منتديات بنوته - قسم بالله .. ما زاحم مكانك بالحشا .. مخلوق

منتديات بنوته (http://www.bnota.net/vb/index.php)

- الشعر والخواطر والقصائد (http://www.bnota.net/vb/f11.html)

قسم بالله .. ما زاحم مكانك بالحشا .. مخلوق

شحب صوت الحنين .. وجفّتْ أنفاس الوله والشوق ..
.............. وبقى في داخل ضلوع الغلا .. همس ٍ .. يواسيني

تعبت أستجدي غروب السكوت .. وصوتي المخنوق ..
.............. لعل اليل يسكن في ( ذرا ) الكلمات .. ويحكيني

تباطيت الأمل .. والياس فيني من بطاه .. عروق ..
.............. تشِتْ كل ..( نقطة نور ) .. تسري في شراييني

نزحت أبكي على أطلال الوصال .. وحلمي المسروق ..
.............. وبكتني ذكريات القرب .. والضحكات وسنيني

رجعت بجعبتي هم ودموع .. ولوعة ٍ .. وحروق ..
.............. وحظ ٍ منكسر .. من كثر ماقد طاح ف إيديني

شبيه الشمس .. دام إنّ الزمن ياغايتي .. ملحوق ..
.............. أبصبر .. والعزا طيف ٍ.. مقرّه في وسط عيني

قسم بالله .. ما زاحم مكانك بالحشا .. مخلوق ..
.............. لحالك .. مستبيح القلب .. تذبحني وتحيني

تسلطنتْ بحنايا الروح .. وشرّعت الخضوع طروق ..
.............. رغم طول المسافة .. كنك بجنبي .. تباريني

وفيتْ لحبك الطاهر .. ولاّ خالفت فيه حقوق ..
.............. كأني في ( يراعك ) .. حرف .. تكتبني وتمحيني

تطمّن يانظر عيني ..معك .. لين الزمان يروق ..
.............. مسير العشق .. يجتاح الفراق وغصب .. يدنِيني

أنا لكْ .. رغم كل آهات بعدي.. والعنا والعوق ..
.............. ومدامك داخل ضلوع الغلا - من جد- تكفيني
(,,,,)