قيادة الســياره للفتاة ضروري ام ترف ؟؟؟!

انا : طيف أنسانه

اضفني كصديق

السلام عليكم ورحمة الله وبركاته

أردت أن أنشر هذا الموضوع لشدة اهتمامي فيه ولانه يستحق المناقشة...

مازالت بعض الأسر تعارض قيادة الفتاة للسيارة معتبرة ذلك خروجا عن العادات و التقاليد فيما يسمحون لبناتهم في المقابل بالخروج مع السائق لتوصيلها الى الاماكن المختلفة و يبررون ذلك بأن وجودها مع الاخير سيحميها ولن يعرضها للمواقف!

الاعتراض يبرز أكثر من قبل الاشقاء ربما بحكم خروجهم المستمر وادراكهم بما يدور من احاديث الشباب حول الفتيات..

والان اخواني و اخواتي اود ان استطلع آرائكم حول هذا الموضوع و اسباب الاعتراضات

ولكم فائق احترامي...

انا : ¤~¤قصايد¤~¤

اضفني كصديق

السلام عليكم ورحمه الله وبركاته
اختى طيف قبل كل شى ابى اشكرك على هاذا الموضوع المميز والرائع مثل ما عودتينا بمواضيعك الرائع
والصراحه والحمدالله الاهل مب من هاذا النوع بالعكس يشجعون البنت تسوق واظن هاذا الشى يرد لعند بعض الاهل للثقه يمكن يخافون على بنتهم وما يثقون وايد او يخافون عليها وايد من الشباب وطيشهم فى السواقه ولكن انا برائيه انها هى تسوف تسير وترد اظمن من انها تركب مع دريول بروحها........ما عندى وايد وجهت نظر بالنسبه للسواقه لانه مثل ما قلت الاهل مب من النوع االى يمانع البنت تسوق
مع انى اعرف وايد ناس ما تخليها بناتهم يسوقون لانهم مثل ما قلتى يتمسكون بالعادات والتقاليد
مع انى ما اشوف سواقه البنت فيه شى غلط طبعا هاذا لو البنت كانت ذو اخلاق عاليه وتعرف وين تسير ووين ترد وتكون سواقتها محترمه واذا عشان ما حج يشوفها ترى المخفى ما يقصر هههههههه
والله هاذا كل الى اقدر اقوله لانه كل اهله ولهم طريقتهم فى التربيه
مع احترامى لكل الاراء

انا : طيف أنسانه

اضفني كصديق

هيه والله

صح كلامج بنوته

وبذات قيادة المرأة اذا كانت في ضرورة لذلك
يعني اذا مثلا ماعندها حد يوديها ويجيب لها فالافضل تكون تسوق عشان تكفي ذاتها وما تحتاج لحد غريب
اما المهم هو ان على كل مرأة انها تعرف تسوق لان الواحد ما يعرف شو اللي ممكن يصير فجأة
ممكن تصير حالة طارئة ومافيه رجال يكون في البيت هذيك اللحظة
ففي هذه الحالة تكون معرفة المرأة للقيادة نعمة من السماء

انا : ¤~¤قصايد¤~¤

اضفني كصديق

صح كلامك طيفو
كلامك على العين والراس والنا اايدك ميه بالميه فى الموضوع
وما عندى اى اضافه للموضوع غير الى قلته قبل
مشكوره
بنوتة العين

انا : سلطان الحب

اضفني كصديق

كلكم بنات والراي اكيد بيكون عندكم ايجابي هههههههههههههههه

لكن يو يي ادم يقول انه شي ليس ضروري لعده اسباب دام ان لها ريال فاهي لابد من انها تطلع وياه
يفقد مكان الزوج كمسؤوول عن المزل ومطالبه .....

ثانكس ع الموضوع

انا : طيف أنسانه

اضفني كصديق

سلطان الحب

مشكور يالغلا على ردك الكووول



بس تدري

للمتزوجات

مرات الزوج يكون في العمل يمكن يستوي شي او شي لاسمح الله

منوه يوديها منوه ييبها ( ترى ما انصح بالدريول الانه واايد مشاكل تستوي من تحتهم ويمكن ما تلاقي محرم وياها )

هيييه !؟

يعني في ناس يكون ولدهم متوفي واخوها منشغل عنها و امها كبيره بالسن ............. من هذا الشي

يعني تطر البنت تسوق وتخدم نفسها بنفسها بدل ما تترج او ........


وصح كلامك بس احنا ما قلنا تسووق ديما
يعني بس وقت الظروره

انا : سلطان الحب

اضفني كصديق

لا اذا اهو للضروووووووووووره بـــس افااا عليج لوتبيني اعلمها بعلمهاااااا هههههههههههه

انا : ¤~¤قصايد¤~¤

اضفني كصديق

ههههههههههههه بتفتح محل تعليم السواقه اشوف ههههههههههههههههههه

انا : سلطان الحب

اضفني كصديق

انا شو اللي خلاني ادش وارد عليكم ان طيف انسانه كاتبه العنوان :قياده السياره للفتاه ضروري ام ترف!!!


ما قالت سياقه السياره المراه المتزوجه ما اعتقد ان الفتاه لازم اتسوق السياره اذا ماني غلطااان؟؟؟


انا متاكد ان الجنس الناعم اللي اجادلله بالحديث ما بينفع وياه دام ان هالفكره براس حواااء
اعتقد مستحيل تتخلى عنها باسهوله لكلام ادم ههههههه

تابعونا مع احلى الردود مب على قناه mbc لا على M B اللي اهو منتدى بنوته

انا : طيف أنسانه

اضفني كصديق

ههههههههههه

مشكورين على الردود الحلوه

سلطان الحب ...

لا مرات يكون لازم السواقه للفتاه !! ضروري


ابصراحه انا مرات استغرب من بعض الناس يحرمون بناتهم من الشغل بسبب امر تافه مثل هاذا

او الذهاب للمدرسه <<<< والله حاله

وشو فيها لاساقه وراحت شغلها وردت !!! ابصراحه احس ما فيها ثقه يوم يسون جي .


اشوف ردودكم