منتديات بنوته

منتديات بنوته (http://www.bnota.net/vb/index.php)
-   الشعر والخواطر والقصائد (http://www.bnota.net/vb/f11.html)
-   -   يـــــاغــــايــــبــــه,,,,,! (http://www.bnota.net/vb/t13096.html)

$بنت شيوخ$ 12-28-2010 06:29 PM

يـــــاغــــايــــبــــه,,,,,!
 
ياغايبه وان كان فيها جماله
تجملي يام الحلا والظفاير

بالله شوفي صاحبك كيف حاله
شوفيه في غيبتك وشلون صاير ؟!

صارت حياته ضيق خلق .. و بطاله
هم .. وسهر .. واوراق شعر .. وزقاير !!

يعني حبيبك صار حالته حاله
ماباقي الا انه يدن العباير

الله لامنه ذكر مامضاله
قبل الدواير ماتجر الدواير

يوم الطفوله والشقا والجهاله
يوم الصغاير في عيونه كباير

ايام كان معانده راس ماله
ويسوق لهبال الشقاوه بشاير

ياما امتلى بالحب والطيش باله
وياما امتلت من شخبطته العواير

يكتب عليها : ( عاشقك للثماله )
ويخط توقيعه : ( جريح الضماير )

ياما اشتكاه ابوك في بيت خاله
وياما تحصل من هواك العزاير

مره حلف بأنه يبطل هباله
وقبل يكمل .. فك اخوه الستاير

ثم طالع الشباك.. لينك قباله
وفي اقل من لمح البصر جاك طاير

على صغر سنه مميل عقاله
كاشخ وناسي لايصك الزراير

لاشافك يتمتم لحاله بحاله
لعيون هالشوفه تهون الخساير

ولاشاف زول ابوك حذف نعاله
الحب جاير .. لكن العود جاير

طفل يتيم ورغم الأحزان داله
مايدري ان حظه مع الوقت باير

كنتي طموحه .. كنتي أغلى حلاله
كنتي وصرتي بس يام الظفاير

طفل زرع من ضحكتك في خياله
لين اثمرت شعر هزاله حراير

لاتتركينه في غيابك لحاله
بالله شوفي كيف هالطفل صاير

وحده بوحده كان عندك عداله
اتبطلي غيبه .. و ابطل زقاير ,,,!=)


للمبدع : (( فهد المساعد


والحيين قـــولو لي وش رايكمــ بالملطوووش اللي جا لكم؟؟؟؟؟
اتمنى الكل يرد......=):icon27:



¬ ć н α и є ℓ❥ 01-07-2011 03:44 AM

رد: يـــــاغــــايــــبــــه,,,,,!
 

مأراوع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بحب وسعاده ..


ششقآوه 01-09-2011 03:28 PM

رد: يـــــاغــــايــــبــــه,,,,,!
 
يسلمو

~ضحكهآ هيبة بكاهآ~ 01-16-2011 11:12 PM

رد: يـــــاغــــايــــبــــه,,,,,!
 
بالله شوفي صاحبك كيف حاله
شوفيه في غيبتك وشلون صاير ؟!

صارت حياته ضيق خلق .. و بطاله
هم .. وسهر .. واوراق شعر .. وزقاير !!

يعني حبيبك صار حالته حاله
ماباقي الا انه يدن العباير
تهببببل
تسلمين ع الموضوع الروعه

نرجس 01-17-2011 01:10 AM

رد: يـــــاغــــايــــبــــه,,,,,!
 
تسلمين على ذوق راقي وكلمات روعه


الساعة الآن 08:10 PM.

Powered by vBulletin Version 3.8.8
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
HêĽм √ 3.0 BY: ! ωαнαм ! © 2010
جميع الحقوق والطبع محفوظه لدى موقع بنوتة نت ©2007 - 2009

a.d - i.s.s.w


d3am - by kious99 : Search Engine Friendly URLs by vBSEO 3.3.0