منتديات بنوته - قصيده حاامد زيد انا عيب علي انقض كلامي

عفا الله عن خطا غدر الخناجر والضلـوع ابطـال..
باسامح واتركك تحـت الظـلام الحالـك لحالـك

..دخيلك وفر دموعـك تـرى هـدر الدمـوع اذلال..
وترى مافيه احد يصبر مثـل صبـري بغربالـك

..انا عيب علي انقـض كلامـي والرجـال افعـال..
واذا قلت اقطـع حبالـك ترانـي بقطـع حبالـك

..عشان اكسب هدب عيني تجرعت العـذاب اشكـال..
وليتـك تـراف بحالـي علشـان اراف بحـالـك

..مسـوي فـي حياتـي شـي مايذكـر ولا ينقـال..
حتى العـدو واهـو العـدو مـا يعمـل اعمالـك

..تمسيني علـى الهـم وتصبحنـي علـى الغربـال..
تقلطنـي فناجيلـك وتقـصـر عـنـي دلالــك

..تحملت التعب لاجلـك وانـا حملـي يهـد جبـال..
رحلت من العذاب ومـا وقفـت الا علـى جالـك

..علامك كلمـا اجيـك متواضـع جيتنـي تختـال..
معاك اليا متى باصبر وصبري معـك يحلـى لـك

..مثل مـا اقبلـت لعيونـك لـزوم تلدلـي باقبـال..
..ومثل ما قد حشمتك حس واحشـم قلبـي اشوالـك..

..انـا محـد بجابرنـي اسايـر معـك هالمـنـوال..
ترى مانـي تبيـع لـك ولانـي اصغـر عيالـك

..انا حبيت اعشقك نبض ومشاعر ما اعشقك تمثـال..
انا جيت اسكنك واحياك وابقى فيـك وابقـى لـك

..انا جيت اب ظمى عاشق تعب يطرد سراب الـلال..
انا جيت استفز رضاك مـن فرقـاك والجـا لـك

..انا ما همت بك عاقل انا كنـت اعشقـك بخبـال..
انا ما كنت احبك حي انـا كنـت اعشقـك هالـك

..تخيل من كثر ما خفـت تلقـى للزعـل مدخـال..
اخاف اخطي على طيفك وادوس برجلـي ظلالـك

..تبعتـك والعـرب تتبـع رعـود البـارق الهمـال..
وانا شفت المطـر يتبعـك فـي حلـك وترحالـك

..كأن الي خلق حسنك خلقني مـع جسـدك ظـلال..
وصرت اقرب جسد يمشي معك باقفـاك واقبالـك

..ابـي قلبـك يحـس انـه فقـد بمحبتـه رجـال..
ملكته من هدب عين وخسـرت ارضـاه باهمالـك

..صحيح ان الفراق اقسى ولكـن الوصـال محـال..
وانا صعب على ارضي غرورك واضعف قبالـك

..بعـد مـا حققـت عينـي فبعـدك للرقـاد امـال..
اعـود للسهـر! ياخـوي فــال الله ولا فـالـك

..ببدل نظرتك فيني واجـي لـك كـل يـوم بحـال..
باكون اقـرب مـن ثيابـك عليـك ولا اتهيالـك

..بالمك وانثرك واجمعك وارجـع انثـرك باهمـال..
باخونك وازعلك وارضيك وازعل منك وارضى لك

..ابرسم بالثرى وجهك وابدفـن صورتـك برمـال..
..ابشكي للعـرب فرقـاك واضحـك عنـد عذالـك..

ابهديك الوصال فراق واهديـك الفـراق وصـال
..باسوي مثل ما اشوفـك تسـوي وافعـل افعالـك..

عشان تعرف من فينا الزعول ومن وسيـع البـال
..ابيـك تـذوق فنجالـي وانـا بـاذوق فنجـالـك..

..نصيحه واحتفظ فيها قصر معك الزمـن او طـال ..
ابي تسمـع كلامـي زيـن وتحطـه علـى بالـك

..اذا حبك هبال اطفال لـك عنـدي هبـال اطفـال ..
ولا وابشر بعد بهبال حب ماهو بهبالك

..واذا قصدك تهين اسمي عشان تشمت العذال ..
ترى لا انت ولا عشره من اشكالك !!

قصيده للشاعر حامد زيد ..
رائعه من روائعه اتمنى تنال اعجابكم ..,

وقسسسم تهبـــــــــــــــــــــــــــــــــــــــــــــــ ــل