منتديات بنوته - قصه القطري والاماراتي

قصه القطري والاماراتي

كل واحد منهم اروع من الآخر

الاماراتي و القطري...تعالوا هنا وشوفوا.........بسرعة القصة...خطيرة

كان فيه اماراتي و قطري زملاء يدرسون في بريطانيا

وبعد انتهاء فترة الدراسه قرروا يرجعون لاهلهم

فقال القطري للإماراتي :::

قبل ما تروح الإمارات تعال معاي الدوحه و بعدها رح للإمارات فوافق الإماراتي وهم في الطيارة رايحين قطر دق اخو القطري من قطر وقال لاخوه ان جدتي توفت

فقال القطري لاخوه انا معي زميلي من الإمارات وعازمنه فلا تقولون له شي حتى ما يضيق صدرة ولا احرجه نصلي على الجنازة وكنها لاحد من جماعتنا

لما وصلوا

صلوا على الجنازة وقعد الإماراتي له مدة في قطر اعجب ببنت جيران القطري و قال لزميله اني ودي اتزوجها

فرح القطري وقال انا مستعد اخطبها لك و فعلا خطبها له وخبر الإماراتي اهله وسوو الزواج ورجع الإماراتي لدولته

وبعد مدة طويله كبرة تجارة الإماراتي وطلع تاجر وغني

والقطري خسر كل امواله وتجارته فقال مالي الا اروح لصديقي الإماراتي اكيد بيساعدني

وفعلا راح للإماراتي وهو منتظر شوفه زميله بفارغ الصبر لما سال عنه ووصل لبيته صار مو بيت صار ساكن في قصر وتاجر وكان الوقت متاخر فقال للبواب قل لراعي البيت ان

زميلك من قطر فلان بن فلان عند الباب وانه محتاجك ضروري وان حالته كذا وكذا

و بعد مارجع البواب عطى القطري شيء من عشى الإماراتي

تخيلوا

---------------

فضاق صدر القطري

وقال هذا جزاء الصداقه المهم

وهو راجع رجليه في الطريق

لقى اثنين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ القطري

انه هو اللي جاهم الاول واخذ المليون و تاجر بها في الإمارات وقبل ما يرجع لقطر لقى عجوز معاها بنت وقالت له

العجوز ابي اخلي البنت عندك واروح احج اذا مارجعت تزوجها وخلها عندك

لما طولت العجوز عقب الحج اتزوجها وسوا حفله الزواج في قطر وفي اثناء الزواج وكان من ضمن المدعوين زميله الإماراتي

لما شافه القطري غضب وقال للحضور اطردوة هذا خاين العشرة والصداقه

تخيلوا انه لما جا معي قطر

وكانت جدتي ميته ما علمته عشان مايضيق صدرة على وخطبتله بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضلة عشاااااه

---------------

تدرون شو قال الإماراتي....؟؟؟؟

قال اسمعوا واحكموا علي ......

انا يوم جاني القطري وهو محتاج ماحبيت اشوفه على حالته هاي عقب ماكان تاجر وكبير اشوفه صغير ومحتاج واتفضل عليه بشي من عندي عشان جيه عطيته فضله عشاي

وبالنسبة للتاجرين اللي متراهنين على مليون هذولا اخواني انا طرشتم له عشان يفكون ضيقته

اما با النسبه للعجوز اللي معاها البنت فهاذي امي والبنت هذي طبعا اختي

وش رايك ما احضر زواج اختي؟