كثر ما بلمدا فرحه رسم ظلم الزمان أسوار
على ذاك الفقير اللي يدور بالمسا نوره
كثر ما بلسما نجم ينور جلسة الأحرار
كثر ما للحزن فيني شكاني الشعربسطوره
أنا ما ابي من أوقات الفرح يادنيتي أعمار
أنا لوتسمحي لي بس أبي لحظات ميسوره
أبي يا ساكنه غيري تزوري لو ثواني الدار
وشوفي حالة أوراقي بحور الشعر وشعوره
أبي تروىجفاف الحبر لي بعدك سنين اختار
ويثمر في بساتيني رحيق من الأمل نوره
أنا عد الحروف اللي نزفها قلبي المنهار
أبي أسقي ضميري يوم لو أحلام معذوره
أنا كثر الطعون اللي غرسها رمحك الغدار
يداعبني ألم هالكون يمشيني على شوره
على كثر الفراق اللي غدينا له أبد زوار
نحاول نخفي الدمعه بها الأعماق مستوره
بلحظة كانت الفرحة زماني وانتهى المشوار
غدا كل على كيف المواجع يصرخ بدوره
وعد ما أبقي على حالي بدور للفرح أعذار
عسى باكر تكون الشمس ويضوي حلمنا سوره
ويبقى الحلم به نرقى ويصمد للأمل تذكار
مصير الفرح يتلاقى بدربي لو كثر جوره