منتديات بنوته - ذبحنـي هالسـؤال أرجـوك قلـي بـس وش جـابـه..؟؟

ذبحنـي هالسـؤال أرجـوك قلـي بـس وش جـابـه..؟؟
دخيلك لـيـه تتـعـمـد مــع ضحكك تبـكـيـنـي..؟؟

مــن الـبـارح تعـيـده هالـسـؤال وتـطـرق أبـوابـه..!!
علـى نفـس الطـريـق الـلـي تـجـي مـنـه توديـنـي..؟؟

يـاأخــي وش تـبــي مـنــي وحـزنــي وش تلـقابـه..!!
يهمـك إيــش فــي هــذا.؟ عـذابـي وإنخـلـق فينـي.!!

تـبـي تـعـرف حكـايـة شـاعـر جـمـهـوره أحـبـابـه..!!
تـبـي تـعـرف يصـفـق لـيـه جمـهـوري ويحييـنـي..؟؟

لأن الشـعـر عـنـدي مـاهـو بــس أوراق وكتـابـه..!!
ولانـي مـن فــراغ أكـتـب وأبــي تكـثـر دواويـنـي..!!

تبـي تعـرف شاعـر ليـه؟؟ هـاك الشعـر وأسبـابـه؟؟
تـبـي تـعـرف مـكـانـي وين.؟؟رتـبـهـا وتـلاقـيـنـي.؟

فـقـر مــال.. فـقـر حـــال.. وفـقــر حـيـلـه وطـلابــه..
فــقــر حــظ كـريـم..أمـدلــه كـفـي ويـعـطـيـنـي..

فـقــر ديـن..فـقـر دنـيـا..وجــوع تـنـهــش أنـيـابــه..!
فـقــر راحـه..فـقـر صحـه..فـقـر فـرحــه تنـسـيـنـي..

فقـر..أيـه الـفـقـر يـعـنـي ضـيــاع الـعـمـر وركـابــه..
فـقـر.. يعـنـي فـقـر يـعـنـي عــذاب وظـيـم مالـيـنـي..

وراس الـفـقـر..وراس الجــوع..وعـمـر طــارت أسـرابــه..
وحـــق الـدرهــم الـلــي مـانــوى مـــره يـخـاويـنـي..

رضعت الويل مـن صغـري ولبسـت الحـزن وثيابـه..
علـى شـط الشقـاء مـولـود وهـمـي كــان يرويـنـي..

تقـطـع وجـهـي وجـلــدي بـنـاب الـفـقـر ومـخـلابـه..
ولـكـنـي عـزيــز الـنـفـس ولـو أحــتـاج تغـنـيـنـي..

كسـانـي ثـوبـي المشـقـوق وبـيـن الـنـاس أزهـابـه..
وكلـن يـلـتـفـت يـمـي يـظـن بتـنكـسر عـيـنـي..

حشـا ماتنكسـر عيـنـي وأنــا الـلـي وقـتـه يهـابـه..!!
عــزاي أنــي فقـيـر وصــارت الـنـظـرات ترمـيـنـي..

عـيـون الـنــاس تطعنـي..وكـلـن يـغــرس أحـرابــه..
بعـض عـيـون أقـدرهـا وبـعـض عـيـون تدميـنـي..!!

وشـلــي مـابـعـد قـلـتـه وتـبـغـى تـعـرف أعــرابـه..
مـضـت سـاعـات أتـكـلـم وأنــت بــس تـوحـيـنـي..

تبـي تعـرف حكايـة عشـق وبـنـت حيييييـيـل لعـابـه..
تبـي تعـرف عـن أسبـاب الجفـاء مابينهـا وبينـي..؟؟

تـخـيـل جـتــنـي وقـالـت فــمـان الله يابــابــا..
تــشــرفــنــا بـمـعـرفــتــكـ ويالله لاتــأذيـنـي..!!

وأنـا أعـشـقـها "ثمـان سنـين" وهـي (تلـعب وكـذابــه)..!!
تـسلي نـفـسـها فـيـنـي ونهايـتـهـا تـخـلـيـنـي..!!

تـبـي تـعـرف حكـايـة قـبـر وطفـلـه تسـكـن تـرابــه..
تــبــي أقــولـك مـظـلـوم ودم الـطـفـلــه بـيـديـني..

تـبي تعـرف وش الـغربـه ومـن الـلـي طـول غـيـابـه..؟؟
تـبـي أحـكـي قـبـل أعـوام بالتفصيـل أنـا ويـني.؟؟

تـبي أحـكي لـك عـن الـزاهـد وعـن ذنبـه فـي محـرابـه..
دخيـلـك مـاأقـدر أتكـلـم خــلاص أرجــوك أعفيـنـي..

قـسـم بالله فـــي صـــدري مـديـنـه تلـتـحـف غـابــه..
مـديـنـه سـاكـنـه قـلـبـي وغـابـتـهـا شـرايـيـنـي..

دخيـلـك سـكـر المـوضـوع وشفـلـك شــي تسـلابـه..
أنــا مـنـك ألاقـيـهــا أو ألـقـاهـا مـن سـنـيـنـي..

ودي...