تغطيهـ لمسسلسل .. آميمة في دآر الآيتآم ...}~

08-25-2010, 01:45 PM

انا : آششوآق

اضفني كصديق

السلام عليكم ورحمة الله وبركاته
وكل عام وانتم بخير ياحلوين

..

نبذه عن المسلسل :

المسلسل على حسب مافهمته
انه عبارة عن طرح إجتماعي تربوي من ثلاثين حلقه
وهو يتكلم عن اللقيط وعن المعاناة الي يمر فيها
ويقولون الدراما الخليجيه اول مره تتطرق لهالشي من النوع !!؟ << يقولون
وعلى كلامهم يقولون انه يحتوي على الكثير من القضايا ويقدم النصايح الزينه لفئة مهمه من الفئات العمريه الاوهي ( المراهقات)
والعمل يتكلم عنهن وعن مشاكلهن النفسيه والتعليميه لكن باكثر من قالب
واهم القضايا اللي سيطرحها العمل هو قضية الفراغ العاطفي << العن بو ذا الفراغ لاعبن بالخلق لعب
المهم الزبده ان هالمسلسل بيطرح خطط للاسر عشان يعرفون شلون يتعاملون مع عيالهم بهذا السن
( مع اني اعترف ان تمحيط ابوي ادا معي لنتيجه )

بس خلونا نشوفه اول بعدين ونحكم

..

العمل من بطولة / هدى حسين - وطيف - والهام الفضاله اللي لعبت بخشمها وغدت شينه
بالإضافة إلى ( باسم عبد الأمير - أحمد مساعد - أسامة المزيعل) .
ومن تأليف الكاتبة هبة مشاري حمادة

..

الشخصيات :

هدى حسين وهي تمثل بشخصية أميمه .. اللي هي مديرة الدار
وتبي تعاني هي كثير بالمسلسل بحكم انها المديره حقت الدار
ويقولون انه لها حاله ومشكله بداخلها وصلتها لهالمكان .. ولانه يوجد سبب معين << بيكون فيه مفاجآه

طيف وتمثل بشخصية ام علي المربيه
وهي مربيه بالداره وحنونه من يوم ماطلعت على وجه الارض << طبعاً بالمسلسل بس بالصدز مدري عن امها
ويقولون انها سخرت حياتها وتلبي طلبات البنات اللي بالدار من يوم ماطلعن وشاوفو وجه النور
وانها هي اكثر وحده تعرف مشاكلهن وادق اسرارهن

الهام الفضاله وتمثل بدور اخصائية نفسيه << موسوسه يعني
تمثل بالدار على انها اخصايئة نفسيه وساعدت بتربية البنات من يوم انهن صغار

بثينه الرئيسي << ترا اسمها تسذا
لاني اول ماقريته حسبتها وحده اسمها بثينه وتأدي دور رئيسي بالمسلسل

بثينه هذي تمثل بشخصية وحده اسمها دانه وهي " مريضة نفسياً "
وهذا حتسيها هي ناسخه وهي تتكلم عن نفسها بالمسلسل
( أقوم بتجسيد شخصية دانة وهي بنت لقيطة تظهر ابتداءً من الحلقة الثانية وتستمر للثلاثين
تتبناها في البداية أسرة كويتية حتى يصبح عمرها 19 سنه
ثم يكتشفون أنها لقيطة فيتخلون عنها ومن ثم تلتحق بالدار وتمر بحاله نفسية سيئة بسبب عدم تأقلمها مع بنات الدار
لذالك تحاول الإنتحار ومع مرور الأيام تتأقلم معهن وتحبهن وتأكل وتدرس وتعيش معهن في الدار
وتأكد بثينة على أن الدور جميل وممتع وتتمنى أن تنال استحسان المشاهدين . )

( عفون مالقيت صورة لهالشخصية << حست ام قوقل مالقيت شي )

شوقوتمثل بدور ( شيخه المطهبله )
وتقول انها بالمسلسل راح تكون شخصية مختلفة عن باقي زميلاتها في الدار ، بس انها طيبه وعفويه وتحب صديقاتها
وانها متعلقه بصديقتها سبيكه ( اللي تمثله فاطمه الصفي ) وتشاركها بمقالبها .

إلهام محمد من الامارات وتمثل بدور ( أمينه << هذا اسمها .. وراعية بربرة الزايده )
وهي بالمسلسل بنت عمرها 19 سنه .. يتيمه وعايشه في بيت دار الايتام .. وهي تكون صديقه عايشه ( اللي هي شجون الهاجري << وياصبر الارض )
بس هذي أمينه تتصف بصفة موب زينه ابد ابد .. اللي هي انها تنقل حتسي وتبربر بزياده عن اللزوم

شجون الهاجري << وياصبر الارض مره ثانيه
وهي تمثل بدور ( عايشه الفجعانه << حاولت اني افسر معنى فجعانه
قلت يمكن انهم غلطانين بحرب الفاء ويقصدون حرف واو على انها وجعانه )
بس ماش ماضبطت معي

المهم شجون ذي قلنا تمثل بدور عايشه وهي صاحبه شخصية خبله .. وخفيفة دم << والله ماهقيت
تحب الاكل مهما كانت حالتها النفسيه << اها قصدهم بفجعانه يعني جوعانه
وعلى انها نحيفه .. بس انها تاكل واجد واجد << لايكون بس تمثل شخصيتي انا وانا مدري
ويقولون ان شجون الهاجري طلعت كل حيلها بالمسلسل
لانه على كلامها تقول هالنص اعجبني .. وطلعت كل طاقتي فيه << ياربيه اتعب انا تسذا

فاطمه الصفي وتمثل بدور ( سبيكه الرياضيه << ترا هذا اسم وهوايه .. موب عياره )
وهي بنت شقيه تموت بشي اسمه مقالب .. بس انها طيبه وتحب تمارس الرياضه
وعشان ماخرب عليكم المسلسل
تراهم ماقالوا انها هي الوحيده اللي بتعرس وتتزوج بآخر المسلسل

ليماء طارق << تراني ماكنت خاقن معتس ابد
وهي تمثل بدور ( البنت العاقله << اروح كشنه ياناس على العاقلين )
ولمياء بتمثل بدور البنت اللي بآخر سنه بالثانويه وعمرها 17 << طبعن بالمسلسل ياذكيين موب بالصدز
ويقولون انها بالمسلسل هاديه وذكيه وصادقه وماتكذب وتحب تدرس بسم الله عليها .. وهي ادفر وحده بينهم

ملاك وتمثل بشخصية ( حنان المشاغبه ) << يلعن ابو هيك دار كلهم مشاغبين ومهايطين

المهم ملاك هذي تقوم بشخصية حنان
وهي كما جرت العاده انها بنت مشاغبه تحب الثياب واللبس والمكياج وتهتم بمظهرها الخارجي
بالعربي الله يعين اللي بياخذ وحده تسذا
ويقولون بعد انها تحب المغامرات الجريئه
يعني لو تقولها وش رايتس نطب من فوق الجسر المعلق
ماتقولك لا

الممثله القطريه نجوى وهي تمثل بشخصية ( ليلى الرومنسيه )

باريفت :

( تراني كنت كاتب نجوى فؤاد .. ومانتبهت الا يوم جيت انزل الموضوع << قلب البنت رقاصه )

ونجوى هذي بنت رومنسية تحب الاهتمام بالمظهر الخارجي زي خويتنا اللي قبل
بس هي تحب انسان معين << ياربيه
وتبي تعرس عليه .. وتتزوجه .. بس للاسف واجهت الكثير والكثير من المشاكل << والله لو اني المخرج ماخليتتس تواجهين ولا مشكله

..

وهذي بعض من كواليس المسلسل :

موب تسن شجون لابسه دبله <<

..

أوقات العرض :

توقيته على قناة الراي : يومياً 3:35 عصراً
( 12:35 بتوقيت غرينيتش )
وتعآد 02:20 الفجر
و 10:15 الصبح ع مآ اعتقد

توقيته على قناة سما دبي :1 الليل

..

صورة جماعية لطاقم العمل

..

وهذي نبذه بسيطه عن المسلسل ونجوم المسلسل

.. جآز لي الموضووع قلت نقلهـ لكم .. :)

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
قريبا	بقلم :	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)

تغطيهـ لمسسلسل .. آميمة في دآر الآيتآم ...}~

°• قسم المسلسلات والمسرحيات ●~