منتديات بنوته

تـدرون ليـش احيـان ينتابنـي هـم
رغم الوجيه اللـي تـروح وتجينـي

هـذا صديقـن لـي وهـذا ولـدعـم
وان صحت بأعلى صوت جو فازعيني

ذكرت يومن فيـه قـول الولـي تـم
فـي يـوم ماينفعـك مـال وبنيـنـي

في يوم لو تبكي بـدل دمعـك الـدم
مافيه مهـرب مـن حسـاب اليقينـي

العمر يمضي ياتـرى كـم بقـى كـم
واقـول لـو ذلحيـن موتـي يجينـي

مدري بوسط القبر باعيـش فـي غـم
ولا فـرح يجلـي همـوم الحزينـي

اخـاف لا حـان الجـواب اتلعـثـم
لا قلـت ربـي ثـم نبيـي وديـنـي

امـا فتـح لـي بـاب منـه اتنـعـم
وارى جلوسـي فـي مكانـن امينـي

ولا فتـح لـي بـاب مـنـه اتـألـم
وارى جلوسي فـي مكانـن مهينـي

امـا ليـا حـان الحسـاب اتبـسـم
اقـرى كتابـي شايلـه فـي يمينـي

ولا بكـيـت وبالشـمـال اتـقــدم
ابكي على ماضاع لـي مـن سنينـي

يـا لله ياللـي فـي عبـادك تحـكـم
ياللي جميـع النـاس بـك تستعينـي

طالبك تغفـر لـي ذنوبـي وترحـم
وان مـت تجعلنـي مـن الفايزينـي

وسلااااامتكم