¨°o.O حال الشباب يوم يحبون O.o °¨

1تلقينه دايم كاااشخ وفرحاان ويسولف وطلبي منه أي شي
(بيقولج تم... انتي بس آمر

2. من فرحته معاشه يخلص من اول اسبوع من كثر ما يصرف ع
كشخته...اتعرفون عااد عطوورات (هذا حق عشوقي) ويفصل كل شهر 7 كنادير او أكثر...
ومن غير الهدايا حق ال؟؟؟؟؟



.3 ساعة في السينما (كله أفلااام رومانسية) لا وكل العزايم
ع حسابه (أونه عااد (

.4 ما يرقد الليل من كثر التفكير (العيون ما يحتاي الصبح حمر
ومتنفخاات بعيد الشر)..بس أحيانا ما يرقد من اليوع (ظاهرة غريبه) بتلقينه في
المطبخ نص الليل يدور أي شي عسب ياكله خخخخ



.5عاااد يا ويل أمه ويلاه..كل يوم الصبح وع الغدا والعصر وفليل
وفي أي وقت (أميه أبى اعرس) ( يصير شراات الياهل يوم يبى ابوه يشتريله لعبه)خخخ..
ما بخلي حد فالبيت ما بيقولهْ..ع باله العرس في يوم وليله ..



6. هاذي من الواقع وصارت قدامي) بتلقينه حاطله غنيه ربشه
و اييوول فحجرته برووحه (ينان من الخاطر..



.7. يوم ياخذله شاور (يتسبح) بيصدع البيت كله من كثر ما يغني
في الحمام ..امرره اللي تبين تسمعينه..تقول شريط منوعاات ( وعااد يا ليت الصووت
حلو( ..ما ادري من جاذب عليه وقايله صوتك حلو..


8. اذا ست الحسن(حبيبة القلب) في حارة ثانيه ...لا دورونه واايد..
بتلقونه يداور في سيارته هناك..( يسوي استعراض بسيارته..ثاني يوم بتلقينه فالصناعية
يعدلها(



.9 عاااد اذا زعلت عليه ..اول شي حالة اكتئاب شديد ..
ما يقعد فالبيت ..اذا من هل بوظبي ودبي بتلقينه يرمس عمره عند البحر..
واذا من هل العين بتلقينه بايت في العزبة يرمس بوشه أو يرمس العمال
اللي هناك خخخخ..(والله الدنيا ما تستاهل)




.10 اذا رحتي غرفته ..غالبا ما تلقين عنده دفتر مال قوم بو ربيه(مال صف اول ابتدائي)
بس صدقيني ما بتلقينه بسهوله خخخ....ااتعرفين شو بتلقين..أونه حليله يألف قصايد.
.لو تقرينهن ما بترومين تسكتين من الضحك ..كله كلااام فاضي..
ويبات ينقل من المجلااات قصايد..ويرسم حروف (عااد هنيه الحروف بالانجليزي
مب بالعربي يطلعن أحلى) خخخ..وعااد تعالي طالعي الخط ما يحتاي..
التاء المربوطة تصير مفتوحة..والمفتوحه مربوطه ..وبلاااوي






يحليلكم يالشبااااااااااااب تكسرون الخاطر .. ينعرف يووم تحبوون ..
تستحون ما تعرفون راسكم من كرياسكم ..