منتديات بنوته - صباح الخير يالجرح العميق..!

صباح الخير يالجرح العميق..!

http://www.kash-ksa.com/vb/mwaextrae...rames/tr13.gifhttp://www.kash-ksa.com/vb/mwaextrae...rames/tl13.gif
http://dc06.arabsh.com/i/01699/m3214jz2uinp.png

صباح النور يا الجرح العميق وياعساك بخير
................. عسا ما جاك ربات الكتوف وربّت اوجاعك
ابشّرك ان عدواني كثار ولي أحبّه مير
................. سراب ولا يروعك صوتهم ويهز مرباعك
توسع وابن لك مستوطنات وشجّع التهجير
.................ومارس سلطتك وادع اصدقاك ووطّن اتباعك
مدام اعداي جيشك واصدقاي اعداك مالي غير
.................اسلم لك مفاتيح الكلام واحقق اطماعك
مهو استسلام لكن موقفي يستدعي التغيير
................. على قول المثل طاوع زمانك كان ما طاعك
واذا كانك تبي تلوي ذراعي دونما تبرير
.................ابتقاوى واعض على النواجذ والوي اذراعك
انا ماني بلقمه للجروح اللي علي تغير
.................انا يالجرح لحمي مر لكن ذّكر انواعك
واذا ضاقت مساحات البياض وجف ماي البير
................. ابهتف في الصيام وهو بدوره يطوي اشراعك
احبك كثر كرهي لاتقول اشلون كيف يصير
................. يصير وكل شي في هالزمان يصير لسّاعك
وانا اللي باندفاعي كنت اراهن دونما تفكير
................. وكنت انطح بربعك في العناد ثلاثة ارباعك
وكنت امطر وفا ياصاحبي ما امطر لك التقصير
................. واراقب عن كثب لاقدر الله عضّة اصباعك
بلعت اخطاك كسرت المحاني قلت علّه خير
................. حسبت ان التمادي في الخطا ماهو من اطباعك
سمعت وكنت معرض قلت يمكن خانه التعبير
................. وليته خان واغفر زلتك قبل اكشف اوضاعك
عهدتك سكّة الحرف النزيه وثورة التحرير
................. ولكن صرت عوق السالكين وعون قطّاعك
تبي تخفي معالم طبعك الفطري ولكن (where)
................. طغى طبعك على جمر الحكي والغى تصنّاعك
من اول وانا اقول ارق السحاب وفي عيوني طير
................. ولاتخلف هقاوي من ضماك وجوع من جاعك
لكنك للاسف ماطرت في عيني عكست السير
................. وطحت ولا سلمت وطيحتك ماهي على ارباعك
ذبل غصن الوداد وشمّ الارض وغادرته الطير
................. يودعني يقل ليه انت شاري ود من باعك
خلاص امطرت فرقى واحترقت ولا بقي بي غير
................. رماد العشره اللي جمّرت في قلب ملتاعك
اظن الوقت حان ولا تحاول ترسم التبرير
................. زما صوت الوداد اللي من اول عمر اسماعك
واذا تحلم تعيد الروح للي طاله التكسير
................. فلا تبخل على سمّ الخياط بطلّة اشعاعك

طالب الذيباني

http://www.kash-ksa.com/vb/mwaextrae...rames/br13.gif http://www.kash-ksa.com/vb/mwaextrae...rames/bl13.gif