baderfahad
02-25-2010, 09:35 AM
في خفوقي لك حكايه
ضمها كتاب شاعر،،
وفي عيوني لك مدينه
~ياحلوها من مدينه~
أنت لو تامر على روحي
من غلاتك بس تامر،،
فدوى روحي من غلاتك
والله ماهي بالثمينه!
شفت عاد إيش قد غالي!
لا...وعندي شئ آخر؟
((كل هالعالم بدونك
أشبه بدمعه حزينه!))
أحنا قصتنا قديمه،،
وحبنا صادق وطاهر٠٠
أنقى من حبة رذاذ !!
فوق خد الياسمينه٠٠
أحنا لو نكتب "عشقنا"
ضاقت أوراق الدفاتر!!
وأن كتبنا شئ . .
تبقى اغلب كنوزه دفينه!
أنت تبحر في ~عيوني~
وانا في ~عيونك~ اسافر
فوق غيمه من =محبه=
لا شراع٠٠ولا سفينه،،
<جيت لك> كلي وضوح
بلا قناع ولا مظاهر..
<وجيتني> من طيب اصلك
لا غرور ولا ضغينه
تذكر بأول لقانا..
كيف خانتنا الحناجر!!
الحكي عيا٠٠وحروفه
في حناجرنا سجينه؟!
وكانت عيونك مرايا،،
بعثرت اوراق شاعر !!
وكنت أقرا في عيونك
< رعشة الشوق وحنينه >
كانت الفرصه دقايق٠٠
عشتها مثل المغامر٠٠
مرني فصل العواصف
والهداوه٠٠والسكينه٠٠
تصدق اني من بعدها
صارت ضلوعي منابر،،
كم تعلاها خفوقي
يشجب البعد ويدينه،،
بصراحه في"غيابك"
تنغلق كل المعابر!
كل هالدنيا~بدونك~
تنقلب صحراء..وشينه!
افتدي نظرة عيونك
واشتريها بألف خاطر
ومن غلاتك بس عندي!
عيني صارت لك مدينه،
اهداء خاص
ضمها كتاب شاعر،،
وفي عيوني لك مدينه
~ياحلوها من مدينه~
أنت لو تامر على روحي
من غلاتك بس تامر،،
فدوى روحي من غلاتك
والله ماهي بالثمينه!
شفت عاد إيش قد غالي!
لا...وعندي شئ آخر؟
((كل هالعالم بدونك
أشبه بدمعه حزينه!))
أحنا قصتنا قديمه،،
وحبنا صادق وطاهر٠٠
أنقى من حبة رذاذ !!
فوق خد الياسمينه٠٠
أحنا لو نكتب "عشقنا"
ضاقت أوراق الدفاتر!!
وأن كتبنا شئ . .
تبقى اغلب كنوزه دفينه!
أنت تبحر في ~عيوني~
وانا في ~عيونك~ اسافر
فوق غيمه من =محبه=
لا شراع٠٠ولا سفينه،،
<جيت لك> كلي وضوح
بلا قناع ولا مظاهر..
<وجيتني> من طيب اصلك
لا غرور ولا ضغينه
تذكر بأول لقانا..
كيف خانتنا الحناجر!!
الحكي عيا٠٠وحروفه
في حناجرنا سجينه؟!
وكانت عيونك مرايا،،
بعثرت اوراق شاعر !!
وكنت أقرا في عيونك
< رعشة الشوق وحنينه >
كانت الفرصه دقايق٠٠
عشتها مثل المغامر٠٠
مرني فصل العواصف
والهداوه٠٠والسكينه٠٠
تصدق اني من بعدها
صارت ضلوعي منابر،،
كم تعلاها خفوقي
يشجب البعد ويدينه،،
بصراحه في"غيابك"
تنغلق كل المعابر!
كل هالدنيا~بدونك~
تنقلب صحراء..وشينه!
افتدي نظرة عيونك
واشتريها بألف خاطر
ومن غلاتك بس عندي!
عيني صارت لك مدينه،
اهداء خاص