أحلااااااااااااااااام

[صدى الالم]

http://s3.directupload.net/images/091215/pkb4qj39.jpg
من يوم فراقك وإنتى معودانى تزورينى فى الحلم كل يوم والتانى أحلام تصبرنى وتمسح شيىء من أحزانى



رغم إنك فى الحلم مبتبقيش بريئــة لسة شايف حبك طاهر مش خطيئـة وإيه بإديا .. مكتوب عليا أنجرح فى الحلم وفى الحقيقــة



بتلذذ بالجرح كأنه بلسم دوا موصوف واستناكى م الحلم للحلم بشهوة الملهوف وييجى الحلم بنفس أنينه ملينى برهبة كاسينى بخوف



حتى فى الحلم وفى خيالـى مش طايل نجمك العالـى أعمل إيه لا الذمن نسانى طيفك ولا رخص حبك الغالــى

بنام مخصوص عشان أشوفـــك وأتنفسك والمس كفوفــــــك وأغازلك بقصايد هوى ألمح فى تعبيرها كسوفـــك



ليه عيونك المهاجرة رافضة تسمع صوت أذان نفسى أشبع من دفاهم وأرتوى منهم حنان ليه بعدتى وشبحك لسة بيجرى ورايا فى كل مكان




طيفك لسة بيراودنـى
صورتك لسة بيطاردنى
حبك فى القلب زاد وكرباج البعاد لساه بيجلدنــــــى

حبك لسة باقـــى لسة فى سمك ترياقى مشتاق للصدفة و مرارة اللهفة مالهاش دوى إلا التلاقــى



ورغم إنى باسترخصك لساكى غاليـة رغم إنك شيىء ضئيل لسة شايفك نجمة عاليــة



( نفسى أقولك إبعدى إمشى )



رغم إن المر بعدك زاد مرار إمشى .. خلينى أفوق من شعور الإنكسار إمشى .. خلينى أملك لو مرة حق الإختيار

نفسى أقولك إمشى وياريت بإمكانى
أطردك من حلمى ومن كل وجدانى
أقولك إمشى وألعن فى كل كتاب وهم الحب الأولانى


إجرحى فى كل حلم وأنا راضى بجرحك
بس أشوفك فى المنام وألمس ملامحك
وإن كان عالذنب متخافيش
ده كل حلم بتجرحينى فيه
بأصحى أسامحك