منتديات بنوته - موقف في قمة الاحراج

قصــه حقيقيه لعروس سعــوديــه

القصه منقوله ع لسان صاحبه الموقف

هذا الله يسلمكم تقول صاحبة القصه:- لما تزوجنا ورجعنا لبيتنا في الرياض واهله سافرو لديرتهم اصر زوجي اننا نروح نزور اهله هناك ومن ثم نسافر لشهر العسل سافرنا لاهله بيوم الاربعاء وكان بيتهم مليان ضيوف خواته وازواجهم واخوانه وفي يوم الجمعة يصحون العيال يروحون يصلون الجمعة مع عمي ابوزوجي
المهم

زوجي ينام مع اخوانه وانا مع اخواته وشوي الا يجيني عمي يقول يابنتي روحي صحي رجلك للصلاة نومه ثقيل ماصحي

وانا ماصدقت لي يومين من جيت ماشفت زوجي كل واحد فينا بجناح واقول لعمي فية احد غير زوجي يقول لا كل العيال راحو للمسجد الا رجلك صحيته قام ورد نام

المهم واختكم في الله ترش من هاك العطر الحلو وتفل الشعر وادخل غرفة العيال حوسه وخبصه المهم زوجي قد قال لي انه سريره دايم اللي تحت التكيف وبصوتي الحلو اصحية عبودي حبيبي قوم قوم ورنى وجهك والله اشتقتلك حبيبتك جت

الرجال متسمر تحت البطانيه ما تحرك ولا رفع راسه ولاشفت وجهه وانا اكمل ترتيب الغرفة واقوله قوم ياعبودي والله انا زعلانه منك لنا يومين ولا بوستني ولا حضنتني كذا تصبر عني هذا الي كنت تقول اموووت لو ما شفتك

مارد الرجال وانا اكمل ترتيب واسولف عبودي تكفي قوم قبل مايجي احد ابي بوسه والله بجن لو مابستني واروح زعلانه منك

مارد ولا تحرك واجلس فوق زوجي فوق البطانيه اقوله طيب انا ابي اشيل الغطى غصبن عنك و ببوسك غصب عنك وبتصحى تصلي ومنت شايف الشي الي يونسك ابد عقاب لك و اضحك ضحكه دماااار وطبعا الصوت ذااااايب

وافتح البطانية وووووووااااااااه

قمت الفشله والله ماطلع زوجي طلع

اخوه من امه وابوه

وانا كنكم صافقيني بنعال على وجهي

اقوم من فوق الولد افا جلست على اخو زوجي والله ان درى زوجي ليذبحني يوم فتحت الغطي عليه الا هو يقول انا دحوم والللللله ماني عبودي

وارمي الغطي عليه وركض للمطبخ عند اخواته ابكى من قلبي ياعيبتاه كل الكلام والغزل والتبويس اللي ابيه سمعه اخوه وتروح اخت زوجي له وتقوله ان ابوي قالها ان عبودي اللي ماراح للصلاة قال

لا عبودي قام وراح للمسجد وانا جيت مكانه

الا ابيكم تزوجوني من بكره

وحلفوه اخواته مايعلم عبودي زوجي وكان شاطر كتم السر وتزوج بعدها بس مانسى الموقف دايم يذكر اخواته بالموقف وسلامتكم من التفشل يارب ههههههه