تبينُ تصيرينّ سنع‘ـهْ ويخطبونتسّ ! ! !
 

السَلام عليكُم ورحمَة الله وبركاتُه





أسعدَ الله أوقآتكُمْ بِ الخَيرْ وطَآعَة الرحمَنْ .. ~




اممم
المُنتديَات كثِير تتكلّم عنْ الإتِيكيتْ بسْ لِيه مَآننظرْ لهآ بِ نَظرَه خَليجِيّه شوَي ..


ونشًوف يعنِي آتكِيتنآ كِيفْ رَآح يكُون يعنِي بِ آلعَآمِي [ آلسنَآعَه ] ..





بِ النِسبَة لِي , وللكَثيرْ مِنّا مَا نعرفْ لِ السَنَآعَة وكِذَا ..
لِ أَنُه بِكُل بَسَآطَة كلّنَا بَنَآتْ وَ أخوَآتْ ..
وَ قَلِيلْ مَرّة أطلَعْ طَلعَآتْ يَعنِي فِيها حَرِيمْ كبآرْ ورسميّآتْ وكِذَا ..
كلْ طَلعَآتِي وَعلاقَآتِي كَانتْ مِيآنَة فِي مِيآنَة ..
يعنِي تقتصَرْ عَ النآسْ القريبَه مرّه خَوآتْ وخالات وعمّآتْ وبنآتْ خوآل وَ عَمْ وصدِيقآتْ .......


فَ المُجآملَة عِندْ النآسْ هَذُولا مُو ذَآك الزُودْ يعنِي ( إيه هيّنْ ) أجآملْهُم ..

مِنْ خِلالْ هذا المَوضُوعْ حبينَا نتكلّم عنْ السناعه..



اممم



* يعنِي مَثلاً إذَا جَاتسْ أحدْ فِي البِيتْ كِيفْ تَهلِينْ فِيه ؟

هَلا والله وغَلا ……………………….. نوَقفْ ..
طيّبْ وشْ بَعدْ ؟



أَبسَطْ القَوآعِدْ نفَهِي عِندَها ..
ألحِينْ خَلاصْ كبَرنَآ وكبَرتْ علاقَآتنَآ مَعْ النآسْ ..
يعنِي لازمْ نصِيرْ إتكيتْ وكشخَة بِ الإسلُوبْ بسم الله علينَآ ..



طيّبْ وشْ رآيكُم نخلِّي الموضُوعْ هَذا [ دَلِيلْ ] لِ إتكِيتنَآ الخليجِي ..



مَثلاً :



♫♪ عَطِيتِي أَحدْ كَأسْ مُويَة ..
قَالْ لتسْ : عِشْتِ
تردِينْ وتُقولِينْ : …. " عَآشَتْ أيَّامِك "



♫♪ صَحِيتِي مِنْ النُومْ متأَخّر وأَحدْ منْ إخوانتسْ حآبْ يستهبلْ ..
قَال لتسْ : صَحْ النُومْ
تقُولِينْ له : …." صَحْ بدَنكْ "

♫♪ أحدْ حآبْ يعرفْ وشْ عَاِئلتك , تقُولِينْ عَائِلتِك ..
يقولْ : وَالنعمْ فِيكْ ..
تردِينْ وَتقُولِين : …. " ما عَلِيكْ زُودْ "


♫♪ أحدْ يَبِي يبآركْ لتس , طبعَاً يقُولْ : مبرُوكْ ..

تقُولينْ : " الله يبآرِكْ فِيكْ وعُقبآلكْ ".. بسْ إنتبهِي تقُولين عُقبآلك وهُو صَآيرْ له هالشَي ..

يعنِي مثلاً بآركْ لك بِ التخرُجْ وهُو متخرّج مآتقُولينْ عُقبآلكْ لأنه خلّص ..


♫♪ أَحدْ تزَوّجْ , تقُولِينْ له :

" ألفْ مبرُوكْ الله يَجمَعْ بِينكُم بِ الخِيرْ , مِنُه المَآلْ ومنِكْ العِيآلْ
الله يبآرِكْ لِك بِزُوجِك وبِيتِك
الله يسعدِكْ ويهَنيِك ويرزِقك بِ الذُريّة الصَآلحَة
الله يعمّر حَيآتكُم بِ المَحبّة وَ المودَة ..



♫♪ طيّب وحدَة تَوها جَآبتْ بِيبِي وحآبَه تبآركِينْ لهآ ..
تقُولِينْ لَها :
الحمدْلله عَلَى سَلامتِك وَألفْ مبرُوك , الله يجعلُه مِنْ مَوآلِيدْ السَعَآدَة ويتربَّى بِ عزِكم انْ شَاء الله , والله يرزقكُم برّه ويسَخرُه لكُم الله يجعلُه مِنَ الصَآلحِينْ ويحفظُه لكُم مِنْ كلْ عِينْ..



♫♪ وحدَة بِ المستشفَى تعبَآنَة ومَرِيضَة
تقُولِينْ لَهَا :
طهُورْ إنْ شَآءْ الله ..
الله يشفِيكْ ويعَآفِيكْ ويرَجعِك لِبيتِكْ بِ السَلامَه , وإنْ شاء الله العُمرْ الطوِيل يَاربْ ..
وترجعِينْ بِ الصحّة وَالعَآفيَة وَأحسَنْ مِنْ أَوّل ..
والله يجعَل مَرضِك تَكفِيرْ لِ ذنُوبِك وَتعظِيْم لِ أَجرِكْ , مَا تشُوفِين شَرْ .. وانْ شَاء الله تقُومِينْ بِ السَلامَة ..


♫♪ حَآلة وَفَآة لِ أَحدْ و تبينْ تَوآسِينهُم

تقُولِينْ :

" عظّم الله أَجرِكْ , إنّا لله وإنّا إليه رَآجعُون , الله يرحمُه ويغفرْ له ..
ويجعَلْ قَبرُه رَوضَه مِنْ رِيَآض الجَنّة , آمِينْ يَآرَبْ العَآلمِينْ ..
اللهُمَ أغسِله بِالمَاء والثَلج والبَرَدْ ..
ونَقِه كَما يُنَقَى الثَوب الأبيَضْ مِنَ الَدَنسْ " وأدعية كثيرة " ..


♫♪ جَآكِ ضيُوفْ وتَبِينْ ترحبِينْ فِيهُم ..
تقُولِينْ لهُمْ :
هَلا وغَلا أسفَرَتْ وَأَنوَرتْ يَاالله انّ تَحيِيهُم
وتبقِيهُم وتمَسِيهُم بِ الخِيرْ وتصبَحهُم بِالسرُورْ تَو مَا نَوّر البيتْ تفَضلُوا تفضَلُوا .. >> شسمُه مُو كأنِي دخلتْ جَو ..




لُوا النَآسْ عِندتسْ فِي البيتْ وخلصتِي مرحبَه ..
شلُونْ نضَيفهُم ؟




► أوّل شَيء تقدمِينْ لهُم " العصيرات " إذا كآن الجَو حَآرْ ..
كُوكتِيلْ , وَ عصِيرْ طَبيعِي طبعَاً غيُروا فِي العصِيرَآتْ عشَان مُمكِنْ مُو الكلْ يشرَبْ مَثلاً بُرتُقاَل وَلا الكُل يِشربْ تُفَّاحْ , فَ الأفضَلْ التَنوِيعْ ..

تَأكِدي أنهُم كلهُم شربُوا .. ولزّمِي عَليهْم ..




وإذَا خلصُوا ..

► تَبدأَ المَرحَلة الثَانيَة مِنْ الضِيَآفَة " القهوة " ..
فِي شَيء مُهمْ عِندَ القَهوَة ..

أَولْ شَيء لازِمْ لازِمْ لازِمْ يكُونْ مَعهَا " تَمرْ "

الشَيء الثَانِي .. انُه فِي نَآسْ عندهُم عَادَاتْ وتقَآلِيدْ

مَثلا : القهوَة إذَا جِيتِي تصبينهَا لـآزم لـآزم ت مسكِين الدَلّة باليسَآرْ وَالفنجَآلْ بِ اليمين .. >> يامَا أخذتْ لِي علقَه منْ الوآلدْ ..

وعَبِي نُص الفنجَآلْ أَو أقَلْ مِن النُص بِشوَي ..

لأنُه فِيه بَعضْ النَآسْ إذَا صَبيتِي لهُم الفنجَآلْ مَليآنْ مَعنَاتَها عندهُم ( إشربُوا وإخلصُوا وإطلعُوا بَرَى بِيتِي ) .. كأنها طردة ..


لا تضحكُونْ وربِي ترَى فِي نَآسْ كِذا إلَى الآن , يعنِي الموضُوعْ مُو لعبْ ..


خصُوصَاً الشِيبَآنْ وَالعجَآيزْ والرجَآلْ أعتقدْ يهتَمُون بِ الأمور هذِي ..

والفنآجِيلْ لاتكُونْ صغِيرَه مّره يعنِي إختآرُوا من النُوع الوَسطْ يآ حبِي لكُمْ ..

وعشآنْ مَآتتعرضُونْ لمثلْ الموقف هَذا وتنحرجُون ..





مرّه بنتْ عمِي تقُولْ لِي إنُه زوجهَآ كآن معزُوم عندْ نآسْ ولمّآ جآبُوا القهوَة كآن فِيه رجآل كبيرْ شَوي وشآفْ الفنآجِيلْ صغيرَه ..
وشْ سَوَى أخذهآ كلَّها وكسرهآ .. ويقُول أنا قدرِي أكبرْ منْ فنآجيلكُم وطلَع ..
عآدْ َتدرُونْ وشْ ألعَنْ مَوقفْ لمّا تصبِينْ قَهوَة ومَاسكَة الفنجَالْ وهِي حَآرّة بِيدّك ..

والضيُوفْ يسُولفُون يسُولفُووونْ وأنتِي مآدّة الفنجآلْ وتقُولِينْ تفضَلِي خَالتِي .. تفضضضضضضضضضضلِي ..
تفضَلِي يَدِي حرَقَتنِي ..

و لمّا تقَدمِينْ الضِيَآفَة مُو كِلْ اللي فِي البيتْ يرُوحُونْ المَطبَخْ ..
لازِمْ أَحَدْ يَجلِسْ مَع الضيُوفْ , مَا ينفَعْ يطَولُون لحَآلهُمْ ..

رد: تبينُ تصيرينّ سنع‘ـهْ ويخطبونتسّ ! ! !
 

[size="5"][/sizeثــــآآنكسسسس

رد: تبينُ تصيرينّ سنع‘ـهْ ويخطبونتسّ ! ! !
 

رد: تبينُ تصيرينّ سنع‘ـهْ ويخطبونتسّ ! ! !
 

رد: تبينُ تصيرينّ سنع‘ـهْ ويخطبونتسّ ! ! !
 

يعطيكم العافيه

رد: تبينُ تصيرينّ سنع‘ـهْ ويخطبونتسّ ! ! !
 

معلوماااات راقيه مثلك ياعسل

تحياااتي لكي