رحلة بنت .. لكن غير .. لايفوتك حراااام

08-02-2011, 05:28 PM

انا : « βŋŦ ǻβ5¥ »

اضفني كصديق

السسلآم عليككم ورحححمة الله وبركــآته

اليوم وأنا أفرفر بالنت لقيت هالبنت منزله موضوع
بنفسها عمرهآ (14) سسنة
بُليت بمرض (السسرطآآن) عآفآنا الله وإيآكم منه

تنقل معاناتها وحياتها بالصور والله قطعت قلبي

اتمنى منكم تدعون لهآ بالششفاء العآآآجل نزلت الموضوع لعل احد فيكم تستجاب دعوته

اليكم رحلتها بين احضان المرض

كلآآآمهــآ

7
7
7
7
7
7
7
7
7

السلام عليكم ورحمة الله وبركاته

كيف حالكم؟؟

ادري مقصرة بس و الله مو بإيدي
كل شهر بدخل المستشفى تقريبا مرتين و الحين أنا أكلمكم من المستشفى و قلت أوريكم رحلتي اليومية في أحضان مرضــي الرهيــــب
تعبت و أنــا أفكــر شنو أسوي و أنا في السرير طول الوقت
قمت أصور و جاتني | الفكرة| الخــرافــية
صورت اليوم كــامل و هو اليوم الأهم يوم الخميس ... يوم الكيمــاوي
ما تسألون ليش ما نزلت الموضوع بسرعة ... ترى الكيماوي صعب و يأثر فيني ثاني يوم بقوة أكبر و ثالث يوم يكون فيه تأثير و تعب و أنام أغلب اليوم ... و الحين أنــا أكلمكم من تحت تأثير المورفين فأعذروني على الهفوات
| أعذروني على رداءة التصوير لانه من كاميرا الموبايل
| ألمستشفى هو مستشفى توام بمدينة العين بدولة الامارات العربية المتحده و هو مشهور بعلاجه لامراض السرطان المختلفة
بغرفة رقم 33 باطنية واحد

أدري قرقرت كثير

نبدأ بسم الله

يبدأ يومي كل يوم الساعه 7 ونص

على الساعة 8 يوزعون الفطور و أنـا دوم يعطونــي بانكيك أو فرنش توست لأنهـا ما تحتاج تعب في الأكـل ترى الكيماوي يسبب تقرحات بالفم ,,, أساسا انا أفضل الليكويد دايت

و احسن لو ما اكلت بس الدكتور خايف على وزنـي و دمـي ترى أول ما دخلت كنت بالإنعـاش و السبة نقص السكر و البوتاسيوم لدرجة ان القلب تاثر و صار ينطط مثل المجنون

المهم أني أكلت و بعدين جت الممرضة و عطتني ادوية الصباح
فايتمينات و كيماوي خفيف أخذه كل يوم و فايتمين دي و فايتمين سي و كورتيزون و بوتاسيوم و كوزار و ألدكتون و ترونمين و نورفاسك للضغط تخيلو ضغط و عمري 14 سنه

الساعة 9 جت الممرضة ثاني و شافت مؤشراتي الحيوية :-
# طبعا أنا ما أحب أحط الأكسجين بس ذاك اليوم كان أكسجيني نازل 86 فحطيته
# الحرارة كانت 38.9 و عطتني ترامال [ عندي حساسية من البندول ]
# السكر كان 56 و حطتلي سكر بالوريد
# الضغط كان 99\156 و يعتبر عالي بالنسبة لعمري بس ما سوت شي على أمل ينزل بعد الترامال

و بدأت دقات قلبي تزيد و الخوف و الرعب ... إنهــا ساعة الحقيقة ... خطوات ثقيلة تمشي في ممر بجانب الغرفة ... صوت السائل الذي تحمله على يصل لأطراف أذني كالهمس ... إنه السـم الذي سوف يسوي مرثون في عروقي و فارس أحلامي الذي سينقذني من الموت

الساعة 9 ونص وقفو المغذي العادي و إسمه دي5 و حطولي الكيماوي طبعـا معلومة مهمة إسم الكيماوي أي إل2 و هم ما يحطونه قبل ما يفحصون وظائف الكلى و أنا فحصوها قبلها بيوم و طلعت عادية و الحمد لله ~

هذا هو سم بدون لون يجري في العروق يحرقها و يقتل الجسد ... قبل ما يحطونه يعطوني دوا للترجيع إسمه زفران أنا ما أطيقه أبدا يحسسني إني أبغى اطلع من جسدي و أتضايق بسرعــة ... و بصراحة هو ما ينفع لانه بعد 3 ساعات بدأت أرجع كل شي في المعدة الله يعزكــم

قبل ما يحطونه يعطوني مورفين عشان أسترخي و انـام ... نمت بعد ما حطوه على طول بس صحيت بعد ساعة و طبعا طعم الدوا مقرف أحسه في اللعاب الله يعزكم و يسبب ألم فظيــع لا يحتمــل

حاطين سرعته على 30 لانه يحرق العروق و خلص بعد الســاعة 7 المغرب و حطو النوع الثاني لونه أحمر أو برتقالي كذا بس هذا يخليني مدوخة و حالتي حاله عشان كذا ما صورته ~

هذا أحلى شي في المستشفى كله ... لما أمل ألعب فيه مثل البزران

وبعدين جلست على النت احمل افلام

وبسس انتهى يومي

يآآآآحيآتي تحسينها برآءه

اسأل الله لهآآ الششفآء العآآآجل

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
قريبا	بقلم :	قريبا	قريبا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور الامير الوالد الشيخ جابر الاحمد الجابر الصباح رحمة الله	Bdoe	°• قڛم ديـڕتي ●~	29	08-24-2011 02:40 PM
رحلة المشتاق .. هذا خبر سلمان الفارسي.. للشيخ محمد العريفي ...	ولد ابوه	قصص الانبياء و الصحابه	15	02-11-2011 06:44 AM
«¦[ رحلة ألى حيث كآنت طفولتنآ ]¦»	اصل الدلع	زآۈيـﮧ حرهـﮧ	2	11-03-2010 09:51 PM
رحلة في انهار العطر	قلب وحيد	الشعر والخواطر والقصائد	2	02-05-2009 05:03 AM
البوم صور لدولة بلغاريا .. لؤلؤة البلقان الطبيعية -- رحلة جميلة مع الصور	عاشق البنوته	آلسفر - آلسيآحـﮧ	3	04-10-2008 12:15 AM

الذين يشاهدون محتوى الموضوع الآن : 3 ( الأعضاء 0 والزوار 3)

رحلة بنت .. لكن غير .. لايفوتك حراااام

صۈر - ڪآريڪآتير