منتديات بنوته - الفرق بين الشاب الاوروبى والشاب الامريكى

بسم الله الرحمن الرحيم

السلام عليكم ورحمة الله وبركاته

موضوع حلو ويضحك يلا يا بنات شوفوا الفرق بين شبابنا الدفشين وشباب الغرب الاتيكيت

أولا

الطفل الخليجي من صغره يعني في عمر أربع سنين يلعب بالتراب ويتراجم بالحصى .

بينما الطفل الأوروبي يلعب بالثلج ويسوي رجل الثلج واذا بيلعب مع ربعه يرشهم بالماي ...

ثانيا

الطفل الخليجي اذا بدا يروح للمدرسة يصحى وهو يصيح ويصارخ وما يرضى الا يعطونه بسكوت كل شوي ..

بينما الطفل الأوروبي يا حياتي أول يوم يروح للمدرسة وهو يضحك ويغني ومبتسم ..ويرجع يعلم أهله وش سوى في المدرسة .

ثالثا

الطفل الخليجي في سن عشر سنين جاحد أم البنت ومشكل بجدتها ..يا يلعب كورة يا يلعب بالشراغيات ..واذا جت البنت يا حياتي تبي تشاركه صارخ في وجهها ( وخري هذي لعبة أولاد مو لعبة بنات روحي العبي بعرايسك )

بينما الطفل الأوروبي في سن عشر سنين يحسب حساب البنت معه قبل أي شي... ولا عمره يقول لها روحي العبي بعرايسك

رابعا

في سن 16-20 الشاب الخليجي اذا فرضنا أنه أعجبته بنت يعطيها ورقة مشقوقة ..ما يندرى وش عقبه ..مكتوب عليها رقم >>>قمة الرومانسية

بينما الشاب الاوروبي اذا اعجبته بنت يروح يعطيها وردة ولا قطعة شوكولاته أو اسطوانة موسيقية يعني كرمز للأعجاب..

خامسا

الشاب الخليجي اذا حب واحدة يكتم الامر ليه مو علشان التقاليد لا علشان يقدر يغازل غيرها ..واذا علم أحد يعلم ربعه يعني انني مطيح بنات

بينما الشاب الأوروبي اذا حب بنت يقوم يعلم أهله وناسه أن فلانة حبيبته ويصير ما يروح ولا يجي الا معاها ..

سادسا

الشاب الخليجي اذا ازعجوه ربعه بأنه نصاب ولا يعرف بنات يصير همه يركب حبيبته في سيارة ويمر بها من شارع مظلم ويوقف عند بقاله كل أخوياه مسنترين هناك يعني شوفوني مركب بنت ...وعلى فكرة بعضهم يركبون شغالاتهم ويلبسونوهم عبايات الشكوى لله المظاهر خداعة.

بينما الشاب الأوروبي اذا ذبحته الرومانسية خذ حبيبته في قارب على النهر وقام يجدف ويطالع فيها ..

سابعا

الشاب الخليجي ما يعطي البنت الا قطعة الورقة اللي قلنا عنها من أول ( الرقم ) وبعدين يصير ياخذ منها وهي على نياتها تحط له كل يومين هدية في محل باسمه وهو يجي ياخذها

بينما الشاب الأوروبي يجيب لحبيبته هدايا يا ورد يا ساعة يا عطر أو لعبة ...ويفرح اذا شاف حبيبته تستخدمهم ..

ثامنا

الشاب الخليجي ..اذا صديقتة انخطبت ولا طنشته وهو أصلا ماعنده نية يتزوجها يبدا يهدد ترى بأنشر رقمك ترى بأفضحك ..غير الازعاجات كل يوم وكل ليلة ..على جوال الضعيفة.

بينما الشاب الأوروبي لا سمح الله لو تزاعل هو صديقتة ولا تفارقوا تلقاه يحلطم ويبتسي ويقول أنا السبب انا اللي ماعرفت أصونها

تاسعا

المحروس الشاب الخليجي ما يسئل البنت الا سؤالين ..تحبيني ولا لا ...والسؤال الأبيخ ..صديقي يبي يتعرف على بنت ما عندك واحدة من صديقاتها أعرفها على خويي ...تراه رهيب.

بينما الشاب الأوروبي دايما يسئل حبيبته ..حبيبتي وش رأيك أسوي كذا ولا أشتغل كذا ولا أدرس كذا

عاشراً

وآخيرا :الشاب الخليجي..لا يمكن و مستحيل وسابع المعجزات يحب بنت كان يعرفها الا يشطب على اسم عايلتها من البشرية ...ما بقى الا هي يتزوج بنت كانت تعرف عيال ...

بينما الشاب الأوروبي ينهي علاقته بالفتاة اللي يحبها بالزواج ويكونون أسرة سعيدة .

وش رايكم

خخخخخخخخخخخ