منتديات بنوته - صرت اضـم ّ الجرح بعيوني / و اطيب

ايـه انا اللي عشت /بالدنيا غريب
ـــــــــــــــــــــــ ما عرفت اللي أبي /وسط الزحام

يمكن اتغلــّـى/و لكن ما اغيب
ـــــــــــــــــــــــ يمكن اتشـرّه/و لكن باحترام

( ما هو اكبر هــم / ادوّر لي حبيب)
ـــــــــــــــــــــــ و الطموح ابعد / من احدود الغرام

و ان عشقت ..؟ / العشق و الله ما يعيب
ـــــــــــــــــــــــ دام لي مبدأ/ و قيمه/ و اهتمام

شفني كيف ارمي يديني / " بالقليب "
ـــــــــــــــــــــــ ما لقيت الا الصدى / وسط الظلام

و الصدى ( جاوب) / و انا ماقدر ( اجيب)
ـــــــــــــــــــــــ و ادري اني ( لو ابي جبت الغمام )

كل من حولي / على افعالي رقيب
ـــــــــــــــــــــــ و القرايب همــّـهم / بس الملام

خيـــّبوا فيهم /ظنون ٍ ما تخيب
ـــــــــــــــــــــــ لين حدّوني /على عيال الحرام

يحسبوني لا تردّا بي / نصيب
ـــــــــــــــــــــــ برمي احزاني / على قلوب الأناام

مندفن في وسط صدري / قلب ذيب
ـــــــــــــــــــــــ ما دِفنت الراس/ يا روْس النعام

صرت اضـم ّ الجرح بعيوني / و اطيب
ـــــــــــــــــــــــ و اجمع همومي /على صدري .. و انام

يا قصيدي و انت لي / حسبة صحيب
ـــــــــــــــــــــــ تفزع لهمـّـي / اذا شح ّ .. الكلام

خلــّـك لأوتار حزني / عندليب
ـــــــــــــــــــــــ دام بين الليل/و الصبح انسجام

لا تحط ّ اللوم /كله بالنصيب
ـــــــــــــــــــــــ و لا تخليني/ على حد ّ .. انهزام

طبعي أغرب / و الغريب/اني غريب .!!
ـــــــــــــــــــــــ ما عرفت اللي أبي /وسط الزحام