منتديات بنوته - دلوني لقبره هناك .. اتركووني ..!

منتديات بنوته (http://www.bnota.net/vb/index.php)

- الشعر والخواطر والقصائد (http://www.bnota.net/vb/f11.html)

- - دلوني لقبره هناك .. اتركووني ..! (http://www.bnota.net/vb/t10623.html)

دلوني لقبره هناك .. اتركووني ..!

ياللـي دفنتـوا جثتـه.. ليـه تبكـون؟
لـولا الحيا..لأقـول : معكـم خذونـي
منه انحرمت وكنت انـا عنـه مسجـون
ما أذكر لمحته .. غيـر مـره بعيونـي
شفته ..وكانـت فرحتـي مالهـالـون
عجزت لأوصف .. من لمحتـه شجونـي
ياليتني ..كنـت الكفـن يـوم تمشـون
أبقـى معـه بالقبـر ثــم تدفنـونـي

أو ليتني .. من خلفكم كنـت (مجنـون)
أتبع خطاكـم والعـذر هـو : جنونـي
أبكي وراكم .. وأدعي ان كـان تدعـون
ما يكفي انـه عـاش عمـره بدونـي؟؟
تكفون < هاكم عمـري اليـوم تكفـون
برخـص حياتـي دام خابـت ظنونـي
ما فادني صبـري !! ولا فادنـي عـون
ولا فادني دمع(ن) .. حرق لي جفونـي

يا مـا بكيتـه والبكـي يحـرق عيـون
ميت أو انه حـي .. دمعـي بعيونـي!!
العام كـان بفرحتـه.. يعـزف لحـون
واليوم ؛ تحت الأرض .. ماهـو بكونـي
لكن أنا فـي فرحتـه.. كنـت مدفـون
فوق الثرى .. واليـوم موتـه سجونـي
سميت قلبــــــي عقـب فرقـاه ملعـون
هو و الليالي ....... عـن هنـاه امنعونـي

ياليتنـي.. ماعشـت لحظـه بهالكـون
و ياليت ربعي .. في سكـات اذبحونـي
وياليتكم .. عـن همّـي اليـوم تـدرون
منه انحرمت ومن عزاه .. احرمونـــــي
حتى بوفاته !! يوم أنا طحـت مطعـون
أخفيت طعناتـي .. قبـل لايفضحونـي
بكيـت!! لكـن .. ماتظاهـرت بالهـون
أبكي وأقـول : المـوت سبـة طعونـي
و إن كان في حبّي أنا ..ماتحسّـون ..؟!
دلوني لقبره هناك .. اتركووني ..!