منتديات بنوته - حوار بين البييبسي والميراندا والفراولة

حواااااااااار حلو يضحك بين (البيبسي، الميرندا، الفراولة(شاني)..

تفضلوا اخليكم مع الحوار الساخن :

الموقع : ثلاجة في دكان نوشاد

الوقت : 12 الا ربع بالليل

البيبسي : ميرندا ... قاعدة والا نايمة

ميرندا : هلا .. لالا قاعدة .. ليش تو الناس باقي ربع ساعة وبيسكر الهندي هالأنوار وبعدها بنام

البيبسي : هل لي بحوار جانبي معك

ميرندا : ايييييه عادي اشدعوة ..

البيبسي : ماهي نوعية الحوارات.. أقصد اللي تحبينها ..

ميرندا : ماعندي شي معين بعدين انت ناوي تطول بالكلام ؟

تبيني اعتذر من ابوي وانام برا الصندوق

( صندوق الميرندا)

البيبسي ( فرحان ) : اييييه كلامي مايخلص ولا باجر .... انا اصلا كانوا يقولون عني راعي طويلة.

ميرندا : تدري عاد أسلوبك وطرحك حلو بس أبوي يقول لا تمشون مع السود !!
http://www.shqawa.com/vb/images/smilies/patch_rir.gif http://www.shqawa.com/vb/images/smilies/patch_rir.gif
البيبسي : ليش ترا والله ما نعض... أليفين مرة ..

ميرندا : بس تصدق انا معجبة بسوادك كأنه سواد ليلة مافيها قمرا,,,

سواد كالح جنه فحمة من جيس هالفحم اللي في المستودع تحت ... انا معجبة فيك بصراحة ..

البيبسي : يؤ..يؤ..يؤ .. احرجتيني .. أمي والله صادقة

ميرندا : ليش وش قالت أمك؟ ...

البيبسي : أمي تقول إن الميرندا أحلى من الفراولة ... ماتدلعين مثل الفراولة

ميرندا : ياحظي .. قال فراولة قال ... وش يخليني اتدلع

البيبسي : لا يعني لون الفراولة .. احلى من لونك

(الريال بدا يخور ) لونها احمر يشق الجبهة ..
ميرندا : نعم نعم نعم .... عيد بالله وش قلت ... انا شفيه لوني

البيبسي : لا والله مو قصدي بس لونج جنه لون هالهندي اللي بالدكان اذا صار محصور ... برتقالي

ميرندا : والله حبيبي اذا مو عاجبك ... خلني اروح لصندوقنا بس ...

البيبسي : يؤ ..يؤ..يؤ... يالزعولة ليش زعلتي عاد من كلامي ..

(وفي هاللحظة فتح الهندي الثلاجة وحط فيها فراولة)

البيبسي : هلا والله وغلا بالفراولة ... يوووووووه يازينها زيناااااه .... تو مانورت الثلاجة ..

ميرندا : هااااوو والله شي ... وقدامي تغزل فيها وانا من الصبح معك يالعبد الاسود يالمحترق ..

فراولة : ههههههههههههه ... شفيها هذي معصبة كنها طقاقة ما نقطوها بحفلة زواج ها ها ها ها.

البيبسي : لالا ماعليك منها أنت بس قولي لي وش هالحلاوة وش هاللون الحلو ..

ميرندا : اقول يالدبا يالحمرا ء اللي لونك ماله داعي ..... كنه روج ملخبط هههههههههه..

فراولة : هئق ... هئق ( تشهق ) يالغيرانة يالبرتقالية روحي بس ما احد شراك

صارلك اسبوع ها مزروعة محد يبيك ..

ميرندا : والله ... ياشيخة تعالي دغدغيني احسن

البيبسي : ياجماعة كل وحده فيكم لها مميزات ولها صفات مستقلة خلونا بس في المفيد

وفي هاللحظة قاربت الساعة على 12 بالليل وجا زبون وخذ معاه البيبسي والميرندا والفراولة بكيس واحد بيوديهم معاه للبيت..

( وهذا الحوار اللي بالكيس )

البيبسي : هذي الساعة المباركة يوم صرنا بكيس واحد متقاربين..

ميرندا : اقول وراك مقرب للفراولة خلها تتنفس طيب حاشرها ( بدت الغيرة )

فراولة : يؤ ... من سألك انتي الثانية بعد وش عليك!! خليك بحالك!!

بيبسي : لاتحرجوني !! انا اخجل من ظلي !!

يؤ..يؤ..يؤ....وخري ياميرندا شوي

ميرندا : هذا بعد الهندي ماحطنا بكيس كبير ... حشرنا بهالكيس هالبخيل..

في هاللحظة أخذ الزبون الفراولة وفتحها

وشربها وما بقي بالكيس الا البيبسي والميرندا !!

البيبسي : الحمد لله كانت مضايقتنا الفراولة !!

( منافق وماله خاتمة البيبسي )

ميرندا : يؤ ... توني صرت غالية عندك .!! اقلب وجهك بس يالعبد مالك خاتمة

البيبسي :آه ... ضاعت على الفراولة والحين ضاعت الميرندا .... وش سويت انا ووجهي ..

ميرندا : اذلف بس ووخر عني ولا عاد تكلمني !!

البيبسي : آه .... والله احتريت

( ارتفعت درجة حرارته )

ميرندا : ايه عارفه من يوم راحت عنك الفراولة وانت متجه علي وتعبتني وكسرت قلبي ..

البيبسي : اييييييييه والله مريضة .... لا أكون انا السبب

وفي هذه الاثناء اصبحت حرارة الميرندا مرتفعة وانشد البيبسي بهذه

القصيدة يصف حال الميرندا موجه كلامه للزبون اللي خذ الميرندا وفتحها وشرب منها جزء بسيط وألقى بها في سلة المهملات لأن حرارتها مرتفعة ( ساخنة )
وبكى http://www.2lthekra.com/vb/images/smilies/wink.gif في هذه الاثناء وقال :

قالوا حبيبك محموم فقلت لهم .... انا الذي كنت في حمائه السبب

عانقته ولهيب النار في كبدي ... فأثرت فيه تـــلك النار فالتـهب

ان شاء الله تعجبكم ...

__________________