي عندها رمته خافت من الي صار يكون بسببه ما تدري شلون نست تطلب من الدكتور يكتب لها مسكنات قربت من التسريحه فتحت بلوزتها شافت الجرح مغطى بشاش وكله لزقات ارجعت لسريرها حاولت تتغصب على النوم لكن كل ماغطت صحاها الوجع ما تدري وش تسوي استمرت على حالها لين الساعه عشر خلاص ماعاد تقدر تتحمل طلعت وصلت لغرفة خالد طقت الباب طلع لها خالد خاف لما شاف شكلها واضح عليها التعب هند / خالد ممكن جوالك خالد / هند فيك شي شكلك تعبانه هند / لا ابي جوالك برسل رساله ضروري وبرجعه لك دخل وطلع معه الجوال مده عليها خالد / خذي الجوال وخليه عندك انا نازل العمال من الفجر موجودين براقبهم واذا رجعت اخذته منك اخذت الجوال ودخلت غرفتها فتشت بجوال خالد ادور رقم جاسم تبيه يكتب لها اسم علاج يريحها لقت رقمه اكتبت رساله جاسم انا هند الجرح يوجعني من البارح اتوجع ما قدرت انام طلعت من المستشفى على مسئوليتي بنفس الليله والدكتور ما كتب لي مسكن او مضاد ياليت ترسل لي اسم علاج يخفف وجعي عند جاسم صحى بعد ما نام ساعتين نزل لقى امه عند الجوهره باس راسها طالع للمستشفى وصل المستشفى دخل الكفتريا طلب له كبتشينو صار يحبه لان هند تحبه وكرسون جبن بعد ماخلص فطوره دخل مكتبه ماكان عنده مراجعين جلس ساعه بمكتبه فكر يشوف نواف من بعد الي صار بينهم امس ما شافه وصل لغرفة نواف طق الباب سمع صوته يسمح له بالدخول دخل وجلس على الكرسي المقابل لمكتب نواف دخل وهو يبتسم / قلت اشوفك من امس وانت تتهرب مدري زعلان ولا تتغلى نواف بحب / زعلان عليك ويليت ترجع صديقي الاولي جاسم / ولا يهمك انا وفيصل قررنا ننساهن لانهن مايستاهلن حبنا نواف بفرح / ايه كذا من اول الحين رضيت وقف جاسم بيطلع من الغرفه نواف / وين رايح جاسم / مابي اشغلك عن مرضاك نواف / نتقابل على الغداء عازمك برا تعرف عزابي انرحم جاسم / وليه تعزمني برا تعال تغد معنا طبخ الوالده ما يتفوت نواف / البارح متعشي عنكم اخاف تقولون ان الجوهره مثل مسمار جحى جاسم بعصبيه / وش ها لكلام الغداء مطبوخ من غير نكسبك على الغداء نواف / خلاص نتغداء سواء ببيتكم وبكره في بيتنا جاسم / صار طلع من عنده دخل غرفته لقى عنده مرضى سمع نغمة رسايل على جواله رفع جواله شاف المرسل خالد فتح الرساله وتفاجئ ان الرساله من هند قراء الرساله وزاد وجعه مع كل حرف وجع شوقه لها ووجع احساسه بوجعها جاسم في نفسه / مجنونه شلون تطلع من غير علاجات ياليتني اقدر اشيل عنك الوجع ياروح جاسم مسك جواله وكتب لها اسم مسكن ومضاد من غير ما يهتم فيها ويسالها عن احوالها ولا عن جرحها وهو دخله يتقطع نفسه يدق الرقم بدال الرساله ويسمع صوتها ويتطمن عليها ويجيب لها العلاج بنفسه لازم يقوي قلبه علشان يقدر ينساها عند هند وهي على سريرها تتقلب من الوجع سمعت صوت الرساله بسرعه فتحتها لقت اسم العلاج اخذت ورقة وقلم وكتب اسمه طلعت من غرفتها تنادي الشغاله ريتا لما جتها عطتها الورقه وطلبت من عمران يجيبه بسرعه مرت على الغرفه الي فيها غاده طقت الباب سمعت غاده تسمح لها تدخل دخلت وخافت غاده لما شافت شكل هند غاده بخوف / هند فيك شي شكلك تعبانه هند / ايه وجع الجرح ولا عندي علاج غاده / قولي لخالد يوديك المستشفى هند / ما يحتاج ارسلت رساله لجاسم اسئلة عن اسم علاج مهدئ وارسل لي اسمه وعطيته عمران راح يجيبهم غاده بتنزفزها / مرسله لجاسم ليكون الي فيك شوق له ترى مو عيب انك تعترفين هند بعصبية / الحق علي الي يقولك كل شي ويني وين خرابيطك رفعت غاده يدينها لسماء تدعي / يالله ياكريم اشوف هند تكتوي من الحب والعشق هند بحزن / تطمني القلب مات من زمان بدخل غرفتي بنام اذا نمت لاحد يصحيني من البارح ما نمت من الوجع طلعت من عند غاده ودخلت غرفتها انسدحت على السرير تنتظر متى يجي عمران بالعلاج وسرح تفكير بعيد في بريطانيا صحت غاده بدري صلت الفجر وخذت شور ودخلت المطبخ لقت فهد مشغول يجهز الفطور غاده بحب / فديتهم الي ما نسوني وشرو لي عشاء وصاحين بدري يفطروني فهد يبتسم / علشان تعرفين غلاك عندي وعتبريها رضاوه لك لاني زعلتك قربت منه ضمته بقوه / انا الي زعلتك سامحني فهود تعرف لساني طويل واذا زعلت الكلام ما ثمنه فهد بمزح / كح كح خنقتيني وخري عني يادبه بعدت غاده وضربته على صدره / الخبله الي بتراضيك مسكها فهد من خشمها يعرف الحركه تنرفزها غاده بعصبيه / فهود وجع فك خشمي ما تدري اني ماحب ذا الحركه فهد / ههههههههههه نقطة ضعفك خشمك بعدت عنه وجلست على طاوله قدامها الفطور غاده / بفطر ماتستاهل من يرد عليك قرب فهد وجلس بالكرسي المقابل لها فهد / غدويه اليوم جدولي مزحوم مطلع الا بعد العصر غاده / انا علي مادتين بطلع بدري فهد / مشكله جداولنا متضاربه لازم القى حل يريحنا لا تتاخرين ولا اضطر اقطع محاضراتي واوصلك غاده / ما عندي مشكله انتظرك بالكفتريا اهم شي دراستك ما بيك تهمل فيها علشاني فهد / يصير خير ربي بيفرجها افطري ولا تفكرين بشي افطرو وقامت غاده دخلت غرفتها لبست بنطلون ابيض واسع مع بلوزه طويله لفخدها لونها زيتي وحجاب على شعرها زيتي وصندل واطي زيتي ووجها خالي من المكياج وطالع شكلها خيال طلعت لقت فهد لابس ينتظرها في الشقه المقابله شقة صلاح صلاح خلص من بدري وجالس بالصاله قريب من الباب ينتظر فهد يطلع من شقته مخطط اذا سمع صوت فهد طالع يطلع في نفس الوقت وكانها صدفه طول وهو ينتظر لما سمع صوت فتحت الباب انتظر دقائق وطلع من شقته كان فهد وغاده نزلو عتبتين من الدرج لما شافته طالع من الشقه كشرت بوجهها وقالت بصوت وصل لصلاح / اووف لصقه تركت لهم المكان وسبقتهم تحت انقهر صلاح من كلمتها الي استفزته فيها صلاح في نفسه / هين ياغاده ان ماخليتك تدفعين ثمن كلمتك غالي وقف فهد ينتظره يوصل له تظاهر بالابتسمه صلاح بابتسامه / صباح الخير فهد / صباح النور بسرعه بنزل الحق على غدويه وصلو لتحت كانت غاده واقفه عند سيارة اخوها معرضتهم ظهرها وانقهر صلاح اكثر فهد باحراج / سامحني ياخوي ماقدر اعزم عليك اوصلك صلاح وهو يطبخ قهر في داخله تظاهر بعدم الاهتمام صلاح بابتسامه مصنعه / عادي ياخوي ما بينا احراجات تركه فهد وعيونه تلحقه شاف فهد ركب سيارته وفتحت الباب ودخلت بالسياره وحرك وهو واقف مكانه لما شاف السياره اختفت وقف تكسي طلب منه يوصله للجامعه في الرياض بيت راشد صحت موضي من نومها دخلت المطبخ بتسوي فطور قربت من الفرن بتشغله فجئة انتشرت النار بالمطبخ ركضت لغرفة النوم تصحي راشد موضي / راشد الحق علينا البيت يحترق فز راشد واقف من الخوف طلع من غرفته لقى النار واصله لباب الشقه مستحيل يقدر يطلع برا الشقه تاكد انه ميت ميت راشد فجئة طلعت بوجهه صورت هند وهي تدعي عليه بحرقه ربي يحرقك ياراشد راشد برعب / هذا دعاء هند واخوها باني احترق ربي استجاب دعوتهم موضي بعصبيه وهي تبكي / راشد فكر شلون بنطلع قبل لا نحترق راشد رجع له شريط ذكرياته من ظلمه لساره وبناته وعقوقه لامه مالقى شي صالح يشفع له عند ربه اذا صار بين ايدينه دمعت عيونه وهو يحس انه بداء يفقد الوعي وغمى عليه حاولت موضي بمحاولات فاشبه انها توصل للباب لكن رجلها انشبت بطرف الزوليه بدال ماتهرب طاحت بوسط النار في المستشفى كان جاسم جالس بمكتبه باقي ساعه على انتهاء دوامه سمع صوت ازعاج برا طلع شاف عالم متجمعه وصل لعندهم ويسمعهم يتكلمون عن حريق قرب منهم شاف نواف طالع من غرفة الطوارئ ووجه اسود طالع بجاسم وحط يده على كتف جاسم خاف من شكل نواف جاسم بخوف / وش فيه يانواف نواف / انت مؤمن بقضاء الله وقدره جاسم بخوف اكبر / اهلي صاير لهم شي نواف نزل عيونه بالارض ما يدري شلون يوصل الخبر لجاسم امسكه جاسم وصار يهزه بقوه وبخوف / قول يانواف وش الي صاير نواف بحزن / شقة عمك راشد احترقت وكانو فيها وهم بين الحياة والموت جاسم حس ببروده بمفاصله جلس على الارض وحط وجهه بين كفينه وصار يبكي من قلب مهما كان عمه قرب منه نواف ونزل لمستواه / جاسم لازم تصير قوي انت الي بتخبر اهلك وجداتك شلون بتقول لهم وتقويهم وانت منهار تعوذ من بليس وادعي لهم جلستك وصياحك مراح يفيدهم مسكه نواف بكتوفه وقومه معه واستسلم جاسم له جاسم بصوت مبحوح من البكاء / ابي اشوفهم نواف / انصحك ما تشوفهم منظرهم يفجع مراح تتحمله جاسم / لازم اشوفهم وانا دكتور قد مرت علي حالات قويه مشى ورى نواف ودله على غرفة عمه نواف / هذي غرفة عمك دخل جاسم ورجلينه ما تشله من الخوف قرب لبس البس المعقم ودخل شاف عمه متفحم قدامه والاكسجين على فمه قرب منه جاسم صار يبكي ودموعه شلال على خدوده قرب منه اكثر حس راشد فيه فتح عيونه ودموعه بدت تنزل طلع الكمامه من فمه راشد بكلمات متقطعه / ج ا س م س ا م ح ني ق و ل ل ا م ي ت س ا م حني وت د عي ا ن ر ب ي ي غ ف لي و ي سا م حني وغ ا ده ب ن تي ت س ا محني ( جاسم سامحني قول لامي تسامحني وتدعي ربي يغفرلي وغاده بنتي تسامحني جاسم وهو يبكي / عمي ارتاح الكلام مو زين للك راشد / ب ق ا ب ل ر ب ي و ي ك ث ر ه ا ذ ن وبي ه ذ ي د ع و ة ه ند ان ي ا ح ترق و ر ب ي ا س ت ج ا ب د عوتها ل ك ن ه ي م ا تت وزادت دموعه ( بقابل ربي ويكثرها ذنوبي هذي دعوة هند اني احترق وربي استجاب دعوتها لكن هند ماتت جاسم وهو متاثر / عمي هند عايشه عند جداتي راشد بصعوبه / ق و ل ل ه ا ت س ا م ح ن ي و ربي ا س ت ج ا ب دعتها و ح ت ر قت ( قولها تسامحني وربي استجاب دعوتها وحترقت ) لفظ راشد انفاسه الاخير ورجعت روحه لخالقها قرب من عمه وسكر عيونه وغطاه بالشرشف الابيض وانهار على الكرسي طلع من غرفة عمه وهو كسير وخطواته ثقيله لقى نواف باستقابله جاسم بصوت بكي / عمي مات يا ليت نعجل بدفنه تاثر نواف من شكله صديقه كمل جاسم / وين غرفة خالتي نواف بحزن / خالتك ماتت اول ماوصلت للمستشفى جاسم وهو يبكي رفع جواله واتصل على فيصل |
رد: غرام وانتقام في بيت ام جاسم كان فيصل يفطر بالصاله وامه عند الجوهره سمع صوت جواله رفع الجوال شاف رقم جاسم طالع بالسعه 11 الظهر طلع للمجلس رفع الجوال على اذنه فيصل / هلا جاسم انفجع من صوت جاسم وهو يبكي فيصل برعب / وش فيك تبكي وش صاير جاسم وهو يشاهق / تعال مستشفى نواف بسرعه وسكرت من غير لا ينتظر رد اخوه طلع فيصل بسرعه من البيت وهو يدعي بقلبه ان يكون خير مع انه مستبعد الخير من بكاء اخوه وصل للمستشفى وقف بموقف خطا دخل المستشفى سئل عن اخوه وقالو له عن قسم العنايه خاف وش يجيب اخوه بقسم العنايه بخطوات مسرعه وصل للقسم وانصدم من شكل جاسم ونواف قرب منهم وقلبه بدت دقاته تسرع من الخوف يطالع بجاسم الي واضح انه منهار فيصل برعب / وشفيكم تبكون وش صاير قرب منه نواف وضمه / عمك وخالتك الله يرحمهم ماتو محروقين انتفض جسم فيصل بحضن نواف وصار يبكي بعد لحظات رفع نفسه من حضن نواف فيصل / شلون بنوصل الخبر لجداتي وشلون بيتحملن نواف / لا تقولون لناس انهم محروقين قولو حادث سياره جاسم / جداتي لازم يجن الرياض ويحضرن عزاء عمي وخالتي نواف / نسيت هند وغاده لازم احد يقول لهن مهما كان ابوهن جاسم بالم / كانهن بيهتمن بوفاته بكلم خالد يقول لهند لانه عندها بالديره التفت على اخوه فيصل / انت روح الديره قول لجداتي وانا بقول لامي تاكد فيصل ان جاسم يتهرب من الديره بسبب وجود هند فيها فيصل بحزن / بعد ما نخلص اجراءت الوفاة بطلع لديره وبجيبهن معي نواف / اتركو الجوهره لي بقول لها جاسم وهو يبكي / انا طالع للبيت تعال معي نواف ما قدر اقابل امي بشكلي هذا اخاف عليها تنهار وهي راعية ضغط وسكر نواف / لما نحلص الاجراءات اروح معك في بريطانبا في الجامعه دخلت غاده وفهد الجامعه فهد / اذا خلصتي القاك بنفس المكان الي كنا فيه امس غاده / ا ن شا ء الله مسكت غاده بيده وصلها للكلاس وكمل طريقه بيلحق على محاضرته بعد ساعه طلعت غاده من محاضرتها ورجعت لمكانها فهد جلست وكانت مشغول نظرها بالكتاب سمعت صوت انثوي ناعم يكلمها رفعت عيونها شافت بنت جميله وناعمه كثير متحجبه ووجها خالي من المكياج وواضح انها منحرجه البنت / ممكن اجلس معك انا وحيده مالي صديقه بالجامعه ارتحت لك غاده بابتسامه / تفضلي انا جديده بالجامعه وخايفه من التعارف البنت بابتسامه خجوله / نفس حالتي صار موقف اول مادخلت الجامعه وبعدها صرت وحيده غاده / انا اسمي غاده الفهد من السعوديه من الرياض ثالث سنه طب اسنان البنت / انا ندى الفضل من السعوديه ومن الرياض لنا خمس سنوات هنا لان ابوي توظف سفير بابريطانيا وانا وحيدة اهلي وادرس ثالث سنه طب اسنان يعني معك غاده / تشرفت بمعرفتك واتمنى نصير صديقات لاني بصراحه ماعندي الا صديقة وحده وتركتها بالرياض واتمنى تصيرين بديله لها بابريطانيا ندى / ان شاء الله وش رايك نروح للكفتريا طلعت من البيت من غير فطور غاده بحرج / اسمحي لي ما قدر مواعده اخوي يلقاني هنا ندى / لك اخو بالجامعه هنا غاده / ايه يدرس علوم سياسيه سنه ثالث فهد من بعيد لمح غاده تتكلم مع بنت ولما قرب وكشف هويتها فرح وبدا قلبه يدق بقوه وصل لعندهم وقطع عليهم كلامهم فهد وعيونه على ندى / السلام رفعت ندى نظرها لفهد وارتبكت وحست بحراره بجسمها وشعور حلو بوجوده غاده / هذا اخوي فهد الي قلت لك عنه ندى تحاول تتصنع البرود / سبق وتعرفنا على بعض بظروف سيئة قامت ندى ما تبي نظراتها تفضحها قدام فهد غاده / وين ندى اجلسي معي ندى / مضطره اطلع للكفتريا تعالي معي وطالعت بفهد وكملت اذا سمح لك اخوك فهد كان مركز معها / خذيها معك على الاقل ادخل محاضرتي وانا مطمن عليها فهد في نفسه / يبعد هلي ما تدرين عندي يوم المنى تصيرين صديقه لغاده يمكن يتحقق الي ابيه قامت غاده وهي حاسه ان فيه شي بين فهد اخوها وندى وجيهم كاشفتهم قررت لرجعت البيت تساله غاده / فهد بتلاقيني بالكفتريا فهد / بكون مع صلاح اذا خلصت محاضرتي جيتك كملن طريقهن وتركن فهد لما شافهن بعدن جلس على الكرسي بمكان ندى وهو هيمان وعاشق طلع تنهيده من قلبه من زمان عنها وشوفتها هزته هز تذكر ذاك اليوم لما دخل الجامعه وشاف شباب يتحرشون فيها وهي تحاول تقاومهم وواحد مد يده على حجابها لما شاف الموقف قدامه صابه الجنون والغيره على بنت ديرته انطلق عليهم مثل الصاروخ وبسبب بنيته الرياضيه تمكن منهم اول ما شافت فهد انخشت ورا ظهره مستنجده فيه هددهم لو شافهم مره ثانيه بيقتلهم خافو منه ومن قوته انحاشو التفت عليها يطمنها / تطمني راحو مره ثانيه اجلسي بمكان فيه زحمه علشان محد يتجرء ويسوي شي ندى بوجه احمر من الحياء / مشكور على مساعدتك جيت بالوقت المناسب فهد / ما سويت الا الواجب ندى بابتسامه اخذت قلب فهد / ممكن تزورنا بالبيت انتفض فهد من كلامه وبعصبيه / انا انسان اخاف ربي ماني من الشباب الي تعرفينهم ماجي بنات بشقق او بيوت الظاهر فهمتي مساعدتي لك غلط تفاجئ من عصبيتها وصار تنفسها سريع من الغضب ندى بعصبية وبصراخ / اشـــــرف منــــك ومن اشكـــالك وكلــــن يـــرى النـــاس بعيـــن طبعــــه لــو دققــــت بكــــلامي زيــــن كــــان سمعــــت انـــي قلــــت بيتنـــا مو شقــــه كنـــت ابيـــك تجـــي البيـــت ابي ابـــــوي يشكـــرك ردا لجميــــلك لكــــن منــــت بكفـــو انا بنت نــاس واخـــاف ربـــي قبـــل لا اعرفــــك تركته من غير لا تسمع منه رد وهو حس بتانيب ضمير وصار يلعن تسرعه ومن ذاك اليوم وهو يراقبها من بعيد خايف عليها تتعرض لنفس الموقف ولاحظ انها بنت محترمه واعجبه كثير اهتمام ابوها فيها يجيبها بنفسه ويرجعها بنفسه ما اشغله منصبه عن بنته من ذاك اليوم يحمل بقلبه حب كبير لهاما صار بينهم احتكاك او مقابله من بعد ذاك اليوم انبسط كثير لما شافها مع اخته صحاه من تفكيره صوت صلاح صلاح / يالاخو لي ساعه اكلمك الي ما خذ عقلك يتهنى فيه فهد بحزن / يا ليتها تدري عن الي بقلبي صلاح جلس بجنبه / وش تخربط فهد بحب / شفتها وسمعت صوتها صلاح بحماس / شلون وكيف فهد / لقيتها جالسه مع غاده شكلها شايله علي من ذاك اليوم اول ما شافتني قامت وستاذنت يا ليتني اعتذرت لها لكن ماعندي شي اقوله لها صلاح / قوم خل الحب وخرابيطه انا جوعان اخر شي اكلته عشا البارح قام فهد رايحين للكفتريا وصلوها وشاف صلاح غاده وانسحر من شكلها كل يوم احلى من اليوم الي قبله على ان وجهها خالي من المكياج والحجاب مغطي اغلب وجهها مع هذا جمالها مبهر شاف طاوله قريبه منهم قرب منها وجلس مقابل غاده بيبي يمتع عيونه بشوفتها ويبي يطرب اذنه بصوتها غاده تسولف مع ندى مانتبهت لهم وهو قاط اذنه عندهم مع كل كلمه من غاده وضحكه يحس بحساس حلو يتغلغل بروحه يتمناها ما تسكت صلاح في نفسه / وش فيك يا صلاح لا تنهبل وتحبها هذي شكلها ما تبلعني كل شي فيها يخلي الواحد غصب يعجب وينبهر فيها عند غاده وندى ندى مدت لها المنيوم / اطلبي عازمتك غاده / مدامك عازمتني اختاري على ذوقك ندى اختارت لها ولغاده سندويشات مشكله مع عصير برتقال ندى / ياليت غاده تزوريني بالبيت تتعرفين على امي متاكده بتحبينها امي روحها شبابيه غاده / ان شاء الله لازم اخذ موافقة فهد ابي اغير جو ندى / انا بقوم اخذ لك اذن نطلع اليوم مع بعض ونمر البيت وترجعين اذا رجع فهد لانه ما يطلع الا العصر استغربت غاده معرفتها بجدول اخوها تاكدت ان الي شاكه فيه صح قامت ندى وهي مستحيه خايفه يفشلها فهد ويرفض قربت من طاولتهم وركزت على فهد الي تفاجئ من قدومها وقلبه صار يدق بسرعه كان جالس ينتظر صلاح يجيب الطلب ندى بصوت مرتبك وبحياء / فهد اذا ما تمانع انا عازمه غاده تروح معي البيت واذا طلعت العصر من الجامعه مر عليها وخذها فهد بارتباك مستغرب شلون عرفت انه يطلع العصر تاكد انها مهتمه فيه مثل ماهو مهتم فيها فهد وعيونه عليها ماوده تغيب عن عيونه وانبسط كثير من التطور بعلاقتها مع غاده مستحيل يرفض هذا الي يتمناه فهد بهيام / ابشري خليها تروح معك والعصر بمرها لاني احاتي مابي اخليها وادخل محاضرتي ندى بحياء اكثر وهي تبتسم ابتسامه ذبحت قلبه ندى باحراج / ودي اطلب طلب ثاني اخاف تفشلني فهد بحب وصوته ذايب / ماعاش من يفشلك انحرجت من رده وتكلمت بارتباك / انت جدولك متضارب لجدول غاد ه وهي معي بنفس الكلاس ونطلع مع بعض ابيها تطلع معي كل يوم نتغداء سوى وانت تستلمها من بيتنا فهد / ما نبي نضايقكم ندى بابتسامه / بالعكس ما تدري اش كثر فرحانه اني تعرفت عليها وكملت بحزن ماخفى عن فهد الي اوجعه قلبه كملت بحزن / تعرف انا وحيده اهلي ولا لي صديقات كان غاده طايحه لي من السماء تكفى لا تردني فهد اوجعه قلبه من ترجيها / خلاص لك حق فيها اكثر مني واعتبريها اختك ندى / مشكور جت بتمشي سمعت صوت فهد / ندى شلون عرفتي جدولي انحرجت ولا ردت وكملت طريقها لطاولتهم تاكد من الي في باله انها تحمل بقلبها مثل ما يحمله لها لازم يتقدم لها رسمي يخاف تطير عند غاده وصلت لها ندى وهي فرحانه جلست بكرسيها ندى وهي تبتسم / الحمدلله وافق وكل يوم بتروحين معي انا اوصلك غاده مستغربه / غريبه شلون قدرتي ندى وهي تلعب باصابعه واضح عليها التوتر ندى بتغير الموضوع / وش رايك نطلع لسوق اليوم مدام طالعين بدري غاده / ياليت ميته اغير جو لكن خليها ليوم ثاني اليوم بتعرف على امك ندى / خلاص بكره |
رد: غرام وانتقام في بيت ام جاسم كان فيصل يفطر بالصاله وامه عند الجوهره سمع صوت جواله رفع الجوال شاف رقم جاسم طالع بالسعه 11 الظهر طلع للمجلس رفع الجوال على اذنه فيصل / هلا جاسم انفجع من صوت جاسم وهو يبكي فيصل برعب / وش فيك تبكي وش صاير جاسم وهو يشاهق / تعال مستشفى نواف بسرعه وسكرت من غير لا ينتظر رد اخوه طلع فيصل بسرعه من البيت وهو يدعي بقلبه ان يكون خير مع انه مستبعد الخير من بكاء اخوه وصل للمستشفى وقف بموقف خطا دخل المستشفى سئل عن اخوه وقالو له عن قسم العنايه خاف وش يجيب اخوه بقسم العنايه بخطوات مسرعه وصل للقسم وانصدم من شكل جاسم ونواف قرب منهم وقلبه بدت دقاته تسرع من الخوف يطالع بجاسم الي واضح انه منهار فيصل برعب / وشفيكم تبكون وش صاير قرب منه نواف وضمه / عمك وخالتك الله يرحمهم ماتو محروقين انتفض جسم فيصل بحضن نواف وصار يبكي بعد لحظات رفع نفسه من حضن نواف فيصل / شلون بنوصل الخبر لجداتي وشلون بيتحملن نواف / لا تقولون لناس انهم محروقين قولو حادث سياره جاسم / جداتي لازم يجن الرياض ويحضرن عزاء عمي وخالتي نواف / نسيت هند وغاده لازم احد يقول لهن مهما كان ابوهن جاسم بالم / كانهن بيهتمن بوفاته بكلم خالد يقول لهند لانه عندها بالديره التفت على اخوه فيصل / انت روح الديره قول لجداتي وانا بقول لامي تاكد فيصل ان جاسم يتهرب من الديره بسبب وجود هند فيها فيصل بحزن / بعد ما نخلص اجراءت الوفاة بطلع لديره وبجيبهن معي نواف / اتركو الجوهره لي بقول لها جاسم وهو يبكي / انا طالع للبيت تعال معي نواف ما قدر اقابل امي بشكلي هذا اخاف عليها تنهار وهي راعية ضغط وسكر نواف / لما نحلص الاجراءات اروح معك في بريطانبا في الجامعه دخلت غاده وفهد الجامعه فهد / اذا خلصتي القاك بنفس المكان الي كنا فيه امس غاده / ا ن شا ء الله مسكت غاده بيده وصلها للكلاس وكمل طريقه بيلحق على محاضرته بعد ساعه طلعت غاده من محاضرتها ورجعت لمكانها فهد جلست وكانت مشغول نظرها بالكتاب سمعت صوت انثوي ناعم يكلمها رفعت عيونها شافت بنت جميله وناعمه كثير متحجبه ووجها خالي من المكياج وواضح انها منحرجه البنت / ممكن اجلس معك انا وحيده مالي صديقه بالجامعه ارتحت لك غاده بابتسامه / تفضلي انا جديده بالجامعه وخايفه من التعارف البنت بابتسامه خجوله / نفس حالتي صار موقف اول مادخلت الجامعه وبعدها صرت وحيده غاده / انا اسمي غاده الفهد من السعوديه من الرياض ثالث سنه طب اسنان البنت / انا ندى الفضل من السعوديه ومن الرياض لنا خمس سنوات هنا لان ابوي توظف سفير بابريطانيا وانا وحيدة اهلي وادرس ثالث سنه طب اسنان يعني معك غاده / تشرفت بمعرفتك واتمنى نصير صديقات لاني بصراحه ماعندي الا صديقة وحده وتركتها بالرياض واتمنى تصيرين بديله لها بابريطانيا ندى / ان شاء الله وش رايك نروح للكفتريا طلعت من البيت من غير فطور غاده بحرج / اسمحي لي ما قدر مواعده اخوي يلقاني هنا ندى / لك اخو بالجامعه هنا غاده / ايه يدرس علوم سياسيه سنه ثالث فهد من بعيد لمح غاده تتكلم مع بنت ولما قرب وكشف هويتها فرح وبدا قلبه يدق بقوه وصل لعندهم وقطع عليهم كلامهم فهد وعيونه على ندى / السلام رفعت ندى نظرها لفهد وارتبكت وحست بحراره بجسمها وشعور حلو بوجوده غاده / هذا اخوي فهد الي قلت لك عنه ندى تحاول تتصنع البرود / سبق وتعرفنا على بعض بظروف سيئة قامت ندى ما تبي نظراتها تفضحها قدام فهد غاده / وين ندى اجلسي معي ندى / مضطره اطلع للكفتريا تعالي معي وطالعت بفهد وكملت اذا سمح لك اخوك فهد كان مركز معها / خذيها معك على الاقل ادخل محاضرتي وانا مطمن عليها فهد في نفسه / يبعد هلي ما تدرين عندي يوم المنى تصيرين صديقه لغاده يمكن يتحقق الي ابيه قامت غاده وهي حاسه ان فيه شي بين فهد اخوها وندى وجيهم كاشفتهم قررت لرجعت البيت تساله غاده / فهد بتلاقيني بالكفتريا فهد / بكون مع صلاح اذا خلصت محاضرتي جيتك كملن طريقهن وتركن فهد لما شافهن بعدن جلس على الكرسي بمكان ندى وهو هيمان وعاشق طلع تنهيده من قلبه من زمان عنها وشوفتها هزته هز تذكر ذاك اليوم لما دخل الجامعه وشاف شباب يتحرشون فيها وهي تحاول تقاومهم وواحد مد يده على حجابها لما شاف الموقف قدامه صابه الجنون والغيره على بنت ديرته انطلق عليهم مثل الصاروخ وبسبب بنيته الرياضيه تمكن منهم اول ما شافت فهد انخشت ورا ظهره مستنجده فيه هددهم لو شافهم مره ثانيه بيقتلهم خافو منه ومن قوته انحاشو التفت عليها يطمنها / تطمني راحو مره ثانيه اجلسي بمكان فيه زحمه علشان محد يتجرء ويسوي شي ندى بوجه احمر من الحياء / مشكور على مساعدتك جيت بالوقت المناسب فهد / ما سويت الا الواجب ندى بابتسامه اخذت قلب فهد / ممكن تزورنا بالبيت انتفض فهد من كلامه وبعصبيه / انا انسان اخاف ربي ماني من الشباب الي تعرفينهم ماجي بنات بشقق او بيوت الظاهر فهمتي مساعدتي لك غلط تفاجئ من عصبيتها وصار تنفسها سريع من الغضب ندى بعصبية وبصراخ / اشـــــرف منــــك ومن اشكـــالك وكلــــن يـــرى النـــاس بعيـــن طبعــــه لــو دققــــت بكــــلامي زيــــن كــــان سمعــــت انـــي قلــــت بيتنـــا مو شقــــه كنـــت ابيـــك تجـــي البيـــت ابي ابـــــوي يشكـــرك ردا لجميــــلك لكــــن منــــت بكفـــو انا بنت نــاس واخـــاف ربـــي قبـــل لا اعرفــــك تركته من غير لا تسمع منه رد وهو حس بتانيب ضمير وصار يلعن تسرعه ومن ذاك اليوم وهو يراقبها من بعيد خايف عليها تتعرض لنفس الموقف ولاحظ انها بنت محترمه واعجبه كثير اهتمام ابوها فيها يجيبها بنفسه ويرجعها بنفسه ما اشغله منصبه عن بنته من ذاك اليوم يحمل بقلبه حب كبير لهاما صار بينهم احتكاك او مقابله من بعد ذاك اليوم انبسط كثير لما شافها مع اخته صحاه من تفكيره صوت صلاح صلاح / يالاخو لي ساعه اكلمك الي ما خذ عقلك يتهنى فيه فهد بحزن / يا ليتها تدري عن الي بقلبي صلاح جلس بجنبه / وش تخربط فهد بحب / شفتها وسمعت صوتها صلاح بحماس / شلون وكيف فهد / لقيتها جالسه مع غاده شكلها شايله علي من ذاك اليوم اول ما شافتني قامت وستاذنت يا ليتني اعتذرت لها لكن ماعندي شي اقوله لها صلاح / قوم خل الحب وخرابيطه انا جوعان اخر شي اكلته عشا البارح قام فهد رايحين للكفتريا وصلوها وشاف صلاح غاده وانسحر من شكلها كل يوم احلى من اليوم الي قبله على ان وجهها خالي من المكياج والحجاب مغطي اغلب وجهها مع هذا جمالها مبهر شاف طاوله قريبه منهم قرب منها وجلس مقابل غاده بيبي يمتع عيونه بشوفتها ويبي يطرب اذنه بصوتها غاده تسولف مع ندى مانتبهت لهم وهو قاط اذنه عندهم مع كل كلمه من غاده وضحكه يحس بحساس حلو يتغلغل بروحه يتمناها ما تسكت صلاح في نفسه / وش فيك يا صلاح لا تنهبل وتحبها هذي شكلها ما تبلعني كل شي فيها يخلي الواحد غصب يعجب وينبهر فيها عند غاده وندى ندى مدت لها المنيوم / اطلبي عازمتك غاده / مدامك عازمتني اختاري على ذوقك ندى اختارت لها ولغاده سندويشات مشكله مع عصير برتقال ندى / ياليت غاده تزوريني بالبيت تتعرفين على امي متاكده بتحبينها امي روحها شبابيه غاده / ان شاء الله لازم اخذ موافقة فهد ابي اغير جو ندى / انا بقوم اخذ لك اذن نطلع اليوم مع بعض ونمر البيت وترجعين اذا رجع فهد لانه ما يطلع الا العصر استغربت غاده معرفتها بجدول اخوها تاكدت ان الي شاكه فيه صح قامت ندى وهي مستحيه خايفه يفشلها فهد ويرفض قربت من طاولتهم وركزت على فهد الي تفاجئ من قدومها وقلبه صار يدق بسرعه كان جالس ينتظر صلاح يجيب الطلب ندى بصوت مرتبك وبحياء / فهد اذا ما تمانع انا عازمه غاده تروح معي البيت واذا طلعت العصر من الجامعه مر عليها وخذها فهد بارتباك مستغرب شلون عرفت انه يطلع العصر تاكد انها مهتمه فيه مثل ماهو مهتم فيها فهد وعيونه عليها ماوده تغيب عن عيونه وانبسط كثير من التطور بعلاقتها مع غاده مستحيل يرفض هذا الي يتمناه فهد بهيام / ابشري خليها تروح معك والعصر بمرها لاني احاتي مابي اخليها وادخل محاضرتي ندى بحياء اكثر وهي تبتسم ابتسامه ذبحت قلبه ندى باحراج / ودي اطلب طلب ثاني اخاف تفشلني فهد بحب وصوته ذايب / ماعاش من يفشلك انحرجت من رده وتكلمت بارتباك / انت جدولك متضارب لجدول غاد ه وهي معي بنفس الكلاس ونطلع مع بعض ابيها تطلع معي كل يوم نتغداء سوى وانت تستلمها من بيتنا فهد / ما نبي نضايقكم ندى بابتسامه / بالعكس ما تدري اش كثر فرحانه اني تعرفت عليها وكملت بحزن ماخفى عن فهد الي اوجعه قلبه كملت بحزن / تعرف انا وحيده اهلي ولا لي صديقات كان غاده طايحه لي من السماء تكفى لا تردني فهد اوجعه قلبه من ترجيها / خلاص لك حق فيها اكثر مني واعتبريها اختك ندى / مشكور جت بتمشي سمعت صوت فهد / ندى شلون عرفتي جدولي انحرجت ولا ردت وكملت طريقها لطاولتهم تاكد من الي في باله انها تحمل بقلبها مثل ما يحمله لها لازم يتقدم لها رسمي يخاف تطير عند غاده وصلت لها ندى وهي فرحانه جلست بكرسيها ندى وهي تبتسم / الحمدلله وافق وكل يوم بتروحين معي انا اوصلك غاده مستغربه / غريبه شلون قدرتي ندى وهي تلعب باصابعه واضح عليها التوتر ندى بتغير الموضوع / وش رايك نطلع لسوق اليوم مدام طالعين بدري غاده / ياليت ميته اغير جو لكن خليها ليوم ثاني اليوم بتعرف على امك ندى / خلاص بكره |
رد: غرام وانتقام عند فهد عيونه مافارقت طاولتهم سرح بتفكيره فيها وفي اهله بيوافقون يخطبونها له وهو ما تخرج خايف يرفضون او مايعجبهم اختياره يمكن معرفة غاده لها تكون بصفه صلاح جلس وهو يشوف صديقه سرحان ناده مارد عليه حط يده قدام عيونه صلاح / يالاخو من الي ماخذ عقلك اكيد الي بطاولة الي قدامنا فهد اصدر تنهيد / اااااااه ياخوي جتني كلمتني وشعلت بقلبي نار كنت اضن الي فيني اعجاب طلع حب صلاح باستغراب / خير وش تبي فيك فهد بهيام وذوبان / فديتها تبي تريحني من غاده تبي هي الي توصلها كل يوم واليوم بتاخذها لبيتهم تبيها تتعرف على امها صلاح / اللهم لك الحمد تكلم عدل وش فيك ذايب انتبه لا تذوب ولا اقدر اجمعك فهد/ الله يبلاك بمثل ما بلاني صلاح لما سمع هالكلمه عينه طارت لغاده الي جالسه قدامهم وهي مشغوله عنه صلاح / فال الله ولا فالك ياشيخ في الرياض بيت ام جاسم بعد ماخلصو من الاجراءت كلهم ركبو بسياره فيصل والي يسوق نواف وجاسم جنب نواف وفيصل ورا لانهم منهارين دخلو البيت وكانت ام جاسم طالعه من المطبخ شافتهم تروعت من اشكالهم ام جاسم بخوف / وش فيكم وش صاير كلهم نزلو عيونهم بالارض مايقدرون يتكلمون قربت منهم / قولو صبيتو عضامي وش صاير قرب منها نواف وسحبها وجلسها على كنبه بالصاله نواف / ياعمه انتي مؤمنه بالقضاء والقدر وتعرفين ان كل شي مقدر ومكتوب ام نواف بنفذ صبر / قول وش صاير نواف / راشد وموضي سو حادث الله يرحمهم ام جاسم بصبر / انا لله وانا اليه راجعون وصارت دموعها تنزل استغربو من ردت فعل ام جاسم ظنو انها بتنهار لكن ايمانها قوها وقت المصيبه ام جاسم وهي تمسح دموعها / امي وخالتي درو فيصل بصوت مبحوح من البكاء / انا بروح اقولهم ام جاسم / كلنا بنروح لديره ناخذ عزاهم هناك فيصل / والجوهره تعبانه ام جاسم / ان شاء الله معليها شر اذا ماراحت معنا ترجع بيتها ام نواف مراح تقصر معها وانت يا نواف ادخل عند الجوهره وقول لها نواف / ان شاء الله عمتي التفتت على جاسم / وانت قلت لزوجتك جاسم / لا انتم اذا رحتو قولو لها مع جداتي ام جاسم بزعل / وش هالكلام يا جاسم انت الي بتقول لها وتصبرها جاسم / كانها بتهتم زين مسوت عيد يمكنها كانت تنتظر هالخبر من زمان ام جاسم بصرخه / جـــاسم بنت عمك لو احترقت وذاقت الظلم من ابوها بنت اصول ما تفرح بموت ابوها الحين تروح لها و بنلحقك جاسم يلتفت على فيصل يبيه ينقذه من اصرار امه جاسم يحاول يتهرب / يمه عندي شغل ماخذت اجازه ام جاسم بشك / وش بينك وبين زوجتك من زمان مسافرت لديره مو من عوايدك قبل كل يومين وانت هناك قولي يا جاسم جاسم بوجع / طلقتها ام جاسم بعصبيه / انت صاحي اطلقها وهي ماكملت سنه حتى انت بتظلمها مثل ابوها ما فكرت بنظرت الناس جاسم بحزن/ يالغاليه طلقتها مكره هي الي طلبته وانا حلفت مارفض لها طلب وهذا طلبها يمه ما ترضينها لولدك يغصب وحده عليه ام جاسم هزت راسها / لاوالله ما رضاها لك الله يهديها ويرزقك بالي تعرف قدرك جاسم اعتصر قلبه من دعاء امه هو يبيها ولا يبي غيرها ما يتخيل وحده غيرها تكون زوجته وتكون ام عياله اذا ما كانت هند مستحيل تكون غيرها هي الوحيده الي اخذت عقله وملكت قلبه وروحه ام جاسم بحزن موجع / الله يصبرك يولدي وتنساها طالع فيها جاسم مستغرب كيف امه كاشفته معقوله صار كتاب مفتوح الكل يقراه ام جاسم / الي قالبك وغير حالك حبك وعشقك لبنت عمك ادري كل ليل تسهر وتعاني بسبتها وخوك نفس حالتك مع اختها لا تحسبوني ما حس فيكم موجعني حالكم الله يقرب البعيد ويفرحكم ويحنن قلوبهن عليكم جاسم من قلب / امين ام جاسم / كلنا بعد دفن عمك بنروح لديره واولنا انت لان عزاهم بالديره عند امهاتهم جاسم بيتهرب / ما قدر قاطعته ما نتظرته يكمل ام جاسم / عزاء عمك بتحضره مو لازم تشوفها عندك ملحق الرياجيل خلك هناك استقبل المعزين جاسم / ان شاء الله اقولك من الحين بجلس ثلاث ايام العزاء وبعدها برجع ام جاسم / يصير خير دخل نواف على الجوهره وقال لها عن وفاة عمها وخالتها ما تاثرت كثير لانهم مختفين من حياتها لكن غصب دموعها نزلت من خبر الوفاة المفاجئ خيرها نواف تجلس ولا تروح مع امها لديره اختارت تجلس خايفه على بنتها من تغير الجو اخذ جاسم جواله وارسل رسائل لكل الي يعرفهم يخبرهم عن وفاة عمه وخالته علشان الدفن والصلاه عليه بيت عبد الرحمن كان جالس مع نوره يسولف سمع صوت رساله في جواله اخذ الجوال من على الطاولة شاف رساله من جاسم استغرب وش عنده خاف على هند رفع الجوال وفتح الرساله وانصدم شافت نوره زوجها مصنم وهو يقرا الرساله نوره / عسى خير وش فيها الرساله عبدالرحمن منصدم / ابو هند وزوجته ماتو نوره بصدمه / لا اله الا الله متى وشلون عبدالرحمن / مدري الدفن والصلاه بكره نوره / ان لله وانا اليه راجعون وانت بتحضر الصلاه والدفن ولا حقدك عليه بيمنعك من الاجر عبدالرحمن / خلاص ما يجوز على الميت الا الرحمه والحين بين ايدين ربه نوره / وهند من بيقول لها عبدالرحمن / خالد عندها واكيد جاسم بيرسل له واكيد بيحضر الصلاه في الديره هند اخذت العلاج من عمران ودخلت غرفتها واكلت العلاج ونامت وخالد كان عند العمال من الصباح افطر عندهم وطلب لهم فطور حس بتعب قرر يطلع يريح فوق وبعدها ينزل طلع دخل غرفته مالقى غاده عرف انها تحت عند الجدات لانها تنبسط عندهن دخل الحمام ياخذ شور من تعب الشغل طلع لبس بجامته وانسدح على سريره سمع صوت رساله فتحها شاف خبر وفاة راشد وزوجته قام فتح الدولاب طلع ثوب وشماغ ونزل نادى الشغاله وطلب منها تنادي له غاده جت غاده وهي مستغربه وش يبي فيها خالد خالد / غاده انا رايح الرياض وبصرف العمال يمكن اجي بكره بالليل غاده بخوف / وش صاير صاير لاهلك ولا اهلي شي خالد / ابو هند مات مع زوجته وبكره الصلاه والدفن لازم اكون موجود غاده بصدمه / شلون ماتو وهند منت بقايل لها خالد / هند بكره بتدري مع جداتها ذا احد سال عني قولي عنده شغل ضروري بالرياض اياني وياك تقولين شي لهند غاده بحزن / حاضر طلع من عندهم ركب سيارته مسافر لرياض في الديره بيت ابو مطلق مطلق بغرفته يجهز شنطته عنده امه وخواته والبنات يساعدنه وهن حزينات وفرحانات حزن على سفره اول مره يبعد عنهن وفرحانات انه توظف وظيفه حلوه وراتبه حلو بعد ما كان فاقد الامل مطلق لاحظ الحزن مرسوم على وجه امه وخواته مطلق / يمه اذا تبيني اجلس فداك مليون وظيفه ولا اشوف الحزن بعيونك ام مطلق / الله يوفقك وش تجلس ما صدقنا بالوظيفه مطلق باس راسها / يمه كلها اسبوع وجيبكم عندي ام مطلق / ما قدر اترك الديره مطلق / مشغل بيجيب خالتي هناك يرضيك يالغاليه انا اكون بديره وانتم بديره ام مطلق / قلت لبوك مطلق / ايه قلت له وهو ما يقدر يترك نياقه وانا وعدته اوفر لها مكان هناك وهو وافق ام مطلق / واخواتك الي مبسوطات بالدراسه فزت فاطمه وتكلمت / مطلق وعدنا ندرس هناك محو اميه ناخذ السنه سنتين يمه كل شي مطلق لقى له حل ام مطلق / الله يكتب الي فيه خيره دخلت منيره عليهم / يمه ابوي تحت جالس عند قهوته وانتم متجمعين هنا وتاركينه نزلو كلهم لقى ابو مطلق جالس قدام القهوه ابو مطلق بحب / يابوك جهزت اغراضك لا تنسى شي مطلق باس راسه / كل شي جاهز يعز علي اسافر واتركم لكن انت على وعدك انكم تلحقوني ابو مطلق / اهم ماعندي نياقي دربي دربهم مطلق بحب / ما يطاوعني قلبي احرمك منها انا بدور لها مكان نظيف ابو مطلق بحب / ياجعلني مابكيك وافرح فيك واشوف عيالك بارين فيك مثل مانت بار فيني مطلق سحب يد ابوه وباسها / الي ابيه رضاك ودعواتك علشان اتوفق ابو مطلق رفع يدينه لسماء / يارب انك توفقه وتسهل طريقه وتجعل له بكل خطوه سلامه الكل / امين في بيت عبد الرحمن دخل محمد الصاله لقى امه وابوه جالسين ساكتين على غير عادتهم محمد / السلام امه وابوه / وعليكم السلام قرب وباس راس امه وابوه / وش فيك ساكتين عبدالرحمن / راشد وزوجته ماتو محمد كان واقف من قو الخبر جلس على الكنب محمد / ان لله وانا اليه رجعون بناته درن بالخبر عبدالرحمن / جاسم بيقول لهند وانت الليله تسافر لغاده تقول لها لاني بغيت اتصل على فهد يقول لها اخاف لنهارت ينهار معها تعرف تعلقهم بعض محمد / الحين بطلع اجهز شنطتي وبسافر اخاف يجيهم الخبر عن طريق صلاح اخو نواف لازم الحق قبل لا يوصل الخبر لغاده طلع فوق جهز شغلات خفيفه ياخذهم معه بعدها طلع للمطار انتشر خبر وفاة راشد وزوجته وبيكون الصلاه عليهم بعد صلاة العشاء ( اكرام الميت دفنه ) بيت عبدالرحمن دخل خالد الصاله لقى ابوه وامه جالسين قرب منهم باس راسهم نوره / ياهلا فيك وانا امك وينها غاده خالد / عند هند عبدالرحمن / انت وش الي جايبك خالد / الاجر ياب و خالد بتحضر الصلاة والدفن عبدالرحمن / اكيد الله يكتب لنا الاجر يله تراني جاهز يله نمشي انصلي العشاء ونلحق الصلاة عليه خالد / محمد وينه ماشوفه عبدالرحمن / سافر لغاده يقول لها خالد / زين سو طلع مع ابوه يصلون العشاء بالمسجد القريب من المسجد الي بيصلى على راشد فيه جاسم شايل عمه وهو متاثر كثير ومعه خالد ونواف وبسام وموضي شايلها فيصل نفس حال اخوه متاثر وشايلها معه ابو بسام وابو نواف وعبدالرحمن قليل الي حضرور جنازته وصلوهم لمثواهم الاخير ودخلوهم قبرهم وحثو عليهم التراب متجردين من اموالهم ما بقى لهم غير اعمالهم بعد ماخلصو مراسيم الدفن كلن رجع لبيته جاسم وفيصل وامهم بعد الدفن طلعو كلهم بسياره وحده الي يسوق جاسم و كان كاره روحته لديره لكنه استسلم لرغبة امه انهم يستقبلون عزاهم بالديره عند خالد طلع مع ابوه لبيتهم وصلو البيت لقو نوره مجهزه لهم العشاء نوره / بتنام هنا الليله ولا في بيتك خالد / بنام عندكم عبدالرحمن / متى ترجع الديره خالد / بعد بكره بالليل عندي كم شغله بالشركه اخلصهم وهند طلبت مني اكلم مرزوق علشان ولده وليد يتوظف بشركة الطايف ولازم يداوم هاليومين عبدالرحمن / زين سوت مرزوق يستاهل هو وعياله ماحتاجين ان ولدهم يتوظف يساعدهم من بعد عملية القلب وهند مارضت انه يشتغل ومشية راتبه وهو جالس بالبيت في بريطانيا طلعت غاده مع ندى من الجامعه الي وصلهم ابوها ندى / يبه هذي صديقتي غاده الفهد ابوها / يقرب لك عبد الرحمن الفهد غاده بحياء / ايه خالي ابو ندى / يا سبحان الله الدنيا صغير خالك صديقي وكنا جيران من بعد ما سافرت انقطعت عني اخباره يبوك عطيني رقمه غاده فتحت على رقم خالها ومدت الجوال لابو ندى غاده / هذا رقم خالي سجل عبدالله ابو ندى رقم جوال عبدالرحمن وصلهم لبيته و كمل مشواره راجع لشغله دخلن البيت استقبلتهم امها الي واضح انها صغيره بالعمر الي يشوفها يقول اخت ندى رحبت فيها بحرار ندى كلمتها من الجامعه وقالت بتجي معها غاده جلسن بالصاله وام ندى بالمطبخ مع الشغاله تجهز الغداء سوت لهم كبسه سعوديه ومقبلات وحلويات حطت الاكل على الطاوله وجلست معهن غاده / تسلمين خالتي كانك تدرين اني مشتهية الكبسه فاتت فهد ندى حمرت خدودها لما نذكر فهد وهي بقلبها تتمنى يكون معهم راحمته من اكل المطاعم ام ندى / جعله عافيه ولا يهمك الاكل كثير وبتاخذين معك اكل له غاده استحت / لا ما يحتاج يا خالتي ام ندى / انتي مثل بنتي وخوك مثل ولدي يا ليت تبطلين الحياء مني الاكل مطبوخ من غيرك ما تدرين اش كثر فرحتي ان ندى لقت لها صديقه وبتصيرين بنت ثانيه لي جلسن ياكلن وام ندى تغصب على غاده تاكل بعد ماخلصن جلسن بالصاله سوالف ام ندى تركتهن لحالهم وصارت تجهز اكل فهد حطته بصواني تحفظ الحراره الساعه اربع وصل فهد لبيت ندى كلم غاده وطلب منها تطلع له طلعت ومعها الشغاله محمله بالاغرض حطتهم بالسياره من ورا ركبت غاده قدام ومشو لشقتهم فهد التفت شاف الاغراض / ما شاء الله وش كل هالاغراض غاده / ام ندى غصبتني اخذ غداء لك وتقول تعتبرك ولدها ابشرك فهد / قولي غاده / عمي ابو ندى طلع صديق ابوك من زمان فهد فرحان كثير من التطورات والي بتساعده بزواجه من ندى فهد / وش غداكم غاده بابتسامه / مراح تصدق خلها مفاجئة تشوفها بالبيت اخاف توقف سيارتك وتاكل بالطريق وصلو للبيت وشال الاغراض وهو متشوق يعرف وش الاكل لانه مل من اكل المطاعم دخل الاغراض المطبخ وفتح الاكل وشافه كبسه اشتاق كثير للكبسه وكان الاكل كثير فهد / كانها داريه اني مشتاق للكبسه غاده / انا الي مالي الا يومين اشتقت لها كيف انت فهد / والله كريمه ام ندى مرسله كثير شكلي باخذ الاكل عند صلاح ونتغداء سوى غاده / حرام تلاقيه مثلك متلهف على الطبخ السعودي اطلع له انا بنام اذا جيت لا تصحيني اخذ فهد الاكل وطلع من شقته وطق على شقة صلاح الي طلع له معصب صلاح / خير ما توقع انك اشتقت لي ماتخلي الواحد يرتاح فهد / الشرهة علي الي جايب غداي وقلت تشاركني فيه صلاح / شنو غداك فهد بابتسامه / جهز السفره مخليه مفاجئة دخلو وبسط فهد السفره على الارض وحط الصواني جلس صلاح وفتح الصواني وتفاجئ بالكبسه صلاح يرمش بعيونه بعدم تصديق / انا بحلم ولا بعلم والي اشوفه صدق ان الي قدامي كبسه فهد / ههههههههه ايه ما طاوعني قلبي اكلهم لحالي قلت تشاركني صلاح / لو ماكلهم لحالك كان ذبحتك لا تقول ان اختك الي طابختهم فهد جالس على السفره / ههههههههه كثر منها غاده تطبخ كبسه صلاح وهو يتربع على السفره / اجل من الي مسوي اجر فينا فهد وهو بدا ياكل / فديتها خالتي ام ندى صلاح / ام حبيبت القلب لنا الله فهد / لا وازيدك من الشعر بيت طلع ابوها صديق ابوي صلاح / شكل البعيد بيقرب فهد بحب / ان شاء الله صلاح / غريبه وش ذكرهم فينا لنا ثلاث سنين نشفت بطونا من اكل المطاعم فهد / غاده كانت عندهم وهي الي جابته معها صلاح / على ذكر غاده اختك هي مرتبطه شي فهد رفع حواجبه / وش عندك يالاخو صلاح بارتباك / ودي اناسبك فهد متفاجئ / غاده ماره بتجربه ماضنتي بتوافق على الزواج الحين اذا متاكد من قرارك اجله بعد التخرج يمكن تغير فكرتها عن الزواج صلاح / ماني مستعجل لكن حبيت يكون عندك خبر هي تدرس وانا ادرس قلت اخطبها الحين والزواج بعد الدراسه فهد بجديه / لكل حادث حديث ولا تنصدم اذا رفضتك هذاني حطيت عندك خبر صلاح / اذا رفضتني مراح يتغير شي من علاقتنا انا خطبتها ابي نتقرب من بعض اكثر ويصير بينا نسب فهد / تغد برد الغدا مو وقت هالسوالف كملو غداهم وصلاح من دخله منقهر ان غاده بترفضه وميت يعرف التجربه الي مرت فيها لكن استحى يسال فهد يمكن السالفه خاصه ومحرجه لصديقه فكر يكلم نواف يستشيره بخطبته لغاده وكيد نواف بيقوله كل شي عن غاده في الديره جاسم واهله وصلوا لديره على الساعه 12 دخلو بيت جداتهم شافو الكل نايم وجلست ام جاسم وعيالها بالصاله عند هند صحت هند من نومها وانصدمت لما شافت الساعه وحده بالليل فاتتها الصلوات قامت بسرعه توضت وهي تستغفر ربها اول مره تجمع صلواتها كله بسبب العلاج اكيد فيه نسبه منومه بعد ما خلصت الصلاه لبست لبس بيتي بجامه فضفاضه البطلون احمر مقلم بالاسود والبلوزه احمر ساده ينزل لفخذها لبست شبشب فرو احمر وتركت شعرها مسدول مالها خلق تلمه طلعت من غرفتها طقت على غرفة غاده ما سمعت رد تاكدت انها وخالد نايمين نزلت تحت ولا انتبهت للي كان جالس بالصاله فيصل غض النظر وجاسم اشتعلت نيران العشق والوله والشوق والحرمان بقلبه شوفتها بعد الي صار فجرت مشاعره وبقوه طلعت برا بتتاكد من شغل العمال ام جاسم / انا رايحه عندها وانتم ياليت تدخلون المجلس غلطكم جالسين بالصاله والبيت فيه بنات مو محارم لكم قام جاسم مع فيصل ودخلو ملحق الرياجيل وجاسم تفكيره شارد عندها يفكر بردت فعلها لدرت عن ابوها ام جاسم اطلعت ولحقت هند لقتها عند اسطبل الخيل ام جاسم قربت منها وخافت انها تخاف طلعت صوت وهي تمشي التفتت شافت ام جاسم ركضت لها هند وضمتها ام جاسم بحب / كيفك يابنتي هند / الحمد الله انتي الي كيفك مفاجئة حلوه متى جيتي ام جاسم / الحمد لله انا بخير مسكتها ام جاسم وقربتها بفرشه مبسوطه بالحوش وجلستها وجلست معها وللحين يدها ماسكه بيد هند هند حست فيه شي مو طبيعي صاير واضح من شكل ام جاسم هند بقوه / خاله قولي وش الي جابكم لديره بهاليل اكيد شي قوي ام جاسم / ايه تعرفين يابنتي ان الموت حق علينا كلنا وكلنا بنموت اذا مو اليوم بكره هند بتوتر وخوف / الله يخليك قولي الي عندك تعرفيني قويه ام جاسم / اليوم ابوك وموضي سوو حادث وماتو وندفنو بعد صلاة العشاء هند ما تكلمت لاحظت ام جاسم برودة يدها طالعت فيها شافتها مصنمه وعيونها مبققه شكلها كان يخوف ام جاسم هزتها بقوه كانها صخره ما تتحرك صرخت بصوت عالي ام جاسم / جااااااااااااااااااسم الحق علي جاسم سمع صرخت امه من غير شعور ركض لين وصل عندها تفاجى وانصدم من شكل هند جاسم بخوف / قلتي لها عن ابوها ام جاسم وهي تبكي / ايه ومن بعده وهي كذا الحق عليها لا تموت بين ايدينا جاسم قرب يده لفمها تنفسها كان طبيعي حط يده على قلبها دقات قلبها منتظمه جاسم / يمه انا بطلعها فوق لغرفتها وبعطيها ابره مهدئة الي فيها صدمه من قو الخبر شالها جاسم وراسها على قلبه وصل لغرفتها شافها مسكره دخل غرفته شم ريحتها ماليه الغرفه سدحها على سريره وسكر عيونها ونزل تحت لسيارته بياخذ شنطته الي فيها عدته الطبيه قابلته امه / يولدي ما يجوز الي تسويه تراها ماهي حلالك جاسم بقهر / انا الحين دكتورها ولا تبيني اتركها تموت اخذ شنطته وطلع فوق فحص عليها كل شي طبيعي عطاها ابره مهدئة قرر يطلع ويطلب من امه تجي عندها لان وجودها قدامه فوق احتماله ما يبي يتعلق فيها اكثر وهو مقرر انه ينساها قبل لا يطلع القى نظره اخيره وداعيه جاسم في نفسه بالم ووجع / شوفتك فوق احتمالي اااااااااااه من قلبي الي يخوني كل ماشفتك ااااااااه ياليت الكره بايدي كان زرعته بقلبي بدال الحب والعشق الي ماله علاج الا بموتي يمكن موتي يريحني من مرض العشق الي باليني نزل تحت قابل امه الي كانت جالسه على نار بصاله ام جاسم / بشر عنها يولدي جاسم / بخير بكره بتصحى بكره ياليت تنامين عندها يمكن تحتاج شي ام جاسم بحب / وسع صدرك وان امك بنام عندها طلع من عند امه كسير دخل المجلس كان فيصل ينتظره فيصل / ليش امي تصارخ جاسم تنهد بعمق / هند تعبت لما درت عن ابوها فيصل باستغراب / غريبه توقعت تفرح لمات جاسم / كنت نفسك ضنيت انها ما تهتم بوفاته انصدمت بانهيارها من الخبر فيصل / وش في حالتك منقلبه جاسم / ااااااااااااااااااه من قلبي الضعيف ماحسيت انه قو الا بشوفتها قولي ياخوي شلون بنساها فيصل بحزن عميق / طاح تعيس الحظ على خايب الرجاء تبيني اقولك تنساها وانا ماقدرت انسى اختها يلقاني افكر فيها اكثر من اول تعلقت اكثر فيها لازم اشوفها بخيالي قبل نومي او باحلامي نسيانها دماري جاسم بوجع / الله يعين ويصبرنا مالنا غير الدعاء ان الله يحنن قلوبهن علينا لاني اكذب عليك لو اقولك اني ابي انساها هي اجمل شي مر بحياتي وبنفس الشي امر شي بحياتي |
رد: غرام وانتقام في بريطانيا بعد ما خلص الغداء والسوالف مع صلاح دخلو مطبخه ينظفون الصواني جلس يسولف معه لساعه ست قرر يرجع لشقته طلع من عند صلاح دخل الشقه واضح ان غاده للحين نايمه طق عليا الباب ما سمع صوت تاكد انها نايمه دخل غرفته وانسدح على سريره وصار يفكر بالي طلبه صلاح نفسه يكون صلاح زوج لغاده ومستحيل غاده بترضى فيه لان قلبها ملك غيره وهو بتفكيره نام عند غاده صحت على صوت جوالها شافت رقم ندى رفعته وبصوت ناعس غاده / الو ندى / شكلك نايمه ازعجتك غاده / كم الساعه الحين ندى / صح النوم الساعه 8 بالليل غاده / معقوله كل هذا نوم ندى / شكل ما صليتي صلواتك غاده / لا الحمدلله صليتهم اصلي وارجع انام موقته جوالي على وقت الصلاه باقي صلاة العشاء بقوم اصليهم ندى / اجل بسكر لخلصتي صلاتك كلميني غاده / طيب يله فمان الله ندى / فمان الله دخلت الحمام اخذت شور ولبست بجامه شتويه صلت العشاء اخذت جوالها وطلعت لصاله كانت فاضيه ومرتبه دخلت المطبخ تسوي شي تاكله فتحت الثلاجه لقت عصير برتقال صبت لها كاس تنتظر فهد يقوم تطلبه يجيب لها عشاء خفايف انتبهت لصواني نظيفه ومحطوطه على جنب غاده تبتسم / فديتك فهودي طلعت بكاسها لصاله شغلت التلفزون شافت فلم اجنبي شدها وجلست اتابعه سمعت صوت جوالها شافت اسم ندى ضحكت انها نستها غاده / ههههههههه تابعت فلم ونسيتك ندى / الحين م افارق جوالي يدي انتظرك وحضرتك تقولين ناسيتك هين ياغدويووه غاده / اسكتي طفشانه جالسه بروحي بالصاله فهد نايم وجوعانه انتظره يصحى يجيب عشاء لي ندى بفرح / طيب اش رايك امرك ونمر مطعم نتعشى ونرجع غاده / فهد بيرفض لاني اليوم عندكم وش رايك تجيبين عشاك عندي وبصرف فهد عند صلاح شقته مقابل شقتنا ندى / والله فكره نسهر مدام ما عندنا محاضرات بكره غاده / يله انتظرك لا تتاخرين ندى / بتاخر شوي بجيب لك عشاء على ذوقي غاده / مع السلامه بصحي فهد يروح عند صديقه سكرت من ندى وطقت غرفة فهد لما ماسمعت رد دخلت لقته نايم قربت منه وصارت تهزه / فهودي قوم بيجيني ضيوف قوم فهد / اممممممم غاده / يوه قوم ندى بتجيني فز فهد لما جابت سيرة ندى تفاجئت غاده من ردت فعله فهد / من قلتي بيجيك غاده وعيونها مانزلت من فهد / ندى فهد مستغرب / متاكده غاده تبتسم / تحبها فهد تفاجئ / اه لا غاده / هههه فهودي كبر وصار رجال وصار يحب فهد ضربها على راسها / تكلمين بزر انا رجال من يوم طلعت من بطن امي غاده بحب / يبختها ندى فيك فهد بخوف / اخاف ترفضني واتحطم غاده / البنت تحبك اكثر من حبك لها سحبها وجلسها جنبه على السرير / قولي شلون عرفتي غاده / بعدين البنت بتجي الحين وانا قلت لها بصرفك عند صلاح فهد / مايصلح اجلس معكم غاده بعصبيه / اقول قوم تقلع لصديقك مابقى الا ذي فهد بحماس / طيب قولي لي شلون عرفتي انها تحبني غاده وهي تحرك حواجبها / فراسه وبحزن كملت / اسئل مجرب ولا تسئل طبيب فهد حس بنبرة الحزن بصوتها / لو تقدم لك واحد بتوافقين عليه غاده بحزن / اكيد برفض الزواج لاني اذا تزوجت بظلمه وبخونه لان قلبي بيكون ملك غيره لاني مستحيل اتزوج وقلبي للحين ملك فيصل ما يندى يمكن الايام تشيله من قلبي على ان حبه بقلبي صاير مثل الوسم مستحيل ينشال فهد / الظاهر مكتوب علين نحب اخاف ينكتب لحبي الفشل وعيش معانتك غاده / لا ان شاء الله اذا جت ندى الليلة بفاتحها بالموضوع اذا شفتها موفقه كلمت خالو واقنعته تصير ملكتكم وانتم تدرسون قرب منها وضمها بقوه / وربي لو صار الي تقولينه مطلع من جزاك والي تبيه اسويه ولو على قص رقبتي غاده بحب / الي ابيه اشوفك مبسوط وعايش مع الي تحبها يله بسرعه اطلع قبل لا تجي وباذن الله ابرد قلبك بردها فهد / يارب بقعد على اعصابي لين تروح وبنتظر ردها على احر من الجمر غاده / عني ضامنه الموافقه حط ارجولك بمويه بارده قام من سريره / يارب يكون كلامك صحيح دخل الحمام ولبس وطلع لشقة صلاح وهو قلقان ومتوتر بعد ربع ساعه من طلعت فهد وصلت ندى ومعها الاكل بيتزا جلسن ياكلن ويسولفن بعدها طلعن لصاله وكملن سوالف وضحك غاده / ندى وش رايك بفهد اخوي ندى وجهها حمر من الحياء / مافهمت ليه هالسؤال غاده / ندى انا كاشفتك تحبين فهد وهو يحبك ندى بتهرب / غلطانه من قال اني احب بدري على هالسوالف غاده / انا مجربه الحب ومكتويه بنار ومعذبني الشوق والحرمان ندى مستغربه / انتي تحبين غاده / سالفتي طويله وكل الي فيني بسبتي لا تعيدين الي سويته والحين اندب حظي وندمانه قد شعر راسي فهد شاريك ويبيك زوجه له وقبل كل هذا يعشقك لا تصيرين غبيه مثلي ندى بحياء / انا احبه ويمكن اكثر من الحب لما اشوفه مدري وش يصير فيني خفت يكون حب من طرف واحد غاده بجديه / اذا موافقه على فهد بيتقدم رسمي معه خالو يخطبونك من ابوك والملكه وانتم تدرسون والزواج بعدين قولي رايك لان فهد على نار ينتظر ردك ندى بصدق / موافقه لاني ماتخيل اني اصير زوجه لغير فهد قربت منها غاده وضمتها بحب / الله يوفقكم ان شاء الله برسل رساله لفهد اطمنه تلقينه احترق ندى نزلت راسها مستحيه في شقة صلاح فهد من يوم دخل شقة صلاح وهو على اعصابه صلاح يسولف معه ولا يدري وش يقول انتبه صلاح لشروده صلاح / وش فيك متوتر الي يشوفك يقول بتخطب فهد / وهذا الي صاير صلاح / قول الي عند لا تتكلم بالقطاره فهد / ندى عند غاده بشقتنا وغاده بتخطبها لي صلاح / ههههه الي اخبره البنت تنخطب ببيت اهلها مو ببيت الي بيخطبها فهد / هذا الي صار اخاف استعجلت وانصدم برفضها قطع عليه كلامه صوت رساله من جواله شاف رساله من غاده فتحها كاتبه مبروك يامعرس وطلعت تحبك ولا بعد تموت فيك و لا تتخيل حياتها من غيرك صدق ماعندها ذوق اول ماقرا الرسالها رجع وقراها اكثر من مره مو مصدق لما تاكد فهد ضم صلاح وبصراخ /صلااااااااااااح وافقت تحبني يا صلاح ماني بمصدق كنت فاقد الامل صلاح / خنقتني بعد عني يادب مبروك لها اشرف وتصلي شكر انك تقدمت لها من الي بتحصل واحد يخطبها مثلك فهد / كاني اشم ريحة طنازه بكلامك صلاح / وانا اقدر فهد / يكثر فرحتي يارب يتمم كل شي ويتمم فرحتي انا مرتاح لان غاده متكفله بالموضوع سمع صوت جواله شاف رقم محمد اخوه فهد / هلا وغلى بو حميد محمد / بعد ساعه عندكم ياليت تستقبلني بالمطار فهد مستغرب جيت محمد وماله كم يوم راجع فهد بخوف / صاير شي محمد / ايه ابو هند مات مع زوجته والبارح دافنينه فهد منصدم / ابو غاده مات هند درت محمد / خالد وجاسم عندها بيقولون لها اياني وياك تقول لغاده شي لين اجي تعرف اختك حساسة فهد / ان لله وانا اليه راجعون صلاح كان مستمع للمكالمه وتفكيرة بغاده وردت فعلها لدرت عن ابوها يجهل علاقتها بابوها سكر فهد من محمد وانقلبت فرحته حزن وخوف على اخته صلاح / هونها وتهون الله يصبرها ويكون بعونها فهد / اسمح لي بروح المطار اجيب محمد صلاح / بروح معك ماقدر اخليك تروح بروحك طلعو من شقتهم ركبو سيارتهم بطريقهم للمطار بعد ساعه وصل محمد وستقبله فهد ووصلو للعماره ودخلو شقة صلاح اتصل فهد على غاده يسالها اذا عندها احد قالت لهم ان ندى من زمان رايحه طلعو من شقة صلاح ودخلو شقتهم عند غاده بعد ما طلعت من عندها ندى انسدحت على الكنبه تنتظر فهد وهي فرحانه بموافقة ندى سمعت صوت الباب يفتح التفتت للباب شافت محمد مع فهد فزت وركضت له وضمته غاده بعدت نفسها عن حضنه/ وش هالمفاجئة الحلوه حمود عوره قلبه وهو يشوف الفرحه بوجهها / بشريني عنك غاده / مبسوطه بشوفتك محمد مسكها بيدها وجلسها على الكنب وفهد جلس من الجهه الثانيه محمد / انتي كبيره وتعرفين ان الموت علينا حق وكلنا ميتين غاده بخوف والدموع متحجره بعيونها / ماماتي صار لها شي محمد يمسح على ظهرها / امك بخير ابوك راشد مات وامس اندفن غاده بدت دموعها تنزل شلال / من قال لكم بهتم ولا ببكي من متى حسيت ان عندي ابو مراح ابكي عليه وهو متبري مني وزادت نفضة يدها الي ماسكها محمد واضح عليها التاثر والمكابره باظهار وجعها فهد اوجعه قلبه عليها متاكد انها تتوجع بداخلها سحبها لحضنه فهد / ابكي لا تكتمين بنفسك غاده بصراخ هستيري / مراح ابكي تفهمون مراح ابكي وصارت تضحك بهستريا هههههههههه شوفوني اضحك ماني مهتمه ما فاقت الا بكف قوي من محمد يبي يصحيها من الحاله الي فيها غاده طالعته بوجع والم وصارت تبكي وتشاهق وطالعت بمحمد نظرات احرقته كلها عتب ولوم محمد انقهر من نفسه ولي سواه من غير شعور كان يبي يصحيها طالعها لقى خدها احمر من الضربه اوجعه قلبه اكثر عليها من غير ولا كلمه قامت وهي منكسره دخلت غرفتها وسمعو تقفيل الباب بالمفتاح فهد بوجع وبلوم / ليه يا محمد كسرتها ليه تمد يدك عليها ما يكفيها الي فيها لا تصدق الكلام الي قالته انه من قلبها هي موجعها من موت راشد تعرفها تكابر محمد متضايق عليها وحاس بتانيب ضمير على الي سواه فيها وصار يسحب شعر من الوجع على حالها محمد بوجع / غصب عني ابيها تفيق ما شفت حالتها كانها مجنونه تضحك وتبكي بنفس الوقت فهد بخوف / اخاف تسوي شي بنفسها وهي مقفله الغرفة عليها محمد / غاده عاقله وقبل كل هذا تخاف ربي يمكن تبي تختلي بنفسها عند صلاح صوتهم كان عالي واصل لشقة صلاح انصدم من كل الي سمعه واوجعه قلبه وهو يسمع الكف ومن بعده اختفى صوتها وسمع فهد وهو يقول انه خايف تسوي في نفسها شي وهي مقفلة الباب عليها بالمفتاح مافيه صبر قرر يطلع لشقتهم ويطمن عليها طلع من شقته وطق عليهم وفتح فهد الي واضح عليه الهم والحزن صلاح / ياخوي وش فيكم صوت صراخكم واصل لشقتي طمني وش صار فهد / تفضل ادخل داخل دخل شاف محمد حالته اسوء من حالة اخوه صلاح بخوف / صاير لختكم شي لما درت عن ابوها فهد / الله يصبرها مهما كان هذا ابوها |
رد: غرام وانتقام عند غاده لما دخلت غرفتها قربت من التسريحه شافتخدها متورم وصارت تبكي اول مره احد من اخوانها يمد يده عليها صارت تبكي بوجع دخلتالحمام بتخفف من الوجع الي حاسه فيه اخذت شور وطلعت بجامه كحلي ساده وخذت حجاب كحليولبسته وانسدحت على سريرها وهي تبكي بوجع ياما احلمت وتمنت يكون عندها ابو صحيحعبد الرحمن عاملها مثل بنته لكن كانت تقول له خالي كانت تحسد البنات على ابوانهم لما درت ان ابوها موجود كل يوم تقول اكيد بكره اشوفه متشوقه تشوف شكله ما فقدتالامل وهي عارفه انه متبري منهم قررت تطلع في بالها كلام بتقوله لاخوانها افتحت غرفتها وطلعت بشكلها الحزين الكئيب طالعت لصاله الي كان محمدوفهد جالسين يفكرون فيها صلاح طلع وتركهم قربت منهم وعيونها كلها دموع وبصوت كله حزن والم وجع / محمد تبيني ابكي على واحد حتى شكله ما عرفه كنتاعشم نفسي كل يوم اقول بكره بشوفه اكيد مشتاق يشوفني مثل شوقي لشوفته راح قبل لااشوفه كنت اطالع بوجهي بالمرايه واقول يمكن يشبهني لان ماماتي تشبها امي ساره وصارتتشاهق صرت يتيمه يا محمد كلهم غصب عنهم بكو على حالها ما كانو يظنون ولاواحد بالالف انها تفكر فيه قام محد لها وحظنها وبحزن ودموع / ياروح اخوكليش ماقلتي هالكلام كله ليش ما طلعتي الي بقلبك وصار يمسح على خدها / سامحيني جعل يدي انكسرت قبل لا امدها عليك غاده وهي بحضن محمد يسمعونشهقاتها رفعت وجهها من حضنه وكله احمرمن كثر الصياح / مسامحتك وسحبت يده وباستهاتنكسر ايدي قبل ايديك ياروح غاده فهد جالس يبكي بصمت متاثر من حال غاده اليدايما فرفوشه محمد بحنان / اذا لي خاطر عندك الي بقلبك طلعيه لا تكتمينبعمرك مو عيب انك تبكين ولا تشكين العيب الصدق انك تكتمين وتخشين الي يضايقك عناخوانك غاده بحب / فديتهم اخواني الله لا يحرمني منهم فهد بصوتمبحوح من البكاء / شكلي صرت بوجود محمد ولد البطه السوداء تركت محمد وقربتمن فهد ومسحت دموعه بتغير من جو الحزن / هههه كل هذا دموع صاير ابو دميعه نافستنا قربها منه وحضنها / عظم الله اجرك يالغاليه ادعي له بدال ما تبكين عليه هذاالي يحتاجه منك غاده بحزن / الله يرحمه ويغفر له ويسامحه محمد / هذا الكلام الصح اليوم لاداومين بالجامعه غاده / ماعندي محاضرات اليوم بسحبعليهم فهد / بروح انام وانت يا محمد روح نام تعبان من السفر وانتي لازمتنامين وترتاحين غاده دخلت غرفتها ومحمد دخل بغرفة فهد ومن التعب وشدالاعصاب نامو البارت السادس والاربعون في الديره عند جاسم طول ليله يتقلب بفراشه النوم مجافيه كل ماسكر عيونه شافها لتفت لقى فيصل نايم او يتظاهر بالنوم لان حاله اردى من حاله سمع صوت اذان الفجر دخل الحمام توضاء وصحى فيصل وجلس ينتظره وطلعو سوا للمسجد بعد ماخلصو الصلاه رجعو للبيت فيصل دخل فراشه وجاسم يحاول يشغل نفسه عن التفكير الي بيذبحه وبيدمره عند ام جاسم كانت عند هند فارشه لها فراش بالارض حاولت تنام ماقدرت لما شافت هند مرتاحه بنومتها قررت تنزل تنام عند امها عند هند صحت من النوم حاسه بكسل تسندت على السرير وتذكرت كل الي صار دخلت الحمام توضت وصلت الفجر طلعت من غرفتها طقت على الغرفة الي فيها غاده فتحت الباب وعيونها كلها نوم / هلا هند شخبارك من امس ماشفتك هند بحزن / غاده عفيه عطيني ثوب وشماغ خلود وياليت تجيبين السروال الطويل غاده بققت عيونها وصحصحت / وش تبين فيها هند بضيق وعدم صبر / قلت هاتيهم بعدين تسالين دخلت غاده ثواني وجابت طلب هند اخذته ورجعت غرقتها شافت فراش مفروش بالارض شكل كان فيه احد نايم معها بالغرفه دخلت الحمام لبست ثوب خالد وشعرها دخلته تحت الثوب لبست الشماغ وتلطمت فيه ولبست حذيان رياضيه وطلعت من غرفتها ونزلت تحت كانت الصاله فاضيه كملت طريقها للحوش وصلت لين اسطبل الخيول عند جاسم سمع صوت غريب عند اسطبل الخيول فتح الشباك شاف رجال عند الاسطبل شك انه حرامي بيسرق الخيل عند هند فتحت بوابة البيت ورجعت لاسطبل وطلعت لها فرس وركبتها وطلعت عند جاسم حمد ربه انه لقى شي يشغله عن هند قرر يلحقه بسيارته بيعرف من لان عيال الديره قليل ومعروفين لما شافه طلع ركب سيار وصار يمشي وراه بهدوء مايبيه يكشفه عند هند تركض بالفرس تجهل وين ناويه تروح حاسه بضيق وخنقه لو جلست بالبيت يمكن يصير لها شي بعد ساعه من الركض قررت ترتاح وتريح الفرس وصلت عند صخره كبيره ربطت لجام الفرس وهي جلست بعيد عن الصخره خايفه من الدواب ورفعت اللثام تحس نفسها مخنوقه عند جاسم استغرب من شطارته وبارعته بركوب الخيل واستغرب ان الفرس ماستغربته لما شافه رابط الفرس وجلس قرر يوقف سيارت ويتخبى وراء الصخره يراقبه من قريب عند هند لما جلست حطت راسها على ركبتها وصارت تبكي وتشاهق بصوت عالي موجع جاسم شاف اكتافها تهتز واضح انه يبكي سمع نبره البكاء شك انها هند قرر يقرب اكثر هند وهي مستمره بالنحيب والبكاء الي يقطع القلب هند تصرخ بصوت عالي / اااااااااااااااااااااااااااااه تاكد جاسم انها حبيبته اوجعه قلبه عليها خاف عليها من الحاله الي فيها قرب اكثر وسمع وناتها وشهقاتها استمرت وهي بحالتها ساعه بدت الشمس تحتر خاف عليها اكثر وهي مستمره بالصياح والنحيب قرب منها وحط يدينه على كتافها لما حست باليد على كتفها على طول التفتت والتقت العيون صدت عنه وطالعت قدامها جاسم شوفتها ذبحته وضعفها ودموعها اوجعته تكلم بحب وعشق من غير لايحس / قومي يا روح جاسم اوجعتي قلبي هند وهي تكتم الصياح وبصوت مبحوح من البكي / جاسم ارجع وتركني ما طلعت من الديره علشان تجي وتكشف ضعفي جاسم بحب / ياليت اقدر اترك قلبي الي خلاني الحقك هند بقوه / افهم يا جاسم انا مابيك مستحيل اكون لك افهم وريحني جاسم بحب / انا ابيك وبنتظرك العمري كله جاسم / ابوك امني بامانه يطلب منك تسامحينه هند بضعف ودموعها تنزل / قلبي اسود يا جاسم مو راضي يسامحه حتى بعد موته حاولت ما قدرت مثل ما قلت انا حقوده جاسم بحب / ارجعي معي خطر عليك هنا انتي بعيد عن البيت اخاف عليك هند بوجع / لاتخاف علي الي مثلي الموت عايفهم اوجعه قلبه من نبرة الحزن الي سمعها منها جلس مقابلها / وش هالكلام استغفري ربك حياتك مهمه عندنا هند بترجي وبحزن موجع / تكفى يا جاسم اتركني اذ حسيت نفسي احسن رجعت جاسم بصدق / والله ما قدر بتركك وبروح لسيارتي متى مارتحتي رجعنا سوى هند صرخت بوجهه بقوه / جاسم انا ماني بزر تراقبها وخايف عليها لا تستغل ضعفي وتتقرب مني لو اشوفك ميت قدامي ماصار الي تبيه انا كاشفتك جاسم جاسم اوجعه كلامها مستحيل تحن عليه ولا تحس باوجاعه عشقه لها مكشوف للكل ليه هي عميانه ما تشوفه هند باصرار وقوة / بعد العزا بترك لك الديره تقدر ترجع لها وياليت ياجاسم تكمل بناء المدرسه جاسم بصدمه / وين بتروحين هند بحزن/ ارض ربك واسعه اريح ناس مني وارتاح منهم لما سمع نبره الحزن بكلامها سحبها لصدره وضمها بقوة نفسه يزرعها بين ضلوعه ولا يتركها تبعد عنه انصدمت هند من ضمته المفاجئة حاولت تتملص لكن ما قدرت جاسم همس بذنها بصوت ذايب / تسمعين دقاته ولي خلقك ما دق لغيرك ولا عرف الحب الا لك دخيلك خليك في حضني تطمني ماني بطمعان بكثر اعتبريها ذكرى حلوه بينا ما يندرى نتلاقى ولا الدنيا تبعدنا اكثر عن بعض شد باحتضانها اكثر رمى الشماغ عن راسها ودفن وجهه بشعرها يستنشق ريحة شعرها يتمنى يوقف الزمن عند هالحظه استغرب ان هند مستسلمه له كان نفسه يتعمق اكثر لكن خاف يخرب كل شي هند مستغربه من نفسها ومن استسلامها له يمكن رحمته وهي عاشت له زوجها ما نعته منها واثقه انه مراح يتمادى اكثر بعد دقائق ساخنه عند جاسم بعدها عن حضنه وهو مكره قرب فمه من خدها وطبع بوسه قويه يروي فيها عطشه وعشقه لها جاسم بعشق / اعتبريها بوسة شكر وامتنان انك استجبتي لي ووثقتي اني مراح اتجاوز حدودي معك مع ان هذا احب شي لنفسي لكن مستحيل اخذه اغتصاب اخذ الشماغ وبايدين ترتجف من عواصف مشاعره لبسها وعيونها تراقب انفعالاته جاسم يبتسم بحب والم / اغار احد يشوفك غيري انسحب من عندها وهو يشم ريحتها بلبسه فرحان بالي صار وموجوع حتى النخاع انها وداعيه و اخر شي بينهم لكنها بتصير ذكرى حلوه بقلبه دخل سيارته وهو مخدر من الي صار تمنى انه مانتهى |
رد: غرام وانتقام عند هند تركها وهي تصارع طوفان من المشاعر الغريبه تلوم نفسها شلون ضعفت بين يدينه وتحس بحساس حلو تجهله قررت تهرب من افكارها وترجع للبيت تلطمت بشماغها وركبت فرسها ونفسيتها تحسنت كثير جاسم راقبها وقلبه عندها اول ماشافها تحركت قرب من عندها وفتح دريشته / تدلين طريق الرجعه نزلت اللثام على فمها وابتسمت ابتسامتها الي تذبح قلب جاسم بانت غميزاتها / تبي الصراحه لا قلت اجرب جاسم وهو دايخ من ابتسامتها / اجل خليك وراي انا دليلك هند بستسلام / امرنا لله مبسوط من تجاوبها معه وتحسن نفسيتها وصلو للبيت نزل جاسم فتح لها البوابه دخلت ورجعت للاسطبل نزلت من الفرس ودخلته جاسم / بسوي لك طريق مابي احد يشوفك كذا هند بعدم اهتمام / ما تفرق عندي سبقها داخل شاف الصاله فاضيه جاسم / هند تعالي الجو امان هند قربت منه / انا طالعه بغير لبسي وبحضر عزاء راشد جاسم / عظم الله اجرك هند / اجرنا واجرك لا تنسى يا جاسم المدرسه وصيتي لك لتركت الديره كل شي مجهز العمال موجودين خالد تفاهم معهم والباقي محمد مسئول عنه اذا خلص البناء اتصل عليه يسوي الي قلته له جاسم بالم / الي تبينه بيصير ويمكن احسن تركته وهو يفكر اذا تركت الديره وين بتروح نفسه يسالها لكن متاكده انها بتتهرب عن الاجابه رجع للمجلس عند اخوه لقاه ينتظره فيصل بعصبيه / وينك من اليوم جاسم وهو ذايب / احلى يوم مر بحياتي اليوم فيصل / وش فيك جاسم / قال له كل شي فيصل / يابختك بالعسل وانا بالقرف والبصل عقبالي يارب جاسم بعصبيه / يحسدون الفقير على موتت الجمعه الي صار وداعيه وذكره حلوه انا للحين ماني مصدق استسلامها لي وبعد الي صار الوضع عندها عادي يمكنها تعطيني على قد عقلي ياليتها دايم كذا تبرد قلبي فيصل بجديه / وش استفدت من الي صار قلبت عليك المواجع انت مثل الي عطشان ولقى قطرات ندى بيروي فيها عطشه لهو الي ارتوى وبقى عطشان واكثر من قبل جاسم بوجع / اتركها على ربك منقهر انها بتترك الديره بعد العزا والي معذبني مدري وين بتروح فيصل / اكيد بترجع لهلها جاسم / لا طلبت مني شغلات اطلبها من محمد اخوها لو بترجع عندهم هي الي قالت له الي تبيه فيصل / لا تحرق بنفسك اكيد بتقول لجداتك وين بتروح وانت اسحب الكلام منهن وبتعرف مكانها عند ام جاسم كانت نايمه عند امها بالغرفه لما قامت ام راشد تفاجئت بوجود ام جاسم قلبها ناغزها حاسه فيه شي صلت وقومت ام جاسم رفعت راسها ام جاسم وباست امها على راسها ام راشد / قومي صلي قامت ام جاسم توضت وصلت بعد ماخلصت صلاتها / خالها امي للحين نايمه ام راشد / لا قايمه قبلي صلت والحين منسدحه بسريرها قامت ام جاسم وقربت لسرير امها وباستها على راسها خافت امها لما شافتها ام موضي متفاجئة / متى جيتو ام جاسم / جينا البارح متاخر كلكم نايمين مابغيت ازعجكم ام راشد / من جاء معك من عيالك ام جاسم / جاسم وفيصل ام راشد بعتب / وتركتي بنتك لحالها وهي مالها كم يوم طالعه من المستشفى وهي بحاجتك قولي الي جابك حاسه جايبك شي كبير قلبي ناغزني ام جاسم / وش رايكن نطلع برا بالصاله نتقهوى ونفطر وبعده اقول الي جايبني استجابن لام جاسم وطلعن بالصاله طلبت ام جاسم من الشغالات يجيبن الفطور افطرن وبعد الفطور قررت تقول لهن / يمه خاله انتن مؤمنان وتعرفن ان الصبر عند المصيبة الاولى والموت كاس بنشربه كلنا ام راشد بوجع / احد صاير له شي ام جاسم / راشد وموضي يطلبونكم الحل امس ماتو بحادث وامس اندفنو ام موضي ودموعه نزلت / ان لله وانا اليه راجعون اله يغفر لهم ويسامحهم ام راشد بحزن موجع / ان لله وانا اليه راجعون اللهم الهمني الصبر والسلوان يارب انك تغفر لهم وترحمهم يارب اني مسامحته سامحه وتجاوز عن ذنوبه ام موضي وام جاسم / امين ام جاسم / لازم تصيرن قويات عزاهم بالديره لازم تستقبلن العزاء وانتن صابرات محتسبات ام موضي / الله يصبرنا يمك جهزو للعزا ام راشد / بنته درت ام جاسم/ ايه وتعبت وانهارت علينا البارح جاسم عطاها ابره مهدئة ريحتها خفت عليها نمت عندها لما شفتها مرتاحه بنومتها نزلت وكملت نومي عندكن ام موضي / الله يصبرها ام جاسم وام موضي / امين في بريطانيا صحت متاخره طالعت بساعتها كانت 6 دخلت الحمام توضت وصلت وبعد رجعت اخذت شور لبست بنطلون فضفاض اسود وبلوزه سوداء طلعت لقت اخوانها بالصاله غاده بصوت حزبن / ليه ما قومتوني فاتني صلاة الفجر الحين مصليتها قربت وجلست بين محمد وفهد محمد / الحين صاحين راحت علينا نومه فهد / غدويه بطلبك طلب قولي تم غاده بحزن / تم فهد / عازمك على فطور انا ومحمد مارضينا نفطر لين تقومين غاده / بدخل البس حجابي ونطلع نفطر حاسه اني مخنوقه دخلت غرفتها لبس حجاب اسود يعكس حزنها وضيقها طلعت مع اخوانها مرو مطعم الي دايم يفطرون فيه بعد ماخلصو فطور رجعو للعماره كان صلاح واقف يكلم الحارس شافها من بعيد مع اخوانها بشكلها الحزين داخ على شكلها قربو عنده صلاح عيونه عليها / عظم الله اجرك طالعته بعيون ذبلانه من كثر البكاء وبنظرات حزن / اجرنا واجرك طلعت لشقة وتركتهم انقهر منها صايره كل ماشافته تبعد وتتجنب شوفته والكلام معه كمل طريقه للجامعه فهد مراح يداوم بسبب الي صار لغاده دخل الجامعه لقى ندى شكلها على نار تنتظر غاده قرب منها صلاح بادب / السلام ندى / وعليكم السلام صلاح / تنتظرين غاده مراح اداوم اليوم ندى بخوف وبحيا / ليه وش صاير امس عندها ماقالت انها بتغيب صلاح / بعد ماطلعتي من عندها جاء اخوها محمد من الرياض وقال لها خبر وفاة ابوها وزوجته ندى بحزن / ان لله وانا اليه راجعون صلاح / استاذن مابي اتاخر على محاضرتي كرهت تحضر المحاضرات بعد ماسمعت الخبر اتصلت على امها قالت انها بتطلع تعزي غاده وامها اصرت عليها تمرها بتروح تعزي معها كلمت ابوها طلبت منها يجي ياخذها وقالت له الي صار لغاده في الديره انتشر خبر وفاة راشد وموضي وبعد صلاة الظهر يبداء العزاء انزلت هند لابسه عبايتها وشيله دخلت عند جداتها شافتهن قويات صامدات قربت منهن وباستهن على روسهن هند بحزن /عظم الله اجرك الجده ام راشد حضنتها / اجرنا واجرك ام موضي بتاثر / اجرنا واجرك سحبت نفسها من حضن جدتها وقربت من ام جاسم وباستها على راسها / عظم الله اجرك ياخاله والسموحه اني خوفتك البارح ام جاسم بحب / اجرنا واجرك مسموحه يابنتي بشريني عنك اليوم وعظم الله اجرك هند بدموع / اجرنا واجرك الحمدلله بخير الا من الي نايم عندي ام جاسم / انا ماطاوعني قلبي اخلك هند / مشكوره ماقصرتي طلعت من عندهم لقت غاده بالمطبخ اول ماشافتها غاده ركضت لها وضمتها غاده وهي تبكي / عظم الله اجرك ام جاسم قالت انك انهرتي عليهم البارح هند / اجرنا واجرك ليش البكاء شوفيني حصان قدامك الحزن مو زين لك وانتي حامل غاده / خليك قويه واستقبلي عزا ابوك هند / خالد وينه من امس ماشفته غاده / من امس بالرياض حضر الصلاه والدفن هند بحب / فديته غاده ابي اتصل على هنديانا ابيها تجي الديره ضروري مدت غاده جوالها لهند اتصلت على هنديانا وطلبت منها تجي تاخذ ريتا وعمران تبيهم يسبقونها بفلتها الي بالطائف ينظفونها و يرتبونها قررت تسافر بعد العزا وتستقر مؤقت هناك غاده / ناويه تسكنين بالطايف لحالك هند / تطمني بيكون خالد معي وانتي معه غاده بحزن / حرام عليك بتبعديني عن امي هند / يانونو كله ايام وترجعين لحضنها غاده براحه / ريحتيني وبترجعين معنا لرياض هند / اكيد لا بسافر لشركتي بابريطانيا عند غاده غاده بحزن / من من تهربين نفسي افهم هند بقوه / ماعاش الي يخليني اهرب سمعو صوت الباب اكيد المعزين دخلت وجلست جنب جداتها دخلن مجموعه من الحريم سلمو على الجدات وعزوهن اجلسو دقائق وطلعن جلسو على حالهن لوقت العصر صلن وارتاحن شوي في بريطانيا وصلو للبيت كانت ام ندى جاهزه والشغاله شايله معها صواني غداء وقهوه وشاهي وصلو لشقة فهد ابو ندى / اجلسو عندها لين اخلص دوامي هي بحاجتكم ام ندى / ان شاء الله نزلت الشغاله معها الاغراض وصلو لشقة طقو الباب فتح لهم فهد لما شاف ندى تخربط فهد / ياهلا ادخلو غاده داخل ندى بادب / عظم الله اجركم فهد بحب / اجرنا واجرك ام ندى / عظم الله اجرك فهد / اجرنا واجرك حياكم داخل دخلت ام ندى وهي مبسوطه من فهد ارتاحت له جلسهم بالصاله ومحمد كان بغرفة فهد منسدح تركهم ودخل غرفة غاده كانت منسدحه على السرير عليها لبسها ماغيرته فهد / غدويه عندك ضيوف بسرعه لا تتاخرين عليهم خليني الحق على محمد لا يطلع لهم بالصاله غاده / من ضيوفي فهد / الي ماخذه قلب اخوك من شفتها وانا متخزبق غاده بابتسامه حزينه / ندى هانت ياخوي طلع من عندها لغرفته قال لمحمد ان عند غاده صديقتها وامها طلعت لهم غاده ركضت لها ندى وضمتها ندى / عظم الله اجرك غاده / اجرنا واجرك ام ندى سحبت بنتها من حضن غاده وضمتها متاكده انها تحتاج لامها بهظروف علشان كذا اصرت على ندى تجي معها ام ندى بحنان / عظم الله اجرك غاده لما سمعت نبرت الحنان ذكرتها بامها هند مشتاقه لها كثير ومحتاجتها بهالظروف بكت بحضن ام ندى ام ندى / يابنتي ادعي لهم بالرحمه غاده / الله يرحمه التفتت شافت الاغراض مع الشغاله / ياخاله ليه الكلافه ام ندى / ان قلتي هالكلام مره ثانيه بزعل عليك غلاك من غلا ندى والله شاهد ادخلت ام ندى المطبخ تجهز الغداء لهم التفتت لغاده / احد من اخوانك موجود احط غداهم انا وندى جوعانين قلنا نتغدى سوى غاده بحب / الساعه المباركه اخواني بغرفة فهد بساعدك وحطه لهم بغرفتهم جهزو الغداء ام ندى رتبته على طاولة الطعام بالمطبخ وغاده اخذت الغداء لاخوانها فتحت الباب ودخلت كانو جالسين على كنبه بالغرفه فهد / ياهلا بالحامل والمحمول محمد / الريحه تخلي الواحد غصب يجوع غاده / خالتي ام ندى جايبته معها فهد / ببسط السفره ماني قادر اتحمل قام اخذ السفره منها وبسطها وحط الغداء على السفره كانت مسويه برياني وصينيه محاشي مشكله وحلى ومسويه سلطه فتوش فهد / وووووووووواو وش الطبخ اشكريها بالنيابه عني وقولي فهد يقول تسلم ايدك غاده تغمز له / ماتبيني اوصل رساله لاحد ثاني فهد / كان بودي لكن ماجلها لبعدين غاده / اكلو عليكم بالهناء والعافيه بطلع تاخرت عليهم طلعت لقتهم ينتظرونها جلست بكرسي على راس الطاوله ومقابلها ام ندى وعن يمينها ندى غاده / خاله عندي رساله امانه لازم اوصلها لك ركزت نظرها على ندى وهي تبتسم / فهد يقولك تسلم ايدك وجالس يتغزل بطبخك ام ندى بحب / عساه عافيه على قلبه وقولي له خالتي تقول متى ما شتهيت طبخه يطلب منك تكلمين ندى ووتقولي وانا اجهزها الي يبيه وانا مبسوطه غاده بمزح / فهد ماينعطى وجه متغرب ثلاث سنين يجيه هالعرض بيغثك ندى تبتسم ساكته تحس بحساس حلو لسمعت اسمه وتستحي تجاريهم بالكلام ام ندى / يقلبي عنه اكيد مل من اكل المطاعم تغدو الغداء برد في الديره بعد العصر طلعت الشغاله لغرفتها تطلب منها تنزل جدتها تبيها تستقبل المعزين لبست عباتها ونزلت تحت كانت ام جاسم جالسه مع جداتها وغاده تصب القهوة للحريم سلمت عليهم وعزوها وطلعن بعد العشاء ماجاهم احد جلست عند جداتها والكل واضح عليه التعب والارهق والحزن جابت لهم غاده العشاء وغصبتهم ياكلون وستسلمو لها واكلو وبعده طلعت لغرفتها تاركه هند عند جداتها هند / الليله بنام عندكم ام راشد بحب / ياهلا فيك ام موضي / بيوجعك ظهرك من نومة الارض هند / تطمني نومه الارض تعجبني تغير عن نومة السرير طلبت من الشغاله تجهز فراش على الارض قريبه من جدتها ام راشد ام جاسم نايمه على الارض قريبه من امها عند جاسم بعد ماخلص من استقبال المعزين انسدح على فراشه قريب من فيصل فيصل / يالاخو تراك نايم بثوبك جاسم للحين يشم ريحتها بثوبه جاسم / بنام فيه عندك مانع فيصل / من متى تنام بثوبك ولا لانه مختوم بختم الحبايب اخاف ما تنزله ابد وتخيس علينا جاسم بحب وعشق / ياليت الزقه بجلدي ولا افسخه فيصل بوجع / يارب تصير من نصيبك وتصير اختها من نصيبي جاسم من قلبه / امين انا قلت لها بنتظرها طول عمري ما يندرى يمكن تتحقق المعجزات ويرجعن لنا بعد ما تركنا فيصل بجديه / نذرن علي لو صار لكتب شركتي باسمها وكل الي املكه يكفيني اني املكها جاسم / صار عندي امل بعد تجاوبها معي اليوم يمكن اكون مجنون لو قلت لك حسيت انها تحبني وتكابر فيصل بوجع / ههههههههه يزين الاحلام ياخوي قال تحبك هذي قويه بتعترف بحبها قدام الناس ولا همها احد هذي قلبها ميت موته حقدها وكرهها لابوها وربت اختها على كرهنا ومايحتاج اذكرك بادلة الكره المزروع بقلبها مستحيل تكون تحبك لو تحبك ماطاوعها قلبها وهي تزفك لعروس غيرها لو تحبك ماجلدتك بكل قوتها لو تحبك مارفضتك كزوج وانت عايش معها ماتسمع منها غير التجريح والاهانات احنا مكروهين عند بنات عمك جاسم بصراخ موجع / اسسسسسسسسسسكت مستكثر علي احلم واصدق حلمي فيصل / سكتنا نام من البارح وانت صاحي جاسم بوجع والم / من بيجيه النوم بعد مافتحت عليه المواجع فيصل / مو جديده علينا المواجع تعوذ من بليس بكره ورانا يوم طويل جاسم وهو منسدح يحاول ينام لكن صورتها والي صار بينهم اليوم واستسلامها له مافارق خياله احساس حلو وموجع بنفس الوقت امنيته ينعاد ويتكرر كل يوم |
رد: غرام وانتقام مرت ايام العزاء هند كل ليله تنام عند جداتها حاسه بتانيب ضمير انها بتتركهن الوحيده الي تدري بسفرها ام جاسم قالت لها ماتبيها تترك الجدات لحالهن قالت لجداتها عن طلاقها من جاسم والجدات عصبن على جاسم وكانن بيغصبنه يرجعها لكنها قالت ان هي السبب في الطلاق وهي الي اصرت عليه لانها مارتاحت معه وتعتبر جاسم مثل اخوانها ماقدرن يزعلن عليها لان هذي حياتها ما تنجبر تعيش مع واحد ماهي مرتاحه معه على انهن يشوفن جاسم كامل والكامل وجه الله وعتبرن هند الي خسرانه غاده مازالت بالديره تجهز اغراضها بتروح مع خالد وهند لطائف خالد جاء ثاني يوم للعز باليل وقالت له هند انها بتترك الديره وناقشها بموضوع المدرسه قالت انها موصيه جاسم عليها ام جاسم قالت لها هند انها بتترك الديره وتضايقت كثير خايفة من ردت فعل امها وخالتها لانهن متعلقات كثير فيها لكن ماقدرت تمنعها لان معليها سلطه عليها جاسم يصارع حزنه والمه على فراق هند الي حاول بكل الطرق يعرف وين لكن فشل لانها متكتمه عن مكان سفرها ذبحه التفكير وحرمه طعم النوم والاكل خايف من الفراق الي مافيه امل للقاء فيصل كل يوم وعذابه وشوقه لغاده يزود كان يحاول ينساه لكن غصب عنه لقى نفسه يفكر فيها واكثر من اول والغيره تاكله اكل كل مافكر ان غيره يشوفها وله الحريه بالكلام معها ومتعذب على حال اخوه الي نحف كثير وبان التعب والارهاق على وجهه غاده وندى زادت علاقتهن كثير وداومت من ثاني يوم ونفسيتها تحسنت والفضل لندى وامها الي ماتركوها محمد رجع من ثاني يوم لرياض وقلبه مرتاح على غاده لان شاف نفسيتها تحسنت فهد مبسوط كثير من قو العلاقة بين غاده وندى وينتظر لما تتحسن حالة غاده وتكلم ابوه مثل ماوعادته صلاح ماقابل غاده من بعد ماعزها لانها تتعمد ماتطلع وهو موجود وبالجامعه ماتجرء يجلس او يسولف معها قرر يكلم نواف اخوه يقوله انه بيخطبها ويساعده انه يقنع ابوه لانه عارف ان ابوه بيرفض أجل الموضوع لين يمر وقت على وفاة ابوها في الديره الساعه 9 الصباح جهزت هند شناطها وقررت تواجه جداتها قبل لا تسافر نزلت وهي على الدرج سمعت صوت جاسم وفيصل عند جداتهم طلعت ولبست عباتها ونزلت دخلت عليهم فز قلب جاسم لما شافها داخله ما شافها من اخر موقف صار بينهم قربت من جداتها وام جاسم وباستهم على را سهن وجلست مقابله لجاسم والجدات وفيصل جنب اخوه هند بقوته / ياجده انتي عارفه ان جلستي في لديره مؤقته ومصيري اتركها اذا مو اليوم بكره الجده بحزن / وش تقولين هند / ياجده بسافر وبترك الديره تعرفين عندي اهل مشتاقين لي ومشتاقه لهم ما يرضيك يالغاليه اني اقطعهم جاسم مع كل كلمه تقولها هند ينزف قلبه وجع وعرف جت ساعة الفراق الي يتهرب منها ام راشد / يابنتي روحي لهم وارجعي لنا انتي من ريحة الغالي هند بحب / انا مسئوله عن بنتي واهلي وشغلي يكفي الايام الي تركتهم فيها وانتن اذا جتني فرصه وعد امركم ام جاسم / لا تنسين وعدك يابنتي هند / يا خاله انا اوعد ووفي اذا ما قدرت اجي بجيبهن عندي انا ماقدر استغني عنهن هن نظر العين ام موضي / الله يوفقك لا تنسينا ترانا انحرمنا من عيالنا لا تحرمينا منك هند قربت منها وضمتها / اذا استقريت وعد اجيبكن عندي التفتت لجاسم / جاسم فرح ان فيه امل يشوفها مره ثانيه بيتعذر بجداته انه بيوصلهن لها يبي يعرف مكانها بينجن اذا ماعرف فز قلبه لما سمعها تناديه بصوت ذايب وعاشق / لبيه تامرين بشي ام جاسم اوجعها قلبها على ولدها عارفته يكتوي من فراقها حبه لها مكشوف عيونه وصوته يفضحونه هند بابتسامه / لبيت بمنى على قولة جداتي وكملت بنبرة حزن / امانتك المدرسه عمري ما بديت بشي ولا اكمله ولا عمري وعدت وخليت بالوعد معتمده عليك تصير مكاني بغيابي جاسم بوجع / اعتمدي باقصر وقت بتكون جاهزه باخذ اجازه واتفرغ لها هند / اذا صار شي او احتجت شي عندك رقم جوال خالد اتصل عليه ويوصلي الي تبيه جاسم في نفسه وبحزن / ابي رقمك انتي ليه حاطه خالد بالنص بينا ابي اسمع صوتك والله حرام حتى صوتك مستكثرته علي جاسم / ا ن شا ء الله فيصل كان جالس مستمع وهو يتوجع من وجع اخوه رجعه لذكرى يتمنى ينساها يوم سفر غاده وحرمانه منها ثلاث سنين متاكد انه اخوه يمر بنفس الوجع والقهر لكن جاسم اقوى منه يقدر يكتم انفعالاته ويحرق بنفسه هند وقفت / استودعكم الله وانتبهو على حالكم ام راشد / الحين بتسافرين هند / ايه ام موضي / انتبهي لنفسك وطمنينا عليك اذا وصلتي اشرت هند على عيونها / من عيوني وعند جاسم رقم خالد اذا اشتقتن الي كلمني من جوال خالد ام راشد / اكيد بنشتاق هند / بروح بيت ابو مطلق اودعهم قبل لا اسافر ام موضي / زين تسوين البنات مبسوطات عليك بيزعلن لدرن انك رحتي هند بحزن / هذي الدنيا لقاء وفراق طلعت فوق بتلقى نظره اخيره على الغرفة خايفة تنسى شي طلبت من الشغاله تنزل الاغراض وغاده وخالد سبقوها لسياره انزلت كان جاسم ينتظرها واقف بطريقها مرسوم على وجه الحزن والالم جاسم بحزن وبعشق / هند حطي في بالك اني ابيك وشاريك وبنتظرك العمر كله ياليت الي صار بينا بالقائنا الاخير يكون كشف عن حبي وعشقي لك ويحنن قلبك علي وترجعين لي مستحيل تلاقين احد يحبك مثلي هند شافت الحب والعشق بعيونه اول مره شافتها بعد طلاقها بالمستشفى وهذي ثاني مره هند بقوة وقسوة / لا تنتظرني يا جاسم وتضيع عمرك وانت تنظر سراب تزوج وشوف حياتك انا مستحيل اكون لك واذا انت شاري انا بايعه جاسم بصراخ / اذا ما تزوجتك مراح اتزوج غيرك القلب ما يسكنه شخصين ليه منتي راضية تشوفين العشق الي تفضحه عيوني وكمل بضعف / طالبك ارجعي لي والي تبينه راح اسويه صدت عنه وهي حزينه على حالته وعلى ضعفه مشت بدون ما ترد عليه تعتبر وقوفها والكلام معه غلط وقفها صوته يصرخ كمل بصراخ موجع وضعف / يويلك لو فكرتي تتزوجين غيري بذبحك واذبحه انتي لي فاهمه لي كملت طريقها ولا اهتمت بضعفه ووجعه مستحيل تخضع له وتسلمه قلبها هذا الشي غصب عنها متاكده اذا اخذ منها الي يبيه رماها وداسها بدون رحمه كل الرياجيل راشد طلعت امه من الغرفه لما سمعت صراخه سمعت كل الكلام الي صار بينهم وسمعته وهو يهدد ويتوعد وهو مو بوعيه الي تشوفه قدامها مو جاسم ولدها القوي الي تحمل مسئوليتهم ومسئولية جداته وهو صغير حبه وعشقه دمره وضعفه وصار ما يقدر يكتم انفعالاته كانه لحاله بالمكان قربت منه وهي موجوعه من حالته سحبته وطلعته فوق دخلته غرفته سدحته على السرير وهو مستسلم جلست تقراء عليه تبيه يهدا شافته سكر عيونه توقعته نام طلعت وسكرت الباب لما طلعت قام قفل الباب واخذ المخده وصار يشم بقايا ريحتها وصارت دموعه تنزل دافن وجهه بمخدتها نزلت ام جاسم مهمومه ومتضايقه دخلت لقت فيصل جالس على نار ام جاسم بحزن / روح لاخوك حالكم بيذبحني تلحقون الي بايعكم وتتبعون المقفي جلست وهي غرقانه بهمومها ماتدري تحط اللوم على من قام فيصل طلع لغرفة اخوه لقاه مقفل عليه الباب مايبي يضايقه وهو مختلي بنفسه انسدح على الكنب الي بالصاله الفوقيه محس بنفسه الا نايم عند هند طلعت من بيت جدتها وطقت على بيت اهل مطلق فتحت لها فاطمه هند / حبيت اودعكم باترك الديره فاطمه بحزن / تفضلي ادخلي داخل دخلت سلمت على ام مطلق والبنات الي تاثرو بسفرها هند / كلها كم يوم بتلحقوني البنات فتحو فمهم مستغربات مافهمو قصدها هند بابتسامه / انا بروح لطائف ومطلق بيجيبكم هناك وبيتكم لازق ببيتي وانا اقدر استغني عنكم ولا بعد ابشركم غاده معنا البنات انبسطوا نهم اذا سكنو الطايف بتكون موجوده هناك خافو من الوحده هند بجديه / وانا باسرع وقت باقول لمطلق يجيبكم ابيه يشتغل وهو مرتاح ومستقر مابيه يفكر فيكم ويهمل بشغله ام مطلق / الله يوفقك ويسعدك وين مارحتي هند / امين مضطره اطلع خالد بيذبحني اذا تاخرت ام مطلق بحب / جتنا غاده وودعتنا الله يسعدها هند / امين ركبت السياره وراء وسانده راسها على الكرسي والي صار بينها وبين جاسم ينعاد حطت يدها على خدها تتحسس مكان بوسته تذكرت ضمته لها وشمه لشعرها وعذوبة صوته احساس حلو يدغدغ قلبها حاولت تتهرب من مشاعرها المجنونه بسوالف مع خالد هند / خالد قابلت وليد خالد / ايه وقلت له يداوم ويجيب اهله معه وفلتهم جاهزه تستناهم هند / وافق العم مرزوق خالد / ايه يقول بيدور مستاجر لفلته وبنته بتبع مشغلها وبتفتح مشغل بالطائف هند / حلووووووو خالد / بطولين بالطائف هند / عندي شغلات لازم اخلصها وبعدها باسافر بريطانيا خالد بعتب / بتسافرين منتي بماره ابوي وامي الي متفطره قلوبهم يبون شوفتك ومشتاقين لك هند / حبيبي خلود انا بجيبهم عندي الحين حنا باجازات وباقي شهرين وتنتهي بخليهم يقضونها كلها عندي خالد / ما توقع ابوي بيوافق يجي ويترك شركته هند / ولا يهمك خالي اتركه علي اقول غاده كلمي عمي ابو بسام يصيف عندنا بينبسط مع خالي غاده بفرح / والله فكره يارب يرضى هند / اذا تبيني اتدخل خليته يوافق بطريقتي غاده / ياليت بتنبسط امي هند / اجل عمي ابو بسام وخالي علي غاده بحب / فديتك في بريطانيا غاده جالسه بالصاله عندها امتحان بكره جالسه تراجع دخل عليها فهد فهد / السلام اشوف العالم مشتطه تراجع غاده / وعليكم السلام عندي امتحان بكره فهد / غدويه متى تنفذبن وعدك رفعت عيونها فيه مستغربه / أي وعد فهد / انك تساعديني وتكلمين ابوي بسالفة زواجي من ندى غاده / هات جوالك خير البرعاجله مد جواله وهو يرقص فرح وبداخله خوف من ردت فعل ابوه غاده / روح عن وجهي كذا مراح اعرف اتكلم كلمتين على بعض شكل يوترني فهد / الله يعين بدخل غرفتي اذا خلصتي مكالمتك ناديني دخل فهد غرفته وهو على اعصابه اتصلت غاده على خالها الي كان في مكتبه شاف رقم فهد على طول رد غاده / السلام خالو عبدالرحمن بحب / وعليكم السلام ياروح خالك اخيرا حنيتي علي وكلمتي غاده بحب / انت عارف الظروف الي مريت فيها بشرني عنك عبدالرحمن / بخير بشري عنك وعن صحتك غاده / بخير خالو مكلمتك ابيك موضوع ياليت ياخالي ماتردني عبدالرحمن / قولي الي عندك من متى اقول لك لا غاده / خالو انت تعرف اني اموت واحب اخواني واتمنى لهم كل خير مستحيل اغشهم عبدالرحمن خاف من المقدمات / قول يابوك خوفتيني فهد صاير له شي غاده / خالو فهد يبي يتزوج والبنت صديقتي وفيها كل المواصفات الي يتمناها تكون بزوجته عبدالرحمن بجديه / بدري على الزواج لما يتخرج ويشتغل قاطعته غاده / خالو الحين ملكه وبعدين الزواج البنت فيها كل المواصفات وفهد يبيها حرام تضيع من بين ايدينه عبدالرحمن / طيب البنت منهي بنته غاده / بنت عبدالله ال.... يشتغل بالسفاره وابوها يعرفك عبدالرحمن بفرح عرف عبدالله صديقه وعارف كل شي عنه كانو مايفترقون عبدالرحمن / امرنا لله بعد يومين بجيكم انا وخالتك بنقابل اهلها ونخطبها وخالتك تشوفها وتتعرف على واذا وافقو بنسوي الملكه بسرعه غاده بفرح / احبك ياخالووووووو ماتدري اش كثر فرحتي عبدالرحمن / لا تفرحين لين نحصل الموافقه ونحدد الملكه غاده / ان شاء الله عبدالرحمن / انتبهي على نفسك وعلى اخوك بعد بكره عندكم غاده / ان شاء الله خالو يله مع السلامه وسلم على خالتو عبدالرحمن / مع السلامه سكرت من خالها ورسمت الحزن على وجهها غاده / فهد ما صدق سمعها تناديه ركض لها اوجعه قلبه وهو يشوف الحزن مرسوم على وجهها تاكد ان ابوه رفض فهد بحزن / رفض كنت متاكد غاده قربت منه وضمته / الف مبروك بعد يومين بيجي خالي يخطبها لك واذا وافقو الملكه بتكون بنفس الاسبوع فهد مو مصدق / تتكلمين جد وجهك يقول العكس غاده / تمثيلة حرق الاعصاب ضربها على راسها وهو فرحان / اخدمك بالافراح واليالي الملاح غاده بحزن موجع / خلني افرح فيك خلاص جربت نصيبي وضيعته من ايدي فهد اوجعه قلبه على حالها بيغير الموضوع / وش رايك بهالمناسبه نطلع نحتفل برا غاده / اجلها لين تتم الموافقه وتتحدد الملكه فهد بخوف / تتوقعين اهلها يرفضوني غاده / اذا بعتمد على احساسي بيوافقون فهد من قلب / يارب يصدق احساسك غاده / خالتو بتجي مع خالو وتعرف امك تنحب واذا تدخلت بالموضوع اضمن الموافقه فهد / بجلس على اعصابي لين يوافقون غاده / صبرت كثير مابقى الا القليل |
رد: غرام وانتقام في الديره عند جاسم جاسمعلى وضعه في غرفته مقفل الباب عليه رفض يتغداء قام وهو كسلان فتح ادوالايب والادراجعلى امل يلقى له شي من ريحتها لكن خاب امله سمع طق على باب الغرفة فتح كانتالشغاله الشغالة / باب انا يجي ينظف غرفه ويشيل مفرش سرير هذا كلام مدامهند جاسم بعصبيه / تقلعي واياني وياك تدخلين الغرفة و تنظفينها لو شلتيالمفرش بطرك من الشغل خافت الشغاله منه انزلت تحت جاسم بوجع / مابقى لي من رحتها الا هالمفرش طلع من الغرفة وقفل الباب بالمفتاح نزل تحت عندامه وجداته لقى فيصل منسدح بالجلسه الارضيه ام راشد / وينك يمه ما تغديت جاسم بابتسامه مصنعه / شبعان يالغالية جاسم بوجع مخفي / انا طالعبجيب العمال يكملون بنا المدرسه فيصل قام / بروح معك ياخوي ماليت من الجلسه لحق اخوه وركب بالسياره جنبه رفع جواله واتصل على خالد يبي ياخذ معلومات عنالعمال الي اتفق معهم بعد ماسكر اصدر تنهيده طالعه من اعماقه فيصل يتوجع منوجع اخوه مايقدر يكلمه او يناقشه لانه يعاني اكثر منه طول طريقهم ساكتين وصلولمكان العمال اتفق معهم يكملون شغلهم من بكره رجع للبيت دخل عند جداتهلقاهن جالسات على قهوة المغرب غصب نفسه وشرب فنجال قهوه حاس البيت مظلموكئيب بدونها كل مكان بالبيت يذكره فيها طلع من عند جداته ودخل اسطبلالخيول اخذ الفرس الي كانت راكبته اخر مره ركبه وبعدها نزل ورجعه تركالاسطبل وجلس بمكانها الي تحبه حديقة الورود جلس يتذكرها كانت تنسدح على الزرعوشعرها طايح عليه وجلس على المرجيحه الي تعشقها قام ودخل حضيرة الغنم تذكرموقفه معها لما الجدات تحدنها انها تعرف تحلب تذكر لما كان مبسوط وهي تطلب منه يمسكشعرها حاس نفسه مخنوق طلع من الحضيره دخل المطبخ تذكرلما كانت تساعدالشغالات وتطلع منه بكاس كبتشينو الي صاير يعشقه من عشقه لها دخل المجلس وقفعند الشباك تذكر لما شافها اخر مره لابسه الثوب ولحقها قال بصوته الحزين الموجعوهو يتخيلها قدامه الأماكن.. كلها مشتاقة لك والعيوناللي أنرسم فيها خيالك.. والحنين اللي سرى بـ روحي وجالك ما هو بس أناحبيبي.. الأماكن.. كلها مشتاقة لك كل شي حولي يذكرني بـ شي .. حتى صوتيوضحكتي لك فيها شي...! لو تغيب الدنيا عمرك ما تغيب .. شوف حالي آهـ من تطريعلي الأماكن.. كلها مشتاقة لك الأماكن اللي مريت أنت فيها عايشه بـ روحيوأبيها.. بس لكن ما لقيتك...! جيت قبل العطر يبرد.. قبل حتى يذوب في صمتيالكلام.. وأحتريتك...! كنت أظن الريح جابت عطرك يسلم علي كنت أظن الشوقجابك تجلس بـ جنبي شوي كنت أظن.. وكنت أظن.. وخاب ظني وما بقى بـ العمر شيوأحتريتك...! الأماكن.. كلها مشتاقة لك المشاعر في غيابك ذاب فيها كلصوت والليالي من عذابك عذبت فيني السكوت وصرت خايف لا تجيني لحظه.. يذبل فيهاقلبي وكل أوراقي تموت.. آهـ آهـ آهـ آهـ آهـ لو تدري حبيبي كيف أياميبدونك تسرق العمر وتفوت...! آهـ آهـ آهـ آهـ .. آهـ الآمان .. وين الآمان .. وأنا قلبي من رحلت ما عرف طعم الآمان...! ليه كل ما جيت أسأل هـ المكان اسمعالماضي يقول ما هو بس أنا حبيبي.. الأماكن .. كلها مشتاقة لك فيصل كان وراه يسمعه وقلبه يعتصر وجع قرب منه وحط يده على كتف اخوه جاسم يناظر من الشباك مركز نظره بالفراغ فيصل بوجع / صعبه اواسيك وانت اقوى من بهالمواقف اذا المكان يضايقك لانه يذكرك فيها امش معي نرجع لرياض جاسم / ............ فيصل / تكفى ياخوي امش معي جاسم بوجع / المدرسه لازم اخلصها هذي امانتها لي بسميها مدرسة هند فيصل / طيب علشان خاطرها امش اكل لك كم يوم ماطب الاكل حلقك فز قلبه لما قال له علشان خاطرها استسلم له ودخل عند جداته كانت ام جاسم مجهز غداء متاخر لولدها والهم كاوي قلبها كوي على حالته صاير جسم من غير روح في سيارة خالد بعد ماسكر الجوال من جاسم التفت لها خالد / هذا جاسم يسالني عن العمال هند فز قلبها / ما شاء الله زين انه قد الامانه خالد / خوش رجال نوعيته قليلة بين الرياجيل خسرتيه ياهند هند بعصبيه / وبعدين مع ذا السالفه صاير كانك عجوز حنانه الموضوع ان سمعته مره ثانيه انفتح وربي ياخالد لساني مايخاطب لسانك وتعرفني عند كلمتي خالد بيمتص غضبها / غاده الحقي حبيبك اكلتني بقشوري تطمني يالغاليه معاد بجيب سيرة هالموضوع اذا يضايقك هند / عالم ماتجي الا بالعين الحمراء خالد / وصلنا هذي انوار الطائف كلمي هنديانا تجهز لنا شي ناكله ذابحني الجوع كلمت هند هنديانا وطلبت منها تطلب من الطباخه تجهز لهم اكل سريع باقي نص ساعة ويوصلون هند / خالد مدام جينا الطائف لازم نعتمر وش رايك بكره فيك شدة انت وزوجتك خالد التفت على غاده / حبيبتي فيك شده للعمره غاده / ايه متشوقه للعمره هند غسلي جرحك بماء زمزم باذن ربي يشفى هند / ان شاء الله بعد نص ساعه وصلو لقصر هند كان قمة بالروعه دخلت كان باستقبالها هنديانا ضمتها هند / هنديانا جهزتي كل الي قلت عليه هنديانا / ايه جناحك جاهز والجناح الخاص لضيوف جهزته لخالد وغاده هند / والفلل الي جنب القصر الخاصه بالموظفين الجدد واهاليهم جهزتوها هنديانا / طلبت من العمال يجددون الصبغ والاثاث اخترناه باقي يجيبونه بعد مايخلصون صبغ هند بجديه / ابي شغل يبيض الوجه واثاث راقي هنديانا / من نفس المحلات الي نتعامل معها دايم هند / مكتبي الي بالشركه جاهز من بكره بداوم هنديانا / كل شي جاهز مثل ماطلبتي هند / اخبار عشانا ترى ميتين جوع هنديانا تبتسم / جاهز والاكل الي تحبينه هند ردت لها الابتسامه / اطلبي علي يقابلني بكره بمكتبي ضروري وبرسل له طيارتي الخاصه تجيبه هنديانا طايره فرح دمعت عيونها / جاء الوقت ياهند ولا تبينه بموضوع ثاني هند / بزوجه لعروس ماشفت اطيب من قلبها هنديانا ابتسمت / تسلمين هند / تجهزي ياعروس بكره اذا قابلني بحدد الملكة والزواج بسرعه بعد ماتخلص تحاليكم اعزمي كل الي تبين تعزمينه واهلك اول الحاضرين بسوي لكم زواج لاصار ولا استوى هنديانا ضمتها / واخيرا ياهند وربي فقدت الامل هند / ههههههه ابشرك شهر بصلكم علي اقصد عسلكم وفلتكم وحده من الفلل الي وصيتك تجهزينهم وكاتبتها باسمك هنديانا / والله كل هذا كثير هند / تستاهلين تركتها هنديانا ودخلت المطبخ تستعجل العشاء وهي مبسوطه غاده قربت لهند / اخير بيصير عندنا زواج ههههههه شكل هنديانا من الفرحه مراح تقدر تنام هند / غاده بكره بعطيك بطاقة البنك اخذيها معك ابيك تجهزينها احلى واغلى جهاز غاده / الله يكثر خيرك ولا يحرمك الاجر هند / وانت ياخالد لا وصيك تحجز افخم قاعه لكن بعد ماجلس مع علي ونتفق على كل شي خالد / حاضرين لطيبين والي يستاهلون هند / تسلم جتهم هنديانا تناديهم للعشاء جلسو تعشو بعدها كلن دخل غرفتهم ينام بالديره جاسم جالس مع جداته جسم بلا روح وهو سارح يفكر فيها وكل بعد شوي يطالع بجواله يمكن تتصل وتطمن جداتها بوصولها سمع صوت اذان العشاء طلع مع اخوه للمسجد صلى ورجع طلع على طول فوق من غير لا يمر جداته دخل غرفته قفل الباب مايبي احد غيره يدخل الغرفة انسدح على سريره اخذ مخدتها وضمها بقوه على صدره تمنى انه ماجاء لديره كان رافض يجي لكن اصرار امه تمنى ما شافها ذاك اليوم ولا قابلها لان العشق بقلبه زاد اضعاف اضعاف الي قبل جاسم بوجع / ااااااااااااااااااه من وجع العشق ماله دواء عند فيصل منسدح بغرفته الي كانت فيها هند وحالته اسوء من حالت اخوه انقطعت اخبارها عنه يدفع عمره ويعرف شي عنها فيصل في نفسه / تدرين انك سافرتي وتركتي ورك قلب يعشقك حتى الجنون ولا ماتدري عن هوى داري كيف استقبلتي وفاة ابوك انهرتي مثل اختك ولا ماهتمتي بالخبر لانك ما تعرفين شي عنه الا اسمه وبحزن / وينك من رحتي وانا احس لا ليلي ليل ولا نهاري نهار سفرك اوجعني وكسرتيني ياغاده قام وفتح شباك غرفته وطالع بالسماء والنجوع وقال بصوته الموجع لعل وعسى توصل لها الكلمات وتحن عليه وترجع تجيني اليوم لو باكرغيابك طال يامسافر على فراقك مب بقادر سألت الله يصبرني حبيبي ارجوك لاتطول ترآآآني مقـدر اتحمل أحـبك والله يامدلل دخيل الله ارحمـني انا واللـيل ياخـلي نناطر جيتك تهـلي قربك والله مايملي وغيابك حيل سهرني عساك بخير ياغالي هذي كل آمآآآلي نخيته ربي العالي انا وياك يجمعني بغيابك ظلمت دنياي بغيتك تكون وياي ننسى الراح واللي جاي وبين احضانك تبعثرني انا ماقدر على غيابك لاتقنعني بأسبابك تراني حاسب حسابك يوم توصل تخبرني ابي منك وعد صادق اكون وياك انا السابق ولكل شيٍ انا لايق ومحدن ابد يقهرني نزلت دموع ساخنه على خده وهو يصارع ذكريات الماضي معها من اول يوم شافها شلون غزت قلبه وانصدم من ردها عليه بافعالها القويه المتهوره عكس نعومتها تذكر كلمتها ( انا حيه ملمسي ناعم وقرصتي والقبر ) ضحك بوجع / ههههههه والله صدقتي حط يده على الجرح الي بجبهته تذكر يوم في بيتهم يوم ابهرته بشكلها ما يمديه يفرح بشوفتها رمته بالكرستاله وجرحته ابتسم بوجع / والله وتركتي علامه بوجهي تذكرني فيك وتزيد عذابي تذكر لما شافها بقمة انوثتها وجمالها الي يذبح بزواج نواف يوم خطبها واجبار خالها على الموافقه يوم رشته بالشاهي الحار للحين علامة حرق الشاهي واضحه بفخذه ورجع لليلة المشئومه ليلة زواجه اكسرت فرحته كانت بين يدينه وعافته وهربت ليلة زواجهم وكملت عليه ودمرته وحطمته اكثر لما خلعته تذكر اخر لقاء بينهم بالمطار ودعها بكف حار للحين صدى صوته براسه اوجعه بقلبه وانتقمت منه بكف اقوى اضعاف من يد هنديانا وكملت عليه بسفرها وغيابها ثلاث سنين مع كل الي صار يعشقها وكل يوم العشق يكبر بقلبه شاف طيفها قدامه مستحيل ينسى تفاصيل ملامحها وشكلها الي عذبه فيصل بوجع وحزن / محكوم علي كل ليله اعيش مع الاطلال واتوجع من الذكريات |
رد: غرام وانتقام عند زياد من بعد وفاة هندوهو كاره سهراته الماجنه كل تفكيره شلون بيقضي على العصابه يبرد النار الي بداخله دخل عليه عاصم بحزن / ياطويل العمر لمتى وانت حابس نفسك بقصرك حتى شركتكمهملها زياد / .................. عاصم / الي خلق هند خلق غيرهاياطويل العمر لاتضيع نفسك وتوقف بوجه العصابه مثل ماقضت على هند بتقضي عليك زياد بحزن موجع / حبيتها والله العظيم حبيتها عمر قلبي مادق لغيرها يمكنربي بيعاقبني اني فقدتها وبسبتي انا الي رشحت للعصابه شركتها انا الي ذبحتها موالعصابه نزلت دموعه على خده بحراره ووجع عاصم اوجعه قلبه على زيادعمره ماتوقع يجي يوم ويشوفه يبكي ماعقوله الي هيبته تهز الارض هز تبكيه بنت عاصم مستغرب / يا طويل العمر تبكي علشان بنت عاصم بصوتباكي / ليه انا حجر ماحس اهلي تبرو مني بسبب افعالي وحبيبتي ماتت قولي وش ليبالحياه عاصم بيهديه / عندك شركاتك زياد يبكي بصراخ هستيري / كلهاباموال حرام بدم الابرياء كرهتها مابيها خلهم ياخذونها ويرجعون لي هند وصار يبكيبوجع عاصم بياس / والحل طال عمرك بتجلس طول عمرك حابس نفسك بقصرك عاصم بوجع / الحل بتعرفه بوقته الثامن والاربعون اليوم الثاني عند هند قامت بدري واخذت شور لبست تيور رسمي طلعت للمطبخ طلبت من الشغاله تجهز لها فطور خفيف مع كاس كبتشينو نادت هنديانا وطلبت منها تقول لعمران يجهز السياره بداوم بشركه وصلت لغرفة الضيوف الي ينام فيها خالد طقت الباب طلعت لها غاده غاده نعسانه / تبين شي وش هالازعاج على الصبح هند بجديه / قولي لخالد يلحقني لشركه الساعه عشر عندي اجتماع مع الموظفين الجدد غاده / ا ن شاء الله هند / لا تنسين وتروح عليكم نومه انتظره بشركه غاده / ان شاء الله طلعت هند من القصر مع عمران لشركه وغاده صحت خالد الي بالعزر قام لانه نايم متاخر عند هند وصلت لشركه دخلت مكتبها لقت باستقبالها السكرتيره الجديده نزلت عبايتها ونقابها انبهرت السكرتير بجمالها الساحر الطبيعي جلست على مكتبها وطلبت من السكرتيره الاوراق الضروريه الخاصه بالشغل بتدرسها وطلبت منها تطلب من الموظفين ان عندها اجتماع الساعه عشر في مكتب مطلق نائب المدير كان جالس بمكتبه يراجع بعض الاوراق سمع صوت تلفون مكتبه رفعه كانت السكرتيره تقول له عن الاجتماع قفل منها وهو مستغرب وجود هند المفاجئ بالشركه طلع من مكتبه بطريقه لمكتب مشعل ووليد الي اول دوام له اليوم طق الباب وفتح / مشعل وليد مديره الشركه موجوده طالبتنا باجتماع الساعه عشر مشعل باستغراب / متى جت وش عندها وليد / الله يستر من الاجتماع شخصيتها مرعبه مشعل / من وين تعرفها وليد / مايحتاج سمعتها سابقتها انسانه يتشرف الواحد انه يشتغل عندها مطلق / والله انك صادق لو اعد جمايلها علي مستحيل اوفيها مشعل / لولاها كان الحين بديرتنا نصيد ذبان مطلق ووليد / ههههههههههه مطلق / يله عازمكم على فطور بمطعم الشركه ضيافه لوليد وليد / ما تقصر يبو ضاوي طلعو لمطعم الشركه ومطلق ومشعل مرتاحين لوليد لانه انسان ينحب واخذو عليه بسرعه وهو بادلهم نفس الشعور عند خالد طلع من البيت وصل لشركه دخل مكتب هند شافها مشغوله بالاوراق قرب منها وجلس بالكرسي المقابل خالد / السلام يالله صباح خير على طول دوام هند وعيونها بالاوراق / وعليكم السلام يكفينا الايام الي فاتت اجازه جاء وقت الشغل خالد يبتسم / على طول طالبه الموظفين باجتماع مايمديهم اشتغلو هند رفعت عيونها من الاوراق / وانت وش مقعدتك عندي روح شوف شغلك تراك اشغلتني خالد / اخو المديره يحق لي اتدلع هند بعصبيه / من متى هالشي معترف فيه بالشغل الي ينطبق على غيرك ينطبق عليك ويله روح لشغلك وقبل الساعه عشر وانت مرتز بغرفة الاجتماعات خالد / حاضر عمتي يمه منك تخوفين لعصبتي افردي العقده شوي هند بعصبيه / خلوووووود قام خالد من الكرسي / قمت اخاف تفصليني من الشغل طلع من مكتب اخته وداخل مكتبه ماعنده شغل جلس شوي وطلع يبي يسوي جوله استطلاعيه للموظفين دخل على مكتب مطلق وقف له مطلق احتراما وخالد طلب منه يجلس خالد / لا جيت مره ثانيه رجاء خاص لا توقف لي احنا هنا مثل بعض وانت اعلى مني المدير بيدك تفنشني مطلق يبتسم / ماعاش من يفنشك العين ما تعلى على الحاجب خالد / المهم وصلكم ان فيه اجتماع مطلق / ايه خالد يبتسم / وش رايك اصير واحد من ربعك بذا الديره جالس وحيد مطلق بابتسامه / اكيد وحنا نطول خالد / وبالمناسبه مدامك عزابي تعال الليلة عازمك على عشاء بيتي مطلق بحياء / مرتبط مع ولد خالتي ووليد اليوم بيسكن معنا بشقتنا خالد باصرار/ ياهلا فيك وفيهم انتظركم الليله تجون بدري علشان تنامون بدري لا تذبحنا المديره مطلق / الله يخليها لك خالد / امين الله يعين اليوم شكلها معصبة طردتني من مكتبها شكلها بتفجرنا بالاجتماع مطلق / ههههههههههههه في الديره صحى جاسم صلى الفجر وطلع من غرفته رايح لمكان المدرسه جالس على المرجيحه ينتظر موعد العمال ماله خلق يدخل داخل يحس المكان يكتم على انفاسه ونظرات امه له نيران تحرق قلبه كل الي هو فيه غصب عنه وهو غارق باحزانه واوجاعه قطع عليه فيصل فيصل بحزن / جاسم بروح لرياض تروح معي جاسم / لا باخذ اجازه وبقضيها هنا وبشرف على المدرسه فيصل بوجع / ياخوي وجودك بيقلب عليك المواجع كل شي هنا يذكرك فيها جاسم بعصبيه / فيصل تسهل وروح بطريقك ترى نفسي بطرف خشمي فيصل / تعال داخل بنفطر سوى ولا نفطر هنا جاسم بحزن/ النفس عافت الاكل فيصل / هذا انتحار ياخوي وين الي يقولي وينصحني مانبين لامي تعبنا ونصير بارين فيها جاسم بوجع وحزن / وش تقول في اخوك ضعف ودمره حبه والله يافيصل الي فيني غصب عني ياليتني ماعرفتها ولا حبيتها فيصل بحزن / تقول هالكلام لي ياخوي الي يشوفك يقول اني مبسوط ومرتاح تدري اني ما نمت طول ليلي وانا افكر في اختها من اول يوم شفتها لا خر يوم وتفكيري وصل لبريطانيه وش تسوي من معها كيف حالتها تاثرت بوفاة ابوها ولا الامر عادي عندها للحين تتذكر واحد مر بحياتها اسمه فيصل ولا اكون صفحة ونطوت بحياتها كل تفاصيلها محفوره بقلبي وبعقلي تدري اني نقلت فرع لشركتي لبريطانيا ابي اصير قريب منها لا تشكي لي ياخوي ابكي لك جاسم بالم ودموعه متحجرة بعيونه / هند قالت ان قلبها اسود ابوها مات ما قدرت تسامحه ضعفت وترجيتها ترجع لي طلعت ولا عبرتني هوايتها تعذيبي وتسليتها جرح كرامتي ومع كل هذا والله اعشقها ومجنون فيها لو ترجع لي بسامحها واغفر لها كل الي سوته فيني فيصل يضحك بالم / هههههههههه بنات عمك فيهن سحر غريب سرقن قلوبنا وبدون ما يعطنا ريق حلو كل الي سونه فينا تجريح واهانات ومع كل هذا حبهن بقلوبنا يزود اكثر من قبل سمعو صوت جرس الباب قام جاسم فتح الباب كانو العمال في بريطانيا قامت من النوم وهي كسلانه حاسة بصداع براسها حاسة بحزن وضيقه ماتدري السبب طلعت لصاله جلست شوي بعده قامت للمطبخ يبي تجهز فطور فهد جهزت سندويشات بيض وعصير لها ولفهد رتبتهم وطلعت بتصحيه طقت الباب ماسمعت رد فتحت ودخلت شافت سريره خالي وصوت الماء بالحمام طلعت سمعت صوت جرس الشقه وصلت للباب كان صلاح الي عند الباب متواعد مع فهد يجيه بدري ويفطرون سوى غاده / منو عند الباب صلاح / انا صلاح غاده كشرت بوجهها / صلاح فهد بالحمام اذا طلع قلت له يتصل فيك انقهر منها تكلمه من وراء الباب وشكلها تصرفه / عند فهد خبر بجيه بدري افتحي الباب ودخلي غرفتك انقهرت منه ولا ردت وطنشته ودخلت المطبخ وجلست تفطر ولامهتمه فيه وهو برا يغلي من القهر لانه سمع صوت رجولها تبعد وعرف انها تركته عند الباب في هذي الحظة لو كانت بين ايدينه ذبحها من القهر رجع لشقته طلع فهد من غرفته لقى غاده سابقته بالفطور فهد / اشوف الخيانه مانتظرتيني غاده طالعته بنص عين وكملت اكلها فهد / ااااوه الحلوين زعلانين ماذكر اني زعلتهم غاده بزعل / صلاح كان عند الباب وفهمته انك بالحمام وطلب افتح له ينتظرك بالصاله وانا طنشته وتركته يتنقع واقف ينتظرك فهد بعصبيه / وبعدين معك غاده على الاقل احترميه من احترامك لي تحسبين ماشوف معاملتك له غاده / انت وهو احرار لكن بعيد عني مستحيل تتغير معاملتي له بيعتبر بنظري رجال غريب فهد بانفعال / تدرين انه خطبك وانا موافق وخالي لا درى بيوافق وهذا بيكون يوم المنى عند ابوي غاده وقفت عن الكرسي بعصبيه / يخسى اكون زوجته لو انه اخر رجال بالكون ما تزوجته فهم هالكلام لصديقتك سديت نفسي عن الفطور فهد بعصبية / من تنتظرين فيصل الي انحشتي عنه قطع كلامه كف قوي على وجهه من غاده غاده وهي تبكي وتشاهق / يا خساره يا فهد اني اعتبرتك اخوي وفتحت لك قلبي صرت تعايرني بهمومي واوجاعي روح لصديقك الي فضلته علي فهد منصدم من الكف واوجعه قلبه من كلامها هو كان منفعل وقال كل الكلام من غير وعي غاده وصلت لغرفتها والتفتت عليه / داوم مع صديقك انا بغيب والبركه فيك يولد خالي دخلت غرفتها و تركته وراها يتوجع من وجعها حس بتانيب الضمير لانها اول مره تعصب و تقسى عليه هالكثر وتناديه بولد خالي لانه فتح جروحها واستهان بوجعها نفسه يلحقها لغرفتها ويسحبها لحضنه ويعتذر منها وقفت معه يوم احتاجها يكون هذا رده عليها لازم يراضيها ويعلمها قدرها عنده بيتركها لين تهداء وبيراضيها بطريقته دخل لبس ملابسه وطلع من الشقه مهموم و متضايق وهو طالع طلع صلاح صلاح / السلام فهد بدون نفس ماله خلق لاحد / وعليكم السلام نزل من غير ما يتكلم معه لحقه وهو مستغرب حالة صديقة المعتفسه صلاح / فهد وش فيك فهد بعصبيه / امش وانت ساكت مالي خلق لك صلاح / اختك وينها ليش ماداومت فهد عصب / مالك شغل باختي خلها بحالها صلاح مستغرب من اسلوبه قرر انه يسكت وصلو للجامعه وهم ساكتين فهد لمح ندى من بعيد واضح انها تنتظر غاده وصل لعندها وصلاح راح بطريقه ندى لما شافت فهد جاي لها استحت وارتبكت فهد / ندى شخبارك ندى بحياء / بخير وينها غاده فهد / هذا الي جابني لعندك ندى بخوف / صاير لها شي فهد / تقدرين تسحبين على محاضراتك وتطلعين لها ندى / وش فيها مريضه فهد بحزن / انا قسيت عليها من غير قصد دخل بينا الشيطان وزعلت علي انا اعترف اني غلطان ومتفشل منها مدري شلونا اراضيها قلبي موجعني اني تاركها وراي تبكي ومتضايقه لكنها ما تتقبل مني شي ندى رحمته لما شافت الحزن والندم بعيونه ابتسمت ابتسامه موساة / بطلع لها الحين وتطمن غاده تحبك وانتم اخوان مستحيل تزعل عليك فهد / ياليت يله لازم ادخل محاضرتي لا وصيك حاولي تغيرن من نفسيتها ومسموحه لو بطلعينها برا البيت دخل محاضرته وندى كلمت امها وقالت لها ان غاده مريضه وستسمحت تروح لها ووافقت امها بعدها كلمت ابوها طلبت منه يطلعها من لجامعه بعد ربع ساعه وهو عندها طلعت له ركبت السياره / السلام ابوها / وعليكم السلام خير وش صاير مخليك تطلعين ندى / اخوها قالي انها تعبانه وطلب مني اروح عندها خايف عليها لانه مضطر يتركها ابوها / ومحاضرتك ندى / بابا انا بنتك طالعه لك ذكيه وما ينخاف علي ابوه يبتسم / كل فتاه بابيها معجبه ندى بابتسامه / كل فتاة بابيها مغرمه ابي اتزوج واحد نسخه منك ولا اعنس ابرك ابوها بحب / الله يفرحني فيك واشوفك ببيت زوج يخاف الله فيك ندى / امين ابوها / ههههههه دعوه من قلب مستعجله على الزواج ندى بحياء حمر ت خدودها / يبببببببببببه ابوها طالع فيها وهي مستحيه / هههههه وين ام لسان طويل كل ذا حياء |
رد: غرام وانتقام بالطائف عند هند هند بمكتبها تجهز اوراق الاجتماع جتها السكرتيره السكرتيره / استاذه هند الكل بالاجتماع ينتظرونك هند / دقائق البس واجي لبست هند عباتها ونقابها وتسترت ودخلت غرفة الاجتماعات من باب مكتبها دخلت جلست على كرسيها بجانبها اخوها خالد هند بهيبتها / السلام معكم هند الفهد صاحبة شركات الفهد هذا اول لقاء بينا ممكن تعرفوني باسمائكم مطلق رفع راسه من الاوراق / معك مطلق ضاوي مدير الشركه وليد / معك وليد مرزوق اليوم اول دوام لي ولا اعرف مكانتي بالشركه مشعل / معك مشعل مبارك جيت الشركه مع مطلق واجهل مكانتي بالشركه خالد ابتسم / معك خالد عبدالرحمن جاي من الديره مع المديره هند مسكت ضحكتها من خالد / يشرفني التعامل معكم وثقتي فيكم كبيره انكم بتساهمون بتطور شركتنا اهم شي عندي التعامل والحب بينكم لان مع الحب الي بينكم والاحترام بتزدهر الشركه ياليت نبتعد عن الغيره والحقد والكره لاني مستحيل ارضى فيهم بشركتي وفرت لكل واحد منكم فله وكتبتها باسمه تقدير من الشركه على جهودكم وغربتكم عن اهلكم لكني مستحيل ارضى ابعد الولد عن اهله بعد سبوع باذن الله بتكون الفلل جاهزه وبتستلمونها ياليت تسرعون وتجيبون اهاليكم حطو عندهم خبر من الحين مراح اسمح الا بيومين تجيبونهم وتجون ما يحتاج يجيبون معهم شي الا ملابسهم المكان مجهز لهم بكل شي الكل من داخل فرحان ومن قلب يدعي لهند لانها كاشفه الي بداخلهم الي منغص عليهم فرحتهم بعدهم عن اهاليهم وفرحو كثير بالفلل مطلق / استاذه هند انا ما قدر اجيب اهالي حاليا طالعته هند / ليش وش الي يمنعك مطلق / ابوي عنده نياق متعلق فيها وشارط علي ما يجي الا معها وانا وعدته ادبر لها مكان وبعدين اجيبهم هندبجديه / محلوله استاذ مطلق عندي استراحه فيها مجموعه من الخيول هات نياق ابوك المكان بعيد شوي عن الطايف والي عنده نياق او شي يجيبهم بالاستراحه مؤقت لين نوفر لهم مكان مطلق فرحان / مشكوره والله يجزيك خير كملت هند بجديه / لا تعتبرون الي سويته لكم صدقه مثل ما بعطيكم باخذ منكم لكل شي مقابل انا بستمر معكم هنا بالشركه فتره بسيطه وبعدها بسافر واستقر بابريطانيا مطلق مستغرب شلون بتسافر وتترك زوجها جاسم لكنه ماهتم لان فرحته تغطي عن كل تسائلاته هند كملت / انت يامطلق بتكون بمكاني وبمكتبي لسافرت وانت يامشعل نائب المدير وانت ياوليد مدير العلاقات العامه ومسئول عن الوفود الاجنبيه الي تجي لشركه أي احد عنده اعتراض الكل ساكت راضين بقرار هند كملت هند / قبل لا انهي اجتماعي حبيت ا قول اذا جبتو اهاليكم مسويه لهم عشاء استقبال بقصري انتهى الاجتماع كلن يرجع لمكتبه قامو وطلعو قام خالد بيلحقهم مسكته هند بيده ورجعته على الكرسي ونزلت نقابها هند بحب / احبك ياخوي خالد رفع حواجبه / خير اليوم المدير راضيه علي وتتغزل فيني وش عندك يا خوفي وراك مصيبه تبيني اسويها لك هند / ههههههههه لا لكني اليوم قسيت عليك خالد بابتسامه / طول عمرك قاسيه ومشيبه راسي والحنان ممنوع بالشغل شلي تغير هند / مالت عليك الخبله الي جالسه تتغزل فيك خالد بيقهرها / مستغني عن غزلك ربي يخلي لي غدويتي يحلوها ويحلو غزلها هند بتقهره / لا تخليني اسفرك لشركتي برياض وبعدك عن غدويتك خالد بخوف / لا والي يعافيك توبه اعرفك تسوينها هند تذكرت انها ماكلمت جداتها ولا طمنتهن عن وصولها هند / خالد عطني جوالك خالد / ياذا الجوال اشوفه معك اكثر منه معي هند بجديه / بطمن جداتي حرام نسيتهن وانا مواعدتهن او موصل اتصل فيهن مدت خالد الجوال لها وقف / انا طالع متى ماخلصتي مكالمتك جيتك اخذ الجوال هند / خالد اليوم اطلع لي جوال لمتى بعتمد على جوالك باتصالاتي خالد بحب / هانت ياهند اصبري كله خوف عليك هند / خوف ماله داعي خالد بعصبيه / حياتك بغت تروح وتقولين ماله داعي اجل الي له داعي شنو عندك هند / روح شوف شغلك لين اخلص مكالمتي طلع خالد تركها وراه مسكت الجوال ادور على رقم جاسم لقته اتصلت عليه في بريطانيا وصلت ندى لشقة فهد طقت الباب كانت غاده بالصاله متضايقه وندمانه على على الكف الي اعطته فهد وندمانه على تجريحه متاكده انه متعذب اكثر منها وندمان وهي بتفكيرها سمعت صوت الجرس استغربت من بيجيها بالوقت هذا وصلت للباب غاده / منو عند الباب ندى بمزح / حرامي جاي اخطف وحده حلوه اسمها غاده غاده عرفت صوت ندى وفرحت انها جت بوقتها ترحمها من تفكيره فتحت الباب واستقبلن بعض بالاحضان ندى / سلامتك ليه زعلانه غاده / من قال اني زعلانه شوي تعبانه سحبتها ندى وجلستها على الكنبه ندى / غاده فهد قال وطلب مني اجيك وقالي انك زعلانه منه وانه تطاول عليك ومعترف بغلطته وهو يحاتيك وخايف عليك وانت زعلانه شاف الي سواه شي كبير ماله وجه يعتذر منك على اني اجهل الي صار لكن ياغاده فهد يحبك وخايف عليك والزعل والهواش يصير بين الاخوان غاده احمدي ربك عندك اخوان تتهاوشين معهم وانتي متاكده انهم يخافون عليك من الهواء الطاير سندك وعزوتك شوفي حالتي اتمنى اخو واخت لكن ربي ماراد تدرين فهد وش قال غاده رفعت عيونها لندى / اش قال ندى / يقولي مسموحه طلعي غاده المكان الي تبيه غاده زاد عندها تانيب الضمير / انا بعد قسيت عليه فوق ما تتصورين تخيلي مديت يدي عليه جعلها انكسرت ولا انمدت مجنونه لما ازعل تصرفاتي متهور تسبق تفكيري وهذا الي صار اليوم ولا وبعد يتوجع بسبب زعلي وموصيك علي ندى / اشتري له هديه وفاجئية بعتذارك لجاء بطريقه عمليه غاده / اجل يله بطلع اشتري له هديه وجهز له غداء محترم تعبير عن اعتذاري دخلت غرفتها بدلت ولبست حجابها وطلعت مع ندى لسوق دخلت لافخم المحلات لبيع الساعات اشترت له ساعه غاليه ودخلت محل عطور وشرت له عطر فخم طلعت ندى بعيد عن غاده وكلمت امها وطلبت منها تجهز غداء لغاده وفهد مسويه مفاجئة لغاده طلعن من السوق استغربت غاده ان الطريق يودي لبيت ندى ندى انزلت / غاده شوي وجايه انتظريني دخلت عند امها اخذت الغداء و طلبت من الشغاله توصلهم لسياره وتركب معها لانها بتنزل ندى وبترجع مع الشغاله للبيت لما وصلت لسياره تفاجئت غاده من الاغراض ندى ركبت جنب غاده / هذا غدى معتبر رضاوه لفهد غاده / كل هذا كثير ندى ندى / انتي اختي ليه كل هالحساسيه لو اني بالرياض وامي بعيد عني بتسوين معي اكثر من الي اسويه لك غاده بحب / اكيد وصلن لشقة فهد ورتبن الاغراض ورجعت ندى والشغاله لبيتهم في الديره كان يراقب العمال سمع صوت جواله طلعه من جيبه انتفضت يده وهو يشوف رقم خالد رد بصوت مرتجف / الو عند هند اشتاقت تسمع صوته لكنها منعت نفسها من التعمق بالاحساس تتكلمت برسميه / دكتور جاسم ممكن اكلم جدتي اوجعه قلبه من طريقتها الرسميه بالكلام معه بصوت عاشق/ اسئلي عن احوالي يا بنت العم اقولك من بعد غايبك ماني بطيب لاليلي ليل ولا نهاري نهار حتى الاكل عفته ردي لي قلبي الي اخذته معك وسافرتي ارحمي عزيزي قوم انذل مايسمع الا صوت تنفسها السريع هند ودموعها على خدها متاثره من كلامه حاسه بوجعه لكن مستحيل تخضع له فيه شي داخلها يمنعها جاسم بصوت كله حب وعشق وبصوت ذايب / طمنيني عنك شلون جرحك ما تعبك السفر حلفتك بالله تهتمين بصحتك علشاني لما سمعت صوته الي كله حب وعشق حست بقشعريره سرت بكل جسمها هند بصوت مبحوح تحاول تكون طبيعيه / اذا جداتي مشغولات اكلمهم بيوم ثاني جاسم دخل داخل وقرب من جدته واخذت ام راشد الجوال وكلمت هند الي كلامها مع جاسم عكر مزاجها وتتمنى المكالمه تخلص بسرعه حلفت انها ماعاد تكلمهن من جوال جاسم بتحاول تاخذ رقم ام جاسم وتكلمهن منه قبل لا تسكر كلمت ام جاسم وطلبت منها رقم جوالها وعطتها الرقم وكل الي صار وجاسم مستمع تاكد ان مكالمته معها اليوم مكالمه وداعيه جاسم في نفسه / ليش كل شي حلو ينتهي من حياتك ياجاسم جاسم في نفسه / استغفر الله اللهم لا عتراض عند هند طوفان من المشاعر تجتاحها وهي تصراعهم بين قلبها وعقلها قلبها مستمتع بالاحاسيس الجديده وعقلها رافض خضوعها لها ويعتبرها ضعف ومصيرها لو استسلمت لمشاعرها نفس نهاية امها استجابت لعقلعها وحاولت تدفن الي بقلبها عن الكل حتى عن نفسها وتحاول تبتعد قدر الامكان عن جاسم تخاف تخونها هالمشاعر المجنونه مستحيل تسلم قلبها لاحد تدفنه بيدها ولا يكون ملك لغيرها يلعب فيه مثل ما يبي ويستغل هذا الضعف لاغراض دنيئة جاسم وراشد وجهان لعمله واحده مستحيل يكون جاسم غير عن عمه كل الي يسويه تمثيلة لكنها كاشفتها لازم يفهمون اني غير عن ساره مستحيل ارضى اكون نهايتي نفس نهايتها مستحيل بدت دموعها تنزل بحراره على خدها تحس دقات قلبها تخنقها كل ما تذكرت نبره صوته العاشقه لازم تدفن قلبها الي بيدمرها هند بصوت عالي تقنع فيه نفسها / مافي بالدنيا شي اسمه حب انا مستحيل احب او انحب الا لاغراض دنيئة انا هند القويه مو ساره الي ضعفها حبها على صوتها دخل خالد خاف يوم شاف حال هند وبالصدفه سمع كلامها مع نفسها قرب منها وضمها / حنيتي له يالغاليه هند تكابر / من خالد / انا كاشفك حب جاسم يمشي بدمك ليه ما تعترفين وترجعين له والله هو غير عن عمه هند بصراخ بانفعال موجع / خالد كم مره قلت لا تجيب لي هالسيره الي فيني شوقي لجداتي ماله شغل هالجاسم الي غثيتوني فيه انا ماحبه ومستحيل احب واسلم قلبي لواحد يدوسه ويلعب فيك على كيفه انا هند يا خالد تهتز لها المجالس لجاء طاريها هند الي شنبات تخافني وتحسب لي مليون حساب الحب ماله مكان بقاموسي اعتبره ضعف وانكسار انا مستحيل عقب كل الي سويته بحياتي و بلحظة ضعف قلبي يدمر كل الي بنيته قلبي اندفن مع امي خالد عارف ومتاكد انها تكابر ومستحيل تعترف بحبها له كل الي سوته بجاسم وتعذيبها له تثبت لنفسها انها تكرهه خالد باس راسها / هدي اعصابك اليوم عازم شباب على العشاء هند تبتسم وهي تخفي وجعها / ما يمديك تتعرف على شباب وتعزمهم خالد / تعرفين ما قدر اعيش الحالي هند / منهم الي عازمهم خالد / الي حضرو الاجتماع هند / هههههههه صير رزه مع الموظفين وخلك هيبه مثل خالي خالد استانس لما شاف ضحكتها / انا هيبه من غير لا حط حواجز بيني وبين اكسبهم بالحب مو مثلكم كاسبينهم بالخوف الواحد لوقف قدامكم ينتفض كانه ورقه هند ضربته على راسه / الهيبة من الله ما نتصنعتها انت تشوف كيف تعاملي معهم لكن هذي نعمة ربي انعمها علي خالد / وانا اشهد هنوده وش رايك تطلعين ماتوقع عندك شغل ارتاحي امس جاين متاخر واكيد مانمتي هند / كنت بطلع احس راسي مصدع ودي ارتاح عندي مشاوير بسويها علشان زواج هنديانا الا علي ماجاء خالد / المعرس بيجي بالليل حطيت عنده خبر يقابلك بمكتبك بالبيت هند / زين سويت مالي خلق اقابله الحين خالد يبتسم / اخوك اعجبك قربت منه وباست خده / فديت اخوي جعل يومي قبل يومه خالد / لا والله جعل يومي انا الي قبل يومك حياتي تنعاف وانتي منتي فيها فقدتك كثيرر يوم تركتينا ورحتي لديره كنت اتصبر وحاط حرتي بضعيفه غاده هند / وش رايك اعزمك على الغداء مدام ماعندنا شي والساعه للحين ماجت 12 خالد بحب / وانا اقدر مايرد الكريم الا الئيم هند لبست نقابها ومسكت خالد بيده وطلعو برا الشركه في بريطانيا عند فهد حاس بضيقه وحزن ماله خلق لصلاح الي طول الوقت يحاول يحتك فيه يبي يعرف وش مغيره عليه لكن فهد ملتزم الصمت مايبي ينفجر بصديقه طلع من محاضرته وقرر يرجع لشقه ماله خلق يكمل محاضرته ونفسيته تعبانه طالع بساعته كانت الساعه وحده قرر يرجع ويعتذر منها طلع من الجامعه ركب سيارته وهو يفكر بكلام يقوله اعتذار لها وصل للعمار نزل من سيارته وصل لشقه وهو يفكر دخل مفتاحه بالباب عند غاده كانت بالصاله سمعت صوت المفتاح انخشت ورى الباب بتفاجئة دخل فهد وتفاجى بالي راميها نفسها عليه وحاضنته ما توقع واحد بالميه هالشي غاده رفعت راسها عن حضنه وعيونه تدمع وباست خده / فهودي سامحني انت تعرفني مجنونه تصرفاتي تسبق افعالي جعل يدي للكسر لما مديته عليك وبدت دموعها تنزل فهد مسح دموعها / انا الي غلطان المفروض ماسوي الي سويته لكن الشيطان كان حاضر غاده بحب / فهودي سكر عيونك عندي مفاجئة سكر عيونه وسحبته للمطبخ شاف الغداء جلسته على الكرسي مقابلها فهد يبتسم/ لاتقولين انك طابخته لاني مستحيل اصدقك غاده بحب / هههههه لا ام حبيبة القلب لها الفضل اني اعتذر لك فهد بحب / فديتها الله يعجل بجيتك يابوي غاده / امين مدت له كيس الهديه فهد باستغراب / شنو ذا غاده باعتذار / هديه رضاوه لك لكن لا تتعود وتزعل وتبيني اراضيك بهديه بتفلسني فهد بحب اخذ الكيس وفتحه شاف الساعه والعطر فهد / الله لو كل ما زعلت بتهديني كذا ابشري كل يوم وانا زعلان غاده / كثر منها كل يوم بهديك تغد لا يبرد الغداء هذي غلطه مطبعية فهد يرفع يدينه / يارب تكثر غلطاتك المطبعيه تصافت نفوسهم وانزاح الهم والحزن من قلب فهد عند زياد منسدح على سريره حزين كئيب مامدها يفرح بحبه الا يروح منه خلاص معاد يقدر يصبر اكثر من كذا لازم يسافر الليله ويصفي حساباته مع العصابه يمكن تنغفر ذنوبه رفع جواله واتصل على عاصم زياد / الو عاصم عاصم / هلا فيك ياطويل العمر زياد / ابي اسافر الحين لامريكيا عاصم بصدمه / ليش طال عمرك السفره المفاجئة زياد / نفذ الي اطلبه من دون اسئلة انا لابس وطالع المطار القاك قدامي عاصم / حاضر طال عمرك قفل المكالمه من عاصم ودخل لمكتبه اخذ شنطة اوراقه وطلع من البيت وصل للمطار بالطائف في مكتب مطلق مطلق ومشعل وليد كلهم بعد الاجتماع دخلو مكتب مطلق يدرسون مع بعض المشاريع مشعل بمزح / والله مديرتنا تخوف جتني نفضه منها كاني مسوي بلوه اخاف تنكشف مطلق / سبحان الله حضورها وهيبتها ترعب وليد / ترى على هيبتها وحضورها تملك اطيب قلب لكن تخفي هذا الشي بحضورها مشعل / والله انك صادق من بيسوي الي سوته لنا وتفكر في غربتنا عن اهلنا كان قالت بطقاق وغصب عليهم يشتغلون وليد / لها ديون كثيره برقبتي لو اقعد طول عمري اسددها بينتهي عمري ولا سدتها مطلق / تقدر تقول لنا وش سوت اذا ماكانت خاصه وليد / عالجة ابوي من مرض القلب وتكفلت بالمصاريف اهتمت باهلي بغياب ابوي وانا كنت بدراستي برا اشترت لنا فله واثثتها وشرت مشغل لاختي وجهزته وصار مشهور بفضلها هذا غير رفضها ان ابوي يرجع لشغله خايفه عليه وراتبه يمشي بزود هذا غير انها كانت ترسل لي على حسابي مصاريف كنت رافضها لكن قالت لي اني موظف عندها وراتبي بيمشي لين اتخرج واتوظف عندها وهذه قد وعدها وظفتي بوظيفه عمري ما حلم فيها لو تدرون عن الحزن الي صابنا لما درينا انها ماتت وربي صار بيتنا عزا كلن بكاها من اكبر واحد لصغر واحد تدري ان ابوي سوى لها سبيل صدقه لها لما جانا خالد من كم يوم وقال لنا انها عايشه وكل الي صار تمثيليه لسلامتها ما تتخيل اش كثر فرحتنا ودموعنا نزلت مشعل بستغراب / كل هذا وليد / واكثر ربي يقدرني وارد جمايلها مطلق سرح بتفكيره وتذكر شكلها الي سحره وفتنه وحسد جاسم عليها الي شافه بالاجتماع عكس الي شافها بالطبيعه الي يشوفها بعباتها ونقابها يعطيها عمر ضعف عمرها وهيبتها وحظورها عكس الي شافه انثى بقمة انوثتها ورقتها مشعل غمز له / ليكون مديرتنا اخذت عقلك مطلق / هاه لا افكر باهلي واحترم نفسك مديرتنا متزوجه الله يسعدها مع زوجها وليد باستغراب / متزوجه كيف وشلون مطلق / متزوجه جاسم ولد عمها كيف وشلون مدري لانهم جاو الديره متزوجين وليد / شلون تتركه وتجي هنا وكيف يرضى انها تسافر لبريطانيا وتستقر هناك مطلق / علمي علمك قلت لك الي اعرفه مشعل / وش رايكم نطلع نتغداء برا مدام خلصنا شغلنا مطلق تذكر عزيمة خالد مطلق / ترى خالد عازمكم على العشاء وملزم على حضوركم حاولت افلت من العزيمه لكنه مصر مشعل / زين على الاقل ناكل اكل بيت خاست بطونا من اكل المطاعم و ليد بجديه / احمد ربك لاقي شي تاكله غيرك يتمنى مشعل بمزح / الحمد لله الله يستر لا تكفرني مطلق / يله مشينا ذبحني الجوع عاد انا جوعي حار زين ماكلكم طلعو الثلاثه برا الشركه كلهم ركبو بسيارة مطلق لان وليد ومشعل ماعندهم سياره مشعل جاي مع مطلق من الديره بسياره وحده ووليد جاي بالطياره وللحين ما نشحنت سيارته وصلو للمطعم وجلسو طلبو المنيوم وختار كل واحد الاكل الي يحبه والحساب على مطلق لانه اصر انه يدفع لانه عازمهم |
رد: غرام وانتقام عند خالد وهند بعد ماخلصو من المطعم رجعو للبيت دخل الصاله جلسو على الكنب وهند نزلت عباتها عطتها الشغاله توصلها لغرفتها دق جوال خالد كان المتصل عبدالرحمن مدالجوال لهند يبيها ترد على ابوه خالد / ابوي كلميه ابي ترد له روحه لسمع صوتك هند اخذت الجوال مشتاقه موت له عبدالرحمن / الو خالد هند وهي تبكي / يا عيون ورح هند يا كثر شوقي لك يا خالي عبدالرحمن نزلت دموعه وهو يسمع صوتها وتاثر ببكاها / شلونك طمنيني عن حالتك وربي الشوق ذابحني مصبرني اني اخذ اخبارك من جاسم هند / انت الي طمني عنك وعن خالتي وغاده عبدالرحمن / كلنا بخير و مشتاقين لك الله يجمع شملنا هند بضعف / امين وربي ياخالي عاجزنه اصبر عنكم خالي طلبتك قول تم يالغالي عبدالرحمن / تم هند / انا بالطائف مع خالد وغاده تعالو صيفو عندي دخيلك يا خالي لا تردني واقنع معك خالي ابو بسام مشتاقه لجمعتنا عبدالرحمن بحب اكبر / ابشري بعد ماجي من بريطانيا بجي عندك هند مستغربه / وش عندك بابريطانيا عبدالرحمن يبتسم / فهود كبر بيتزوج هند بصدمه / شلون طاوعته ياخالي عبدالرحمن / واسطته غاده وهي تعرف البنت وانا اعرف ابوها وشكله متعلق فيها لانها معه بالجامعه الحين ملكة والزواج لتخرجو هند بحزن / الله يكتب له الي فيه خيره تمنيت اني معك ياخالي ووقف جنب فهد عبدالرحمن حس بنبرة الحزن / هانت يابوك وانتي الي بتزفينه لعروسه هند / ان شاء الله حلفتك يا خالي اذا احتجت لشي تطلبه مني عبدالرحمن بحب / ابشري هند / خالي عندك خالتي ذبحني الشوق لها عبدالرحمن / انا برى البيت والله انها مشتاقه لك اكثر من شوقك لها هند / خالي انتظركم على احر من الجمر اول ما تخلصون من فهد تجوني لا تتاخرون علي عبدالرحمن / توصين على شي نجيبه معنا لجيناك هند بحزن / ياليت تجيب كرسي امي وثوبها مشتاقه لهم عبدالرحمن بوجع / ان شاء الله يله فمان الله هند بحب / انتبه على نفسك فمان الله سكرت الجوال من خالها مزاجها تحسن لما سمعت صوته التفتت لخالد وهي تبتسم / دريت عن خبر الموسم خالد / قولي هند / خالي بيروح لبريطانيا يخطب لفهودي واذا وافقو اهلها بيملك على طول والزواج لا تخرجو خالد / اشوفك معارضتي فكرت الملكه هند بجديه / مدامه يبيها ليه نمنعه ونحرمه منها ونعانده ونعذبه وهو محتاج لراحه علشان دراسته مدامه راضي ان زواجه لتخرج مافيه مشكله خالد / مع اني ضد الفكره لاني اخاف لتخرج يغير رايه ويفشلنا مع الناس هند / فهد فديته عاقل ومستحيل يقدم على هالخطوة وهو شاك فيها ومتاكده مستحيل يفشل خالي قدام الناس فهد تربية ايدي طلعت غاده من غرفتها وهي كسلانه بدت عليها علامات الحمل من كسل وحب النوم غاده / اعوذ بالله صرت ماشبع نوم كل ما فتحت عيوني رجعت انام هند / هههههه هذ علامات الوحم زي ما تتوحمين على خالد وتشمين فيه ريحه خياس وتعيفينه خالد / فال الله ولا فالك خليها على النوم ابرك غاده / خلودي مشتهيه فول هند / هههههه بدينا نشتهي الله يعينك ياخلود العالم تشتهي شغلات غريبه وانتي فول خالد / فديتها الحين طالع اجيب لها فول هند / خبل الحين بعد الظهر من وين بتجيب لها الفول خالد بحب / بجيبه الله لا يعوقني بشر ماني ناقص ولدي يطلع بخده حبة فول هند / هههههههه خل الطباخه تطبخ لها فول بدال ما تجيبه جاهز تراى عليها فول خطيره غاده / ايه احسن خالد / اجل اطلبي منها تسوي لك فول انا تعبان ودايخ بنام غاده ترى عندي عزيمة شباب الله بشغل العدل لو بعتمد على هند ما تعشو هند / مالت انا طالعه لغرفتي دايخه من زمان ماداومت باخذ قيلوله ساعه وبقوم عندي موعد مع علي دخل خالد غرفته ودخل الحمام اخذ شور ولبس بجامه ودخل بسريره من التعب نام طلعت لغرفتها اخذت شور ولبست بجامتها وحطت راسها على المخده وصوت جاسم العاشق يرن باذنها حطت المخده على راسها تطرد صوته ما تبي تستسلم له حاولت تغير تفكير بشي ثاني فكرت بفهد وبملكته وناويه تسوي له مفاجئة اذا تملك وهي تفكر بالمفاجئة نامت بالديره عند جاسم تعب من الصباح وهو واقف مع العمال دخل داخل لقى امه وجداته يسولف قرب منهن وجلس جنب امه ام جاسم / يامك ماكلت شي اجيب لك اكل جاسم / تسلمين يالغاليه اذا باكل ادل طريق المطبخ ام راشد بحزن / يا بوي الي تسويه بنفسك مو زين شوف شكلك شلون صاير يامك منت باول ولا اخر واحد يطلق زوجته وهو يحبها يمكن مافيه خيره انه تبقى معك احسن كل واحد فيكم يشوف نصيبه جاسم اوجعه كلام جدته / يصير خير ياجده انا نسيت موضوع الطلاق والي تشوفينه تعب من الصباح واقف انام وكل شي يصير احسن تطمني يالغاليه ولا تحاتيني انا بخير وللحين بقوتي نزل فيصل ومعه شنطته قرب منهم وسلم على راس امه وجداته ام جاسم / اشوف معك شنطتك فيصل / ايه يالغاليه يكفيني اجازه مهيت شغلي وراي ام جاسم / لاوصيك مر عند الجوهره وياليت تنام عندها مابيك تنام بالبيت بروحك فيصل يبتسم / يمه الي قدامك رجال ماني بزر ابو خمس سنوات ام جاسم بابتسامه / بتظل بعيني بزر لين يجون عيالك طولك فيصل / يله فمان الله بسافر بدري ابي اوصل هناك قبل الليل توصون بشي ام جاسم / جعلك سالم انتبه لطريق وطمني اول ما توصل فيصل قرب من اخوه الي سارح بتفكير / جاسم منت براجع معي جاسم صحى من سرحانه / لا عندي شغل وبغيب شهر حط خبر عند نواف يقدم لي اجازه مفتوحه فيصل مركز نظره على اخوه وشايف الحزن مرسوم على وجهه والضيقه فيصل / جاسم تعال ابيك بموضوع قام جاسم ولحق فيصل وصل لسيارة فيصل / هونها ياخوي ارحم حالك من الحزن والهم الي بيذبحك جاسم بحزن / كلمت اليوم وياليتها ماكلمت ياكثر شوقي ولهفتي لها اصدمتني وهي تقولي يا دكتور جاسم وطلبت جداتي من غير لا تسال عن احوالي بيوم واحد نستني واكيد مبسوطه بحياتها من غيري كاني كنت شي ثقيل وانزاح عنها كان نفسي اسمع صوت لهفتها علي وتبادلني اشواقي وحبي لكن هذي هند قلبها قاسي اقسى من الحجر يمكن الحجر يلين وهي مستحيل تلين والله ياخوي لولا خوفي من ربك كان سحرتها وخليتها غصب عنها تتعلق فيني وتحبني لاني جربت الطيب معها ماجاب نتيجه فيصل بحزن / الله يعينك ياخوي الي فينا من ايدينا سمحنا لنفسنا نحبهن واحنا ندري اش كثر يكرهنا وهذا الي جنيناه بالنهايه اللوم كله علينا هن ماعطنا وجه ولا عشمنا بشي ولا وافقن علينا الا بطرق ملتويه وعلى كذا نعاتبهن ونلومهن الملام حنا ياخوي جاسم بوجع / تلومنا على حبنا لهن كل الي سويناه انا نبيهن بالحلال نبي نكمل عمرنا معهن نبيهن امهات لعيالنا هذا هو جرمنا الي للحين ندفع ثمنه في بيت عبدالرحمن دخل وهو فرحان بعد مكالمته لهند اش كثر يحبها ومشتاق دخل لقى نوره مع عدنان بالصاله عبدالرحمن / السلام نوره شافت السعاده والفرح بعيون زوجها فرحت نوره / وعليكم السلام قرب منهم عبدالرحمن وجلس على الكنب عبدالرحمن / يااااه يانوره اليوم حسيت روحي ردت لي نوره / عسى خير يالغالي شايفه الفرح بعيونك عبدالرحمن / هند كلمتني سمعت صوتها نور بلهفة وشوق / عبدالرحمن د خيلك كلمها ابي اسمع صوتها وربي مشتاقه لها عبدالرحمن / ابشرك بنروح عندها باجازة المدارس نوره بفرح ودمعت عيونها / يارب تجمع شملنا مثل اول عبدالرحمن / امين وعندي لك خبر بيبسطك نوره / قول يالغالي وابسطني عبدالرحمن يبتسم / بروح بريطانيا وبنخطب لفهد نوره انصدمت من الخبر / عبدالرحمن اش قاعد تقول ولا وبعد فرحان مستحيل اوافق يبلى نفسه بزواج من اجنبيه لا نعرف دينها ولا اخلاقها ماهقيتك كذا ياعبدالرحمن عبدالرحمن بابتسامه / يحبك تسبقين الاحداث البنت سعودي وغاده معجبه فيها وهي الي ترجتني اخطبها لاخوها وابوها نعم الرجال نوره ارتحت شوي / بدري على الزواج باقي له سنتين عبدالرحمن / اذا اهلها وافقو يملك الحين والزواج لا تخرج مثل ماسوينا مع خالد اهم شي ترتاح نفسيته ويقدر يدرس زين موتشغل تفكير نوره باستسلام / الله يكتب له الصالح عبدالرحمن / امين جهزي اغراضك بالليل بنسافر عنده عدنان كان مستمع نط لما سمع عن السفره عندنا / يبه دخيلك بسافر معكم اليوم اخر يوم امتحانات عبدالرحمن / جهز اغراضك عدنان فرحان بموافقة ابوه / ان شاء الله بشتري هديه لغدويه كل ماسافرت جابت لي عبد الرحمن / وش ناوي تشتري لها خذ الي تحتاج |
رد: غرام وانتقام في بريطانيا شقة صلاح منقهر من غاده من الي صار وتطنيشها له وتركته واقف عند الباب وبنفس الوقت معجب فيها انها محافظه على نفسها قرر يكلم نواف يقوله عن غاده وانه يبي يتزوجها يبيه يساعده يقنع ابوه لان ابوه يقتنع بكلام نواف مسك جواله ودق على اخوه عند نواف كان في البيت جالس عند الجوهره وبنته شاف رقم اخوه نواف / ياهلا بالغالي صلاح / الله يحيك وش اخبارك واخبار البنوته وامها نواف / كلنا بخير نسال عن احوالك صلاح / متصل ابي اكلمك بموضوع ضروري طالع نواف في الجوهره المشغوله مع بنتها قام وطلع برا الغرفه ودخل الصاله نواف / الحين جالس بالحالي قول وش عندك صلاح بتردد / ابي اتزوج نواف بانفعال / خير ما سمعت من الي لعبت براسك وقررت تتزوجها صلاح / غاده بنت عمي عبد الرحمن ابو خالد نزل الخبر على نواف مثل الصاعقه ماكان متوقع ولا واحد بالمية ان حبيبة صديقة يتزوجها اخوه مستحيل يرضى يحطم قلب فيصل نواف بعصبية / قلو البنات ما لقيت الا غاده مستحيل اوافق تتزوجها لو اشوفك ميت قدامي بوقف ضد هالزواجه صلاح بعصبيه / ليه وش فيها غاده تشك بتربية عمي ابو خالد نواف بيكرهها بعين اخوه / تدري منهي غاده الي بتتزوجها هذي قويه صلاح باعجاب / وهذا الي عاجبني فيها نواف بجديه / وش تعرف عنها البنت ما تصلح لك ولو اخر بنت مستحيل اخليك تتزوجها صلاح بعصبية / وش شايف عليها الي اشوفه محترمه وتخاف ربها نواف بقوة / تدري انها منحاشه ليلة عرسها وتدري انها خالعة زوجها وتدري ان زوجها فيصل صديقي الي للحين يحبها ويشرق لنذكر اسمها صلاح انفجع من اعترافات اخوه مستحيل يصدق ان البنت الي اجذبته بنعومتها ورقتها تسوي كل الي يقوله اخوه نواف / ليه ساكت صلاح بتشكيك / نواف مستحيل غاده تسوي كل ذا يمكن صديقك يتبلى عليها نواف اوجعه قلبه وحس بنبرة الحب من اخوه / انا من حضر زوجها وانا من كان بالفندق يوم انحاشت وقريت رسايلها وهي تستخف فيه وانا الي موديه المستشفى وهو منهار بصباحيته وش تبي اكثر من كذا اثبات صلاح باصرار / قول الي سوته مابي كلمات مشفره نواف / قال له كل الي سوته غاده بفيصل وعن حب فيصل لها الي يعاني فيه للحين صلاح اوجعه قلبه على فيصل صلاح بصدمه / كل هذا مسويته نواف / ايه ومستحيل ابوي يوافق عليها لانه داري بكل شي صلاح بحزن / انا خلاص تراجعت عن الموضوع مستحيل اتزوج وحده فيها كل الي قلته نواف اوجعه قلبه على اخوه / شيلها من عقلك ياخوي وانتبه لدراستك البنت بدالها مليون بنت صلاح / فمان الله نواف سكر من اخوه ورجع للجوهره وقلبه ماكله على صلاح جلس عند الجوهره وهو باله مشغول ويسرح الجوهره خافت / نواف وش فيه اخوك نواف / مافيه شي عنده مشكله بالجامعه وبتنحل ان شاء الله بريطانيا عند صلاح سكر من اخوه وهو مصدوم من كل الي قاله له معقوله الانسانه الناعمه الرقيقه تجرح بانسان وتهينه كل هالاهانه ومع كل ذا يحبها لو انها مسويه كل هذا فيه كان ما تردد انه يذبحها بالديره عند جاسم يحاول يشغل نفسه من بعد مكالمتها له بمراقبة العمال وتنظيف الاسطبل والخيول مع العمال يبي يتعب علشان بالليل من الارهاق ينام ويريح عقله من التفكير فيها على المغرب دخل على امه وجداته لقاهن جالسات على قهوة المغرب جلس وهو تعبان منهد حيله طالعته امه ورحمته متاكده ان الي يسويه هروب من التفكير فيها ام جاسم / يمه اجيب لك شي تاكله جاسم رحم امه وهو مقرر جروحه له بروحه / ايه يالغاليه ذابحني الجوع ام جاسم وهي فرحانه قامت وجابت له فطائر مشكله مع عصير ام جاسم / اذا لي خاطرعندك تاكلهم كلهم جاسم يبتسم بحزن / اكيد زين ماكل معهم الصحن اخذ فطيره من الصحن وهو ياكلها يحس كانه يبتلع شوك بحلقه التفت لامه / يمه اذا فيه اكل جهزيه بوديه للعمال ام جاسم / أي يمك الخير واجد وفيهم اجر تغصب جاسم على الاكل وهو يحس بمرارة الاكل خلص الصحن رضاء لامه ام جاسم فرحت لما شافت مخلص صحنه ام جاسم / يجعله عافيه عليك جاسم بابتسامه / تعافيك قامت ام جاسم تطلب من الشغالة تجهز اكل للعمال ولحقها جاسم اخذه منها وطلع فيه يتبع |
رد: غرام وانتقام بالطائف عند هند نايمه بغرفتها قامت علىطق الباب كانت الشغاله الشغاله / مدام خالد يقول فيه ينزل تحت فيه رجالبالمكتب هند رفعت نفسها على السرير / قول له نازله طلعت من عندهاالشغاله ودخلت الحمام اخذت شور ولبست عباتها ونقابها وانزلت تحت قابلتها غاده عندالدرج وكانت هنديان واقفه متوتره قربت هند من هنديانا الي واضح عليها التوتر هند تبتسم / هنو شكل حبيب القلب الموجود وقالب حالتك هنديانابادلتها الابتسامه / ايه خفي عليه هند / ههههههه لا بخليه يعرف ا ن وراكناس ما يتجرء يزعلك انت بمثابة غاده اختي وانا معتبره نفسي امك قربتهنديانا وضمت هند وصارت تبكي / ربي يخليك ياهند ولا يحرمنا منك هند / ههههههههه ما خبرك حساسه ورقيقه قلبك الحب هنديانا بحيا / ادخلي عندهتاخرتي عليه تركتها هند ودخلت المكتب شافت رجال اسود البشره نحيف وكان خالدموجود معه اول ماشافها وقف احترام لها هند بهيبتها / السلام الكل / وعليكم السلام قربت للمكتب وعلي باقي واقف اشرت بيدها تطلب منه الجلوس هند / استاذ علي تعرف ليش طلبتك علي بفرح واضح في وجهه / ايه بخصوصزواجي من هنديان بنت عمي حب طفولتي هند بجديه / هنديانا غاليه عندي فوق ماتتصور لو يوم زعلتها انا الي بوقف بوجهك وبكون حسابك معي كبير علي / الله لايجيب زعل بينا ازعل روحي ولا ازعلها هند / شوف استاذ علي انا ما قدر استغنيعلى هنديانا بتقبى بوظيفتها عندي وانت بدور لك وظيفه تكون معها بديقارد وشريتلكم فله ما ثثتها لكم وكل شي من تكاليف الزواج علي وحجزت لكم باغلى صاله وكل شي مناحسن مايكون علي دمعت عيونه مو مصدق / مدري وش اقول معندي كلام يوفي حقك هند / عندك مانع الزواج والملكه بالاسبوع الجاي بعد ماتخلص تحاليلكم علي بفرح والابتسامه مرسومه على وجهه / يوم المنى هند / عطيتهااجازه شهرين وشهر عسلكم حجزته والتذاكر مع هنديانا بايطاليا علي / استاذههند والله الي تسوينه كثير هند / كل هذا من غلى هنديانا عندي وهي مخلصهبشغلها وعرضت نفسها للخطر علشاني علي / ان شاء الله اكون قد الي سويته علشاني هند / ان شاء الله اتمنى تلحق تسوي التحاليل لان من بكره بتسوي هندياناالتحاليل وتتجهز لزواج وانت خذ هالظرف وجهز نفسك نبيك احلى معرس لحلى عروس علي / لا مايحتاج خيرك سابق هند بعصبيه / هدية هند ما تنرد واذاانردت اهانه لها واتوقع ماستاهل الاهانه منك اخذ منها الظروف وهو يرتجف خوفمن نبرة العصبيه علي / ماعاش من يهينك ومقبولة هديتك هند / يله انتهتالزياره شوف اشغالك طلعت وتركته بالمكتب وهي طالعه استقبلتها هنديانابارتباك هنديانا بارتباك / طمنيني وش صار هند بابتسامه / كل شيتمام تطمني الخبل يحبك اكثر من حبك له لو قلت له ارم نفسك بالبحر وازوجك هندياناسواها هنديانا بفرح / ههههههههههه حبنا كبر معنا يااااااااااه ياهند ماتتخيلين فرحتي وسعادتي ان حلم حياتي بيتحقق بفضلك ابوي كان رافضه على انه ولد اخوهلانه فقران ما يملك شي هند / الفضل لربي وابشرك بيلزق فيك شغلته معكبديقارد هنديانا دمعت عيونها من كثر السعاده الي تحس فيها / الله يسعدكياهند وينولك الي في بالك هند بجديهلا/ اطلعي مع غاده اشتري شغلات الزواجوملابس تلقيق بهنديانا ماعرف بشغلات هذي وكلت فيهم غاد بالنيابة عني ولا اوصيك بيضيوجهي مع علي هنديانا / ابيض وجهك دايم هند / بطلع افسخ عباتي وبمر علىغاده اقول لها عن السوق طلعت هند لغرفتها نزلت عباتها ونزلت تحت لقت صوتبالمطبخ شافت غاده تشتغل هند بجديه / اموت وعرفك ما ترحمين نفسك من المطبختراك حامل وانا اخاف على ولد اخوي غاده / قلت اسوي عشاء لضيوف خالد هند / فيه طباخه قول لها الي مشتهيته وهي تطبخ غاده / خلودي فديتهيحب طباخي خفي علي لاتبلشيني مثل اخوك ما صدقت انه انشغل عني الي يشوف يقول اولوحده تحمل هند / كله خوف عليك يالخبله الحين اتركي الي بيدينك وروحي معهنديانا السوق واشتري الي تحتاجه غاده / اتفقتي مع على على كل شي هند / ان شاء الله بعد التحاليل بيملكون ويتزوجون على الاسبوع الجاي غاده بفرح / وواو وناسه من زمان ماحضرنا زواجات هند / بيكون خاليوخالتي واهلك فيه غاده بفرح / ونااااااااسه هنوده وش رايك تجيبين جداتكوبيت اهل مطلق هند / جداتي ناويه اجيبهن قبل الحج ناويه احج وحججهن معيواكسب اجرهن غاده / زين تسوين الله يكتب لك الاجر هند / اللهم امين طلعت بالصاله لقت خالد جالس يتابع التلفزون قربت من عنده هند / خالدابي اعتمر متى تفضى خالد / أي وقت تبين انا حاضر هند / بكره بالليلباذن الله علشان الصباح نكون هنا خالد / ان شاء الله وش صار بالعشاء هند / غاده بالمطبخ تسويه لك تقول فديته خلود يحب طبخي عاد انا طردتها منالمطبخ والطباخه تكمل الشغل خالد / ياشين النحاسه انتي لا ترحمين ولا تخلينرحمة ربي تنزل هند بجديه / انتبه عليها تراها حامل وتحتاج لراحه خالد / ان شاء الله جدتي البارت التاسع والاربعون بالرياض بيت عبدالرحمن نوره وصلاح ينتظرون عبدالرحمن باقي ساعه على موعد سفرهم دخل عليهم عبدالرحمن / جاهزين نوره / ايه ليش تاخرت عبدالرحمن / عندي شغل ضروري بالمكتب خلصته وبعده مريت على ابو بسام قلت له عن طلب هند نوره / وش كان رده عبدالرحمن / وافق كان بيسافر برى مع اهله ويوم قلت له وافق لكن قال بيستشير ام بسام نوره / اترك ام بسام علي بقنعها عدنان بحماس / تاخرنا كملو السوالف بسياره عبدالرحمن / متاكدين من اغراضكم نوره / ايه طلب عبدالرحمن من الشغاله تشيل الشنط لانه بيسافرون من بريطانيا لطائف مراح يمرون لرياض بيطلبون من محمد يسفر الشغاله والسواق لطائف عند هند بيحتاجونه بسفرهم لطائف طلعو ركبو سيارتهم متجهين للمطار في بريطانيا في شقة فهد غاده / فهود ماقالك خالي متى بيجي فهد بقلق / لا لكن على وعده بكره بيكون عندنا غاده تبتسم / افرح ياعريس فهد بخوف / ماني بمرتاح لين تصير الملكه اخاف ابوها او امها يرفضون لانها وحيدتهم غاده / ندى تحبك بتقنعهم فهد / مدري حاس بخوف وتوتر وقلق غاده بحب / فهود وكلها على ربك الخوف لا بيقدم ولا بياخر واذا ربي كاتبها لك بتاخذها لو الكل رافضين والعكس فهد / بدال جلسة التوتر اش رايك نطلع نتعشى برا غاده / أي والله حاسه بخنقه من جلست البيت فهد / بسرعه البسي تركته غاده ودخلت لغرفتها البست لبس ساتر كالعاده وحجاب طلعت لفهد وطلعو برا الشقه صادفهم صلاح على الدرج وعيونه مركزه على غاده الي منزله عيونها صلاح في نفسه / من يصدق ان الي قدامي فيها كل الي سمعته من نواف صدق الاشكال خداعه صلاح / مساء الخير وين طالع بذا الوقت فهد / مساء النور طالعين نتعشى برا نزلت كالعاده ماعبرته ولا ردت على كلامه صلاح منقهر منها في نفسه / على بلاويها شايفه نفسها ماكون صلاح ان مكسرت غرورك فهد / اسمح لي مابي اتاخر على غاده نزل فهد وصلاح يغلي من القهر بسبب غاده الي ابعدت صديقه عنه قبل لاتجي ملازمه مثل ظله ويوم جت صار معاد يشوفه نزل فهد لقى غاده تنتظره عند الحارس مسكها بيدها وركبو بالسياره وصلو لمطعم ايطالي طلبو بيتزا بالخضار بعد ماخلصو رجعو للبيت عند فيصل كان بسيارته مهموم على حاله وحال اخوه وصل لرياض قرر يمر نواف بالمستشفى وصل لمستشفى ودخل غرفة نواف مالقه طلع للكفتريا لقاه جالس يشرب كوفي قرب منه فيصل / السلام نواف فز لما سمع فيصل توقع انه يطول بديره قام اخذه بالاحضان نواف / شلونك وشلون جداتك عسى ماتاثرن كثير بوفاة عيالهم فيصل / صابرات ومحتسبات الاجر نواف / وبنته وش سوت فيصل / تصدق ان هتلر انهارت يوم درت عن موت ابوها نواف مستغرب / لا والله ماصدق فعايله ماتخليه حتى تبكيه شلون تنهار علشانه فيصل / اموت واعرف ردت فعل اختها شلون استقبلت موت ابوها نواف اوجعه قلبه وهو يتذكر مكالمة اخوه صلاح وتذكر كلامه يوم يقول مستحيل احد يشوفها ولا يخطبها والمصيبه الي يبيها اخوه شي ولا بالاحلام اخوه وصديقه متعذبين من نفس البنت قطع عليه تفكيره فيصل / وش رايك نطلع لبيتكم مشتاق للقرده بنتك وامها نواف / ماقرد غيرك في الرياض بيت نواف ام نواف جالسه مع الجوهره وبحضنها حفيدتها تلاعبها ام نواف بعد مارجعت الجوهره لبيتها ماتتركها الا وقت النوم يكون نواف موجود ينام عندها ام نواف / يمه انتي صايره ماتاكلين ترى مو زين لنفاس الجوهره / ياخاله مالي نفس احس بكتئاب وحزن من غير سبب ام نواف / يابنتي هذا الشي طبيعي يمر بنفاس دخل عليهم نواف نواف / يمه فيه عشاء فيصل معي الجوهره فرحت / متى جاء من الديره نواف / له ساعه مرني بالمستشفى والحين جالس بالمجلس ام نواف / الله يحيه في بيته والعشاء جاهز كنا ننتظرك الجوهره قامت وطلعت للمجلس لقت فيصل سرحان قربت منه وبصوت عالي / بوووووووو فيصل فز متروع / مجنونه متى تعقلين والمصيبة صايره ام الجوهره / قوم سلم بدال ما تهاوش فيصل قام وسلم عليها / وش ذا الاستقبال لاخوك الجوهره / من زمان عنك قلت استقبلك استقبال سبشل فيصل / الله الغني عن استقبالك الجوهره / من الي ماخذ عقلك ياخوي فيصل بحزن / من غيرها الا اقول ماكلمتك ماعندك خبر عنها الجوهره / لا الخايسه شكلها نستني فيصل تنهد وبحزن / ماخايس غيرك ما تدرين من الي تحبه الجوهره بتضيع الموضوع / شخبارها امي وجداتي وخبار هند فيصل / امي وجداتي بخير وخوك طلق هند الجوهره بصوت عالي / شنوووووووووو فيصل بحزن / الي سمعته الجوهره / شلون وهو يحبها فيصل بالم / بنات عمك يعرفن الحب هي غصبته يطلقها الجوهره / لا حول وهو شلون نفسيته فيصل / جالس هناك بغرفتها عايش مع الاطلال ذبحته هند مثل ماذبحتني اختها الجوهره بحزن / فيصل تزوج يا خوي حبك لغاده محكوم عليه بالاعدام تدري ان اخو نواف كلمه يبيه يتوسط بيخطبها فيصل فز واقف وصار يصرخ / نوووووواف نواف كان داخل عند بنته خاف يوم سمع صراخ فيصل ركض له بالمجلس نواف وصل لعندهم شاف وجه صديقه احمر من العصبيه قرب منه / خير ياخوي وش فيك فيصل / صدق صلاح اخوك بيتزوج غاده طالع نواف بالجوهره بنظرة لوم وعتب نواف / ايه فيصل بعصبية وصراخ / قلو البنات مالقى الا غاده امنعه يا نواف مابي اذبحه وتخرب صداقتنا انا حالف ما ياخذها غيري وان فكر لذبحه الجوهره انسحبت من المجلس وهي خايفه من نواف الي اكد لها انها ما تقول لفيصل لكن لسانها زل نواف قرب منه وحط يده على كتفه / ارتاح لا تعصب يصير لك شي فيصل بوجع وحزن / ليه يا نواف توافق اخوك وانت عايش حبي لها يكبر يوم بيوم قدام عيونك شوف حالي ياخوي نواف بجديه / تطمن مستحيل ارضى لصلاح ياخذ غاده وانا كلمته واقنعته وقلت له كل شي وهو صرف فكره عن الموضوع تطمن لو اخر بنت ماسمحت لخوي ياخذها وقلبك متعلق فيها فيصل ارتاح / هذا العشم فيك يانواف نواف بجديه / انساها يا فيصل صلاح وقدرت اصرفه عنها لكن اذا خطبها غيره شلون بنصرفه وحنا ماندري عنها كبر عقلك ياخوي مصيرها بتتزوج تزوج وانساها فيصل انتفض / والله مدام فيني عرق ينبض مستحيل اتركها لغيري لو حياتي الثمن انا اعتبرها زوجتي ومستحيل اتزوج غيرها نواف / اصحي غاده خالعتك والخلع مثل الطلاق لا تكذب وتصدق كذبتك فيصل بعصبيه وبوجع / اااااااااااه لازم تذكرني بوجعي واني معيوف ومخلوع من حياة الانسانه الي ملكة قلبي و عشقتها حتى الجنون ااااااااااااه احبها واموت فيها يا نواف وربي من عرفتها وانحرمت منها والدنيا سوداء بعيني اعيش معكم جسد بدون روح تدري اني نقلت فرع شركتي لبريطاني شفت شلون حبها ضعفني مثل الغريق الي متمسك بقشه ابي اكون بالمكان الي هي فيه يمكن المحها واشوفها وترد لي روحي والله يا نواف لو بايدي انتزعت قلبي الي راضي بالمذله ورميته لكن مو بايدي نواف مستمع وهو من داخله متوجع على حال جاسم وفيصل نواف / وسع صدرك ياخوي ما تضيق الا تفرج ماتدري يمكن تكون نصيبك فيصل بوجع / انا نذرت لصارت من نصيبي كل الي املكه بسجله باسمها يكفيني اني املكها نواف بعصبية / مجنون وحبك بيضيعك ويدمرك فيصل بحزن / يويل حالي لصارت لغيري نواف / تعوذ من ابليس وتعال نتعشى فيصل استسلم لنواف ودخل معه لغرفة الطعام جلس على الطاوله منسده نفسه لكن جامل نواف فيصل / نواف وين بنام لاني تعبان من السفر نواف / بغرفة الضيوف جاهزه تنتظرك تنورها فيص يبتسم بالم/ تعال نام معي تسليني وترك الجوهره عنك نواف بحب / ما صدقت تنور بيتي تبيني اتركها واقابلك فيصل / شخبارها بنتك ترى حدي مشتاق اشوفها اذا صاحيه هاتها بلعب فيها شوي نواف / وش قال لك بنتي لعبة تلعب فيها فيصل / الي يسمعك يقول اول واحد تجيه بنت جيبها بلا كثرت حكي قام نواف وجاب بنته لفيصل لعب معها شوي وبعدها اخذها نواف ورجعها لامها قام فيصل ودخل غرفة الضيوف انسدح على السرير وكل خليه بجسمه تنزف وجع وشوق لحبيته الي منقطعه اخبارها عنه يتبع |
رد: غرام وانتقام بالديره عند جاسم بعد ماصلى العشاء طلب من العمال يتركون الشغل ويرجعون بكره بدري لانه منهد حيله ما يقدر يكمل معهم دخل البيت وهو تعبان طلع فوق من غير لا يمر جداته وامه طلع المفتح من جيب بنطلونه وفتح الباب ودخل غرفته الي محرم على احد غيره يدخلها نزل حذيانه ورمى نفسه على السرير بلبسه ومن الارهاق والتعب نام في الطائف عند خالد دخلو الشباب القصر منبهرين من جماله وكبره بحياتهم مادخلو قصور بهالمستوى الراقي استقبلهم خالد بترحيب ودخلهم المجلس بداية الجلسه كانو مستحين وشخصية خالد اقلبت الجلسه لسوالف وضحك خالد / وش رايكم شباب قبل العشاء تشوفون سكنكم اذا بتغيرون فيه شي مطلق / اكيد بيعجبنا مشعل بمزح / نحب ايدينا مقلوبه من بيت بالديره لفله بالطائف اقرصني مطلق ابي اصدق مطلق قرصه قرصه قويه مشعل / وجع قطعت لحمي امحق ولد خاله وليد / ههههههههههه تبيني اقرصك مستعد مشعل / لا وراي مستقبل تبيني اتزوج ناقص لحمي خالد / ههههههههههه تستاهل انت الي تبيي تنقرص مطلق / وانا مابي اخلي شي بنفسك وليد بجديه / ما شاء الله عليكم كانكم اخوان وربي تدخلون القلب بسرعه خالد / والله انك صادق مشعل / اخجلتونا الطيور على اشكالها تقع وعلى قولة المصرين حلة ولئت غطاها خالد / هههههههه يله مشينا نشوف الفلل ترها قريبه من القصر ما يحتاج لسياره وليد / زين علشان اهلنا يتعرفون على بعض قامو وطلعو مع خالد وشافو الفلل الي بيسكنونها كلها نفس التصميم ثلاث فلال سورهم واحد مقسمه بينه بجدار وفله بعيده عنهم قريبه من قصر هند مختارتها لهنديانا وزوجها تبيها تصير قريبه منها انبهرو بالفلل وبالديكور من غير اثاث وفيه عمال يشتغلون يسون بعض التعديلات والتغيرات الي طلبتها منهم رجعو مع خالد للقصر وهم مبسوطين بالسكن الراقي لهم ولهاليهم ما توقعو في يوم من الايام بيسكنون بيوت بهالمستوى دخلو كان العشاء جاهز تعشو ورجعو للمجلس عند هند جالسه بالصاله فاتحه لاب توبها وفتحت مواقع عالميه انصدمت من الخبر المنشور بالجرائد العالميه تم كشف العصابة التي تسببت باغتالت المنيونيره هند الفهد والفضل لاحد افراد العصابه زياد ال... ولكن للاسف دفع حياته ثمن كشفه للعصابه رفعت جواله وتصلت على خالد الي كان بالمجلس خالد لما شاف رقم / شباب البيت بيتكم دقائق وجايكم دخل شاف هند شكلها متغير قرب منها خالد / وش فيك مدت عليه الاب توب وصدمته اكبر من صدمتها كيف زياد هو الي كشفها وين كلام جاسم انه بيكشفهم خالد بعصبيه / معقوله جاسم كان يلعب فينا هند / خل جاسم عنك كان محترم معي ومثل ماتزوجني مثل ماطلقني خالد / ابي افهم شلون زياد يكشفهم وهو الي اغتالك هند مستغربه / منو قال انه زياد خالد / اجل من هند / لما صوب علي المسدس قال هذي من عامر وهذ ماعرفه ولا قد تعاملت معه يمكن كان زياد وسيط بينا وحاط اسمه على الاوراق مدري اهم شي انزاح الخطر خالد بفرح / اللهم لك الحمد هند بجديه / لازم تعلنون ان وفاتي كانت اشاعه لمتى بابقى ميته عند الكل خالد / انتظري شوي لا نستعجل خلينا نتطمن اكثر هند بعصبيه / اسبوع اقصى حد ولا انا الي بتصرف خالد ضمها من قلب / وربي لسوي حفل بهالمناسبة لا صار ولا ستوى وخلي العالم الي حضرت وفاتك تحضر رجوعك هند بحب / مابي حفلات ياليت تتصدق فيهم خالد / ان شاء الله كم هند عندنا يله بروح لرجال تاخرت عليهم هند جالسه تفكر ومحتاره وفي نفسها / ليش زياد كشف العصابة وش اسبابه وهو اول المستفيدين من اغتيالي وتغير تفكيرها لجاسم معقوله انه مستغل الي صار لصالحه لكن ماستفاد شي مني الا التجريح وللحين بنت بنوت وش يدريني اني بنت بنوت هند خافت من تفكير وسواس ان جاسم معطيها منوم وداخل عليها انرعبت من هالفكره شلون بتتاكد وهي بتفكيرها المدمر دخلت غاده وهنديان محملات باكياس اخذت هنديانا الاكياس لغرفتها وغاده دخلت لصاله لقت هند سرحانه قربت وجلست على الكنب غاده / هنوده وش الي شاغل تفكيرك هند مدت لها الاب توب فرحت غاده من الخبر وقربت من هند وضمتها غاده / اللهم لك الحمد غمة وانزاحت المفروض تفرحين هند بخوف / غاده جاسم استغل الازمه لصالحه غاده / وش استفاد وانتي مثل مانتي هند بجديه / وش يدريني يمكن منومني وحقق هدفه من زواجه غاده / محلوله امشي معي لدكتوره نسائية تكشفين عندها وهي تثبت لك هند بعصبية / هذا الي باقي اعرض نفسي للفضائح والقيل والقال غاده بهدؤ / اجل وش الحل بنظرك هند بامر/ جيبي الدكتوره هنا بالقصر ويصير كل شي سكات غاده / اهم شي نلاقي دكتورة ثقه وانا هنا ماعرف هند / ماتعرفين دكتوره نسائية غاده / لي زميله قمة بالاخلاق تشتغل بمستشفى ال ...... لكنها برياض وش بيجيبها هنا هند باصرار/ حاولي فيها وادفع لها الي تبيه مابي اعيش بشك بيذبحني غاده بجديه / واذا صار الي خايفه منه تراه كان زوجك وهذا من حقه هند بعصبيه / والله والي خلقني لو الي خايفه من صار ليحفر قبره بايده وخليه يلعن الساعه الي استغفلني فيها غاده / خلاص بكلم المستشفى الي تشتغل فيه واترجاها تجي وبطيارتنا هي وزوجها هند / بسرعه كلميها وقولي لها بكره تكون عندي مابي اجلس على اعصابي طلعت غاده من عندها ودخلت لغرفتها واتصلت على رقم المستشفى وطلبت منهم تحويلها على الدكتوره عرفتها على نفسها ورحبت الدكتوره فيها وطلبت منها تجي ضروري لطائف لانها حامل وتعبانه اعتذرت لكن مع اصرار غاده وافقت تجي ويكون زوجها معها الدكتوره طلبت انها تجي بدري لانها بترجع بدري عندها عمليه بالليل وافقت غاده واخذت منها رقم جوالها قفلت من الدكتوره وطلعت لهند الي جالسه تحرق باعصابها غاده بابتسامه / ابشري بكره الظهر وهي عندك هند بقلق / ماتقدر تجي الصباح غاده / برسل لها رسالة جوال وقول لها ان الحجز الصباح هند بجديه / تكونين معها اذا كشفت علي وتقولين لها الحقيقة مابي تشويه سمعه غاده / من عيوني انتي ارتاحي انا ثقتي كبيره بجاسم مستحيل يسوي الي براسك هند / اصلن طريقة زواجنا واجباري بالمنوم اني اروح معه يخليني اتوقع منه أي شي غاده / اطلعي ونامي وارتاحي وبكره يصير خير ان شاء الله هند بحب / تعشيتي غاده / ايه هند / شريتي فستان الزواج لهنديانا غاده / رحت للمصممه وخترت لها فستان فخم وبعد يومين بنستلمه هند / متى بتخلصون غاده / اليوم خلصنا الاساسيات باقي شغلات بسيطه هند / لازم تخلصون قبل الاسبوع الجاي غاده / ان شاء الله هند / انا بكره بعتمر تعتمرين معنا غاده / اكيد احد يرفض العمره متى ناويه هند / بالليل ويعتمد على الي بتقوله الدكتوره اذا طمنتني ان كل شي مثل مابي عمرتنا بنفس الموعد واذا صار العكس باجلها لين اتفاهم مع جاسم وابرد قلبي فيه غاده / خلاص بدخل غرفتي بنام هند / لا تنسين ارسلي لدكتوره رساله قبل لا تنامين غاده / ا ن شاء الله دخلت غاده غرفته نزلت عباتها اخذت شور ونامت عند خالد دخل عند الشباب والابتسامه مرسومه على وجه متشقق وفرحان من الخبر الي سمعه خالد / السموحة على تاخري مشعل / اشوف البسمه شاقه حلقك خالد / اللهم لا حسد مطلق بمزح / ترى ولد خالتي نضول وليد / ههههههه اجل يبينا نسكر عيونه مو بايعين عمرنا مشعل / اقول لا تخلوني اعطيكم عين بدال ماتصير مطلق تصير مزنه خالد ووليد / هههههههههههههه خالد / يا طويلين الاعمار الي مفرحني ان العصابة الي كانت تهدد هند تم القضاء عليها وذا الاسبوع بننشر بالجرائد المحليه والعالميه ان وفاة هند اشاعه مطلق سرح فيها مو راضيه صورتها تنمسح من باله كل ماجاء طاريها كانه يشوفها قدامه وهو عارف انها بعيده عنه بعد السماء عن الارض وليد / ياخوي قولنا ليش العصابة تبي تتخلص من هند اذا مافيه احراج خالد / مافيه احراج الي سوته هند معهم يخليني امشي رافع راسي عصابة كبيره اساس شركتهم غسيل اموال ومخدارت كانو يبون تصير شركة هند تبع لشركتهم ومكمله لها عرضو عليها مبالغ خياليه ولما تاكدو من رفضها هددوها بالقتل وقفت بوجيهم ولا اهتمت بالتهديد بعد سنه من اللقاء معهم لحقوها وهي رايحه لا جتماع وصار الي صار اضطرينا ننشر خبر وفاتها غصب عنها وهي ماتدري هند ما تعودت الهروب مستعده توجهم لو اخر يوم بحياتها وليد باعجاب / يحق لك ترفع راسك فيها مشعل / وانا اشهد اخت رجال وبنت رجال عرضت حياتها للخطر تمنع هالسموم عن شبابنا مطلق جالس مستمع وزاد اعجابه اكثر لهند مطلق في نفسه / كامله والكامل وجه الله شكل وفعل الله يهنيك فيها ياجاسم ويرزقني زوجه مثلها يتبع |
رد: غرام وانتقام عند هند جالسه على الكنب وفكرها مشغول وهي تفكر بالخطط الي تربي فيها جاسم وتخليه يلعن الساعه الي تزوجها فيها متاكده وواثقة ان جاسم مستغل الي صار لصالحه وهي ما تنكر انها كانت تنام نوم ثقيل ما تعودت عليه اكيد السبب جاسم تذكرت لما كانت تقوم وملابسها مقلبوبه تاكدن ان الي سوى هالشي جاسم هند في نفسها / ياويلك مني ياجسوم النذل ان مربيتك وخليتك تتمنى الموت ولا تلقاه وخليك عضة وعبره لكل من يستغفل هند الفهد كله مني شلون صدقته وانا بعمري ما وثقت باحد قال ايش قال حلوف شلون وثقت فيه من بعد الي سواه بليلة عرسه حست بصداع بسبب التفكير طلعت لغرفتها اخذت شور دافي يريح اعصابها طلعت لبست بجامه وانسدحت على سريرها حاولت تنام ما قدرت حاولت تشغل نفسها عن التفكير نزلت وجلست بالحديقه لين يجي موعد الدكتوره جدران القصر تخنقها نزلت وطلعت بالحديقه انسدحت على المرجيحه تراقب النجوم والهدؤ مالي المكان وهي بتاملها نامت في بريطانيا وصل عبدالرحمن وعايلته شافو الوقت متاخر على زيارتهم لفهد وتعبانين من الرحله الطويله قرر عبدالرحمن ياخذ فندق ينامون فيه اليله وبكره العصر يكونون عندهم يعرف ان عندهم دوامات ما يرجعون الا العصر وصلو الفندق خذ شور ومن التعب والارهاق نامو نوره بالغرفه مع عبدالرحمن منسدحه على السرير مافيها نوم مشتاقه لفهد وغاده حاولت تغصب نفسها على النوم وبعد التعب نامت وعدنان جالس بالصاله كان رافض السكن بالفندق يبي يروح عندهم على طول انسدح على كنب الصاله ومن التعب نام على وضعه اليوم الثاني الطائف فتحت عيونها على صوت الاذان انصدمت انها نايمه بالحديقه حست بجسمها مكسر من نومتها الغير مريحه قامت ودخلت داخل وطلعت لغرفتها توضت وصلت وطلعت ونزلت عند غرفة غاده وخالد طقت عليهم الباب فتحت غاده هند / غاده ارسلتي الرساله لدكتورتك غاده / ايه بعد ساعه بتكون موجوده هند / صلي وقومي خالد يصلي انتظرك بالصاله لا تتاخرين غاده / ان شاء الله دخلت غاده تصحي خالد الي بالعزر قام لانه سهران مع الشباب هند دخلت المطبخ طلبت من الطباخه تسوي لها شي خفيف مع كاس كبتشينو لانها نامت من غير عشاء دخلت الصاله وتمددت على الكنب تنتظر غاده جابت لها الطباخه الفطور الي طلبته تعدلت بجلستها بدت تفطر وتتغصب على الاكل دخلت عليها غاده غاده تبتسم / وش هالخيانه تفطرين بدوني هند / تاركتك تفطرين مع حبيب القلب غاده / فديته ليكون مانمتي من البارح هند / من يجيه النوم وباله مشغول غاده / انت مكبره الموضوع وهو مايستاهل هند بعصبيه / هو كبير من غير لكبره غاده بجديه / اش فيها زوج ونام مع زوجته اجرم هذا حق من حقوقه عليك وتلعنك الملائكه اذا منعتيه هند بعصبيه اكبر / انا اعتبرها لغتصاب قرب مني بطريقه ملتويه واستغفلني وهذا عقابه كبير عند هند ماتجرء الي اكبر منه يسويها غاده جلست على الكنب وتكلمت بهدؤ بتمتص عصبية هند غاده بهدؤ / استغفري ربك وش اغتصابه انتي حكمتي عليه وانتي للحين ما كشفتي انا متاكده انك ظالمته هند بجديه / اتمنى هالشي لاني مابي اجرم فيه علشان امه ولا هو ماله أي قدر عندي غاده / استعدي تلقين الدكتوره جايه بالطريق الفحص بيكون بغرفتك هند / وش استعد فيه لجت نطلع مع بعض غاده مدت يدها واكلت من الفطائر الي قدام هند هند / خالد وينه غاده / طلع يصلي وبيرجع ينام لانه سهران للفجر هند بعصبيه / بدينا بالسهر وتطنيش الشغل وكيد الي معه بيتركون الشركه اليوم انا بطب عليهم فجئة ويويلهم واولهم خالد اذا مالقيتهم بالشركه غاده / وسعي صدرك يابنت الحلال واتركي الشركه عنك وارتاحي ونامي هند / اقول قومي صحي خالد لاني متحلفه فيه اذا ما لقيته يويله مني غاده بستعطاف / يهون عليك ابو عبدالرحمن تنكدينه على الصباح هند بجديه / ايه يهون الشغل مافيه عواطف ولا كان مانجحنا قومي قوميه لانكد عليه و اقومه بطريقتي غاده قامت / لا والي يعافيك انا الي بقومه بالديره عند جاسم صحى من النوم وهو حاس بجوع له يومين ماكل شي شاف نفسه نايم بلبسه دخل الحمام اخذ شور وتوضاء طلع من غرفته وقفلها وحط المفتاح بجيبه عمره ماهتم بغرفته ودايما مفتوحه جاسم بنفسه / معقوله بعيش على طيف ذكرى بتنتهي مع الزمن يارب قوي قلبي ورزقني نسيانها في الطائف طلعت غاده من غرفتها لقت هند بالصاله غاده / هنوده الدكتوره قريب من هنا بسرعه روحي لغرفتك مابي خالد يشك بشي هند بجديه / طالعه اياني وياك خالد يعرف بشي الشي هذا سر بينا غاده / فهمنا بسرعه اطلعي طلعت هند لغرفتها وغاده تحت سمعت صوت الجرس كان الدكتوره ومعها زوجها طلبت من السواق عمران يدخله بالمجلس ويقوم بضيافته لان خالد بيطلع لشركه غاده اخذت الدكتوره لغرفة الجلوس وضيفتها غاده / شخبارك سميره سميره / بخير انتي شخبارك مع الحمل غاده / الحمدلله بخير سميره / يله دخلني بغرفتك بكشف عليك غاده مستحية وبتوتر / مو انا المريضه سميره عصبت / ما توقعتك كذا غاده مطققتني مشوار وتاليته تكذبين علي غاده / السموحه منك والسالفه كبيره لولا ثقتي فيك كان ماطلبتك سميره / قولي الي عند غاده بحياء/ حكت كل شي من زواج هند الصوري لين خوفها يكون جاسم مستغفلها سميره مستغربه/ ماعقوله ماتعرف اذا كان دخل عليها او لا فيه علامات توضح اذا تم الدخول او لا غاده / انا متاكده انها بنت لكن هي تبي تتاكد زوجها انا واثقه فيه انه مستحيل يخل بحلوفه سميره / وينها بكشف عليه لاني مستعجله برجع غاده / تعالي معي فوق بغرفتها طلعت الدكتوره مع غاده لغرفة هند الي كانت على اعصابها من تاخير غاده والدكتوره الدكتوره تفاجئت من جمال هند الخيالي الي مستحيل أي رجال يملك القوة انه يقاومها فكيف وهو زوجها فكانت شبه متاكده من صحة شكوك هند انسدحت هند على السرير استعداد للكشف وطلبت من غاده توقف بعيد شوي بعد دقائق خلصت الدكتوره كشف وهند وغاده على نار الدكتوره بابتسامه / بنت بنوت هند بشك / متاكده الدكتوره / ايه هذي شغلتي تنفست هند براحه / الله يبشرك بالخير وبشارتك علي ما تتخيلين اش كثر شلتي هم من على صدري الدكتوره / تسلمين ما نبي الا سلاماتك هند بجديه / هدية هند الفهد ماتنرد الدكتوره خافت من هند / مقبوله قامت هند من السرير وكتبت شيك بمبلغ كبير باسم الدكتوره الدكتوره بققت عيونها من كبر المبلغ لو تشتغل طول عمرها ماجمعته الدكتوره / هذا كثير ما سويت شي يستاهل غاده بجديه / هند الفهد كريمه وانتي تستاهلين ياليت سميره الي صار يكون سر بينا مانبي تشهير وانتي تعرفين العالم وتفكيرهم الدكتوره بزعل / ما يحتاج توصيني هذي اسرار مهنيه مستحيل اقولها وهذي امانه برقبتي تطمني الدكتوره نزلت معها غاده عزمت عليها للغداء لكنها رفضت وقالت انها مرتبطه بشغل نزلت هند متشققه من الوناسه وتحس كانها انولدت من جديد هند / طلعت الدكتوره غاده / ايه شكلها زعلت مني لاني جالسه اوصيها ما تقول شي عن الزياره هند بفرح / كيفها تزعل اهم شي ما طلعت من عندنا الا مضيفينها غاده بزعل / اشوف الفرحه بعيونك شفتي شلون ظلمتي جاسم انا الي ماعرفه وثقت بكلامه وحلوفه وانتي الي عشتي معه شاكه فيه هند / فكينا من سيرته تصرفاته تخلي الواحد يشك فيه المهم تجهزي بنعتمر بعد المغرب غاده / ان شاء الله جهزي اغراضك هند / بجهزها بعدين الحين طالعه بلبس وبروح لشركه غاده / يابنت الحلال ارتاحي هند / راحتي بشغلي الا زوجك الموصون داوم لاني ناويه عليه غاده بابتسامه / ابشرك داوم موتي بحرتك هند / كاني شايفته نايم على مكتبه كل زيارتي لشركه ابي اصيدهم طلعت هند لغرفتها وستغلت الفرصه واتصلت على خالد وقالت له نية هند فيهم عند خالد بالشركه بعد مانهى مكالمته مع غاده طلع لمكتب مطلق مطلق بابتسامه / ياهلا فيك وش عندك زايرنا اليوم خالد / شكل ابتسامتك بتقلب عليك هند ناويه علينا بسبب سهرتنا البارح جايه بتتفقد الشغل وبتصيدنا اذا كنا نايمين وتاركين الشغل تهدد وتوعد مطلق / تطمن عندي ملفات بدرسها والنوم بعيد عني انا يكفيني انام ساعتين خالد / مشعل وينه اشوف مكتبه فاضي مطلق / تطمن هو مشطط على الشغل اكثر مني طالع عند وليد بيجيب بعض الملفات الي نحتاجها خالد / انا راجع مكتبي لا وصيك كلم وليد وقوله يكون مستعد لزيارة هند المفاجئة على طلعة خالد كان بوجهه مشعل معه اوراق خالد يبتسم / اشوفك شاد حيلك ترى هند بطب فجئة متوقعه انك نايم على مكتبك ما تدري انك تشتغل باخلاص مشعل بمزح / يا خي اختك هذي اذا شفتها تجيني ام اركب اخاف يوم اذا شفتها اطب ساكت وتفقدوني خالد / ههههههههههه لا تخليني اوصل لها انك تحش فيها مشعل / لا والي يسلمك ناوي علي خالد يحب مشعل ويحب خفت دمه انسان طيب الي فى قلبه يطلعه لسانه خالد / المره سماح دخل مشعل عند مطلق ودخل خالد مكتبه يدرس اوراق بين ايدينه عند هند بعد ربع ساعه دخلت الشركه وعلى طول لغرفة خالد بتتاكد من تواجده فتحت الباب شافته منغمس باوراق الي قدامه هند / السلام خالد بابتسامه / وعليكم السلام أي خدمه تراني مشغول هند / زين انك تشتغل ربي رحمك مني قوم معي بتفقد الموظفين دخلت مكتب مطلق ومشعل شافتهم يشتغلون هند / السلام عليكم مطلق ومشعل وقفو احترام وتقدير لهند هند بجديه / الله يعطيكم العافيه اجلسو مره ثانية لشفتوني رجاء لتوقفون الي يحترمني يخلص بشغله ما تهمني هالشكليات استجابو لها وجلسو وطلعت مع خالد ودخلت مكتب وليد شافته يشتغل على الكمبيوتر هند / السلام وليد يعرف هند ماتحب احد يوقف لها / وعليكم السلام هند بجديه / اش تسوي على الكمبيوتر وليد / الله يسلمك جتنا رساله من وفد الماني يبون يتعاملون مع شركتنا وجالس اترجم الرساله وبطبعها وبقدمها لك لان حاطين شروطهم اذا ناسبتنا بيجون يقابلونك نهاية الشهر هند بجديه / الله يعطيك العافيه وطلعت راجعه لمكتبها وخالد رجع لمكتبه سئلت سكرتيرتها عن مواعيدها قلت مافي مواعيد قررت تطلع ترتاح وتجهز نفسها للعمره طلعت وصلت للبيت طلعت لغرفتها اخذت شور ولبست بجامتها ونامت في بريطانيا شقة فهد صحى فهد واستغرب ان غاده للحين نايمه طق عليها الباب ما سمع صوت فتح الباب ودخل سمع صوت الماء بالحمام طلع ودخل المطبخ سوى فطور خفيف لهم بعد نص ساعه طلعت غاده وهي فرحانه غاده بابتسامه / فهودي اليوم خالي بيجي ماحد قدك فهد بجديه / سلمي اول ولا داخله على كفار غاده / السلام ولا تزعل قربت من فهد وجلست على طاولة الاكل اخذت كاس العصير وشربته مع قطعه من الفطائر فهد / متى تخلص محاضراتك غاده / 12 وانت فهد / انا بعد العصر اجل روحي مع ندى اذا خلصت محاضرتي جيتك غاده / ماكلمك خالو فهد / لا ماكلمو يمكن انشغلو بامتحانات عندنان غاده تبتسم / فهد وش فيك اليوم زعلان مني فهد ببرود / لا غاده / فديتك وش شاغل بالك قولي فهد بقلق / ما صرت انام من التفكير والقلق اني انرفض ترى صعبة ان الرجال يرفض غاده ماسكه يده بين ايدينها وتضغط عليها / تطمن ضامنه لك الموافقه اذا صاحبة الموضوع موافقه وحابتك مستحيل اهلها يرفضونك لا تنسى انها وحيدتهم يبون يتطمنون عليها مع زوج يخاف ربهم ولا راح يلقون احسن منك فهد / يارب الي تقولين يصير غاده قامت / يله نروح للجامعه لا اتاخر على ندى فهد / يله دخلت غاده لبست حجابها وطلعت مع فهد وصلها للجامعه ودخل محاضرته وهي جلست تنتظر ندى يتبع |
رد: غرام وانتقام في الديره بعد مارجع من الصلاه طلبمن الشغاله تسوي له كبتشينو يبي يصبح على ذكراها الكبتشينو متعلق فيها اخذ الكاسوطلع عند العمال يراقبهم بجسمه وعقله وقلبه عندها جاسم في نفسه وهو يرشف منالكاس / وينك فيه الحين داخل المملكه ولا برى شلون طاوعك قلبك وتتركيني وانا ضعفتقدامك وترجيتك تبقين ياقسوة قلبك ياهند لهدرجه مافيه شي حلو بينا يشفع لي عندكويخليك تبقين شوفيني اشرب من نفس الكاس الي كنتي تشربين منه ونفس الكبتشينوالي حبيته لانك تحبينه ونفذت وصيتك واقف اراقب العمال الي يبنون مدرستك كل هذا مايشفع لي عندك والله الحياه بغيابك مرار كنت مكتفي اني اشوفك من بعيد قول ليوش ذنبي انك من بين كل البنات حبيتك ( اااااه لو الحب رجال لذبحته وارتحت منه ) شوفني اسولف مع نفسي ارحميني من عذاب عشقك تكفين طالبك ارجعي لي البارت الخمسون في بريطانيا دخل صلاح الجامعه ولمح غاده من بعيد جالسه بنفس مكانها قرب منها رفعت راسه شافته واقف قدامها وبعيونه نظرات احتقار مستغربتها لكنها ماهتمت غاده بسخريه / اتوقع ماله داعي واقف عندي فهد بالمحاضره صلاح بسخرية / ابي افهم على ايش شايفه عمرك غاده طنشته ماردت عليه وحاولت تشغل نفسها عنه بالكتاب الي بيدها وكانه مو موجود ولع قهر من تطنيشها / انتي هوايتك التعذيب وتجريح الناس وش ذا الغرور غاده منصدمه رفعت راسها وبسخريه / الاخ يكلمني شكلك غلطان صلاح بقوة / الي مثلك المفروض ماله وجه تطالع بحد وهي منحاشه ليلة عرسها قطع كلامه بكف قوي من غاده الي تنتفض من العصبيه غاده معصبه / هذا الكف ردي على وقاحتك مع اني لوثت يدي فيك والله ولي خلق سابع سماء ان ما تقلعت للم الجامعه كلها عليك وخليتك فرجه ببلاش لو في ذرة رجوله وشهامه ما تعرضت لاخت صديقك يله فارق وياني وياك اشوفك قدامي لقول لفهد سواتك وانت تعرف دمه حار يمكن يذبحك ذبح شاه من غير مايهتم بصداقتك مراح اوصل الي صار لاخوي لاني مابيه ينصدم في سوء اختياره لصديقه صلاح منصدم من قوتها ما توقع انها بتمد يدها توقع لما يواجهها بحقيقتها تضعف وتبكي ويكسر غرورها لكن الي صار هي الي كسرته وخلته ما يسوى ماعنده أي رد على كلامها استحى من نفسه وندم على تسرعه كان احترمها احترام لصديق عمره تركها وهو موجوع بداخله دخل الجامعه وهو يتحاشى وجود فهد وجلس بمكان بعيد عنه ماله وجه يقابل فيه فهد بعد سواته عند غاده لما مشى صلاح وتركها رمت نفسها على الكرسي وسمحت لدموعها بالنزول كلامه فتح عليها جروحها ورش عليهم ملح غاده في نفسها بوجع / ليش تذكرني بمراري ووجعي واكبر خساره خسرتها اااااااااااااه يا فيصل والله ندمانه والندم ذبحني ما يكفيني اني خسرتك وبعت حبك والحين ادوره بعد ماضاع مني والله الطعن بالميت حرام احاول انساك القاني افكر فيك اكيد خطبت وتزوجت وغاده ذكرى شينه مرت بحياتك بسبتها انجرحت رجولتك ياليت الزمن يرجع لورى وربي لصلح كل الي صار قربت منها ندى وخافت من شكلها الباكي ندى / غاده ليك كل هالبكاء غاده / حاسه اني مخنوقه تذكرت ماماتي مشتاقه لها ندى / تعالي معي الكفتريا اطلب لك عصير ليمون يريح اعصابك قامت غاده مع ندى ودخلو الكفتريا طلبت لها عصير ليمون شربته وارتاحت بعده قامن ودخلن المحاضره وطلعن على الساعه 12 وغاده متضايقه مالها خلق تروح مع ندى لبيتهم تبي ترجع للبيت تختلي بنفسها ندى / غاده اطلعي معي امي مجهزه الغداء الي تحبينه غاده بحزن / عفية ندى وصليني البيت مالي خلق ندى / مو بكيفك تبين امي تزعل مني غاده بستسلام / امري لله عارفه مراح اقدر عليك طلعت غاده مع ندى وصلو لبيت ندى لقت امها مجهزه السفره لغاده ولبنتها بتنظر زوجها بتتغداء معه اتركتهم تبيهم ياخذن راحتهن ودخلت لغرفتها بالرياض عند فيصل دخل بيت نواف بالمفتاح الي معطيه نواف له دخل غرفة الضيوف بدل ملابسه وكلم الجوهره يتاكد اذا ماعندها احد دخل عندها يبي يضيع وقته مع الجوهره وبنتها فيصل / السلام الجوهره / وعليكم السلام قرب منها وخذ فرح فك امهادها وصار يلعب معها ويبوس خدودها الجوهره / فيصل خف على البنت من سلامك ترى بشرتها حساسه فيصل يبتسم / ما ينشبع منها ودي اكلها وريحك منها الجوهره / يسلام اذا جاك اعيال اكلهم بنتي ابيها فيصل وهو يلعب مع فرح طالعها بنظرات حزن فيصل بحزن / ما ضنتي بتشوفينهم حزنت على حزن اخوها ما كنت تبي تفتح عليه المواجع كانت زلت لسان الجوهره / فيصل كل البنات يتمنونك ويسعدهن تكون من نصيبهن فيصل بالم ووجع / ولي ابيها ما تبيني عايفتني ومنحاشة ليلة دخلتي ولا بعد خالعتني الجوهره باستغراب / خالعتك فيصل / ايه الجوهره اول مره تدري ان غاده خالعه فيصل وانقهرت منها شلون كسرت اخوها الجوهره / هي الخسرانه لو لفت الدنيا مستحيل تلاقي مثلك فيصل بابتسامة وجع / كل فتاه باخيها معجبة الجوهره بادلته الابتسامه / ياحبك لتحريف الامثال فيصل بتردد / ماعندك اخبار عنها ماكلمتك من بعد ما سافرت الجوهره / لا شكلها نستني فيصل / طيب انتي ما تصلتي عليها لها فتره طويله من سافرت الجوهره / اتصلت عليها كذا مره وجوالها مغلق فيصل بيسحب الكلام منها / ما تدرين باي ولايه ساكنه واسم جامعتها استغربت الجوهره من السؤال وخافت ان فيصل ناوي يلحقها هناك الجوهره بترجي / طالبتك ياخوي لا تزيد اوجاعك وتسافر وراها الي باعك بيعه لو كان غالي فيصل في نفسه بوجع / اااااااااااااه الشوق ذبحني والصبر مل من صبري معاد اقوى على البعد يوجع قلبي واسمها معاد ينذكر قدامي قام بيطلع / تطمني وارتاحي مالي نيه اسافر والحق وراها انا نذرت نفسي لشغل معاد لاحد بقلبي مكان فيصل في نفسه بسخرية / والله انك يا فيصل شاطر بالكذب بتنقل فرع شركتك لبريطانيا علشانها وابي اعرف في أي ولايه ابي شركتي تكون بنفس الولاية الي هي فيها ابي اصير قريب منها ااااااااااااه من ضعفك يا فيصل ولا بنت تلعب فيك وتشقلب حالك الله يلعن الحب الي يذل الجوهره ارتاحت / متى ما بغيت تتزوج قولي وربي لاختار لك الي تنسيك غاده فيصل في نفسه / مستحيل تلقين الي تنسيني روحي والهواء الي اتنفسه غاده صارت نبض قلبي والدم الي يمشي بعروقي فيصل بابتسامة الم / اذا فكرت بالزواج مراح يخطب لي غيرك طلع من عند الجوهره دخل غرفة الضيوف وهو تعبان ومرهق في بريطانيا خلص فهد محاضرته وصار يدور على صلاح مالقاه من الصباح ما شافه ضن انه غايب طلع من الجامعه اتصل على غاده وقال لها انه جاي بالطريق لما وصل كلمها تطلع اطلعت والشغاله وراها شايله غداء لفهد فتحت الباب وجلست قدام والشغاله حطت الاغراض وراء فهد ابتسم / شخبارها غاده بابتسامه / طيبه وكل ماجبت طاريك حمرت خدودها فهد بحب / فديتها يارب تصير من نصيبي غاده / ان شاء لله وصول للشقه فتح فهد الباب ودخلت غاده فهد / غدويه الله يعافيك جهزي الغداء باخذه لشقة فهد غاده كشرت لما سمعت اسمه لكن ماحبت تبين شي لا خوها غاده / بجهزه هنا وانت ناده لاني بدخل غرفتي بنام فهد / بعد احسن مالي خلق اشيل الاغراض دخلت غاده غرفتها وهي تغلي قهر من صلاح والي سواه اليوم معها لكن الي يطفي قهرها انها اخذت حقها منه طلع فهد لشقة صلاح دق اكثر من نص ساعه وبعده طلع له صلاح واضح عليه التعب والحزن فهد خاف / وش في شكلك كذا صلاح / تعبان شوي فهد اسحبه بيده / تعال غدويه مجهزه الغداء لنا صلاح كره نفسه اكثر من جاء من الجامعه وهو ذابح نفسه بالتفكير والندم خايف تقول لفهد وخايف يفقد صديق عمره بسبب تصرفه صلاح / تعال هنا مابي اضايقها فهد / كنت بجيب الغداء عندك وهذي فكرتها انك تتغداء هناك راحمتني من شيل الاغراض صلاح احتقر نفسه / الله يعطيها العافيه دخل مع فهد الشقه ودخل المطبخ وهو ياكل كل تفكيره فيها ليش سوت كل هذا وهو جرحها اليوم صلاح في نفسه / الله يستر مدري وش يدور براسك يخوفي الهدؤ الي يسبق العاصفه وهم يتغدون سمعو صوت الجرس استغربو من الي بيجيهم هالوقت قام فهد فتح الباب وتفاجئ ا ن اهله قدامه استقبلهم بالاحضان ودخلو داخل الشقه وسكر الباب فهد / ياهلا والله ليه ما قلتو عن موعد رحلتكم اجي استقبلكم فهد وهو بحضن امه الي مو راضيه تفكه مشتاقه له عبدالرحمن / جاين متاخر ولا حبينا نقلكم فهد / شخباركم وربي مشتاق لكم موت نوره / وانا اكثر انت وش فيك نحفان عبدالرحمن يبتسم / من بيفكك من امك عدنان بمزح / كانكم مطنشيني شكلي بدخل عند غدويه هي الي بتستقبلني استقبال حار نوره / الا وينها غدويه ماشوفها فهد / يمه غدويه بغرفتها نايمه وعندي ضيف يتغداء معي ادخلي عليها سوو لها مفاجئة انسحبت نوره من الصاله ودخلت غرفة غدويه لقت الغرفه ظلام انسدحت جنبها وظمتها على صدرها مشتاقه لها وصارت تمسح على شعرها وغاده من التعب والارهاق ماحست بوجود خالتها نوره حطت راسه على المخده بتنام جنبها لانها رحمتها ما تبي تصحيها وهي متاكده انها تعبانه من الجامعه وهي حاضنتها نامت لانها من البارح تفكر مانامت غاده وهي في نومها شمت ريحة عطر نسائي محبب لنفسها فتحت عيونها توقعت نفسها تحلم شافت وجه نوره رجعت قفلتها وفتحتها مره ثانيه تاكدت انها بعلم مو بحلم دفنت وجها بحضن خالتها ياكثر شوقها لها غاده / خالتو انا بعلم ولا بحلم نوره فتحت عيونها بثقل / بعلم يا روح خالتك بشريني عنك غاده وللحين بحضن خالتها / الحمدلله ناقصني وجودكم جنبي نوره بعدت غاده عن حضنها / وش فيك ياروح خالتك شكلك متضايق بنتي واعرفها غاده بضيقه / مافيني شي الغربه مره نوره بحب / قومي اخذي شور ينشطك علشان تقدرين تنامين بدري بالليل وجلسي معي مشتاقه لك قامت غاده / وانا اكثر ياخاله دخلت الحمام خذت شور ولبست لبس بيتي ناعم دخل عليهم عدنان ركضت له غاده وخذته بالاحضان غاده / اشتقت لك يادب وربي لك وحشه عندنان / فكيني خنقتيني غاده ضربته على راسه / من حبي لك خنقتك عندنان / والله البيت بغيابك ظلام ماعندي احد اتهاوش معه ولا احد يتابع معي الافلام غاده ضربته على راسه / مالت عليك وعلى شوقك تبي بس تتهاوش نوره / عدنان الضيف برى ولا طلع عدنان / طلع طلعت غاده مع خالتها وركضت لخالها وضمته بشوق وصارت تبكي بحضنه حضنها بحب وشد بحتضانها وهي مثل الورقه تنتفض من البكاء اشتاقت له كثير هو عوضها عن الابو الي انحرمت منه وهو عايش عبدالرحمن يمسح على شعرها / خلاص ياقلب خالك قطعتي قلبي لو داري بتبكين ماجيت غاده رفعت نفسها عن صدر خالها / لا تقول كذا وربي انتظر جيتكم على احر من الجمر وسال فهد غثيته من كثر ماساله عبدالرحمن باس جبينها ومسح دموعها عبدالرحمن يبتسم / جهزي نفسك الليله بنخطب لفهد فز قلب فهد خوف وفرح غاده بابتسامه / ان شاء الله خالو عبدالرحمن التفت على ولده / عندك شغل ولا نخطب الليله فهد / لا ماعندي شغل الليله ان شاء الله الخطبه نوره بابتسامه / ايه وانا بروح اشوف عروس ولدي اختيار غاده غاده بحب / بتعجبك تعرفين ذوقي راقي نوره تمزح / نشوف اذا معجبتني مافي خطبه غاده / ههههههههههه اخاف يوقف قلب بعض الناس فهد قرصها من كتفها غاده / أي يالمتوحش اوجعتني فهد يرص على اسنانه / تستاهلين عدنان / غدويه تعالي ابيك غاده تركتهم وخذت عدنان ودخلته بغرفتها جلس فهد بين امه وابوه وهو مشتاق لهم فهد / شخبارك يبه بعد تعبك الاخير عبد الرحمن / الحمد لله اذا زعلت ولا عصبت يغمى علي فهد / طيب فحصت وش طلع معاك عبد الرحمن / مايحتاج فحوصات الحمدلله ما شتكي من شي نوره بزعل / هذا الي نسمعه من ابوك كل ماقلنا له روح اكشف نبي نتطمن على صحتك يقول ما شكي من شي مهمل بصحته فهد بحنان / يبه الله يطول بعمرك لا تهمل صحتك تراها غاليه علينا عبد الرحمن بيسكتهم / ان شاء الله فهد عندك رقم ابو البنت الي بتخطبها فهد / لا عبدالرحمن / اجل شلون نحط عندهم خبر انا بنزورهم فهد / غاده عندها رقم البنت بقول لها تكلمها تاخذ منها جوال ابوها عبدالرحمن / اجل قوم خلها تاخذ الرقم ابي اكلمهم من بدري ابيهم يستعدون لمقابلتنا فهد قام / ان شاء الله يتبع |
رد: غرام وانتقام عند غاده بغرفتها غاده بحب / شخبارك حبيبي وربي مشتاقه لك فوق ما تتصور عدنان فتح الشنطه الي على كتفه وطلع علبه مخمليه فخمه مدها على غاده عدنان بتوتر / هذي هديتي لك ان شاء الله تعجبك غاده تبتسم وفتحتها شافت ساعه فخمه مرصعه بالالماس غاده بفرح / وووووواو تهبل فديتك عدوني مدت يدها لعدنان غاده بابتسامه / يله لبسنيها فرح عدنان ان الهديه عجبت غاده وفرح انها طلبت منه يلبسها اخذ الساعه منها ولبسها غاده تحرك يدها الي فيها الساعه / ياله شكلها خيال تسلم لي ياحلى عدون عدنان / وش رايك غدويه نطلع برى الشقه ابي اتفرج على بريطانيا غاده / ان شاء الله كم عدنان عندي اطلع خلني اغير ملابسي ونطلع احلى مشوار طلع عدنان لقى امه جالسه جنب فهد تسولف معه عن الجامعه طق عليهم فهد الباب وفتحه وتكلم وهو مستعجل فهد / غاده ابوي يبي رقم ابو ندى بيكلمه بيقولهم عن الزياره غاده / عندي رقمه مره ندى خلص شاحنها واتصلت عليه بجوالي فهد ابتسم / سهلتي المهمه هاتيه بعطيه لبوي فتحت جوالها وحطته على الرقم ومدت الجوال على فهد غاده / هذا رقمه اخذ الجوال منها ماعنده قلم يسجله وطلع لصاله عند ابوه عبدالرحمن طلع جواله وسجل الرقم واتصل على ابو ندى ابو ندى كان بالبيت شاف الرقم على طول رد عبدالرحمن / الو جوال عبدالله ال ....... عبدالله / ايه وصلت عبدالرحمن / معك عبد الرحمن الفهد عبدالله بفرح / حيالله ابو خالد كيفك بشر عنك من زمان ابي اتصل عليك لكن الدنيا مشاغل عبدالرحمن / الحمدلله بشرنا عنك وعن الاهل عبدالله / الحمد لله بخير عبد الرحمن / انا بابريطانيا عندك شي اليوم بزوركم عندي موضوع ضروري عبدالله / حياك الله انتظرك بعد صلاة المغرب عبد الرحمن / ان شاء الله بعد المغرب انا والاهل عندك عبد الله / حياك الله وحياهم في بيت ابو ندى كان بالمكتب لما اتصل عليه عبدالرحمن طلع لصاله كانت ام ندى مع بنتها يسولفن عبدالله / سلوى ترى بيجينا ضيوف بعد المغرب ام ندى / من ضيوفك عبدالله / عبد الرحمن الفهد بيجي مع عايلته يبيني بموضوع ضروري ام ندى مستغربه / ماقالك وش الموضوع ندى جالسه مستمعه وقلبها صار طبول لانها متاكده ان السالفه خطبه عبدالله / اهم شي جهزي ضيافه تبيض الوجه ام ندى / ان شاء الله طلع ابو ندى برا البيت وندى وامها بالصاله ندى قررت تقول لامها السبب ماتبيها تتفاجئ وهي بعمرها ماخشت عن امها شي تعتبرها صديقتها ندى / ماما فيه موضوع من فتره غاده فاتحتني فيه وانا نسيت لا قولك ام ندى / قولي وانا امك ندى / يمه غاده خطبتني لاخوها فهد وسالتني اذا وافقت يكلم اهله بيجون يطلبوني رسمي انا ماما وافقت بس استغربت جيتهم بهذي السرعه ام ندى بزعل / تعطين الناس موافقتك من دون ما تشاورينا ندى / ماما انا احب فهد من سنتين بعد موقف صار لنا بالجامعه ام ندى بعصبيه / ليكون تقابلينه وتواعدينه من ورانا ندى / لا والله ما قبلته ولا عمري جلست معه ولا بحضور اخته ماما محترم اذا جيت غاده طلع وتركنا وبالجامعه يتجنبنا ام ندى / هذي حياتك انتي اخترتيه زوج لك عن قناعه احنا موافقين لان اكبر همنا مصلحتك ندى / ماما انتي رافضته ام ندى / احنا نعرف اهله من زمان والنعم فيهم والولد فيه خير ان شاء الله ضمت ندى امها / ماما لا تزعلين مني ما قصدت اهمش وجودكم اذا بترفضونه لو احبه برفضه ام ندى تمسح شعر بنتها وتبتسم بحب / كبرتي وصرتي عروس قومي صلي استخاره اذا فيه خير ربي يكتبه لك واذا فيه شر يبعده عنك ندى باست راس امها / ان شاء الله في الطائف بعد العصر دخل خالد البيت وشافه هادي دخل غرفته شاف غاده نايمه من حملت وهي صارت تنام كثير خالد / غاده قومي صلي العصر فتحت عيونها بكسل / كم الساعه خالد / 4 العصر قومي تغدي وجهزي نفسك بعد المغرب بروح لمكه قامت غاده ودخلت الحمام توضت وطلعت بسطت سجاتها وصلت خالد طلع من غرفته لقى هند بالصاله جلس جنبها خالد بابتسامه / ناس تكرف بالشغل وناس مكبرين المخده وعيونهم منفخة من النوم هند بابتسامه / تراني هند ماني بغاده خالد بجديه / هنوده ما تلاحظين نوم غاده صاير كثير وثقيل ومطنشتني صرت ادخل واطلع وهي نايمه بديت امل هند بحب / خالد الي في غاده من اثر الحمل احمد ربك ان الوحم صاير بالنوم بعض الحوامل تتوحم على زوجها وتكره غير الترجيع بالدقيقه شي اهون من شي خالد غاده محتاجه وقوفتك جنبها بالفتره هذي ترى نفسيت الحامل تتعب بسبب الحمل اذا انت يا زوجها ما وقفت معها وتحملتها بالفتره هذي من بيتحملها خالد / الله يصبرني ترى روحتنا لمكه بعد المغرب ما بيكم تاخروني هند / انا جاهزه تغديت خالد ولا احط لك غداء معي خالد / لا ما تغديت خلينا ننتظر غاده نتغداء سواء دخلت غاده عليهم / بقول لطباخه تجهز الغداء دخلت المطبخ وجهزت الغداء مع الشغلات ودخلت عليهم بالصاله غاده / ياله الغداء جاهز هند تكلم خالد باذنه / ياويلك من ربي ظالمها ما تشوفها اهتمامها فيك مانستك وهي تعبانه رياجيل مايملى عينكم الا التراب ضربها على راسها / قومي تغدي وريحينا من لسانك بالديره بعد ماصلى العصر دخل عن امه وجداته وهو منهد حيله طول يومه وهو يشتغل مع العمال جلس بين جداته وهو منهد من التعب جاسم / السلام الكل / وعليكم السلام ام جاسم / ارحم نفسك ارتاح وخلي العمال يشوفون شغلهم جاسم بيغير السالفه / يالغاليه جوعان مافيه شي اكله ام جاسم / الا الخير واجد قامت ام جاسم ودخلت المطبخ وجابت له اكل بعد ماخلص اكله قام ام جاسم / وين قايم ما يمديك ارتحت جاسم باس راسها / يمه ارتاحي لا تحاتيني انا بخير وكلها كم يوم والمدرسه تنتهي وارتاح ام جاسم / الله يريحك دنيا واخرة وينولك الي في بالك جاسم من قلب / امين طلع للعمال وكمل شغل معهم في بريطانيا طلعت غاده مع عدنان وفهد لمطعم وطول الجلسه وفهد متوتر وعلى اعصابه وغاده حاسه بتوتره وقلقه غاده / حبيبي فهودي تطمن قلبي يقول بيوافقون تشك باحساسي فهد بخوف / مو بايدي خايف انرفض ولا ياجلون الموضوع بعد التخرج متدرين شلون يفكرون غاده / باذن الله بيصير الي تبيه فهد / يارب عدنان بطفش / فهد تراك وترتنا حنا طالعين نستانس والله احسني انا الي بخطب غاده / هههههههههه بيجيك الدور بكره اشوفك مثل فهد تاكل بنفسك عدنان / لا ان شاء الله اتعب اعصابي علشان بنت غاده بسخريه / وشفيهن البنان مو ماليات عينك استاذ عدنان عدنان بقوة / ماعاشت الي تجيب راس عدنان انا سبع مو مثل اخوك القطو فهد بعصبيه / قطو ياكلك ما تحشم اخوك الكبير هذا الي نحصله من البزران عدنان زعل وجرحه كلام فهد / انا رجال لمتى بصير بعيونكم بزر انا باخر سنه ثالث وللحين تعاملوني كاني باول ابتدائي ترى مليت غاده بحب / والله واحلى رجال معليك من فهد يغار منك والمفروض ما تشره عليه حالته صعبة فهد / اقول وش رايكم نقوم ونرجع للبيت مابقى شي عن المغرب بتجهز للخطبه غاده تبتسم / مانقدر نعترض اخاف تذبحنا فهد يبتسم / قومي بلا طولة لسان طلعو من المطعم وصلو لشقه دخلو عبدالرحمن ونوره جالسين بالصاله وريحة القهوه ماليه الشقه غاده تبتسم / ووواو بشقتنا ريحة قهوه فهد قرب منهم / فديتك يمه صبي لي فنجال غاده قربت وجلست جنب فهد / على اني كنت ماحب القهوة لكن الحين حبيتها احس فيها ريحة السعوديه صبي لي فنجال عدنان / ههههههه اعوذ بالله مفجوعين قهوه عبد الرحمن / هذي القهوه مو القهوة الي تشربونها تجيب المرض وتحرق الكبد نوره / مدري شلون يشربونها غاده / خالتو ابيك تكشخين وتلبسين احلى شي ابي اكشخ فيك قدام ندى وامها نوره / ولا يهمك عبد الرحمن يبتسم / ما تتركون سوالفكم كل وحده تبي تكشخ على الثانيه ولي راحو فيها الرياجيل يتبع |
رد: غرام وانتقام بعد المغرب في الديره جاسم يحس بتعب وبحرارهوبنفضه بجسمه قرر يدخل دخل قابل امه طالعه من المطبخ شافت وجه ولدها شاحب ام جاسم / يمه وش فيك جاسم / مدري جسمي مكسر وحاس بنفضه بجسمي شكليبمرض ام جاسم بعصبيه / كله بسبب وقفتك طول النهار بالشموس ارحم نفسك قربت منه ومسكت جبهته خافت من حرارته المرتفعه ام جاسم / بقوللسواق يوديك للمستشفى جاسم بيطمن امه / باكل خافض وبقوم مثل الحصان كلهارهاق ام جاسم باصرار / اذا تبي رضاي تخلي السواق يوديك للمستشفى جاسم / وعد اذا ما تحسنت بروح للمستشفى انا محتاج لراحه ام جاسم / اجل تنام عندي اتطمن عليك جاسم باس راسها / ان شاء الله ابسطي فراشيعندك قام جاسم دخل المطبخ اكل خافض للحراره ولحق امه لقاها باسطه فراشه جنبسريرها ام جاسم / ارتاح يمه ونام جاسم / بصلي العشاءوبنام بريطانيا تكشخ فهد بالثوب وصار احلى طلع لقىامه وابوه وغاده ينتظرونه غاده شافته بالثوب / اكشخ فهود وربي صدقت انكعريس من متى والثوب عندك عبدالرحمن يبتسم / ماخذ واحد من ثيابي يبي يخطب فيهيبي يحس انه سعودي فهد / أي والله اشتقت لثوب وبي اخطب فيه نوره / بسم الله على وليدي الله يحرصه من العين مزيون بالثوب ولا بغيره عدنان / اولمره اصدق المثل الي يقول القرد بعين امه غزال فهد / قول انك غيران غاده / ههههههههه وانا اشهد بتذبحه الغيره نوره قربت وضمت فهد ودمعتعيونها / الله يفرحك يمه ويتمم فرحتك في بيت ابو ندى طلعتندى لغرفتها بعد ماساعدت امها بالترتيبات وطلبت من امها ما تقول شي لابوها عن سببزيارت فهد واهله جالسه على نار فرحانه وخايفه وهي بقلقها سمعت صوت الجرس فز قلبها تحت نظام بيت ابو ندى نفس نظام بيوت السعودي فيه باب لدخولالحريم وباب لدخول الرياجيل استقبل ابو ندى عبدالرحمن وفهد بحب ودخلوبالمجلس وستقبلت ام ندى نوره وغاده بالترحيب وقدمت لهم الضيافه بعد الضيافهقامت غاده تبي خالتها وام ندى ياخذون راحتهم غاده / خاله تسمحين لي اطلعلندى ام ندى / البيت بيتك اطلعي تدلين المكان طلعت لغرفة ندى وداخلالغرفه ندى جالسه على اعصابها سمعت صوت باب غرفتها يطق اسمحت له بالدخول فرحت انغاده الي عند الباب ركضت لها وضمتها غاده / اخبارك ندى مسويه مستحيه ندى بحياء / اجلسي ليه واقفه عند الباب دخلت غاده مع ندى وجلست علىجلسه جانبيه بالغرفة غاده بجديه / ندى احنا جاين نخطبك وانتي تعرفين فهدبالجامعه ماله بالسوالف البطاله هو يحبك وامنيته انك توافقين عليه وبالاسبوع هذابتكون الملكه واذا خلصتي دراسه الزواج ندى تبتسم بحياء / غاده انا موافقهوسبق وقلت لك انه مثل مايحبني احبه غاده / الله يتمم لكم على خير ويوفقكموالله ياخوي اليوم شي خاطب بالثوب السعودي بيصدق انه معرس ندى نفسها تشوفهبالثوب / غدوية حبيبتي ابي اشوفه بالثوب اكيد بتقولين قليلة حياء ماتستحي لكن انااعتبرك مثل اختي واكثر غاده سحبتها من شعرها / مافي شوفه الا بعد الملكهوبقوله ما يداوم لين تتملكون ماضمنكم تسحبون علي ندى / وجع قطعتي شعريسويها علشان اذبحك غاده / ههههههههه معاد فيه بنات يستحن سقى الله ايام اولالبنت لنذكر الزواج عندها اغمى عليها من الحياء ندى / ههههههه صايره جدتنامن محفظك ها لكلمتين نشوفك لنخطبتي والي يخطبك تحبينه شلون بتتصرفين غادهتغيرت ملامحه ونرسم الحزن على وجهها / ماضنتي بنخطب خلاص راحت علي ندىاوجعها قلبها على نبره الحزن ومتاكده ان فيه سر لوجعها ندى / غدويهحبيبتي لا تضيقين صدرك افتحي قلبك وفضفضي غاده بحزن موجع / الي اقدر اقولهاني ضحية حب بعد فوات الاوان ندى بتغير جو الحزن / وش بتشربين غاده / بنزل تحت تحت عند نوره وام ندى ام ندى ارتاحت ودخلت نورهبقلبها بعد ماخلصن قهوة تكلمت نوره نوره بجديه / يام ندى احنا جاين نخطببنتكم لولدنا فهد ومستعجلين على الملكه والزواج لكتب الله لنا عمر بعد مايتخرجون ام ندى / فهد ولدك مايتعيب ولنا اشرف اناسبكم وبعطيكم بنتي وانامطمنه عليها لكن بدري الملكه وراهم سنتين يمكن يغيرون رايهم نوره / فهدشاريها يبي يرتاح انها بتصير من نصيبه وتطمني بتطلع من عند امها وتجي عند امهاباصير امها والله لو فهد زعلها لوقف بصفها ام ندى / الله يبارك فيك يا نورهانتي تعرفين انها وحيدتي ومدلعينها نوره / تطمني بتصير مثل غاده عندنا ندى / اذا وافقت ندى وابوها ماعندي مانع فيالمجلس فهد جالس متوتر وعلى اعصابه ينتظر ابوه يفاتح ابو ندى بالموضوع عبدالرحمن / يابو ندى احنا جاين ومتعنين من الرياض نبي نخطب بنتكم لولدنافهد والله يبو ندى انا فرحانين انا بناسبك وانت تعرفني وتعرف اهلي قبلي وولدي لهفتره عندكم وانا والله يابو ندى لو شايف ولدي مافيه خير ماظلمت بنتك وخطبتهاله ابو ندى / ماعاش من يردك يابو خالد واذا وافقت ندى انا موافق عبدالرحمن / اذا وافقتم نبي الملكه بعد ماتطلع نتائج فحصهم ابو ندى / بقوم اخذ رايه طلع ابو ندى لغرفة ندى كانت جالسه بروحها بعد مانزلتغاده طق وفتح الباب شافته وصبغ وجهها بالون الاحمر متاكده انه جاي يفاتحهابالخطبه قرب منه وجلس جنبها / يابوك فهد ولد عبدالرحمن جاي يخطبك وهووالنعم فيه وانا ابوك انا وامك مراح ندوم لك وخايفين من بعدنا تنظامين وعني اناموافق وهم يبون الملكه لخلصتو الفحص ندى بحيا / الله يخليكم لي والي تشوفهموافقه عليه ابو ندى / ابيك توافقين وانتي مقتنعه ندى بابتسامه / مقتنعه ودعي ربي يوفقني ابو ندى / الله يوفقك اجل بطمنهم انك موافقه في المجلس فهد جالس ياكل بنفسه وخايف انه يرفض فهدبقلق / يبه ماكانه تاخر تتوقع ارفضوني عبدالرحمن / الي كاتبه ربك بيصيرارتاح وترتني وانت تهز برجولك عدنان بيقهره / شكلها رفضتك يافهد وابوهامستحي يوصل لك الرفض خل روحك رياضيه فهد مولع من اخوه تكلم وهو يرص علىاسنانه / اقول ورا ماتنطم لقوم ادفنك محلك ياتقول خير ياتنطم عبدالرحمنيبتسم / عدنان ارحم اخوك لتزود عليه وهم يتكلمون دخل عليهم ابو ندى وانتفضقلب فهد ابو ندى يبتسم لما شاف ابتسامته فهد ارتاح شوي ابو ندىيلتفت لفهد / مبروك عليك بنتي ترها امانه برقبتك والملكه بالوقت الي تبونه فهد يرقص قلبه فرح / الله يبارك فيك ياعمي بنتك امانه برقبتي عبدالرحمن / بنتك بنتي يابو ندى ماتنظام وهي ببيتي وهذا فهد يسمع والله لوزعلها حسابه معي عسير ابو ندى / تسلم يابو خالد هذا العشم فيك عدنان جالس جنب فهد وتكلم بصوت واطي / مبروك حسافه كنت ناوي اتشمت فيك فهد بصوت واطي / الله يبارك فيك اشوف فيك يوم وتكون بمكاني بالصاله ام ندى جاها اتصال من زوجها وقال لها عن اليصار سكرت والتفتت على نوره ام ندى بابتسامه / مبروك يام خالد البنت وافقت والرياجيل التفقو على ان الملكة بعد نتائج التحاليل نوره / الله يبارك فيكوالله فرحتي قلبي ام ندى بحزن / مدري كيف بتحمل بعدها عني نوره / يابنت الحلال هذي سنة الحياة ادعي لها بالتوفيق ام ندى / الله يوفقها نوره تبتسم / مالك نيه تخليني اشوف زوجة ولدي ام ندى / الحيناناديها لك غاده وقفت / اسمحي لي ياخاله انا بناديها وبنزل معها امندى بابتسامه / ارتاحي يمه انا بناديها وابارك لها طلعت ام ندى فوق عندبنتها فتحت الباب لقت بنتها بلبس البيت قربت منها وحضنتها وغصب عنها دمعتعيونها ام ندى بدموع / الف مبروك ندى بخوف / يمه اذا انتي رافضه الزواجانا رافضته ام ندى بابتسامه / فرحانه ان ربي كتب لي عمر وشفتك عروس هذيامنية كل ام ندى براحه / الله يبارك فيك ياغلى واطيب ام بالدنيا امندى / يماما قومي تجهزي ونزلي ام فهد بتشوفك ندى برتباك / ماما مو لازم ام ندى سحبتها وصلتها لدولاب طلعت لها ملابس ساتره وحلوه ام ندى / لازم يماما تشوفك والبسي بسرعه وانزلي بنتظرك بغرفتي ابيك تنزلين معي ندىباست راس امها / ان شاء الله يالغاليه طلعت من عندها ودخلت غرفتها بعد ربعساعه خلصت ندى ودخلت على امها تحت نوره بعصبية / انتيماتتركين العجله غاده مستغربه / خالتو وش سويت نوره / كان البيت بيتكترى البنت بتستحي منك وانتي ساحبتها تبيني اشوفها هذا دور امها غاده / اناوندى مثل الخوات من شوي يوم طلعت عندها كانت طبيعية معي نوره / حتى ولوتبين تلغين ووجد امها انزلت ندى وهي متوتره خايفه دخلت الصالهشافت نوره وحست براحه شكلها ينحب قربت منهم ارفعت نوره راسها شافت ندى اعجبتها قربت ندى بحياء وباست نوره على راسها ندى / كيفك خاله نورهبابتسامه / الحمد لله ما شاء الله تبارك الله مالومه فهد مستعجل على الملكه انتيشخبارك ندى انصبغ وجهها احمر من الحياء وبصوت واطي / الحمدلله قربت وجلست بجنب غاده وام ندى بجنب نوره دق جوال نوره كان عبدالرحمن يستعجلهم وقفت نوره / ام ندى أي طلبات احنا حاضرين والملكه بالمكانالي تبونه ام ندى بجدية / الملكه في بيتنا بتكون مختصره احنا نشتري رجال ماتهمنا التفاهات نوره بجدية / الي تبونه ندى غاليه عندنا وبنقدم لها المهرالي بيقدم لبناتنا كمات نوره / اسمحينا عبدالرحمن بالسياره طولنا عليه معالسلامه نوره / مع السلامه طلعت نوره وغاده وهن فرحانات ركبنالسياره في السياره السواق فهد وجنبه ابوه وراء نوره وغادهوعدنان نوره اطالع بولدها فهد بفرح / مبروك يمه جعلها من نصيبك والله وعرفتتختار فهد بابتسامه / الله يبارك فيك غاده بحب / مبروك فهود وشرايك بحساسي فهد مبسوط / الله يبارك فيك وانا على وعدي اطلبي الي تبينهوانفذه لك غاده / امممممممممم ماعندي شي بخلي عدنان يطلب بالنيابه عدنان بفرح / فديتك غدويه فهد / الله يعيني على طلبات عدنان اليبتكسر ظهري لكن عشاني مبسوط له الي يبي عندنا بفرح / قدها يا فهد ما تتراجع فهد / قدها وقدود قول طلبك عدنان / ابي سياره اخر موديل فهد بسخريه / من بيسوقها ان شاء الله عدنان / اكيد انا قطعكلامهم عبدالرحمن / بدري على السواقه انا قايل لخلصت الثانويه ودخلت الجامعه الحينمافي سياره عدنان بزعل / لمتى ارتز كاني بزر جنب السواق صاير مضحكهلربعي فهد / يبه الله يهداك ليه تمنعه من السواقه وحنا سقنا اصغر منه عبدالرحمن بحب / خايف عليه فهد بترجي / يبه انا بشتري السيارهدخيلك يالغالي علشان خاطري خله يسوق انا اعرف عدنا عاقل مراح يتهور عبدالرحمن بستسلام / اذا رجعنا خليته يطلع رخصه وبعدها بيسوق عدنانبفرح / عاش ابو خالد الله يطول لنا بعمره فهد / كانك سحبت علي ترى للحينماشريت السياره عدنان بحب / وان اقدر عازمك الليلة على احلى حفلة باغلىمطعم بمناسبة موافقتهم عليك غاده بفرح / عدنان اكيد انا اول المعزومين عدنان بمزح / انتي رابع المعزومين اولهم ابوي وامي وفهد وبعدين انتي فهد / اجل الحين نغير طريقنا لافخم مطعم استجابة لعزيمتك نوره / زين محتاجه لتغير جو البارت الحادي والخمسون بالطائف ركبو السياره بعد ما حطو اغراضهم وصلو للمكة ودخلو الحرم بعد العشاء اعتمرو وانتظرو بالحرام لصلاة الفجر صلو وبعدها ارجعو لطائف وكلن دخل لغرفته ومن التعب نامو اليوم الثاني بالديره ام جاسم نايمه وكل دقيقه تصحى تطمن على جاسم وهي نايمه سمعت ونين وهمهمه فتحت عيونها شافت ولدها يهذي بكلمات غير مفهومه مافهمت منها الا انه ينادي هند نزلت من سريرها وقربت منه وحطت يدها على راسه وانفجعت من حرارته المرتفعه قامت ودخلت المطبخ اخذت ماء بارد وخافض للحراره ورجعت له ام جاسم بحزن / قوم يمه اشرب علاج حرارتك مرتفعه جاسم يهذي / هند وينك احبك تعالي هند هند ام جاسم اعتصر قلبها وجع على ولدها اخذت فوطه وبلتها بالماء البارد وحطتها على جبينه الي انتفض من برودة الماء اسندته على ذراعها وغصبته يشرب الخافض وهي موجوعه من ولدها بسبب عشقه الي دمره غصب عنها بكت بمراره ام جاسم في نفسها / العشق يهد الرياجيل يويل قلبي عليك يولدي علاجك رجوعها لك لكن الشكوى لله هند عنيده مستحيل ارضى لك المذله وخليك تلحق وراء الي بايعتك عند فيصل ترك بيت نواف ورجع لبيتهم ما يبي يثقل على اخته وهو منسدح على سريره افكاره مثل كل ليله تطير لبريطانيا قرر هاليومين يسافر لبريطانيا لانه بيفتح فرع لشركته هناك هذا الشي سر ماقاله لاحد عارف انهم بيرفضون وبيعاتبونه وهو مو ناقص فكر بكره يسافر لديره يتطمن على امه وجداته ومشتاق لجاسم وفاقده كثير وبعده بيسافر يتبع |
رد: غرام وانتقام في بريطانيا بعد ما خلصو عشاء ارجعو للبيت مبسوطين وفهد الارض مو شايلته من الوناسه دخل عبد الرحمن وعدنان غرفة فهد بينامون فيها ونوره دخلت غرفت غاده بتنام فيها فهد جالس بالصاله قرر يكلم صلاح يفرحه رفع جواله واتصل على صلاح عند صلاح كان منسدح على سريره متضايق ومخنوق وندمان بسبب تسرعه مع غاده يبي يعتذر منها يمكن يرتاح لكن خاف انها تصده وتهينه لكنه بيحاول يمكن يرتاح من تانيب الضمير سمع صوت جواله رفعه شاف رقم فهد مكان له خلق يرد رجع الجوال للكمودينه وقف صوت الجوال حوله على الصامت عند فهد لما مارد عليه صلاح تاكد انه نايم قرر بكره يقوله بالجامعه تمدد على الكنبه في الصاله دخلت عليه غاده بعد مابدلت ملابسها واخذت شور غاده / سلام يامعرس طالعها فهد وبابتسامه / وعليكم السلام غاده / للحين ما نمت وراك جامعه فهد / من فرحتي طار النوم من عيني غاده / اذا الخطبة سوت فيك كذا اجل الملكه وش بتسوي فيك فهد بسرحان / غدويه تتوقعين بداوم بكره بالجامعه وشوفها غاده بجديه / فهودي اركد لا تشوفها ولا تكلمها الا بعد ما تملك مستحيل اسمح لك فهد بابتسامه / بل اكلتيني ما يسوى علي سؤال غاده / مدري عنك واحد مطفوق فهد بحب / والله اني عاقل وصابر كل هالسنين وكاتم بنفسي الله يخليك لي لولا الله ثم انتي كانت استمريت بعذابي ومحد درى فيني قربت من وجلست على الكنب الي قدامه غاده بحزن موجع / مستحيل ادري انك تتوجع من الحب واجلس اتفرج عليك الي اكتوى بالحب وذاق الحرمان مايبي غيره يذوقه فهد حس بوجعها لو بايده سوى المستحيل ويرجعها لفيصل لكن مهما كان كله ولا كرامة اخته قامت غاده / فهودي بنام وراي جامعه قامت من عنده ودخلت غرفتها وانسدحت جنب خالتها نوره وغصب عنها بكت وجع وقهر على الحب الي ضيعته نوره حست فيها سحبتها وضمتها لصدرها نوره بحنان / نامي يمه الله يفرجها عليك غاده كانها ماصدقت رمت نفسها بحضن نوره وصارت تنتحب كان ميت لها غالي نوره اوجعها قلبها على نحيب غاده / يمه خلاص اوجعتي قلبي غاده بشاهق / مشتاقه لماماتي نوره رفعتها عن صدرها / متى ما بغيتي تشوفينها تعالي معنا احنا بعد ملكت فهد بنسافرلها غاده سحبت نفسها من حضن نوره وتسندت على السرير ووجها كله دموع مدت لها نوره كرتون الكلينكس اخذت منه ومسحت دموعها غاده بابتسامه / صدق خالتي نوره / ايه هي الحين بالطايف مع غاده وخالد غاده بحزن / ما قدر الاسبوعين الجايه عندي امتحانات نوره / هند بتجيك ما تقدر تصبر عنك بعد ماربي يفرج كربتها غاده بشوق / ياليت خالتو وربي ذبحني شوقي لها نوره بحب / الحين تعوذي من الشيطان ونامي وراك جامعه وبعد الجامعه ورانا مشوار طويل بنجهز لملكة فهد غاده بابتسامه / ان شاء الله خالتو رجعت لحضن نوره بعد مارتاحت نفسيتها نامت ليوم الثاني بالطايف صحت هند على صوت اذان الفجر قامت من سريرها وجسمها مكسر ورجولها توجعها بسبب كثر المشي دخلت الحمام اخذت شور وتوضت وصلت ولبست لبس الشغل بداوم نزلت كان البيت هادي دخلت المطبخ طلبت من الطباخه فطور خفيف و كابتشينو وصلت لغرفة خالد طقت عليهم الباب فتح لها خالد وعيونه كلها نوم شافها لابسه ومتجهزه لدوام خالد بطفش / ياله صباح خير هند / ياليت تقوم تفطر وتروح معي لشركه خالد بقق عيونه / يالظالمه الساعه 5 أي دوام واي خرابيط هند بعصبية / لك عشر دقائق القاك بالصاله ولا متلوم الا نفسك خالد بطفش / يصبر ايوب على بلواه تركته هند ورجعت لصاله جلست على الكنب وطلعت من شنطتها ملف فيه اوراق لصفقات تدرسها وهي منغمسه فيها دخل عليها خالد وهو طفشان خالد / صباح الخير على الازعاج هند وعيونها في الاوراق / صباح النور على الكسول قرب منها وجلس / حرام عليك انا كسول ماجينا الا الفجر وتعبانين انتي ما تتعبين انا ياله اتحرك من وجع ارجولي وانتي فازه من الفجر وكمل بحنان / ارحمي نفسك لا تدفنين عمرك بالشغل ومخليته لك هروب رفعت نظرها فيه / خلك من الخرابيط والكلام الي بخيالك وتعال راجع معي الاوراق فيه صفقه مهمه لازم نكسبها بتنقل شركتنا نقله كبيره قرب منها وجلس بجنبها مدت له بعض الاوراق اخذها منها خالد بخوف / هند هذي الصفقه كبيره ممكن تضيعنا لخسرناها هند بقوة / ليه اطالع بالجانب الشين وناسي الجانب الزين اذا ربحناها بتكون شركتنا اقوى شركه ولها اسمها بالسعوديه وبرا وبتدعم شركتنا بابريطانيا ودبي خالد مرعوب / واذا خسرناها بتنسف كل شركاتنا ونصير على الحديده وممكن تنسجنين و بتصيرين مديونه هند بثقة / خالد اذا بنقدم الجانب السيئ على الجانب الحلو بعمرنا مراح نتقدم خطوه وحده خالد بجديه / خايف ياهند احنا بالبر تقدرين تتراجعين هند بجديه / مستحيل اتراجع اتفقت مع الشركه ومندوبينها بيجونا هالاسبوع وبعطيهم الموافقه وباذن الله بكسبها خالد بعصبيه / مجنونه وجنونك بيضيعنا هند بعصبية / خالد ما يحتاج كل هالعصبيه احنا بالسوق مثل ما نتوقع الربح نتوقع الخساره خالد بعصبية / يا برودك ياهند هند بقوة / تعرفني احب اغامر والي براسي مستحيل احد يغيره خالد / ابوي يدري هند بعصبية / اياني واياك تقول لخالي مو ناقص الصفقه تخص شركاتي شركة خالي بعيده عنها واذا خسرت خسرت بالحالي وتدمرت الحالي مالكم أي علاقه خالد بعصبيه / مبسوطه وانتي تقولين هالكلام هند قاطعته بعصبيه / خلاص خالد لا تتعب نفسك بالكلام الي براسي سويته ولا راح الومكم اللوم بيصير علي خلود حبيبي قلبي واحساسي يقول اني بكسب الصفقه باذن ربي خالد باستسلام / ان شاء الله هند بجديه / اليوم لازم نسوي اجتماع بندرس الصفقه بالاجتماع لكن فيه شغلات سريه مستحيل اطرحها بالاجتماع اخاف تتسرب المعلومات وهذا الي مابيه وهم يتكلمون دخلت عليهم الطباخه وقالت لهم ان الفطور جاهز دخلت هند وخالد غرفة الطعام جلس واكلو اكل خفيف لان بالهم مشغول بالصفقه خالد / الحمد لله شبعت يله قومي بروح لشركه هند / خلودي ما كلت شي خالد بعصبية / الصفقه سدت نفسي هند بابتسامه / عاد انا فتحت نفسي خالد بعصبيه / لو بجلس معك ببرودك بتجلطيني هند بحب / في عدوينك قامت هند ودخلت الصاله واخذت شنطة اوراقها وطلبت من هنديانا تلحقها بشنطة لاب توبها في الرياض قام فيصل من النوم دخل توضاء وطلع للمسجد يصلي الفجر رجع طلع لغرفته جهز شنطه صغيره فيه لبس له يكفي ليومين ركب سيارته بيسافر لديره في الديره ام جاسم طول ليلها سهرانه تراقب ولدها صلت الفجر وقومته توضا وصلى بالبيت ورجع لفراشه ونام يوم شافته نام حست بتعب ونامت على الساعه 7 قام جاسم بكسل وتعب وطلع للحوش ينتظر العمال بعد ما وصلو نسى اوجاعه ووقف يراقبهم ويساعدهم يبي يحط لمساته بمدرسة هند اليوم بيستلم المدرسه من غير تشطيب ومن بكره بيبداء التشطيب يحتاج لساعات اكثر جاسم في نفسه بتعب / ياليت يا روح جاسم ترحميني وتتصلين مشتاق والشوق ذبحني قول لي وينك وربي لجيك واسرق شوفاتك مثل العاده شهر وانتي غايبه عن عيني لكن ماغاب طيفك عني كل ليله اشوفك نايمه جنبي وتذكر الابيات الي تحكي معناته وكررها في نفسه / ألقى خيالك في خيالي واضمه وأشوف طيفك بين رمشي وعيني يمرني طاريك عجل والمه من لهفتي تسبق عيوني يديني مثل العبير يفوح عطرك واشمه في لحظة تسوى بقايا سنيني أحتاج لك حاجة وريدي لدمه ترد لي روح تروح وتجيني وهو يراقب العمال بدت حرارتة ترتفع لكن حاول يقاوم حس بتعب جلس على المرجيحه تذكر عشقها للمرجيحة انسدح بمكانها الي تعشقها ناسي الشمس الحاره عند ام جاسم صحت من نومها التفتت مكان ولدها لقته خالي تاكدت انه عند المدرسه قامة بحزن لبست عبايتها وتسترت وطلع للحوش قربت من المدرسه ما شافته تحركت جهزت حديقة الزهور شافته منسدح على المرجيحة كان حاط يده على عيونه قربت منه شافته منهك تعبان ام جاسم بحنان / وش مطير ومجلسك بالشمس وانت مريض استغرب من وجود امه رفع يده من عيونه وطالعها بتعب / مافيني لا العافية مدت يدها على جبين ولدها شافت حرارته مرتفعه ام جاسم بعصبيه / حرام عليك حرارتك مرتفعه ناوي تذبح نفسك علشان الي بعاتك الي باعك بيعه لو كان غالي جاسم بصوت تعبان / يممممممممه سحبت ولدها وهو استسلم لها مافيه طاقة يجادلها دخلته داخل عند جداته جداته قلوبهن توجعهت على حاله عمرهن ما شافنه بهضعف ومتاكدات انه يكابر كاشفاته ام راشد بحزن / جاسم اذا لجداتك خاطر عندك ارمها ورى ظهرك ورجع لنا جاسم القوي ام موضي بكت / اترجاك يا جاسم تنساها هي الخسرانه الدنيا بتعلمها انها خسرة خسارة كبيره بطلاقك منها جسم انتقض انه سبب وجع جداته وامه قبلهن وقلبه اوجعه انه يرد ترجي جداته الي يطلبنه مايقدر ينفذه مو بكيفه القلب ماله سيطره عليه وانقهر انه انكشف قدامهن هذا الي كان خايف منه ان غيره يتوجع بسببه جاسم بوجع وغصة / ادعي لي يا جده ربي يشيل حبها وعشقها من قلبي ويقويني الي فيني غصب عني ام راشد رفعت يدها لسماء / يارب انه يعافيك ويشافيك ويكتب لك كل خير اذا حبك لهند فيه خير انه يبقيه واذا فيه شر يزوله من قلبك ارتاح جاسم وحس بالطمانينه جاسم بابتسامه / اللهم امين دخلت ام جاسم وهي حزينه على حال ولدها عارفه كل شي له علاج الا العشق يذبح الرياجيل جابت معها شوربه وكمادات وعلاج خافض للحراره جاسم نزل راسه منقهر من نفسه انه سبب الحزن للي يحبهم مدت ام جاسم الصحن الشوربه لولدها ضغط على نفسه وصار يشرب مدت له خافض الحراره اكله وهو ساكت ام جاسم / من بكره بنرجع لرياض وباخذ جداتك معي وانت بتروح اولنا جاسم بتعب / كلها يومين وتخلص المدرسه ام جاسم بعصبيه / ماجانا من وراء المدرسه الا التعب والشقاء والمرض سلمها للعمال يكملون الباقي لهنا وكثر الله خيرك تارك شغلك ومقابل المدرسه جاسم بترجي وضعف / يا لغاليه المدرسه امانه برقبتي يرضيك اخون الامانه اذا شفتها كاملة مالي قعده بالديره بسلمها لمحمد اخوها يكمل الباقي ام جاسم بحزن / متى بتنتهي من المدرسه جاسم / كلها كم يوم وتخلص بكلم محمد يستلمها مني ام جاسم بستسلام / طيب لكن ارتاح هاليومين انت مريض لاحق على الشموس الي بتقضي عليك جاسم ابتسم / ان شاء الله قطع عليهم دخول فيصل الكل التفت عليه متفاجئن من جيته الغير متوقعه فيصل بصوت الجهوري / السلام الكل / وعليكم السلام دخل وقرب عند جداته باس راسهن وباس امه وقف له جاسم اخذه بالاحضان انتبه لحرارة اخوه المرتفعه فيصل بخوف / جاسم حرارتك مرتفعه ام جاسم بقهر / تعبان من قعدته بالشموس ومقابل هالعمال جاسم / مافيني الا العافيه بشر عنك فيصل / الحمد الله بخير اذا تعبان بوديك المستشفى جاسم بابتسامه / ماقصرت ام جاسم عالجتني ام جاسم التفتت لفيصل / وانا امك شكلك نحفان وتعبان فيصل / عزوبي داج ماعندي احد يهتم فيني ام جاسم / وينها الجوهره عنك موصيتها عليك فيصل / الجوهره الله يعينها مشغوله ببنتها وانا رجعت البيت ام جاسم / وش يوديك للبيت ومافيه احد فيصل / مايجيني النوم الا بغرفتي ام جاسم / غريبه وش جابك وتارك شركتك فيصل / اشتقت لك يالغالية البيت من غيرك خرابه ام جاسم بابتسامه / اكيد حايس البيت الله يعينا على تنظيفه فيصل بابتسامه / عزوبي ماوراي الا الحوسه والوسخ ام جاسم / شلونها اختك وبنتها فيصل / طيبات معليهن والجوهره مسويه حضر على بنتها خايفه عليها مني ام جاسم / مالومها وانت تعرف تلعب الي يشوفك يقول تلعب مع كبير ام جاسم / افطرت فيصل / لا وين افطر قامت ام جاسم وطلبت من الشغالات يجهزن فطور لهم كلهم جابته الشغاله وحطه بالارض جاسم ماله نفس شرب حليب وقام من عندهم ودخل فراشه ونام وفيصل بعد الفطور سولف مع جداته وبعدها استاذن وطلع لغرفته ونام بالطائف في الشركه وصلت لشركه مع خالد الي طول الطريق ساكت ومتضايق من المشروع دخل مكتبه وهند دخلت مكتبها طلبت من السكرتيره تسوي اجتماع طاري بتدرس المشروع بعد دقائق الكل بغرفة الاجتماع دخلت هند الغرفه شافتهم متجمعين وخالد واضح عليه الزعل قربت وجلست بمكانها هند بثقة / طلبكم باجتماع طاري حبيت اقول لكم ان الشركه بتدخل بصفقه نسبت نجاحه وخسارتها نفس النسبه اذا خسرنا الصفقه بافلس واحتمال كبير انسجن وبيكون علي ديون كبيره مستحيل اقدر اسددها واذا ربحت الصفقه بتنقل شركاتي نقله كبيره وبتصير اكبر الشركات بالشرق الاوسط اول معارضيني خالد لانه فكر بالجانب السلبي وترك الجانب الايجابي وانا من طبعي احب اخوض المستحيل ونظرتي دايما للجانب الاجابي لو بانظر للجانب السلبي بوقف مكاني من غير لاحقق طموحاتي مشعل ووليد ومطلق كلام هند خوفهم وارعبهم هم ما صدقو بالوظيفه والراتب السنع خافو من الخساره مطلق / استاذه هند والمطلوب منا مدامك مقرره وبتنفذين الصفقه هند بجديه / هذا وقتكم ابي جهد مضاعف وابي السريه والكتمان على اسرار الشركه اعتبرو نفسكم بحرب ولازم لها استعداد والقوه علشان نكسب هالحرب احب اطمنكم اذا خسرت الشركه وفلست راح تنتقلون وتتوظفون بشركة خالي والفلل باسمكم مالها علاقة بممتلكاتي وان شاء الله لكسبنا الصفقه الراتب بيتضاعف ثلاث اضعاف مع امتيازات جديده لكل موظفين شركاتي ارتاحو من كلامها لكن مستحيل يرضون بخسارة الشركه وبيبذلون كل جهودهم ويكسبون الصفقه مستعدين يواصلون الليل بالنهار هند لها فضل كبير عليهم مستحيل يتخلون عنها وهي بحاجتهم تكلم مشعل / حطينا على يمناك والي تامرين فيه حنا حاضرين لو نواصل ليلنا بنهارنا اهم شي ما تخسر الشركه هند / جعلكم سالمين هذا كان العشم وانا مطمئنه كثيررررر ان الصفقه بنكسبها وليد / باذن الله خالد طول الجلسه ساكت منقهر خاف يتكلم ينفجر بهند خلص الاجتماع واول من قام خالد وطلع وبعده الموظفين هند ماحبت تجادله لانها تعرف انه خايف عليها وعلى شركاتها في بريطانيا قامت نوره وسحبت نفسها من حضن غاده الي كانت متمسكه بقوة بخالتها كانها خايفه تقوم ماتلقاها قامت نوره توضت وصحت غاده وطلعت لغرفة فهد تصحي عبدالرحمن وعدنان وطلعت بالصاله تصحي فهد رجعت لغرفة غاده شافت سريرها خالي ابسطت السجاده وصلت طلعت غاده صلت بعد ماخلصت صلاه التفتت على نوره غاده بابتسامه / احلى نومه نمتها البارح من زمان مانمت هالنومه نوره بحب / نوم العواف بداومين اليوم بالجامعه غاده بابتسامه / اكيد وراي امتحان مهم نوره / اذا جيتي بنجهز للملكه وبنشتري شبكه محترمه لندى غاده / ان شاء الله الا خالتو ماقلتي وش رايك بخطيبة ولدك نوره تبتسم / حبيتها وحبيت ا مها شكلهم خوش ناس غاده / شفتي ذوقي نوره / لا تتاخرين البسي وخلي السوالف لجيتي طلعت من عند غاده دخلت المطبخ جهزت فطور سريع لغاده وفهد لان عبد الرحمن وعدنان صلو ورجعو ينامون حطت الفطور على طاولة الطعام وطلعت لفهد شافته منسدح وشكله كسلان نوره / قوم تاخرت عن الجامعه فهد بكسل / ما نمت الظاهر ماني برايح نوره / واختك من بيوديها فهد / انا بوديها وبرجع اليوم عندي محاضره وحده بعد الظهر نوره / قوم البس لا تتاخر على اختك ولا بتوصلها بالبجامه فهد يبتسم / لا ماوصلت اني اطلع بالبجامه قام ودخل الغرفه طلع ملابسه ودخل الحمام الي بالصاله مايبي يزعج ابوه اخذ ملابسه معه للحمام اخذ شور ولبس وطلع لقى غاده جالسه تفطر فهد / انتي ما تعرفين تنتظرين لين نفطر سوى غاده / من جدك منت بمداوم بالجامعه فهد / كنت بداوم لكن متاخر بعد الشور تنيشطت بداوم على ان محاضرتي متاخره لكن بدخل المكتبه اجمع كتب لبحثي غاده بابتسامه/ ترى ابشرك ندى كلمتني بتغيب عن الجامعه فهد / خساره غاده بعصبيه/ اياني وياك اشوفك تنطنط عندي وهي معي لملكتو بكيفكم لو تاخذها وتطلع فيها فهد / صايره هادم اللذات ومفرق الجماعات نوره / غاده صادقه مو معناته احنا بالغربه ننسى دينا وعاداتنا وتقاليدنا ما ترضاها لخواتك يطلعن مع الي خطبهن من غير رابط شرعي فهد بجديه / الي قلته كله مزح بمزح انا من قبل لا خطبها وانا اتجنب اني اقابلها ومدام خطبتها مستحيل علشاني وعلشانها انا تربية ابو خالد ونوره غاده ضربته على راسه / وصرنا نعرف نتكلم يله مشينا لا نتاخر فهد / وش ذا اليد الثقيله اوجعتي راسي غاده / اذكر ربي لا تنكسر يدي وراي امتحان فهد / تف تف ماشا ء الله غاده / قرف نوره / خلو الجدال وصل اختك للجامعه لا تتاخر على امتحاناتها فهد / ان شاء الله طلع فهد وغاده للجامعه ورجعت نوره لغرفة غاده تنام وصلو للجامعه فهد وصل غاده لمكانها وهو دخل المكتبه تركها فهد وهي مسكت كتابها وفتحته وبدت تراجع عند صلاح من يوم غلط على غاده ما قابلها وندمان ومتضايق من تهوره قرر اول ما يشوفها بيعتذر لها يبي يرتاح دخل الجامعه التفت على مكانها شافها جالسه وبيدها كتاب تقراء فيه قرب منها وهي مندمجه بالقراء اصدر صوت يبي يلفت انتباهها سمعت الصوت رفعت عيونها من الكتاب اول ما شافت صلاح نزلت عيونها بالمكان ماهتمت بوجوه صلاح بارتباك / غاده من جد انا اسف على الي صار ياليت تسامحيني رفعت عيونها من الكتاب غاده ببرود / تطمن مستحيل اكون سبب فراقك انت وفهد وادمر صداقتك وفر اعتذارك صلاح / انا جيتك اعتذر لاني غلطت بحقك مو لاني خايف على صدقتي مع فهد غاده بنفس البرود / سامحتك وترى فهد بالمكتبه ينتظرك ورجعت نزلت عيونها بكتابها صلاح انقهر من تطنيشها احترم نفسه ومشى وتركها وهي قامت ادخلت الكلاس جلست بمكانها وكملت مراجعه عند صلاح دخل المكتبه شاف فهد عند رفوف الكتب بيده كتاب صلاح / السلام وش عندك مصبح المكتبه فهد بابتسامه / وعليكم السلام عندي بحث يبيله مراجع صلاح / بشر وش صار بخطبتك فهد بابتسامه / الحمد لله وافقو واليوم بسوي التحاليل اول ماتطلع النتائج نملك صلاح بفرح / مبروك الله يتمم لك وعقبالي يارب فهد / الله يبارك فيه احتاج همتك معي صلاح / بالخدمه لكن مو اطنشني لاحتجتك بملكتي فهد / شد حيلك نبي زواجنا سوى صلاح بجديه / خلني اول اتخرج وارجع لرياض واكون نفسي ذيك الساعه افكر اتزوج تحسبني مطفوق مثلك فهد / الحب خلاني مطفوق ومستعجل لو بكيفي خليته زواج وملكه في نفس الوقت يتبع |
رد: غرام وانتقام بيت ابو ندى عند ندى صحت الفجر صلت وانسدحت على سريرها تبي ترجع تنام دخلت عليها امها الي استغربت انها مانزلت ام ندى / ليش نايمه عسى ماشر ندى / بغيب عن الجامعه ام ندى / وليه ان شاء الله ندى / يمه امس خطبتي استحي اداوم اليوم ام ندى بجديه / واذا طولتي مخطوبه ندى / بكره اجباري اداوم عندي امتحان ضروري ام ندى / مدامك منتبي بمداومه بطلع معك لسوق اشتري لك فستان الملكه وشغلات للحفله ندى / ان شاء الله بعد الفطور نزلت ام ندى ولحقتها للمطبخ جهزت الفطور افطرن كلمن السواق الي متعودات يوديهن لنشغل ابوهن عنه كلمنه وبعد نص ساعه جاء ركبن معه وطلعن لسوق في الطائف عنده هند لبست عبايتها بتطلع بدري ماعندها شي طلعت لمكتب خالد شافها طالعها بنص عين وسبقها من غير لا يتكلم ركبو السياره وهم ساكتين وخالد منقهر وساكت وصلو للبيت هند طلعت لغرفتها ترتاح وخالد دخل لغرفته عند خالد دخل لقى غاده جالسه وبيدها اكتاب تقراء فيه لما سمعت الباب يفتح رفعت نظرها شافت خالد واضح عليه الضيقه والهم خافت صاير شي غاده حذفت الكتب على جنب وقفت وقربت من خالد غاده بخوف / خالد حبيبي وش فيه وجهك مايبشر بخير طمني الله يخليك خالد بضيقة / ما فيني شي مشاكل بالشغل ارتاحي غاده بحب / حبيبي قولي لا تكتم بنفسك جلس خالد على طرف السرير / وش اقولك اقول لك هند بتضيع نفسها ولا اهتمت برايي غاده خافت / شلون بتضيع نفسها خوفتني خالد خالد بقهر / دخلت صفقه كبيره نسبت الخساره والربح متساويه واذ خسرت تدمرت شركتها وضاعت وبتصير مديونه وفيها سجن وخراب بيوت غاده بخوف / حاول فيها اقنعها تنسحب خالد بقهر / حاولت لكن هذي هند موتها تمشي الي براسها لو كان فيه نهايتها غاده / بكلمها بحاول اقنعها خالد / لا تكلمينها راسها يابس ومصره على الصفقه غاده / لا حول ولا قوة الا بالله تعوذ من بليس واطلع تغد ا خالد / اعوذ بالله منك يابليس جهزي الغداء بتغدا وبنام والعصر برجع لشركه غاده طلعت تجهز الغداء وبعد ماجهزته طلعت لغرفة هند فتحت الباب شافتها بسريرها نايمه طلعت محبت تزعجها نزلت لقت خالد جالس قدام الغداء قربت من وجلست خالد / وينها غاده / دخلت شفتها نايمه ماحبيت اخرب عليها نومتها خالد بقهر / مدري شلون يجيها نوم وهي احتمال تضيع غاده بجديه / يمكن تتهرب عن التفكير بالنوم في الديره عند جاسم صحى من نومه وشاف نفسه احسن شافته امه ام جاسم / قوم بنحط الغداء جاسم / وينه فيصل ام جاسم / بغرفته نايم جاسم / اجل بطلع اصحيه ام جاسم / انت شلونك الحين جاسم يبتسم / اللهم لك الحمد مدام ام جاسم دكتورتي ام جاسم بحب / قوم يمه صل الظهر تارك متاخر ماصليتهم طلع فوق دخل غرفته وهو ينزف والغرفه مثل ماتركتها هند ماغير فيها شي جاسم في نفسه / بقول لشغاله ترتبهم وتشيل كل شي فيه ريحتها لمتى بعيش بسراب يارب انك تقويني وترزقني نسيانها مستحيل ارضى على نفسي اكون سبب لعذاب امي وجداتي بسبب العشق المجنون الي ابتليت فيه دخل الحمام توضى وصلى وطلع من غرفته دخل غرفة فيصل الي كان متسند على سريره عند فيصل كان منسدح على سريره كل تفكيره بغاده اذا سافر لبريطانيا معقول بيشوفها لو بالصدفه لانه يجهل وينها ساكنه فيه وجوهره ونواف رافضين يقولون شي قطع عليه افكاره دخول جاسم عليه جاسم قرب وجلس على كنبه بالغرفة مقابله لتلفزون جاسم / بشر عنك وماخذت علومك بسبب تعبي فيصل ببرود/ لا جديد من البيت لشركه ومن الشركه للبيت ان غيرت مريت على الجوهره انت الي شعلومك جاسم بحزن موجع / شوفت عيونك العشق امرضني وسبب اوجاعي واوجاع غيري عايش على الاطلال يمقابل مدرستها رافض اني اغير كل شي بغرفتي لانها استخدمتها ونامت فيها ابي اعيش على طيف ذكرى فيصل اوجعه قلبه على اخوه وعليه لان نفس معاناته عايش على طيف ذكرى بيسافر لبريطانيا علشانها صحاه جاسم عن فكرة السفر لان بسفره بتزود اوجاعه بيعيش على طيف ذكرى وبيتوجع اذا خاب امله انه يشوفها قر يرحم نفسه من المعاناة ويهون عن السفر خلاص قلبه ما يتحمل مواجع واحزان ما يبي يصير نسخه عن اخوه طالع بجاسم باسى وحزن الي تغير كثييييييير بسبب عشقه لازم يقوي نفسه ويدوس على قلبه وينشغل عن تفكيره فيها بشركته فيصل بوجع / لازم وغصب ننساهن على انه صعب علينا لكن لمتى ياخوي نعيش على طيف ذكرى انا موجوع ومدمر بسبها ماعاد صرت انتبه لشغلي وانت جالس بالديره كل شي هنا يذكرك فيها لازم ترجع معي لرياض المدرسه الي تتعذر فيها اشوفها خلصت باقي تشطيبات خفيفه بكم يوم تخلص منها ترجع لرياض لازم ترمي هند ورى ظهرك مثا ماانا برمي غاده ورى ظهري نعتبرهن ذكرى حلوة موجعه ما تدري ياخوي وش مخبيه لنا الايام اكذب عليك لو قلت لك بقدر اشيلها من تفكيري ومن قلبي لكن القلب بيد ربك احنا العشق مرض وبتلينا فيه بنحاول وربك يساعدنا جاسم مستمع لكلام اخوه وحس براحه لازم يبداء صفحه جديده ويحذف عشقه لهند ورى ظهره جاسم يبتسم / انزل خلنا نتغدى امي مرسلتني اصحيك تتغداء نسيتني بالسوالف نزل لقى جداته وامهم جالسات على الارض والغداء قدامهن قربو وجلسو ياكلون والجو كله هدوء في بريطانيا طلعت غاده من المحاضره حست بجوع دخلت الكفتريا طلبت فطائر وعصير واخذتهم ورجعت لطاوله وهي جالسه سرحانه مر من قدامها واحد يشبه فيصل انتفض قلبها تذكرته نزلت الفطيره من فمها وغصب عنها صارت تبكي بصمت ودموعها شلال على خداها عند صلاح صلاح طلع من المكتبه ودخل الكفتريا شافها من بعيد ونصدم وهي سرحانه ودموعها على خدها نفسه يقرب منها يواسيها لكنه خاف من لسانها طلع من الكفتريا لفهد لازم يقوله يخاف غلط عليها احد بالجامعه مستحيل يسمح لحد يهينها وبيوقف بوجهه دخل المكتبه لقى فهد جالس على وحده من الطاولات وبيده قلم ودفتر يلخص الكتاب الي قدامه قرب منه رفع فهد راسمه من الكتاب على جلست صلاح فهد / ليش رجعت مو انت تقول انك مليت صلاح / الي جابني اختك غاده فهد / وش فيها الست غاده صلاح / شفتها بالكفتريا سرحانه تبكي فهد فز من مكانه وطلع من غير لا ياخذ الملخصات اخذهم صلاح وطلع من المكتبه وصل لغاده كانت على نفس حالتها قرب منها جلس مقابلها وهي ما حست فيه فهد بوجع / صرنا نبكي عليه بالنهار ما يكفيك تبكينه بالليل صحت من سرحانها وحاولت تمسح دموعها تخفيها عن فهد فهد / لا تمسحينها خليها يمكن تنظف قلبك من حبه غاده بوجع وصوت باكي / قولي يا فهد شلونا نظف قلبي منه والله لسمع كلامك مابي اضعف واتدمر بسبته فهد / قومي نطلع للشقه وياليت ماتبينين شي لامي وابوي مابيهم يشيلون همك وهم كلها يومين وبيرجعون غاده وقفت / ومحاضرتك فهد / انتي اهم من محاضرتي بنطلع نتمشى قبل لا نرجع لشقه اذا هديتي بنرجع لشقه مستحيل اخليك تقابلينهم بهالشكل الي كان ميت لك ميت استسلمت له وطلعو برى الجامعه وقف سيارته بعيد عن الشقه وصارو يمشون لما هدت رجعو لشقه شمو ريحة طبخ غاده دخلت المطبخ وهي تضغط على نفسها بابتسامه مصنعه شافت خالتها عند الفرن قربت منها / ووووواو بشقتنا ريحة طبخ نوره / قلت اطبخ لكم اكيد مليتو من اكل المطاعم غاده بابتسامه / وش طابخه نوره بحب / الطبخه الي تحبينها ويحبها فهد غاده / لا تقولين مقلوبه نوره / وصلتي طبخت مقلبه تاكلين يدك وراها روحي بدلي وتعالي تغدي غاده / خالي وينه ماشوفه نوره / تعرفين خالك بدمه الشغل طلع يتطمن على شركه هند غاده / وعدنان وينه نوره / بغرفة اخوه نايم فهد واقف يسمع كلامهم وقلبه يعتصر وجع على غاده تتوجع وتكابر طلعت غاده مرت من عنده نزلت راسها دخلت غرفتها اخذت شور ولبست لبس بيتي وطلعت طقت على باب غرفة فهد دخلت شافت عدنان نايم على سرير فهد قربت منه وصارت تلعب بشعره / عدوني قوم مشتاقه لك يكفيك نوم عدنان فتح عيونه بكسل / طيب بقوم كم الساعه غاده / الساعه 12 قوم صل وتعال برا نتغدى عدنان / مشغوله اليوم غاده قامت من جنبه / قوم وغسل وجهك وبعدين تعال برا اسالني بنطقها سوالف وانت نايم طلعت شافت فهد جالس سرحان بالصاله قربت منه وحطت راسها على كتفه غاده بحب / الي اخذ عقلك يتهنى فيه فهد ابتسم / من غيرها ( يقصدها ) غاده بابتسامه / بديت اغار منها شكلك لا تملكت بتسحب علي شكلي بقول لخالي ياجلها لا تخرجنا ليه العجله فهد ضربها على جبهتها / علشان ادفنك بابريطانيا غاده / بملكتك بتلبس ثوب ولا بدله فهد يبتسم / اكيد ثوب لبسته بخطبتي تبيني مالبسه بملكتي الي بتصور فيها غاده / متى بتحلل علشان الملكه فهد / بعد ما تغداء بطلع مع صلاح اسوي التحليل بمستشفى يعرفه صلاح بيطلع لنا النتائج بسرعه قطع عليهم دخول عبد الرحمن لحظات ودخل عدنان وعيونه منفوخه من النوم دخلت عليهم نوره تناديهم على الغداء تغدو فهد طلع وعبدالرحمن دخل غرفة فهد بينام من الفجر صاحي وعدنان جالس بالصاله شبعان نوم ونوره وغاده دخلو غرفتهم نامت غاده بحضن نوره بالطائف عند هند قامت وهي نشيطه طالعت بساعتها شافتها 3 العصر قامت مفجوعه ماصلت الظهر والعصر قريب ياذن قامت توضت وصلت الظهر وجلست بغرفتها تنتظر صلاة العصر بتصلي وتنزل فتحت لاب توبها تراجع الصفقة من كل الجوانب سمعت صوت الاذان قفلت لاب توبها وقامت تصلي بعده نزلت شافت خالد جالس مقابل لدرج وجنبه غاده اول ماشافه صد عنها قربت منهم وجلست بجنبه هند / السلام الكل / وعليكم السلام هند بابتسامه / بعض الناس حاقرني ولا يكلمني مدري متى يرضى خالد / كانك عليك من بعض الناس زعلو ولا رضو كله سوى عنك هند بجديه / مازعلتك انت صاير زعول خالد بعصبيه وصراخ / والجنون والهبال الي بتسوينه ما يزعل انتي مافكرتي بابو وامي لاصار الشي الي خايفين منه هند ببرود / ان شاء الله مايصير الشين ويصير كل شي زين خالد انتفض وقام وهو معصب / لو اجلس دقيقه بتجلطيني ببرودك طلع من الصاله وهو معصب هند / غاده روحي الحقيه يوجعني قلبي اشوفه معصب وزعلان علي لكن انا كبيره اعرف مصلحتي فهميه هالشي غاده بزعل / الله يعينك على نفسك هند / ليكون بتحقريني مثل زوجك وربي لهج ما تشوفوني غاده / وانا اقدر ولا نسيتي ان عمي ابو خالد يومين وهو عندنا وزواج هنديانا الي لك كم يوم ناسيه تساليني عنه هند / صحيح نسيت وش سويتي مابقى شي واهلها متى يجون غاده / كل شي تمام واهلها بيجون قبل زواجها بيومين هند بجديه / غدويه حبيبتي لا تقصرين عليها بشي مهما كان هي بتستحي تشتري الغالي اسبقيها وشتريه لها ولا اوصيك باهلها انا هاليومين مشغوله لراسي ماني فاضيه لهالامور هذي مهمتك غاده بحب / تطمني انتي خليك بشغلك اتركي لي هالشغلات تعرفيني اعشقها هند بحب / ما قصرتي الا بقيتو لي غداء ميته جوع وقفت غاده / بروح اشوف خالد قولي لطباخه تحط غداك طلعت غاده من عند هند عند خالد دخلت عن خالد شافته متسند على السرير متضايق قربت منه / خلودي حبيبي خلاص وربي اتعذب لشفتك مهموم خالد / هند بتذحني احر ماعندي ابرد ماعندها غاده / هي كبيره قد الي تسويه يمكن تتعلم من غلطها خالد بقهر / هذي مو أي غلطه هذا دمار تفهمين اش معنى دمار بتعيش بفقر وبسجن لو خسرت هي تشوف الموضوع ببرود وانا احترق افكر بابوي وامي وفيها الخبله اذا صار الجد بتصحى لكن بعد ايش بعد ما يفوت الفوت الموضوع حارمني النوم وهي مكبره مخدتها ونايمه عند هند كانت بالصاله تذكرت موضوع موتها قامت وصلت لغرفة خالد طقت عليهم الباب فتحت لها غاده هند / غاده وينه خالد غاده / منسدح على سريره حياك ادخلي دخلت هند شافها صد عنها / خالد اليوم تنشر خبر اشاعة عن وفاتي طالعه وجاوبها ببرود / وغيره هند بجديه / بكره خبر تكذيب وفاتي بكل الجرائد السعوديه وبعده بالعالميه مابي اعيد كلامي مثل ماموتوني تنشرون التكذيب خالد يحاول يمسك اعصابه / قلت زين اوامر ثانيه هند بعصبية / لا اذا زانت نفسيتك تعال كلمني صاير ممل طلعت وسكرت بقوتها الباب طلعت وخالد مقهور منها وعليها غاده بحب / خلاص وسع صدرك هند مالها غنى عنك وقف معها بدال منت محتقرها هي تحتاجك الحين لا تكابر متاكد انك تتعذب صدك لها مراح يقدم ولا ياخر الي براسها سوته وقف معها خالد / يصير خير لا تشيلين همي وهمها مردودنا لبعض قام من سريره دخل الحمام اخذ شور ولبس خالد / انا طالع لشركه الي بدمرها الخبله غاده / الله يحفظك طلع لقى هند بالصاله تشرب عصير قرب منها وتكلم بحزن / والله ياهند خايف علي اكثر من خوفي على نفسي هند بجديه / ادري لكن طريقتك غلط بتعاقب نفسك قبل لا تعاقبني لاتسبق الاحداث وفر زعلك لخسرت انا عندي ثقة كبيررره اني بكسبها عمر احساسي ماخاب خالد / هذا الي تمناه والله يعطيك على نيتك هند / خلاص صافي يالبن خالد ابتسم / حليب ياقشطه هند / هههههههه انقلبنا مصروه وين كاشخ وطالع خالد / طالع لشركه يبي لنا جهد فوق جهدنا علشان صفقتك قربت من وضمته بحب / الله لا يحرمني منك خالد / ولا يحرمني منك هند / خالد عطني جوالك خالد خير وش عندك هند / بكلم جداتي من زمان عنهن رفعت جوالها واتصلت على ام جاسم في الديره كانت ام جاسم جالسه عند الجدات وجاسم منسدح بمكانه كان جوال امه طايح جنبه شافه يدق وامه بعيده عند جداته رفع الجوال وانتفض وهو يشوف اسمها ينور بجوال امه قام وحط الجوال بعيد عنه خاف تخونه نفسه ويرد ورجع لمكانه وانسدح وتغطى بالبطانيه سمعت ام جاسم صوت جوالها وقامت اخذته ردت ام جاسم / الو هند / شلونك خالتي ام جاسم / بخير بشريني عنك هند / الحمد لله بخير جداتي عندك ام جاسم / ايه مدت الجوال لخالتها / يمه هند على الجوال تبي تكلمك ام راشد فرحت مشتاقه لها على الي سوته بجاسم تحبها وعاذرتها ام راشد بحب / شلونك يمه من زمان ماتصلتي هند بحب / بخير جعلني فداك انشغلت ام راشد / شلون غاده واخوك هند / كلهم بخير ام راشد / متى بتجيني عندنا ترى مشتاقين لك هند بحب / انا مكلمتك اقولك حجزت لكم حج مع خالتي ام جاسم وياليت يكون معكم محرم كان نفسي احج معكم لكن ربي ما كتب هالسنه يمكن تصير السنه الجايه ام راشد بفرح / الله يجزاك خير والله ان الحج بنفسي من زمان هند / جده عطيني جدتي مدت ام راشد الجوال لام موضي الي كلمتها وانبسطت بالحج ودعت لها وسكرت الجوال وهن مبسوطات وفرحانات بالحج جاسم مركز على المكالمه وقلبه متلهف ومشتاق لها نزلت دمعه يتيمه على خده ام جاسم / اشوفك يمه فرحانه فرحيني معك ام راشد / هند الله يفرح قلبها حاجزه لي وخالتك وانتي معنا بنحج هالسنه موضي دمعت عيونها / الله يفتحها بوجها وينولها الي في بالها ويزرقها ام جاسم فرحت / امين ام راشد / لازم نقول لجاسم ولا فيصل تقول لازم يكون معنا رجال هي مشغوله ماتقد تحج هالسنه ام جاسم / كلهم ان شاء الله بيحجون يمه ما تدرين وينها هند فز قلب جاسم امنيته يعرف وينها فيه ام راشد / لا والله يبنتي كل ماسالتها تهربت وغيرت الموضوع جاسم في نفسه بوجع / وين الي بيصير قوي وبتنساها لنذكرت قدامك انتفض قلبك وين اقدر انساها وذكرها حولي وكل شي يذكرني فيها لازم ارجع لرياض ولا بموت بسبب عشقي المجنون بشد على العمال يخلصون المدرسه بهاليومين دخل عليهم فيصل وجلس جنب جداته ام راشد / يمك ابيك تفضي نفسك بنحج فيصل / غالي والطلب رخيص باقي شهر على الحج يبي لنا نحجز ام موضي / ما يحتاج تحجز هند كلمت وقالت انها حاجزه لي ولجدتك ولامك معنا الله يوفقها لكن نبي محرم فيصل التفت على مكان جاسم شافه متغطي متاكد انه صاحي يسمع كلامهم فيصل بقهر / مانحتاج منها شي اقدر احججكم توفر على نفسها ام راشد بزعل / بتحرمني من بنت ولدي ترى قدرها عندي من قدركم تبيني اكسر بخاطرها وهي متعنيه وحاجزه لي ومفرحتني فيصل / مو سالفة احرمك منها لكن احنا اولى انا نحججك لاقاصرنا فلوس ام جاسم بعصبيه / مالك شغل بجداتك بيحجن بحساب هند وانا معهن وعن الهرج الي ماله داعي جداتك مالهن شغل بخبالك انت واخوك فيصل حس بوجع وقف وطلع فيصل في نفسه / صرت خبل ياغاده بسبتك وانا خبل ليه زعلت من الكلمه ولا واحد يعيش مع طيف وحده بايعته لا وبعد تحب غيره وكارهته ومنحاشه بعرسه يتبع |
رد: غرام وانتقام مر يومين على ابطالنا عبدالرحمنونوره بابريطانيا يستعدون لملكة فهد الي طلعت نتايجه مع ندى بالموافقه بنفس اليوموينتظرون محمد يحضر الملكه غاده ونوره مشغولات بالترتيبات الي بتكون في قصرابو ندى فهد مبسوط وفرحان ينتظر على شوق الملكه من بعد خطبته لندى وهومانع نفسه يشوفها بالجامعه مشتاق لها وندى مشغوله بتجهيز نفسها وخايفهومرتبكه كل ما قرب موعد الملكة داومت بالجامعه وفرحانه انها ما شافت فهد لانهامنحرجه ومستحيه انها تشوفه ام ندى مشغوله بتجهيزات خاصه لبنتها عزمت المعارفالي تعرفت عليهم بابريطانيا وبعض حريم السفاره هند مشغوله بالصفقه واجلتزواج هنديانا لين يجي خالها تبي فرحتهم تكتمل مشتاقه لخالها وتنتظر جيتهم على نار خالد ومطلق ومشعل ووليد مشغولين وصار دوامه مضاعف بالشركه غاده تعبهاالوحم والنوم والكسل وهي تحاول تضغط على نفسها وتساعد هنديانا بالترتيبات هنديانا فرحانه وجابت اهلها عندها وسكنتهم بفلتها جاسم خفت عنالسخونه لكن قلبه مازال متعلق بهند لكن يحاول يكابر علشان امه وجداته طلب منالعمال يستمرون ليل ونهار ودفع لهم مبالغ كبيره علشان تخلص المدرسه بسرعه ويهج منالديره ومن ذكريات هند فيها فيصل نفس حال اخوه من الشوق والعذاب لكن يحاوليكابر قرر يجلس بالديره ويرجع مع امه وجداته وجاسم ابو بسام وام بسام كلمهمعبد الرحمن وقال لهم عن سفرهم معه لطائف عند هند لانه بيجيهم من بريطانيا على طول في بريطانيا ملكت فهد الكل مشغول بالاستعدادات والترتيبات ونوره وغاده مرو على بيت ابو ندى يتاكدون من كل شي وبعده طلعن لشقة فهد طلبن كوفيره لبنانيه شاطره عدلتهن وصارن قمه بالجمال غاده لابسه فستان ليموني مخصر على جسمها فستانها ناعم بسيط شرته لها نوره طالع عليها خيال نوره لابسه فستان اسود من الشيفون ناعم طلعت من عندهن الكوفيره سمعن صوت الجرس فتحته غاده كان محمد الي عند الباب شافته ضمته غاده / حمود يدب ليش تاخرت محمد بحب / مابي اعلق شغلي خلصته وجيت لاني ماخذ اجازه شهر غاده بفرح / واو وناسه بتجلس عندنا محمد / لا عندي شغل بالطائف ماحب يقول بيطلع عند هند مايبي يقلب عليها المواجع وهي فرحان بملكة فهد طلعت لهم نوره وصلت لولدها باس راس امه محمد يبتسم / ما شاء الله يام خالد بتغطين على العروس ضربته غاده بكتفه / ياعديم الذوق لي ساعه مرتزه قدامك مامدحتني من شفت امك هليت عليه بالمدايح نوره بابتسامه / بدت الغيره ليش يامك تاخرت ما بقي شي عن المغرب كان جيت من وقت علشان ترتاح محمد بحب / ارتحت بالطياره بدخل اخذ شور والبس الا وينه المعرس نوره / ماشفته من اليوم مع صلاح عند فهد طلع من الصباح حجز طاوله بمطعم ووصاهم يسون جو رومنسي بيجي مع ندى بعد الملكة بعد ماخلص طلع لسوق ع صلاح شرى بعض الشغلات الي يحتاجها ودخل الحلاق رتب شكله بعدها رجع مع صلاح لشقته لان امه وغاده عندهم الكوفيره مشغولات طلع من شقة صلاح على المغرب ودخل شقته شاف امه وغاده جالسات على الكنب فهد / السلام الله وش هالزين الي مايطلع الا بالمواسم غاده بعصبية / للحين مالبست ولا كشخت ماعاد فيه وقت محمد جاء بغرفتك فهد بابتسامه / تحسبيني مثلك اجلس ساعه وفوقها ساعه علشان اكشخ كلها دقايق وانا مرتز قدامك غاده بعصبية / هييييييه وش دقائق اكشخ لا تفشلنا وتنصدم ندى فيك فهد / الزين زين لو قام من النوم وياشر بصبعه لها / والشين شين لو غسل وجهه بالصابون غاده / واثقه بنفسي والكلام مقلوب عليك وياله ادخل ترانا ننتظرك انت بتوصلنا دخل غرفته لقى محمد خلص لبسه دخل الحمام اخذ شور ولبس وكشخ بالثوب والبشت وطلع لهم لقى غاده جالسه طفشانه ونوره بالمطبخ تجهز البخور نوره معها المبخر مدته على ولدها تبخر نوره / كلللللللللللللللللللللللوش ياجعله مبارك التفتت على محمد / عقبال ماتفرحني وتتزوج محمد يبتسم / فتح لنا فهد باب ان شاء الله فهد يطالع بمحمد بابتسامه / في بيتنا عانس محمد بابتسامه / اقول تبخر لحرقك بالمبخر فهد بابتسامه / لا وش دعوه ناوي تشوهني كل هذا غيره تبخر فهد ومد بالمبخر لمحمد تبخر ولبست نوره وغاده عباياتهن وتغطن مايبن يكشفن وهن حاطات مكياج وصلن بيت ابو ندى بعد المغرب كان المكان قمه بالروعه دخلن استقبلتهم ام ندى الي لابسه فستان تايقر من الشيفون غاده / خالتي اقدر اطلع لندى ام ندى بابتسامه / اكيد هي تنتظرك تاخرتي عليها وقفت نوره مع ام ندى بالاستقبال وام ندى تعرفها على ضيوفها في مجلس الرجال عبدالرحمن وابو ندى جالسين جنب بعض وفهد جالس جنبه صلاح و اخوه محمد وعدنان جنب محمد يستقبلون المدعوين عند ندى كانت الكوفيره تحط اللمسات الاخيره الا على طق الباب فتحته كانت غاده دخلت غاده وكانت منبهره بندى الي متغيره قاصه شعرها وصابغته اسود وصايره خيال غاده قربت منها / الله يقوي قلبك فهود اخاف ينجلط لشافك ندى بارتباك / ليش شكلي مو حلو ويخوف غاده تبتسم / الا من كثر الحلى بتجلطينه بتطلعين للمعازيم ندى بخوف / لا مالي خلق لعيون الحريم وتدقيقهم بيطلعون فيني الاغلاط العشره غاده / ابن امها تلقى غلط واحد كم باقي لك ندى / خلصت تقريبا باقي البس غاده مستغربه / شعرك بتخلينه من غير لا ترفعيه ندى / ايه لاني احب البساطه شوفي مكياجي ناعم ماكاني حاطه شي على وجهي مابي اغش اخوك غاده / اخوي هابلته من غير ندى مستحيه / غدوووووويه خفي علي غاده / انا نازله طولت على امك وخالتي يحتاجوني اوقف معهم نزلت الا على دخول ام ندى بالدفتر ام ندى قربت من بنتها وضمتها / يجعله مبارك ندى باست امها براسها / الله يبارك فيك يمه خايفه احس شكلي غلط ام ندى / شكلك يسحر بتطلعين للمعزمات ولا على اصرارك ندى / يمه مرتبكه بخليها لزواج ام ندى / يوه نسيتني الدفتر خذي وقعي وبسرعه البسي مدت ام ندى الدفتر لبنتها وقعت ندى بيدين ترتعش ام ندى يله البسي لا طولين على فهد بيروحون بدري بكره دوامات نزلت ام ندى ودخلت ندى غرفة التبديل لبست فستان وردي فيه شغل خفيف بالصدر وحطت ورده طبيعيه لونها وردي على جنب سمعت صوت جوالها كانت غاده تستعجلها تنزل غاده / ندى اذا خلصتي انزلي فهد مستعجل ندى / غدويه تعالي معي خايفه غاده / امري لله الي يشوفكم يقول اول مره بتشوفون بعض هو حالته حاله وانتي حالتك حاله ندى / اخلصي علي بعد دقائق وصلت لها غاده ضمتها وهي فرحانه / كلللللللللللللللللللللللوش مسكت ندى بيدها وطلعت برى الغرفه ونزلت تحت بالغرفه الي بتقابل فيها فهد جلست على الكوشه عند الرجال فهد جالس على نار متوتر وكل دقيقه يطالع بساعته فهد / محمد ماكانهم طولو مانزلو الدفتر محمد بطفش / اربكتني ما يمديه يوصل لفوق الا تبيه ينزل وش ذا الرجه اركد عدنان بيقهره / يمكن صحت من غيبوبتها ورفضت توقع فهد / اقول انطم لصكك بالكاس الي قدامي عدنان / ان صكيتني بالكاس مراح اتنازل عنك وبخليك تنام بسجن وتنحرم من شوفت العروس فهد / محمد اقلعه عني لا توطاه قدام الكل محمد يبتسم / اتركه عدنان حالته مستعصيه ارتاح وهو يشوف ابو ندى ومعه الدفتر قرب من فهد وضمه / مبروك فهد يبتسم / الله يبارك فيك عمي ابو ندى يبتسم / العروس تنتظرك دخل فهد عن يمينه ابوه ويساره ابو ندى كانت ندى جالسه تفرك يدها من التوتر دخل فهد وانبهر بجمالها وشعرها الي مغطيته بالحجاب كان يوصل لتحتك كتوفها قرب منها عبدالرحمن باست راسه وطلع وابو ندى دمعت عيونه وهو يشوف بنته وحيدته الغاليه متزوجه قرب منها وحضنها بعدها عن حضنه وباست على راسها ندى خانقتها العبره وهي تشوف ابوها الحنون حاضنها ابو ندى سحب فهد بيده ووقفه جنب بنته ابو ندى يبتسم / لا وصيك على ندى ترها قطعه من قلبي فهد / وعد علي بنتك ماتنظام وهي ببيتي وطلعت من عند اهلها وجت عند اهلها تطمن ياعمي وانا ولدك الي ماجبته فرح فهد وتاثر بكلام فهد ياما تمنى يكون له ولد اخوى لندى يكون عزوه لها وقوه ابو ندى ضمه / وانت ولدي مثل ماندى بنتي فهد يبتسم / عمي ابي اطلب منك اطلع مع ندى نتعشى ابو ندى يبتسم ويطالع في بنته الي واضح عليها الخوف والارتباك / اذا رضت ندى ماعندي مانع انا طالع تاخرت على الضيوف طلع ابو ندى وجلست ندى وجلس جنبها فهد وهي منزله عيونها فهد بارتباك / مدري وش يقولون في مثل الليله لكن الي حاب اقوله لك اني مبسوط وفرحان انك صرتي من نصيبي وكمل / يوه نسيت اقولك مبروك ندى بابتسامه / الله يبارك فيك فهد بابتسامه / لا تواخذيني صاير اخربط ياليت ما ترفضين عزيمتي لي يومين مجهز لها ندى ابتسمت ونزلت راسها / ........ فهد / افهم انك موافقه ندى هزت راسها بالموافقه فهد / تكلمي مدري وش اقول اخاف من الفرحه اجيب العيد دخلت عليهم غاده ونوره وام ندى سلمو على ندى وفهد الي اخذته غاده بالاحضان غاده بمزح / اكيد معزومه معكم على العشاء يويلكم تسحبون علي فهد ضربها على راسها / خلاص انتهى دورك ليش اعزمك غاده / يالاستغلالي طيب ندويه ترى فهد يضرب ويمشي وهو نايم وممكن يذبحك وهو مايدري بسبب النوم فهد / هههههههه قولي الي تقولينه مانتي برايحه معنا نوره بابتسامه / كل هالنصب علشان عزيمه ولا يهمك محمد بيطلعك ويعشك لا طيحين حظ اخوك غاده / فهودي لا طول بالسهر انت وندى ترى بكره دوامات مو تنسون وتسحبون بكره عن الجامعه فهد بيقهرها / كيفنا نسهر ولا نسحب على الجامعه ياشين اللزقه اطلعي وهوينا امي وعمتي طلعو ياليت تلحقينهم طلعت غاده وجلس فهد مع ندى دقائق اخذ رقمها وقال بيغير ثوبه وبيرجع لها وبيطلعون مطعم طلعت ندى لغرفتها وهي فرحان مبسوطه بفهد غسلت وجهها من المكياج وبدلت لبسها بلبس ساتر وطلعت لقت فهد واقف عند الباب ركبت قدام فهد / تو مانورت سيارتي ندى بابتسامه / تسلم وصلو للمطعم تفاجئت ندى بالجو الرومنسي الشاعري جلسو على طاولتهم طلبو الاكل وهي منبهره فهد / ان شاء الله اعجبك ذوقي ندى / مره حلو فهد طلع من جيبه علبه مخمليه فتحها كان فيها خاتم من الماس سحب يدها ولبسها الخاتم ورفع يدها لفمه وباسه / اتمنى اني اسعدك واكون لك زوج وابو واخو ندى حمر وجهها من الحياء / وانا اتمنى اسعدك فهد بابتسامه / تدرين اني حبيتك من اول موقف صار بينا تمنيت اعتذر عن وقحاتي لكن مالي وجه ندى بابتسامه / ماقصرت فيك شرشحتك فهد / أي والله شرشحتيني لكن استاهل تعشو وعلى الساعه 1 وصل ندى لبيتهم ورجع لشقته في الشقه لقى غاده بالصاله تنتظره اول ماشافته نطت له وسحبته وجلسته على الكنب غاده بابتسامه / فهودي مبروك وش كل هالسوالف الي مخليتك ماتجي الا 1 فهد بابتسامه / حسستيني انك حماه وقشرى بعد غاده بابتسامه / للحين ماشفت قشري مخبيته للايام الجايه فهد / الا وش عندك صاحيه وراك جامعه غاده وهي تلعب بحواجبها / ماقدر نار القافه مسهرتني ابي اعرف وش صار بينكم فهد ضربها براسها / بدخل انام وبخليك بنار لقافتك ممكن تهويني بنام بالصاله مابي ازعج ابوي بفتحت الباب غاده / طيب دخلت غرفتها ودخلت بسريرها ودخلت بحضن نوره ونامت في الديره عند جاسم جاسم منسدح على سريره وتفكيره يخونه بهند يشوف خيالها بكل مكان قرر بكره يكلم محمد ويطلب منه يستلم مدرسة هند بيرجع لرياض بيهرب من خيالها الي يلاحقه بيشغل نفسه بشغله يبي ينساها عند الجدات جالسات حزينا صار البيت ممل بعد غياب هند وام جاسم تحاول فيهم ومصره تاخذهم معها لرياض ماتقدر اتخليهن لحالهن ولا تقدر تبقى طول عمرها معهم عيالها يحتاجونها وهم بحالتهم هذي ضايعين بسبب بنات راشد عند فيصل طلع من صلاة العشاء لغرفته يبي ينام لكن صورة غاده ماتفارقه بيموت من الغيره من الشخص الي تحبه فيصل / ليش يغاده تحبين غيري وانا قدمت لك حبي وفوقه عشقي وش لاقيه بالي تحبينه وتتعذبين علشانه مستحيل بيحبك كثري معقوله سافر معك وبتتزوجينه وتنسيني ضحك بوجع / ههههههه متى ذكرتك ولا عبرتك علشان تنساك وبعدين مع القلب الغبي الي يعشقها وهي تعشق غيرك ياليت اعرف منهو وربي لدفنه بيدي ولا تكونين لغيري منهووووووووو شلون عرفتيه وحبيتيه هو معبرك ولا مطنشك خلاااااااااااااااااااااااص بنام بالطائف عند هند من رجعت لشركه وهي مالها خلق تنزل وتقابل احد منسدحه على سريرها وكلها هموم ووجع ذبحها التفكير وتانيب الضمير من كلمت جداتها وهي متضايقه كان نفسها تسمع صوته ويرد على جوال امه من اخر اللقاء وهو ماغاب عن بالها ذبحها التفكير فيه حاولت تتهرب من مشاعرها بانشغالها بالصفقه لكن اذا حطت راسها على مخدتها طلع لها بنظراته ووجهه الحزن وصراخه الموجع وقربه منها يوم ضمها يهديها يرتعش قلبها احساس غريب وحلو اول مره تحس فيه ماتدري وش صار عليه بتموت وتسمع صوته وتطمن عليه لكن كيف وشلون لازم تدور طريقه تتعذر فيها علشان تسمع صوته بتاخذ رقمه من جوال خالد طلعت من غرفتها متضايقه بتهرب من افكارها الي بتجننها نزلت تحت لقت خالد وغاده جالسين بالصاله خالد / هند عسى ماشر ماشفتك اليوم هند / تعبانه ومصدعه وكسلانه قلت ارتاح غاده / تعشي هند / مالي نفس جلست على الكنب هند بجديه / خالد وينه جوالي لمتى اعتمد على جوالك باتصالي خالد / جوالي جوالك وجوالك يامع ابوي يامع جاسم فز قلبها وارتعش لما انذكر اسمه هند بجديه / طلع لي شريحه بنفس الرقم لان كثير يعرفونه خالد / ان شاء الله هند / خالد عطني جوالك عندي مكالمه ضروريه مد جواله اخذته منه ودخلت غرفته تبحث بالاسماء عن اسم جاسم وسجلت رقمه بورقه صغيره حطتها بجيب البجامه وطلعت ومدت الجوال على خالد هند / مشكور خالد / وش هالمكالمه السريعه هند بثقة / غيرت راي نسيت ان الوقت متاخر جلست بنفس مكانها هند بجديه / خالد وش سويت بموضوع تكذيب خبر وفاتي خالد / يبون شهود اذا جاء عمي ابو بسام بيكونون شهودك مع محمد هند بعصبيه / اعجبكم كذا تموتوني وانا عايشه وبدون شهود يوم برجع للعالم لازم شهود خالد / مايحتاج تعصبين ابوي وعمي بيجون بكره وان طولو الي بعده وكل شي بيصير مثل ماتبين واحسن قامت / انا داخله غرفتي بنام نتقابل بكره بالشركه طلعت لغرفتها عند خالد وغاده غاده / هند لها يومين ماهي طبيعيه كله متضايقه ومالها خلق لحد خالد / لا تلومينها الصفقه تخلي العقل بالكف غاده / الله يفرجها وتكسبها خالد / امين يله ندخل غرفتنا بنام وراي شغل دخلو غرفتهم ونامو عند هند طلعت رقم جاسم وحطته بشنطة الملفات بتحاول تتصل عليه وعذرها انها بتساله عن المدرسه هند / وش فيني وش هالجنون حركاتي مثل حركات المراهقين هو كان قدامي ماشفته حلى بعيني يوم تركته دخلت بسريرها وهي تحاول تشيله من تفكيرها لكن تفكيرها يخونها ويغصبها تفكر فيه طار تفكيره لبريطانيا عند فهد حست بضيقه ان ملكته تمت من غير وجودها حست بحزن يعتصر قلبه حاولت تتهرب من تفكيرها بالنوم اليوم الثاني عند جاسم قام من نومه متضايق كل نومه احلام في الي سلبت روحه وعقله في الي صار يشوفها صاحي ونايم ويشوفها بكل وجيه البنات تركته وتركته يعاني وجع الحرمان والشوق من بعد ماتصلت بجداته وهو يتوجع حاس بحسره انه مارد على جوال امه وتصبر بسماع صوتها دخل الحمام اخذ شور وتوضاء وطلع لغرفة فيصل يصحيه سبقه للمسجد وفيصل توضاء ولحقه رجعو من الصلاه سو مروا لمدرسه شاف العمال بادين يصبغون المدرسه باقي يوم ويسلم محمد المدرسه فيصل بمزح / الله يعينهم العمال ليل ونهار يشتغلون بالمدرسه جاسم / ابي اخلص بسرعه واسلم محمد المدرسه وارجع لرياض معاد اقدر ابقى بالديره اكثر من كذا فيصل / زين تسوي رفع جواله واتصل على محمد عند محمد كان جالس مع امه وابوه يفطرون غاده وفهد راحو لجامعتهم شاف رقم جاسم محمد / هلا فيك جاسم شخبار جاسم / الحمدلله بخير بشر عنك وعن الاهل محمد / الحمدلله كلنا بخير جاسم / ليكون اشغلتك عن شغلك محمد / لا بايجازه ومسافر جاسم / كلمتك بخصوص مدرسة هند المدرسه جاهزه وانا بكره برجع لرياض لشغلي محمد / ماقصر ورايتك بيضاء سامحنا اشغلناك جاسم / لا اشغلتوني ولا شي انا كنت بايجازه وبكره دوامي وانا مشرف عليها التعب على العمال محمد / تسلم وماقصرت جاسم / يله فمان الله سكر من جاسم عبدالرحمن / جاسم الي مكلمك محمد / ايه يقول ان مدرسة هند خلصت مكلمني يبيني استلمها بيرجع لرياض بكره عبدالرحمن باعجاب / نوعيه بين الرياجيل قليل والله انه خوش رجال نوره / متى بنسافر عند هند زواج هنديانا بعد يومين محمد / الليله بعد العشاء نوره / اجل بشتري هدايا لهند وغاده وهدية لهنديانا محمد / وانا بشتري شغلات موصيني فيها خالد يتبع |
رد: غرام وانتقام الطائف عند هند قامت مقهوره ان امس ملكة فهد ولا حضرتها كانت تتمنى تكون جنب خالتها وخالها وتفرح لفرحهم قررت تشتري لهم هدايا وترسلها لهم قامت ودخلت الحمام اخذت شور ولبست لبس الشغل وطلعت من غرفتها شافت خالد يفطر هند / ماشاء الله تفطرون وناسيني خالد /توقعتك مراح اداومين بشركه هند / وليه ان شاء الله ماداوم خالد /لانك تاخرتي بالنوم ولا نزلتي لنا بالعاده ماشاء الله من بعد اذان الفجر مرتزه هند بحزن / متضايقه لاني ماحضرت ملكة فهد كنت اتمنى اني واقفه جنب خالتي وخالي وفهد وفرحت معهم غاده / هنوده حبيبيتي هذي ملكه والزواج ان شاء الله بتحضرينه وبتوقفين معهم وتسوين الي نفسك تسوينه بملكته لو كنتي حاضره هند / ان شاء الله يله خالد لا نتاخر عن الشركه لبست عباتها والجو العام بالسياره السكوت وصلو لشركه وكلن دخل مكتبه عند خالد دخل مكتبه وكل تفكيره بالصفقه قرب الموعد باقي اسبوعين كل ماقرب خوفه يزود خايف ان هند تفلس وتفقد كل شي وخاف انها تنسجن وخايف على ابوه وامه من استلمت الصفقه وعيونه انحرمت من النوم عند هند دخلت ونزلت عباتها وغطاها وعلقتهم جلست على مكتبها حاطه يدها على خدها سرحانه بجاسم بتنجن من تفكيرها فيه فتحت شنطة الملفات وطلعت رقمه وصارت تقلبه بين ايدينها مسكت تلفون المكتب وقبل لاتكمل الرقم الاخير سكرت حاولت اكثر من مره لكن ما قدرت اول مره بحياتها تكون متردد بشي يمكن بكره تجيها الشجاعه وتقدر تكلمه دخل عليها خالد وهي سرحانه ماحست بوجوه خالد بابتسامه / الي ماخذ عقلك يتهنى فيه هند بثقة / من غير فهد قررت اشتري له ولزوجته هديه ومحتاره كيف بوصلها لهم خالد / سهله انتي اشتريه وانا بكلف شخص امين بيوصلها لعنده وبيرجع بنفس اليوم هند / اليوم بشتري وبكره بترسلها مابي تتاخر خالد / ان شاء الله نسيتيني ليش جاك هند / ليش جاء خالد / جاي استاذن عند غاده موعد متابعه للحمل لها فتره ما يجلس ببطنها شي هند وقفت واخذت عبايتها / خذني معك مالي خلق اجلس بالشركه خالد يبتسم / ماني بمصدق ان هند مالها خلق لشغل هند / يمكن جلوسي الطويل بدون شغل تعودت على الكسل طلعت مع خالد ووصلو بالبيت كانت غاده جالسه بالصاله وعليها عبايتها قربت منها وسلمت عليها وطلعت لغرفتها ادخل بسريرها من غير لا تبدل ملابسها نامت في الجامعه عند غاده فهد وصل مع غاده للجامعه وهو يتلفت يدور على ندى ماشافها غاده بمزح / وش عندك تتلفت على منو ادور فهد / مو شغلك غاده / توها البارح معك مامليت منها فهد بعشق / ماني بمصدق للحين ان ملكتي البارح غاده / تبيني اضربك ولا اقرصك علشان تصدق فهد / دفشه ماتتعامل الا مع الضرب غاده / مخليه النعومه للحبيبة القلب فهد / مكانها تاخرت امس مكلمها قايله انها بداوم غاده / كشفتكم صرتو تكلمون بعض مثل المراهقين فهد / انا داخل محاضرتي تاخرت دخل فهد محاضرته لقى صلاح قدامه صلاح / مبروك يامعرس فهد / الله يبارك فيك وعقبالك صلاح / لاحقين على الغثاء يله الدكتور دخل لا يحسب لنا غياب عند غاده جالسه بمكانها تنتظر ندى مو من عوايدها تتاخر دايما تلقاها قدامها وصلت ندى عند غاده وجلست جنبها ندى بصوت مبحوح / السلام غاده بابتسامه / وعليكم السلام صوتك تحفه كله بسبب هذرتك مع فهود ندى / تاخرت مره راحت علي نومه غاده / كان غبتي مره وحده ليش تعبتي نفسك وجيتي خلي سهرك مع فهد ينفعك ندى بتقهرها / فديته ليش محترقه صايره حماة قشرى غاده بابتسامه / نفس كلام فهد يكفي انكم متعشين وساحبين علي وين الي كل ليله تكلمني قبل لا تنام اشوف المكالمات تحولت لغيري ندى بحب / انتي الاساس لولا الله ثم جهودك كان ماصرنا لبعض غاده بحب / الله يسعدكم ويحميكم من عيون الحساد ندى / هههههههههه امين صايره جدتي مع هالدعوه بالديره عند جاسم طول يومه يراقب العمال حس بجوع دخل داخل لقى جداته وامه يتقهون قرب منهن وجلس جنب جداته جاسم / مافطرتو تراني بموت جوع ام جاسم / ماعاش الجوع اخذ لك تمره لين يجهز الفطور مدت امه له تمره اخذها من يدها واكلها بعد دقائق جاء الفطور افطر وطلع للعمال اخذ لهم فطور افطرو وكمل وشغلهم المدرسه بنائها بسيط وراقي بنفس الوقت مكونه من دور واحد وثلاث غرف وحمامين وساحه المدرسه صغيره لان بنات الديره قليل واذا لقت اقبال بيبنون دور ثاني بريطانيا بالجامعه طلع فهد من محاضرته متلهف لشوفة ندى وصل لمكانهن مالقاهن توقع انهم بالكفتيريا وصل للكفتريا شافهن جالسات على وحده من الطاولات قرب منهن وجلس جنب ندى غاده / ارحم البنت زهقتها بعمرها ليل نهار معها ماكفاك من البارح وانت لازق فيها الله يعينها على مابلاها فهد بابتسامه / ومن شر حاسد اذا حاسد غاده / فهودي حبيبي عيوني طلعنا نتغدى البارح سحب علي محمد ونام فهد / غالي والطلب ارخيص غاده فرح / من جد فهد / وجد الجد جميلك برقبتي انتي سبب فرحتي وسعادتي غاده بصرخ / فهود وش هالكلام الماسخ الي يضيق الصدر فهد بابتسامه / اسفين طال عمرك غاده / يله مشينا قبل لا تغير رايك ندى / فهد عند محاضره شلون بتتركها فهد بعشق / فديتهم الي خايفين على مستقبلي ندى حمرت خدودها / ....... غاده / هههههههه ذابت البنت خف عليها فهد / مشينا قرب من ندى وسحب يدها ومسكها وطلعو للمطعم تغدو وبعد ماخلصو وصلو ندى لبيتها في شقة فهد جهزت نوره شناطها وطلعتهم برى بالصاله ودخلت المطبخ دخل فهد ومعه غاده اتفاجئو من وجود الشناط غاده عرفت انهم بيسافرون الليله حست بحزن دخلت غرفتها من غير لا تمر خالتها عوره قلبه على اخته دخل لامه بالمطبخ فهد / شخبارك يالغاليه بتسافرون الليله نوره / ايه بعد العشاء فهد / يمه غاده تاثرت لما شافت شناطكم عند الباب واضح الحزن عليها دخلت غرفتها حاولي يالغاليه تخففين عنها وجع بعدكم عنها تركت الشغل الي بيدها دخلت الغرفه شافت غاده دافنه وجهها بالمخده وتبكي بصوت مكتوم قربت منها ورفعتها وضمتها بقوة نوره / ليه ياروح خالتك توجعين قلبك عليك ليه تبكين وعد ازورك كل ماجتني فرصه مستحيل اطول عنك اكثر من شهر غاده بصوت باكي / توعديني ماطولين علي نوره / وعد واجيب امك معي غاده بفرح / بنتظركم بشوق نوره / غسلي وجهك وطلعي تغدي معنا غاده بابتسامه / لزقت بالمعاريس وتغديت معهم نوره / ههههههههههه على قولة فهد حماة فشرى غاده بحب / اخذ دورك انتي حماه طيبه وحنونه تنحطين على الجرح يبرى لازم اصير بديله بالقشر نوره / بحط الغداء خالك جاي بالطريق وانتي نامي وارتاحي ما بيك تفكرين بسفرنا بالطائف عند هند نايمه بغرفتها دخلت عليها هنديانا تصحيها لصلاة الظهر فتحت عيونها بكسل هند بتعب / كم الساعه هنديانا بابتسامه / 2 ولا صليتي الظهر هند / الله يهديكم ليش تركتوني انام وتفوتني الصلاه هنديانا / صلي قبل لا ياذن العصر هند / لا تطلعين ابيك دخلت الحمام توضت وصلت وقامت عند هنديانا هند / سامحيني هنديانا مشغوله عنك هاليومين المفروض اوقف بزواجك هنديانا بحب / ماقصرتي ياهند عارفه ان الي شاغلك شي كبير هند / حلفتك بالله اذا احتجتي شي لك ولهلك تقولين لي انتي اختي هنديانا مو وحده تشتغل عندي وانتي تعرفين هالشي هنديانا / عارفه ولا خليتي ناقصني شي هند / هنديانا عطيني جوالي صاير شحذة جولات مدري متى خالد يرجع جوالي هنديانا مدت الجوال لهند / الجوال فدوه لك اخذت الجوال / هنديانا عفيه اطلعي مكالمتي سريه طلعت هنديانا واخذت هند الجوال وطلعت رقم جاسم من شنطتها وحاولة كذا مره لكن باخر رقم تقفل اخذت نفس وقررت تقوي نفسها وتتصل من متى تترد عن قرارتها اتصلت برقمه بيدين ترتعش اول مره تحس باحراج وخجل في الديره عند جاسم كان جالس عند جداته شاف رقم غريب يتصل استغرب رفع الجوال جاسم / الو هند بارتباك / الو فز قلبه وكل جسمه ارتعش مستحيل ينسى صوتها الي مطير من عينه النوم قام وطلع من عند جداته جاسم بيتا كد / من معي هند / ماعرفتني ياجاسم جاسم من قوى المشاعر الي بداخله بيغمى عليه وصوت هند الهادي اشعل النيران زياده جاسم بعشق وبصوت ذايب / هلا هند شخبارك هند / الحمد لله شخبارك انت جاسم في نفسه / اخباري بعذاب وحرمان من تركتيني وانا ميت هند / الو صحاه من افكاره تظاهر بالبرود عكس النار الي بداخله / هلا هند انا بخير هند بارتباك / اتصلت عليك بسالك عن المدرسه جاسم بحسرة / خلصت وكلمت محمد بيستلمها هند / مشكور ماقصرت يله مابي اشغلك واخذ من وقتك فمان الله جاسم في نفسه / دخيلك طولي انتي ماخذه كل وقتي بغيابك حرام عليك ما رحتي من تفكيري تكفين لا تسكرين وترجعيني لواقعي المر جاسم برود / فمان الله دخل وهو متضايق على كثر شوقه لها مكلمته علشان مدرسته منقهر من نفسه حتى ماسال عن احوالها امنيته كان يسمع لهفتها وشوقها له وربي ليطير لها لو اخر الدنيا لكن اتصالها وصوتها اشعال نيران الحرمان ووجع الفراق دخل وهو سرحان وحالته معفوسه انتبه له اخوه فيصل قرب منه فيصل / جاسم وش الي عافس حالك من الي متصل عليك جاسم / هند فيصل بصدمه / من جدك وش تبي متصله جاسم بوجع وقهر / تسال عن مدرستها فيصل بعصبيه / كل ما جيت تنساها نطت وذكرتك فيها وش تبي كان قالت لخالد يتصل عليك ويسالك ولا تموت وتستلذ بتعذيبك جاسم بوجع / على قولتك تستلذ بتعذيبي خلاص الي كارهتنا علشانه مات وبين ايدين الله بتعذبنا حتى بعد موته عند هند سكرت من جاسم رمت نفسها على سريرها وكل خليه بجسمها تنزف وجع وحسره هند في نفسها بوجع / شلون طاوعني قلبي وعذبته واقهرته ياشينها قهر الرجال لا وكملت عليه وذليته ماعقوله كل الي سويته فيه كنت بعقلي حقدي على راشد معميني عن شغلات حلوه خسرت جاسم الي وفى بوعده ولا قرب مني وانا لاخر لحظه ظالمته يارب ريحني من تانيب الضمير الي احس فيه يارب تغفر لي وتسامحني ماقدر اذل نفسي له واعتذر بحياتي ماعتذرت لكن انا جرحته موعيب اعتذر وكملت / واذ صدني وجرحني يمكن ينتظر الفرصه الي يهيني فيها مستحيل اسمح لمشاعر واحاسيس تافهه تكون سبب اهانتي بتنجن من الافكار المتضاربه قررت تنزل تتغداء مع خالد وغاده لها يومين ماجلست معهم على غداء نزلت لقتهم ينتظرون الغداء قربت وجلست هند / شخبار موعدك غدويه غاده / الحمدلله عندي فقر دم بسيط عطتني فتامينات خالد / كلم ابوي بيجون الليله هند بابتسامه / متى بيجون غاده / ابوي بيجي بعد ساعه وعمي بالليل رحلتهم هند / ليش ماقلتي لي عن جيت عمي ابو بسام لازم استقبلهم استقبال يليق فيهم غاده بحب / تسلمين هنوده موصيه على كل شي ماكنت ابي اتعبك وانا اعرف انك مشغوله بالصفقه هند بنفسها بوجع / تفكيري بجاسم الي مشغلني حتى عن الصفقه هند / القصر كبير ما بيهم يستاجرون برى هذي جمعه نبي ننبسط فيها غاده / مدري بيرضى ابوي ولا لا هند بابتسامه / معليك بقول لخالي يغصبه مستحيل ارضى ينامون برى اذا ما يبون داخل الملحق كبير ومتجهز خالد / انا طالع بشتري شغلات الضيافه على ذوقي وبدخل مع العمال نجهز الملحق هند / زين تسوي وشتر معك بطاطين ومفارش الجو بارد بالليل خالد / وصيت عمران مع ريتا يشترونها غاده / طيب انا داخله لغرفتي ابدل لبسي ابي انتظرهم تحت واستقبلهم مشتاقه موت لهم هند / حتى انا طالعه ابدل لبسي وبنزل نستقبلهم سوى في غرفة هند دخلت غرفتها اخذ ت شور ولبست تنوره جنز وبلوز وردي مخطط بخطوط خفيفه بالوردي الاغمق رفعت شعرها بعضاضة ونزلت تحت لقت غاده سابقتها وجالسه على الكنب تنتظر اهلها جلست جنبها دقائق وسمعو صوت الجرس هند / غدويه روحي استقبلي ابوك خالد ماجاء قامت غدويه لقسم الرجال وهند وقفت عند باب المدخل دخلت ام بسام وبنتها غلا شافتها هند رمت نفسها بحضنها ام بسام غاليه كثير عند هند وهند غاليه كثير عند ام بسام وتحبها لانه تذكرها بساره لانها تشبهها رفعت هند عن حضنها ام بسام بحنان / شلونك يبنتي وشلون حالك وربي لك فقده الله يردك لنا هند / الحمد لله بخير انتي بشريني عنك وعن عمي ابو بسام ام بسام / كلنا بخير هند بابتسامه / حياك خالتي داخل دخلت لمجلس الحريم وجلست على الكنبه وسحبت هند وجلستها جنبها ام بسام بحنان / شلون جرحك هند / الحمد لله ام بسام / الله لا يوفقه الي سوى فيك هالشي وينتقم منه هند بابتسامه / ابشرك انتقم منه وبالايام هذي بيطلع خبر تكذيب اشاعة وفاتي العصابة تم القضاء عليها ام بسام بفرح / الله يبشرك بالخير قامت هند / خالتي السوالف نستني اضيفك دخلت وطلبت من الشغلات يجيبون القهوه واغراض الضيافه ويجهزون لرجال رجعت لصاله وانتبهت لغلا انها ماسلمت عليها هند / غلويه تعالي سلمي علي من فرحتي بمك نسيتك قربت منها غلا بحياء وسلمت عليها دخلت غاده بعد ما وصلت القهوه لابوها وتاكدت ان خالد عندهم قربت من امها وضمتها ام بسام / شوي على نفسك وعلى الي ببطنك غاده / ماسويت شي يضره ام بسام بحنان / شلونك يمه مع الوحم غاده / متعبني هالايام هند بابتسامه / بدا التشكي انتظري على امك يوم يومين بعدين افتحي هالاسطوانه ام بسام بابتسامه / الا ماقلتي لي مافي شي بالطريق هند انحرجت من ام بسام وتكلمت بجديه / انا وجاسم تطلقنا والحمد لله ماصار حمل ام بسام بعصبيه / وش هالتهور فيك وفيه وش تطلقين وانتي ماكملتي سنه هند / ياهاالسنه يعني مصيبة اذا تطلقت ماكملت سنه وعادي اذا تطلقت بعد السنه الطلاق هو الطلاق بكل حالاته ام بسام / لا والله مو عادي الطلاق دمار للحرمه هند ببرود / لا دمار ولا شي غاده بتقطع نقاشهم خايفه يقوى ويصير شي ماتبيه / يمه ترى هند مجهزه لكم الملحق وحالفه ماتطلعون من قصرها هند بحب / هي كلها كم يوم نجتمع وبعدها نفترق نجلسها سوا ننبسط مع بعض ام بسام / يصير خير ان شاء الله هند بابتسامه / خالتي زواج هنديانا بكره بالليل نبي همتك معنا تعرفين مافهم بهالسوالف وغاده ماقصرت اخاف ناقص شي ماسويناه ابي كل شي احسن مايكون ام بسام بابتسامه / ولا يهمك خليني ارتاح هند / خالتي ارتاحي ونامي مجهزين لكم الملحق والشغاله بتوصل لكم الشناط واغرضكم للملحق ام بسام / تعبانه ماشوف من النوم ان شاء الله لقمت طلعت لسوق ومريت الصاله اشوف النواقص قامت ام بسام مع بنتها غلا وطلعت معها غاده وصلت امها للملحق ودخلت وتبعتها الشغاله بالشناط شافت امها تعبانه رجعت عند هند عند هند رفعت جوالها تتصل على خالد تطلب منه يطلب من عمها يرتاح بالملحق عند خالد بعد ماسكر الجوال من هند التفت لاعمه ابو بسام خالد / عمي هند مجهزه لك الملحق لك ولهلك ابو بسام / حاجز لنا بفندق خالد / عمي هند عازمتك بترفض عزيمتها وتزعلها وتكسر بخاطرها وهي فرحانه فيكم ومشتاقه لكم ابو بسام / امرنا لله كله ولا اكسر بخاطر هند وازعلها بتصل على الفندق اكنسل حجزي خالد / عمي ارتاح شكلك تعبان من السفر ابو بسام / احس بطيح من طولي من التعب والارهاق من الشركه لطياره بقوم انام شوي قبل صلاة العصر وقف وطلع وطلع معه خالد يدله على مكان الملحق وصل عمه ورجع للبيت في الديره عند جاسم بعد مكالمة هند ومزاجه مقفل ماله خلق لاحد كان نفسه ما يسمع الا صوتها بعد الغداء طلع لغرفته وفيصل لحقه دخل ولماجاء بيقفل الباب دز فيصل عليه الباب ودخل جاسم بحزن / وش جابك بنام منهد حيلي فيصل بابتسامه / بجلس معك لاني متاكد انك منت بنايم بتفكر بالي اتصلت فيك اليوم مستحيل اسمح لك تعاني لحالك خلنا نعاني سوى جاسم بابتسامة وجع / تعبت من المعاناه الظاهر ببقى طول عمري اعاني ولا حد درى عن حالي فيصل / بكره نرجع لرياض وننشغل عن ذكراهن جاسم / ادخل ولا بنوقف مرتزين عند الباب دخل وانسدح على سرير اخوه جاسم دخل الحمام اخذ شور ولبس وانسدح بطرف السرير وكل تفكيره فيها اصدر تنهيده عميقة طالعه من روحه رفع نفسه فيصل / كل هذا بقلبك ياليت هالتنهيده تطفيه جاسم بوجع / الا اشعلت نيراني ياليتها ياخوي ما كلمتني ياليتني ماسمعت صوتها اول مره اصدق ان العشق يذبح الرياجيل اول كنت اقول كلام فاضي يوم جربته اخاف اكون من ضحاياه فيصل بوجع / وانا اشهد اسئل مجرب في الطائف بعد العصر كانت هند جالسه بالصاله سرحانه من بعد مكالمتها لجاسم وهي متضايقه وندمانه انها اتصلت صوته قلب عليها المواجع دخلت عليها ام بسام وهي سرحانه قربت منها ام بسام / السلام الناس وين وصلو هند بابتسامه / قريب ام بسام / ابي قهوه تعدل راسي هند / ابشري كل شي جاهز قامت هند وجابت القهوة والشاهي والشغاله لحقتها باغراض الضيافه صبت هند القهوم ومدت الفنجال لام بسام ام بسام / اهل هنديانا جو هند / ايه ام بسام / شريتو لهم الي يحتاجونه هند / ايه خالتي ام بسام / وينهم هند / بفيلا هنديانا ام بسام مستغربه / فيلا لهنديانا من وين لها هند / هديتي لزواجها ام بسام بحب / كثر الله خيرك هند / امين مدت هند صحن الحلى / تفضلي خالتي اخذ ت ام بسام قطعه من الحلى وشربت فنجانها دخلت عليهم غاده وقربت من امها وجلست جنبه غاده / ما شاء الله تتقهون وناسيني ام بسام / القهوة مضره لك اشربي عصير غاده / فنجال مراح يضر صبت هند ومدت الفنجال لغاده اخذته غاده / تسلمين ياحلى هند ام بسام / بخلص قهوتي وبطلع مع السواق بتروحين معي غاده غاده / ايه بعد ماخلصت ام بسام قهوتها طلعت مع غاده مرو الصاله كان فيه شغلا ت بسيطه ناقصه طلعو لسوق بيشترونها |
رد: غرام وانتقام في بريطانيا قامت غاده التفتت حوليها ماشافت خالتها قامت مفزوعه خافت انهم سافرت من غير لا تشوفها وتودعهم طلعت برى وهي مرعوبه من فكرة انها ماتلقاهم ارتاحت يوم شافتهم بالصاله جالسين قربت من نوره ورمت نفسها بحضن خالتها وصارت تبكي غاده بصوت / قمت من النوم مفزوعه خفت سافرتو من غير ما ودعكم نوره بحب بحزن / بسم الله عليك من قال بقدر اسافر من غير لضمك لحضني عبد الرحمن اوجعه قلبه على غاده عمرها ما فارقتهم الا مع هند عبد الرحمن سحبها من حضن نوره وحضنها/ غدويه اذا تبين تجين معنا تعالي غاده مسحت دموعها / ياليت اقدر لكن عندي ضغط امتحانات عبد الرحمن / الله يوفقك عندك فهد متى ما حنيتي واشتقتي لنا اول طياره وتعالي غاده / خالو اوعدني ما طولين علي انت وخالتو وتجيب ماماتي مشتاقه لها موت نوره / غدويه صليتي المغرب غاده / لا قمت وطرت لصاله خفت ابي الحق عليكم قبل لا تروحين نوره / روحي يمك صلي وتعالي رحلتنا بعد ساعه غاده بحزن / ان شاء الله قامت من عندهم ودخلت لغرفتها وصلت وطلعت عدنان جالس ساكت حزين لاحظت عليه غاده قربت منه غاده / عدوني وش مزعلك عدنان بحزن/ مابي اسافر ولا ابي اجلس مشتاق لهند ومابي اتركم غاده بابتسامه / تعال وكمل دراستك عندنا اول ماتطلع النتايج جيب اوراقك وسجل بجامعتنا عدنان التفت لابوه / يبه موافق ادرس بابريطاني بجامعة فهد وغاده عبدالرحمن / اكيد متى وقفت في طريق مستقبلكم نوره / الله يصبرني بيفضى البيت عليك واجلس راسي براس ابوكم عبد الرحمن بابتسامه / ليكون ماني بمالي عيني نوره / ....... غاده / ماشوف فهد ومحمد نوره بابتسامه / طالعين لسوق خالد موصيهم على اغراض وبيشترون هدايا دخل عليهم محمد وفهد محمد / يله بنطلع المطار لا نتاخر نوره قامت وسحبت معها غاده ودخلتها الغرفه نوره بحب / يمك اوعديني ما تتضايقين لسافرنا وانا على وعدي لك غاده بحزن / ان شاء الله سلمي على ماماتي وقولي لها اني بموت من شوقي لها نوره / ان شاء الله ووعد اخليها تكلمك وتسمعين صوتها غاده قربت وضمت نوره / وربي بشتاق لكم نوره بحب / كلنا بنشتاق لك والي مصبرنا انك بترجعين بالشهاده سحبت نوره عبايتها من الدولاب وطلعن برى ركضت غاده لخاله وعبدالرحمن فاتح ايدينه يستقبلها ضمها بقوة عبدالرحمن / لا وصيك على نفسك واياني واياك تبكين لا طلعنا متى ماشتقتي اتصلي علي بجيك او تجيني رفعت نفسها عن حضن خالها ورمت نفسها بحضن محمد محمد اوجعه قلبه عليها حاس انها تكتم العبره ماتبي تضايقهم محمد بيفرحها ويغير من جو الكئابه محمد بحب / قريب باذن الله بتجين تحضرين زواجي ارفعت نفسها بفرح / صدق حمودي قررت تتزوج خفت انك اطيح بكبد خالي وتصير عانس محمد مسكها من انفها / عانس بعينك ادرس موضوع الزواح كلها كم يوم واقول لامي تخطب لي نوره بفرح / يوم السعد والمنى اني اخطب لك وافرح فيك فهد/ شكلي تملكت قبلك وبتتزوج قبلي عدنان يقهره / وشكلي بتزوج قبلك فهد / علشان اذبحك واريحك من الزواج عدنان / مجرم الله يكفيني شرك عبدالرحمن / يله مشينا وانت يافهد لاوصيك على اختك فهد بابتسامه / ان شاء الله طيب وصها علي عبدالرحمن بابتسامه / اوصيك على فهد لا تشغله ندى عن دراسته غاده بابتسامه / لا توصي حريص فهد / ياليتك ماوصيتها بتنشب بحلقي طلعو من الشقه تاركين غاده خانقتها العبره لكن ما تقدر تبكي لانها واعده خالتها ماتبكي اذا طلعو من عندها في الديره قام جاسم من نومه متكاسل طالع بساعته كانت 7 المغرب التفت حوله شاف فيصل نايم جاسم / فيصل قومي الساعه 7 المغرب فيصل فتح عيونه بكسل / كل هذا نوم جاسم / من زمان مانمت هالنومه وقف جاسم ودخل الحمام اخذ شور وطلع بسط سجادته وصلى المغرب بعد ماخلص صلاة التفت على اخوه شافه متسندعلى سريره جاسم / قوم صل المغرب قبل لاياذن العشاء فيصل قامه ودخل الحمام وجاسم لبس ملابسه ونزل تحت بيمر جداته وبيشوف العمال خلصو شغلهم يوم تركهم كانو يصبغون اخر غرفة سمع صوت حريم عند جداته طلع عند الشغاله سالها من عند جداته قالت اهل ابو مطلق طلع للحوش ماشاف العمال شكلهم خلصو بدري دخل المدرسه بيتا كد من شغلهم شاف كل شي خالص واحلى من الي يبيه طلع من المدرسه رجع للمطبخ اخذ له كاس كبتشينو وطلع لحديقة الزهور ضم كاس الكبتشينو بايدينه كانه يضم الي تعشقه جاسم بوجع / ياليتني كبتشينو علشان تحبيني ولا تستغنين عني وين اراضيك قطع عليه فيصل الي جلس بقربه فيصل بابتسامه / اموت واعرف وش سر حب بنت عمك للمراجيح جاسم / اتوقع انه يذكرها بشغلة حلوة بالماضي يمكن يكون له علاقة بامها فيصل / على جبروتها وقسوتها احس احيانا عندها تصرفات اطفال جاسم بوجع / وينها تصرفات الاطفال ماشفتها الي شفته جبروت وظلم وقسوة رجال فيصل / متى بنرجع لرياض جاسم / بكره خلاص والمدرسه وانتهت فيصل / طولت بالديره واجازتك انتهت جاسم بحزن / جالس هنا على طيف ذكرى اعوض حرماني منها بمقابل مدرستها فيصل بيغير الموضوع / جداتك من عندهن جاسم / اهل ابو مطلق مطلق الي كانت تحرق قلبي بسبته فيصل / شنوووووو تقهرك فيه جاسم بوجع / مالي خلق اسولف بهالموضوع فيصل / على راحتك جاسم وقف وهو يسمع اذان العشاء / يله بطلع اتوضا ما بي صلاة العشاء تفوتنا فيصل / نمت نومه مدري شلون بنام الليله وش رايك بما انا سهرانين نرجع الليلة جاسم / امك وجداتك ماتجهزن و بيتعبهن السفر بالليل بنسافر اذا ربك اراد بعد الفجر مشو وهم يسولفون طلعو فوق توضو وطلعو للمسجد ورجعو ودخلو المجلس لان اهل مطلق بيتعشون عند الجدات قام فيصل وهو يحس بجوع دخل المطبخ طلب من الشغاله تحط لهم عشاء حطت له واخذه ودخل المجلس على اخوه الي سند ظهره ورى فرش السفره وحط الاكل على الارض فيصل / تعال اكل معي بموت من الجوع جاسم قرب من السفره / وانا بموت من الجوع في الطائف عند هند جالسه بالصاله مع خالد ابو بسام طالع يمشي بنته غلا وغاده وام بسام بالسوق هند / خلود خالي متى بيجي خالد / مدري اتوقع الفجر هند بحب / يكثر شوقي لهم خالد / كلهم مشتاقين لك هند / خلود بعد سبوع نتيجة الصفقه كلكم بتكونون قبل الفجر بالشركه خالد بخوف / مرعوب وبموت من الخوف واشوفك بارده لو انا منك كان نتفت شعري من التوتر والقلق والخوف هند ببرود / ليش كل هذا لن يصيبنا الا ماكتب الله لنا خالد / الله يعطيني من برودك شوي هند وفي بالها موضوع جالسه تدرسه من جميع النواحي هند / خلودي وش رايك بوليد خالد مستغرب من سؤالها / خوش رجال بس ليه تسالين هند بطفش / يكرهي لهطبع لسالت جاوبت علي بسؤال طيب لو خطب اختك بتوافق عليه خالد مصدوم / شنوووووو هند بابتسامه / وش فيك انتبه لا تنجلط جاوب على سؤالي خالد بصدمه / وليد خاطبك هند / وش قلت لا تجاوب سؤالي بسوال جاوب خالد / انا ماعرفة الا من كم يوم والي اشوفه والنعم فيه اخلاق ودين وخوف من الله واهم شي مو مثل الشباب راعي خرابيط وصلاته مايفوتها هند بابتسامه / وهذا جواب للي ابيه خالد / ليكون بتخطبينه هند بجدية / ما نهبلت اعيد ماساة الزواج في بالي شيئ باذن ربك بيصير خالد بقهر/ تسمين زواجك من جاسم ماساه وربي لو تطيعيني رجعتي له جاسم نادر تلقين مثله هند حست بوجع من كلام خالد وطعنات بقلبها هي فعلن خسرته ومستحيل تلقى مثل حبه لكن مستحيل تبين هالشي لانه ضعف وهي مستحيل تضعف لو بداخلها يتمزق هند بوجع تخفية بثقة مصطنعه / ما خسرت شي وعندي كل الرياجيل راشد وفكنا من سيرته الي تغم قطع عليهم دخول غاده وامها والشغاله تشيل الاكياس قربت منهم ام بسام / السلام الحقيني ياهند بالقهوه هند بابتسامه / وعليكم السلام للحين على ادمانك ام بسام / يازينه من ادمان خالد / ما شاء الله شكلكم ماتركتو شي بالسوق غاده قربت وجلست على الكنبه / كل شي شريناه تعرف ام بسام كريمه والتسوق معها متعه ام بسام فسخت عبايتها وحطتها جنبها ام بسام / لازم نفرح هنديانا وكل الشغلات الي شريتها لها ولاهلها ابي احسسها انها عروس هند بابتسامه / هنديانا من اليوم ماشفتها شكلها تستعد نفسيا لزواجها ام بسام / حجزتو كوفيرات غاده / ايه ثنتين لنا وثلاث لهنديانا واهلها هند / خالد عفيه نسيت علي دخيلك اخذه معك وحسسه انه معرس وحجز لهم افخم فندق وبكره بعد الزواج بيسافرون خالد / مابي احرجه شكله مره خجول يمكن يبي شغلات خاصه وبيستحي يشتريها معي هند بجديه / انا معطيته هديته زواجه فلوس بتكفيه وبتزيد لكن الي اعرفه ان ماعنده اخوان وابيك تعامله كاخوه خالد / بحاول بكره من الصباح اكون معه لين اوصله للفندق في بريطانيا الشقة صارت كئيبه بعد سفر عبد الرحمن وعايلته وغاده جالسه بالصاله وفهد معها وكلهم ساكتين فهد / غدويه وش رايك نطلع نتعشى برى غاده بضيق / مالي خلق فهد بابتسامه / وش رايك تزورين ندى غاده بابتسامه / وش يحشرني بينكم روح شوفها لحالك فهد / استحي ومتفشل من ابوها اطلب اشوفها غاده بجديه / هي زوجتك مستحيل ابوها يرفض انك تقابلها او تطلع معها فهد / ادري لكن صعبة كل يوم راز وجهي عندهم واطلب اشوفها زين انها معي بالجامعه ولا كان مت بحسرتي غاده / وش رايك اطلب من خالتي تسمح لندى تطلع معنا للعشاء فهد بحب/ فديتها اخت فهد الي بتبرد كبده غاده / انا دخله اغير لبسي وبنطلع دخلت غرفتها وفهد دخل غرفته تكشخ وطلع لقى قدامه غاده غاده / كل هالزين والتعدل علشان عشاء لو اني ندى ما طلعت معك بهالشكل فهد بخوف / ليه وش فيني غاده / تذبح قلوب العذاري وخاف عليك من عيون البنات الي بتاكلك فهد / ههههههه الله يجبر بخاطرك غاده بجديه / والله من جدي مامزح جمالك يذبح فهد / اهم شي اكون بعيونها اذبح وبطقاق بكل البنات غاده بابتسامه / وربي تحبك وميته فيك من غير لا تتعدل فهد / وانا رايح بخرايطها تدرين للحين ماني بمصدق اني تزوجتها غاده / الله يعينك طلعو مع بعض وصلو لبيت ابو ندى نزلت غاده واستسمحت من ام ندى ان ندى تطلع معهم وبترجع لتعشو سمحت لها وطلعت ندى وركبت قدام جنب فهد وصلو للمطعم وكانت ندى مستحيه طول الجلسه قامت غاده وتركتهم تتعذر بالحمام فهد بحب / ندى كلميني عن نفسك ندى بحياء / مثل ما تعرف وحيدة امي وابوي علاقتنا بعمامي شبه منقطعه لنا هنا خمس سنوات مالي صديقات وفرحت بغاده وصارت اختي اكثر من انها صديقه فهد بحب / انتي اكيد تعرفيني عن طريق غاده لكن الي ماتعرفينه اني بحياتي ماحبيت ومن المشكله الي صارت ماغبتي عن بالي صرت اراقبك من بعيد خايف عليك وحبك بقلبي يزود صرت اتجنب اني اقابلك لاني ناوي اطلب من اهلي يخطبون ندى بابتسامه خجوله / .......... قطع عليهم دخول غاده جاء العشاء تعشو وطلو من المطعم وصلو ندى ورجعو لشقتهم في الديره عند فيصل وجاسم جالسين يسولفون بالمجلس دخلت عليهم الشغاله تقول لهم ان ام جاسم تناديهم طلعت ودقائق دخلو على جداتهم جاسم وفيصل / السلام الكل / وعليكم السلام جاسم جلس وسط جداته وفيصل جلس جنب امه ام جاسم / تعشيتو جاسم / ايه ذبحنا الجوع وطلبنا من الشغاله تحط عشانا فيصل / يالغاله ترى بعد الفجر بنرجع لرياض ام جاسم اطالع بجاسم / بنرجع اذا خلص اخوك المدرسه بنرجع سوى جاسم بابتسامه / ابشري خلصت وانا بسافر معكم ام جاسم ارتاحت / اجل بطلب من الشغلات يجهزن الاعراض وان شاء الله على الفجر نكون جاهزات جاسم وقف / تصبحون على خير طالع انام ورانا سفر وقف فيصل / خذني معك طلعو فوق كلن دخل غرفته وبعد صراع طويل مع النوم نامو بريطانيا وصلوا لشقه فهد دخل غرفته وخذ شور ودخل سريره ونام عند غاده دخلت غرفته وهي متضايفه تحس الغرفه كئيبة مظلمه بارده تعودت اليومين الي فاتت تنام بحضن نوره دخلت الحمام اخذت شور ولبست بجامتها ودخلت سريرها وسمحت بدموعها تنزل على سفر اهلها وعلى وجعها الدائم ماتقدر تكتم اكثر من كذا حاسه انه بتموت لو اكتمت اكثر وهي باوجعها نامت يتبع |
| الساعة الآن 10:31 PM. |
Powered by vBulletin Version 3.8.8
Copyright ©2000 - 2025, Jelsoft Enterprises Ltd
Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009