ما ترس عيني أحد






:
:

جا سألني وقالْ: وشْ عندكْ جديد
........... زينْ فيه الخير .. غيره ما سألْ
قلتْ : أبدْ عايشْ ومرتاح وسعيد
........... ما أبي يلْمَحْ .. جروحي والمللْ
:
كانْ عندي أُمْسيه وقلتْ : أستفيد
........... فرصه أهْدي لـه بطاقه للحفلْ
صار له ظرفٍ على قوله شديد
........... إحتريته .. للنهايهـ وما وصَلْ
منْ كثر ما إشتقتْ له كنِّي وحيد
........... ما أشوفْ الناسْ وإحساسي ذبلْ
لأن باقي بـ المَحَل كرسي حديد
........... وصدمتي لما جلسْ فيـه الطفلْ
:
قال : واحشني وأنا أسأل : أكيد ؟
........... ثُمْ سألْني ( ها ) بشِّر وشْ حَصَلْ
قلتْ : أبَدْ بدَّعتْ والله بـ القصيد
........... طاحتْ إيديهم .. وكنتْ آنا البَطَلْ
قالْ : أبي وشْ صارْ علِّمني المزيد
........... حيلْ زحمه ؟ قلتْ : ما تلقى مَحَلْ
يا حسافه .. كانْ ودِّي .. تكفا عيد
........... منْ كلامه .., كانْ يتمنَّى الوصلْ
قالْ : أبسْمَعْ اللي آخرها [ عنيد ]
........... وإلا سمِّعني .. قصيده بـ الغزلْ
:
قلتْ : إسمَعْ آخر أبياتي الجديد
........... منْ غلاتك صار في عيني مَثََلْ
ما تَرَسْ عيني أحَدْ .. وإنتَ بعيد
........... رَغمْ إنِّ النَّاسْ .. كانُوا بالهَبَلْ ..!



-
أحمد الصانع