{ . . عقوقْ الوآلدينْ !

انا : ~؛”احلى دلع”؛~

اضفني كصديق

السلام عليكم ورحمة الله وبركآته

يسعد مسآكم ب طاعة الرحمن ومغفرته عز وجل
,. . . . عيآل ديم شحآلكم عسآكم ماتشكون من بآس ؟


,




آ آآ .,انآ موضوعي لليوم , بيرمس عن أجمل النعم
اللي انعمها الله على الإنسسآن , وحتى الحيوآن ,



إنها نعمة الوآلدين ,


جميل أن نذكر تلك الكلمتين " أمي , أبي أو ماما , بابا "
كلمتآن لهما احساس جميل ينبع من القلب , تجاههم
. . . . فهما سسبب وجودنا , همآ اللذآن اوصلونا لهذه المرحله

كبرونا , علمونا , ربونا , عطونا ,سهروا ع راحتنا , تعبوا انفسهم عشآن
مانتعب أو يصيبنا أي مكروه .. .


والحيين ي دورنا , عشان نخدمهم ,نراعيهم , نرد لهم الجميل
ولو جزءمنه , لكن أكيد مارح نوفي حقهم

ابوي وأمي ,يحتاجون , الراحه و الرعاية , الأكل الشرب
الحنان , الطاعه, والبر


كما قال الله تعالى { وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا }
صدق الله العظيم




الوآلدين , نعمة , وبرهما باب من أبواب الجننه
أوسع باب يقدر يدخل فيه البار بوالدين أو المسلم هو باب الوآلدين

أبر امي وأبوي اضمن دخول الجنه , لآن مرتبة الإيمان تكون
من رضى الله , ورضى الوآلدين ,يعني لو ابوي وأمي راضين عني
ف الله عز وجل راضي عني , يعني دنياي تكون احلى دنيا , والجنه جزآئي



في موقف من الحياة

بنت , وهي وحيدة اهلها , كآنت باره ب أمها وأبوها
ماتقصر وياهم , تغسلهم , وتخدمهم ,وتأكلهم , و كل شي خاص بالبر
تسويه لهم , ويوم من الأيام , يآها معرس وطلب ايدها لزوآج ,
ف قالت عندها شرط , شرطها ان تقوم بوآلدينهآ , يعني اللي تقوم به الحين
تسويه وهيه فبيت ريلهاآ , فوآفق المعرس وتزوجوآ
والبنت طبعا كانت باره بأمها وأبوها كعادتها , تحاول تسعدهم بكل ماعندها
حتى جاء يوم وفاتهما , البنت حزنت حزن شديييييد لفراقهما ولشي ثاني

تتوقعون شو .؟

لآن باب من أبوآب الجنه أغلق , اللي هو باب الوآلدين
فمآ بالكم باللي يعق بأبويّه ,





,




الله أمرنا ببر الوآلدين , فبرهم يعتبر جهاد فسبيل الله
فزماننا هذا أصبحت مشكلة عقوق الوآلديين عآده الكِل يسويها البعض يمكن بدون
مايحس , والبعض عمداً , العقوق هو من الكبائر

الحين , الأبنآء يعقون بوآلدينهم بكلمة , بفعل , بكِل شي يحزنهم
طيب ليش , نسيتوآ اللي سووه يوم كنتوا صغار نسيتوا الحنان والرحمه
نسيتوا النومه الهنيه نسيتوا الألعاب والهدآيا اللي كان يهدوكم اياها ! !






يعني يقولكم في موقف من عقوق الوآلدين
,


بنت تمت زعلانه على أمها لمدة أسبوعين
يعني لآ ترمس امها ولاااا حتى اتسلم عليها
طيب ليش ؟ ؟

يعني نغبي سبب ل هالشي , الزعل من الأم شي عظيم
لكن نبا انشوف لييييش البنت زعلانه . . . المصونه زعلانه من امها
لآن امها ماخذتلها الشنطة اللي تباها ! ! !

زعلانه من أمها عشان شنطه , يعني تعّق امها وتزعل منها
عشآن شي تافهه مثل هذا ,

الأم عمرها 65 سنه , تتوقعون الأم بتستوعب البنت انها تبا هاي الشنطه
وهل الأم تقدر توفرلها كل هذا ؟ ؟ ؟


في موقف ثاني للعقوق

شاب كان يبغي يعرس من بنت يحبها ويباها , رمس ابوه وامه
ابوه رفض البنت ليش لان يشوفها ماتناسبه , الولد مارضى الا ياخذها
وخذها , وسكنها فالبيت نفسه , وكملوا ويا بعض 6 سنوات تقريبا , الأب والأم كبروا
ويحتاجون لمن يرعاهم ويقوم بهم , ف الولد هذا هب فاضي لهم ,

بعد سنه

توفت الأم , وبقى الأب وحده , والولد وحرمته
فالبيت ,الأب يوم من الايام مرض مرضاً شديداً فرمس الولد انه يوديه المستشفى
يقوله , ياولدي انا تعبان ودني يعني يترجااه تخيلوا الاب يترجى ابنه

الولد يرد عليها , لا خلك مب لازم تروح
والأب يكاد يموت من شدة التعب والبرد تخيلوا حتى ماكان يأكله

واذا بيأكله بيأكله من فضلات أكلهم بعد مايخلصون هو وزوجته يعطونه الأكل
وفيوم طلبت زوجته ان يوديه دار المسنين ولا يفره فمكان ليييشششششش ؟
لآنه كبر ويباله من يرعاه ورحيته فاحت ومحد بيقوم به , وانا هب فاضيه ولا انته فاضي

سار الود وياب بطانيه ولف ابوه بها ووداه صوب زباله قرب المسيد
وبعد يوم شافوا شي قرب الزباله ف استغربوا , من وجود البطانيه ولقوا ان فيها الأب
ميت والدم يصب من خشمه ومغطى لحيته تخيلوا

عقب عرفوا ان الولد له اييد بالموضوع واعترف , واحكموا عليه 20 سنه
وزوجته حملت ويابت ولد وهالولد كمل الـ 20 سنه , ويا اليوم اللي افرجوا عن الولد العاق
وهو طالع شآفه ولد , ومن الفرحهه الشديده تتوقعون شو سوا الولد ؟ ؟

رآح وضغط ع بنزين السياره وداس عليه , ودعم ابوه وهو مبتسم
!!!!



وآآآآآآآآآآآآآ أسفآآآآآآآآآآآآآآآه


- - - - - - - -




لييش تسوون جيه بوآلديكم , هل تناسيتم الشقا والتعب اللي تعبته امكم !
هل تناستوآ , تعب ابوكم على إنه اييبلكم اللقمه وحاجاتكم الخاصه !


ليش هالعقوق , شو ذنبهم , شو سوولكم ضروكم ؟ ؟
انا ماشفت ان ام تضر ولدها أو أب يضر بنته , مافي اب او ام ماتحبون عيالهم

صار العقوق بالضرب والشتم ليش ! ! ! !
يعني البعض يرمس عن امه وابوه بالشين ليش ,
ولا وآحد يزقر ابوه ~> اييه تعال , ولا انته , ولآهذا وهذي
لييش ليييييش , منوه هايييل للي تزقهم بالألفآظ

ولا البعض بالوقفه , يعني البنت توقف وحاطه ايدها ع خصرها ابوها ولا امها
ولا يالسه تاكل لبان . . .ليش يعني ؟؟


,
تتخيلون ان في ولد يمد ايده ع ابوه ؟
اللي يسمع هالشي يقول يا كبرها عند الله , ولد يضرب ابوه كيف كيف ! !

فموقف من الوآقع

شاب متزوج , فمره من المرات كان معصب والدنيا مظلمه فعينه
ياه ابوه وكلمه بس زقره زقره , قاله يافلان

الشاب هذا , من كثر ماهو معصب خلاص ماقام يحس باللي فيه
سار وياب خشبه فيها مسامير , وضرب ابوه , تتخيلون الموقف ضرب ابوه لييش

اونه لان نرفزني شوي ! ! !
نرفزك شوي تقوم تضربه , هذا ابوك مب ولدك ,مب خادم عندك , جنتك تحت قدمه
يوم الحساب


صار العقوق على كل شي
لو الأم تطلب من بنتها تقوم تيبلها كوب ماي البنت تقول اففففف مابا
ولو الأب قال لولده شي رد عليه بكلمة " أف "

قال الله تعالى { فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيما }

شوفوآ معاي هالفيديو






دمعة الوآلدين

دمعة الأم غآليه دمعة الأب غاليه , مجرد نزول دمعة من عيونهم
واقصد دمعة الحزن والأسى , يعني وآلدينك هب رآضين عنك , وهذا يعني
الله مب رآضي عنك , انته اليوم زعلت امك بكلمة , انته اليوم سويت شي عظييم
وابوك زعل منك وانت ماسويت له سالفه ,
وَ الوآلدين فداخلهم يقولون ياهي خسارة التربية والتعب اللي تعبناه عليك
. . . عاملناكم بإحسان تعاملونا بغيره ليش ؟

تعرفون دمعة الأبوين اغلى الدموع سبحآن الله مجرد مايدمعون
وهم حاطين فخاطرهم عليك خلاص انت فيوم من الأيام بيصيرلك شي
هب زين يمكن تموت يمكن تخسر أموالك يكمن ويمكن

,

أم , اصيبت بعقوق أبناءها , وعقوها فالشارع وحرموها من الأكل حتى
وتبكي كل يوم , دموعها تنهمر حسرة على عيالها اللي ياما سوت عشانهم
سوت كل شي عشان يفرحون ويستانسون بحياتهم ,اغرتهم الفلوس
شتموها وطردوها من البيت عشان زوجآتهم والفلوس

وتقول لو سمعت فيوم من الأيام خبر وفاة ولد من عيالها
بتصييح ع فراقه , شوفوا مدى رحمة الأم , الأم ماتصيح عشان اللي يسويه فيها
تصيح لآنه مات , خسرت ضناها ,

ولكن ماشي إحساس من جانب هالأبناء

,



لكن مثل مايقولون غداً لناظره قريب . .
يعني فلآن اليوم عق بوالدينه , باجر عياله بيجازونه مثل
ماسوى بوآلدينه . . .




رسآلتي

أتمنى إنكم تتفكرون مع نفسكم , وتشوفون هل
اليوم بريتوا بوالديكم , عاملتهم بالزين ولآ بالشين , ضكتوا وياهم
وخليتوهم يضحكون , ولا . . . ؟

إذا لآ, ف تسابقوآ لبرهما لعل انقاذكم من نار جهنم هو باب الوآلدين

كآن عندي وايد كلام ودي اضيفه لكن حبيت يكون لكم
آراء وردود تزيد من الموضوع الشيق اللي يعتبر مهم مهم جداً







,

جاء رجل الى الرسول الكريم
محمد صلى الله عليه وسلم وقال له :يارسول الله من احق
الناس بصحبتي ورعايتي ؟ فقال :امك
قال ثم من ؟فقال :أمك
قال :ثم من ؟ فقال :أمك
قال ثم من فقال الرسول عليه الصلاة والسلام :ابوك



{ فمكانة الأم مقدسة , ومكانة الأب عظيمة }


وشكراً