ياحبيـــــــــــــــــــــــــــــــــبي....


يابعد كل الجروح اليوجعني
انت فرحي..
وانت حزني
وانته ماي العين اشوفن بيك دربي..
ولانكت يوم وخذلني
انت طور الما عرفت ابغير طورك..
من يهزني الشوك اغني
كلبي مافك بابه لحد غيرك انته..
ومارضه الغيرك يدني
شدني حيل بحبل ودك
وانه احبك لوصرت سجاني انته وصرت سجني..
ارد اشد روحي اعله عودك..
يادفو البردان, موليل الشته خلافك كتلني
ياهواجس..
ياهواجس ليل ذبن كل ثكلهن فوك روحي
وعذبني
يل صرت سوله سوالف صفنتي
وما اعلم احد, لونشدني
اخ..
اخ من لجماتك يوازني كوه..
شما اغمض العين
واغفه..
يجفلني
وانته انته..
انته يلعندي شمعزك..
ماشكيت ولاجسر يطريك بالموزينه ظني
ياحبيـــــــــــــــــــــــــبي...
طبعت طبعي اعله طبعك..
من يعاندني الوكت ماطخله راسي...ولا احب
جف اليذلني..
ولا ابيعن بيعه النعتاز من تفرغ جيوبه
وانته تدري....
المانكر عشرة حبيبي يموت وكفه ولايمل
ويصيح توبه..
ولا اخذ طبع الحيايه وبدل ويه الوكت ثوبه..
وزيت تدري...
المعدن المخشوش لو لاحه النده اتبين عيوبه
ومو غريبه...
موغريبه المازلف جدمه اعله صوب الغير
واتبسمر ابصوبه..
ولاغريبه اليحب ذنبه..
وظل يداري ويه الوكت كثرة ذنوبه
ياحبيـــــــــــــــــــــــــــــــبي....
انته كل جروح قلبي..
وانه طبعي اشما كبر بيه الجرح ويزود وجعه
اكضي كل الليل عاشك...
حتى كل مجروح..
يبره شما يسمعه
يبره شما يسمعه ......