~¤©§][ شباب ابوظبي ][§©¤~

اغلا السيارات... احدث الانواع...اغلا الموبايلات..احدث الانواع..المصيبه كله سلفيه وآخر الشهر كاشف الحساب نصهم تافهيين وماعندهم سالفه...ودمهم ثقيل...




~¤©§][ بنات ابوظبي ][§©¤~

يموتن على الكشخة والموديلات والمكياج...حتى وهن رقود بتلقاهم متمكيجات ...وياحبهن للرجيم طول

السنة وهن يسون رجيم حتى بتلاقي الوحدة فيهن معصعصه تقول مسواج ! ويحبن بعد يسون (تان ) في

شاطي الحريم..الحين من البياض الطافح عاد ! وياحبهن للانترنت ...والمصيبه مايعرفن شي في الانترنت

الا التشات...والكمبيوتر 24 ساعة مشتغل تسير وترد والجهاز مفتوح على التشات كل هذا علشان

مايفوتها شي... ويموتن على شي اسمه هديه يعني اول يوم وقلتلها بيبلج هديه بتحبك على راسك وبتقول هذا الي يستاهل




~¤©§][ شباب العين][§©¤~

دكتورة في الكوفي شوب...مافي كوفي شوب في البلاد مابتلقى فيه عيناوي يالس... تقول مراسليين في

الكوفي شوب.. ويموتون على اي شي لونه بنفسجي ...نص مدارس العين فاضيه وشكلها نظيف من كثر ما

مدارسهم مهجورة ! دوم شاردين من المدارس.. ويموتون على قصص الحب ! يعني الواحد لازم يحب 4

دفعه وحدة علشان يكون انسان طبيعي و تفرح اذا شفت صالون في العين كله نياسين وستشنات وهاي الايام طايحين في الرنج مساكين ستحرونه سوزاكي مخلينه حق العزبه والمركاض




~¤©§][ بنات العين ][§©¤~

اهم شي عندهن انهم يبيضن بشرتهن ! وماتم كريم في السوق ماجربنه ! يعني اذا عندك شركة كريمات

سير العين وسوى دعايا بس قول ( كريم يخليج بيضا في دقايق ) صدقني بعد عشر دقايق بتشوف

الاستيشنات مصففه جدام محلك والكريم مخلص !..بس المصيبه عاد يوم تشوف الويه تقول يالله مبيضها

بس خل الشيله تطيح وبشوف الرقبه والسواد على اصول ! ويالله يالله ينجحن في الدراسة ! واشطر وحدة

فيهن يمكن مخلصه بس الثانوية




~¤©§][ شباب دبـي ][§©¤~

ياحبهم للفلوس...والرمسه عن الفلوس...الا فلان عنده وعلان ماعنده وهذا باع وهذا اشترى ! ولا كل

كلمه والثانية يوم يرمسون دخلوا لك كلمة بالانجليزي تقول محد يعرف انجليزي الا هم ! وعادي تشوف

الواحد منهم مرتز في السنتر واخته او اهله وياه ومب متغشيه ....وعادي تلقاه في السنتر ببنطلون

وقميص واذا شفته بكندوره بتلقاه حاسر بدون غترة ولا شي على راسه ...والعقم بعد مبطله ..ادلع

يعني...ودقق شوي يمكن تلاقي سلسله في رقبته




~¤©§][ بنات دبي ][§©¤~

ياحبهن للموبايل ! وياحبهن للسواقه ! وياحبهن للسينمات ! سر الزحمة اللي في دبي سببها البنات ..كلهن

يسوقون ..!!! والبريكات في الشارع على كيفك ! ياليت لو يسوون شارع للنساء فقط ! بنفتك من

الزحمة !! وياحبهن للموبايل بذات بنات كليات التقنية يعني عادي تنسى ملفها وتنسى البروجكت وتسير

الكلية بس لو الموت مانست الموبايل ...!! وفار احلامها بدون لحيه وشنب ومربي شعر ومايهم شو عنده او شو راكب المهم انك تشل الحيه شكلهن مايحبن المطاوعه




~¤©§][ شباب الشارجة ][§©¤~

مثقفين وكادحين ومتدينيين ...بس فقارى على الاخر ووايد ياكلون نـخـي والنص الثاني بتشوفه في فرق المعلايه ياكثرهم سبحان الله الله خلق وفرق




~¤©§][ بنات الشارجة ][§©¤~

مثقفات وحليلهن ويوم يدشن النت يدشن علشان يسوون اشغالهن ويطلعن مايحبن الخساير مول.

.واذا حاولت تكلمها في السوق بتنتهي بكعب على راسك وهي ادي بتروح ولاكانه شي استوى بس بتقول

صبر بعدل وقايتيييييييييه




~¤©§][ شباب راس الخيمة ][§©¤~

مساكين اتشوفه شاطر وشاد حيله في الثنويه ياكلون الكتب اكل وآخر شي يقول انا بسير الجيش والشرطه اتشوف العايله كلها عسكريه وسيايرهم معروفه رافات و فيتارات واذا واحد منهم هاي اتشوفه ماخذ لكزس وارد وفي البخل محد مثلهم .. ومايحبون بنات المشكله حبهم غير شكل



~¤©§][ بنات راس الخيمة][§©¤~

ماتعرف لها شو تقول من ترمس لين تخلص والجمله جذي ششششش ششششش ششششش

....وانت

طوفها عاد... بس كشختهن عجيبه بعدهن في الستينات من القرن الماضي وكل ماتكلمها اتقولك طرشلي بطاقه خاطري اعرف شوتسويبها اذا هي مادق غير رنه




~¤©§][ شباب ام القيوين][§©¤~

قلوبهم بيضا وبروحهم في عالم نصهم في البحر والنص الثاني يحوط بطيوره وريحتهم دوم تفوح مايعرفون شي اسمه صابون




~¤©§][ بنات ام القيوين ][§©¤~
مادري اذا كان صدق فيها بنات ولا لا


وباقي الامارات اللي ماذكرناها بعدهم شبابهم وبناتهم تحت الدراسة والبحث والتنقيب