هل تريد التسجيل في منتديات بنوته ؟
إحصائيات المنتدى: المواضيع: , المشاركات: , الأعضاء:
إحصائيات المنتدى: المواضيع: , المشاركات: , الأعضاء:
|
|  |
| التميز خلال 24 ساعة | |||
 العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم |
المشرفة المميزه |
قريبا | بقلم :  | قريبا | قريبا |
| |||||||
| وسـعُ صدرڪ استغِل كُل الطرُق المشروُعة .. لـ تبّتَسِم ْ.. وتضّحكْ .. |
 |
| | LinkBack | أدوات الموضوع | انواع عرض الموضوع |
02-21-2011, 09:25 PM
| #1 (permalink) | |||||||||
|
شخصيه هامہ ~
bb 22bb 10 
| 
يابخت من زار وخفف انا :
ششقآوه ياصعب المقدمه اكره ماعليه ان مسكت معي اكتب موضوع اتوهق بالمقدمات عاد انا قلت الناس تتسلف قدور مواعين خلاقين دراهم يعني جت على المقدمات اتسلفها واختكم ماصدقت خبر واروح انط في حلق اللي بالماسنجر واطب لي في بعض ناس وانشب في حلقهم وقلت اخلصو ابي مقدمه عاد هم افرحو وانفخو روسهم ان عطيتهم اكثر من حجمهم تعرفون جبر الخواطر فيها حسنه لهم وما يمديني اخلص من الشحده الا بسم الله اجهزت المقدمه ماشا الله عقل شغال موب درج فاضي مثل حالتي القشرى سوالف الأولين لها ميزتها ولها مستمعيها والسبب بإعتقادي لانها دائما تكون فيها فائده او عبره ومن السوالف اللي فيها هالشي ابقول لكم هالسالفه <<< اخس ياالفلسفه ليتكم ساكتين ابرك ماجبتو شي جديد قال مقدمه قال لو اني قايله لشغالتنا تكتب كانها اطلق من هالمقدمه كانها معروض شحاده المهم زارتنا عمة امي<< ياخال خالي حك اظهري وعاد هي حرمه مشهوره بكثرة الهرج ودق الحنك وما شا الله عندها مخزون من سواليف جدات جداتنا يكفي حق عمر كامل مايخلص عاد انا تقربت منها وزينت قهوتي واونست الطفش وقلت ليش ما استغل الفرصه واشحدها كم سالفه لعيونكم يحكى منول عن سالفة ولا الف ليله وليله تدل على ان مايروح حق وراه مطالب والسالفه ان فيه واحد خبل بين عشيرته مايفطن للشي يعني مثل مانقول رخمه وهو ياعيني يبي يصير مثل الناس راعي العلوم والمرجله بين المجالس ويبي يلفت الانظار له وجذبه كثرة السواليف بين العرب ووده انه يعرف يسولف مثلهم المهم صار يروح لكل واحد من قبيلته ويقولهم من وين تجيبون السواليف؟ لانه معروف خبل صارو ينكتون عليه ويتريقون ويقولون له رح ليم الخلا وانخز بعودك الحفر ومساكن النمل واطلب منها السواليف تعطيك الرجال ماصدق خبر مسطول جمع بقشته وزاده وعطى الدرب وكل ما مر من جحر نغز عصاه فيه على باله بتطلع له السواليف شبيك لبيك المهم امسى عليه النهار وتعب واشعل ناره وسنع قرصانه واشتهى يسوي له سكبه اخسس يالسورري المهم اشتهى يسوي له قرصان المله ودفن قرصه تحت التراب وراح اخونا في الله يدربي رويسه يدور له سواليف كود انه بكره يكشخ فيهم قدام وجهاء القبيله وهو في غيبته وقفت قافلة شيخ من الشيوخ الماره واردت ان تاخذ لها قسط من الراحه وريحو هودج بنت الشيخ وارد الله ان الهودج يصير فوق عيشت اخونا الخبل ويوم رجع والليل لبس لباسه والجوع سرى عليه وقام يتحسس مكانه الا هو طاب في هودج بنت الشيخ والا هي تفز وتقل انت من الظاهر والا الباطن ؟ قال لا بالله وانا اخوك انا من نفس موديلك<< ينكت هو وجه قال بس مضيع مكان عيشتي وعاد علمها بقصته من طئطئ لسلام عليكو وبنت الشيخ ماقصرت دورت له قرصه وسدت بها حلقه وقالت: فكني من شرك ولا عاد اشوفك توطوط عندي وما يمديهاتنخمد الا هو طاب لها مثل الجني مره ثانيه يبي مويه فالها اخونا في الله ماخذها حلى رايح جاي عجبته الشغله ناسي انها بنت شيوخ واللي يقربها يشربون من دمه المهم عرفت انه نشبه وقالت اصك فمه بمويه واخلص من لقفته وعطته الدلووفي هاك الايام الدلو يعتبر شي ثمين وعزيز عليهم مثل الثلاجه عندنا مايستغنون عنها المهم بعد اخونا الخبل ما صدق خبر واخذ الدلو وعلى اسمه خبل ويوم حط الدلو في قاع البير طاح الدلو جوه من زود دلاخته وجا عندها يتعذر و يتسامح منها بس عاد هي ما همها شرب مويه والا لا بالطقاق اللي يطقه همها دلوها فضيحه بين العرب بكره تصير حكوه في حلوق اللي يسوى ومايسوى دلو بنت الشيخ فلان طايح بالبير وعاد الناس ما تصدق هرجه عشان تنسق منها قطعة مطالعه المهم قالت امش وبدت تلعن وتسب في نفسها وتسخط على الحظ اللي جمعها فيه وصدق يوم قالو موب كل رجال ينقال عنه ذيب المهم بنت الناس ماقصرت حزمة الاخ بشداد قوي اي حبل شديد وقالت له انزل لقاع البير وجيب الدلو وانا بسحبك ويومنه خلص وهو طالع شاف بياض يسطع وعلى باله المرو ( اخو الرخام بس دقه قديمه )ينحط في مقدمة البير للتجميل و يسحبه وطلع ان البياض ماهو الا ساق ست الحسن والجمال بنت الشيخ من قوة بياضها ضاربها نور وعلى باله الرخام ويبي يتمسك فيه وينشد عليه عشان بيخفف عنها الحمل المهم طاحت هو وياها في وسط البير سرى ليلهم وهي في هم وغم وشلون توضح لابوها وعربها البلوه اللي هي فيها ويوم اصبحو اعلن الاب الشيخ وقت الترحال وجت العبده تركض ياعمي الشيخ الشيخه بنتك مهيب في هودجها انفجع ابوها لانه خابر بنته مهيب راعيت خربطه وطلب من العبدانه يقص اثرها وما قصر عبدنا وقص الاثر ويوم شافها مع غريب بقاع البير علم ابوها وعاد الشيخ ماكثر كلام طلب من العبد والعبده انهم يرمون حزم من الحطب في البير ويملونها ولايعاينون وراهم يعني وهم يرمون الحطب مايناظرون وراهم عشان مايشفعون لهم ويحنون عليهم وقال شبو فيهم النار البنت من شافت الحزمه الاولى فهمت المقصد وهي ذهينه الله لايضرها<< خفت اصكها بعين وهي متحلله بقبرها المهم كل مارمو حزمه اطلعت فيها وهي ومعها اللي مبتليه فيه المهم اقدرت تظهر من المازق وعلمت الغريب بالهرجه كلها وقال مافي الا انك تعودين معي ديرتي ونعرس وتزوجو وكلً عاش في عالمه الاب على باله بنته ماتت بفضيحتها والبنت اندبلت كبدها بالخبل وقالت ليت نار ابويه ولا اندبال الكبد من هالخبل اللي لايشفع ولايغني من جوع ومرت الايام وابوها لاحظ كل ما جا يحلب غنمه يظهر منها دم وعرف ان ورى هالدم مغزى وراح بين القبايل يدور من يعرف سبب هالدم وبيوم نزل بنفس حلة بنته وضيفه زوج بنته وكل واحد موب داري عن الثاني يعني كل واحد ادلخ من الثاني البنت اعرفت ابوها وقالت الحين القنه درس لن ينساه لالا انصب فكرت بحيله عشان تحسس ابوها بظليمتها واطلبت من زوج الغفله ان يغافل ابوها ويخبي فنجال القهوه في كمه منول كانو يلبسون المحاريب لو تسكن كمه صقور ماحس فيها ويوم انه رجع ديرته وصل له خبر انه سارق فنجال القبيله الفلانيه وهو حس انه في مأزق وُشبهه وهو مظلوم ورجع لهم يحاول يصلح سؤ الظن فيه بس عرف انه عليه حق ومطالبة حقوق وسمعته راحت في الحضيض والسبه هالفنجال ناس مخبل ما كثر الله غير الفناجيل حاطين عقلهم بعقل المواعين المهم صار فيها قبايل وحاول الابو يفك نفسه بعد قسم وحلفان انه ماسرق وطلت عليه بنته من ورى الشق وقالت فيه قصيده عا د الابو من سمع القصيده فهم المغزى من ورى سالفة الفنجال وعرف قصة بنته وظلمه لها وتوته توته خلصت الحتوته واعذروني لم اجلب القصيده لكم مع انها محزنه قصيدة البنت في ابوها انه اقرب الناس فيها ما وثق فيها لكن كلماتها صعبه كل ما قلت لها عمة امي عيدي بكتبها ازهقت مني وتوعدتني ان فتحت فمي مره ثانيه بالفنجال عاد انا استحيت من كثرة الشحده<< الا قولي من كثر ما القط معاد لي وجه فيه قصة صغنونه حلوه بقولها بس عشان خاطر فيها قصيده حلوه<< لاقيتكم يقولون ان في قبيلة الفلاينه هاك البنت الصغيره المزيونه اللي من زينها تذابحو عندها الرجال وراحت فيها أرقاب عشان زينها من جد ودي اعرف حريم اللي منذو مبطي ليش ماخذين في نفسهن مقلب لازين ولاحلى حريمهم طول النهار في الشمس تحرق في جلودهم حرق وفوق كذا متغطيه اربعه وعشرين ساعه و الهوامايعرف قصة وجهها وبرقعها مثل البروش لاصق في حلقها شلون يشوفونها ويحكمون على زينها والا الزين بس كلام عندهم المهم ذي البنت من زينها ما طاح حظها الا في شايب عود وعاد هي قرفانه منه وطفشانه يرقد من بدري ولا يدق معها حنك وسواليف وودها بصغير السن مثلها بس حظها مثل وجها ماطاح الا بالشايب ومنول عيب البنت تقول في زوجها شي لو انه قرد والا حتى رخمه مقسوم وانكتب لها تاخذه وتعقب موب بنات الحين مليون شرط وشرط قبل ماتوافق على رجلها ولا يبيلها مصنع اوادم يطلع لها رجال على المزاج عشان توافق المهم هالبنت المزيونه لها اخو اسمه حمد<< الله من زين الاسم يوم تعتز فيه ودايم تقول فيه القصايدوبيوم هي على حافة خيمتها بغرفة نومها بالشق<< كثري منها تهيضت قالت هالقصيده في الاخ حمد: ياخوي ياحمد ياللي في الركايب وش معك في القلب إليا ما صد حيله اه يوم اذكر شباب عند عودً كل ما امسى الليل كأن في كبدي مليله وفي مقابل قصيدتها كان زوجها الشايب ابو غفله يسمع لقصيدتها يظن منول انها تحبه يوم عرف مايقطن بها فؤادها رد عليها هالبيت وانا اشهد انه راقل ولا ألف راقل أنا شايب وأشوف في شيبي العجايب وأن ركبت الهجن غدت لهن دليله روحي وأنتي طالق ثم طالق دوري اللي تبينه وسلامتكم من طئطئ لسلام عليكم ومعليش هاذي الاختبارات وماتسوي تخلي الوحده بس تمشي وتهذري وترى موضوعي كاتبته بمناسبة اني ماحليت مزبوط اليوم بالاختبار قلت عاد ريحة ابو زيد ولاعدمه يعني لا احل ولا انزل موضوع المهم لاتنسوني من دعائكم والله يوفق الجميع | |||||||||
bb 2bb 1
 |
|
02-21-2011, 11:52 PM
| #2 (permalink) |
|
عضو/هـ يستحق آشرآف ~ |
رد: يابخت من زار وخفف انا :
دموع القمرر يحكى منول عن سالفة ولا الف ليله وليله تدل على ان مايروح حق وراه مطالب والسالفه ان فيه واحد خبل بين عشيرته مايفطن للشي يعني مثل مانقول رخمه وهو ياعيني يبي يصير مثل الناس راعي العلوم والمرجله بين المجالس ويبي يلفت الانظار له هههههههه يسلموا يالغلا لى الطرح تحيااتى الك |
 |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| يا أجمل طفله ياحلا | baderfahad | الشعر والخواطر والقصائد | 6 | 07-21-2009 04:05 PM |
| |
العرض العادي
