دفنت روحي بالثرى .. معاك ياولد عمي

09-27-2010, 12:17 PM

انا : قمرهم كلهم

اضفني كصديق

واحنا بالطريج .. جفت سيارة ماجد اخوي .. طاحت عيني فعيون منصور .. عقد حياته يوم شافني من الدريشه الاماميه قاعده احذا سالم .. وحسيته تكلم ويا ماجد .. بس كملو طريجهم للشاليه ..

سالم كان يروح بسرعه .. وحتى صوت السرعه كان يرن فااذوني .. : سالم اخاف ...تموت امي .. شهقت .. وانا ارد اجوف امي ..

سالم وهو يقول بحنيه : سارة لاتصيحين ماعليها شر انشالله .. من متى هي طايحه؟؟ .. هي تعاني من شي مرض؟؟

تذكرت ان امي معاها الضغط .. صحت ..: اييي .. فيها الضغط ..

طالعني متوهق .. : خير خير انشالله ..

قبل لا نوصل المستشفى اتصل فيهم سالم .. وكلم كم واحد من معارفه عشان ايجيبون السرير لامي عند الباب ..

وفعلا اول ماوصلنا .. يابو لنا السرير .. كان تلفون سالم يرن كل دقيقه .. بس ماكان يرد .. اول مادخلنا المستشفى خذو امي .. وانا حاولت اجاري خطواتهم السريعه لكني فشلت .. وقفت اطالع السرير وهو يبتعد .. وقعدت اصيح على احد الكراسي .. وعيوني تتابعهم .. وتتابع الممرات الي دخلو منها ..

حاولت اوقف بس حسيت بدوخة .. ماقدرت ..

مسكت راسي .. وسمعت حس سالم وهو يقول : خذي .. منصور بيكلمج ...

خذت التيلفون .. وتيمعت الدموع فعيني مرة ثانيه .. قلت بشكوى : منصور امي تعبانه ... صحت ..

وكأن منصور تفاجأ من صياحي : حبيبتي انتي .. مافيها شي .. توني مكلم سالم.. مافيها شي بس خلاص لا تصيحين .. بس بس اششش ..حبيبتي لاتصيحين .. "هديت .. وسكت عن الصياح .. " انتي الحين رايحه ويا سالم ؟؟ ...ليش مااتصلتي لنا؟؟

قلت بمرارة : اتصلت فيكم جوالاتكم مصكرة ولا واحد فيكم فاتح جواله شسوي يعني؟؟ شهقت بدايه صياحي .. اخليها تموت؟؟

حاول يهديني ..عشان ماارد اصيح مرة ثانيه .. وسمعت ماجد يتكلم بعصبيه : ثاني من هاي الطريج ..!! لا تأخرنا زيادة !

:ابي اكلم ماجد ..

ياني حسه الهامس : بعد شوي بنوصل .. اوكي .. كلميه يوم بيي .. الحين مايقدر ..يالله فحفظ الله ..

سكتت .. وانا اجوف التلفون .. رديت طالعت سالم الي كان مبتعد عني .. رحت له : طلع الدكتور؟؟ ...

هز راسه بنعم .. وقلت بخوف : اشقال ؟؟اشفيها امي .. سالم الله يخليك قول لي؟؟ ..

ابتسم : مافيها شي يابنت الحلال اشحقه هالخوف كله؟؟ .. الضغط ارتفع شوي .. والحمدلله قدروا ينزلونه ..

انترست عيوني دموع : ماتجذب علي؟؟ ..

هز راسه بالنفي : لاء .. مااجذب عليج .. تبين تجوفينها ؟؟

هزيت راسي بـ اي .. وانا خلاص مب قادرة شوي واصيح من يديد..

سالم : بعد ساعه بيدخلونج انزين؟؟ .. احين لاء .. شوي تعبانه ..

طالعت سالم بامتنان وشكر : سالم .. شكرا ..

ابتسم لي بحنيه : ولو يا سارة .. بحسبه سلوى ..!

هزيت راسي بـ اي .. وهمست : شكرا ..

بعد نص يوم .. كنت قاعده فبيت امي .. ونفسيتي مرتاحه .. عقب ماتطمنت ان امي مافيها شي .. طلعت من غرفتها .. مريتها وكانت راقده .. طبعا امي اصرت تطلع .. لانها ماتحب المستشفيات خير شر ..
قعدت فالصاله شوي .. ويات مرام وقعدت احذاي ويوسف بعد قلبي يلعب حوالينا .. وساعات يصرخ ..

مرام : بس عاد اشحقه هالتكشيرة الحين

ضحكت : لا تكشيرة ولاشي .. بس تخرعت على امي .. انتو ماجيكتو الله يهداكم اذا هي خذت دواها ولا لا ..

مرام بااحراج : سوري والله نسيت اسألها التهيت ويا يسوف وحنته

هزيت راسي متفهمه .. وانا اركب منبه فتلفوني ع موعد اداوي امي ..

سمعت مرام تقول : عيل محد بقى فالشاليه؟؟

رفعت جتوفي بـ مادري : مااعرف ؟؟!

مرام : امبلا بس الشباب ردوا للشيالهات الباقي ارجعو ..

هزيت راسي مب مهتمه .. وقعدت اتعبث فالتلفون .. كلمت سلوي .. وقلت لها بعد نص ساعه .. ساعه ونص بيي البيت ..

قعدت ساعه زيادة فبيت ابوي .. وقبل لا اطلع مريت امي .. وكانت صاحيه .. قعدت سولفت وياها وضحكنا وسولفنا وشربنا جاي ..بس كنت احس ان امي للحين تعبانه ..

كنت برقد عندهم .. بس امي مارضت .. عشان جي رديت بيت عمي ..

اول ماوصلت بيت عمي جفت سيارة سودا جاكور .. عقدت حياتي .. سيارة من هذي؟؟ انتبهت ان السيارة فيها احد نظرا لانها مب مظلله .. دققت حتى انصدمت وانا اجوف الريال الي داخلها .. بغـــــى يغمـــــــــى علي .. هاي اشيايبه هني ؟؟؟ .. يكون كان مراقب بيتنا من هذاك اليوم .. انتفضت من الرعب .. تحركت بسرعه خايفه الفت انتباهه .. وتحركت لين مادخلت عند البوابه .. التفت له .. وفهاللحظة التفت لي .. وظلت عيونه معلقه فعيوني .. احترت ادخل البيت .. ولا اروح اكلمه؟؟

واجوف اشيبغي مني .. ليش ملاحقني ؟؟ وين مارحت جفته؟؟ يكون معجب فيني؟؟ او يحبني؟؟ .. اي يمكن ليش لا .. كل شي جايز .. ولا اشمعنى كذا مرة جفته .. والحين واقف عند باب بيت منصور .. اكيد جافني راجعه من السوق ذاك اليوم ولحقني ...

اذا سكت عنه اخاف يتمادى .. وانا بنت متزوجة .. ومالي فسوالف الناس وكلامهم .. اممم .. اي صح صح .. لازم اوقفه عند حده ... هديت باب البيت الي كنت ماسكته .. وتوجهت للسيارة .. يوم جافني متوجهه للسيارة طلع منها .. ووقفت ..

اشرت بعصبيه عليه : انت ماتستحي على ويهك؟؟ ..

فتح عيونه واشر على صدره : انا؟؟ ..

قلت بعصبيه : لا انا .. يعني متزوج وعندك بنت وبعد تلاحق بنات الناس .. انت ماتستحي على ويهك ؟؟ ليش ياي صوب بيتنا ؟؟ .. اشتبي انت؟؟ ليش ملاحقني ..!!

فتح عيونه مصدوم واشر لي : انتي شتقولين؟؟ ..

عصبت .. خير ان شاء الله يستهبل الاخو ولا شسالفته؟؟ .. : لو سمحت خذ سيارتك وابعد عن بيتنا .. انته شنو .. ماتفكر ببنات الناس؟؟ ... هذا وعندك مرة وبنت .. عيل ماينلامون المراهقين ..

عقد حياته .. وقال بعصبيه : انتي صاحيه ؟؟؟ .. انا جايب اختي لمرت اخوي ..

قرصت عيوني فيه : يعني عبالك بتمشي هالجذبه علي ..

حسيت ويهه بيطلع منه دخان من عصبيته : دخلي وسألي العنود .. هي جايه مع من؟؟ ... وطلعتي انتي من اصحاب هالبيت ؟؟ ..

العنود؟؟؟.. يعني صج هو اخو العنود .. يعني يطلع اخو فيصل ..فيصل زوج سلوى؟؟ .. واااافشيلتااااه .. يعني قصه معجب ما معجب هاي من تأليفي .. يالله فشللله .. انحرجت ارفع عيوني فيه وانا توني متهمته بهالكلام .. والله عيب علي .. يالله .. فشيييييييييييييييييييييييييييييييييييييييييييييييي ييييله ..

تحركت بسرعه حتى بدون مااعتذر .. طاح ويهي .. مااقدر اتكلم .. دخلت داخل واول ماخطيت خطوتين جفت العنود طالعه مستعيله .. سلمت عليها وحسيت بفشله .. حسيت ويهي تقطع من الاحراج ..

اول ماوصلت لباب الفيلا جفت شهد مبتسمه بخبث .. يالله هالانسانه اشكثر خبيثه .. اشكثر اكرهها ...

وصلت لجناحي وتوني بااصكر الباب .. سمعت شهد تقول : يعني ماكفاج الريالين الي فالبيت .. وعندج معارف بعد برع البيت ..

عقدت حياتي هذي شتقصد .. كملت وهي تضحك بخبث : بس تدرين والله طلعتي قويه .. تواعدين وجدام باب البيت بعد ؟؟ ..

فتحت عيوني وقلت بعصبيه : شقصدج ؟؟؟ ..

قاطعتني وهي تطبطب على خدي : لا ياعيون امج .. مايليق دور البريئه المسكينه .. اوه ياحرام .. تواعدين داخل وخارج البيت .. والله انج داهيه يا سارة .. عيل داخل البيت .. مراسيل الغرام ويا سالم .. وبرع البيت .. ويا هذاك الريال .. تمايلت بغنج وهي تستند ع الباب ..

عصبت عليها .. وشديت يدها من خدي .. ودزيتها بقوة ع الباب .. : سمعيني .. تكلمي بااحترام معاي احسن لج .. وو هالمصخره خلها عنج .. من ويبتي هالكلام؟؟ ..

قالت بسخريه : مصخره ؟؟ هه .. توني جايفتج بعيوووووووووووني .. وبعدين مايكفي لقائاتج ويا سالم ؟؟ ..

بتفهميني انج ماتحبين سالم ..؟؟ وهاللقاءات عابرة ؟؟ .. اووه .. اقصد بريئه مايصير فيها شي ؟؟ ...

عقدت حياتي : انتي شمشكلتج ويا سالم؟؟ .. وبعدين ياعيوني كلن يرى الناس بعين طبعه ..

قالت بعصبيه : بقتيييييييييه "سرقتيه" مني .. بعد ماخذته بنت خالتج الخايسه يتي انتي وبقتيه نفسها ..

وقفت مصدومه : انتي شـ شـ شـتقولين؟؟ .. سالم ... و و انتي !!!

ردت بعصبيه : ايه انا .. انا احبه .. تفهمين شنو يعني احبه ..وماراح اسمح لج .. ماراح اسمح لج تبوقينه مني .. دزتني بقوة ع الارض .. طحت ع الارض متألمه ..

سمعت صوت رجولي حاد يقول : ياخســـــــــارة .. ضفي اغراضج .. واطلعي من بيتي .. مالج قعده عندي .. انتي طالق ..!!

رفعت عيوني مصدومة .. وانا اراقب محمد الي يطالع شهد بكل احتقار .. وويهه محتقن من العصبيه .. وصاير احمر ...

ردت شهد بعصبيه : عدال انا الي ميته فيك .. احسن ابركها من ساعه ...

تحركت من جدامي ولا كأن الامر يهمها .. ولا كأنها تطلقت .. هذي .. هذي مصنوعه من جماد ..!!! ماتحس ..!!! ....رمشت بسرعه .. وانا الاحظ التعب الي بادي على ملامح محمد .. وتحرك لجناحه .. اما انا كنت للحين طايحة ع الارض .. مب قادرة اتحرك .. ياقو ويهها .. اشلون جي تقول .. وجدام ريلها .. اشلون هانت عليها العشرة ؟؟ .. اشلون اشلون .. وعشان من؟؟ .. عشان اخو ريلها .. احتقرتها .. واحتقرت سالم اكثر واكثر ..

يليقون ع بعض .. يليقون ع بعض .. نفس التفكير والاراء الخبيثه ..

لو .. لو بس سالم مااعترف لي انه كان يجوفني حياة كان صدقت ان سالم نفس الشي يبادلها الحب .. ويخونون محمد .. المسكين .. صحت بدون مااحس على محمد .. يااا يامحمد .. اشلون تقدر تجوف مرتك تخونك وتسكت .. اشلون تقدر تجوفها.. اشلون ؟؟ .. وعيالك .. عضيت شفايفي .. حرام عيالهم اشلون بيعيشون متفؤرقين عن امهم وابوهم .. حرااام ..

رحت الحمام تسبحت وغيرت ملابسي .. ونزلت تحت السكون عام المكان .. اتصلت فسلوي .. ولقيتهم قاعدين فالصاله يرتبون بطاقات عرس سلوي .. وعلامات الكئآبه مرسومة ع ويه سلوي .. قلت بهمس لها : اشفيج ؟؟ ..

رفعت عيونها الي متروسه دموع .. وسحبتني وياها للحمام .. : سارة .. ارتجفت شفايفها ..

تخرعت ووقف قلبي من الخوف : شصاير تحجي .. حركت عيوني فيها بخوف .. اترقب الكلام الي بتقوله ..

ياليييييييييييل المصايب الي تنحذف مرة وحدة .. : محمد .. طلق مرته ..

تنفست براحه : حسبي الله ع ابليسج .. اي ادري ..!! .. مسكييين مايستاهلها ..

مسحت دموعها الي غرقت ويهها : يعني انتي تدرين؟؟ ..

هزيت راسي بـ اي .. وقلت بغباء : طلقها جدامي ..

شهقت وقالت بخوف : يعني صج .. طلقها .. نزلت دموعها .. وميروه ومنيرة .. وجسوم ولده الصغير ؟؟ ..

نزلت راسي .. وقلت بأسف : مادري .. مادري ...

قالت سلوى بغباء : يعني راح يأجلون عرسي؟؟ ..

قلت ببساطه : ليش؟؟ ..

كملت بغباء اكثر : لان محمد طلق مرته؟؟

عقدت حياتي : لا يالغبيه انتي اشعليج؟؟ اخوج وطلق مرته .. وبعدين هالشي ماراح ينتشر بسرعه .. انتي عرسج بعد بكرة .. يعني ماراح يمديهم يتكلمون .. وماتدرين هو طلقها مرة وحدة .. وبعد ثلاث اشهور اذا مارجعها .. تعتبر طلقه اولى ..

هزت راسها بتفهم : اي اي اعرف .. بس .. يعني عادي انا اتزوج واخوي مطلق ؟؟ .. فتحت عيونها .. حرااام يعني انا افرح واخوي حزين؟؟ .. مابي مابي ..

ضحكت عليها : يالغبيه اشدخل احين اشدخل ماتبين؟؟ على كيفج باقي يومين على عرسج !! .. انتي صاحيه يالخبله ؟؟ ..

تذكرت ان العنود كانت هني وقلت بااستفسار : ممم .. العنود كانت هني صح؟؟

هزت راسها وخدودها ولعت من الاحراج : ها .... اي .!

ابتسمت يوم جفت ويها استوى احمر وقلت بلعانه : اوه اوه اوه نستحي بعد ..

عصبت سلوي وقالت بااحراج : جبي .. وتعالي قاعدين نوزع .. ونرتب ..

ضحكت : صح تعالي .. ليش كانت يايه؟؟

قالت بااحراج وهي منزله راسها وعيونها فالارض .. : هااا ... يات .. يات تساعدنا .. عشان البطاقات...

ابتسمت عليها .. ورحنا الصاله نوزع البطاقات .. وكانت الاجواء مابين الهدوء.. يوم تكون خالتي ام منصور موجودة .. ومابين الضحك والعبط يوم تكون محد ..

دخل سالم .. وجاف الصاله معفسه .. وقعد عندنا وهو يعلق ويضحك .. اكتشفت ان سالم شخصيته حلوة وتجذب .. بس للي يفهمه .. : ها العروس الا قاعده توزعين بطاقات العرس ؟؟؟ ..

ويه سلوي استوى احمر .. اماا انا مت من الضحك .. سالم : جوفو هذي فاجه الحلج وتضحك ؟؟ .. شيضحكج انتي ها؟؟

هزيت راسي بـ لا .. وماتكلمت وظليت اضحك

سالم ضحك : بووو ينت مرت اخوي .. اقول مرت اخي العزيز .. وين اخوي؟؟ ..

عضيت شفايفي متوهقه وضحكت : ها ..

حك سالم طرف يبهته :مدام قالت ها .. اشهد انها تعرف .. ضحكت انا وسلوي .. شل العقال والغتره فلعهم علي وعلى سلوى .. يالله كل وحدة تشل اغراض الشيخ سالم وتركبهم فوق غرفته ..

دخل فهالوقت منصور .. وكانت غترة سالم فيدي .. والعقال فيد سلوي .. واحنا نضحك ..

طالعني ورفع حياته .. ووزع نظراته بينا .. : شتسوون ..

فلعت الغتره ع سلوي .. تخرعت من نظرته .. وهي قامت منحرجه .. وودت الغترة والعقال غرفه سالم ..

09-27-2010, 12:18 PM

انا : قمرهم كلهم

اضفني كصديق

سالم وهو يمد ريله .. ويطرقع"يطقطق" اصابع يده : مانسوي شي الانسات عفوا .. المدامات .. قاعدين يرتبون بطاقات العرس ..

طالعني منصور .. ورد طالع سالم .. وسكت .. طالع البطاقات .. : اجوف البطاقه؟؟ ..

اشر لي ع البطاقه ... وانا فهيت وانا اطالع عيونه .. ياناااس جمييل هاالانساااان .. بس بليييد وبارد .. انتبهت انه يطالعني .. وان سالم مصكر عيونه ورقد ..

تحركت منحرجه .. ويبت البطاقه له .. طالعها .. فتحها وابتسم .. وانا كنت اطالعه ويدي على خدي .. مفهيه فيه الاخو .. وهو يطالع البطاقه ويقرا الكلام الي بداخلها بتركيز ..

سمعت حسه يقول : تذكرين بطاقه زواجنا؟؟ ..

انتبهت من سرحاني ونزلت عيوني : ها؟؟؟؟

رد وقال : بطاقه زواجنا ..!!

قلت بغباء :لا مااتذكر ..

ضحك منصور .. : مرتي عيزت وانا للحيني شباب ..!! .. وقف مرة وحدة .. وتفاجأت .. وبصراحة نقزت متخرعه ..

ضحك بخفه .. والتفت لسالم .. ورجع التفت لي .. مسك خدي بنعومه .. وعطاني البطاقه وراح .. وانا ماسكة البطاقه وللحين مفهيه .. فيه ...

طراااااااااااااااااااااااااااااخ .. فتحت عيوني مفجوعه بعد ماكنت مفهيه .. وكان سالم .. طاح من على الكرسي ..

فتح عيونه بصعوبه : شصاير؟؟ ...

ضحكت على ويهه : قوم ارقد فدارك .. حك شعره الناعم وحركاه : اووففف رقدت وانا ماادري

تثاوب من يديد : الا تعالي ؟؟ .. منصور كان هني ولا انا كنت احلم؟؟ ..

هزيت راسي : لا كان هني .. دخلت سلوي .. وقعدت ..وبعدها دشت ..خالتي ام منصور .. قعدنا نرتب ونعدل

وبعدها انا رحت فوق لجناحنا .. اول مادخلت .. جفت منصور طالع من الغرفه الي دوم مقفله .. والي ياما وياما حاولت افتحها ..

جفته دخل غرفه النوم بدون مايقفلها .. ياني فضول ادخل واجوف شنو داخلها .. اول ماقربت من الغرفه وبغيت افتحها .. حسيت ان منصور راح يطلع .. وركضت بسرعه فلعت روحي ع الكنب .. وتنفست بسرعه .. وفعلا انفتح الباب .. ورد منصور بكل برود .. قفل الغرفه ودخل غرفه النوم ..

جفت باب غرفه النوم بااحباط .. لييييييييييييييييييييش ابي ادخل اجوف شنو فهالغرفه .. ليييييييييش مقفله .. ياناس انا مااحب احد يسوي هالحركات جدامي اتحرقص ابي اعرف ليش مقفلها وشنو فيها؟؟ شنو السر ليش يدخلها كل يوم .. ويحرص انه يقفلها؟؟

دخلت بسرعه وراه الغرفه .. بجوف وين واقف .. ووين خش المفتاح .. بس كان منسدح ع السرير .. رفع نفسه وهو يقول : تعالي تعالي ... \

تأففت فداخلي .. ورحت لعنده : هااا ..

سكت ومارد علي .. طالعته مستغربه من هالانسان المتناقض !! : شتبي؟؟

قال لي : ماتبين ترتاحين؟؟ من يوم يتي وانتي بالمستفشى وبعدين حسب معلوماتي مارديتي رقدتي .. رد انسدح

رفعت حاجب واحد: ياسلام ومن وين عرفت ؟؟؟

ابتسم :/ سر المهنه ...

جفت الساعه وقلت : ماتبي تتعشى ؟؟ ..

صكر عيونه : امبلا .. قلت لهم يطلعون العشى لنا فوق ..

قلت بشهقه : ليييييييييش؟؟

عقد حياته .. ورفع يده عن عينه : شنو ليش؟ بتاكلين تحت ويا من؟؟

قلت بعصبيه : ويا سلوي ومجود .. وعيال محمد .. ناكل بروحنا شنسوي ..؟؟ ..ملل !

هز راسه بييأس : مافيج ذرة رومانسيه؟؟

قلت : اشدخل احين الرومانسيه فالعشا؟؟ ..

مارد علي .. قلت بعد تردد : منصور ..؟

..: هممممممم

قلت بفضول : ليش الغرفه الي صوب اليسار .. مقفله؟؟ ...

عقد حياته ..ورفع يدة عن عينه .. وتعدل فقعدته .. : تعالي هني وكلميني ..

رحت قعدت عنده .. وانا الفضول لاعب فيني لعب .. : اكا قعدت ..ماقلت لي ليش؟؟ ..

حط يده على جتفي : مممم وانتي ليش تبين تعرفين ؟؟ ..

توهقت .. وقلت : ها ... اممممم

ابتسم : شنو امممم ؟؟

قلت بغباء : يعني افكر .. صبر ..

ضحك وهو يقرص خدودي : طرشو لي ورقه قبولج ..

رفعت عيوني بااستفهام : اي قبول؟؟ ..

ابتسم : الجامعه ..

نقزت مستانسه : يعني خلاص باادرس بدون توفل ولا ايلز؟؟ ..

ابتسامته توسعت : لا .. قبلوج فالجامعه كطالبه بس انتي مطالبه بالتوفل او الايلز ..والتأسيسي ..

قعدت بخيبه امل : اوففف الله يخسهم ..

ضحك وخربط شعري : انتي شعرج جي طبيعته؟؟

طالعته مستفهمه : اشلون يعني مافهمت ؟؟ ..

مسك الخصلات وحركهم بين اصابعه: يعني ماتستشورينه؟ بروحه جي منكت؟

مسكت شعري بغباء : لاء مااسشورة الا يوم تصير مناسبه ليش انت تحب الشعر المسشور؟؟

لعب فشعري : احب شعرج جذي .. ماشاءالله ناعم لا اله الا الله

انحرجت .. وتفشلت .. سكت .. وطالعته وقلت محاولة اني اكحلها .. مادريت اني عميتها : وانته بعد ؟؟ ..

رفع عيونه مستغرب : انا شنو؟؟ ...

قلت بتوهق: شعرك ..

ابتسم : شفيه؟؟

قلت بغباء : بروحه جي خشن؟؟ ..

ضحك ومسك يدي وخلاها ع شعره : هاي خشن؟؟

هزيت راسي بـ اي .. اصابعه كانت لاتزال فشعري وكنت منحرجه من وجودهم فشعري .. : لان شعرج ناعم .. زين يا خبيره فالشعور اشلون يصير شعري ناعم ..

ابتسمت : انا اقول لك .. تحركت باقوم من السرير .. مسكت جف يدة ورفعتها عن شعري .. مسكني : وين رايحه؟؟

ابتسمت بوسعه : صبر باقول لك ..

عقد حياته : مايصير تقولين لي وانتي قاعده ؟؟

قلت بتأفف : اوففف اصبر اشفيك عجول؟؟ ..

رحت لصوب التسريحه .. ووقفت ادور شي.. قام من السرير .. ووقف وراي : شتدورين انتي؟؟ اشدخل اشفيج؟؟ ..

هز راسه مب فاهم .. لقيت الي ادور عليه .. ومسكت يده .. : اقعد ..

طالعني مستغرب : ليش ؟؟ ..

قلت بقله صبر \: بتقعد ولا اشلون؟؟

عقد حياته وقعد .. : وهذي قعده ..

ابتسمت وانا اير الدهن وافتحه واترس شعره دهن .. شهق : انتي شتسوين ؟؟ حسبي الله على ابليسج من بنت ..

حاول يبعد يدي عن شعره وانا مستمره احط الدهن فشعره .. واضحك .. عصب .. ووقف وبان فرق الطول بينا .. : يالعنز .. جوفي اشسويتي فشعري .. طالع نفسه فالمنظرة وشعره معفس وينقط منه دهن .. مسكني بعصبيه :/ شسوي فيج اذبحج شاسوي فيج قولي لي ..

ضحكت على شكله : بوووو منصور شكلك صج كأنك هندي

يراني للحمام وانا ميته من الضحك .. وقف عند البانيو .. يالله نظفي شعري مثل ماوسختيه؟؟

مسكت بطني وانا ميته من الضحك .. كانت قطره دهن نازله على يبهته ومرت على خشمه مسحها بقرف ومش يده فثيابي : يالـ شااقول عنج؟؟ .. حسبي الله على ابليسج حسبي الله عليه جانه موهقني .. غسلي شعري مثل ماخربتيه؟؟

ضحكت واناا اقول : نعم؟؟ حبيبي نعم عيد عيد؟؟

كان معصب وعاد بكل براءة : غسلي شعري مثل ماوصختيه بخرابيطج وعععع يالمقرفه !!

تخصرت : اشلون اغسل شعرك بالله؟؟

تكتف : مايخصني .. مثل ماوصختيه نظفيه ..

طالعني بعناد وانا انحرجت ... طلع من الحمام .. وانا توني بااطلع والا اجوفه دخل الحمام سحب المفتاح .. وطلع من الحمام وقفل علي الباب ..

صرخت متفاجأة : افففففففففففففففففففففتح البااااااااااااااااااب افتتتتتتتتتتتتتتح اقووووووووووول لك ..

سمعت صوته من ورا الباب : مب فاتح ..

دقيت الباب بيدي : افتتتتتتتتح .. منصووووووووووور افتح ..

مارد علي وعصبت .. ظليت اطق الباب : لين متى بتم حابسني .. فتح اقول لك ,. فتح ..@@ .. منصور فتح !! ... منصوووووووووووووووووووور .. نوووووووووووووووووووووووووووووووووويصر وصمخ ..

بعد ثواني سمعت حسه : خيسي فالحمام مثل ماخيستي شعري ..

طقيت الباب بيأس : فتتتتتتتتح .. خلاص توبه سوري اخر مرة .. فتح الباب ..

منصور : تبيني افتح لج الباب .. على شرط

قلت موافقه على طول : مواااااااااااااااافقه فتح ..

توقعت شي بسيط هين .. بس شهقت يوم سمعته يقول : تغسلين شعري مثل ماوصختيه

شهقت : تحللللللللللللللللم .. اقولك فتح الباب

ضحك بخبث : على امرج ..

فتح الباب .. ودخل .. وانا يت باطلع سحبني .. وفتح الباب من يديد .. وسحب كرسي بلاستيك ابيض .. وصكر الباب .. وقفله بالمفتاح .. وهز المفتاح فيده يحرني .. وراح حط الكرسي مجابل المغسله .. وقعد ع الكرسي .. مريح الحبيب .. عباله قاعد فالحلاق ..

سمعته يقول : يالله نقذي الشرط .@.@

تخصرت : لاوالله .. احلف بس؟؟

منصور ببراءة : وقسم .. يالله ..

: واذا ماسويت؟؟

منصور : عادي بـ اتسبح ..!

عقدت حياتي : وانا؟؟ ..

قال بمكر : اشفيج؟؟ ..

سكت منحرجه ومتأففه : اوففف انزين .. رحت ادور فالكبت : وين الشامبو مالك؟؟

قال بعدم اهتمام : خذي اي شامبو فكيني .. مب طايق نفسي .. وععع احس بقرف الله يقرفج

تخصرت:لاوالله لا تقعد تدعي .. احين زين مني ابي شعرك يستوي ناعم؟؟

اشر على شعره بقرف: يستوي ناعم بهالخرابيط؟؟ عساه مايستوي ناعم ..

تخصرت : لاوالله ؟؟ .. يعني انت تبي شعر مرتك ناعم .. انا بعد ابي شعر ريلي ناعم؟؟

عقد حياته: الريال غير ؟؟ .. والبنت غير؟؟ ..

طالعته وانا لازلت متخصرة : لاوالله؟؟ ..

قال :اي .. خلصيني .. يالله اوففف .. مسح يبهته بقرف .. : وععع .. قام غسل يده بالصابون وفرك يده اكثر من مرة .. ضحكت عليه وقال بقهر : اي ضحكي ضحكي .. شعرج ناعم وانا الي مبتلش ..

: قل اعوذ برب الفلق صكني بعين .. سويت نفسي مريضه :اخ منصور .. تعبانه مااقدر ماقدر ..

طالعني بنص عين : عن العيارة الزايدة .. ويالله خلصيني والله مب طايق الثياب الي علي

ضحكت وقلت بمصخره : لا ارجوك لا تتهور ..

ضحك .. وهو يقول : بتخلصيني ولا اشلون .. ماصارت شامبو؟؟ يبي شامبوج ..

تخصرت : لاوالله تبي تحط شامبو بنات فراسك؟؟

عقد حياته: حتى فالشامبو في بنات واولاد؟؟

تفلسفت : اي طبعا في .. عيل تبي تحط شامبو مثلي؟؟ مايصير ..

هز راسه بأسف : يالله .. وقسم لو الزقت ريحة الدهن فشعري لا اسبحج بالدهن ..

ضحكت .. ومسكت الشامبو ..رحت له .. وغسلت شعره .. وهو مكيف ومصكر عيونه : تدرين ؟؟

09-27-2010, 12:18 PM

انا : قمرهم كلهم

اضفني كصديق

قلت بضحكه على شكله : هممم

منصور : تنفعين كوافيره .. يوم بافتح صالون بشغلج فيه

دقيته على راسه المليان شامبو : نعم عيوني؟؟

ضحك وهو يقول : يالخبله راسي اشوي اشوي .. ممم صح نسيت اقول لج شي؟؟

قلت بعدم اهتمام وانا اخذ رشاش الماي .. وماانتبهت فتحت بس البارد ومافتحت الحار حتى ايي ماي دافي .. : شنو؟؟

قال لي وهو بعده مصكر عيونه : جهزي شنطتج .. بنسافر اسبوع لندن قبل لا تبدأ الدراسه ..

رشيت الماي عليه مستانسه : اللاااااااااي احلف ..

سمعت شهقته .. وهو يمسح ويهه ويبعد الرشاش .. وينتفض : لاحووووووووول باااااااااااااارد تثلجت هيييه هيييه تبين تمرضيني؟؟

ضحكت وبعدت الرشاش : سوري سوري .. يالله بروحك قوم تسبح غسلت شعرك الي ماتطيق تمسكه ..

كان مغمض عيونه ويحك عين وحدة : اخ حرقتيني والله .. انزين يالله طلعي .. بقوم اتسبح ..

: وبعد يطرد مع الويه؟؟..

قال بعبط : استحي اوقف جدامج .. يالله برع

ضحكت وانحرجت طلعت برع بعد ماعطاني المفتاح.. بدلت ثيابي الي كانت متبلله .. ولبست لي بجاما قطعتين برتقاليه "كيفي احب هالالوان لاحد يعترض"
طلعت للصاله قعدت اشوي اغير فالمحطات .. لين مااستقريت على مسلسل ام البنات .. وقعدت اطالعه .. طلع منصور بعد شوي .. ويه وقعد عندي .. وقعد يطالع وياي .. شوي واندق الباب ..

منصور : من؟؟ ..

ردت الخدامه باانها يايبه العشى .. حطت العشى .. وراحت .. حسيت معدتي بدت تقلب وبسرعه ركضت للحماام .. ورجعت كل الي في بطني .. حسيت بطني يعورني واحشائي تتقطع من الالم .. عيوني كانت تدمع وخشمي كان صاير احمر .. غسلت ويهي الي صار اصفر ..

وطلعت بتعب من الحمام .. طالعني منصور بقلق .. وكان واقف عند باب الحمام : اشفيج ؟؟ ..

هزيت جتفي بـ؟ مادري وانا متمالكة نفسي عشان ماابين له اني كنت شوي واصيح وانا ارجع .. سدحني ع السرير .. : رقدي ..

قعدت : مافيني النودة ..

قال لي : ماتبين عشا ؟؟ ..

حسيت بغثيان من تذكرت ريحة العشا وهزيت راسي بـ لا :/ فيني اللوعه ..

...: لايكون حامل؟؟ ..

فتحت عيوني بصدمة .. حامل؟؟ ...

09-27-2010, 12:19 PM

انا : قمرهم كلهم

اضفني كصديق

(انته تقول انا اخر انسان تغليه .. وانا اقول انته اول انسان احبه)

بعد يومين

" سالم "

قعدت على الكرسي تعباااان .. تأففت .. وبسرعه .. جفت الساعه .. متأخر .. رحت للفت اول ماوصلت غرفتي دشيت الحمام تسبحت احس نفسي منقرف من نفسي من كثر الشغل والحط اليوم ويا العمال عشان القاعه .. اخ والله ظهري احسه منكسر .. لو عندي مرة الحين تهمزني .. مسكت رقبتي تعبااان .. طلعت من الحمام لبست ثوبي اليديد .. والغترة اليديدة ..وقعدت اضبط نفسي .. رشيت لي عطر .. وحطيت لي دهن عود.. اتصلت فـ منصور

../ الو ...

ياني صوت منصور النشيط: هلا ..

ابتسمت: اهلين .. اقول مسوين عود انتو؟؟ ..

منصور : مادري اكيد مسويين ..انا توني متسبح ..

ابتسمت : اها .. الا اقول اهل البيت مالهم حس؟؟ ..

منصور : مايندرى والله .. سلوى وامك ومرت اخوك الي هي حرمنا ..فالقاعه ..

سكت وقلت بحزن : محمد وياك؟؟ ...

قال منصور بنبرة حزينه : لا فالقاعه .. اشصاير بينكم ياسالم؟؟ ..

تنهدت بحيرة : مادري يا منصور مادري .. انا زعلته فشي؟؟ ..ماعرف .. ضايع .. ولا ادري اشفيه محمد ؟؟!

منصور بمرح : زين معرسنا ابي اروح ابدل ..

عقدت حياتي وابتسمت بخفه : معرسنا؟؟

منصور بمرح: اي سمعت الوالدة اليوم ناويه لك على نيه هههههههههه

ابتسمت وانا اتذكر صورة مريم "حبيبج" .. عقدت حياتي بسرعه وانتبهت من سرحاني : هلا منصور .. احم اسمع .. شوي وامر عليك ونروح اوك؟

منصور : اوكي ..

صكرت من منصور .. وانا افكر .. وبالي مشغول ..اتصلت فسعيد .. : هلا وينكم؟؟ ..

سعيد وهو يصرخ : شووووووووووووو؟؟؟ مااسمع ..؟؟ ..

ابتسمت : خلاص ياريال ..

سمعت صوت الازعاج قريب منه .. قلت بصوت عالي : خلاااااااااااااااااااااااااااااااااااااااااااص خلاااااااااااااااااااااااااااااااااااااااااااااااا اااص مااااااااااااااااااااااااااااااااااااااااااااااااا اااااااااا اااااااااابي شي

سعيد والهدوء حوالينه : ويعه صمختني عقب ماطلعت تصارخ

ضحكت:زين .. ياو الناس؟؟ ..

سعيد :اي وينكم ؟؟خوان العروس ومحد؟؟

ابتسمت :الحين ياين .. تونا طالعين من القاعه .. وردينا تسبحنا ..

سعيد يقاطعني : زين زين مابا تقرير .. هههههه .. يالله باااي

صكرت من عنده مبتسم .. وطلعت من الغرفه .. رحت لجناح منصور .. دقيت الباب .. سمعت حس منصور : ادخل ادخل ..

قعدت فالصاله : منصووووووووور يا منصووووووووووور حشا انته المعرس مب هو؟؟

ضحك منصور : خبرك توني معرس يديد .. لازم اكون غير ..

طلع منصور وكان محلق وكان صج كأنه معرس .. وويهه منور .. والثوب والغترة البيضا .. ومتكشخ بالقلم وبيده مسباح وهو يرتب غترته بيدة الثانيه : يالله مشينا .. تحت بننزل .. نتبخر

ابتسمت بسعاده وانا المح منصور سعيييد .. : منصور ...؟

طالعني وهو يعدل غترته : عدله؟؟ ... امر يالغالي ..؟؟!

ترددت اسأله ولا لاء .. فالاخير سكت : اي عدله .. يالله .. امش ..!

وصلنا تحت تبخرنا .. وطلعنا .. دشيت سيارة منصور وانا مشتط للعرس: اووف مااتخيل البيت بدون حنة سلوي

ضحك منصور : فديييتها والله .. بااشتاق لها .. كل مرة اتيي جناحنا وتسهر ويانا ..

تمنيت اني مكان سلوى .. لو قدرت اسهر وياهم واعرفهم اكثر واكثر .. تنهدت .. وطالعت برع الدريشه .. وصلنا الفندق .. بعد سواقه منصور .. يووه منصور ابدا مافيه صبر فالسواقه .. واعصابه على طول منحرقه وهو يسوق ..

دشينا القاعه .. وكانو الريايل ماشاءالله يزيدون .. سلمنا وقعدنا عند فيصل الي كان ويهه مرتبك .. شوي .!..

..............

"سارة "

وانا داشه القاعه مستعيله دعمت وحدة .. رفعت راسي وقلت لها : السموحة حبيبتي بالغلط ..!!

تفاجأت يوم شفت ردة فعلها .. جافتني بااحتقار .. وانا تنحت .. اتييييييييييييييييييييييييييييييييييينن .. كانت وحدة جمالها يطيح الطير من السما .. شنو عيووون عليها .. شنو ويه وجمال وجسم ..

: انتي من؟؟ ...

تفاجأت بسؤالها : انا بنت عمه العروس ..!!

رفعت حاجبها وقالت : اها ... عيل وين ام العروس؟؟ ..

اشرت ع "خالتي ام منصور " .. وراحت تسلم عليها .. وانا اطالعها مستغربه .. اذا ماتعرف منهي ام العروس ..ليش هالميانه الزايدة؟؟ .. رفعت جتوفي مستغربه .. ورحت لامي .. كان ويه امي شاحب .. : يمه انتي تعبانه؟؟

هزت امي راسها بـ لا : ابي ماي ..

تحركت وقربت للطاوله مسكت غرشه الماي وصبيته لها فالجلاس .. يات وحدة من الي يشتغلون .. وكانت بتصب الماي .. قلت لها اني انا بصبه .. عطيت امي الماي .. شربت شوي .. ورد وييها لنورة .. ابتسمت لها .. وابتدى الدق والازعاج .. كانت الساعه للحين ماتعدت الـ 9 .. لكن القاعه كانت تقريبا مليااااانه من النااااس .. خصوصا ان معارف عمي ومرت عمي وااااايد ..

مرام : سارو ..

التفت لها رغم الازعاج قدرت اسمعها : هااااا ؟؟

كنت اشوف شفايها تتحرك .. ومافهمت شنو تبي وازعاااج ..مسكت اذني : شنووووووووووو؟.؟

اشرت لي ان سلوى متى بتطلع؟؟ .. جفت الساعه .. وشهقت .. وقمت بسرعه رايحه لسلوي .. تأخرت عليها ..

وانا طالعه رايحه فوق .. جفت نفس البنت الي تهبل .. اشرت لي على جنب .. عقدت حياتي ... هالمغرورة اشتبي بعد ؟؟ .. وكان مكان بعيد عن الطق والازعاج

استحيت على ويهي حسيت نفسي كشرت لا ارادي .. رحت لعندها وحاولت ابتسم : هلا الغاليه؟؟ ...

طالعتني بااستهزاء وانا اخس شي عندي حد يطالعني بهالطريقه : انتي ... سارة !! ..

رفعت حاجب واحد وتعفس ويهي لا ارادي : اي نعم ...خير ان شاء الله ؟؟ ..

طالعتني من فوق لتحت .. واحتقرت نظراتها : على شنو ؟؟....

رفعت حياتي مستغربه : عفوا؟؟ ... ايش الي على شنو؟؟؟ ...

ظلت تطالعني .. وانا طالعت ساعتي .. ماباقي الا عشر دقايق على زفة سلوي .. : انتي زوجة منصور ...!!!!!!!!!!

هزيت راسي ببراءة : اي نعم ... خير فيه شي؟؟ ...

يوم جفتها ساكته عصبت .. وتحركت من جدامها رايحه لسلوى .. : عن اذنج .. زفة بنت عمي بعد شوي ..

مب فاضيه لسخافه "الجميلات" .. بس كأن ويهها مألوف ؟؟ .. هزيت جتفي بـ مادري ..وصلت لغرفه سلوي .. وجفتها واقفه مرتعبه وهي تصور بالغصب .. ابتسمت بيني وبين نفسي .. وطرا على بالي .. يوم خفت فعلا فهالوقت .. ماحسيت الا وسلوي تصحيني من احساسي

: ساروووة مابي انزل .. خلاص مابي ...

فتحت عيوني على اوسعها : ها؟؟

سلوي وشوي وتصيح : مابنزل .. خلاص انتي نزلي بدالي ..

ضحكت على غبائها : يالغبيه مايصير لازم تنزلين ..

سلوي ببراءة : ليش عادي لو مانزلت؟؟

قلت بخبث: هو عادي عادي .. بس انتي الي بتتوهقين؟؟

طالعتني بااستغراب وكملت ببراءة متناسيه خوفها : ليش؟ اشلون يعني؟؟ ..

كملت بمكر وانا ااشر ع المصورة : بتصورين انتي وياه بروحج .. بدون الناس .. ع الاقل تحت مابتكونون بروحكم؟؟

شهقت سلوى /وكملت بعفويه : اييييي صح .. اوكي خلاص باانزل ..

ابتسمت .. سلوى قالت لي باارتباك : حلوة؟؟ ..

طالعتها .. كانت ماشاءالله عليها كلمه جميله اشويه عليها .. سلوي بدون شي اتينن .. يعني ينطبق عليها المثل الي يقول " زينك يذبح وشلون لو كنت متزين .. "

كانت اسطوورة من جمالها .. خشمها الدقيق الرفيع .. عيونها الواسعات الكبار .. لونهم البني ضايف براءة وخوف لعيونها .. رمشها الطويل .. خط الاي لاينر .. كحلتها .. الشدو الذهبي الخفيف المتقن .. الروج الياقوتي.. الفتسااان الابيض الفرنسي المنفوخ بنفخه رووعه...شعرها المرفوع .. الطرحة الطويله ..العقد الي تتلامع الماساته مع كل برقة ضوء .. كل شي فيها كان ينطق جمااال.. : حلوة؟؟ الا روووعه ماشاءالله عليج .. تف تف ..

سلوى : ايييه سبحتيني .. سروووي ..

طالعتها وانا كاتمه ضحكتي: ها ...

سلوى: يوعانه !!

تسبهت : هاااااااااااااااااااا؟؟ ههههههههههههههههههههههههههه

سلوى طالعتني وقالت بحقد : اشفيج صج يوعانه ماكليت شي؟

مسكت بطني : اخ بطني ههههه .. اصبري يابنت الناس خل نزفج ولاحقه ع العشا .. هههههه

سلوى باارتباك : آآآآ

دخلت ام منصور وكانت ماتقل جمااال عن بناتها .. ووراها سلطانه وولدها .. ووراهم عاشه الي كانت لابسه طاووسي.. وكان فستاها رهييييييييب .. وكانت طالعه اتينن .. جفت سلطانه الي كانت لابسه فستان فيرووزي بس

09-27-2010, 12:20 PM

انا : قمرهم كلهم

اضفني كصديق

دخلت ام منصور وكانت ماتقل جمااال عن بناتها .. ووراها سلطانه وولدها .. ووراهم عاشه الي كانت لابسه طاووسي.. وكان فستاها رهييييييييب .. وكانت طالعه اتينن .. جفت سلطانه الي كانت لابسه فستان فيرووزي بس شغله مرتب وايبين قيمته العاليه .. انتبهت ع فستاني .. كان فستاني ليموووني .. ومايقل روووعه عن فساتينهم .. بس هالمرة كان الفستان مضبوط علي .. لاني شوي متنانه .. احم .. مب حامل .. تطمنو ..طحت يومين قبل عرس سلوي كله مصخنه وارجع .. كان برد فبطني "فعز هالحر مادري اشلون جي صار فيني بس فعلا تبهدلت اخر بهدله".. تذكرت يوم منصور قال لي حامل .. واشلون عصب بعدها !! .. الحمدلله اني مب حامل .. لانه مايبي عيال الحين ..!!! .. وتبون الصج .. انا بعد .. بعد مابي منه !! .. اقصد .. الا يوم اتأكد .. من شي .. بعدين .. يمكن ..!!!!

: يالله سلوى جاهزة ..

جافتنا باارتباك : اي .. ماما بمشي بروحي؟؟

هزت راسها ام منصور وهي تبتسم : مبروك حبيبتي .. باستها على راسها .. ودمعت عيون سلوى ..

سلطانه : هووووووب هوووووووووب هووووووووووووب ستوووووووووب ستووووووووووب ستوووووووووووب مانبي المكياج يخترب .. سلووووووووووووووووووووووي بس جب عن الصياح ..

نزلت ام منصور بسرعه .. واحنا ساعدنا سلوى .. واول مادلخت سلوى .. ابتدت قصيدة مع فتحه الباب .. وقفت سلوى وهي تتنفس بالقو .. وكان شكلها واضح انها مرتبكة .. وخااايفه .. ابتدت الكلمات تنساب بعذوبه .. كانت القصيدة بصوت احد الشعراء .. ومعاه موسيقى رايقه هاديه .. ماتنسمع الموسيقى الا بصوت خفيف .. وصوت الشاعر يعج فالقاعه

خـويـة درب عـمــري مـاخـذانـي دونـهــا النـسـيـان
وأنـا يـا اهـل الملامـه مـا رغبـت العيـش وحـدانـي

+ + + + +

ابـي لـي مهـره ماعسـفـت صغـيـره وبـنـت حـصـان
ابـوهــا الـلــي يـفــك المشـكـلـه ويـزبــن الـجـانــي

+ + + + +

واخوهـا لا تـعـزوى باسمـهـا فــزوا لـهـا العـربـان
يـحـق لـهـا الفـخـر فـــي قـولــة آل فـــلان جـدانــي

+ + + + +

أبـيـهـا فـــي بـحــر عـشـريــن لا زود ولا نـقـصــان
أبيهـا اقصـر طويلـة والوصـوف اشـكـال والـوانـي

+ + + + +

أبي الجبهه كما الصبح وكما القوس اسود الحجان
وابـيـهـا نـاعـسـات ونرجـسـيـه ســــود الاعـيـانــي

+ + + + +

ابـي رمــش كـمـا ريــش يغـطـي الثـلـج فـالاوجــان
وابــي جـفـن يشـيـل الـرمــش طـربــان وكـسـلانـي

+ + + + +

ابــي خـــد كـمــا ورد تـنّـمـى فـــي طـــرف بـسـتـان
وابـي خـشـم صغـيـر ومـثـل حــد السـيـف شامـانـي

+ + + + +

ابـي البسمـه كمـا البـرق وثناياهـا كـمـا المـرجـان
شـفـاهــا جـمـرتـيـن وفـمــهــا خــاتـــم سـلـيـمـانـي

+ + + + +

ابــي شـعـر مـثـل ذيــل الـفـرس لا طـبّـت الـمـيـدان
او الـشــلال لامـــن بـــات لـيـلــه بــيــن الامـتـانــي

+ + + + +

ابــي جـيـد ســـوات ابـريــق فـضــه نـاتــق مـلـيـان
وصــــدر كــنــه مــرايــه عـلـيـهـا طــلــع رمــانــي

+ + + + +

ابـي ظهـر كمـا الـجـدول وقــدّ مـثـل غـصـن الـبـان
وخـصـر مـثـل مـجـدول الاعــلان وجـسـم رويـانــي

+ + + + +

ابـيـهــا نـابـيــة ردف وبــطـــن ظــامـــر جــوعـــان
ابـيـهـا مـدمــج ســـاق وقـدمـهـا لــســان ثـعـبـانـي

+ + + + +

ابيـهـا بـنــت عـــز مـــن رغـدهــا يـنـعـم الفـسـتـان
ابــي الـرقـه وابــي الـدقـه لـهـا باطـرافـهـا شـانــي

+ + + + +

ابي المشيه كما اللـي طالـع مـن المعركـه كسبـان
وابيـهـا تــرش مـــع خطـواتـهـا مـســك وريـحـانـي

+ + + + +

ابـي صــوت الــى مـنـي سمعـتـه كــن فـيـه الـحـان
يـدغـدغ مسمـعـي ويثـيـر كــل السـحـر فـاشـجـانـي

+ + + + +

ابيهـا حـب واخـلاص وهواجيـس وفــرح واحــزان
ابيـهـا مـثـل مــا دكـتـور اهـالـي العـشـق وصـانــي

+ + + + +

ابـيـهـا لــوحــة مــــا صـورتـهــا ريــشــة الـفـنــان
ابـيـهـا جـوهــره مـــا جـابـهــا قــاصــي ولا دانــــي

+ + + + +

ابيـهـا تنتـصـر لــي مـــن زمـــان حـطـنـي نـيـشـان
وتبـشـر بـالـغـلا الـلــي مـالـفـى بـــه واحـــد ثـانــي

+ + + + +

مـهـرهـا قـلــب وشـعــر يـهــز الـقـلـب والـوجــدان
وألبـسـهـا القـصـيـد وتـصـبـح اوزانــــي وقـيـفـانـي
+ + + + +

ابي اللي فات واللي فـات صعب ومن لـقـى العنـوان
يــرد الـعـلـم ولا افـضــل ابـقــى اعـيــش وحـدانــي

ارتجفت سارة .. وحست انها بتصييييح .. وهي تشوووف سلوى عيونها صارت مثل الزجاج .. تعكس الي يصير .. من دموعها الي ماليه عينها ...

.............

بصوت الزغاريط .. فتحو به القاعه .. وتسلطت الاضواء على ملكة الحفل .. بعد ماانتهى الشعر .. ابتدت سلوى تتحرك بهدوء مع انسياب الزفه .. وكلماتها الي كانت تزيد ثقه سلوى بروحها .. لكن رجفتها ماقدرت توقفها

حد منكم شاف في الدنيا بدر
مقبلٍ يمشي و من حوله بشر

من حلاه يزف للناظر ضياه
ان ظهر للناس و لا ما ظهر

هذا ما هو بدر ليل يختفي
مع طلوع الصبح و بزوغ الفجر

او بدر يصبح بعد مده هلال
هذا بدر مكتمل طول الشهر

هي عروس النور في هذا الزمان
هي ملاكٍ بس في صورة بشر

من غلاها انقول صلوا على الرسول
يا اللي شفتوها بقلبٍ او نظر

الله يا نور في ها الدنيا نراه
مستحيل ان نشوفه في بشر

و التقت شمس الظهيره بالقمر

و في محياها بدى الصبح بضياه
مشرقً و خدودها واحة زهر

و العيون الي كما عين المهاه
تمتزج فيها البراءة بالسحر

الليله .. الليله محلاها الليله
الليله .. الليله حلوة و جميلة

شعرها ليل كسا الدنيا دجاه
حالك متحدر كانه نهر

يحسبه قطعة حرير من رآه
و الحقيقة هو حريرٍ من شعر

و الحسام الي صفا الوجنه كساه
يبعث اشواق الحواجب للثغر

و الثنايا كالبرد بين الشفاه
او كحبات الندى و لا المطر

عذبةٍ لو تلمس اطراف الحياه
كل غصن فتح بوردٍ حمر

و العفاف بروحها يسقي بوفاه
و الوفا في عينها النجلاء سهر

شاعر الوجدان واحلامه سماه
مبدع و احساسه المرهف شعر

ماخذ من وصفه مبتغاه
يا عسى الله يوهبه طولة عمر

الله يحفظها و يسعدها معاه
شيخ بطيبة فواده يشتهر

والله يجعل كل دنياهم هناه
يكتسي بالسعد كله و البشر

تلألأت عين سلوى وهي تسمع هالكلمات وحست بغشاوة فعينها تمنعها عن الروؤيا .. لكن كملت مشيتها البطيئة بثقه وهي تطالع الناس .. وتحاول تبتسم ملبيه طلب المصورة .. تلتفت يمين يسار .. وبسمه مرتجفه على شفايفها .. كان صدرها يعلو ويهبط .. وكان الدليل الاقوى على خوفها .. جافت العنود تأشر لها تهدي .. وجافت مجموعه من رفيجاتها ماقدرت تميزهم بسبب الاضاءة الخفيفه بس ميزت وحدة منهم تسوي لها اوكي وباي .. ابتسمت بخجل.. وصلت لين الكوشه .. ووقفت .. وعطت الكوشه ظهرها .. وهي تسمع كلام المصورة .. وتحاول تبتسم .. خلصت الزفه .. وابتدو بنات العايله يصعدون يرتبون العروسه .. وثيابها .. ويسلمون عليها .. انقطعت الاغنيه .. وقالو بالسماعه : اهداء من اخت المعرس .. وبنت عم العروس

ابتسمت سلوى باامتنان لهم .. وسمعت الكلمات الي زادت من رجفتها .

من صميم القلب قلت احلى القوافي
اتفنن في حروف اروع قصيده
للعروس اللي لابسه ثوب الزفافي
سلوى اللي بزينها صارت فريده
اسمها سلوى والاسم كافي
لو صاغها الصايغ ضيع نشيده
سلوى عليها من الحسن والعفافي
شيء كبير اكبر من اننا نجيده
كامله ومكمله بكل الاوصافي
مايزيدها الذهب لمعه هي تزيده
وجهها كالبدر منور وصافي
سبحان من خلا ملامحها فريده
بشوفها تحقق كل الاطيافي
والاحلام بشوفتها تصبح اكيده
فيها جمال الكون بكل الاصنافي
ياعسى ايامها دايم سعيده
من شافها قال رحماك يامعافي
اشهد انها بزينها صارت فريده
من زينها شابت حروف القوافي
مالوم قصيدي لو وقف وريده
سلوى بنت سلطان بنت الاشرافي
الي غلاها بين القلب ووريده
ومعرسنا فيصل قدره عالي ووافي
فيصل الي بالشجاعه نظرته بعيده
مثل الذهب ومعدنه صافي
الطيب الي بقلبه دايم ربي يزيده
فيصل الي قدره فوق روس الأكتافي
الطيبه بقلب فيصل وربي اكيده
وبختامها قلت احلى القوافي
اتفنن في حروف اروع قصيدة
للعروس اللي لابسه ثوب الزفافي
سلوى اللي بزينها صارت وحيده

09-27-2010, 12:20 PM

انا : قمرهم كلهم

اضفني كصديق

الفلوس كانت تتناثر فوق العروسه .. والاضاءة والتصوير لقطو هاللحظات الحلوة .. ابتدوا اهلها يسلمون عليها ويباركون لها وهي دمعتها نزلت يوم احضنت بنت عمها سارة .. بعدتهم سلطانه وهي معصبه .. وابتدت سارة تنثر فلوسها عالي عالي .. وتساقطت حبات الفلوس على سلوى والكوشه والارض .. بعد سلام العروسه على اهلها .. توجوهو لها بعض الناس الي يغلونها يسلمون عليها وشي اكيد رفيجاتها كانو من هذيل الناس الي راحو لها ..

بعد ساعه ونص ..اعلنو عن دخول المعرس .. والي كان يمشي بسرعه حتى قبل لا تخلص زفة المعرس

الف الصلاة والسلام عليك يا حبيب الله محمد كلوووش .. وصلو ع النبي واهله وكللوووش ..
والف الصلاة والسلام عليك ياحبييييييب الله محمد .. كلووووش .. لللووووش

يامعيريس عين الله تراك والقمر والنجوم تمشي وراه
يامعيريس الله يحرسه يحفظ عروسه وعمر العرسه
جملة احبابه ترى مكتمله والقمر والنجوم تمشي وراه
يا معيريس حلوه زفته بالفرح واسرور غاوي ابمشيته
كلهم اصحابه تزفه حضرته والقمر والنجوم تمشي وراه
الله يهنيه ويبارك له بعد رفرف على الراس يا طير السعد
والحضروا احباب ومن كل بلد والقمر والنجوم تمشي وراه
عروس نجمه والمعرس بدر الزين للزين والعشره عمر
شهر العسل دوم ماهو بس شهر والقمر والنجوم تمشي وراه
هذا لمعيريس يا حلو الشاب طابت عروسه والعريس طاب
حضرت الاملاك تغني ولحباب والقمر والنجوم تمشي وراه
يامعيريس اويا بختي انا لا انا حجيت ولا متميدنه
راس مالي قصيده هالغنا والقمر و النجوم تمشي وراه

ابتسم ووقف جدامها كانت مغطيه بشال ابيض كامله .. وقفو جدامها وتصوروا يميع .. كانو كل شباب العااايلتين داخلين .. تصورو الكل .. وبعدين ابتدو الريايل ينسحبون .. كان فيصل مبتسم .. ويحس بالعزوة .. كل هله .. معاه .. وكل اهلها .. حسسه بقيمتها الكبيرة عندهم .. بعد ماتصورو شباب العايله كلهم .. وطلعو ... ومابقى الا اعمامها وخوالها واخوانها .. توجهوا لها .. شلو البنات الشال عنها .. وكانت تتنفس بسرعه ..

ابتسم على ارتباكها .. وملامحها الخجووله .. وحس هو ارتباكه زاد وهو يلاحظ جمالها الي زاد اضعاف .. حس نفسه مرتبك .. ومستحي .. اول مرة .. يشعر بهالاحساس .. وهي قلبها كان واقف .. ودموعها الي متحجرة فعيونها بدت تنزل وهي تسلم على اعمامها وخوالها الي خذو لها صور وياهم .. وراحو .. بقو اخوانها سلمو .. وطلعو ..

ابتسم .. وباسها على راسها .. ووقفو شوي يتصورون .. ومحارمه ياو له يسلمون عليه .. وابتدى عاد الرقص .. "خوات المعرس " .. وام المعرس بعد يات وسلمت عليهم .. وتصوروا .. وشربو العصير .. وفيصل تفلسف على الحرمه

فيصل : هذا عصير شنو؟؟

الفلبينيه : كوكتيل سير

فيصل : لالالا مابي غيروه يبو لي منجا ..

العنود : فصووول وقتك؟؟ .. اشرب وخلصنا ..

فيصل بعناد: لا مابي ابي منجا عطشان ريجي ناشف ماحب الكوكتيل ... سلوى اشتبين؟؟ ..

اما سلوى فكانت تحس ويهها ينفجر من الاحمرار .. خصوصا ان اكيد الكل يتسائل اشفيه المعرس ثاني نفسه على العروسه ويكلمها .. حست سلوى انها بتصيح الحين لا محاله .. هزت راسها بـ لا .. دليل انها ماتبي اي شي .. وقال فيصل : خلاص ثنين منجا .. مانبي كوكتيل ؟؟ عندوه انا مب قايل لج مااشرب كوكتيل

العنود كانت واقفه ومشتطة من العصبيه .. فيصل وحركاته الئرررررعه .. : يعني الا تتحجج "تتشرط" ؟؟ اشرب اي شي

ضحك فيصل ومال وقال شي لسلوى الي ابتسمت بااحراج .. وطالعت العنود بوهقه .. وكأنها تقول لها خلصيني ..

خلص العرس .. وراحو المعاريس جناحهم .. تسبحو .. غيروا وملابسهم .. وعلى طول توجهو لبيت اهاليهم يودعونهم .. حتى يلحقون على السفر .. وهناااك بدأت المأساه .. سلوى بدت تصيح بشكل يقطع القلب .. لو كان قلب الانسان حجر .. جان لان من صياحها .. بعد مافارقتهم سلوى ..

في احد غرف القصر الكبير

"منصور"

ابتسمت وانا استرجع اول ايام زواجي .. ابتسمت اكثر واكثر وانا استرجع اشلون تعرفت على شخصيه سارة بتقلباتها.. وتذكرت حنانها وتناقضها .. هالانسانه تستاهل اني اوديها شهر عسل .. حرام ضيعنا اول ايامنا في الشاليهات التعيسه .. وحرام ضيعنا اول ايامنا فالجذب .. ادري غلطان .. لكن شسوي .. سارة ماتركت لي حل .. وقلبي ماترك لي خيار ..

تذكرت لولوة الي اتصلت فيني .. تبيني ارجعها لبيتهم .. ماعجبني تصرفها مهما يكون .. وحتى لو كنت ابغي اخطبها .. بعد مايحق لي اروح وارجعها لبيتهم ..تعذرت اني باارجع الاهل .. دخلت غرفه النوم .. جفت سارة .. قاعده وعيونها حمرره .. ابتسمت وانا المح ملامحها الحزييينه ..رغم الحزن الي كاسيها كان جمالها بارز .. من عيونها الواسعات الحادات لين انفها الطويل .. مع الدقه الي كانت مخليته شي عجييب ماجفت خشم نفس خشمها ابد .. رغم وجود دقه في خشمها الا انه متميز وومميزها .. شفايها العذبه الي ملونه بلون الزهر .. ملامح ويهها بشكل عام اتجنن .. رغم ان ملامحها ولا شي جدام لولوة .. الا اني اجوفها الحين حلوووة .. وحلووووة وايييد

انتي حلوة انتي حلوة.. و انتي احلى منها بكلمة
انتي في عيني بصراحة.. والله آية في الجمال

انتي في عيني جميلة.. و انتي في قلبي اصيلة
و انتي قصة الف ليلة.. من حكايات الخيال
والله آية في الجمال..

انتي حلوة انتي حلوة.. و انتي احلى منها بكلمة
انتي في عيني بصراحة.. والله آية في الجمال

يا بعد عيني و روحي.. يا معاناتي و جروحي
اتبعك لو قلت روحي.. و اشتري بعمري وصال
والله آية في الجمال..

انتي حلوة انتي حلوة.. و انتي احلى منها بكلمة
انتي في عيني بصراحة.. والله آية في الجمال

رحت قعدت عندها .. ويريت يدها : الحين اشحقه الصياح ها؟؟ ..

تقوست شفايفها : سلوي سافرت ...كانت دموعها فعينها للحين مانزلت

عقدت حياتي وحاولت ماابتسم : انزين ويعني .. خلاص تزوجت مايبي تصيحين؟؟ .. تزوجت ماماتت ؟؟ ..

قالت ودمعتها فعينها : ادري بس مابجوفها نفس كل يوم

لعبت فـ اصابعها : عشانها بتدرس هناك؟؟

هزت راسها بزعل :اي ..

ابتسمت غصبا عني ويريتها عشان توقف : الله الله شهالفستان ماجفته من قبل ..

نزلت عيونها منحرجة : شكرا ..

ضحكت وسحبتها وقلت بمكر : ماتبين تمسحين الروج ؟؟

طالعتني .. ولمحت نظرة الشطانه فعيني .. وفلتتني بالمخده: سخييييييف .. باقوم اتسبح ..

ابتسمت بلعانه : لا ..

فتحت عيونها : مب كيفك ؟؟ ..

لازالت مبتسم : لاوالله عيل على كيف من .. كل هالزينه حق منو انشالله؟؟ ..

اشرت على الدريشه تقصد فيها برع وهي تقول : حق العرس ؟؟!!

فتحت عيوني وقلت بخبث: وبعد ماتستحين على ويهج تقولينها جدامي؟؟

طالعتني مستغربه ومفهيه : ها؟؟ ..

قعدتها .. : ياحلوة صحصحي لاترقدين علينا ؟!

عقدت حياتها وبوزت لا اراديا علامه عدم الفهم .. وانا ذبت وكملت: ممكن؟؟ ..

رفعت عينها ..همست: الروج !!

...................

بعد 10 ساعات .. 8 ساعات قضوها في رحله المطار .. وساعتين لوصولهم الشقه ..

"سلوى"

كنت مستحيه موووت .. من فيصل .. دخلنا الشقه الي يسكن فيها فيصل والي قريبه من الجامعه .. قالي فيصل ان اول شي بنروح شقته بعدين بنروح فلتهم الي فالريف .. يوووه ذكرني ببيتنا الي بالريف .. حسيت اني دايخه ومب قادرة اجمع خصوصا اني ماقدرت ارقد فالطيارة .. عكس فيصل الي اول ماقعدنا فالطيارة .. حط راسه ورقد .. حتى بدون مايسولف وياي .. تمللت فالطيارة .. وحسيت بكل انواع الملل فداخلي .. بس اول ماوصلنا انذهلت مب لان لندن حلوة لا لاني شابعه من لندن .. انذهلت من برودة الجو .. وارتعشت اطرافي .. مسك فيصل اصابعي يدفيهم فيده .. وحسيت بااحراج .. وابتسمت بخفه .. استقبلتنا السيارة الي كان يسوقها واحد من ربع فيصل الاجانب .. انتبهت اني الحين عند باب الشقه ..يوم سمعته يقول : بريلج اليمين يا عروسه ..

استحييت .. ودخلت بسرعه .. ووقفت عند الباب انتظرة يدش .. عدل غترته .. وهو يسحب الشنطة .. رفع راسه لي : يالله دشي اشفيج مستحييه ..

نسيت اقول لكم .. فيصل مابدل ثيابه فضل يقعد بالثوب والغترة .. على قولته معرس ويبيني اجوفه كاشخ .. بالثوب والغترة .. ابتسمت بداخلي .. ياحبي لك يااول حب بحياتي

انحرجت منه .. ودخلت .. وخطيت خطوتين لداخل .. قلت:تبي اساعدك

ضحك وهو يقول لي: لا ياحلوة مابيج تساعديني .. الحين الحارس بيجيب بقيه الجناط .. يالله دشي..

دخلت وقعدت ع الكنبه وانا اتأمل الصاله .. كانت كبييرة .. ورق جدارن ابيض يحاوط الصاله .. مسكت ورق الجدران .. وكان شكله واايد حلو .. لونه ابيض سكري .. وفيه نفس ديزاين بارز من المخمل السكري.. وايد حلوو .. والكراسي كان لونهم سكري وفيه ورود مخمل احمر .. واايد حلويين .. نقلت عيوني للستاير وكانو بعد من المخمل الاحمر السادة.. اما الارضيه فكانت خشب ..

تخرعت يوم سمعت صوت الباب يتصكر التفتت جفت فيصل متكي عليه .. ويطالعني بنظرة غريبه .. استحيت منه ..

سمعته وهو يتحرك ويروح لغرفه من الغرف : تعالي !

انحرجت .. وحسيت ويهي مختبص .. وكان سؤال متردد فقلبي ..اروح؟ ولا ... بس فالاخير قررت اروح واتسبح واغير ..

وقفت عند الباب المفتوح .. لامست يدي الباب وانا اطقه بخجل .. واطالع ارضيه الغرفه ..

سمعت ضحكته : مستحيه هه ؟؟

09-27-2010, 12:23 PM

انا : قمرهم كلهم

اضفني كصديق

مادري ليش نبرته شدتني اجوفه .. كانت نبرة سخريه .. مادري بس حسيت بانه يستهزئ فيني؟ .. رفعت عيوني له بهدوء وخجل وتساؤل من نبرته؟؟

كان مبتسم نص ابتسامه .. مافهمت السر ورا ابتسامته ابتسمت له .. ونزلت راسي ..

سمعته يتنهد : دشي...

دخلت وانا اتأمل الغرفه .. كانت واسعه .. والاثاث .. شكله مغري واثري .. حسيت نفسي فـ فيللم بريطاني قديم .. واني اعيش سلسه من الافلام الاسطوريه ..

قعدت على شزلونغ كان مركون على طرف من الغرفه وانا اطالع الارض الخشبيه ! .. شكل شقته مب مفروشه " مافيها زوليه"

قطع تفكيري صوته : الف مبروك !!

كانت بارده .. باردة وااايد .. وشكله قايلها مب مهتم .. عقدت حياتي وانا استرجع لهفته ايام الملجة وتسائلت اذا الحين بيعاقبني على صدي له !

رفعت عيوني له .. وكانت ملامحهه ماتدل على شي .. بااختصار لاشي لاشيء
حسيت بالحرارة .. فقررت افتح شيلتي .. فعلا .. مديت يدي وفتحت الشيله وخليتها ترتاح ع جتفي .. فركت فروة راسي حسيت منابت شعري اتعورني بس ماتكلمت رتبت شعري ..

وانا انتظرة يتكلم.. او ع الاقل يخليني اروح اتسبح ..

سمعت صوت تنفسه .. كان واقف على راسي .. انتبهت على جوتيه الاسود قريب مني .. رفعت عيوني له بخجل كبيير ..وبخوف ..

من طاحت عيني فعينه نزلت عيوني عن عيونه وطاحت عيني ع خشمه وذقنه المرتب والعارض الخفيف ..شفايفه ورقبته .. رفع ويهي وطاحت عيوني بعينه ..

قعد عندي ..وسحب شعري رتبه على جتفي وظهري .. ارتبكت .. وتوترت من حركته .. مسح على ظهري وهو يرتب شعري ..تحركت شوي مبتعده .. بس هو مسكني .. وهمس : سلوى ..!!

رفعت عيوني له مرتبكه ..! .. بس كانت نظرته جلييد .. ابتسم بسخريه : سلوى ماقد سمعتي عن صداقتي ويا اخوج سالم ؟؟

حطيت شعري ورا اذني ورديت ببراءة: امبلا .. سالم واوبوي قالوا لي انك كنت رفيج سالم ..!!

رجع شعري غطا عيوني .. ويوم رفعت يدي برجع شعري ورا اذني .. هو الي رجع شعري ورا اذني .. ومسك يدي .. : وبعد شتعرفين .. ؟

ارتبكت زيادة .. وسكت .. لف ويهي له وقال لي بهمس : وماتعرفين بعد اشلون تركنا بعض انا وسالم ؟؟؟ ..

طالعته بصدمه بريئه : يعني انته الحين مب رفيج سالم؟؟

كلمني وكأني ياهل وهو يرتب على خدي : توء توء "لا" ..

طالعته مصدومة وقلت : صج ؟؟ .. ليش؟؟

ضحك بسخريه : هه .. اكيد سالم ماقال لج .. ولا اشلون يقول عن سواد ويهه ..

عقدت حياتي وقلت بعصبيه : فيصل لو سمحت لا تتكلم عن اخوي جذي ..

ضحك بصوت عالي:ههههههههههههاي .. ياعين اخوج انتي؟ .. "دارني له " هه .. ياحبيبتي اخوج مب مسود ويهه .. حتى ويهج انتي اسود عندي من فعايل اخوج .! .. اصلا انا ماتزوجتج الا انتقاااام من اخوج ...!!..اخوج المحترم كان

فتحت عيوني مصدومة من كل كلمة ينطقها .. وكل كلمه ينطقها وتزداد صدمتي اكثر واكثر

مسكت راسي وصحت : انته انته ... شهقت

وهو كمل : والحين .. حبيت اقول لج شي ..

رفعت عيوني بترقب وخوف .. انا مالي احد هني الا هو .. شراح يسوي فيني .. ارتجفت اطرافي بخوف .. وسحبت يدي من يدة .. ابتعدت واقفه .. بس يرني .. وطحت عند ريله .. قال بغضب مكتوم : يوم انا اتكلم توقفين وتسمعيني ؟؟ ولا ماربوج عدل يا بنت السفير؟؟

صحت .. صحت صحت .. ماقدر استحمل .. انا .. انا الرقيقه .. الحساسه .. جي يصير لي؟؟ .. ومتى .. ليله عرسي .. لييييييييش؟؟ .. لييييييييش؟؟ اتمنى لو خدعني ولا قال هالشي .. جرحني .. جرحني من الاعماق .. :شيل يدك عني ..

ضحك بسخريه : لااااا؟؟ . شبتسوين ؟؟ لا قومي وريني شبتسوين؟؟ ..

وقفت .. ومسحت دموعي وطالعته بعتاااب : انته اكبر حقير جفته بحياتي ..

امتدت يده لشعري ويراه بقوة صدمتني : لا تخليني اسوي شي مابي اسويه ..

صحت متألمه من كلامه .. متألمه من شعوري اتجاهه .. متألمه من قبضه يده .. حراام الي يصير لي حرااام /: ليش جذبت علي حرام عليك .. حتى لو سالم غلط فحقك انا مالي خص .. مالي خص ..

ير شعري زيادة لين ما لامس خده خدي : جب ولا كلمه .. مابي اسمع حسج فهالبيت .. حالج حال الاثاث هني ..

دز شعري .. وقلت بتهور واندفاع : طلقني ..

ضحك بصوت عالي : هههههههههههه .. عيديها؟؟ .. وشو يا حلوة؟؟ .. "قال بصوت جاد " مب انا الي ينأمر علي .. وبعدين لايكون مصدقه روحج بزيادة .. طق صبعين على راسي .. حطي هالكلمتين فراسج .. اطلقج وقت الي انا ابيه .. ومممم لاتاخذين فروحج مقلب بزيادة .. باطلقج بااسرع وقت .. حتى ترجعين تنزلين راس اخوج .. وابوج ..

مسكت يده ابعدها عن راسي : اشسوى لك سالم الي الين هالدرجة انته تبي تنتقم منه ؟؟ وانا .. انا .. ليش؟؟

بعد يده عن راسي وقال بسرحان : طلعي برع من الغرفه .. طلعي .. وورقتج بتوصل لج بااسرع مايمكن ..

تحركت ذليله من جدامه .. ودموعي تتساقط على وجنتي بكل اسف .. رحت الغرفه الثانيه .. وقعدت على طرف السرير .. وحسيت بوجع .. ماقدرت افضفض واصيح .. ماقدرت .. اول ماحطيت راسي ع المخده حسيت اني محتاجة لاحد اضمه واصييييييح .. اصييييييييييييح من خاطري .. اطلع كل الي فيني .. ودي بس احد مرة يشفق علي ويضمني واصيح واشكي له .. وينج سارة .. وينج .. ورب البيت احتاج لج ..

ابتدت دموعي تنزل بغزارة .. صحت بقوووة .. وانا احس بألم .. ألم يعصر قلبي .. تجوفون الحديد .. حسيت بقبضه حديد تعصر قلبي .. صحت مب قادرة اتحمل .. ليش الانسان الوحيد الي حبيته .. هو الوحيد الي كسر قلبي .. ليش ؟؟ .. ليش؟؟ ..

.................

" سالم "

نزلت من السيارة وانا سرحان ومغطي طرف ثوبي .. رحت غرفتي بسرعه وفصخت ثوبي .. وقعدت ع السرير اتامل طبعه الروج .. كان الروج مطبوع عليه .. ماكان لشفتين كان لشفه وحدة بس .. وحدة دعمتني وقدرت اميزها من بين البنات ككل .. هالبنت ام عيون .. اتينن .. عيونها حلووووة ماشاءالله االلله يحرسها .. بس شالي يربطها بعرسنا؟؟ .. معقوله تعرف امي ؟؟ وتعرف عايلتنا؟؟ ... حلو حلو .. جي بتسهل الموضوع اكثر واكثر .. بس يا سالم البنت يمكن مخطوبه ولا متزوجة " حبيبج" رنت فبالي ..

تخسي الا هي تاخذ غيري .. مابقى عاد الا هذا .. اخر يوم بيكون فحياته ..

تذكرت

كنت طالع من قاعه الريايل وراجع لقاعه الحريم .. طلعت وحدة مستعيله وقاطه الشيله على وييها .. طنشتها ورحت متوجه لقاعه الحريم .. وانا راجع لقاعتنا
دعمتني نفس البنت .. بس كانت رافعه غشوتها وهي تتكلم فالتلفون : لالا ..

دعمتني وقالت بعصبيه : وجــــــــــع ..!!

فتحت عيوني مصدوووم من هالملااااااااااااااااااااااااااااااااااااااااااااا ك .. نزلت عيوني بسرعه .. ماخذت الا كم ثانيه بس الي شفتها فيه .. لكنها .. اااخ .. اخ .. اتينن ..

تذكرت بسرعه رجعت للريايل .. وانا متدوده .. فتحت عيوني .. ونزلت تحت ودعت سلوى الي فتحت لنا مناحه .. جفت فيصل .. ابتسم بس بطريقه .. ماطمنتني ..

ودعتهم وانا قلبي ناغزني .. وخصوصا يوم ان فيصل مارضى احد فينا يروح يوصلهم ..

حطيت راسي ع المخده .. وصكرت عيوني .. فتحت عيني وحسيت بااحد عندي .. جفته منصور .. ابتسمت ..

: هلا منصور؟؟ ..

منصور : اهلين .. احم .. يالله ماشبعت رقاد؟؟

انتبهت ان الحين الظهر .. حكيت راسي : اوو ماحسيت والله ..

خلاص الحين قايم .. تمغطت .. وقمت من النوم .. بدلت .. ونزلت تحت .. كانت سارة قاعده تتريق ..

: صباح الخير؟؟

رفعت عيونها : مساء النور .. قعدت وسحبت خيارة من صحنها : توج قايمه؟؟

هزت راسها : اي ..

اشرت ع كرسي منصور : وينه؟؟ ..

عدلت شيلتها .. طالع ..

عقدت حياتي .. من شوي كان عندي فوق .. مداه يطلع .. : اها .. يوعان ..

مدت صحنها : هاك كل؟ ..

استحيت .. وقلت بااحراج : لالا مب قصدي ...

ساروة : اشدعوه والله تاخذه ..

خذت الصحن وانا منحرج .. كنت اقصد اني اقول يوعان بس مب قصدي اكل من اكلها .. فشيله والله .. : امممم .. ابي اخذ رايج فـ شي ..

رفعت عيوني : قول ؟؟ ...

..: انا احبـ

رن موبايلها وقطع علي كلامي .. وردت ويه تضحك : هلا شيووم .. اشرت لي انها بتروح فوق .. وهزيت راسي .. ماقدرت حتى اكمل كلامي

رفعت عيني \.. لقيت منصور يطالعني بعصبيه .. تحرك بسرعه من جدامي .. وركضت وراه \.. لا يكون يفهم غلط .. والله قصدي اقول احب بنت مب هي .. مب سارة ..

لا يامنصور لا .. ركضت وزخيته يريته لغرفتي .. وللاسف يوم دخل غرفتي كان ثوبي وطبعه الروج فيه مرمي بوضوح .. واول شي طاحت عين منصور عليه ..

وقف عند الثوب .. ونقل نظرته بين الثوب .. وبيني .. كان واضح ان طبعه الروج يديدة .. مب قديمه لها سنين ..

عقد حياته : وصلت فيك يا سالم .. اتخوني ؟؟! .. وفـ من؟؟ .. زوجتي ياسالم .. زوجتي ..!!!

كان فاتح عيونه مندهش .. رحت لعنده .. : لا يا منصور لا تفهم غلط ..

ضربني وسدحني بالقو ع الارض وقعد يضربني مقهوور .. اتوقع ردت حالته مثل قبل يوم ينقهر من شي يبدأ يضرب ويفلع ..حاولت ابعده .. وانشق شوي من ثوبه .. لكن مااهتم .. و كان ويهه احمر وهو يصرخ علي : انا يا سالم .. انا؟؟ ..

دزيته بقوه وفلعته بعيد عني .. ركض مثل المينون للكبت ..وقعد يفتش بين الثياب عن دليل ثاني يدين .. ساره ... ويديني معاها ..

كنت واثق ان مافي شي فالكبت .. لاني متأكد مليون فالميه اني تخلصت من كل اغراض سارة .. حتى الصور .. رديتهم لسلوى بدون ماتدري .. او تحس بشي ..

وقفت مصدوم وانا اشوف قميص نوم اصفر .. سحب القميص .. وطالعه .. وعيونه انقلبت حمرا ..

صرخت بعصبيه انقذ سارة : منصور مااسمح لك تفتش فاغراضي ..

09-27-2010, 12:24 PM

انا : قمرهم كلهم

اضفني كصديق

قرب لعندي .. ودفعني على الطوفه .. طحت ع الارض .. وسحبني وثبتني ع الطوفه .. وضرب بكل قوته على الطوفه حذاي وهو يصرخ : لييييييييييش؟؟ انا اخووووك يالحقير انا اخوك يالـ****** يال*******

بعدت يده بعصبيه من على الطوفه قربي : مااسمح لك تشك فيني وفمرتك

صرخ علي : جااااااااااااب .. مابي اسمع اسم مرتي على لسانك يالوسخ .. عاجبتك ها ؟؟ .. خلها لك .. مابيها .. عافها الخاطر .. وبتزوج عليها .. وبعور قلبك .. لاني مطلقها ولاني متزوجها ...

قلت بعصبيه : ياخي افهم قلت لك لا تشك .. هذا .. هذي بجامه مرتيييييي الي تووووووووفت .. ارتحت ..

طالعني مصدووم .. وفلع القميص من يده على ويهي .. رفعت القميص من على ويهي .. وطالعته .. يروح يمين ويسار ..

وشاد على شعره .. رد وقف عندي .. ونظرا لانه مايعرف فسوالف الارواج .. ومايعرف اذا كانت طبعه الروج قديمه ولا يديدة .. هذا الي استشفيته من عصبيته .. ومن تصرفه .. غمضت عيني .. وانا مرتاح اني تخلصت من هالهم .. وطالعت قميص سارة .. يالله .. صج ان الله يمهل ولا يهمل .. من كان يتوقع ان في احد من اهل البيت يدري عن علاقاتي؟؟ .. من كان يتوقع ان واحد من بيتنا راح يدري وايي يأكلني سطارات .. ومابغيت انكشف الا عند منصور؟؟ .. واعتقد انها زوجته .. مسحت خشمي .. ازيح قطرات الدم الي كانت تحرقني .. صكرت عيوني وانا احس بدوخة ..

قرب لعندي منصور .. ويراني .. صكرت عيني بطواعيه .. مااقدر اتحرك .. حتى لو ذبحني الحين .. مالي حيله ..

سدحني ع السرير .. وباسني على راسي بعمق : اسف سالم .. ظلمتك ..

فتحت عيوني بصعوبه .. وجفت ويهه بضبابيه : وتضنها فيني؟؟ وفبنت عمك؟ .. افا يامنصور ..

صكر عيونه وكأنه يقول لي خلاااااااااااااص ...

: بس .. خلااااص .. انا مادري شسوي .. ارضي من .. قلبي ولا عقلي .. سالم .. سالم انا ضاييييييييييع يا ساااااااااالم مادري شسوي؟؟ مادري ؟؟؟

طلع بسرعه .. وانا صكرت عيوني متألم .. اااااااااااااااااااااااااااااااااااااااااااااااااا اااااااااا خ ... لكن احس براحه رهيييبه فداخلي مسكت خشمي متألم .. ماعليه .... اهم شي ياسارة انه ماصار شي ..

......................

"سارة "

دخل منصور واثيابه مشققه .. شهقت : اقول .. شيوم بكلمج بعدين اوك؟؟ ..

صكرت من عند شيوم .. وبسرعه ركضت لمنصور متخرعه : منصور اشصاير .. اشفيك .. من سوا فيك جي .. منصوووور ... منصوووور ؟؟؟

كان يطالعني .. ومافهمت شنو يطالع ؟؟ او لوين يبي يوصل من تأملاته ..

مسكت جتفه هزيته بخفه : منصووور ؟؟ ..

صكر عيونه .. ورد فتحهم .. تنفس بقوة : جهزتي اغراضنا؟؟...

هزيت راسي ببلاهه : اي .. من سوى فيك جي؟؟ ..

تركني وراح الغرفه .. توني بادخل الغرفه بجوفه شفيه .. الا جفته طلع .. ودخل الغرفه الي دايم مقفله .. سمعت صوت شي ينكسر .. وتلاه صوت ثاني .. صرخت مرعوبه .. وركضت للغرفه .. طقيت الباب بعصبيه : منصوووور فتح .. منصووووور فتح الباب ..

ماكان فيه اي صوت غير صوت اشياء تنحذف .. تخرعت وابتديت اصيح .. دقيت الباب بضعف : منصور فتح الباب ؟.. فتح .. صرخت بصياح وانا انادي سالم ... ساااالم ؟؟ .. ساللللم ..

انفتح الباب بقوة .. ويراني معاه لداخل الغرفه .. وصكر الباب بقوة اكبر .. صحت وانا اجوفه بخير ومافيه شي .. يراني لصدره .. ولمااني بالقو .. وكأنه خايف ؟ .. مادري .. مافهمت .. لمته كانت غير.. يمكن كانت لمه تملك .. يمكن لمه واحد محتاج حنان .. حرام عليك يا منصور .. انته ليش محيرني ليش ؟؟ ..
لميته وصحت : منصور اشفيك ليش جي حالتك اشصار؟؟ شالي قلبك؟؟ ..

كان تنفسه العالي وصدرة الي يصعد ويهبط هو الجواب على اسألتي .. ابتعدت عنه .. وجفت ويهه .. كانت عيووونه حمــــر .. وكان يطالعني .. ارتجفت بخوف : اشصاير يا منصور .. ؟؟ صحت خايفه ...

رد لماني له : مافي شي .. تطمني ..! صديق لي وحالته خطيرة..!!

مسحت دموعي بجف يدي .. ومسكت خده : مااات؟؟

هز راسه : لا ..

سكت محتارة : بتأجل السفرة يعني؟؟ ..

حاولت عضلات ويهه ترسم ابتسامه صغيره .. صغيرة وااااايد .. : لا ... مدام كل شي جاهز .. بنروح .. ورفيجي اصلا مب فالدوحة .. تكلمين من؟

هزيت راسي بتفهم .. عفس شعري : رفيجتي .. على فكرة .. سلوي طرشت مسج .. وصلو لندن .. بس اتصل لها ماترد .. من احين خذاها فيصل عنا ..

قرص خدي : يالغيوورة .. يالله اجهزي عشان نمر بيتكم نسلم عليهم قبل لا نسافر ..

هزيت راسي بـ اوكي ..: وبنمر يدتك ...

طالعني بباستغراب وابتسم وهز راسه بـ اوكي... وابتعدت عنه .. جفت الغرفه بااستغراب ..اما هو .. يراني بيطردني .. قلت بترجي : لالالا بلييييييييييز بس بجوفها مابسوي شي ...

كأنه اقتنع .. وتركني .. وقفت مدهوووشه .. كانت الغرفه متروووسه لوحااات .. قلت ببلاهه : اللـــــه ... من وين لك هاللوح ؟؟ ..

دارت عيونه ع المكان .. وكان كأنه يحاتي شي .. وارتاحت عيونه من استقرت على لوحة طايحة ع الارض .. ومقلوبه ..

وقفت اتأمل اللوحات .. وجفت علب الالوان والوان زيتيه ومائيه .. قلت بااستغراب : انته ترسم؟؟ ..

سكت .. وقال بغموض : من الاعداديه .. بديت اتعلق بالرسم .. وفالجامعه ابتديت ارسم اكثر واكثر ..

هزيت راسي بتفهم : اها .. حلوة موهبتك .. اشرت على لوحه كانت كأنها جبل ومن داخله البراكين متناثرة حباتها على حدود الجبل : اللاااااي .. هاي انت مسويه؟؟

هز راسه بــ نعم .. جفت الالوان واندامجهم وتدرجات اللون الاحمر بـ حجرات النار ... : وااااايد حلووووة اللوحة .. ياسلااااااااااااااااااام فله ريلي فنااان ..

ابتسم .. وحط يده على جتفي : عجبتج ..

هزيت راسي موافقه .. طاحت عيني ع التوقيع .. وكان توقيع غريب يحمل اسم يبدأ بحرف الميم .. اكيد يقصد فيه اسمه .. ايه اكيد ..

ابتديت ادور فالغرفه .. ووقفت عن اللوحه الي طايحه مقلوبه .. رفعتها ومافهمت شي غير وجود البحر هايج .. لكن يوم بعدتها شوي .. ورحت وقفت عند منصور الي يطالعني مندهش .. : وااااااااو شنو هاي صورة بنت فالبحر؟؟ ..

طالعني .. ورد يطالع اللوحة بهدوء .. قربت من اللوحه وقعدت ادقق .. ملامح البنت مألوفه .. احس اني جايفه هالبنت.. بس وين مااتذكر .. من يحمل مثل هالعيون الحاده؟؟ .. عقدت حياتي وقلت بااستغراب : هاي انته الي راسمها؟؟ ..

سكت فترة وبعدين جاوب : اي ؟؟ ...

قلت بااستغراب : بس التوقيع غير عن رسوماتك الباقيه؟؟

اندهش وملامحه اكتسبت الاندهاش : ماشاءالله عليج .. لحقتي تحفظين توقيعي؟؟ ..

وقفت اطالع الرسمه .. ودققت فالتوقيع اكثر .. : اي غير .. جوف هني نفس رقم 8 (بالانجليزي نص الثمانيه s) وهناك نفس ممم حرف الـ L

قال لي : اي غيرت التوقيع .. هذي الرسمه توني راسمها من 3 شهور .. تقريبا ..

فتحت حلجي مستغربه :: 3 شهور قاعد على الرسمه؟؟

هز راسه : اي .. ماكنت قادر اضبط ملامح البنت .. او البحر ..

طالعت الرسمه بااستغراب : والله؟؟ .. كملت بفضول ... من هالبنت؟؟ ...

طالعني : وليش اللقافه ؟؟ ..

عصبت .. : من هذي؟؟ ..

ضحك : محد مع ويهج بس جي ماكنت قاصد ارسم بنت انتي توج تقولين لي انا كنت راسم بحر ..

هزيت راسي: اها .. انزين وخر اخرتني .. بروح البس عشان نلحق نسلم عليهم ساعه كم طيارتنا؟؟؟

منصور : بعد 4 ساعات .. يالله .. روحي تجهزة وانا بودي الجناط المطار اوك؟ اذا تأخرت روحي بيت ابوج سلمي عليهم واانا بمرج

قلت بااستفهام : ويدتك؟؟

قال بضحكه : لازم تمرينها يعني اتصلي فيها

قلت بعناد : لا ابي امرها ..

منصور وهو يخربط شعري : حاضر يالله انا رايح .. هاي هي الجنطة ؟

طالعت الشنطه الي اشر عليهم .. وهزيت راسي : ايه ..

طلع منصور وهو يسحب الشنطة .. كانت شنطة مشتركة بيني وبينه

قبل لا ادش الحمام .. اتصلت فعذوب .. سلمنا عليهم اليوم الصبح قبل لا يسافرون رادين الامارات .. يحليلهم فديتهم والله فيهم الخير دايما راعيين واجب .. ياو يحظرون عرس سلوي

دخلت الحمام اخذ لي شور .. ورن تلفوني سلوى .. بس انا كنت بعيدة عن التلفون

رديت اتصلت لها اكثر من مرة بس ماردت علي .. وصلت بيت ابوي .. ونزلت سلمت على امي ومرام وماجد .. وقعدت ويسوف يلعب حوالينا

ماجد : سوير قومي يبي لي ماي عطشان

تخصرت : ليش عيوني وين مرتك؟؟ لايكون بس ناقصها ريل عشان اتقوم وناقصتها يد عشان اتصب لك وناقصتها عيون عشان اتجوف الدرب

دزني ماجد لاني كنت قاعده بينهم : وخري يالله فزي يبي حق الشيخ ماجد شي يشربه

طالعته بنص عين : لاوالله؟؟ .. "كملت بعيارة" هاي وانا بسافر وبهدكم واتشغلني بعد .. جفتي يمه جفتي ولدج شيسوي فيني .. فبنيتج الي بتسافر فوحيدتج .. بتشتاقون لي هالمرة محد بييكم اليمعه

ضحك ماجد وهو ينغزني : عن العيارة اما امي هزت راسها وهي تضحك

نقزت من نغزة اصابعه : وجع خرمت بطني

ضحك ماجد .. وقلت بااسلوب تذليل : واذا يبت لك ماي شبتسوي لي؟؟

بقق عيونه : استحي على ويهج تزوجتي وماهديتي هالاسلوب؟؟ ..

مديت يدي جدام حلجه بحركتي الدااائمه يوم يطلب مني شي: يالله بوس يدي قبل لا ايب لك ماي ..

ضحك ماجد وقال بروقان : وبعد شنو تبين مدام منصور؟ ..

مسك يدي الي كنت رافعتها لشفايفه .. رفعت عيوني بتشرط : هو لا مانع من ايسكريم باسكن روبنز ودوارة لمده نص ساعه فقط لان وراي مشوار مهم .. حركت شعري بيدي الثانيه وكملت بغرور مصطنع .. خبرك بزنس ومان وماعندي وقت يعني اتعرف شركاتي تارسه الدنيا ومحطمه الاسواق العربيه .. وه فديتني بس

ضحك ماجد وضربني ع يدي الي مادتها جدام ويهه : استحي على ويهج ولا تبيني ابوس يدها بعد .. اقطعي يالله.. نزلي يدج اجوف

نزلت يدي مبوزة .. ومرام وامي ميتين ضحك .. وقلت بتهديد : انزين .. بتجوف .. هين .. لاتتصل لي بعدين تبي شي من لندن ... سامع صديت بغرور وانا رافعه خشمي وهو يضحك

قال ماجد بغرور : وي عشتاو وليش اتصل لج .. عندي منصور .. ولا ليش منصور بعد ؟؟ .. عندي محل هارودز بكبره بس اتصال مني وايبون لي الي ابغيه خبرج بعد شايرين هارودز مب اي شي

عفست ويهي : عشتاااو .. الي يسمع بس انتو الي شايرين هارودز .. صبرك علي قاعده ايمع فلوس بشتري برج ايفل

حركت حواجبي فوق تحت بشطانه .. ومات علي من الضحك : ياحبكم للفسق" الفشخره .. " يالخليجين

ضحكت وقال لي : يالله لا تضيعين الموضوع روحي يبي لي شي اشربه نشفتي ريجي مع سوالفج الي تنشف الريج

ضحكت ورحت المطبخ عفسته لين ماطلع اربع جلاصات .. وصبيت فيهم عصير فرش كانت مسويته مرام بس حاطته فالثلاجه حتى يبرد اكثر واكثر ..

وصلت الصاله ووزعت عليهم العصير وانا اقعد عند امي والمها واقول بكذب عيني عينك : شغل ايديه وحياة عينيه

مرام فتحت عيونها : يالله جووفو الجذااابه البواااقه ..

ضحك ماجد .. وسحب يد مرته وباسهم : فديت يدها الي سوته

عاد تعالو جوفو مرام .. وامي كانت لاهيه تستغفر بمسباحها يعني محد منتبه الا انا ومرام ههههههههههههه ضحكت وانا ويهي يتقطع من الحيا بس الا اخلي مرام تعصب : هههههههاي

مرام همست : سخيفين

ضحكت وقلت بخبث : منهو؟؟

مرام : انتو الاثنين؟

ضحكت بعبط : لا فديتج انا السبت وريلج اليمعه محد فينا الاثنين

ابتسمت وقالت بعبط : هيهيهيهي يمه يمه دلدغوني .. قالت بجديه :مااتضحكين انزين

ماجد بلعانه دلدغها : ههههههه افا عليج انا موجود وحاضر افا عليج بس

ضحكت مرام وهي تبعد يده : يالدب انت .. بس ههههه ..

يسوف يه وقعد عندي : ئمه .. متى بتلوحين؟؟

طالعت ماجد : حتى ولدك نفسك ويهه قوي ههههههههه .. طالعت يسوف وقرصت خدوده بالقووو .. وفديييييييت الخدوووووووووود بشتاق لهم ياااااانااااس.. صراحه مرام .. تعبتي وانتي تربين خدودة ..

سحبته مرام وهي تبوسه وهو صرخ يصيح : فدييييييييييته والله مشاالله لا اله الا الله .. قل اعوذ برب الفلق .. والله محد صاك ولدي بعين الا سوير ..

مت من الضحك .. : مع ويهج .. ياني اتصال منصور ..

يالله منصور بيدش يسلم عليكم .. وبنروح ليدته ..

دخل منصور ..

09-27-2010, 12:25 PM

انا : قمرهم كلهم

اضفني كصديق

(انته في حياتي شي مهم ... غالي ولا يسواك مخلوق )

"سلوى "

قمت من النوم .. وانا احس بصدااع فضيييع فـ راسي .. تحركت بهدوء ع السرير .. حسيت رقبتي تعورني .. تأوهت وانا امسك رقبتي .. التفت يمين يسار .. عقدت حياتي .. مسكت راسي وصكرت عيوني بألم وانا صور زواجي امس .. تتهالك وتكسر راسي .. كلام فيصل .. وطعناته .. مارقدت الا ساعتين ؟؟ او اقل ..

هو حبي الوحيد ..وطلع سراااب .. سرااااب .. المتني هالكلمه ... ونزلت دموعي غصب عني .. مسحت دمعتي
توجهت بصعوبه .. للباب الوحيد الي موجود فالغرفه .. رتبت بانطلوني الي نمت فيه .. وعدلت قميصي .. فتحت الباب بهدوء .. وتوجهت للباب الي موجود احذا غرفتي .. كان الحمام .. طلعت من الحمام بعد ماغسلت فويهي .. وبالي لا زال مشغول .. صكرت باب الحمام بهدوء ..

رفعت عيني .. وطاحت بعيون فيصل .. لكنه صد وراح متوجهه للصاله

جرحتني واقفيت وشلون قفّيت
مالك ضمير ولا إحساس ٍ يجيبك

بعد المعزه بعتني ثم تغليت
بعت الخفوق وبعت منهو حبيبك

لا واحسايف قلبي اللي لك اهديت
وعمر ٍ مضى مابين صدك وريبك

مدري انا وشلون عني تخليت!
ولا ادري انا وشلون تهجر قريبك!

ولا ادري انا وشلون حبي تناسيت!
ولا ادري انا بعدي من اصبح صويبك !

رح قد ماتقدر وللي تمنيت
وانا عليّ آقول ... الله حسيبك

للشاعر فهد الديحاني

حسيت اني باصيح مب مستعده للمواجهه مب مستعده .. رحت لغرفتي .. وقعدت على طرف السرير .. افكر .. لازم اعرف متى راح اتطلق .. ولو تطلقت ابوي بيرضى اكمل دراستي هني؟؟ .. حسيت بغصه كبيرة فقلبي وحسرة .. حسره على عمري وعلى قلبي الي راح هباءا منثورا .. حبيت .. حبيت السراب ..

مسكت تلفوني .. الي هداني اياه .. وطالعته بـ ألم .. طرشت مسج لسروي .. وجفت مكالمات اشكثرها .. صكرت عيوني .. ورديت فتحتها .. غيرت اسم ريلي الى " الرجل السراب" وغيرت النغمه ..

ماظنتي .. ماظنتي ..
الله كتب لي في الماضي وداعك
كن ضياعي انكتب لي من ضياعك
ضيعتني حسبي الله عليك
وتقول ان الوفا هو من طباعك
ماظنتي هالعمر بنعيشه سوا
مانلتقي ولا عاد يجمعني الهوى
كنت اظنك انته لجروحي دوا
آآه ضيعتني حسبي الله عليك
واتقول ان الوفا هو من طباعك
دامك انته الي بعذابي ابتديت
وانا بجروحي وفي همي رضيت
ومثل ماتقوى على الفرقى قويت
ضيعتني .. حسبي الله عليك
واتقول ان الوفا هو من طباعك

فلعت التلفون بااهمال ع السرير .. وانبطحت وانا اجوف السقف واحس بحززن .. حززن عميييق ... صكرت عيوني وانا احس بالدمعه تسيل على خدي .. رفعت يدي مسحتها .. وتبعتها دمعه ثانيه وثالثه .. اندق الباب .. وسحبت حبة كلينكس .. مسحت فيهم دموعي .. تمنيت ان للغرفه حمام .. حتى انخش فيه عنه .. صكرت عيوني ..

ودخل .. وانا لازلت على حالي .. عطيت الباب ظهري .. وخبيت ويهي في المخده .. صكرت عيوني وانا اسمع صوت خطوات على الارض .. حسيت بثقل ع السرير : مابتقومين تتريقين ؟؟ ..

هزيت راسي بـ لا .. وانا لازلت دافنه راسي في المخده ..

شكله عصب لانه صرخ : اكلمج انا لا تعطيني ظهرج ..

كنت للحين على حالي .. توني بارفع نفسي ولا انسحبت من شعري بقوة .. طالعته باانكسار : يوم اكلمج تجابليني سامعتني؟؟ .. وهالحركات خليها عنج .. ماراح تعورين لي قلبي .. انا اصلا ابي احرق قلوبكم ..

كانت دموعي تسيل سيلان على خدودي ويده الي ماسكه ذقني بقوة ., : قومي تريقي قبل لا اتطيحين علينا .. مب فاضي لمراكض المستشفيات ..

نطقت بهمس مجروح: مااشتهي !

صرخ علي بقوة وانا صكرت عيوني متأذيه ومصدومة من هالانسان ..طاحت دموعي بضعف : انا مب فاضي لدلع النسوان لا تحسبين اني باخذج بالاحضان ااكلج ؟؟ .. قومي خلصيني ابلعي لج جم لقمه .. وعلى طريجي بقطج الجامعه حتى تتعرفين على كلاساتج !

بلعت ريجي بصعوبه .. وسكت .. هزني بعصبيه : تسمعين ولا لاء؟؟

طالعته مستغربه قدره هالانسان على الخداع .. اشلون صدقته ؟؟ .. اشلون حبيته ؟؟ .. دمعت عيوني وانا احس نفسي انخدعت .. انخدعت وااايد .. تذكرت اشلون قلبي كان يطير يرفرف عالي من اسمع حسه ولا من اكلمه .. تذكرت اشكثر كنت احس اني فرحانه .. كنت احس كأني اعيش حلم فوق السحاب .. وفجأة اختفت السحابه .. وطحت بقوة على الارض .. وتحطم الحلم وتناثر فتااات .. فتاااااات .. اطلع من جوف الالم واطيح فـ فوهة الم اكبر واكبر ..

هزيت راسي بكل الم .. وطلع معصب .. وصكر الباب .. سوري .. رقع الباب ... حسيته رقع قلبي .. مشيت بخطوات هاديه طلعت من الغرفه .. ووصلت لشنطتي .. سحبتها بقله حيله .. وكانت للاسف ثقيله .. ثقيله وايد علي .. يريتها بألم وكأني اير روحي من جسمي .. احس اني تعبانه .. تعبانه ابي ارقد .. ابي ارتاح .. والله ابي ارتاح .. بس يوم في حياتي ابي ارتاح فيه ..

تذكرت يوم كنت صغيرة .. من يوم يومي كنت اتجرع الحزن .. حسيت الشنطة خفت فيدي .. معقوله جروحي ومعاناتي والالم الي احس فيه خفف من ثقل الشنطة .. التقت عيني بظهر واحد جدامي .. ير الشنطة من يدي ودخلها غرفتي .. وطلع بلا مبالاه .. وقال بعصبيه : خلصيني .. للسنه اليايه يعني انطرج؟؟ ...

نزلت عيوني .. وتحركت من جدامه ذليله .. مهزومة .. غيرت لبسي .. وختمت لبسي وانا اصكر عباتي واحكم على شكلي النهائي بعد مالفيت شيلتي علي .. قررت احط كحل يخفف من احمرار عيوني .. واستخدمت جلوس لامع بس .. وطلعت من الغرفه ..

صرخ فيصل بعصبيه : اشحاطة فويهج .. ؟؟ ..

ترقرقت الدموع فعيني .. ماتعودت احد يعاملني جي .. صحيح كانو يعاملوني بجفا في البيت .. بس مب بهالطريقه الحقيره .. سحبني من يدي ووداني الحمام .. ورش الماي على ويهي مرات ومرات ..حتى ان شيلتي تلعوزت من قطرات الماي .. مسك الفوطة الصغيره ومسح فيها ويهي بقسوه .. كأنه ناوي يطمس ملامحي

قال بعصبيه : اشحاطة على خدودج .. شنو هالروج الي حاطته ومب راضي يتمسح ؟؟ ..

طالعت ويهي بالمنظرة الي جدامي .. كانت شفايفي محمرة وايد .. وخدودي كاسيها اللون الوردي .. وهاي كله من قله الرقاد والصياح ! .. قلت بخوف : ماحاطة شي .. حطيت بس اجلوس !

صرخ علي بعصبيه واانا صكرت عيوني متخرعه : ياااااااااااااااااهل عندج تقصين علي ؟؟؟؟

هزيت راسي وقلت والدمعه بعيني : والله العظيم ماحطيت الا جلوس وكحل والله العظيم!

طالعني متنرفز : اطلعي تريقي ..

فتحت حلجي بتكلم صرخ : جداااااااااامي ..!

تحركت بسرعه خايفه.. ورحت المطبخ .. وكان فيه فطور .. شكله شاريه من برع .. قعدت على الكرسي .. وطالعت الريوق .. ومامديت يدي .. سحب خبزة ودهنها بالجبن .. حط بداخل الخبزة شريحه خيار : خلصيني ماعندي وقت ..!!

مسكت قطعه الخبز وتلامست اصابعي بااصابعه .. وتوني باابعد يدي الا وهو يفتح يدي ويحط السندويجة فيهم .. ويبعد يده .. ويطالعني بعصبيه

استحيت اكل جدامه .. ونزلت عيوني .. وصكرت عيوني بقوة من سمعته يقول : لاتنرفزيني مع الصبح .. تراني للحين احليو وياج ..!

كل هذا حليو؟؟ .. بلعت ريجي .. ورفعت السندويجة لحلجي كلت لقمه صغيرة .. وهو تحرك من جدامي .. رايح ييمع اوراقه واوراقي .. كلت اللقمه .. وعجبني الطعم .. كلت لقمه ثانيه ..واكتفيت .. شربت من الجاي الي صبه لي ..

رفعت عيوني يوم حسيت بحضورة .. كان واقف ومتسند على الباب.. وقال بهدوء : خلصتي؟؟ ..

هزيت راسي بـ اي .. وانا احس بغصه فحلجي .. قال : يالله مشينا ..

تحرك .. وقمت من الكرسي .. ورحت وراه .. تذكرت اني مااخذت جوالي .. رجعت لغرفتي خذت جوالي .. وحطيته بشنطة اليد مالتي .. وتحركت .. وجفته واقف معصب : وبعدين معاج انتي ناويه تأخريني؟؟ ..

طالعته بحيرة .. يا تقلبات هالانسان .. تونا ماصار لنا 24 ساعه مع بعض وهو جي ..! نزلت عيوني للارض .. سحبني من يدي .. وانا فهيت .. حسيت انفاسي بالغصب التقطها .. وقلبي يدق بالقو .. انا ليش جي ؟؟ .. ليش غبيه؟؟ ليش احب واحد .. خذاني مجرد وسيله ينتقم فيها من اخوي .. اشسويت يا سالم ؟؟ .. اشسويت عشان استحق اذوق هالعذاب اول ساعات زواجي؟؟ .. اشسويت؟؟ .. قررت اكلم .. سالم .. واعرف .. حتى اتخلص من هالحيرة ..

وصلنا الجامعه وبركن سيارته بعيد عن الجامعه باامتار طوووويله .. قعد فالسيارة وقال لي بأمر : طلعي وروحي الجامعه .. بتلاقين واحد في اول صاله على ويهج .. اسمه ارسلان .. وهو الي يعرف الطلاب ع الجامعه وكلياتهم وقاعاتهم .. وبيعطيج الجدول .. روحي جيكي ع المباني والكلاسات وردي ..!! دوامنا بعد 3 ايام .. انا تعمدت اجدم العرس عشان الدوام .. وخبجر مافيه شهر عسل ! .. بس كانت حبكة مني ..!

طالعته بخوف .. وطالعت الجامعه البعيده والي تبين انها ضخمه وكبيرة : اروح بروحي؟؟ ..

قال بمصخره : اي عيل تبيني اروح وياج؟؟ لا يبه انا قايل لربعي مرتي ماتدرس فالجامعه .. ولان اوردي انفصالنا قريب مايحتاي افضح نفسي !! ..

يعتبرني فضيحه؟ .. كل هاي كره وحقد على سالم .. اشسويت ياسالم .. وربي دمرت حياتي .. حسيت دموعي تتلألأ فعيوني .. ياناس اخاف ادخل مكان بروحي .. ولا بعد الجامعه .. والمصيبه جامعه مختلطة .. والمصيبه الاكبر والاكبر .. انها مب فبلادي .. يالله.. يالله ..

رفعت عيوني له وقلت برجاء عمييق : فيصل بليييز تعال معاي .. اخاف اروح بروحي ..

طالعني بطرف عينه .. وفتح الراديو .. وكأنه مايسمعني .. وطول ع الصوت ..

طالعته بألم .. وقهر .. حسيت بالذل .. والاهانه .. والكراهيه لهالانسان ..وعلى الرغم من هاي كله .. احبه .. غباااء مني ليش احبه؟؟ ليش .. ليش .. حسيت قلبي يتقطع ويتقطع ويتقطع .. كتمت شهقتي ...ومسحت دموعي .. وظليت اطالع المبنى بخوف .. وانا احاول استجمع قوتي ..

سمعت صوته وهو يقصر ع المسجل : لج نص ساعه بس .. واذا ماتحركتي بتحرك ومب راجع هني .. واذا مارديتي قبل الـ نص ساعه .. دبري روحج !!

سكت افكر .. اذا ماطلعت راح اقضي هالفترة بدون دراسه بدون اي شي .. وهذا شي صعب علي خصوصا مع انسان يكرهني ومايداني عيشتي معاه .. انزين واذا مثل ماقال طلقني .. انا وين اعيش؟؟ .. ودراستي؟؟ .. اقول لاهلي؟؟ .. لالا سلوى .. اذا تطلقتي انتو عندكم شقق وبيوت فلندن .. قعدي فـ اقرب شقه للجامعه .. وكملي دراستج وردي لهم بورقتين .. شهادتج .. وطلاقج .. صكرت عيوني بألم .. ارد بالثنتين ولا ارد بوحدة والغضب ماليهم علي .. اي .. اي ..

تشجعت .. وسميت بالله .. وفتحت باب السيارة .. طلعت .. وتوجهت لطريج الجامعه .. فنص الطريج التفت لـ فيصل .. يمكن اني بكسر خاطره وبينزل معاي .. لكنه كان صاد وهو يحرك راسه وشفايفه تتحرك مع الاغنيه الي مشغلها في السيارة .. نزلت راسي بحزن وطاحت دمعتي على خدي ...

تحركت ورحت للجامعه واول مااستقريت في ساحه الجامعه وقفت اطالع الطلاب الي متجمهرين صوب قاعه معينه .. وطلاب ثانيين قاعدين على عتبات الساحه .. والبعض منهم قاعد حوالين نافورة كبيييرة وموزعه مجسمات بااشكال مختلفه بداخل هالنافورة .. ولفتتني الحديقه التابعه للجامعه .. حسيت بخوفي شوي شوي يقل .. وحسيت باانتعاش وانا اجوف مجموعه من البنات يضحكون ويرتبون فـ اوراقهم .. مرت من احذاي وحدة متحجبه .. واستانست .. الا تشققت .. قلت بااحراج بعد ماشفت نفسي مب عارفه وين غرفه التعريف : لو سمحتي .. لو سمحتي ..

التفتت البنت .. وكان من ملامحها ادل انها من الخليج بالاخص يبين عليها مب قطريه .. شكلها سعوديه او كويتيه ..

قالت بهدوء وابتسامه طفيفه على ويها : هلا والله .. امري الشيخه؟؟ ..

ارتحت وتنفست الصعداء من كلامها .. ابتسمت بخوف وبربكه : آآآ انا طالبه يديدة ..هني ... ومب عارفه وين قاعه التعريف .. ومن وين اخذ جدولي .. و و و .."كملت بحرج بالغ" ماعرف شي !!

ابتسمت ..ومدت يدها تسلم : هلا والله .. معاج ريم من السعوديه " اسمحولي هل السعوديه بتكلم قطري " .. افا عليج .. تشرفنا

مديت يدي وسلمت عليها ..وقلت باارتباك بالغ وبحرج : آآآ معاج سلوى .. من قطر .. آآ شكرا .. الشرف لي .. حكيت طرف يبهتي بتوتر

قالت بعبط : زين .. انا لي 3 سنين هني .. وبدليج ع القاعات .. بس قلتي لي اول شي تبين جدولج صح؟؟

هزيت راسي بطريقه طفوليه عفويه .. وانتبهت وقلت : أأ أي .. لو ماعليج امر ؟؟ ..

ضحكت وقالت : لا عادي .. اصلا بس جايه مع بنت اختي نفسج اول سنه وحابه اعرفها على الاماكن ..

توني انتبه لبنت اختها .. ومديت يدي بخجل فضيع: هلا والله .. معاج سلوى ..!!

ابتسمت البنت برقه : اهلييين .. وانا سارة ..

ابتسمت وانا اسمع اسمها .. ذكرتني بسروووي .. فديتها وحشتني والله .. مع ان مالي الا يوم ونص من مفارقتهم .. حسيت الدمعه تلمع بعيني من فراقهم ..

قالت ريم تختصر الوقت .. : يالله خلونا نروح ناخذ الجدول .. وكملت بعبط .. ويعييييييييني على صداعكم شكلكم خوافات .. اشفيكم تتراجفون؟؟ ..

انتبهت ان سارة بعد خايفه مثلي وابتسمت لها .. وضحكنا واحنا متوجهين لقاعه معينه .. حسيت براحه فداخلي اني لقيت احد يساعدني وماتوهقت .. ابتسمت باامتنان وانا احمد الله بداخلي ..

بعد ساعه الا ربع انتبهت ع الوقت .. وشهقت .. : آآآآآآه

ريم : ايييييييييييش؟ .. شفيج قطعتي قلبي

وقفت بسرعه .. وجفت المبنى بخوف : مااعرف من اي بوابه اطلع .. ريلي برع واكيد ينطرني ..

فتحت عيونها ريم بوسعه : انتي متزوووجة؟؟ ..

هزيت راسي بسرعه بـ اي وانا اتلفت خايفه : ريم لو سمحتي .. ممكن تدليني البوابه الي اطلع منها .. اسفه ازعجتج بس والله نسيت الاماكن ..

ضحكت ريم : لا عادي اشدعوه .. جوفي اتجوفين هذا كلاس الماث؟؟ .. عقبه تاخذين الممر .. وبعد الممر تلفين يسار .. وتلاقين بوابه كبيرة .. تطلعين منها وتطلعين من gate 4 وبس ..!!

هزيت راسي .. ووقفت ومديت يدي : تشرفنا انسه ريم .. واسمحيلي ع ازعاجج ..

ريم ضحكت بعبط : اييييييييييييش يابنت؟؟ .. راح اجوفج دوم اكيد مع ساارة .. لانكم نفس التخصص .. وبعدين بيني وبينكم في مواد موجودة عندي وعندكم مشتركة يعني اقدر اجوفكم فبعض الكلاسات .. يالله شكلي سولفت كثير واخرتك على رجلك .. احم .. الا وش اسمه؟؟

ضربتها سارة : وجع رييييييييييم البنت مالها ساعه تعرفج

ضحكت وقلت بعفويه : لا عادي .. اسمه فـ " تذكرت تحذيرات فيصل طول الدرب انه مايبي اي احد يعرف عن علاقتنا .. وانا الغبيه فضحت نفسي .. دورت اسم فمخي يبدأ بحرف الـ ف عشان مايعرفونه .. خفت انهم يعرفونه .. ويسوي لي فيصل فضيحه " فـ فـلاح ..!!

فتحت عيونها ريم : عن جـــــــد ؟؟

سارة دزتني بخفه : يالله روحي .. اشرت على ريم :هذي ماتخلص الا السنه اليايه ..

ضحكت ريم وهي تكشر لسارة : هين سويرة هذا وانا خالتج ..

ابتسمت .. بعد مااتفقنا نتلاقى بعد 3 ايام .. ايام الدوام ..

ركضت بسرعه .. وانا طالعه دعمت واحد وقلت بخوف : sorry iam so so sorry

ماعطيته فرصه يرد اصلا ماانتبهت لشكله .. وكملت ركيضي حتى طلعت من الجامعه وصلت للمكان الي وقف فيصل فيه .. وماكانت السيارة موجودة .. قعدت على الارض وانا الهث .. والتفت يمين يسار يمكن اني ضيعت المكان .. لكن متأكده هو نفس نفس المكان .. انتبهت ان مرت ساعه وربع .. مش نص ساعه .. اكيد راح عني .. هو حذرني .. ضميت ريولي لصدري وقعدت اجوف اثر السيارة .. وابتديت اصيييح ..

...............

" علي"

طالعته انتظر ردت فعله من الكلام الي قلته .. كان معاي حميد .. قررت اول شي اكلم اخوها .. وهو يكلمها واذا تمت الموافقه نتقدم رسمي .. طالعت حميد بتوتر |.. ورديت طالعت سعيد ..

ابتسم سعيد بوسعه : نتشرف فيك والله .. بس عطني كم يوم اكلم البنت وارد لك خبر ..

ابتسمت بتوتر : صار ..
سكتنا .. وكأن الجو تكهرب شوي .. سعيد سأل : معليه يالشيخ .. بس .. ماقلت لي انت بتتم في الامارات ولا فقطر .. يعني عشان الامور تكون واضحه لي ولاختي اذا صار نصيب ..!

ابتسمت : انشالله .. لا افا عليك ولو .. ان شاء الله بكون في الامارات بين فترات والثانيه برد الدوحة .. خبرك الشركة الي فتحناها هني يديده ..

هز راسه سعيد بتفهم : وبالنسبه لموضوع طلاقك؟؟

تضايق علي من هالسيرة : ماكان بينا نصييب ..

سعيد هز راسه وقال : عارف .. بس بغيت اسأل الطلاق صار بعد الزواج ولا قبله ..!!

هز راسه علي : لا بعد .. بعد بـ حوالي 3 سنين !

فتح عيونه سعيد .. وكملت : سنه ونص ملجة .. وبعدها سنه ونص زواج..!!

سكت سعيد وكأنه يفكر .. وابتسم : على خير ان شاء الله ..

قطع عليهم الجو الي كان حاسه علي شوي ويخنقه من كثر توتره .. موضوع زواجة الاولي يوتره بشكل غير معقول .. صوت الجوال .. رفع موبايله علي .. وماكان تلفونه

رفع سعيد موبايله : الو ..

.: هلا والله .. بخير وانتي ؟؟ ..

طالعت حميد الي كان مبتسم ويطالع الناس ..

والله انك يا حميييد رجااال ينشد بك الظهر .. تذكرت خلووف الي كان هو الثاني خاطره ايي بس قال مب ياي ..وانا ادري انه مابيي لانه مايبي يحرجني ولان حميد هو الي يعرف سعيد عشان جذي خذت حميد معاي .. عشان شوي يربط بين الجو بين الفترة والثانيه خصوصا انه يعرف سعيد وانا مااعرفه .!

..:لا طالع .. اشفيها ؟؟ .. امممم .. لالا خلاص شوي نص ساعه وانا عندكم..

سكت وكأنه يسمع ايل تكلمه وقال بقله صبر : عذوب قلت لج برد بعد نص ساعه اوفف بلا حنه ..!!

نزلت راسي اخفي ابتسامتي الطفيفه .. هذي عذبه ! .. والله انها عذبه .. صكر عيونه مبتسم ع الخفيف ..

بعد ربع ساعه اتسأذن سعيد وطلع .. تمو حميد وعلي .. وكملو سوالف وياهم خليفه الي كان مكشر

قعدنا نسولف والا خليفه يقول : الا علي من من الـ)***** بتاخذ؟؟

قلت له اسم سعيد كامل

وفتح عيونه مصدوم : سعييييييد ؟؟!!!

طالعته بعفويه : اي .. اشفيك مصدوم ..!؟؟؟

09-27-2010, 12:26 PM

انا : قمرهم كلهم

اضفني كصديق

ابتسم : لو ادري قصدك سعيد الـ***** كان انا يت بدال حميد .. احم هذا النسيب !!

فتحت عيوني وابتسمت : والله ؟؟ .. هههههههه .. مادريت !كله منك قلت لك تعال

قال خليفه بضحكه : ابشر بوصل لك الموافقه ههههههه

ضحكت وقلت بفرحه : انشالله ..

خليفه / اقول .. بتعشوني ولا اشلون؟؟ ..

ضحك حميد : افا عليك امر بس .. العزيمه على علوي

ضحكت / افا عليكم

خليفه وهو يحوس فالمنيو : زين .. احم .. شنو بتطلبون ؟؟ ..

طلبو الشباب العشا وقضوها سوالف مع بقيه الشباب الي راحو لهم الميلس ..بس كان علي فكرة مشغول شوي .. والشباب حاولو يصفون جوه .. بلعبهم .. خصوصا وانهم قاعدين يلعبون مباراه .. ونهائيه على الكاس ..

............

"سارة "

تونا طالعين من المطار وانا دايخه حدي حدي حدي .. واليوم زحمه مب طبيعيه في المطار .. كنت ماسكة يد منصور خايفه اضيع .. وهو كان يمشي بسرعه .. حتى اني تعثرت كم مرة بغيت اطيح بسبب مشيته السريعه .. وخطواته الواسعه الي صعب علي اجاريهم ..

قعدنا فالسيارة .. والجو البارد يلفحنا .. كانت الدنيا مغيمه .. والجو باااارد .. بااارد وايد .. ارتجفت .. وحسيت البرد دخل فعظامي ..

سمعت منصور يكلم راعي السيارة .. وانا كنت اجوف الطريج وانا ساكته .. مب طبيعتي اتم ساكته بس لاني مسطله حدي حدي حدي .. صكرت عيوني بنعاس .. ورديت فتحتهم .. كلمت منصور : كم باقي لنا لين نوصل بيتكم؟؟

منصور واهله عندهم بيت في الريف في لندن ..بس عمري ماطبيته .. عمري ماجفته .. ولا كنت ادري الا من كمن سنه ,, كنت اطالع الطريج واحس نفسي اشوي اغط "ارقد " وارد افتح عيني .. صكرت عيوني بتعب .. وماحسيت بنفسي الا ومنصور يهزني ..: سارة .. سارة ... سارة قومي .. اوففف .. قومي الريال وصلنا ويبي يروح .. سارة .. سارة..

فتحت عيوني بثقل وانا احس الي جدامي كله ضباب في ضباب .. صكرت عيوني بتعب .. وحسيت بااحد يهز جتفي .. فتحت عيني .. مرة ثانيه .. وجفت منصور .. صكرت عيوني ورديت فتحتهم ومديت يدي حكيت عيني : همممم ؟

سحبني من السيارة وانا وقفت بشوي شوي خفت اطيح خصوصا اني احس اني متكسرة ..

فتحت عيوني وصحصحت وانا اجوف البيت العوووود .. والحديقه الكبيررة اتجنن .. وكانت بحيرة ثانيه موجودة في البيت .. وفيها اوراق الضفادع .. هاي اول مرة فحياتي اجوف بحيرة .. فتحت عيوني مستانسه .. : الله هاااي بيتكم؟؟ ..

ابتسم منصور وهز راسه بـ اي : حياج ..

تحركت بحماس .. ووقفت \:منصور مابتاخذ شنطتنا؟؟ ..

ضحك منصور : يا صباح الخير .. دخلتها ويا الريال وانتي خبر كان اقومج وماتقومين ..

حسيت باانحراج .. : احم .. لاحظت بيت اصغير داخل بيتهم العود واشرت عليه : هاي بيت من؟؟ ..

طالعه منصور واشر ع الريال الي دخل داخل البيت : هذا الحارس .. يالله اشرايج نروح نتمشى ؟؟ ..

قلت بتعب : تعبانه وفيني النودة .. خلها يوم اقوم من النوم ..!!

هز راسه : انا بعد تعبان وهلكان بس قلت شكلج متحمسه وتبين تروحين تدورين .. قلت مااكسر بخاطرها ..

ابتسمت بداخلي .. فديييييييييييييت الي مايبي يكسر بخاطري .. حسيت قلبي يدق بسرعه .. وتجاهلت هالشي : انزين يالله ندش ..

دخلنا .. وانا كنت مبهووورة من المكان .. ومن البيت والاثاث .. اثا راقي .. راقي بكل معنى الكلمه وبيت ضخم وكبيييير واحلا شي حديقته رووووعه .. قالت بااستفهام : البيت كم طابق ؟؟ ..

منصور : اربع .. الطابق الرابع مثل مايقولون مخزن .. والثالث فيه 6 حجر .. والثاني فيه 9 .. والاول فيه 3

هزيت راسي بتفهم .. : كنتو اتيون هني وايد؟؟

ابتسم منصور : اي .. وكانو بيت خالي وخالتي ايون معانا بعد ..

قالت بفهم : اها .. انزين وين غرفتي؟؟؟

ابتسم : غرفتنا من هني .. مشيت وياه .. وانا اطالع البيت .. وكان في دري تقريبا حلزوني .. دوخني وانا اركب عليه .. مسكت راسي مصدعه : اوففف راسي !!

ابتسم منصور وهو يمسد يدي : دختي ..!!

قلت بعفويه : اييي ايدوخ اوففف راسي عورني .. وصلنا للغرفه .. واول ماوصلت طالعت السرير المغري.. ورحت انبطحت عليه وانا للحين بشيلتي وعباتي .. دخل منصور.. وراح للشنطة طلع له ملابس وفوطة .. وتوجه للحمام .. انفتح الباب وطلع منه منصور ..

فتحت عيوني بثقل وانا احسهم يحرقوني من حسيت بمنصور ماسك ظهري : :مابتقومين تبدلين

صكرت عيوني بتعب : امبلا .. بعدين ..

حسيت بيده الي ترتب على شعري : لا مافي بعدين قومي ياكسوله

فتحت عيوني وظليت ساكته .. خربط شعري : يالله قومي

صكرت عيوني : تعبانه منصور والله ابي ارقد

حرك يديني .. بين يده : قوومي ..

ظليت مصكرة عيوني فتحت عيوني يوم فتح عبايتي وشيلتي وحررني منهم .. ضميت نفسي لاني بردت .. صكرت عيوني بعمق ورقدت ..

...............

"منصور"

جفتها صكرت عيونها .. ابتسمت على حركتها .. رفعت ريولها من على الارض .. وحطيتها بهدوء ع السرير .. طرشت مسجات لفهد وبقيه ربعي و لولوة !.. اتصلت لـ ساالم .. وماجد .. وقلت لهم ان احنا وصلنا .. بعد ماصكرت منهم .. التفت لها .. وانبطحت احذاها .. انتبهت اني ماصكرت الليت .. قمت وتوجهت بكسل لليت وصكرته .. ورديت انسدحت ع السرير .. طالعت هيئتها بين الظلام .. ومديت يدي وترددت احطها .. وبعدين سحبت سارة لجهتي .. طالعت تفاصيل ويهها الي غمرها الظلام مع اضاءة خفيفه من ليت صغير .. سألت نفسي بقهر : ليش ليش؟؟ .. سارة ليش مب قادر احبج .. ليش مب قادر اعطيييج كل الي املك .. ليش للحين لولوة فبالي ؟؟ .. ليش مااقدر استغني عنكم انتو الثنتين لييييييش؟؟صكرت عيوني بتعب ... رن موبايلي .. وجفته كانت لولوة .. احترت .. ارد عليها؟؟ .. حسيت اني اكرهه نفسي .. لاني مب قادر ارسي على بر .. احب لولوة .. واحب سارة .. ليش انا جي؟؟ معقوله في احد عنده قلب يحب ثنتين بنفس الوقت؟؟ ..

تنهدت بعمق .. ومارديت عليها .. لولوة احبها .. وابي اخطبها .. بس دايما يصير شي يمنع خطوبتنا .. ليييش لييييييييييش القدر يحول من بيني وبينها ..؟ ليييش؟؟ .. مستعد اسوي كل شي بس اخذها .. حرام حب 3 سنين يروح على الفاضي حرااام .. صكرت عيوني بحسره وانا اتذكر اشلون حاربت اهلي والناس بس عشان اخذها وبكل بساطة تتزوج .. ياني انقهرت .. وكرهت اخوها بدر كره العمى .. ليييش يزوجها لغيري ليييش؟؟ .. انا مب من الشباب الطايش الي بس يبي يلعب انا فعلا حبيت بصدق .. حبيتها بكل مااملك .. صكرت عيوني بحيرة .. بس انا مااقدر اتقدم لها الحين .. يمكن بكون اناني لو تقدمت لها الحين شذنب سارة .. فتحت عيوني وطالعت سارة .. بنت عمي .. الي ياما وياما تهاوشنا .. والي خذت مني عمتي .. بعدت خصل شعرها .. وانتبهت اني مافتحت شعرها .. دخلت يدي فشعرها وحررته من ربطته .. طاح على جتوفها وويها .. رتبته وابتسمت .. شعرها طولان .. وماشاالله ناعم اينن .. ماشاءالله ..

صكرت عيوني وانا محتار .. معقوله بنتفارق في يوم يا سارة؟؟ .. لا منصور .. انت شتقول .. تبي الناس تاكل ويهك وويها .. عيال عم وتطلقو .. انزين مافيها شي .. اثنين وماقدروا يعيشون مع بعض .. لا يا منصور لا .. مستحيل تتركها .. مستحيل تطلقها .. حسيت الدم يطبخ في مخي مجرد ما فكرت بريال ثاني يتزوجها .. لالا .. انا صح راح اتزوج لولوة .. بس مب مطلق سارة .. مستحيل اصلا .. انا .. انا احبها .. بس بعد احب لولوة ..

شديت على شعري محتاار .. انا لازم اقرر .. اخاف مااقدر على ثنتين .. اخاف مااعدل .. بس فنفس الوقت انا ابي لولوة .. الانسانه الي حبيتها في مراهقتي في شبابي .. واحب سارة بعد .. هالانسانه الي تحملتني .. وصبرت علي وعلى تقلباتي .. لالا .. سارة مااقدر استغني عنها .. وحتى لولوة مااقدر .. صكرت عيوني بيأس .. ورديت فتحتهم .. وجفت سارة .. ضربت خدها بخفه : حرام عليج حسي فيني حرام عليج ..!

بدون مااحس فنفسي رقدت .. قمت الصبح .. وكانت سارة محد .. دخلت الحمام .. وخذت شاور سريع جدا جدا .. طلعت وغيرت ثيابي .. نبشت فالشنطة على مشطي .. ومالقيته .. وكالعادة خذت مشط سارة ومشطت فيه شعري .. ونزلت تحت وانا ازرر البلوزة ..

دخلت المطبخ .. ولقيته معفوس فوق تحت ..

عقدت حياتي وابتسمت بخفه : شتسوووين ؟؟

نقزت سارة بخرعه : بسم الله .. خرعتني .. كانت ماسكة قلبها..

رحت لعندها : كل هالحوسه على هالبيضتين؟؟ ..

عقدت حياتها وهي تشوف القلايه : كنت ادور على القلايه .. ماخليت مكان مادورته !! .. اوففف تعبتوني .!

ابتسمت : بس مايحتاي كل هالعفسه ..

تخصرت والتفتت لي : اخ منصور .. لاتقعد تتحلطم فوق راسي احين زين مني بسوي لك ريوق .. والله .. ويتشرط بعد ..

ضحكت فداخلي عليها .. هالانسانه تغير المزاج .. : اولا ..رفعت حياتها وكأنها مستعده ترد على كلامي قبل لا اقوله ... كتمت ابتسامتي .. اولا .. انا زوجج مب اخوج .. ثانيا والاهم .. انا الريال مااعفس هالكثر ..ليش انتي جي .. وثالثا والاهم .. لا تقعدين تمنين علي .. مااحب هالاسلوب ..

كانت لاتزال متخصرة .وقالت : لاوالله؟؟ .. اولا .. ابتسمت على طريقتها بعد تقلد ! .. اولا انا جي وبعدين ماعفست بس دورت في الكبت برتب الصحون ايل طلعتهم بعدين !! .. وثانيا والاهم .. مايهمني لو تحب هالاسلوب ولا لاء ؟؟ ..

تنرفزت .. ومديت يدي وشليت يدها من خصرها : يمدام مايتخصرون وهم يتكلمون وكأن هالشخص الي جدامهم مب عاجبهم .. وثانيا .. رتبي الجدور الي مطلعتهم يا حلوة قبل لا نطلع .. وثالثا ... غصبن عنج تغيرينه .. انا مب اخوج ولا واحد من يهال بيتكم تتكلمين معاي بهالاسلوب وامشيها لج .. كم مرة اقول لج انتي الحين متزووووجة .. وعيب عليج تتصرفين هالتصرفات ..

تأففت : اوفففففففففف شهالتعقيد .. روح ع السفرة .. عورت راسي ..

هزيت راسي : انتي واسلوبج هالزفت .. ميئوس منج ..

طلعت لسانها مب عاجبها واشرت ع السجينه : قصه "اقصد لسانها" بيكون على يدي

طالعتني بغير اهتمام : يصير خير توكل بس توكل ..

فتحت عيني .. اتصرف بعد .. ابتسمت بخفه .. ورحت قعدت على الارض .. وطالعتها تحوس فالاغراض .. قمت ورحت اساعدها .. تريقنا .. وبعد الريوق ساعدتها وغسلت الصحون

سارة : غريبه؟؟

طالعتها : شنو الي غريب؟؟ ..

سارة بعفويه : اول مرة اجوف ريال يعرف يغسل

ضحكت: ليش تحسبين الريايل مايعرفون يغسلون ويطبخون؟؟ .. على فكرة امهر الطباخين ريايل ..

حركت شفايفها يمين يسار : عن التفلسف .. ماقلت .. وين بنروح بعد الريوق ؟؟ ..

ابتسمت ويريت يدها : يالله بدلي عشان بنروح .. نتمشى فالريف والحقول ..

فتحت عيونها بااثارة ولمعت عيونها .. اشحلات عيونها .. ماغلطت يوم رسمتهم بين امواج البحر .. عيونها جميييله على الرغم من حدتها .. ياحبي لملامحها الحاده الفاتنه ..

تحركت بسرعه بتطلع ومسكت يدها .. التفت لي وجفت عيونها : شنو؟؟ ..

اشرت ع الجدور بهدوء : عفستج رتبيها ..

تركت يدها .. وطالعت مكان الجدور والعفسه الي مسويتها ماوعيت الا وهي تحب خدي بكل نعومه : بليز بليز بليز .. رتبهم .. انا بلبس وبيي اساعدك .. اوكي؟؟ بليييييييييز ..

تسبهت .. وهزيت راسي بـ انزين .. وراحت هي ركض ع الدري .. اما انا فكانت اطالعها مسبهه .. مسكت خدي وتحسست بوستها بخفه .. ابتسمت .. وبعدها ضحكت .. فديييييييييييتها ... ستوب ستوب منصور .. خلها عنك .. انت تبي لولوة .. نسيت قرارك امس ..!! .. طالعت مكانها بحزن .. مسكينه .. مسكينه سارة ..

هزيت راسي بـ لا .. مستحيل اتخلى عنها .. مستحيل .. هي ماتخلت عني .. حتى بعد ماعرفت اني جذبت عليها .. ماراح افرط فيها .. لا ماراح افرط فيها .. ولولوة .. بتزوجها .. لاني احبها ..!!!
بس ... بس .. منصور.. لولوة ... خاينه ! لا اكيد اكيد الي كانت تكلم سالم مب هي لولوة \.. اي اكيد .. لولوة متزوجة ...ومااتصلت فيني يوم هي تزوجت .. يعني هي تصون ريلها .. اي اي |.. بس .. اذا كلامي صح .!! .. ليش تطلقت عشاني ليش؟ معقوله لهالدرجة تحبني؟؟

..................

"مشاعل"

صكرت من غانم وانا اشتعل غيض.. الحقيرة لولوة .. قدرت تفلت من يدين غانم .. لكن والله اني مب مطوفتها .. ومثل ماطرشت صورها لريلها الخديه .. مالت عليه .. توقعته بيتحرك .. بيروح يوريهم اخوها .. بس مالت عليه مااقول الا مالت ..ليش ماطرشهم اخ يالقهر .. المشكله اني مااقدر اطرشهم لبدر .. مااقدر .. مااقوى .. هالانسان الي امووووووووووت فيه .. مااقدر بيديني اطرش له شي يحطمه ويحطم اعصابه..

الله ياخذج يا لولوة .. سمعت رنين التلفون يعلن عن وصول مسج .. اوف .. تنهدت بضيج ..اكيد غانم مافي غيره .. بس ودي اعرف ليش يبغي هالنحسه لولووووووووه على وشو ؟؟ .. بس عشانها جميله يعني؟؟ يبت له اجمل منها وبعد مايبي الا هي ..

اوفففف .. لو بس ماكان غني ومغرقني بالفلوس كان لطعته لطع " طنشته" وخليته يعرف منهي مشاعل .. بس اخخخخ يالقهر .. هذي لولوة ماتطيح الا على اكبرها واسمنها ..

اتصلت بلولوة ردت بكل عصبيه : انتي متى الله ياخذ روحج ويفكني منج

قلت بكل قواة عين : انشالله بعد ماياخذ روحج على يد اخوج بدر .. سمعيني لولوووهـ هذي اخر مرة اقول لج .. تعالي الشاليهات ولا مايحصل لج شي طيب ..

سمعت صرختها وهي تقول /: بعدي عني .. قلت لج انا خلاص عفت هالطريج .. ياخي مابي اجيي وياج مب غصب

قلت بعصبيه واستفزاز : لا غصب ولا نسيتي الفيدوهات الي عندي .. وبعدين .. طويل العمر طالبج بالاسم ..

سمعت صوتها وهي تقول بعصبيه : الله ياخذج وياخذه فوقج ويفكني منكم .. حسبي الله عليكم جانكم بتدمروووني

ضحكت بسخريه : ههههههههههههههههههههههه .. ايش؟؟ .. ندمرج؟؟ .. انتي اصلا تدمرين بلد .. وعن الكلام الماصخ انا تبت ومالي فهالطريج ترى مايمشي علي هالكلام .. سمعي كلام زين وخليه فبالج .. اسبوع .. والله يا لولوة اسبوع ... واذا مايتي خلال هالاسبوع اتعرفين موقع ***** بنشر فيه صورج .. ولا تحسبيني مااقدر .. المرة الي طافت نشرت بدون ويهج لكن هالمرة بنشر مع الصوت والصورة .. فاهمتني؟؟ ...

سمعت صياحها وهي تقول : الله ينتقم منج .. الله ينتقم منج انشالله .. هههههههههه تستاهلين الي سسواه فيج ولد السفير .. تستاهلين يالحثاااااااااااله ...

طاري ولد السفير نرفزني .. وصكرت فويهها التلفون .. حقييييييييييييييييرة .. وهو بعد حقيييييييييييييييير .. فضحني جدام الي كنت استنشق فلوسه .. الله ياخذهم .. فلعت التلفون بااهمال ع السرير وانا اسمع صوت الزبون يناديني : شووووشووو .. ياعمري يا شوووشو وينج .. خلينا نستانس شوي ..

رتبت الروج على شفايفي .. وابتسمت وانا اطالع ويهي بااستدارته الجميل .. كنت املك جسم امي اللبنانيه .. وماخذه ملامح ابوي .. فكان شكلي بااختصار اقل شي ينقال عنه صاروخ .. بس الك*** لولوة .. احلى .. واحلى بنت جفتها فحياتي للحين .. حسيت بلمسات يده القذره على خصري .. وانفاسه قريب مني : ياويلي ع الاحمر ..

........................

"سالم"

جفت عيال محمد يلعبون فالصاله .. ومحمد يطالعهم ويبتسم بحزن .. رحت وقعدت عنده : اشرايك .. نطلع نوديهم الحديقه؟؟ ..

طالعني محمد بااستغراب : انته؟؟ ..

قالت باابتسامه طفيفه : اي انا .. ليش؟؟ ..

محمد باابتسامه باهته : لا بس مستغرب .. انت ماتحب اليهال .. حتى المرحومه الله يرحمها اذكر كانت تبي يهال وانت معاند ماتبي ..

ابتسمت ..واختفت ابتسامتي من تذكرت حياة .. آآآآآآآه يا حياة .. الله يرحمج الله يرحمج .. : الله يرحمها .... سكت ..مب عارف شـ اقول ..

بعدين التفت لجاسم الي يه لعند محمد .. ورمى براسه على صدر ابوه .. عيال محمد اخوي متعلقين فـ ابوهم واااااااااايد اكثر من امهم .. اصلا اشك ان امهم ام .. ولا في ام مر على طلاقها اسبوعين ولا مرة اتصلت تسأل عن عيالها؟؟ اي ام هذي؟؟ اي ام؟؟ ..

منيرة : عمي سالم .. تعال العب ويانا باربي

عقدت حياتي : انتي قلتي اسمي شنو؟؟

منيرة بااستغراب : عمي سالم

ابتسمت: اشوا .. يعني تعرفين اني ريال شعرفني فلعبه الباربي وفله؟؟

برطمت منيرة : مابي العب ميروه وياي

ابتسمت: ليش؟؟

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
قريبا	بقلم :	قريبا	قريبا

الذين يشاهدون محتوى الموضوع الآن : 6 ( الأعضاء 0 والزوار 6)

دفنت روحي بالثرى .. معاك ياولد عمي

للروايات المكتمله