|
رد: قررت الرحيل ~ ف أردت ترك بصمتي :/:/ اي صج حبيت اقولكم موقف شويه يضحك بس يلوع الجبد شويه او يخرع << مادري على حسب المزاج هع اغلبكم يدري انا طب احنا عندنا مشرحه بالجامعه وفيها تقريبا 40 جثه نشرحهم ونطبق عليهم يوم من الايام كنا رايحين المشرحه نطبق ووزعونا تقريبا على 20 جثه والباقي حافظينهم بالثلاجه احنا طبعا خلط بنات وشباب انا كانو حاطيني عند جثه ومعاي 2 شباب و 7 بنات وانا كنت الرئيس على هالجثه وكنت اشرح حق الشباب والبنات بمراقبه الدكتور انا شفت الدكتور راح قلت بحرك الجثه شويه بس ماانتبهت حق الخيط اللي مربوط بالجثه عاد مادري حق شنو المهم سحبته وفجاه تحركت الايد << يمممه يخرع انا ماتخرعت لاني كنت شايف الخيط ال9 كلهم اخترعو وصار صراخ وصياح وبنات اغمى عليهم وبنت متخرعه ههههه انا قلت ياويلي بيطقوني البنات هع عبالهم مسوي مقلب وانا مو قصدي المهم انا سويت نفسي مادري لان محد انتبه على الخيط كان رفيع حييل ومايبين ويوم طاحت الايد بحضن وحده ههههه كانت بتموت وانا وقتها فاصل من الضحك هههه طحت من طولي قاعد اشوف اشكالهم يضحكون وخصوصا الشباب عبالي رياجيل بس طلعو ... ههههه خوافين بالاخير الدكتور فضحني قال انت سحبت الخيط بدون ماتدري وانا قلتله اي صح مادري مادري ههه |
رد: قررت الرحيل ~ ف أردت ترك بصمتي :/:/ اي بعد موقف ثاني بالمشرحه كنا رايحين انا ورفيجي بليل المشرحه تقريبا الساعه 9 او 10 نبي ندرس على الجثث كان عندنا امتحان اليوم اللي بعده وكان الممر اللي يودي حق المشرحه مظلم حييل وكان برا المشرحه بالممر في مجسمات على شكل انسان وفي جثه حاطين عليها شمع عشان ماتتحلل المهم انا كنت رايح ورفيجي كان عزكم الله بالحمام المشرحه مو مفتوحه بليل بس نطبق على اللي بالممر انا شغلت تلفوني والليت مال الكاميرا وكنت ورا الجثه المشمعه طبعا داخل صندوق زجاجي والجثه واقفه انا كنت من ورا الجثه ورفيجي جاي بوجهي شاف الليت عباله الجثه تطلع ليت وكان يصارخ بس خفيف مو بصوت عالي يناديني مسكين انحشر هههه وطلعت انا من ورا الجثه كفخني بالنعل هع عزكم الله عباله الجثه تحركت دش الامتحان وهو متصرقع |
رد: قررت الرحيل ~ ف أردت ترك بصمتي :/:/ سوري وحدك ابيك مانتبهت على مرورج مدونتي لاني كنت مشغول بالكتابه منوووووره يا ميمو حتى انتي على فكره عرفتج بيوم وليله ماني عارف شلون اتكلم عنج خليها بعدين |
رد: قررت الرحيل ~ ف أردت ترك بصمتي :/:/ |
رد: قررت الرحيل ~ ف أردت ترك بصمتي :/:/ انا صارلي تقريبا من 3 شهور صرت ادمان سينما قبل ماادمن عليها كنت رايح لها مرتين بعمري بس !! ولما ادمنت عليها صرت اروح كل اسبوع ترفيه عن النفس تعرفون ضغط الدراسه مع الحياه لابد الواحد يرفه عن نفسه بالكويت مافي اماكن يصلح اروحلها انا ورفيجي بس انا اروح السينما بس معاي واحد ندرس مع بعض ونروح سينما لما اكلم باقي الربع مالهم خلق واللي يقول معزوم المهم انا عشان جذي رحت السينما افضل مكان يستوعب شخصين في واجد اماكن خاطري اروحلها بس محتاج اقل شي 6 اشخاص مثلا حرب الالوان وكره قدم وبولينغ اما اروح مع واحد لا مستحيل زهقققه الحين السنما وناسه امس رحت فلم رعب اصلا هو مكتوب انه رعب بس مو رعب اسمه the resident عجيب بس مقطعينه واااجد اتوقع الفلم كان 3 ساعات صار ساعه ونص عالعموم حلو وانصح اللي ماشافه يشوفه |
رد: قررت الرحيل ~ ف أردت ترك بصمتي :/:/ برب |
رد: قررت الرحيل ~ ف أردت ترك بصمتي :/:/ وحدك ابيك منوره مره ثانيه :) |
رد: قررت الرحيل ~ ف أردت ترك بصمتي :/:/ باك خلونا من ذكر المواقف بعض الكلام يحتاج تصفيف المهم حانت اللحظه الحاسمه ابي امشي وانذكر بخير والله ماودي اترك شي حبيته بس شسوي مو بايدي انا كنت انتظر كثيير وماصار اللي في بالي وفتحت قلبي لناس بس للاسف عديمين احساس وكونت صداقات بس في منها الزين ومنها الشين كل ماصارلي موقف احبها مادري ليش مايكتمل حبيت وكرهت بنفس الوقت مادري شنو اللي حصل المهم احس كل شي صار بلحظه من اول يوم سجلت بالمنتدى الحلو هذا اشوف كل الاحداث اللي صارت قدام عيوني الحين بلحظه في ناس ظلموني بس انا مسامحهم من كل قلبي والله شاهد علي وفي ناس جرحوني بس وربي ماكرهتم والدليل لي اليوم اكلمهم وفي ناس حطوني بعيونهم بس انا مقصر معاهم وفي ناس طيبتهم ملكتني واقولهم عسى الله يكثر من امثالكم وفي ناس تمنو لي الخير واقولهم عسى ربي لايحرمني منكم وفي ناس كرهوني بدون اي سبب وانا من عرفت انهم يكرهوني ماصرت اقعد بالمكان اللي هم فيه عشان مابي اضايقهم بس ماكرهتهم والله وفي ناس من كلامي معاهم ماقدرو يعبرون عن اللي بقلبهم مادري هل هو حياء او شنو؟؟ ماعليه راحت الفرصه عليكم :p في ناس انا حبيتهم وحبيت اقرب منهم حييل لان شفت اسلوبهم حييل عجبني وفي ناس لله في الله دخلو قلبي من اول مره عرفتهم وتمنيت لو عرفتهم بالحقيقه برا المنتدى وفي ناس تمنيت لو عرفتهم من زمان مو الحين وفي وفي وفي وفي .. إلخ المهم انا بس بذكر لي كم شغله وبعدين اقول الوداع ياغوالي بس اول اخلص الشغلات اللي بكتبهم برب |
رد: قررت الرحيل ~ ف أردت ترك بصمتي :/:/ باك بعد غياب انا عندي امتحانات بس حبيت اكتب كم شغله في بالي السلام عليكم اول شي شلونكم يارب كلكم بالف خير انا كنت حاط ببالي اطلع خلاص نهائيا بس في اشخاص منعوني واصرو اني اقعد انا مااطلع من سبب في المنتدى لا بالعكس انا كنت ناوي اطلع لسبب فيني خاص عالعموم انا ماراح اطلع عشان خاطر كم واحد هني |
رد: قررت الرحيل ~ ف أردت ترك بصمتي :/:/ بالنسبه لناس امس قالو حق ناس غيرهم اني ناسيهم اقولهم لا بالعكس غلطااان انا مستحيل انسى منهو بيوم اغليته ومازلت اغليه انا بس لاني انشغلت حييل وعندي امتحان بكرا بس دخلت عشان اوصل هالكلمه انا مانسيت احد الكل في بالي والله واحد واحد وخصوصا اللي ببالي |
| الساعة الآن 07:15 PM. |
Powered by vBulletin Version 3.8.8
Copyright ©2000 - 2025, Jelsoft Enterprises Ltd
Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009